زواج 4الاخير

البارت التاسع عشر (((( وجع )))) الحياة مش بتقف علي حد ديما بنكمل سواء اللي اختفي من حياتنا دا كان كويس و اختفي غصب عنه سواء كان سيء واذانا قبل ما يختفي وكان بمزاجة في الحالتين لازم نكمل وجوانا حتة وجع كدة بتبدء كبيرة وبتصغر مع الوقت لحد ما بنكمل حياتنا بيها عادي جدا بل وبتبقي جزء من شخصيتنا كمان وقفنا لما عمار كان بيكلم راوية👇👇 عمار … حبسك ليه وساحب تلفونك ليه ؟ دا وقت خلاف اصلا ف ظروفكم دي ؟ راويه بقهر … عشان كمان تلت ايام هيجوزني غصب عني للمعلم اللي شغال معاه عمار بغضب … نعم ؟ يجوزك غصب ازاي يعني هي سايبة وانتي مرفضيتش و اتمسكتي برايك ليه راويه … رامي من بعد الدفـ,ـنة بتاعت ماما وهو بيضـ,ـربني بسبب اني رفضه وحبسني وخد التلفون مني اعمل ايه محدش من الجيران راضي يدخل ويخلصني منه بسبب خوفهم من الناس البلطجيه اللي هو شغال معاهم وأهل بابا اتصلت استنجد بيهم قفلو التلفون في وشي وقالو ملناش دعوة ( سكتت وخدت نفس ) استاذ عمار انا بس طلبه منك توصل وصيه ماما ل زهرة ضروري وانا هرضي بنصيبي الحمد لله علي كل حال عمار بهدوء … بصي يا راويه انا عندي ظروف صعبه اوي ومع ذلك مش هقدر اسيبة يعمل فيكي كدة تقدري تنزلي القاهرة وتيجي ع عنوانا ؟ ولا صعب ؟ راويه بتردد … م مش عارفه اقدر ولا لا بس رامي يعني عمار بقوة … سيبك من رامي واللي معاه خالص متشغليش بالك بيه كدة كدة ليا حساب معاه مخلصش ها يا راويه لو كنتي هنا معايا صدقيني هقدر احميكي بس بسرعه لان فعلا مشغول ورايا تحقيق ومستشفى وليله كدة راويه بتفكير … ا انا ممكن افهمو اني خلاص وافقت يمكن يهدي عليا شوية ويبطل ضـ,ـرب فيا و في فلوس في المطبخ ماما كانت مخبياها منه هخدها واهرب واجيلكم بس اكيد مش هعمل لحضرتك مشكله ؟ عمار بوجع … لا يا راويه انتي زي اختي ومينفعش اسيبك في ظرف زي دا المهم اول ما تنزلي القاهرة كلميني علي طول وانا احتياطي عشان لو تلفوني كان فاصل هبعتلك العنوان بالتفصيل في رساله علي رقم دا تمام راويه ابتسمت بأمل … تمام حاضر شكرا جدا لحضرتك عمار … العفو ع ايه يلا هسيبك انا دلوقتي معلش راويه … اوك مع السلامة قفل عمار وبص لاقي توحيدة غيرت هدومها وقاعدة حواليها فلوس ودهب وبتحطهم في شنطة صغيره و مندمجة اوي وكأنها نسيت وجودة معاها عمار … حضرتك بتعملي ايه ؟ توحيدة بصتله … بنقذ ابني هحاول افديه بالفلوس دي يمكن وقتها يسبوه في حاله ونخلص من الحوار دا كله بقا عمار بسخريه … هه يسبوة في حاله عموما اعملي اللي تعمليه ابنك ميخصنيش يرجع ولا لا سلام عمار نزل ودماغه من كتر التفكير هتنفجر اهم حاجة عندة دلوقتي ينقذ سمعت اختة ويطلقها من معتز راح قعد في كافيتريا وطلب قهوة وطلع سجايرة وفضل يفكر محسش بالوقت فصل عبري الوضع دا اكتر من نص ساعه واخيرا اخد القرار و طلع تلفون لمار و خد الرقم بتاع حسن علي تلفونة وبعته لحد واتصل بيه عمار … يوسف باشا ازيك يوسف زميل عمار … عمار باشا بنفسه بيكلمني دا ايه المفاجأة الحلوة دي وحشني يا راجل عمار ابتسم … حبيبي تسلم انا كنت بصراحة طالب منك خدمة شخصيه ينفع ولا هعطلك عن حاجة ؟ يوسف … اكيد طبعا ااموريني يا باشاتنا ومفيش عطلة ولا حاجة انا إجازة الاسبوع دا كله كدة كدة عمار … الأمر لله وحدة طب تمام بص انا بعتلك رقم تلفون علي الواتس دلوقتي عايز اعرف مكانة فين وعايز كشف بكل مكالماتة اخر اسبوعين تلاته كدة يوسف … غالي والطلب رخيص يا حبيبي اديني ساعتين زمن وكل اللي طلبته هيكون عندك أن شاء الله عمار … تسلم يا يوسف دا العشم بردو يوسف … تمام يا غالي يلا سلام وساعتين واكلمك بالمفيد عمار … تمام مع السلامة ❈-❈-❈ عمار قفل التلفون واتنهد بحزن علي حاله وعلي الوجع اللي في قلبه اتصل علي انس واطمن أن وضع لمار بدء يستقر و اتصل علي مكة واطمن أن زهرة تمام طلع علي القسم اللي متقدم فيه البلاغ بس لما وصل اتفاجا بلي عرفو عمار بغضب … يعني ايه مفيش محضر معمول بالاسم دا بقولك انا متاكد وفي تلفون متحرز كمان اللي عليه الفيديو ازاي يعني تقولي مفيش محضر انت اجننت يا امين انت فين الظابط اللي هنا خرج الظابط … نعم ادي الظابط جيالك بنفسه اهو في ايه ومعلي صوتك كدة ليه فاكر نفسك في صالة بيتكم عمار طلع الكارنيه بتاعه وادهولو من غير ما يتكلم بس نظراتة كانت كلها غضب الظابط بخوف … ا اهلا وسهلا يا باشا القسم كله نور والله اسف اللي ميعرفك بقا اتفضل علي مكتبي نشرب القهوة مع بعض ونتكلم اتفضل دخلو المكتب وعمار قعد واتكلم بهدوء … انا عايز افهم حصل ايه عشان المحضر يختفي (رفع حاجبه وحول نبرة صوتة وقال بتحذير مخيف ) اوعي تفكر تقولي أن المحضر متعملش اصلا زي الأمين الخايب اللي برة اووووعي اتكلم حصل ايه يا ؟؟ اسمك ايه صحيح ؟ الظابط … احمد يا باشا عمار … تماما سمعك يا احمد اتكلم احمد … احم هو يعني بصراحة يا باشا من نص ساعه كدة جت الست اللي عملت المحضر وطلبت تتنازل ولما الأمين محمد غلس عليها عشان يعرف حصل ايه قالتله أن ابنها كويس وفي البيت و اتفاهم مع اهل البنت اللي معاه في الفيديو ودي وان الله حليم ستار ودي سمعه وليه وكدة وان طالما هي هتتنازل يبقي قانونيا محدش مضرور وان اهل البنت هيسكتو عشان يسترو عليها وفضلت تعيط للأمين كتير جدا صعبت عليه والمحضر مكنش اتاخد فيه أي خطوات رسميه لسه طلعه وقطعه وبعد ما الست مشيت جة وقالي وقلتله تمام بصراحة يعني مشكله واتحلت ودي وخلصنا منها لكن معرفش أن حضرتك طرف في الموضوع من قريب أو من بعيد حتي عمار … ممممم تمام يا باشا انا دلوقتي جاي بشكل رسمي عايز اقدم بلاغ في جوز اختي لمار اللي هو معتز أنه ضـ,ـربها ضـ,ـرب مبرح ادي أنها خسرت الجنين اللي كان في بطنها وهي في شهرها السابع وأنها حاليا في العنايه المركزه وحالتها غير مستقرة يعني شروع في قـ,ـتل هتمشيها معايا رسمي ولا بتقولي ودي وبالحب بردو ؟ احمد اتوتر بس لحق نفسه واتكلم بثبات … علي ما حضرتك تشرب قهوتك كل حاجة هتكون خلصت يا باشا عمار ابتسم وسكت ❈-❈-❈ نرجع ل راويه بعد ما قفلت مع عمار قفلت التلفون خالص و خبته كويس وبدأت تفكر تقدر تهرب من هنا ازاي خافت الوقت يسـ,ـرقها قامت تحضر الاكل ل رامي بدل ما يضـ,ـربها كالعادة وهي بتعمل الاكل افتكرت الادويه بتاعت ماماتها واللي كان منهم دوا بينيمها جدا مدة طويلة جريت علي اوضه خديجة و طلعت الدوا واخدت منه حبيتين وطحنتم كويس اوي وحطتهم في طماطم قبل ما تضيفها علي المكرونة واتنهدت بارتياح أنها خلصت قبل ما رامي يوصل وبيان عليها الارتباك عدي حوالي ساعه و رامي رجع من برة لاقاها قاعدة علي الكنبه جمب الشباك وساكتة تماما رامي … قومي اتحركي حضريلي اكل بسرعه لازم انزل تاني راويه … حاضر ثواني والأكل يكون جاهز راح علي أوضتة وفتحها بالمفتاح وسابه في الباب ودخل غير هدومة وخرج كانت حطت الاكل علي السفرة قعد وبدء ياكل رامي … خير ساكتة يعني ومش قلباها مناحه زي كل يوم ؟ ايه القطة كلت لسانك ولا ايه ؟ راويه … ما انا لو عيطت تاني هتضـ,ـربني تاني وانا جسمي وجعني يا رامي مش قادرة استحمل ضـ,ـرب والله رامي … وياريته بيحوق فيكي الضـ,ـرب دا كله الا بردو دماغك ناشفة وعايزة كسرها راويه بقهر … اللي انت عايزه اعمله يا رامي بس بطل ضـ,ـرب فيا الله يخليك رامي ابتسم … شاطرة احبك انا كدة ( فجأة حس بدوخة ) ا ااه راويه لما حست انه داخ خافت يشك فيها وخافت اكتر يعمل فيها حاجة قبل ما الدوا يعمل مفعوله راويه … مالك ؟ شكلك عايز مايه هروح اجبلك ثواني جريت راويه علي اوضة رامي الوحيدة اللي ليها مفتاح واللي ل حسن حظها نسيه ف الباب بعد ما غير هدومة دخلت وقفلت علي نفسها لحد ما تتأكد أن المنوم عمل مفعول رامي بصوت ضعيف … ر راويه …. ااه انتي يا زفت___ة دماغي هتتفرتك رحتي فين ( حس أن عينيه بتقفل ) م مش هسيبك مش هسيبك وفجأة راح في دنيا تانية خرجت راويه براحة من الاوضه ولما لاقته واقع ع الارض ومش حاسس بحاجة جريت علي اوضتها و حضرت شنطة صغيره فيها كام طقم ليها و جابت الفلوس من المطبخ وتلفون خديجة و خرجت قربت من رامي بهدوء وخوف طلعت المفاتيح وجريت علي باب الشقة فتحتة و نزلت وهي الخوف مالي قلبها بس علي قد خوفها علي اد إصرارها أنها تهرب وتجري بعيد عن المكان دا تجري بعيد عن شخص المفروض أنه يكون امانها وسندها تهرب من اخ عايز يبيعها دموعها كانت نازله كل ما تمسحهم تفتكر حاجة يرجعو ينزلو تاني وصورة خديجه في خيالها مش بتفارقها ابدا اد ايه العالم كله فضي من حواليها بعد خديجة ما سبتها اد ايه هي لوحدها (( وحيدة )) ❈-❈-❈ عمار كان لسه في القسم مستني يتأكد بنفسه أن كل حاجة تمت وحلف ميرجعش المستشفى تاني الا لما يتأكد أن معتز في الحبس وهو قاعد تلفونة رن برقم يوسف عمار … يوسف باشا يوسف … حبيبي … انا قدرت اوصل للي انت عايزه هتلاقيه كله عندك علي الواتس كشف للمكالمات و حاليا التلفون في فندق اسمة …. في وسط البلد وثابت من مدة كبيرة عمار … بجد شكرا اوي يا يوسف دي خدمة كبيرة عمري ما هنسهالك ابدا يوسف … عيب عليك يا باشا متقلش كدة انا معملتش حاجة واي وقت تحتاج حاجة كلمني اخوك موجود عمار … اكيد يا حبيبي تسلم سلام يوسف … سلام طلع عمار كشف المكالمات وركز فيه جامد وابتسم لما خمن حاجة يقدر يخفي بيها حسن خالص ويطمن علي سمعه أخته في الوقت دا دخل احمد احمد … تمام يا باشا انا رحت بنفسي المستشفى وجبت تقارير من هناك بحاله مدام لمار وطلعت علي البيت ولاقيت معتز مع والدتة بس حالته كانت صعبه جدا بس اطمن احنا جبناه معانا هنا وفي ظابط زميلي بياخد اقوال الجيران هناك عمار … حالته كانت صعبه ازاي يعني ؟ احمد … يعني مضروب علقه محترمة شكل أهل البت إياها ظبطوة عمار … تمام انا عايز اشوفو وبعدها هتحرك انا اشوف اشغالي بس هتابع معاك اول باول كل حاجة تمام يا احمد باشا احمد … حاضر يا باشا ( رفع سماعه وطلب الأمين ) أيوة يا محمد هاتلي معتز علي هنا بسرعه يلا خبط محمد ودخل و وراه معتز ال ملامح وشه مكنتش باينه من كتر الضـ,ـرب والدـ,ـم خارج من كل مكان في جسمة ومش قادر يقف ورغم ملامح التعب والحزن اللي كانو علي وشه إلا أنه أول ما لمح عمار قاعد الفزع اترسم علي وشه بوضوح شديد شاور احمد ل محمد يخرج وهو كمان من غير اي كلام خرج وساب عمار مع معتز لوحدهم عمار فضل باصص ل معتز من غير كلام نظراتة كانت كلها قوة وقسوة وغضب اما معتز ف كان مرعوب من عمار مع تعب جسمة والأحداث اللي شافها في اليوم كله كان مش قادر يقف علي رجليه وبعد صمت دام مدة طويلة اتكلم عمار عمار … أهل البت ولا أهل جوزها سابوك ازاي ؟ معتز بخوف … ت ت ت عمار … لا اهدي كدة ومن غير تأتأه انا مش هقعد اليوم كله مع جنابك يعني هااااا معتز بصوت ضعيف … ا ا انا اصل هو انت عايز ايه يا عمار عمار برفعه حاجب … باشا …. عمار باشا واللي عايزه حاليا تجاوب علي اي سؤال أسئلة بدون كلام كتير أنجز معتز … بعد ما ضـ,ـربوني عشان يوصلو ل بوسي واحدة من صحبها اتصلت وقالت إنها كلمتها وحاليا عندها ولأنها مش عايزة مشاكل اتصلت قالت لأهلها ف يعني راحو جابوها من هناك و بعد علقه دي مضوني علي وصل أمانة وسابوني عمار وقفه … الله هما اللي جم خدوك من قفاك أهل بوسي ولا أهل جوزها عشان ابقي فاهم معتز كشر … اخو بوسي متجوز بنت خاله جوزها عمار بتفهم …. ااااه منهم فيهم يعني عشان كدة انت متروق تمام معتز … واخرتها ايه ؟ بلاها اقسام وفضايح وكفايه لحد كدة انا هطلق لمار وهديها كل حقوقها كمان وخليني أخرج من هنا عمار بسخرية… ت ايه ؟ سمعني تاني كدة تخرج من هنا ؟ هههههههههههههههه سوري بس ضحكتني اوي انا راجل قانون يا باشا وكله هيمشي قانوني للآخر وواثق في قضاء البلد دي يجيب حق اختي اللي كانت هتمـ,ـوت في ايديك انا بس كان عندي فضول اعرف انت خرجت من تحت أيديهم ازاي يلا انت ابن حلال وتستاهل سلام خرج عمار ومهتمش بنداء توحيدة المستمر له رجع علي المستشفي وهو حاسس أنه مش مهيء لاي صدمات أو اخبار تاني انهاردة وقبل ما يقرب من المستشفي اتصل عليه انس عمار بلهفه … أيوة يا انس ف حاجة ؟ انس … اهدي مفيش حاجة انا متصل اطمنك أن لمار فاقت وبقت احسن عمار بترقب … طيب والمضاعفات ايه ؟ ولا هي الحمد لله كويسه ومحصلش مضاعفات انس بتردد … هه ا الحمد لله طبعا علي كل حال تعالي بس واطمن بنفسك لما تيجي عمار … تمام يا انس انا فضلي خمس دقائق واكون عندك مش متأخر انس … تمام مع السلامة عمار… سلام اتنهد بحزن وراح وهو حاسس ان دخوله المرة دي المستشفي هيختلف تماما عن خروجة منها ❈-❈-❈ عند مكة كانت زهرة نايمة ديما بتلجاء للنوم عشان تهرب من واقع مفروض عليها وهي مش عايزاه طلعت هايدي ومعاها تالا و كريم تقعد معاهم بدل ما كل واحدة قعدة لوحدها وهما بيتكلمو حكت مكة ل هايدي المكالمه اللي دارت بينها وبين منار هايدي …. وانتي فعلا السبب ف المكانة ال هي فيها ولا دا مجهودها ؟ مكة … لو انا وقتها كنت بفكر زي ما هي بتفكر مكنتش وصلت ل كدة منار شخص روتيني جدا في شغله ومستر سعيد مش بحب كدة بيحب الشخص ال كيريتف اللي يفكر ويجيب افكار برة الصندوق وانا تقريبا ادتها كروس شامل في الحوار دا كانت يوم و يوم عندي هنا في البيت وكنت بديها افكار كتير و بعملها ملازم و ملخصات تساعدها لو اي مشكله واجهتها كنت بعمل كل دا بحب يا هايدي كنت مبسوطة يوم ما كلمتني وقالتلي أن مستر سعيد أداها مكاني انا مزعلتش أنها عايزة تحافظ علي مكانها مع اني كنت سبب اساسي فيه بس اتقهرت من الطريقه اللي اتعاملت معايا بيها اتوجعت يا هايدي اني اديت اوي من غير تفكير ف اي مقابل مبخلتش لا بوقت ولا معلومة مهما كانت كبيرة أو صغيرة ويبقي دا جزائي في الاخر بجد زعلت اوي اوي يا هايدي كان ممكن تطلب مني بطريقه تانيه كان ممكن تستني اصلا وانا كنت هرفض من نفسي والله وكنت هقولو يشوف اي مكان بعيدا عنها بدل ما تكلمني بالطريقه دي هايدي … عايزة نصحيتي وتوعديني تفكري كويس اوي فيها ؟ مكة … اكيد طبعا اوعدك هايدي … انتي هتروحي الشركة بنفسك وهتتكلمي مع مستر سعيد انك عايزة ترجعي بس مش علي نفس مكانك لأنك بقالك مدة كبيرة قاعدة وانك عايزة تسترجعي شغفك ونشاطك مع تيم جديد كله لسه باديء تتعبو فيه سوا وهو هيوافق انا واثقه مكة … و بعدين ؟ هايدي ابتسمت … ولا قبلين الشاطر بيفضل طول عمرة شاطر خليها تاخد المكان واديها خسرت اللي وصتلها اصلا للمكان دا خليه ينفعها خليها تشوفك وانتي بتكبري من الاول خالص قدام عينيها ولما تحب تتلون وتيجي تقولك صحبتي وحبيبتي والكلام دا اديها الكلمتين اللي تستحقهم في وسهل وسيبها وامشي مكة بتفكير … اقولها ايه يعني ؟ هايدي … قوليها انا مش صحبتك لا عمري كنت ولا هكون احنا زمايل في شركة واحدة فقط لا غير و زي ما انا كنت سبب ف نجاحك وقت ما اخترت اني ابعد اعرفي اني هكون سبب في انك تظهري تاني الشخص الروتيني وقت ما انا قررت ارجع وسيبها وامشي وارميها من حياتك كلها خالص صدقيني يا مكة هي اللي خسرتك مش انتي مكة ابتسمت … هحاول اعمل كدة انا مش بعرف اكلم حد بقسوة بس لو هي بعد ما نجحت بعيد عنها رجعت فعلا تقول كلمة صحبتي دي يبقي لازم تسمع الكلام دا فعلا …. شكرا يا دودي بجد هايدي … شكرا علي ايه يا عبيطة انتي اختي يا مكة ربنا يعلم بحبك انتي وزهرة قد ايه زهرة من وراهم بصوت ضعيف … وزهرة زعلانة منكم قاعدين ترغو سوا وهي مش معاكم يا رخمين ابتسمت البنات بفرحة وجريو عليها حـ,ـضنوها ❈-❈-❈ نرجع ل عمار وصل المستشفى وشاف انس واقف علي الباب من برة بيتكلم في التلفون سرع خطوتة ووصل كان انس بيقفل مع ماماته انس … تمام يا ماما هكلمك تاني اكيد … ماشي هقفل دلوقتي عشان عمار وصل …. مع السلامة …. تعالي يا عمار جه يتحرك وقفه عمار واتكلم ب خوف … طمني الاول لمار حالتها ايه فهمني قبل ما ندخل يا انس الله يخليك انس بحزن … الحمد لله يا عمار انت مؤمن اكيد أن كل اللي يجيبو ربنا كويس هز عمار رأسه من غير كلام ف كمل انس انس … لمار للاسف حصلها شلل رباعي نتيجة الاصابه في المخ اللي حصلت عمار عينيه دمعت وسكت وانس اتكلم بمواساه انس … عمار كله خير الحمد لله صدقني طبيا هي اتكتبلها عمر جديد حالتها كانت صعبه جدا معلش عارف أن حاجات كتير بتحصل فوق طاقتك بس انت قدها وانا معاك وجمبك يلا تعالي معايا والدتك فوق مش مبطله عياط تعالي خليك جنبها عمار اتحرك مع انس من غير كلام الكلام كله كان داير في دماغه مليون جملة و مليون سؤال اصوات كتير جوة رأسه بتتكلم مش عارف يسكتها بس كل الأصوات دي سكتت لوحدها اول ما باب الاوضه اتفتح وعينيه اتقابلت ب عيون اختة (( لمار )) وبدء الوجع ياكل في قلبه لدرجة أنه حط ايديه وفضل يدلك مكان النغزة اللي وجعاه لكن بدون فايدة ….. اتحرك وقعد قدامها علي السرير وهي لسه عينيهم متعلقه ببعض اتكلم بصوت يبان هادي لكن كله وجع وغضب وحزن عمار … ممكن تسيبونا لوحدنا شوية معلش الكل خرج من غير اي اعتراض وهي لسه عينيها عليه ودموعها نازله عايزة تتكلم مش قادرة بعد صمت دام شوية اتكلم هو عمار … عارفه انا حاسس بايه دلوقتي ؟ عارفه الوجع اللي جوة قلبي عامل ازاي بسببك دلوقتي ؟ عارفه انتي كسرتني ازاي ؟ ليه ؟ عملتي كدة ليه ؟ انا قصرت معاكي في ايه ؟ تعليم وفلوس وفسح و حب واهتمام وحنان مفيش حاجة بخلت عليكي فيها حتي معتز دا لا كنت مرتحله ولا كنت راضي عن جوازك منة لكني مقدرتش اشوفك حزينة و وافقت وديما كنت جمبك ومعاكي عمري ما بعدت عنك عمري ما حسستك أن في حد اهم منك عملتي كدة ليه ؟ ( دموعه نزلت وصوت اتخنق ) تعرفي حسيت بايه لما قريت القرف اللي بينك وبين الزفت اللي كلمتيه ؟ حسيت بس_كاكي_ن بتقطع في قلبي يا لمار حسيت انك مش بنتي اللي ربتها و كبرتها وجوزتها وكنت مستني اكتر منها هي نفسها اشوف بنوتتها كنت ساعات اسرح كدة واقول لما انا بحبك اوي كدة اومال هحب حتة مصغرة منك قد ايه وكنت اقول لنفسي اوعي يا عمار تحب بنت بنوتك اكتر من ابنك حبهم واهتم بيهم قد بعض كفايه مقدرتش تقرب بين زهرة ولمار خلي الاطفال قريبين من بعض ومفيش بينهم غيرة ….. كنت بقاوح اي حد يقولي اني بعاملك غلط … كنت رافض اي تلميح فية زعل أو حزن ليكي …. قوليلي انا قصرت في ايه ( صوت بكائه علي ) قوليلي يا بنت عمري انا غلطت في ايييييه عشان تكسريني كدة عشان تدبيحني بالشكل دا غلطت في ايييييييييه يتبع … الفصل العشرون الناس في حياة بعض محطات في محطة تندم انك وقفت عندها ومحطة متنسهاش عمرك كله راويه وصلت علي العنوان اللي عمار ادهولها كانت محرجة تدخل ولا لا بس خلاص وقت تردد عدي هي مش هترجع تاني طلعت علي شقة زهرة وعمار وخبطت ووقفت بحرج علي جمب وهي مش عارفه يا تري عمار بلغهم ولا لا خصوصا أن تلفونة غير متاح ثواني واتفتح الباب مكة … أيوة مين حضرتك راويه بحرج وخجل … هو هو استاذ عمار أو زهرة موجودين هنا ؟ مكة باستغراب …. عمار مش موجود زهرة موجودة بس نقولها مين الاول ؟ راويه …. ق قوليلها راويه بنت خالتك خديجة لو سمحتي مكة بتوجس … اهلا وسهلا ااتفضلي وانا هبغلها حالا اتفضلي دخلت راويه وهي حسه من نظرات مكة ليها بالكسوف اكتر واكتر وحست أن عمار مقلش لحد علي مجيها هنا ودا خوفها اكتر وخلاها مشتته مش عارفه تفكر وأثناء ما هي بتكلم نفسها كدة لاقت زهرة وافقه قدامها و وارها هايدي ومكة وكلهم ساكتين راويه بحرج … ا انا اسفه اني جيت من غير معاد ب بس استاذ عمار طلب مني اجي ف اسرع وقت و يعني انا مكنتش هاجي بس هو اصر وكدة ا انا اسفه لو هسبب لكم اي مشاكل او ازعاج بوجودي ا انا ممكن ارجع ل رامي أو اسافر ف اي مكان تاني بس يعني قاطعتها هايدي بعد ما حست بالشفقه عليها … خدي نفس لمدة ثواني واهدي وبعدين اتكلمي براحة وفهمينا بلاش التوتر دا حبيبتي زهرة بهدوء … خالتو ماتت مش كدة ؟ راويه عينيها لمعت بالدموع وهزت رأسها من غير كلام زهرة … وانتي جايه هنا ليه ؟ فاكرة اني هنسي اللي عملتوة فيا وافتحلك بيتي ؟ راويه وهي دموعها نازله … لا عارفة انك مش هتنسي وعارفه اني اذيتك بس والله العظيم غصب عني مكة …. زهرة انتي عرفتي منين أن خالتك ماتت ؟ زهرة ابتسمت … حلمت بيها حبيبتي وهي جايه تزورني وبقولها وحشتيني تعالي اقعدي معايا قالتلي لا انا جايه اسلم عليكي وهمشي خلاص معادي جة ( اتنهدت وكملت ) ولما قلتلها هتسيبني لوحدي يا خالتو قالتلي انتي هنا وسط اهلك وناسك وان جيالي أمانة تبعها قريب وبتوصيني احفظ الأمانة واصونها عندي راويه كملت … رامي كان ديما يضـ,ـربني ويسـ,ـرق فلوس ماما وطلعني من المعهد وخلاني اشتغل و كل قبضي كان بيخدة انا وقتها سكت خوفت منه والله وخوفت من اللي ممكن يحصل ل ماما وفعلا ماما لما عرفت الحقيقه وقت ما استاذ عمار وعمه كانو عندنا تعبت اوي واتنقلت المستشفي وماتت وانا معرفتش اعملها حاجة ( عيطت اكتر ) قبل ما تمـ,ـوت اخر حاجة نطقتها خلي زهرة تسامحني وبعدين ماتت …. و وبعدها رامي حبسني وسحب مني التلفون بتاعي عشان يجوزني للراجل البلطجي اللي شغال معاه مكة بتعاطف …. عشان كدة جيتي علي هنا ؟ راويه هزت دماغها برفض … لا لا انا كنت استسلمت خلاص كان رامي كل يوم يدخل من الباب يضـ,ـربني علقه جامدة جدا ويسبني اخر من تعبت كنت خلاص هوافق افتكرت بس وقتها وصيه ماما اني زهرة تسامحها وحكت لهم المكالمه اللي بينها وبين عمار وأنه طلب منها تيجي هنا وهو هيساعدها وأنها متخفش ابدا من رامي وأنه مشغول ب مستشفى وتحقيقات عشان كدا مقدرش يروح بنفسه ياخدها و طلب منها تهرب هي راويه خلصت كلامها وهنا زهرة انتبهت أن لا عمار ولا ابتسام ظاهرين فعلا الخوف اتملك منها أن تكون ابتسام تعبت وفي المستشفي زهرة بخوف … هو عمار بيقول مستشفي ليه ؟ وفين ماما ؟ مش هنا ليه ؟ ماما تعبت صح تعبت ومحدش قالي ؟ هايدي بسرعه … لا لا طنط ابتسام كويسه والله متقلقيش احنا ما صدقنا اتكلمتي زهرة …. اومال مستشفي ايه وتحقيقات وفين عمار و ماما وطنط ايمان ؟ ليه انتم بس ال معايا ؟ مكة و هايدي بصو لبعض بتردد و سكتو زهرة … طب قوليلي انتي يا راويه هو قالك في ايه بالظبط ؟ راويه هزت راسها بنفي وسكتت هايدي … لو هتوعديني انك تكوني هادية وقويه انا هقولك زهرة بهدوء … اوعدك والله قولي بقا ❈-❈-❈ هايدي حكت لها كل اللي تعرفه كانو خايفين عليها بس كانو عارفين انها عاجلا ام اجلا هتعرف اول ما هايدي خلصت كلام اتفاجات ب زهرة داخله ناحيه اوضتها بسرعه ولسه هتوقفها لاقتيها هي وفقت كأنها افتكرت حاجة ورجعت بسرعه تاني ليهم زهرة وهي بتتكلم بسرعه … راويه انا مش زعلانة خالص منك انتي أمانة خالتو ليا وانا هقدر اصون الأمانة دي أن شاء الله وبيتي هو بيتك مفتوحلك طبعا بس اعذريني دلوقتي لازم انزل المستشفى بسرعه لازم اكون جمب ماما مينفعش تكون لوحدها تمام مش هتاخر عليكي عن ازنك قالت كلامها كله مرة واحدة وجريت علي اوضتها عشان تغير هدومها وتروح المستشفي جريت وراها مكة مكة … زهرة انتي بتعملي ايه ؟ مفيش خروج من هنا ع فكرة دا عمار كان قتـ,ـلني فيها زهرة … انا هروح يعني هروح يا مكة قلتلك مقدرش اسيبهم في ظرف زي دا مكة ابتسمت … تسيبيهم دي جمع طنط ابتسام وعمار مش كدة زهرة ابتسمت ومردتش مكة … معقول يا زهرة قادرة تفكري فيه بعد ال كان هو سبب فيه زهرة … زي ما انتي قدرتي تنسي و تكملي حتي لما انهارتي رجعتي تاني نسيتي و سافرتي واهو لسه لحد دلوقتي بتحاولي تكملي مع انس صح ولا لا مكة … يعني انتي لسه بتحبي عمار يا زهرة ؟ مكرهتهوش ؟ زهرة … حاليا مش عايزة ولا قادرة افكر في اي حاجة بس الاكيد أن لا يا مكة مكرهتش عمار ولا اقدر اكرهه ف يوم مكة … طب ممكن اتصل علي انس اعرف الوضع هناك ايه دلوقتي مش يمكن يكونو راجعين اصلا في الطريق ؟ وبعدين البنت اللي برة دي هي اصلا محروجة لوحدها بلاش تزودي احراجها لما تنزلي استني نفهم الاول زهرة … ماشي يا مكة اتصلي ب انس لما نشوف اخرتها مكة طلعت التلفون و رنت علي انس اللي رد علي طول انس … ايه يا حبيبتي انتم كويسين ؟ مكة … الحمد لله الدنيا تمام متقلقش بس زهرة عرفت و مصرة تكون جمب طنط ابتسام وعايزة تنزل ع المستشفى دلوقتي قلتلها تستني لما افهم منك الوضع دلوقتي انس بتفكير … والله ما عارف يا مكة عمار هنا حالتة صعبه اوي وهو و طنط ابتسام اظن وجودها هيفرق كتير بس بردو هي لسه تعبانة وممكن عمار يضايق أنها نزلت مكة … هي لمار حالتها ايه طيب يعني ف امل تخرج انهاردة من المستشفى مثلا ؟ انس … لا مظنش الوقت بدأ يتأخر اصلا بس غالبا لو حالتها فضلت مستقرة ل بكرة ممكن أصر علي الدكتور و تخرج بكرة أن شاء الله بصي خلي زهرة عندك ل بكرة لو مجيناش تيجي هيا ايه رايك كدة مكة … تمام هقولها خصوصا أن راويه بنت خالتها جت تستنجد بيها من اخوها وبتقول أن عمار ال طلب منها تيجي انس … طيب انا هبلغو وانتي وهايدي اقنعيها تستني ل بكرة انا غالبا هبات هنا مع عمار وعمي اللي هيروح مع طنط ابتسام و خالتو خلي بالك من نفسك مكة … اوك حاضر وانت كمان خلي بالك من نفسك يلا سلام انس … سلام مكة قالت ل زهرة كلام انس وهي اقتنعت خصوصا أن صعب عليها فعلا تسيب راويه وهي محرجة اوي كدة لوحدها معاهم وهي متعرفهوش خرجت تاني وفضلو الأربع بنات قاعدين سوا ❈-❈-❈ نرجع ل عمار بعد ما طلع كل اللي جواه ل لمار طلع علي طول من الاوضة مستناش لحظة واحدة قدامها حاول يبان اهدي من كدة اداهم ضهره ومسح دموعه وبعدين خرج لهم انس … عمار انت كويس ؟ عمار بهدوء … انا كويس يا انس … هنقدر نخرج من هنا امتي ؟ انس … لو الحاله فضلت مستقرة أن شاء الله ممكن نخرج بكرة ( بص للكل وبعدين كمل ) علي فكرة يا جماعه زهره اتكلمت وكانت مصرة تيجي تكون جمب طنط ابتسام ابتسام من بين دموعها … بجد اتكلمت الف حمد وشكر ليك يارب بس لا متخليهاش تيجي يا انس الله يخليك انس كمل … متقلقيش مش هتيجي خصوصا أن بنت خالتها وصلت وبتقول صحيح يا عمار انك اللي طلبت منها تيجي صح ولا ايه عمار بتذكر … اااه والله دا انا سقطتها خالص من دماغي من كتر اللي انا فيه الحمد لله انها وصلت بالسلامة … والحمد لله أن زهرة بقت احسن محسن … طب طالما لسه لمار موجودة ل بكرة وجودنا هنا ملوش لازمة نروح بقا للي في البيت دول ولا ايه ابتسام … لا مش هقدر اسيب بنتي لوحدها ف حالتها دي عمار بهدوء … انا لازم ارجع البيت رامي اخو راويه مش هيسكت وممكن يتهجم علي البنات وهما لوحدهم لازم اخلص من الحوار دا وبكرة ورايا مشاوير كتير نيابه وتحقيق محتاج انام ساعتين حتي و وجودنا هنا ملوش لازمة يا امي هو سواد الليل وهتيجي الصبح أن شاء الله الكل استغرب رد فعل عمار كانو كلهم متخيلين أنه استحالة يمشي وأنه هيفضل قدام باب اوضه لمار مش هيتحرك هو كمان حس باستغرابهم بس تجاهله و كمل كلام عمار … ممكن تروحي معايا تاخدي ادويتك عشان في الطحنة بتاعت بكرة دي مكنش قلقان عليكي ؟ محسن … عمار معاه حق يلا دلوقتي والصبح بدري كلنا هنكون هنا معاها حتي تطمني علي زهرة بنفسك بدل ما نبص نلاقيها هي جايه واكيد هي لسه تعبانة يلا بينا بعد محاولات كتير مع ابتسام وافقت تروح معاهم مع وعد أنه من طلعه النهار هتكون هنا تاني مع لمار وخرجو كلهم من المستشفى في طريقهم البيت ❈-❈-❈ نرجع للبنات تاني مكة خدت راويه ودخلتها اوضه لمار وسابتها ترتاح شوية علي ما الكل يرجع ودخلت المطبخ تحضر اكل سريع للكل زي ما امها وصتها في التلفون وبرة كانت زهرة وهايدي قاعدين سوا بعد ما كريم و تالا نامو هايدي كانت مسكة الفون ومندمجه اوي وهي بتكتب وزهرة كانت شاردة في الفراغ عند هايدي كانت بتبعت رساله ل عدي بتحكيلة فيها كل حاجة بتحصل وأن الوضع هنا محتاج رجوعه خصوصا عشان يكون جمب عمار لأن انس لوحدة مش ملاحق و محسن بحكم السن مش قادر يكون ديما جمب عمار خلصت الرساله وبعتتها وبترفع عينيها لاقت زهرة سرحانة وواضح أن بالها مشغول ب حاجة و ملامحها حزينه و مكشرة هايدي بتساؤل … ايه يا زهرة روحتي لحد فين كدة ؟ زهرة … هايدي بصوت اعلي … ززززهرة زهرة بانتباه … نعم بتزعقي كدة ليه ؟ هايدي برفعه حاجب…. بزعق كدة ليه ؟ انا عماله اكلمك وانتي ولا هنا سرحانة في ايه للدرجة دي ؟ زهرة بحزن … ولا حاجة هايدي كشرت … بت اتكلمي علي طول ملازم افضل اتحايل عليكي وف الاخر هتقولي بردو ف انجزي قبل ما يرجعو وقولي مالك ؟ زهرة …. مضايقة من نفسي اوي يا هايدي هايدي باستغراب …. مضايقه من نفسك ليه مش فاهمة ؟ زهرة كشرت … عشان حسه اني من جوايا في صوت بيقول احسن لمار تستاهل في حتة جوايا شمتانة فيها وانا عمري ما كنت الشخص اللي يشمت في حد ابدا مهما كان ازاه أو ظلمة هايدي … أيوة يا زهرة بس انتي قاطعتها زهرة … عارفه كل كلمة انتي هتقوليها وبقولها لنفسي ابتسمت هايدي …. والله !! و يا تري كنت هقولك ايه بقا ؟؟ احب اعرف ؟ زهرة … من غير تريقه بس هتقوليلي أن كدة حرام عليا وان مفروض محسش بكدة وازاي افكر بالطريقه دي اصلا وكدة ابقي فرقت ايه عن لمار بس انا عارفه كل دا يا هايدي ومن وقت ما عرفت وانا بلوم نفسي والله علي اللي حست بيه هايدي …. ممممم طب تعرفي اني مكنتش هقول حرف واحد من اللي انتي قولتيه دا زهرة … اومال كنتي هتقولي ايه ؟ ما اكيد مش هتشجعيني اني اشمت فيها يعني ولا ايه لخبطتيني هايدي …. تعرفي لو تهدي وتسكتي دقيقة واحدة هتعرفي انا عايزة اقول ايه زهرة كشرت … اهو سكت هايدي … بدل ما تلومي نفسك وتجلديها ناقشيها يا زهرة هي ليه شمتانة في لمار واقنعيها أن لمار تستحق الشفقه مش شمتان لكن جلد الذات دا مش هيفيدك باي حاجة زهرة بعدم فهم…. اناقش نفسي ازاي مش فاهمة يا هايدي هايدي …. هقولك يا ستي يعني انتي هتتحاوري مع نفسك هتسالي نفسك انا شتمانة ليه ؟ عشان هي اذتني ؟ عشان كانت بتجـ,ـرحني ؟ عشان أنا حياتي بتدمر بسببها ؟ طب بعد كل اللي اتعرف دا مش كدة وضح أن كل اللي كانت بتعمله دا معايا عشان إحساسها الدائم بالنقص عشان كانت شايفاني ديما اعلي واحسن منها عشان أنا حماتي بتعاملني زي بنتها بالظبط قعدة في بيت محاط بالحب كل اللي حواليا بيحبني لكن هي كانت عايشة خدامة عن حماتها و بناتها جوزها كان علي علاقه بجارتها ولما اكتشفت دا ضـ,ـربها لدرجة فقدت البيبي و جالها اصابه دائمة …. تنمرها دا كان عشان تداري النقص اللي عندها …. والأهم من كل دا ان هيا ملهاش اي دخل بتدمير حياتي قاطعتها زهرة اللي كانت بتسمعها بتركيز شديد …. لا هي اللي دمرتلي حياتي هايدي بهدوء … لا يا زهرة مش هيا خالص ال دمر حياتك هو سلبيتك بتلومي علي عمار طول الوقت أنه استقل بيكي وعايرك اني ملكيش حد وانتي اصلا السبب في دا زهرة بدهشه وهي بتشاور علي نفسها …. انا !!!! انا يا هايدي !!! هايدي بقوة …. اه انتي يا زهرة لتكوني فاكرة اني من صحاب اللي بتطبطب و تدلع لا خالص مش انا انتي غلطتي انتي اللي دقيتي اول مسمار ف دمار العلاقه دي زهرة بصوت مخنوق …. ازاي يا هايدي ؟ هايدي … لأنك كنتي مقتنعه مليون في الميه انك ملكيش حد وانك استحاله تطلقي وتمشي وانك جمب عمار الظابط الوسيم المتعلم ال معاه لغات قليله اوي اوي يا زهرة ….. طول ما انتي حسه كدة جوزك هيحس كدة …. طول ما انتي مستقله بنفسك جوزك هيستقل بيكي … طول ما انتي شايفه أن استحاله اتطلق ولو أطلقت هترمي في الشارع وانك ملكيش حد تروحيله ولا تستنجدي بيه جوزك هيحس انك ملكيش ماؤي غيره هيتفرعن ويحس أنه ملك الكون كله ياسلام مهما اعمل مراتي تحت طوعي ومعايا مهما اعمل لكن لو انتي حسه بقيه نفسك لو انتي عارفه انتي ايه وتقدري علي ايه هو هيحس ب دا لو انتي حسيتي أن ليكي قيمة وكرامة هو هيحس وهيحافظ عليكي بكل قوتة زهرة دموعها نازله وساكتة كل كلمة هايدي قالتها صح هي فعلا كانت حسه ب كدة واكتر كمان هايدي كملت … واللي انتي دلوقتي بتلومي نفسك انك شمتانه فيها زمان قبل ما تعرفي الحقيقه كنتي بتحسديها مش كدة ؟ زهرة هزت دماغها بموافقة وهايدي كملت … انتي طيبه اوي يا زهرة بريئه جدا بيور زي ما بيقولوا حافظي علي نظافه قلبك اوعي تلوثيه باي مشاعر سلبيه زي الشماته عمار و طنط ابتسام بيمرو بظروف صعبه اوي من اول تعبك لحد اليوم دا وهما عاملين زي ال حد خبطهم جامد علي دماغهم بليز بلاش تزوديها عليهم انا واثقه دلوقتي أن عمار جاي وهو بيقدم رجل وبياخر رجل عشان خايف من رد فعلك لما تشوفيه زهرة سكت وبتعيد كل كلام هايدي في دماغها وهايدي احترمت سكوتها وسابتها تستوعب الكلام اللي اتقال ودخلت المطبخ تساعد مكة في الاكل وتدي مساحة من الخصوصيه ل زهرة ❈-❈-❈ بعد حوالي نص ساعه الباب خبط ة زهرة خدت نفس وهدت نفسها وقررت تسمع كلام هايدي لأن دا اللي هي اصلا مياله له مكة خرجت من المطبخ وفتحت والكل دخل وابتسام اول واحدة جريت علي زهرة واترمت لي في حـ,ـضنها وفضلت تعيط وزهرة ضمتها جامد وشاركتها العياط مكة بصوت مخنوق …. خلاص يا جماعه بقا والله هعيط انا كمان بس هه عمار واقف من بعيد متابع و علي قد شوقه ل زهرة علي خوفه من أنه يقرب منها راويه كمان اللي خرجت من الأوضة في نفس الوقت اللي الكل دخل فيه واقفه علي جمب متابعه وهي حسه بكسوف وخجل من وجودها وسطهم في ظروفها وظروفهم دي ابتسام بعدت عن زهرة وقربت ايمان و محسن كمان سلمو علي زهرة حتي انس قرب وسلم عليها و عمار كل دا واقف مكانة عينيه عليها بس رجله واقفه ثابتة مش بتتحرك الكل لاحظ دا واللي استغربوه اكتر هو تعلق عيون زهرة كمان ب عمار وبعد صمت اتكلم محسن …. تعالي يا عمار سلم علي مراتك متقفش بعيد كدة. .. يلا بقولك عمار بصوت مهزوز … ا انا مش عايز اضايقها يا عمي هايدي ابتسمت … طيب ممكن اقول حاجة لو سمحتم محسن … قولي يا بنتي هايدي …. طنط ايمان تاخد طنط ابتسام تغير هدومها و تحضر دواها و حضرتك كمان تنزل مع انس تاخد الدوا اللي قبل الاكل وتغير هدومك ل هدوم مريحة اكتر وانا مكة و الصغنن اللي هناك دا ( وشاورت علي راويه ) هندخل نحضر العشا و زهرة تاخد عمار يغير هدومه هو كمان ايه رايكم ف تقسيمة دي بقا الكل فهم أنها بتسيب مساحة ل زهرة وعمار ورحبو بالفكرة جدا وبداؤ ينفذوها خصوصا أن زهرة معترضتش وفضلت سكتة وعمار اتحرك بهدوء من غير ما يطلب منها تيجي واره ودخل اوضته واتفاجا جدا أن زهرة دخلت وراه وقفلت الباب وراها وبدأت المواجهه بينهم يتبع ….. الفصل الحادي والعشرون ايظن اني لعبه في يديه انا لا افكر بالرجوع اليه اليوم عاد كأن شيئاً لم يكن وبراءه الاطفال فى عينيه ليقول لي اني رفيقة دربه أنني الحب الوحيد لديه حمل الزهور إليّ كيف اردّه وصبايا مرسومٌ على شـ,ـفتيه ما عدت اذكر والحرائق في دمي كيف التجات الى زنديه خبأت رأسي عنده كأنني طفل اعادوه الى ابويه حتى فساتيني اللى اهملتها فَرِحت به.. رقصت على قدميه سامحته وسألت عن اخباره وبكيت ساعات على كتفيه وبدون أن أدري تركت له يدي لتنام كالعصفور بين يديه ونسيت حقدي كله فى لحظه من قال اني قد حقدت عليه كم قلت أني غير عائده له ورجعت ما احلى الرجوع اليه ما احلى الرجوع إليه ❈-❈-❈ زهرة من اول ما بصت علي عمار لما دخل البيت وهي رغم كل الوجع اللي جواها منه إلا أنها اتوجعت عليه شكله كان متبهدل خس جدا وتحت عينيه سواد ومن الضغط وقله النوم عينيه حمرا ودقنة طويلة كانت أول مرة في حياتها معاه تشوفو بالشكل دا عمار فضل واقف مش عارف يقول ايه خايف ينطق باي كلمة تضايقها ومن ناحية تانيه هو مش حمل عتاب هو شايل في طاقتة وخايف ينفجر ف اي وقت فضلو قصاد بعض شوية لحد ما هي قربت خطوتين من واتكلمت ب توتر زهرة … هو احم هي لمار عامله ايه دلوقتي ؟ عمار بصوت مهزوز … الحمد لله زهرة سكتت مكنتش عارفه اصلا هي عايزة تقول ايه وهو حس بتوترها ومع قد خوفه من أن أي كلمة يقولها تضايقها علي قد ما حس بأمل بسبب دخولها واره الاوضه حاول يتكلم ويشوف رد فعلها ايه عمار … ا انتي عامله ايه دلوقتي ؟ طمنيني عليكي ؟ زهرة … الحمد لله أنا حسة اني احسن يعني الجـ,ـرح ساعات بيشد عليا بس الحمد لله ابتسم ابتسامة صغيرة واتكلم …. حمدالله على سلامتك زهرة بادلتة الابتسامة … الله يسلمك … ا يعني كنت عمار … اتكلمي علي طول عايزة تقولي ايه ؟ زهرة …. شكرا علي اللي عملتة مع راويه انا عارفه انك مش ناقص مشاكل و كدة دلوقتي يعني ف قاطعها عمار … متكمليش يا زهرة مفيش حاجه اصلا عشان تشكريني عليها زهرة بتردد … ع عمار انت كويس ؟ انا حسه انك تعبان ؟ عمار … بجد يا زهرة لسه قلبك بيحس بيا بعد كل اللي حصل بينا ؟ لسه قادرة تعرفي انا تعبان ولا لا مهما داريت عن الكل ؟ زهرة بحزن … اه يا عمار للاسف لسه بحس بيك عمار اتشجع وقرب خطوتين منها والمسافة بينهم قربت اكتر اتكلم بصوت كله وجع واسف …. هو لسه ينفع اقول اني اسف ؟ لسه في مكان جوة قلبك ممكن يتقبل اسفي وندمي دا ؟ ولا انا فقدتك للابد يا زهرة ؟ زهرة بصت له والدموع لمعت في عينيها وسكتت بس الحقيقه الي سكت لسانها لكن عينيها اتكلمت وقالت كتير وهو فهم ودا شجعه أنه يقرب اخر خطوتين منه ويبقي واقف في مواجهتها بالظبط عمار بندم حقيقي … انا ااااسف مع اني عارف كويس اوي أن الوجع اللي اتسببت فيه ميمحهوش الف اسف حقك علي راسي يا حبيبتي ….. والله العظيم عرفت قيمتك كويس اوي والله العظيم استوعبت الدرس كويس اوي وندمت اوي يا زهرة مش عايز اي حاجة من الدنيا دي غير أنك توافقي تديني فرصه تانيه اراضي قلبك اللي جـ,ـرحتة ( اتنهد وكمل) انا مش عايش يا زهرة من اليوم اللي شدينا فيه سوا وأيدي دي اترفعت عليكي وانا مش عايش … تعبان اوي من غيرك وتعبان اكتر اني سبب وجعك … انا بحبك يا زهرة انتي حب حياتي الوحيد لا عمري شفت ولا هشوف ست غيرك …. عارف اني غلطت غلط كبير اوي عارف اني مستهلش فرصه تانيه لاني وجعتك اوي بس انا ( صوتة اتخنق وعينية لمعت ) انا محتاجلك اوي دلوقتي انا اسف انا اسف اسف يا حبيبتي حقك عليا والله بس بالله اوعي تسيبيني اوعي تبعدي عني يا زهرة انا محتاج لك اوي ومكسور اوي يا زهرة انا انكسرت خلاص واسف والله وقبل ما دموعه اللي كانت طول كلامة بتهدد بالنزول تنزل فعلا كانت زهرة مدخلاه في حـ,ـضنها بكل قوتها البسيطة وبتطبطب عليه وهو تبت فيها بكل قوتة و سمح لنفسه ينهار في مكانة الوحيد ( حـ,ـضنها ) ❈-❈-❈ برة كانت البنات مع بعض في المطبخ و راويه بتتعامل بحرج شوية مكة … راويه خلصتي السلطة ؟ راويه بصوت واطي … احم لا بعمل لسه مكة بصتلها برفعه حاجب …. لا بقولك ايه نينينيني نينينينييي مش هينفع خلاص سبتك بتاع تلت اربع ساعات كدة تفكي فيهم مش هنقعد الليل كله بتفكي راويه 🙄🙄 هايدي ضحكت …. حرام عليكي يا مكة البنت اتخضت منك … متخافيش هي بتهزر معاكي والله مكة قربت من راويه … حبيبتي بلاش الاحراج دا انتي ف بيت بنت خالتك وكلنا هنا اخواتك فكي بقا عشان مقلبش عليكي راويه … هو انتي مش بتكملي جملة حلوة للآخر ابدا مكة ضحكت … اهي فكت اهي هايدي لسه هترد تلفونها رن … كلمو بسرعه يلا ع ما ارد علي الفون مكة … اوامر ست الريسه هايدي ضحكت مردتش عليها وخرجت جابت تلفونها كانت فاكرة أنه عدي لكن اتفاجات أن اللي بتصل وليد وقبل ما الجرس يفصل كانت ردت هايدي … الو وليد … ازيك يا هايدي هايدي … انا تمام الحمد لله انت عامل ايه ؟ وليد … الحمد لله ايه مش هشوف كريم تاني ولا ايه ؟ هايدي … لا طبعا هتشوفو انا بس حصلت عندي شوية ظروف كدة لخبطتلي الدنيا شوية معلش وليد … ولا يهمك يا هايدي مفيش مشكلة هايدي بتفكير … مممم انا ممكن اخلي بابا يعدي ياخدة من عندي ويجبهولك مكان ما تحب بكرة أن شاء الله ايه رايك ؟ وليد بضيق … هو مينفعش انتي تيجي معاه هايدي … لا مينفعش يا وليد قلتلك عندي ظروف هنا مش هعرف انزل دا اولا وليد … وثانيا انك خايفه تشوفيني صح ؟ هايدي بتهكم … خايفه اشوفك ؟ وانا هخاف اشوفك ليه مش فاهمه وليد …. عشان انتي طول عمرك ذكيه يا هايدي واكيد فاهمه اني راجع المرة دي غير اي مرة قبل كدة اكيد شوفتي دا في نظراتي ليكي هايدي حبيبتي طول عمرها بتعرف انا عايز اقول ايه من غير ما اقولو هايدي بحدة وصوت عالي …. اولا مسمحلكش ابدااااا تتخطي حدودك في الكلام معايا مهما حصل ثانيا تحترم نفسك يا استاذ وليد وانت بتتكلم انا مدااااام هايدي يظهر اني كنت غلطانة لما حاولت اخلي العلاقه بينا طيبة عشان خاطر كريم بس معلش ملحوقه نرجع بقا للرسميات ورقمي دا تنساة انا تماما اي وقت عايز تكلم كريم او تتواصل معاه اتصل بيه ع رقمة هو اي وقت عايز تشوفو اتصل ب بابا وهو هيتصرف من هنا ورايح ملكش اي تعامل معايا مفهووووم و مدتوش اي فرصه للكلام وقفلت السكة في وشه وهي بتتنفس بسرعه جدا من انفعالها الجرس رن راحت تفتح وهي لسه حسه بالغضب واول ما فتحت اتفاجات ب عدي واقف ومبتسم اوي واول ما شافها نطق كلمة واحدة بس ((( وحشتيني ))) ❈-❈-❈ بعد نص ساعه كانو متجمعين كلهم علي السفرة بيتعشو سوا محسن علي رأس التربيزة و ايمان وابتسام و راويه من ناحيه وناحيه التانيه انس وجمبه مكة و هايدي وجمبها عدي ابتسام بضيق … مش كنتم اصريتم عليهم يا بنات يقومو يأكلو اي لقمة انا مش عارفه ابلع الاكل كدة مكة ببتسامة… يا حبيبتي والله حاولت بس زهرة قالتلي أن عمار تعبان ومحتاج يرتاح شوية وأنها هتفضل جمبة ايمان … طيب يا مكة بعد العشا جهزي صينيه صغيرة كدة ليهم و ابتسام تدخلها لهم وقت ما يقلقو ياكلو ها حلو الحل دا يا ستي كلي بقا الله يكرمك هزت ابتسام راسها بموافقة وبدأت تاكل محسن … والبيه اللي بيسافر فجأة خلص شغله ولا ناوي يسافر تاني ويسيبنا ف الظروف دي عدي ابتسم … لا يا حبيبي خلاص خلصت شغلي و خدت إجازة ومعاكم لحد ما تزهقو مني وان شاء الله الظروف دي هتعدي وتخلص ابتسام …. يارب يا عدي يارب مكة … بت يا راويه السلطة ناقصه ملح ليه ؟ راويه بصت لها واتحرجت ترد محسن … يا بنتي انتي كدة مش بتفكيها انتي كدة بتخضيها هايدي … والله يا عمي انا لسه قايلة كدة جوة مكة … انا لا بخضها ولا بفكها السلطة ناقصه ملح فعلا مالكم ف ايه راويه … معلش معرفش انك بتحبي الاكل مالح مكة … الله ما بتردي اهو اومال ايه السكوت اللي كان في الاول دا راويه … ما انا جيت ارد عمي وهايدي اتكلمو اقاطعهم يعني ميصحش مكة … طيب انا اعمل ايه بالمعلش دلوقتي انس بضحك … انتي عايزة ايه يا حبيبي ؟ مكة ببراءة … عايزة ملح للسلطة انا بحبها مش عارفه اكلها كدة انس بحب … بس كدة عيوني هجبلك الملاحة كلها تغرقي السلطة بيها محسن بسخريه …. لا والله طب واحنا ناكل ازاي يا عم النحنوح لما انت هتغرق للسنيورة بتاعتك السلطة ملح ولا مش مهم احنا انس بصوت واطي … بالظبط كدة محسن برفعه حاجب … سمعني بتقول ايه انس بتراجع … بقول ل مكة تاكل اي حاجة تانيه ولما نروح هبقي اعملها سلطة مملحة تحفة الكل ضحك ومحسن اتنهد بارتياح أن اخيرا الأمور بدأت تتظبط وبدأ يدخل الامل من جديد في حياتهم هايدي تلفونها رن برقم بصت فيه و قفلت الصوت عدي …. ما تردي تشوفي مين ؟ هايدي … مش وقتة التلفون رن تاني والمرة دي هايدي قفلتة خالص ودا خلي عدي يشك أن في حاجة هو ميعرفهاش عدي … هايدي قولي في ايه ؟ هايدي بهدوء … ممكن لما ننزل شقتنا نتكلم وهقولك كل حاجة عدي … اوك يا هايدي هستني لما ننزل العشا خلص و مكة حضرت صينيه صغيرة وادتها ل ابتسام تدخلها هي ل زهرة وعمار و كل واحد راح علي بيته ما عدا ايمان اللي أصرت أنها تبات مع ابتسام لانها عارفه أن أول ما الكل يسيبها هتفضل تعيط ومش هتنام وعشان تاخد بالها من راويه ال مهما كان لسه ضيفه و بتتعامل بحرج واكيد ابتسام مش في وضع يسمح ليها ترحب بضيوف ف هي لازم تكون مكانها في شقه انس و مكة كانت مكة بتحكي لانس ب شغف وفرحة علي كلام هايدي علي منار وهو كان بيسمعها بكل اهتمام مكة … بس يا سيدي دا كل اللي حصل ايه رايك بقا ؟ انس ببتسامة … معاها حق عجبني رأيها بصراحة المهم انتي تكوني مقتنعه بيه يا حبيبتي مكة …. مممم بصراحة اقتنعت جدا جدا جدا وان شاء الله يومين كدة بس الدنيا هنا تظبط وهروح فعلا بنفسي ل مستر سعيد الشركة انس … تمام يا قلبي انا مبسوط اوي ل قرارك دا وللفرحة اللي باينه في صوتك وعينيكي مكة … انا فعلا مبسوطة اوي يارب بس نطمن كمان علي لمار ونخلص من حوار معتز دا ورامي اخو راويه عشان نرجع نتلم كلنا من تاني والفرحة تكون ماليه البيت تاني انس … أن شاء الله انا واثق أن خلال أيام بس الغمة دي هتكون انتهت مكة … يارب … صحيح خالتو مش عادتها تختفي كدة خصوصا في الظروف دي انس … لا طبعا مختفتش هي ع تواصل كل شوية ب خالتو و طنط ابتسام كمان بس حست أن مجيها دلوقتي هيكون لود عليهم اكتر منه مساعدة واتفقنا لما لمار ترجع البيت أن شاء الله هتيجي هي وتسيب صابرين مع بابا هناك عشان متبقاش متسربعه علي الرجوع مكة …. ليه كدة انا صابرين وحشتني اوي انس … طب وأخو صابرين ايه ؟ هنفضل اخوات كدة لأمتي ؟ الرحمة هه الرحمة مكة ضحكت …. علي فكرة انا ليا عندك طبق سلطة مملح انس كشر .. مكة متهزريش انا بتكلم جد مكة … وانا كمان بتكلم جد ولا هو كان كلام قدامهم علي فكرة انا ماكلتش اوي عشان اكل سلطة من ايديك لاني صدقتك يا استاذ انس … انتي مفتريه علي فكرة عارفه كدة ولا لا مكة … لا انا غلبانة والله … ها هتعملي ولا ادخل انام وانا جعانه كدة ؟ انس وهو داخل المطبخ … منه له هه منه له يا مفتريه ضحكت مكة بسعادة وفرحة بدأت تدخل من جديد لقلبها … ❈-❈-❈ في شقه عدي و هايدي عدي … ها بقا افهم في اية ؟ ومين ال عمال يتصل بيكي ومش عايزة تردي علية هايدي … انت شايف أن دا الموضوع الأهم ال مفروض نتكلم فيه دلوقتي ؟ عدي بعصبيه خفيفه … هايدي متغيريش الموضوع وقولي ف ايه … وليد ال بيتصل مش كدا ؟ ضايقك في غيابي صح ؟ هايدي كشرت … عدي متتعصبش عليا وعموما انا هريحك اه وليد اللي بيتصل و وعدني أنه هيتصرف في الحوار دا وانا مدخلش عشان وليد يسافر ف هدوء من غير مشاكل مع كريم عدي بحدة …. متجوزة سوسن انتي بقا عشان ابوكي اللي يحل مش كدة هايدي … ايه ابوكي دي عدي …. باباكي يا هايدي حلو كدة انا عايز افهم في ايه بالظبط كلمك قالك ايه ضايقك ازاي ؟ مد ايديه عليكي ؟ لمسك ؟ حاول قاطعته هايدي … بس بس ايه خيالك سرح اوي مفيش غير أنه حاول وحط خط تحت أنه مجرد حاول يستعبط في الكلام مش اكتر من كدة وانا هزقته و بابا كمل عليه واكيد اصلا متصل يعتذر مش اكتر من كدة عدي … أيوة قال ايه يعني احكي بالتفاصيل يا هايدي لو سمحتي هايدي … ما خلاص يا عدي متعملش موضوع من مفيش عدي .. شفتي انتي ال بتعصبيني اهو وترجعي تزعلي هايدي … مفيش يا عدي كان مصمم اني انزل معاهم هو وبابا ولما يشوف كريم المرة الجايه مش اكتر من كدة ارتحت عدي بعدم تصديق … بس كدة يا هايدي ؟ متأكدة ؟ هايدي بثبات …. اه يا عدي متأكدة ممكن نفضنا منه الموضوع دا ولا ايه ؟ عدي … ماشي بس لعلمك المرة الجايه ال هيشوف فيها كريم انا اللي هوديه بنفسي مش عمي تمام هايدي …. انت بتحرب علي المشاكل يا عدي عدي ببتسامة … لا يا قلب عدي انا مش عايز مشاكل انا عايز بس احط النقط علي الحروف عشان ميسرحش هو بخيالة بعد كدة هايدي حاولت تداري ابتسامتها …. ممم طيب عن اذنك بقا ادخل انام جمب كريم عدي مسك دراعها بسرعه … نعم ! كريم مين ال تنامي جمبه ؟ دا انا اول ما عيني وقعت عليكي اول كلمة نطقتها وحشتيني ولسه حضرتك مخلصتش باقي الكلام ودا كلام مهم جدا ولازم يتقال لآخر كلمة فيه هايدي ببتسامة بسيطة…. اتفضل خلص كلامك كله طيب عدي بجديه … انا بحبك يا هايدي صدقيني المرة دي والله بقولها وانا واثقه مليون في الميه فيها انا بحبك ومقدرش ابعد عنك ولا حياتي ليها طعم من غيرك انتي هايدي واحدة بس مفيش زيك ولا حتي شبهك انتي حبيبتي العاقله الحنينه الجدعة انتي بنوتي الصغيرة الشقيه اللي شقاوتها دي مش بتطلع غير ليا انا وبس انتي صحبتي واختي انا والله واثق من كل حرف بقوله الكام يوم اللي غبتهم كنت بمـ,ـوت وانا بعيد عنك يا هايدي بس كنت مصمم اني اكمل عشان اتاكد اكتر و اكتر عشان لما احلفلك واكون صادق في كل كلمة بقولها صدقي دا يوصلك وتصدقيه انتي كمان وتطمني وقلبك يرتاح انك انتي وبس اللي فيه يا حبيبتي هايدي بهدوء … بس انت غلطت فيا يا عدي وانا لسه مجروحة منك مش هنكر ابدا حبي ليك لكن مش هقدر أنكر بردو وجعي منك عدي وهو بيبوس ايديها …. اديني فرصه يا حبيبتي وانا همحي اي وجع جواكي ومش هيكون في الا حب وبس والله بحبك واسف علي غباء حصل مني قبل كدة ها قلت ايه ؟ هايدي بمكر …. مممممم افكر ودلوقتي بجد انا عايزة انام تصبح علي خير ادخل انت نام جمب كريم بقا بون وي بيبي وباسته علي خدة ودخلت اوضتهم وقفلت علي نفسها وهو واقف مكانة متغاظ علي مبسوط عدي ل نفسه …. هعوضك يا حبيبتي وعد عليا اعوضك عن أي وجع حسيتي بيه هتمسك بيكي ومش هفرط فيكي ابدا الا بطلوع روحي بحبك اوي يا هايدي يا رب قدرني واخليكي تنسي الفترة ال فاتت يارب يتبع …. الفصل الثاني والعشرون عدي افتكر اليوم ال كان فارق في قرارة افتكر اللحظة اللي اتاكد فيها أنه بيحب فعلا هايدي كانت امتي بالظبط فلاش باك كان عدي قاعد في كافيه الفندق اللي كان نازل فيه وبيقرا كتاب مع فنجان القهوة بتاعه ومندمج جدا ل درجة أنه محسش بللي وقفت قدامة ومبستمة اوي ولما وقوفها طال وهو مش حاسس بيها بدأت تعمل صوت عشان يحس بوجودها ريهام … احم ااااحمممم رفع عدي عينيه وشاف اخر حد يتمني يلمحة دلوقتي ريهام طلقيته كان باصص لها بصدمة وساكت سحبت ريهام الكرسي اللي قدامة وقعدت ريهام ببتسامة … ازيك يا عدي عامل ايه ؟ ثانيه اتنين ثلاثه واخيررررا رد عدي بهدوء … الحمد لله تمام ريهام … مبسوطة أن الصدفه جمعتنا تاني … عرفت انك اتجوزت من مدة كدة صح ؟ عدي … اه صح ريهام بحرج لانه بيقفل الكلام … ا انا يعني كنت بفكر بما أن مرتين نتقابل صدفه كدة ف يعني ينفع نبقي نطمن علي بعض من وقت للتاني ؟ عدي كشر …. لا مينفعش ريهام .برجاء … ليه يا عدي ؟ انا مش هضايقك مجرد نطمن علي بعض بس مش اكتر عدي … لأن انا متجوز و علي ما اظن يعني أن انتي كمان متجوزة ومخلفه كمان ريهام …. اه مخلفه بس بالاسم بس متجوزة لكن هو ديما بعيد عني عدي بضيق وهو بيقاطعها …. ريهام من فضلك انا مليش دعوة بمشاكلك الشخصيه مش عايز اعرف ريهام بحزن …. بس انا محتاج لك يا عدي محتاج لك اوي بلاش تبقي بالقسوة دي عمرك ما كنت قاسي عليا انا مصدقتش نفسي لما لاقيتك قاعد هنا طب تعرف انا هنا اصلا ليه ؟ عدي لا رد ريهام كملت … انا جايه اقابل واحدة صحبتي جوزها محامي كبير اوي عشان يحاول يخلصني من ممدوح جوزي ولأنه شكاك وديما مراقبني كان صعب اروح لها المكتب الخاص بجوزها ف قلتله اني هقابل صحابي في كافيه هنا و هو وافق بالعافيه اتاريني هقابلك انت يا عدي اكيد ربنا حاسس بيا وعشان كدة شفتك هنا ودلوقتي بالذات عدي طول ما كان بيسمعها مكنش شايف غير صورة هايدي وقت ما كانت بتحكي الكلام اللي قرته في مذكراته و دموعها نازله نظرتها كانت كلها قهر و وجع وخذلان حاول يشوف حبيبته اللي كان بيحكي عنها في مذكراته مش شايف غير صورة هايدي هايدي وبس فاق علي صوت ريهام وهي مكشرة وبتقول ريهام … عدي انت سامعني اصلا سامع انا بقول ايه ؟ عدي بهدوء … الحقيقه لا سرحت شوية ( بدء يلم حاجاته ) فرصه سعيدة يا ريهام واتمني مشاكلك كلها تتحل في اقرب وقت بس مينفعش نتقابل حتي صدفه تاني انا بحب مراتي وبحترمها في غيابها وحضورها …. ( ابتسم ) عن اذنك سلام سابها ومشي وهو الابتسامه على وشة وحاسس أنه اخيرا رسي علي بر و بقي فاهم نفسه ومترجم مشاعره صح باك فاق من سرحانه ودخل ل ينام جمب كريم ويفكر ازاي يعوضها عن الفترة اللي فاتت ❈-❈-❈ قبل الفجر بحوالي ساعه قلق عمار من نومه كان حاسس بصداع شديد و وجع في كل جسمه للحظة بص حواليه يستوعب هو فين لاقي نفسه نايم في حـ,ـضن زهرة وهي متبته بايديها فيه اوي ابتسم وحس براحة كبيرة دخلت قلبه خد نفس عميييييق وطلعه ببطيء بس صداع كان صعب جدا طلعت منه همهمه بصوت واطي لكن زهرة حست بيه وقامت مفزوعه زهرة بخوف … في ايه انت كويس ؟ في حاجة بتوجعك ؟ عمار بحب … انا كويس متخافيش أو بمعني اصح بقيت كويس لما رجعت مكاني تاني لحـ,ـضنك زهرة حاولت تقوم لكنه مانعها عمار … زهرة انا مش طالب منك نرجع زي ما كنا انا عارف اني جـ,ـرحتك كتير و وجعتك اكتر بس نفسي في فرصه يا زهرة فرصه واحدة بس صدقيني زهرة بحزن … انا والله ما قادرة اتكلم في اي حاجة دلوقتي … ممكن حاليا تركز في مشكلة لمار ؟ وتاخد بالك من صحتك و من ماما ابتسام ؟ وبعد كدة نبقي نتكلم في اي حاجة تانيه بينا ؟ عشان خاطري عمار … حاضر يا حبيبتي خاطرك غالي والله وطالما هتكوني جمبي وقدام عينيا انا موافق زهرة … طب يلا بما انك قلقت تعالي ناكل سوا انا كمان ماكلتش ولا خدت الدوا بتاعي كنت خايفه اتحرك لحسن تصحي وانت شكلك كان تعبان يلا ناكل سوا بقا عمار بصلها بحب لا بعشق عشق لست مشفش ولا هيشوف في طيبه قلبها وحنيتها وحبها وقام معاها من غير كلام وبدوء ياكلو سوا اه كانو ساكتين بس عينيهم كانت بتتكلم بتتعاتب وبالنسبة ل عمار قربها كدة منه في الوقت الحالي كافي وكافي اوي كمان بعد مدة بسيطة كانو اكلو و عمار أداها بنفسه الادويه بتاعتها طلعت زهرة بعدها علي السرير وهي بتهرب من نظراته اللي محوطاها زهرة وهي بتديله ضهرها … انا هنام بقا تصبح علي خير عمار ببتسامة وهو بينام وراها وحـ,ـضنها جامد … وانتي من اهل الخير حبيبتي زهرة كشرت … عمار اتاخر شوية مينفعش كدة عمار بحب … لا ينفع انا لسه تعبان علي فكرة خليني انام شوية قبل الهم اللي ورايا بكرة عشان خاطري خليني كدة مش هتحرك كتير والله زهرة سكتت وبدأت تحاول تنام تاني كانت فرحانة بقربه علي مجروحة منه بس هي فعلا قررت تأجل كل دا لحد ما الظرف اللي بيمرو بيه يعدي هي مش هتكون انانيه وتكمل عليه دلوقتي كفايه اللي هو حاسس بيه بعد وقت بسيط كانو الاتنين رجعو نامو تاني وكل واحد فيهم جواه وجع كبير بس قربهم من بعض بيخفف اي وجع مهما كان حجمة ❈-❈-❈ صباح يوم جديد في المستشفى كان عمار و معاه عدي و محسن و ابتسام وإيمان اللي رفضت أنها تستني ف البيت واقفين قدام اوضه لمار مستنين الدكتور يطمنهم ويكتبلها علي خروج ابتسام … يارب تروح معايا يارب بدل بهدله المستشفي دي عدي … أن شاء الله يا حبيبتي هتروح معانا متقلقيش عمار … عدي أكدت علي انس مينزلش شغله الا لما نروح ؟؟ البنات مينفعش يكونو لوحدهم انا مش ضامن اخو راويه ممكن يعمل ايه عدي … متقلقش مش هيتحرك من البيت الا لما نروح ويطمن علي لمار بنفسه و بعدين ينزل معندوش شغل اصلا الا بالليل ابتسام … كنتي خليتك يا ايمان انتي والحج معاهم حتي تريحو شوية من المشوار رايح جاي كل شوية ايمان برفعه حاجب …. قول لامك تسكت يا عمار عشان بدأت تقول كلام يضايق ابتسام ضحكت وعمار رد عمار ببتسامة … ربنا يخليكم لينا احنا من غيركم ولا حاجة والله محسن … اهو ابنها كمان اتعدي منها وبيقول كلام عبيط زيه عدي ضحك و عمار كشر عمار … بتضحك علي ايه يا زفت انت ( بص لعمه ) انا عبيط يا عمي كدة بردو محسن ابتسم وبص ل عدي … بتضحك علي ايه يا اهبل انت التاني عدي كشر … احنا في مستشفى يا حج هه لتكون مش واخد بالك بس محسن … لا واخد بالي وانا براحتي اهزقكم مكان ما احب و وقت ما احب هتحاسبني ولا ايه عدي لسه هيرد الدكتور خرج و كلهم بقو حواليه ابتسام … خير يا ابني طمني بنتي كويسه الدكتور … الحمد لله الحاله طبيا مستقرة وتقدر تخرج معاكم بس لازم تتابع مع دكتور نفسي في اقرب وقت دا اولا … ثانيا في كورس علاج هتمشي عليه لمدة شهرين ومن بعده هشوفها تاني لو الحاله تمام أن شاء الله هنبدء علاج طبيعي كورس مكثف عشان نحاول نخفف شوية اثار الشلل الرباعي محسن …. أن شاء الله يا دكتور تعليمات حضرتك كلها هتتنفذ نقدر نمشي دلوقتي ؟ الدكتور … اه طبعا انا سايب ف الفايل بتاعها كل التعليمات المطلوبه و الروشتة وان شاء الله نتقابل كمان شهرين علي خير شكر محسن الدكتور و بدوء يدخلو الاوضه كل دا وعمار ساكت تماما رغم أنهم مستغربين جدا سكوتة وعدم لهفته علي اختة إلا أنهم متكلموش لما دخلو كانت لمار صاحيه بصت لهم كلهم في هدوء وعينيها اتعلقت بلي رفض يبص عليها وفي ثانيه الدموع كانت نازله من عينيها ابتسام بحزن … بتعيطي ليه بس يا حبيبتي دا حتي الدكتور قال هتخرجي معانا دلوقتي وان أن شاءالله مسأله وقت وتبقي زي الفل ايمان … اهدي يا حبيبتي خلاص هنروح دلوقتي وكل حاجة هتكون بخير هما بيواسوها وهي عقلها و قلبها مع اخوها اللي حتي نظرة عينيه حرمها منها دا غير أنها مش عايزة تروح معاهم البيت اكيد زهرة هتشمت فيها اكيد هتضايقها اكيد كل اللي هناك زمانهم مبسوطين أنها متمرمطة و مشلوله كدة هي عارفه انهم مش بيحبوها من زمان ودلوقتي فرصتهم عشان يشمتو فيها دموعها نزلت اكتر ب قهر علي نفسها واللي وصلت له بعد حوالي ساعه كانو وصلو البيت و دخلت لمار اوضة ابتسام واستقرت فيها ونزل عمار القسم يتابع التحقيقات وعدي نزل الشركة يخلص شغل كتير متعطل وفضل انس موجود في البيت معاهم باتفاق مع عمار وعدي أنه مش هينزل النبطشيه بتاعته الا لما حد منهم يرجع من برة كل دا وزهرة في اوضة عمار مش عارفه تخرج ولا لا و هايدي ومكة كل واحدة في بيتها خبط الباب ودخلت ابتسام زهرة … اتفضلي يا ماما محتاجة حاجة ؟ ابتسام بهدوء … مخرجتيش تسلمي علي اختك ليه لحد دلوقتي ؟ زهرة بتوتر …. ما هو انا يعني بصراحة مش عارفه صح اني ادخلها ولا ايه ابتسام …. لا مش فاهمه هو ايه ال صح ومش صح ؟ زهرة بتوضيح … يعني هي تعبانة واكيد الانفعال غلط عليها انا خايفه لما ادخلها تفكر اني شمتانه فيها وتضايق أو تتعصب فهماني يا ماما مش عايزة ازود تعبها لكن والله عايزة اطمن عليها انا مش وحشة كدة اكيد انتي عارفه دا صح ؟ ابتسام بحب …. طبعا عارفه و واثقه كمان انا بنتي قلبها طيب وابيض اصفي من اللبن الحليب كمان تعالي يا حبيبتي انتي ببتسامة واحدة منك هي هتفهم انك جايه تتطمني عليها مش لاي سبب تاني يلا تعالي معايا زهرة …. حبيبتي متحرمش منك بس عشان خاطري ممكن تقوليلها الاول وتشوفي رد فعلها ايه عشان خاطري معلش كدة احسن ابتسام … حاضر يا ست زهرة تعالي وخليكي واقفه برة وانا هدخل اقولها يلا دخلت ابتسام ل لمار الاوضه ابتسام ببتسامة وصوت واطي …. لمار يا حبيبتي عايزة اطلب منك طلب صغير ممكن هزت لمار دماغها بموافقة وهي بصه لامها باهتمام اوي ابتسام … تعرفي أن زهرة مرات اخوكي بعد ما فقدت البيبي حصلتلها حـ,ـادثه و اتهجـ,ـم عليها سواق وضـ,ـربها بمطـ,ـوة في جمبها وشالولها الكليه اليمين لمار ساكتة و ملامح وشها هاديه بدون تأثر وابتسام كملت ابتسام …. انتي عارفه كويس اوي أنها عمرها لا تشمت ولا تشيل من حد صفي انتي كمان نيتك من ناحيتها هي عايزة تدخل تسال عليكي وخايفه عليكي ل تضايقي من دخلتها دي وطلبت مني استاذنك الاول ها قلت ايه ؟ لمار سرحت ثواني و ابتسام سكتت سبتها تفكر وتاخد قرار …. بعد دقيقه تقريبا رفعت لمار وشها و بصت لامها وهزت دماغها بموافقة وعلي وشها ابتسامة صغيرة فرحت ابتسام و طبطبت علي كتفها وباست رأسها و خرجت ندهت ل زهرة اللي دخلت وهي متوترة ولسه جواها خوف من لمار مش قادرة تتخطاه …. لمار لما شافت زهرة اد ايه التعب باين عليها وأنها لسه بتتوتر في وجودها رغم حالتها دي عينيها ال خايفه ترفعها وتبص ل لمار كل دا خلي لمار تتطمن فعلا أن زهرة مش شمتانه فيها زهرة من غير. ما تبصلها اتكلمت بصوت هادئ مهزوز زهرة … ح حمد لله على السلامه يا لمار ا أن شاء الله يعني تبقي كويسه وزي الفل لمار عملت صوت عشان زهرة تبصلها وفعلا زهرة رفعت وشها وبصت ل لمار ولأول مرة تلاقي لمار بتبسم لها اه الابتسامة من ملامح حزينة بهتانه لكن كانت بالنسبة ل زهرة اول مرة تشوف الابتسامة دي بالذات من لمار زهرة بادلتها الابتسامة و قربت من السرير خطوتين زهرة … ا انا في الاوضه ال جمبك اوضه عمار و اوضتك فيها راويه بنت خالتي لما ترتاحي شوية هجبها تتعرفي عليها وتسلم عليكي هتحبيها اوي هي طيبه والله بس يعني عندها شوية مشاكل مع اخوها بعد ما خالتو ماتت بصتلها لمار بحزن زهرة … اه خالتو اتوفت من كام يوم بس ( خدت نفس ورسمت ابتسامة ) المهم اني اطمنت عليكي دلوقتي هسيبك ترتاحي وهرجعلك تاني (بصتلها بحذر ) ولا مرجعش تاني ؟ الدموع نزلت من عيون لمار دموع معرفتش زهرة تفسر معناهم ايه وقبل ما تفكر أن لمار مش عايزاها تدخلها تاني كانت لمار بتهز دماغها ل زهرة … قاطع اللحظة دي دخول عمار بقوة وملامح وشة كلها غضب و وراه ابتسام ابتسام … يا بني اهدي والله ما في حاجة اهو اتاكدت بنفسك زهرة مفهمتش في ايه لكن لمار كانت بصه لاخوها وهي فاهمه أنه خاف علي مراته منها حتي وهي عاجزة خاف عليها تاذيها دموعها نزلت تاني زهرة … في ايه مالك يا عمار داخل كدة ليه ؟ عمار بجمود …. مفيش حاجة يلا عشان معاد دواكي جه ولمار كمان ترتاح شوية زهرة … ماشي انا كنت خارجة اصلا ( بصت ل لمار ) هرجعلك كمان شوية ومعايا راويه ماشي هزت لمار دماغها وخرجت زهرة و وراها عمار قربت ابتسام من لمار ابتسام … معلش اللي اتبني في سنين مش هيروح في يوم وليله الصبر وان شاء الله كل حاجة هتبقي كويسه سابتها ابتسام وخرجت من الاوضه وفضلت هي تعيط علي الحال اللي وصلتله ❈-❈-❈ اسبوعين فاتو حصل فيهم حاجات كتير لمار علاقتها اتحسنت ب أمها وبزهرة كمان حتي راويه اخدت عليهم وبقت تتعامل باريحيه كبيرة عن الاول عمار كان مشغول في تحقيقات و قبل ما يوصل ل حسن ويهدده اتفاجا أن حسن اختفي تماما ومحدش عارف عنة حاجة … كان بيطمن علي لمار من بعيد ل بعيد ومش بيتنازل عن أنه ينام في حـ,ـضن زهرة و ماجل اي كلام زي ما زهرة طلبت منه مكة نزلت الشغل تاني من يومين و مديرها رحب جدا بيها و وافق علي طلبها أنها تمسك تيم صغير لسه باديء وتبدء معاه تاني ومكنش في اي كلام بينها وبين منار ولا كأنهم كانو صحاب في يوم وعلاقتها ب انس بتتحسن يوم عن يوم لكن لسه مرجعوش زي الاول ابدا عدي اتحول في علاقته ب هايدي غيرة ديما اهتمام بادق التفاصيل طول الوقت بيقولها بحبك وهايدي من جواها طايرة بالتغير دا بس لسه تقلانه عليه رامي كمان مختفي الجيران قالو أنه مش بيشفوه خالص ولا يعرفو عنه حاجة ودا خلي عمار يقلق اكتر وأجر بودي جارد وخلاهم أدام البيت ٢٤ ساعه انس كان قلقان علي صابرين …احلام لاول مرة متعملش الواجب واتحججت أن والد انس تعبان شوية ومجتش تسال علي لمار ودا كان غريب جدا وكلهم استغربوا وصابرين مختفيه مش ظاهرة لا علي سوشيال ولا مكالمات ولما انس يسأل عليها تقوله نايمة أو مشغوله معايا في البيت … الوضع استمر مدة كدة لحد ما انس قرر يسافر فجأة ويفهم في ايه وصل انس وخبط واول ما احلام شافتة اتفاجات بيه حـ,ـضنتة جامد و دموعها نزلو انس بخوف … ماما في ايه ؟ صابرين كويسه ؟ ماما حرام عليكي قوليلي ف ايه ؟ احلام وهي بتقفل الباب … ادخل الاول تعالي . . مقلتش يعني أنك جاي مش قلتلي بسبب الإجازات الكتير اخر فترة بقيت ديما مشغول ؟ انس بقلق . … ماما في ااااايه سيبك من اي كلام وردي عليا ؟؟ احلام بهدوء … اطمن اختك كويسه وابوك كويس انس بترقب … كملي ؟ في ايه حاصل انا معرفوش ؟ احلام بصوت مخنوق … عبد الله فسخ الخطوبه ومعرفش وقت ما جه ينهي مع اختك قالها ايه من بعد ما مشي وهي ٢٤ ساعه ساكته مش بتعمل اي حاجة غير أنها بتقرا في روايات علي تلفونها كل ما ابص عليها الاقيها بتقرا روايه ورا روايه لدرجة أنها بتدخل بالتلفون الحمام ومهما اكلمها أو ابوك يزعق لها مفيش فايدة في دنيا تانيه يا انس دنيا تانيه يا ابني انس بصدمة …. وانا محدش عرفني كل دا ليه ؟ وازاي يعني فسخ الخطوبة هو مش كلام رجاله ولا هو كان حد ضـ,ـربه علي ايديه احلام …. بيقول مش مرتاح ومش عايز يظلمها معاه … مردتش اقولك لانك كنت يادوب لسه راجع شغلك والظروف اللي عندكم مكنتش تسمح كمان محبتش اشيلك فوق طاقتك وتتعب انت كمان وبدل ما قلبي موجوع علي واحدة يبقي عليكم انتم الاتنين انس كشر …. للدرجة دي شيفاني ضعيف يا ماما عموما مش وقتة عتاب انا داخل لأختي واعملي حسابك اني هخدها معايا وانا راجع تقعد معانا هناك كام يوم عن اذنك قال كدة وساب احلام واقفه باصه عليه بحزن ودخل لاختة خبط ودخل لاقها مندمجة جدا في تلفونها ومحستش بوجودة اصلا قرب منها انس … صاصا حبيبتي مش حسه اني جيت معقول لا كدة هزعل بجد رفعت صابرين عينيها من علي تلفونها وبصتله وابتسمت ابتسامة بسيطة ومن غير ما تقوم من مكانها صابرين … انس ! حمدالله على السلامه محدش قالي أنك جاي يعني انس بهدوء وهو بيقرب وبيبوس رأسها … حبت اعملها مفاجأة يا ستي وحشتيني يا شقية انتي صابرين …. وانت كمان وحشتني ومكة وتالا عاملين ايه وحشوني اوي انس … كويسين يا حبيبتي وبيسلمو عليكي …. المهم سيبك من السلامات دي دلوقتي وقوليلي مالك بقا ؟ صابرين … مالي !؟ ما انا كويسه اهو انس … لا مش كويسه يا صابرين قالك ايه عبد الله قبل ما ينهي الموضوع خلاكي كدة ؟ صابرين … مقلش حاجة كل شيء قسمة ونصيب يا انس فين المشكلة مش فاهمه ما اانت جيت علي غفله اهو لاقتيني قاعدة عادي ف اوضتي لا بعيط يعني ولا مانعه الاكل والشرب في ايه بقا انس بحزم …. انا اللي بسالك في ايه ؟ بتهربي من ايه بالطريقه دي انا انس يا صابرين انس اخوكي وسرك طول عمرك فهميني حصل ايه ؟ صابرين بصوت مخنوق … انس الله يخليك متضغطش عليا مش عايزة اتكلم ايه المشكلة اني قعدت اقري شوية الدنيا متهدتش يعني لكل دا انس بقوة وإصرار …. صابرين انا سالتك سؤال واضح وصريح عبد الله وهو هنا قالك ايه بالظبط ؟؟ مش هكرر سؤالي تاني صابرين وهي بتعيط …. قالي اني عاديه يا انس قالي انتي من بعيد بتلمعي لكن اللي يقرب منك يلاقيكي عاديه جدا مفكيش اي حاجة مميزة وأنه حاول يحبني بس مقدرش ملقاش حاجة يحبني عليها شكلي عادي طبعي عادي حياتي مملة قالي انتي متتحبيش يا صابرين وانا مش هكمل مع واحدة بالشكل دا انهارت صابرين وجري عليها انس خدها في حـ,ـضنه جامد وهو بيطبطب عليها صوته مخنوق عايز يواسيها بس مش قادر يتكلم وقبل ما ينطق بحرف واحد كانت وقعت هي بين ايديه فاقدة للوعي يتبع ….. الفصل الثالث والعشرون ترجمة مشاعرنا غلط مش بس ديما بتأذينا لا دي ممكن تأذي غيرنا بدون اي ذنب له كل غلطة أنه بيكون في حياتنا في وقت احنا مش فاهمين فيه نفسنا ف بنجـ,ـرحة ونأذية بدون قصد منا بعد يوم كامل من وقت اغماء صابرين ولهفه وخوف اخوها وابوها وامها عليها … يوم فضلت صابرين فيه ساكتة تماما … قرر انس أن يرجع وصابرين معاه وابوة وافق وطلب كمان من احلام تنزل معاهم عشان تعمل الواجب وتسأل علي لمار ويقضو يومين تلاته هناك ويرجعو تاني تكون صابرين اتحسنت شوية انس كلم مكة في التلفون وفهمها الوضع في الطريق كانت صابرين شاردة في الكلام اللي قالو لها انس بعد ما فاقت واللي حصل بعده انس … ممكن اتكلم معاكي شوية اوعدك مش هتعبك صابرين بصوت ضعيف …. اتكلم يا انس عايز تقولي ايه ؟ انس … عايز اسالك سؤال واحد بس صابرين بعدم فهم … سؤال ايه يا انس ؟ انس …. انتي كنتي بتحبي عبد الله اصلا ؟ صابرين … ودا هيفرق اوي في اللي حصل ؟ انس … طبعا هيفرق يا صابرين ولو سمحتي ردي عليا صابرين … ما انت عارف يا انس ان انا وهو واخدين بعض صالونات و كنا محكمين عقلنا في ال موضوع هو من الاول قالي انا اخترتك لعدة أسباب وكلها عقلانيه وانا كمان انا مش بتاعه حب والكلام دا انس … سبحان الله اومال اضايقتي ودخلتي في الحاله دي ليه ؟ اللي يشوف هروبك من الواقع و دخولك عالم الروايات اللي مش بتدخليه غير وانتي مكتئبه أو تحت ضغط جامد يقول إنه جـ,ـرح قلبك و كان في قصه حب كبيرة ومكملتش صابرين مردتش وهو كمل انس بقوة. … ردي عليا يا صابرين لما هو مفيش حب الحاله دي كانت ليه ؟ من حقي افهم صابرين بانفعال … الحاله دي يا انس كانت عشان الكلام اللي قالهولي كانت عشان ثقتي في نفس اللي هزها كانت عشان الطريقه اللي اتعامل معايا بيها وهو ماشي قد ايه يحسسني ان انا ولا حاجه وان هو حاجه كبيره قوي قوي وانا ما استاهلوش ودي مش الحقيقه مش الحقيقه يا انس انس … ولما انتي عارفه ان دي مش الحقيقه عملتي في نفسك كده ليه بتهربي في الروايات ثاني ليه مش كنا بطلنا الهروب ده صابرين بصوت مخنوق …. عشان مهما اكون عارفه نفسي بس برده كلامه جـ,ـرحي جـ,ـرحني قوي يا انس واللي جـ,ـرحني اكثر ووجعني ان وقتها ما عرفتش ارد عليه ولما جيت ارد عليه بعد ما مشي لقيته عملي بلوك من كل حاجه حسيت ان انا مخنوقه كان حد اداني بعصايه على راسي وعلى ما فوقت كان هو جري ومشي ما عرفتش اخذ حقي عشان كده ما لقيتش حاجه اعملها غير اني اهرب ثاني امسك تليفوني واطلع روايتي واقعد اقري فيهم وأهرب من الواقع اللي مش عاجبني واعيش في عالم ثاني عالم انا باحلم بيه على طول وعارفه ان مستحيل يحصلي يمكن دي الحاجه اللي بتهديني زي المسكن كدة …. اه هربت يا انس بس انا كنت هاعمل ايه اطلع اجري على القهوه واوقفه واشتمه ولا اروح له البيت واقول له عايزه اتكلم معاك وقتها بقا اللي هيتشاف ان انا بجري وراه وبتحايل عليه يرجعلي عشان كده ما عرفتش اعمل حاجه غير اني اهرب بروايتي ثاني انا تعبانه بجد انا عمري ما اذيته كان عايز يمشي يمشي من غير ما يعمل فيا كده انا كده كده ما حبيتوش وكده كده مش عايزه احب الا اللي احس ان هو دا اللي هيبقى جوزي فعلا انا محافظه على قلبي لواحد بس والواحد ده مش عبد الله انس وهو بيحـ,ـضنها …. ممكن تهدي لازم تعرفي ان هو اللي خسران خسران جوهره خسران ست ب 100 راجل خسران حاجات كثير قوي قوي يا صابرين وانتي قلتي كلمه دلوقتي صح ميه في الميه انتي محافظه على قلبك لراجل بجد والراجل ده مش هو عبد الله حبيبتي الهروب عمره ما كان حل عمره ما هيحل اي مشكله انتي عارفه كويس قوي أن كل مرة بتهربي فيها بتتعبي اكثر بعدها مافيش اي حاجه هتخليكي مرتاحه غير انك تحسي انك اخذتي حقك ويا ستي لو على حقك ما تقلقيش حقك هيجيلك ولغايه عندك وهاسمعك النهارده انا هاعمل فيه ايه وهاسمعه ايه وهاعرفه هو مين وانتي مين صابرين بسرعه … لا عشان خاطري ما تروحش خلاص انا مش زعلانه مش عايزه اعمل لك مشاكل يا حبيبي انس بضحك …. لا اوعي يكون قصدك انتي كمان ان انا ضعيف وهتعب وهدخل المستشفى زي ما امك عملت فيلم حمضان وما رضيتش تقولي على ان انتي فسختي خطوبتك اوعي تكونوا شايفني فستك قوي كده لا لا لا اخوكي جامد يا بنت انتي ضحكت صابرين … لا طبعا عارفه انك اقوي راجل في الدنيا انا بس مش عايزه مشاكل صدقني ما لوش لازمه خلاص الموضوع بقى له كام يوم هيحصل شوشره وكلام كثير انا في غني عنه خليني اروح معاك بس اغير جو ممكن ؟ انس …. من غير ما تقولي حضرتك امك بره بتقول لابوكي وهتحضر شنطتها وشنطتك وهتيجوا معايا تقعدوا كام يوم هناك اهو تسالوا على لمار وتبقوا جنبي شويه انا ومكه الايام دي وبعدين تبقوا ترجعوا ثاني وقت ما تحبي سيادتك المهم التلفون دا يتساب من اديكي يا صابرين عشان متغباش عليكي ضحكت صابرين وحـ,ـضنت اخوها اوي رجعت افتكرت لما قال إنه هيخرج يجيب عشا من برة وبعد ما خرج ب عشر دقائق اتصل عليها ولما فتحت سمعت صوته وهو بيتكلم مع عبد الله علي القهوة انس … السلام عليكم ازيكم يا رجاله عاملين ايه ردو عليه كلهم السلام وعبد الله اتوتر وحس أن انس جيلة مخصوص انس … معلش يا عبد الله ممكن نقعد بس بعيد شويه عايزك في كلمتين عبد الله بتوتر وارتباك … ا اه طبعا اتفضل اتفضل بعدو شوية وقعدو علي ترابيزة بعيدة عن الناس كل دا وصابرين علي التلفون مع اخوها وسمعه كلمة كلمة بتتقال انس … بص يا عبد الله انا مش هاطول معاك في الكلام انت اكيد عارف انا جاي هنا ليه عبد الله لسه هيتكلم قاطعه انس بهدوء شديد انس … استنى بس استنى انا اللي عايز اتكلم وانت تسمعني انت اظن اتكلمت واخذت فرصتك كويس قوي وقلت كل اللي في قلبك لاختي جوه بيتها وما احترمتش حتى الرجاله اللي انت قعدت معاهم مش كده انا بقى هسمعك ردي على الكلام اللي انت قولته لها انت بتقول لها انها مش مميزه وانها عاديه ومفهاش اي حاجة تتحب عليها مش كدة معلش بس يا عبده انا عايز اعرف بس انت تتحب على ايه على جسمك اللي مش منسق على بعضه ولا على شهادتك الجامعيه اللي اقل من شهادتها ولا على شغلك اللي برده لو هي اشتغلت هيبقى شغلها اعلى من شغلك ولا على عيلتها واصلها وفصلها مش عايز اقول وعائلتك واصلك عشان مش حلوه … هل انت تتحب على ادبك اخلاقك رجولتك انت شايف ان هما موجودين اصلا لما تبقى تشوف نفسك راجل بجد ابقي روح واتكلم بعد كده مع بنات الناس ونصيحه من راجل بجد لما تيجي تنهي موضوع زي ما قعدت مع رجاله انهي مع رجاله بردو عشان تتحسب من صنف الرجاله هه يلا السلام عليكم قام انس ومشي ومستناش يسمع كلمه واحدة من عبد الله اللي كان الغضب مسيطر عليه وصابرين الضحكة اترسمت علي وشها وسمعت صوت انس انس … قلب اخوكي ياريت تكوني ارتاحتي دلوقتي بعد ما جبتلك حقك ومش بس كدة قبل ما اخرج ابوكي قالي أنه اتقابل امبارح مع ابو عبد الله وكام حد من كبار البلد و حكي اللي عبد الله عمله وكلهم غلطوة مرضيه يا حبيبتي صابرين ببتسامة … مرضيه يا قلب اختك ربنا يخليك ليا ويديمك في حياتي سند وضهر العمر كله يارب فاقت من شرودها علي صوت انس أنهم وصلو البيت و طلعت احلام و صابرين علي طول علي شقة ابتسام يعملو الواجب الاول ❈-❈-❈ ابتسام ببتسامة …. يا الف اهلا وسهلا نورتونا والله اتفضلو اتفضلو احلام … حمدالله على سلامه لمار يا حبيبتي سامحيني جت متأخرة شوية معلش ابتسام … الله يسلمك حبيبتي تسلمي وبعدين احنا اهل يا احلام مفيش بينا الكلام دا احلام … ونعم الأهل والله خرجت زهرة في الوقت دا ورحبت بيهم هي كمان و بعد حوالي ساعه كانو متجمعين كلهم علي الغدا عند ابتسام عمار بفرحة … والله لمتنا دي وحشتني اوي … منورين يا جماعه احلام … دا نورك يا حبيبي … بس مكنش له لزوم لكل دا يا ابتسام احنا مش غرب يعني ابتسام … شوفي الست الواد يقول فرحان وهي تقول مكنش له لزوم ما تشوفي اختك يا ايمان ايمان وهي بتاكل … ولا اعرفها انا جعانه دلوقتي انس بمرح …. انا من زمان شاكك ودلوقتي اتاكدت عدي … دا ال هو ايه ما توضح انس … البت صابرين بردو الاكل يتحط خلاص كدة ولا ليها دعوة باي حاجة بتحصل حواليها كنت شاكك أنها طالعه ل خالتو ودلوقتي اتاكدت خلاص ايمان برفعه حاجب … ودا مش عجبك مثلا يعني ولا ايه ؟ الاكل له احترامة علي فكرة انس بخوف مصطنع …. انا اتكلمت يا خالتو انا بس بقول أنها شبهك مش اكتر صابرين ببتسامة …. هو انا اطول ابقي شبه القمر دا في اي حاجة مكة … امي دي اللي الحفلة عليها هه محسن وهو بيخبطها علي رأسها … حفله ايه يا آخرة صبري نقي كلامك بقا عدي … استنو بصو تالا نامت علي حجر خالتو ازاي يا حرام قوم يا بني ادم انت شيلها نيمها جوة احلام … لا سيبها نائمه حرام لو حركتها دلوقت هتصحى خليها وانا لما نخلص غدا هاشيلها و هانيمها بنفسي عمار بضحك … فاكر ياض يا عدي لما انس اتقلب من علي ترابيزة السفرة وهو نايم هههههههههههههههه عدي وهو بيضحك …. يالهوي ع دا يوم هههههههههههههههه كان شكله مسخرة زهرة … لا معلش انا عايزة اعرف حصل ايه هايدي … أيوة وانا كمان عايزة اعرف مكة … الله الحفلة انتقلت من امي ل دوزي انس بسخريه … منه له دوزك دي ال هي علي وزن جوزك صح كدة مكة … اه صح كدة عمار … خدت بالك بيتوه في الكلام عدي … اه خدت بالي بس علي مين انا مراتي عايزة تعرف مينفعش اسيبها بفضولها كدة دي هايدي في الفضول مبتهرزش هايدي برفعه حاجب … نعم يا عدي ! عدي بسرعه … حبيبه قلبي انا هحكيلك انس … ما خلاص يا عم انت وهو في ايه عمار … ابدا لازم نحكي (بص ل زهرة ) بصي يا حبيبتي الواد دا واحنا صغيرين كان بينام كتير اوي وفي اي حتة تلاقيه نام علي السلم في العربيه في الحمام حتي مش مهم عدي كمل … كان يقولك طالما النوم حضر إذا انا له منصاع هايدي. .. ايه الجمله دي ؟ فيها حاجة غلط مكة … يختي متركزيش خليهم يكلمو انا بحب الحكايه دي اوي انس … منكم لله كلكم و أولكم مراتي عمار كمل …. المهم كنا مرة بنتغدي كدة كلنا و مكنش في كراسي علي عددنا ف انس كان قاعد علي ايد الكرسي جمب طنط احلام وكلنا بقي بناكل ونتكلم وهوووووب نلاقي انس دا ضـ,ـرب شقلباز في الجو نزل علي رأسه وقبل ما نستوعب ال حصل لاقيناه قام وبيتلفت حواليه بسرعه بيقول (غير نبرة صوتة ) ايه دا ايه دا ايه دا هههههههههههههههه كلنا بقا فضلنا نضحك وهو عمال يلف حوالين نفسه ومفيش ع بؤة غير ايه دا ايه دا هههههههههههههههه الكل بدء يضحك حتي انس ضحك معاهم محسن … طول عمرة اهبل ميتخيرش عنكم ابدا الله يرحمو اخويا كان ديما يقولي في أواخر ايامة معلش يا محسن سيبلك تلت رجاله اهبل من بعض البنات هنا ضحكو بصوووت عالي جدا حتي راويه ضحكت من قلبها معاهم والشباب كشرت عدي …. انا نفسي تحترمنا شويه حتي قدام مراتتنا محسن … لا انا براحتي وبعدين انت بالذات اهبل ومراتك عارفه انك اهبل عمار … اسكت يا عدي لحسن عمي كل ما تزود معاه كلمة بيغمق معاك اكتر هايدي بضحك … والله عمي دا عسل وبيقول كلام زي الفل عدي برفعه حاجب…. نعم يا قمر ؟ كلام اي اللي زي الفل هايدي بنعومة … اللي عمي محسن بيقولو يا حبيبي مكة بضحك … اهي حبيبي دي مفروض تخليك تسكت بقا تدري ليش ؟ عدي … ليش ؟ مكة …. لأنها بتثبتك تثبيت صريح و واضح ف انت مفروض تقدر دا عدي …. لا اقنعتيني بصراحة فضلو يهزرو ويضحكو ومش حاسين بالوقت لدرجة أنهم خلصو اكل من بدري ولسه قاعدين علي السفرة زي ما هما كأنهم ما صدقوا أنهم اتجمعو تاني وخايفين يقومو لاي حاجة تحصل و تفرق شملهم من تاني ❈-❈-❈ وبعد وقت جميييييل خلص بسرعه قرب منتصف الليل دخل كل واحد علي بيته عمار لسه هيدخل ينام تلفونه رن برقم يوسف خرج البلكونة ورد عمار … الو يا يوسف ازيك يا حبيبي ؟ يوسف … باشاتنا عامل ايه يارب تكون بخير ؟ عمار … تمام يا حبيبي تسلم يوسف … بقولك يا باشا فاكر الواد اللي اسمه حسن اللي من كام يوم سالتني عليه ؟ عمار بلهفه مداريه … اه اه فاكره ماله ظهر ؟؟ يوسف …. لا ظهر ايه دا احنا جالنا اخباريه من العصر كدة أنهم لاقو جـ,ـثته مرمية في المقطم و طلعت مع القوة اللي راحت وطلع هو فعلا واخد حوالي ١٥ ل ٢٠ طعنه في مناطق متفرقة في جسمة عمار … لا حول ولاقوة الا بالله ومعرفتوش مين عمل كدة ؟ يوسف … لا لسه ملحقناش انا بعد ما رجعت القسم وبدأت اشتغل افتكرت انك سالتني عليه قبل كدة ف قلت اقولك وأشوف لو عندك اي معلومة تفيدني في التحقيقات عمار اتوتر بس حاول يداري توتره دا هو مش عايز اسم اختة يتعرف في الحوار و مش عارف يرد علي يوسف يقوله ايه يوسف بشك … عمار في حاجة انت مخبيها عليا ؟ قول يا صاحبي ومتقلقش عمار بقلة حيلة …. طيب يا يوسف الكلام مش هينفع في التلفون تقدر تعدي عليا بكرة بعد ما تخلص شغلك ؟ يوسف بجديه …. تمام يا عمار بكرة بعد العصر كدة هكون عندك يلا اسيبك تنام بقا يا حبيبي تصبح علي خير عمار … وانت من أهله الخير … سلام قفل عمار وفضل قلقان ومتوتر حاول ينام طبيعي اكتر من مرة فشل وفي الاخر اخد حبيتين منوم لانه كان محتاج للراحة باي شكل ❈-❈-❈ في شقه انس دخلت احلام و صابرين ينامو و مكة خدت تالا معاهم في اوضتها هي وانس وكانت قاعدة مع انس بتفهم منه اللي حصل ل صابرين وبعد ما خلص مكة بضيق … دا انسان متخلف ومش متربي والحمد لله انها خلصت منه دلوقتي قبل ما كانت تدبس معاه انس … المهم يا مكة اليومين ال هتقعدهم هنا مش عايزاها تمسك التلفون خالص عشان خاطري ساعدني أبطلها العادة دي ممكن مكة … انت بتقول ايه يا انس صابرين دي اختي ع فكرة وربنا يعلم انا بحبها اد اية متقلقش انت انا هتصرف انس بتحذير … مش محتاج أكد عليكي طبعا أن محدش يعرف حاجة مكة كشرت. …. اتمسي يا انس عشان مزعلش منك هه انس … مقصدش يا حبيبتي انا بس مش عايزاها تتحرج من اي حد هنا مكة … قلتلك خلاص هتصرف والله متقلقش انس … لسه كدة فاضل مشكله كمان مكة … في اي تاني ؟ هو يوم باين من أولو انس …. الأخوة اللي احنا عايشين فيها دي اخرتها ايه ؟ كدة كتير ع فكرة وظلم واستبداد كمان مكة برفعه حاجب. … ليكون مش عجبك العقاب بتاعي ؟ والله قطاعها انس بسرعه …. استهدي بالله كدة ومتحلفيش انا مقلتش مش عجبني انا بقول كتير المدة كبرت اوي وانا بجد مش قادر ( هدي نبرة صوتة واتكلم بهمس ) وحشتيني اوي يا مكة بجد وحشتيني هو انا معقول كل دا موحشتكيش ؟ مكة بحب … لا طبعا وحشتني انس وهو بيقرب منها … الله طب لما انا وحشتك وانتي وحشتيني اية بقا مكة وهي بتبعد …. اية انت تالا معانا وماماتك واختك في الاوضة اللي جمبنا اتلم يا انس ونام يلا انس وهو بيديها ضهرة بعصبية وبيشد الغطا علية …. هتخمد اهو يا مكة اهو يارب ترتاحي كدة ضحكت مكة وحـ,ـضنت بنتها ونااامت نوم عميق ❈-❈-❈ تاني يوم الصبح محسن جمعهم كلهم علي الفطار قبل حتي ما اي حد ينزل شغله فطرو سوا والضحكة علي وشهم والفرحة بدات ترجع لحياتهم الا عمار اللي لسه قلقان وخايف في اي وقت اختة تتفضح وكان باين للكل سرحانة و القلق المرسوم علي وشه لكنه اتحجج أنه في قضيه جديدة وهو مسكها ف شغله باله الكل اقتنع الا لمار ال حست أن الموضوع يخصها لكنها سكتت بعد الفطار خرج كل واحد علي شغله وكلم عمار يوسف وقاله أنه جيله علي القسم ميجيش هو وفعلا خلال ساعه كان عمار قاعد مع يوسف في مكتبه يوسف …. فهمني بقا في ايه انا بدأت اقلق عمار …. هفهمك بس معلش عرفني الاول تلفون الواد دا كان معاه ؟ يوسف … لا مكنش معاه تلفون فهمني يا عمار في ايه ؟ عمار … انت اكيد عارف ال حصل لأختي مش كدة ؟ يوسف … اه طبعا وكلمتك وقلتلك متقلقش معتز اصلا متروق ومتوصي عليه اوي بس دا ايه علاقته بحوار حسن عمار بثبات …. حسن يا سيدي يبقي عامل الفندق اللي لمار اداته فلوس عشان يصور معتز مع الزباله ال كانت معاه وانت شايف بنفسك وضع لمار ايه لو اتعرف أنها كلمت حسن أو كانت علي تواصل معاه هتدخل في دائرة التحقيقات وسين وجيم وهي حاليا مش ناقصه الدكتور اصلا ماكد علينا أنها تبدء علاج نفسي فهمت بقا انا مش عايز اتكلم ليه سكت يوسف ثواني بيفكر في كلام عمار وعمار ثابت زي ما هو يوسف ببتسامة … اوكي يا باشا ولا كانك كلمتني ولا كاني سمعت حاجة اختك هي اختي اكيد عمار ببتسامة … دا العشم بردو يا يوسف تسلم يارب يوسف برفعه حاجب … بس انت عارف طبعا أن محدش في الزمن دا بيعمل حاجة بدون مقابل ولا ايه عمار اتصدم كدة شوية وبعدين رد …. مقابل ايه اللي انت عايزة ؟ يوسف …. اكله محشي وبط وملوخيه من ايدين الحجة لحسن عيشه العزوبيه اللي عيشها دي مبهدله اخوك والله يا جدع عمار وهو بيضـ,ـربه ف كتفه … والله انك عيل بارد انا صدقت بجد انك هتندل معايا يا بايخ يوسف بضحك …. عيب عليك بس بردو الطلب ال طلبته انا جد فيه جدا جدا جدا اه انا في الاكل مبهزرش عمار …. خلاص يا عم بكرة أن شاء الله الغدا عندي وهخلي الحجة تظبطك مرضي كدة ؟ يوسف …. هو دا الكلام انا همنع اكل من النهارده بقا عشان اكل بكرة بمزاج كدة واعرف استمتع يييييا الواحد جاع ع السيرة والله ضحك عمار علي صحبه اللي مش هيتغير الاكل شيء أساسي في حياته والجدعنة كمان ❈-❈-❈ البنات كلهم اتجمعو في شقه ابتسام عشان ميتعبوش لمار ومكة مش سيبه فرصه ل صابرين خالص أنها تمسك التلفون هايدي كانت قاعدة قلقانة و عينيها علي تلفونها ديما قربت منها زهرة زهرة …. مالك يا دودي مش علي بعضك ليه ؟ هايدي بضيق …. عدي نفذ اللي في دماغه وخد هو كريم يوصله ل باباه وانا قاعدة قلقانة يحصل بينهم اي حاجة خصوصا قدام كريم زهرة بتفهم …. متقلقيش عدي استحاله يعمل اي مشكله قدام كريم قاطع كلامهم صوت تلفون هايدي ال فتحت قبل حتي ما اول رنه تكمل هايدي بلهفه … الو يا عدي عدي …. ايه يا حبيبي مال صوتك مخضوض كدة ليه هايدي …. حصل حاجة بينك وبين وليد ؟ كريم فين دلوقتي ؟ عدي …. اهدي شوية محصلش حاجة نهائي وكريم معاه في الملاهي و علي الساعه خمسه كدة هرجع واخدة تاني ونروح في ايه للقلق دا كله هايدي. .. مش عارفه ليه مش مصدقاك عدي …. وانا هكدب ليه وهكدب ف ايه اصلا هايدي …. في أن محصلش شد بينك وبين وليد عدي …. لا حبيبي صدقيني محصلش شد ولا حاجة هو مجرد ما شافني جايب كريم بنفسي فهم الرساله اللي عايز اوصلهالو واتعامل علي أساسها اطمني انتي متشغليش دماغك الحلوة دي بحاجات تافهه اشغليها بيا انا وبس هايدي ابتسمت باحراج لأن زهرة جمبها… احم طيب تمام عدي …. ممممم طالما قلتي احم يبقي حد جمبك صح هايدي … ماشاء الله عليك ما انت شاطر اوي اهو عدي …. طول عمري علي فكرة كفايه اني اخترت احلي ست فيكي يا مصر هايدي …. في مصر بس ؟ عدي … في الدنيا كلها يا قلبي بقول ايه اقسم بالله اجي بالليل تقوليلي نام جمب كريم ها هايدي بتحذير …. ها ايه هه عرفني ؟ عدي … هزعل يا هايدي هزعل وانتي وضميرك بقا هايدي ضحكت علي كلامة وفضلو يهزرو شوية وبعد ما قفلو مكة جمعتهم كلهم وجابت شنطة مليانة مسكات وكريمات وقررت اليوم يكون يوم بنات وبس يتبع …. الفصل الرابع والعشرون حب نفسك و راضيها و هون عليها …. كون صديق وفي ل نفسك قبل ما تطلب من اي حد أن يكون صديق ليك وحب نفسك بعيوبك ومميزاتك قبل ما تطلب من حد أنه يحبك ويقبلك زي ما انت … مكة …. هي لمار فين مش هتيجي تقعد معانا ولا ايه زهرة … حاولت معها كتير بس هي مش راضيه تخرج من الاوضه هايدي …. يمكن لسه تعبانه يا جماعه بلاش نضغط عليها مكة … ما فيش الكلام ده انا قلت قاعده بنات يعني قعدت بنات هتدخلي تجيبها يا زهره ولا ادخل انا راويه … هادخل انا اجيبها يا جماعه وانتم حضروا بس الماسكات والكريمات والكلام ده كله ومالكوش دعوه ب لمار انا هاجيبها زهرة …. اه طبعا ما انتم بقيتم اصحاب وعلى طول قاعدين مع بعض دلوقتي ماشي يا ستي براحتكم راويه … ده على اساس ان انا وانتي ما بقيناش اصحاب وما بنسهرش مع بعض كتير لغايه الصبح مكة …. اقعدوا بقى لوك لوك لوك لغايه اما اليوم يخلص ومانكونش عملنا اي حاجه ونبص نلاقي الرجاله طبت علينا راويه وهي داخله ل لمار … خلاص خلاص اهدي انا هادخل اجيبها اهو واجي على طول يا ساتر عليكي بعد ما راويه دخلت وقفلت الباب وراها هايدي وجهت كلامها ل زهرة هايدي … بقولك ايه يا زهره هو لسه ما فيش اخبار عن رامي اخوها انا خايفه بصراحه ان هو يجي ويحاول ياخذها غصبا عنها واحنا تعلقنا بيها كلنا وبقينا حسين أنها واحدة مننا زهرة …. والله هايدي انا كل ما اسال عمار يقول لي ما فيش اخبار عنه و ان هو مختفي انا كمان خايفه عليها واتعلقت بيها جدا وكمان لمار اتعلقت بيها البيت كله حبها مكة … والله ان انتم ستات نكد بومه قاعده معايا وبومة تانيه بترد عليها احنا قلنا النهارده للإستمتاع نعمل ماسكات كريمات نشغل اغاني نهزر نضحك وانتم مصرين تتكلموا في المشاكل وبس زهرة بغمزة …. ده احنا شكل مزاجنا عالي بقى وخلاص سامحنا ورضينا ولا ايه النظام مكة بمرح …. الله انتم هتحفلوا عليا ولا ايه وبعدين يا ستي ما اقدرش اقول لك سامحت خالص ولا انا لسه شايله منه بس بصراحه انا مستمتعه بالوضع دلوقت وهو بيحاول يحايلني كده شعور لذيذ يعني زهرة … وانتي يا دودي ايه الاخبار مستمتعه برده بالمحايله ولا خلاص سماح وصافي يا لبن هايدي … بصراحه انا كمان زي مكه مستمتعه جدا بالمحايله وعماله استعبط فيها مكة … مراه اخويا حبيبتي تربيتي وانتي بقى يا ست زهره يا اللي عماله تقررينا والله شكلك انتي اللي سماح وخلاص وعامله لنا فيها بس ست ثقيله زهرة بحزن … والله يا مكه انا ما عارفه مش فاهمه نفسي ساعات باحس ان انا خلاص مش فاكره اي حاجه وحشه بيننا وبابقى عايزه بس اخذه في حـ,ـضني واهون عليه الوضع اللي هو فيه وساعات ثانيه بافتكر كل حاجه عملها فيا وباحس ان انا لسه مجروحه قوي منه ومش قادره اصفي وانسى بجد انا مش عارفه اخره اللي انا فيه ده ايه هايدي … عايزه راي يا زهره ؟ زهرة … اكيد طبعا انا اصلا كلامك بيريحني جدا وباحس ان انتي فاهماني من غير ما اتكلم هايدي …. ما تفكريش كتير ما تفكريش ان انت لازم تسامحي وما تفكريش ان انت لا لازم ما اسامحش اتعملي باللي انتي حساه وقت ما تحسي ان انت محتاجه تهوني عليه ومحتاجه تاخذيه في حـ,ـضنك اعملي كده وقت ما تحسي ان انت لسه مش قادره تقربي القرب اللي هو خلاص انا صافيه ما تقربيش ما تضغطيش على نفسك خلي قلبك ياخذ وقته خالص لحد ما يتراضى خذي وقتك عشان كل ما هتاخذي وقتك وتتراضي صح كل ما هتعرفه تكمله حياتكوا قدام بعد كده صح مكة بتأييد … بالضبط يا زهره ما تعمليش زيي انا كتمت جوايا ان انا ما كنتش لسه صافيه لان ساعتها انس كان تعبان بس اللي حصل ايه ان انا انفجرت وما قدرتش استحمل انتي كمان فعلا لازم تاخذي وقتك خذي وقتك من غير ما تكوني عارفه ان انت لازم تعملي حاجه معينه انت لا مجبره على حاجه ولا لازم تعملي حاجه حاسه انك عايزه تبقي جنبه وابقي جنبه حاسه انك عايزه تبعدي ابعدي وعلى فكره عمار بيحبك واتغير بجد وعارف دلوقتي قيمتك كويس جدا جدا جدا وهيستحمل منك اي حاجه وهيصبر عليك جدا ما تقلقيش من الحته دي صابرين وهي خارجة من المطبخ … عمالين تقولوا ماسكات وكريمات طب وبالنسبه للغداء بقى ان شاء الله هنتغدى ايه انا مش شايفه يعني جوه في المطبخ اي غدا بيتحضر كلها جبن وشاي بلبن وكحك وبسكويت ايه ده انا الحاجات دي ما تنفعش معايا هنتغدى ايه عشان ابقى عارفه مكة … يخرب بيت سنينك انسي الاكل شويه انسيه يا ستي هنتغدى اكل زي الفل صابرين … لا ما بانساش الاكل انا وبعدين معلش يعني ايه اكل زي الفل ايه هو الاكل اللي زي الفل ده زهرة وهي بتضحك … هنتغدى سمك وجمبري مشوي ورز وسلطه وطحينه وكله هيجي جاهز ايه رايك كده مرضيه يا ست صابرين صابرين بسعادة … الله الله ده ايه الحلويات دي كلها لا اذا كان كده بقى نقعد ونعمل ماسكات وكريمات ويا سلام بقى لو ممكن نعمل شعرنا كمان وممكن كمان نكلم احد في اي بيوتي سنتر يجي يعمل لنا باديكير ومانيكير يلا يلا مكة …. ايوه بقى هو ده الكلام ما تشوفي لنا يا بنتي اللي دخلت تجيب لنا لمار من جوه راحت فين وانتي كمان قومي شغلي لنا اي اغنيه ولا اي حاجه نقعد نهيص عليها ضحكو البنات على جنان مكه وصابرين وفعلا دخلت هايدي جابت من جوه السماعات وشغلت اغاني وزهره دخلت طلعت لمار وراويه وتجمعوا كلهم مع بعض في جو جميل جو كلهم كانوا مفتقدينه من زمان ❈-❈-❈ وفجأة خطر علي بال صابرين فكرة مجنونة صابرين … باقول لكم ايه انا عندي فكره مجنونه كده شويه بس مش عارفه اجوازكم هيفرحوا بيها ولا لا هايدي … فكره ايه دي يا تحفه قولي صابرين … يعني بما ان عمار وانس وعدي مستنيين ان انتم تحنوا عليهم وانتم تقلانين طبعا ايه رايكم لو صورنا فيديو دلوقت ليكم انتم الثلاثه وانتم بتغنو ليهم اغنيه كده على الوضع اللي انتم فيه زهرة … لا طبعا بطلي جنان اغنيه ايه اللي نصورها ليهم مع بعض وبعدين عمار لو عرف ان انا انس وعدي شافوني هيزعق وبرده اعتقد ان مكه وهايدي نفس كلام مكة بعد ما عجبتها الفكرة … طب ما احنا ممكن كل واحده تصور فيديو لوحدها لجوزها وتبعته له على الواتس ايه رايكم هايدي … لا ده انتي عجبتك الفكره بقى وهتتجنني زي بنت خالتك راويه … طب والله العظيم فكره جميله حاجه حلوه يعني يلا يلا نجرب لمار كانت بتضحك معاهم رغم التعب و الإرهاق ورغم أنها لسه لسانها تقيل إلا أنها حسه انها مشاركاهم فرحتهم ودا مفرحها صابرين … ما تبقوش رخمين بقى كل واحده هتتصور يا ستي لوحدها طالما مكسوفين مننا انا عارفه ان زهره وهايدي بيتسكفو انا هادخل اضبط لكم التليفون و الكاميرا وكل حاجه وكل واحده هتدخل لوحدها وتتصور وهي بتغني اغنيه معينه فكره مجنونه ولذيذه وحلوه وتبعتها لجوزها على طول على الواتساب ايه رايكم بجد فكره حلوه يلا يلا مكة بحماس … انا عن نفسي موافقه وان شاء الله هايدي هتوافق وزهره كمان ما تبقوش رخمين بقا وبعد زن كتير من مكة وصابرين وراويه وافقت زهرة وهايدي دخلت اول واحدة مكة بعد ما ظبطت شعرها و لبست فستان بيت قصير و مسكت فرشه في ايديها كأنها ميكرفون وبدأت تغني ل انس مكة …. انا هاعمل فيك جميله عارفاك قليل الحيله وبجد صعبت عليا انا هاطلع ست اصيله مش هابقى معك بخيله واحنن قلبي شويه هارحم عينيك من اللي مبكيك واللي مخليك هتمـ,ـوت عليا وارجع من تاني اسامحك تاني واصدق تانب ان انت ليا خلصت مكة وبعتت الفيديو لانس وقفلت الفون عشان تتفاجأ برد فعله لما يرجع وخرجت ودخلت بعدها هايدي اللي كانت محرجة بس من جواها عجبتها الفكرة جدا وقفت تفكر شوية في الاغنيه اللي هتقولها ل عدي وبعدين جهزت نفسها ❈-❈-❈ هايدي … أنا مش مش مبيناله انا ناوياله على ايه سكتة ومستحلفاله ومش قيلالو ساكته لية خليه يشوف بعنيه ايه اللى نويا عليه هخلى يخاف من خيالوا لما اغيب يوم عن عنيه هيجينى عشان يراضينى هقول على عينى منستغناش وهيسيبو يجرب مرة عشان تاني مرة ميعملهاش وبناقص عند ب عند وبعد ببعد ويا رجعنا يا مرجعناش خلصت هايدي وبعتته وقفلت الفون زي ما عملت مكة عجبتها اوي الفكرة كانت عايزة تتفاجأ هي كمان برد فعل عدي وجه الدور علي زهرة اللي كانت مكسوفه جدا جدا ومش عارفه تقول ايه جابت كرسي عالي شوية وقعدت عليه قصاد التلفون وبصت للكاميرا وبكل هدوء غنت زهرة …. اكدب عليك اكدب عليك اكدب عليك لو قلت بحبك لسه اكدب عليك واكدب عليك لو قلت نسيتك همسه اكدب عليك وامـــال انا ايه قلي انت انا ايه اختار لي بر وانا ارسي عليه انت حبيبي يعني لسه حبيبي ولا حبيبي عشان كنت حبيبي قول يا حبيبي قول يا حبيبي عارف كان اجمل شيء في حياتي ايه يا حياتي كان اجمل شيء ان انت كل حياتي توعدني واطير قبل المواعيد للفرحه اعيد قبل العيد والقاك يا حبييبي سابقني هناك والحب ف ايد والدنيا ف ايد والشمع يشوفني معاك يا حيبي من غير ما نقيده لوحده يقيد كان شيء جوانا علينا جديد دالوقت خلاص ما اصبحش جديد زهرة اندمجت اوي مع الاغنيه غنتها بكل إحساسها الي جواها والحيرة اللي تعبها فعلا في علاقتها مع عمار خلصت و بعتته زي ما البنات عملت بس مقفلتش التلفون سابته مفتوح وخرجت كملت باقي اليوم مع البنات ❈-❈-❈ عمار بعد ما خرج من عند يوسف رجع علي شغلة اللي اهملو جدا الفترة اللي فاتت و اندمج في كم القضايا اللي قدامه بس قبل ما يبدء كان اتصل علي كزا حد في اسكندريه عشان يشوف موضوع رامي وصل لايه وبعدين كمل شغله وفي وسط اندماجه تلفونه رن برساله ع وتساب بص علي التلفون ولفت نظرة أنها من زهرة فتحها بسرعه واتفاجا بالفيديو مكنش عارف يفرح ولا يزعل أن هي لسه في حيرة من ناحيته اتفرج علي الفيديو مرة واتنين وتلاتة وبعدها سجلها فويس بصوتة قبل ما يرجع يكمل شغله عمار … انا حبيبك يا زهرتي حبيبك وجوزك و ابنك وصديقك واخوكي انا كل حاجة ليكي يا اجمل زهرة في الدنيا …. بحبك وهفضل احبك واعتذرلك طول عمري واوعدك اني عمري ما اجـ,ـرحك تاني اتعلمت الدرس يا زهرة والله اتعلمتو واتعاقبت جامد اوي … حنني قلبك الطيب دا شوية عليا يا حبيبي … قوليلو دا عمار حبيبك سامحه واديلو فرصه … بحبك يا روحي المسج وصلت ل زهرة سمعتها وابتسمت ورجعت تاني كملت يومها مع البنات ❈-❈-❈ أما انس اللي كان في المستشفي يدوب خلص عمليه ودخل اوضة الدكاترة يريح شوية مسك تلفونة ولاقي فيديو من مكة ومكتوب تحته اسمعه لوحدك وبالسماعات استغرب الكلام بس نفذة واتفاجا بحبيته اللي خطفت قلبه للمرة اللي ملهاش عدد بطلتها الجميلة الرقيقه وهي بتغني وبتتمايل وكلها شقاوة وانوثه جننته فوق ما هو كان متجنن عليها حاول يتصل عليها كتير كان مغلق وفهم أنها بتلاعبو اتصل علي تلفون صابرين صابرين …. أيوة يا انس انس بجديه … اديني مكة بسرعه يا صابرين بسررررعه صابرين بقلق … في اي يا انس انت كويس ؟؟ انس بنفس النبرة … كويس كويس بس عايزة مكة بسرعه يا صابرين صابرين لمكة بقلق … مكة خدي كلمي انس بسرعه مش عارفه مالو مكة شدت منها التلفون وهي خايفه يكون تعب تاني مكة بلهفه … الو حبيبي انت كويس ؟ انس بحب … بجد هتطلعي ست أصيلة وترحميني خلاص الله علي قلبي وهو بيتمايل وعايز يت قاطعته مكة بسرعه بخجل…. بس بس بس في ايه والله انت رخم وقليل الادب انس برفعه حاجب… الله ايه يا قطة مش انتي اللي بداتي اللعب لما انتي مش قد اللعب بتلعبي معايا ليه هو انا ناقص انا علي أخري والله مكة بخجل … انس خلاص بجد اقفل دلوقتي و لما تيجي نتكلم انس كشر … لا وحياة امك ايمان لما اجي مش هنتكلم خالص مش عايز اسمع كلمة واحدة حتي احنا هنفعل اشياء أخري غير الكلام يا قلب قلبي مكة بحرج … اقفل يا انس اقفل يا قليل الادب من غير سلام كمان اهو وقفلت التلفون من غير ما تسمع ردة بس كانت مبسوطة اوي وحسه أنها بدات ترجع مكة اللي تعرفها وبتحبها …. أما انس قفل وهو الابتسامة على وشة والفرحة مش سيعاه خلاص حبيبته رجعتلة بخجلها و شقاوتها واخيرا هيرجع يعيش من تاني ❈-❈-❈ عدي كان في الشركة وعنده اجتماع مع الموظفين عشان اخر صفقه كسبها محتاجة تركيز جامد منهم وفي وسط الاجتماع تلفونه رن برساله من هايدي كان الفيديو ومعاه نفس الجمله أنه يتفرج لوحدة ويسمع بالسماعات حاول يرجع يركز في الاجتماع تاني مقدرش استاذن منهم أنه هيعمل تلفون مهم وراجع تاني ودخل مكتبه الخاص وقفل عليه و شغل الفيديو واتفاجا بحبيبته وهو بيتغنيلو وكلها شقاوة ودلع ضحك كتير من قلبه علي اللي جننتة شويه بعقلها الكبير وشويه بجنونها اللي بيكون معاه هو وبس ومش لاي حد تاني وفجأة كشر ومسك الفون واتصل عليها لاقاه مغلق اتصل علي مكة كمان مغلق اتصل علي ماماته قلتله اللي جننه وخلته خد تلفونه و لغي الاجتماع وطار بعربيته علي البيت وهو حالف لهيكون يوم اسود علي هايدي عند البنات لمار كان باين عليها السعادة جدا وفجأة كشرت وكان واضح انها عايزة تقول حاجة بس كل ما تحاول تتكلم محدش يفهم هي بتقول ايه راويه … لمار اهدي العصبيه والعياط دا مش هيفهمنا حاجة زهرة … حبيبتي طيب انتي عايزة ماما ابتسام هزت لمار دماغها ب لا زهرة …. طيب عايزة عمار ؟ هزت لمار راسها ب أيوة هايدي …. بس هو في شغله دلوقتي لو تعبانة ننزل بسرعه علي مستشفى وهو يجلنا علي هناك هزت لمار راسها ب لا وهي دموعها نازله صابرين بصوت عالي … بس لاقتيها لمار انتي تقدري تكتبي صح ايديك اليمين كويسه انا شوفتك بتاكلي بيها عادي لمار عملت صوت همهمه بحماس وجريت زهرة جابت قلم و أجندة وحطتهم ل لمار اللي كتبت بصعوبه شوية لمار … عايزة اعرف عمار حاجة ضروري يا زهرة خليه ضروري لما يجي انهاردة يدخلي انا عارفه أنه مش عايز يتكلم معايا بس دي حاجة مهمه عشان خاطري يا زهرة خليه يدخلي زهرة … حاضر والله اول ما يوصل هخليه يدخلك اهدي بقا اليوم كله حلو وضحك وهزار واغاني بلاش نقلبها نكد ما كنتي كويسه ايه حصل راويه حست أن لمار مش عايزة تقول هي افتكرت ايه ف غيرت الكلام بسرعه . راويه … عايزة اشغلكم اغنيه إنما ايه علينا بالظبط والله يا بنات بس كله يرقص معايا عليها مكة … اوكي يلا شغلي راويه شغلت اغنيه دولا مجانين والكل اتفاعل معاها وصوت ضحكهم مليء المكان كله عدي وصل ونزل وهو متعصب جدا طلع علي شقه عمة اللي البنات متجمعه فيها وسمع صوت ضحكهم وللاسف ضحكة هايدي كانت اكتر ضحكة فيهم مميزة وعاليه جداااا خبط جاااامد وهو ايديه علي الجرس البنات اتخضت جدا جريت صابرين علي العين السحريه وشافت عدي وكان باين عليه الغضب رجعتلهم بسرعه مكة … طلع مين صابرين … يالهوي يا مستهوي دا عدي يا هايدي ومدخن علي الاخر هايدي … مدخن يعني ايه ؟ مكة بسخريه … يعني جايب آخرة ومتعصب قومي افتحي صدعت من الخبط دا واحنا هندخل جوة يلا البنات دخلو اوضه وقفلو عليهم وهايدي فتحت عدي بغضب … اييييه ساعه علي ما تفتحي هايدي باستغراب … براحة في ايه بس عدي … كل دا علي ما تفتحي ليه هه هايدي …. علي ما شوفنا مين والبنات دخلو الاوضه احنا كنا قاعدين براحتنا في ايه يا عدي لكل دا ؟ عدي بغضب … ادخلي البسي حاجة واسعه يا هانم وتعالي اقولك في شقتنا في ايه دا انتي نهارك اسود انهاردة هايدي كشرت … ايه يومك اسود دي عدي اعدل كلامك معايا انا معملتش حاجة في ايه عدي بعصبيه …. انا معدول يا هايدي الدور علي حضرتك الي قعدالي بفستان مجسم عليكي و مفتوح و بتغني وتترقصي قدامهم اوي وكله كوم وصوت ضحكتك ال جايب البواب تحت دا كوم تاااااني يا هايدي وايه الميكب دا هه مش قلت الميكب دا جوةةةة البيت وبس وليا انا وبس اييييه بقا كلامي ملوش اي تلاتين لازمة مش كدة ردي عليا ساكتة ليه ؟ هايدي بحب وابتسامة … شكلك حلو وانت غيران عليا كدة … بحبك يتبع …. الفصل الخامس والعشرون والأخير الحياة الزوجيه مش كلها حب و دلع و رومانسيه ولا كلها نكد و خناق و مشاكل الحياة الزوجيه زي الطفل الصغير بالظبط محتاجة اهتمام ورعايه دائما … محتاجه تغافل احيانا …. وتسامح احيانا محتاجة …. محتاجة صبر كتيييييير واهم حاجة عشان الحياة الزوجيه تستمر بحلوها ومرها ان يكون في مشاركة بين الطرفين مش طرف يدي وطرف ياخد وبس الكلام الحلو و تطيب الخاطر مش حاجة تافهه دول ممكن يقومو بيت كامل او يهدموه في ثانيه واحدة راعو مشاعر بعض وزي ما بتطلبو الكلمة الحلوة قالوها الاول مفيش زواج مثالي لأن ببساطة مفيش حد فينا مثالي عشان يقدر يعيش في زواج مثالي كلنا فينا عيوب كلنا عندنا قصور في شخصيتنا كلنا نفسنا في اللي يتقبلنا زي ما احنا فلازم احنا كمان نتقبل اللي قدامنا ومنحاولش نشكله علي مزاجنا أو طباعنا اول غلطة الستات بتقع فيها هي ((( الندب ))) دور الضحيه الي بيعجبها وبتستسلم له وتفضل ٢٤ ساعه بينها وبين نفسها أو مع المقربين منها تندب انا حظي وحش انا جوزي فيه وفيه انا مظلومة انا مقهورة انا مغلوبه علي امري اي واحدة ظروفها اقوي منها قدامها حل من اتنين يا تتعلم ثقافه الرضي بالمكتوب وتعافر وتحاول من وسط كل المشاعر السلبيه اللي محواطاها أنها تعمل حاجة حتي لو صغيرة جدا جدا ليها هي ترسم بيها الضحكة علي وشها حتي لو فنجان قهوه حتي لو بسكويت مع كوبايه شاي اي حاجة تحسي انها خاصه بيكي وبيتعمليها ل نفسك عشان تطبطبي عليها وتحبيها وتهوني عليها اللي هي فيه يا بقي تتحدي الواقع ترفعي عنك الازي باي طريقه ممكنه تعرفي انك لو عايزة تعملي حاجة هتمعليها أن كيدهن عظييم انتي قوية ومعافرة و بتعملي مليون حاجة في وقت واحد هتقدري تكملي وتعدي وتنجحي بس انتي مبتطليش معافره البيت مش حطيان ولا مكان لازم يكون نظيف ٢٤ ساعه …. البيت دفا وضحكة حلوة وكلمة احلي من حد بترتاح معاه وحاسس أن مينفعش تكمل من غيرة الزواج المثالي …. الزواج القائم علي المشاركة بين الاتنين والكلمة الحلوة وتطيب الخاطر والتغافل المتبادل و قبول الطرف الآخر لشريكة بعيوبه قبل مميزاتة الزواج المثالي …. في أن كل زوج و زوجة يراعو ربنا في شريك حياتهم اتمني ليكم التوفيق جميعا نرجع ل رواياتنا بقا ❈-❈-❈ عدي بعد ما كان متعصب جدا … نبرة صوتها و ابتسامتها ونظرة عينيها له خلوه من غير ما يحس هو كمان يبتسم ابتسامة عبيطة كدة عدي وهو مبتسم … بجد ؟ هايدي مقدرتش تمسك نفسها علي شكله اللي اتحول وضحكت ضحكة بصوت عالي جدا فاق عدي من حاله اللي كان فيها ورجع لل غضب تاني عدي … انتي بتثبتيني يا هايدي ؟ هايدي بحب …. والله العظيم بحبك يا تاعب قلبي عدي وهو بيقرب منها … وانا كمان بحبك بحبك اوي صابرين من علي باب الاوضه … اااااحم اااااحم انتم في بيت خالتي ابتسام ام عمار ولستم في منزلكم اااااحم اااااحم هايدي اتحرجت جدا لانها فعلا نسيت هما فين و ولسه هتجري برة الشقه عدي لاحقها ومسكها من كتفها جامد عدي بتحذير …. ادخلي البسي عبايه ولا حاجة واسعه الاول ويلا علي شقتنا خلي يومك دا يعدي علي خير هايدي بتهرب …. انا هكمل اليوم مع البنات و انت هات كريم وتعالي عدي برفعه حاجب … نعم يختي !! بنات مين ؟ بقا انا سبت الاجتماع المهم اللي كنت قاعد فيه في امان الله وجيت علي ملا وشي وتقوليلي هقعد مع البنات هايدي لسه هتتكلم عدي قاطعها عدي بحزم …. اخلصي يا هايدي ولو علي معاد كريم ف متقلقيش انا عامل حسابي ع كل حاجة يلا يختي يلي فرحانة بصوت ضحكتك اوي يلا هايدي خدت الاسدال ال كانت داخله بية والبنات جوة عماله تضحك عليها وخرجت مع عدي علي شقتهم مكة بتحسر …. شايفين اخويا حبيبي في الرومانسيه مبيهزرش ازاي حسره عليا وعلي حظي راويه بتعجب … نعم ؟ هي فين الرومانسية دي دا داخل يزعق ويقولها يومك اسود مكة كشرت … هو كدة قمة الرومانسية يا بنتي ايش فهمك انتي حبيبي يا دودو عنيف اوي في حبة هييييح بقا زهرة … هي حصلت ل هييييح ما تشوفي اخوكي فين يا صابرين يجي للي بقت هييييح علي نفسها هنا دي صابرين بضيق …. والله انتم عالم فاضيه انا جعانة هو السمك دا جاي امتي يا زهرة بقا مكة … يا بنتي ارحمي نفسك لسه بدري علي الغدا صابرين … لسه بدري ؟ يعني ايه لسه بدري دي لا انا جعت خلاص راويه … تعالي يا صابرين نعمل سندوتشات تصبيرة كدة ومعاها عصير هتظبط معاكي شوية صابرين وهي قايمة مع راويه … يلا يختي بلا وجع قلب زهرة … صابرين دي فظيعه بجد يا بخت اللي هتكون من نصيبه مكة … والله دي كلمتي دايما باقول يا بخت اللي هتكون من نصيبه ما يغركيش انها بتحب الاكل والهزار والكلام ده صابرين جدعه جدا ست فعلا ب 100 راجل وطيبه وحنينه اوي زهرة ببتسامة … عارفه يا مكه احلى حاجه ان احنا كلنا كده فينا شبه من بعض يعني نفس الطيبه والحنيه والجدعنه الحمد لله لمار بصتلهم بحزن ووطت راسها بعد كلام زهرة الاخير مكة خدت بالها مكة بتااييد … فعلا والله الحمد لله اي نعم لمار كانت محتاجه ضبط زوايا بس اهي اتعدلت الحمد لله ورجعت وبقت زينا بالظبط وضحكتها جميله ازاي بصي منوره وشها وبكره تقوم وتقف على رجلها وترجع ترازي فينا ونرازي فيها زهرة … ان شاء الله بكره تقف على رجلها تاني وترازي فينا يا ستي براحتها ما حدش هيقول لها انتي بتعملي ايه بصت لهم لمار بحب وابتسمت علي كلامهم اللي عمرها ما كانت تتخيل تسمعه منهم ابدا ❈-❈-❈ نرجع ل عدي وهايدي بعد ما نزلو الشقه عدي بهدوء … هو انا مش قايل الميك اب ما يتحطش بره البيت صح ولا لا هايدي … صح قلت عدي … ومش قايل ان صوت ضحكتك ده يوطى وبلاش المياعه اللي بتبقى في الضحكه دي صح ولا لا هايدي … صح قلت عدي … و منبه مليون مره على اللبس بره البيت انه يبقى واسع ومش ضيق صح ولا لا هايدي… صح منبه عدي برفعه حاجب…. يا اختي حلوه ولما هو صح كل الكلام ده ما بيحصلش ليه النهارده حصل عكس كل حاجه انا قلتها ليه افهم هايدي ببتسامة … اولا انا رحت بالاسدال ثانيا انا ما حطيتش ميك اب غير ساعه لما جيت اصور لك الفيديو ثالثا هو كان يوم وطقت في دماغنا ان احنا نعمل حاجات مجنونه فيه عادي يعني كلنا كنا ستات واديك شفت اول ما الباب خبط كلهم جريو على الاوضه وانا بس اللي فتحت لك عشان عرفت ان انت فاكيد لو كان انس اللي جه او حتى عمار برده كنت انا كمان هاجري على الاوضه ما كانش حد هيشوفني ما تكبرش الموضوع بقا عدي كشر. … هو انا كل ما اتكلم معاكي في حاجه تقولي لي ما تكبرش الموضوع اقول لك وليد قال لك ايه تقولي لي ما تكبرش الموضوع اقول لك ما تحطيش ميك اب قدام حد تقولي ما تكبرش الموضوع يا ستي انا بني ادم بحب اكبر المواضيع انا كده و خلاص اللي حصل ده ما يتكررش انا مش عايزك ملفته قدام اي احد حتى لو ستات اقول لك حتى لو امي واختي مش عايزك تبقي قاعده قدامهم باين ان شكلك حلو اتفقنا ولا ما اتفقناش هايدي باستغراب … انت بتتكلم بجد ولا بتهزر عدي … لا طبعا باتكلم بجد هي الحاجات دي فيها هزار هايدي بتردد. … اصلي يعني مش عارفه بس اصل يعني انت ما كنتش كده عدي …. مكنتش وبقيت يا ستي …. وعلي فكرة لو ركزتي شويه هتلاقيني طول الوقت كنت بغير عليكي يمكن مكنش بصورة واضحة اوي كدة لكن كانت الغيرة جوايا والله لما قلتلك شغل لا لما سيرة وليد كانت بتجنني لما تهزري زيادة شوية مع انس أو عمار انا من زمان واقع فيكي وبغير عليكي بس مكنتش فاهم نفسي صح هايدي بدلع … مممممم ودلوقتي بقا فهمت عدي وهو بيقرب منها … يالهوي دا انا فهمت فهم مفهمتوش في حياتي كلها تعالي افهمك معايا هايدي وهي بتجري منه … لا لا انا مش عايزة افهم شكرا لخدماتك عدي وهو بيجري وراها …. خدي يا بت هنا … متقطعيش نفسي في الجري حرام عليكي …. خدي بس هقولك على حاجة اخيرة بجد هايدي …. ابدا مش هقف ويلا أمشي معاد كريم قرب يادوب تلحق تجيبه وترجع هنتغدي كلنا سوا انهاردة عدي وهو بيبطل جري … الله هو انا مقلتلكيش هايدي هي كمان بطلت جري … لا مقلتليش في ايه ؟ عدي ببتسامة مكر … انا كلمت عمي ياخد هو كريم من وليد ويخليه بايت عندهم انهاردة يعني الليله ليلتك يا جميل يا مدوخني يا ابو فيديوهات تجنن انت وقبل ما هايدي تفكر تجري منه تاني كان عدي لاحقها وشايلها علي كتفه هايدي بصدمة … عدي نزلني ايه اللي بتعملو دا انت مالك بقيت كدة ليه ؟ عدي وهو بينزلها في اوضتهم وقريب اوي منها عدي بهمس … بقيت كدة اللي هو ايه ؟ هايدي بخجل … كدة يعني جريء شوية عدي … يمكن عشان اتاكدت اني بعشقك مثلا هايدي بحب … انا كمان بعشقك يا عدي ربنا يخليك لينا يا حبيبي عدي ابتسم وقرب اكتر من هايدي قرب من حبيبته ومراته من اللي ملكت قلبه وخلته رجع شاب مراهق تاني ❈-❈-❈ بعد ساعتين تقريبا كانو متجمعين علي الغدا عند محسن ما عدا هايدي وعدي ابتسام … يجعله عامر دائما يا حاج محسن …. بلمتنا ديما يارب يا ام عمار عمار بتذكر … صحيح يا ماما ده يوسف صاحبي عايز يجي يتغدى بكره عندك محشي وبط وملوخيه الله يخليكي بقى معلش هاتعبك معايا بس هو طلب مني وبصراحة مش بيتاخر عليا ابدا في اي حاجة ف اتحرجت اقولو لا ابتسام … عيني يا حبيبي يشرف وينور متشلش هم مكة … محشي وبط وملوخيه هي العزومه دي ليوسف صاحبك بس ولا ايه النظام ابتسام … من غير ما تقولي يا غلباويه انتي كلنا هنتغدى مع بعض بكره احلام … لا معلش اعذرونا احنا بقى نرجع بيتنا ادينا بقى لنا يومين هنا اهو صابرين كشرت … هو في ايه يا ماما احنا لسه لحقنا نقعد بتقول لك محشي وبط وملوخيه ما تصلي على النبي بس كده في سرك واستهدي بالله احلام …. عليه الصلاه والسلام يا بنتي حرام عليكي فضحاني في كل حته كده اللي يسمع كده يقول ان انتي ما بتاكلهمش ابدا ابتسام … باقول لك ايه سيبيها براحتها تقول اللي هي عايزاه وما فيش مشيان لسه احنا قاعدين مع بعض كام يوم ما تتكلم يا انس انت مش كلمت ابوك وابوك وافق انس … والله قلت لها ان هو وافق انه يسيبهم تاني يومين ثلاثه اسبوع حتى وهو بنفسه كلمها وقال لها اقعدوا براحتكم لكن هاعمل ايه بقى هي اللي ما بتقدرش تقعد بعيد عن بيتها ولا بعيد عن جوزها صابرين … طب وانا ذنبي ايه يعني خلاص يا ماما روحي انت وسيبيني انا قاعده هنا معاهم ايمان … خلاص يا احلام قضي بكره معانا كمان اللمه حلوه يا حبيبتي وبعد كده عايزه تروحي انتي روحي وسيبي صابرين اسبوع ولا حاجه معانا وانس يبقي يرجعها صابرين … الله عليكي يا خالتو يا حبيبتي هو ده الكلام عمار … ايه يا راويه مالك ساكته كدة ليه ؟ مكة … بتاكل بتاكل ساكته عشان بتاكل اوعي تكون فاكر انها لسه ما فكتش ونيني نيني ولا حاجه دي كانت لسه جايبه صابرين من شعرها جوه دلوقتي راويه … انا مش عارفه انتي حاطه نقرك من نقري ليه هو سالني وانا كنت لسه هارد عليه مالك انتي تردي ليه نيابه عني هه زهرة … لا هي مكه حاطه نقرها من نقر اي حد ما تعرفيش مالها مهيبره بقى لها كام يوم علي الوضع دا صابرين …. بالها رايق ومرتاح وهيييييح مش عايزين نوضح يا جماعه مكة برفعه حاجب… طب لمي نفسك يا صابرين ايمان … هي قالت حاجة غلط مالك ومالها انس بحب … ربنا يريح بالك ديما يا حبيبتي صابرين … اوعدنا يارب بقاااا ضحكو كلهم علي مكة اللي حدقت صابرين بالمعلقه والتانيه وطت بسرعه عشان متجيش فيها وقت كله ضحك وهزار وحب ❈-❈-❈ بعد الغدا زهرة اتكلمت مع عمار واقنعته يدخل يشوف لمار عايزاه ليه ودخل فعلا دخل وهو مكشر ومعاه الأجندة والقلم وحطهم قدامها عمار … زهره قالتلي ان انتي عايزه تتكلمي معايا وتبلغيني بحاجه خير حاجة ايه دي ؟ بصت لمار بحزن ومسكت الاجنده والقلم وكتبت لمار … انا عارفه انك زعلان مني ومش طايق تبص في وشي ومهما قلت انا اسفه مش هتغير حاجه رغم ان كل اللي هنا سامحني بس انا عارفه ان انت مش هتصفي بسهوله انا بس كنت عايزه اطلب منك حاجه اخيره ممكن ؟ عمار هز دماغه بموافقة بهدوء وهي كملت لمار … انا عارفه انك هتطلقني من معتز و أن حق اللي عمله فيا هيجيلي انت مش هتسيبو بس انا عملت حاجة ومش عارفه مفروض اتصرف فيها ازاي … عمار كان واقف جمبها وبيقرا اللي بتكتبه بتركيز شديد لمار … انا قبل ما كل دا يحصل لميت دهبي كله و خبيته في الاوضه اللي شايلين فيها الكراكيب تحت السلم ونسيت في وسط كل اللي حصلي ومش عارفه اخدة ولا اسيبه ليهم ولا اعمل ايه ف قلت اقولك انت وانت تتصرف و رجاء يا عمار عشان خاطر ربنا حاول تسامحني انا مش هعرف اسامح نفسي ولا ابدء من جديد الا لما انت تسامحني يا عمار انت ابويا واخويا وصحبي وانا والله ندمانة اوي واسفة يا اخويا حقك عليا حاول تسامحني خلصت كتابه ورفعت وشها ل عمار وهي دموعها نازله مش بتقف وبتبصلة بندم وحزن وهو بقا واقف محتار مش عارف يعمل ايه ولما طولو كدة نزلت لمار راسها بحزن علي أنه مش قادر يسامحها وهو اتخنق و لف عشان يخرج وقبل ما يخرج قالها عمار بوجع … اللي انا فيه دا غصب عني سيبي الايام هي اللي تدوب الجليد اللي بقا بينا واكيد هصفي واسامح في يوم انتي ف الاول والاخر بنتي … ( خد نفس عميييييق وكمل ) … بالنسبه ل دهبك هجبهولك دا حقك و طلاقك من معتز مساله وقت وعلي فكرة الحيوان اللي كلمتيه اتقـ,ـتل ال عرفته من سجل مكالمته أنه كان له علاقه ب ستات متجوزة كتير وتقريبا حد منهم أو من اجوازهم خلص عليه اطمني انتي ف امان من اي فضيحة خلص كلامة وخرج من غير ما يبصلها وهي انهارت في العياط علي اللي وصلت له الندم مش بيسيبها كل ليله لما حسه أنه بيخلص عليها بالتدريج ❈-❈-❈ خرج عمار ودخل البلكونة و ولع سيجارة و وقف مخنوق وحاسس أن الهوا بيخلص من حواليه لاقي ايد بتطبطب علي كتفه بيبص لاقاها زهرة زهرة بحب … حاول تنسي عشان خاطري عمار بوجع … مش قادر في حاجات كتير انتي متعريفهاش لمار كسرتني يا زهرة زهرة بحزن وهي بتحـ,ـضنه … بعد الشر عليك من الكسرة يا حبيب زهرة متقلش كدة ربنا يخليك لينا وتفضل سندنا وضهرنا العمر كله عمار شدد علي حضـ,ـنها واتكلم بحب … بحبك يا زهرتي والله بحبك اوي عارف اني كنت غبي معاكي و كنت باجي عليكي كتير بس انتي حبيبتي و هتسامحي مش كدة ؟؟ مش هتوجعي قلبي يا زهرة فوق ما هو موجوع صح زهرة كانت حسه بالوجع اللي في صوتة حست أن قلبها هي ال وجعها هي بتحبه وانتهي الأمر زهرة رفعت راسها وخرجت من حـ,ـضنة لكنة خلاها قريبه منه اوي زهرة … وهي زهرة تقدر تعيش من غير حب عمار … وهي زهرة اصلا اي من غير عمار انت عارف اني بحبك ومقدرش ابعد عنك ابدا يا حبيبي عمار بحب … وعمار بيعشق زهرة والله العظيم وعمره ما هيزعلها تاني … بحبك يا زهرتي ولسه هيقرب عليها خبت وشها في حـ,ـضنة زهرة بخجل … احنا في البلكونة يا مجنون عمار ضحك … دي مشكلتك البلكونة طب تعالي نكمل كلامنا جوة في اوضتنا يلا زهرة كشرت وهي بتزقه … ايه هو دا انت مش مكتئب وانا كنت بواسيك عمار … الله ما انا لسه مكتئب وانتي جوة هتواسيني حلو اوي كمان انا متاكد تعالي بس يلا زهرة وهي بتدخل وبتدبدب علي الارض …. والله قليل الادب عمار رمي السيجارة ودخل وراها … بت يا زهرة تعالي يا بت واسيني في أحزاني انا وحيد وربنا بقالي مدة كبيرة وكدة غلط انتي يا بت ❈-❈-❈ انس كان قاعد هيطق ومن كتر العصبيه رايح جاي ف الاوضه مش قادر يقعد بعد مدة دخلت مكة مكة باستغراب من شكلة … ايه دا مالك في ايه ؟ انس بغضب وصوت واطي… هو انا هافضل في حظر التجول كده كتير وانتي قاعده بره كل ده بتعملي ايه مكة … في ايه يا انس بالراحه كنت قاعده مع صابرين وخالتو و تالا اخذت وقت جامد على ما نامت انس بغيظ … كده كتير يا مكه كتير اهتمي بيا شويه زي ما بتهتمي بكل حاجه حواليكي مكة …. انت عايز تنكد ولا ايه يا انس مالك ما كنا كويسين انس بغيظ… ما مكملناش الكويسين انا هفضل كاتم في نفسي كدة لحد امتي أن شاء الله هه مكة بضحك … هههههههههههههههه وانا مالي انا اختك لسه هتقعد معانا اسبوع ولا اتنين بقا وربك يسهل مسكها انس من كتفها جامد و قربها منه انس … لا بقولك ايه انتي مش تشتغلي دلع وتخليني هتجنن عليكي وترجعي تقوليلي لما ربك يسهل اظبطي كدة معايا مكة وهو بتحط ايديها حوالين رقبته … وانا ذنبي ايه يعني أخرج اقولهم امشو روحو عشان جوزي مجنون مش قادر يصبر انس شدها من وسطها عليه واتكلم ب همس انس … لا متقوليش حاجة بس ترحميني شوية وبعدين انتي لو كتمتي صوتك دا شوية وقفلنا الباب بالمفتاح مش هيحصل حاجة يعني وحشتني اوي يا مكة اوي مكة بحب … وانت كمان وحشتني اوي اوي يا حبيبي فقد انس اخر ذرة تماسك عندة وقرب منها ونمشي احنا بقا ❈-❈-❈ صباح يوم جديد مشرق كله حب وتفائل كله رضا وحمد الستات من الصبح بدري كانو بيجهزو للعزومة العدد كبر بوجود راويه و صابرين واحلام و حسين جوز احلام الي محسن أصر عليه يجي يتغدى معاهم ويرجع مع احلام تاني يوم الصبح وطبعا يوسف ابتسام … يلا يا زهرة سيبي اللي ايديك دا وروحي ريحي شوية انتي جوة متضغطيش علي نفسك يا قلبي زهرة ابتسمت … وهو انتم سايبني اعمل حاجة انا يدوب خلتوني احضر حاجات السلطة و عليا في الاخر الملوخيه اديني قاعدة معاكم القاعدة الحلوة دي بالدنيا والله راويه ل مكة … انتي بتكعوري ورق الكرنب مش بتحشيها يا بنتي ايه دا مكة برفعه حاجب … بت انتي خليكي في حالك ايمان وهي بتضـ,ـربها علي رأسها … ما هي معاها حق ايه المنظر دا كام مرة أعلمك تحشي الكرنب و ورق العنب ازاي وانتي جاموسه زي ما انتي الكل ضحك خصوصا راويه مكة كشرت … شكرا يا ماماتي شكرا يلي رافعه معنوياتي قدام الناس شكرا اوي هايدي … خليكي انتي وصابرين ف البتنجان والفلفل يا موكا وسيبيلي انا ورايه الكرنب و ورق العنب دا مكة بحب … قلبي يا مراه اخويا شايفه يا اااامي الكلام بيتقال ازاي زهرة … قومي من قدام طنط بسرعه شكلها مش مبشر صابرين بضحك … خالتي بتتحول يا جدعان ضحكو وكملو كانت وليمة مش سفرة وعمار وانس وعدي اصرو أن كل واحد فيهم يشارك ب حاجة في العزومة ومهما محسن يتكلم إلا أنهم نفذوا اللي في دماغهم ❈-❈-❈ وقبل ما الرجاله يوصلو كانت البنات جهزت ولبست لبس مناسب و حضرو كل حاجة يوسف من اول ما دخل وسلم عليهم وهو عينيه اتعلقت علي واحدة بس وفضل متابعها من غير ما حد ياخد باله لكن عمار خد باله عمار … عينيك يا باشا بدل ما امشيك أعور من هنا يوسف ببتسامة … هي مين ؟ ومرتبطة ولا لا ؟ عمار برخامة … ملكش دعوه يوسف برفعه حاجب … بقا كدة طب مش هقولك علي اخر اخبار جتلي عن قريبك اللي من. اسكندريه عمار بلهفه … رامي !! قول عرفت ايه ؟ يوسف برخامة .. ملكش دعوة عمار بغيظ … مش وقت رخامة يالا قول يوسف مبتسم ومش بيرد عمار … ابو رخامتك اسمها صابرين تبقي اخت انس جوز مكة بنت عمي وكانت مخطوبه والموضوع مكملش من اسبوعين تلاته كدة يوسف ببتسامة… الحمد لله أنه مكملش ما انا مقعدش كل دا نفسي اتهبب ويوم ما احس ان في واحدة مناسبه اتهبب معاها تطلع مخطوبه كنت هتعقد انا ودا مش كويس عشاني عمار بغيظ … بطل هري نسوان واخلص ماله رامي ؟؟ يوسف … اتمسك في اخباريه مخدرات كان معاه حوالي ست رجاله كدة و عربيه مكربسه هيروين اتمسك متلبس يعني ومتحفظين عليه جامد عشان شهد علي الراجل اللي مشغله من اول قلم وقال علي كل حاجة عمار بحزن … الله يرحمها أمه لو كانت عايشه وشافت اللي بيعمله دا يوسف قاطعه .. كانت طبت ماتت واديها ماتت خلينا في الحايين دلوقتي انا عايزة اتكلم مع صاصاتي كلمتين ع جمب كدة قبل اي خطوة عمار بقرف … تتكلم مع مين يا حيلتها ؟ يوسف ببتسامة…. صاصاتي باعتبار ما سيكون يعني عمار لسه هيرد ندهو عليهم علشان الغدا اتجمعو علي السفرة اللي مكفتش وجابو ترابيزة طويلة تانيه قصادها محسن … منورين يا جماعه طبعا مش محتاجين عزومة دا بيتكم يلا بسم الله حسين … منور بأهله يا حج تسلم وتسلم ايديكم جميعا علي تعبكم ابتسام … ولا تعب ولا حاجة الف هنا وشفا … واد يا يوسف كل يا واد متعمليش فيها مكسوف يوسف ببتسامة… لا مكسوف ايه دا انا اللي طالب الاكل دا ومن امبارح مكلتش عشان اعرف اكل مزاج تسلم ايدك يا ست الكل تسلم ايديكم جميعا ابتسام … تسلم يا حبيبي بالهنا والشفا انس … بس كانت مفاجأة حلوة منك يا عمي انك قدرت تقنع بابا يجي محسن … اومال يا بني هو انا هفأ زيكم عدي كشر … ايه يا حج هو حد فينا اتكلم دلوقتي عمار بسخرية … دلوقتي هيقولك ( قلد صوتة ) انا براحتي اقول اللي انا عايزة وقت ما انا عايز كلهم ضحكو علي طريقه عمار وهو بيقلد عمة وبعد الغدا عمار خد يوسف و انس وعدي وقعدو في البلكونة و محسن وحسين كانو بيلعبو شطرنج برة في الصاله و الستات منتشرة راويه و مكة كانو بيغسلو المواعين ويروقو المطبخ و زهرة و صابرين بيجهزو المشروبات وهايدي بتروق مكان ما اكلو وإيمان وابتسام و احلام قاعدين سوا يتكلمو زهرة وصابرين خلصو ومدخلين القهوة والشاي صابرين … خدو وشوفو مين عايز ايه اتصرفو مع بعض بقا عمار … ما تدونا انتم ما احنا قلنا لما جينا نطلب كل واحد عايز ايه صابرين … واحنا بقا هنفضل فاكرين صح ؟ يا بني احنا دخالنا المطبخ عملنا نص العدد شاي سكر برة ونص تاني قهوة مظبوط وانتم مع نفسكم بقا يوسف ببتسامة… تفكير سليم والله يا انسه صابرين صابرين بصتله من فوق ل تحت وابتسمت ابتسامة رخمة … ممم انس … ماشي يا آخرة صبري احنا هنتصرف تسلم ايديكم . خرجو البنات ويوسف غمز ل عمار أنه عايز يتكلم ع صابرين وعمار ضحك علي صحبه اللي طب في الحب من أول نظرة ❈-❈-❈ بعد مرور تلت سنين حاجات كتير اتغيرت منها الحلو ومنها الوحش راويه اتجوزت من سنه المحاسب ال ماسك حسابات المعرض وحياتها الزوجيه هي كمان بدأت بحلوها ومرها وحاليا في انتظار مولودة جميلة تنور حياتهم و راويه مصممة تسميها خديجة علي اسم ماماتها وجوزها مش ممانع ابدا صابرين كمان بعد العزومة دي بسنة كانت هي ويوسف متجوزين وحاليا معاهم ياسين و يحيي تؤام وحياتهم كلها ضحك ومرح وحب أما ابطالنا زهرة وعمار ربنا عوضهم ب سليم نور حياتهم وقربهم من بعض اكتر واكتر انس ومكة جابو اخ ل تالا وسموة اسر عدي وهايدي وكريم أسرة صغيرة بس سعيدة وراضيه كل حاجة كانت جميلة عدا أن لمار جسمها مستجبش للعلاج الطبيعي نهائي وفضلت علي الكرسي بس كانت راضيه من جواها حسه أنا عقاب ربنا ليها في الدنيا ومتقبلاه وراضيه بيه وكل يوم تصلي وتدعي أن ربنا يغفر لها ويسامحها وعمار يوم بعد يوم بيقرب منها تاني مرجعوش بنفس القوة الي كانت بينهم بس العلاقه بينهم اختلفت كتير بقا فيها مودة ورحمة والعمارة اللي جمعتهم متمسكين بالقعاد فيها مهما حالتهم الماديه ما تحسنت ومهما عدداهم ما زاد إلا أن العمارة ال شهدت لمتهم و حبهم ووجعهم ليها معزة خاصه جوة قلوبهم واستحاله يفرضتو فيها أبدا تمت بحمد الله

مقالات ذات صلة

حماتي عندنا

رجل تزو.ج علي زو.جته وند.م بعد ذالك

علياء صبحي تتعرض لحادث سير رفقة ابنتها

وردتي السمراء

ليلة خماسينية شديدة الحرارة.. تحذير شديد من طقس اليوم: «بث تجريبي للصيف»

لماذا لم يذكر الجو في قوله تعالى هو الذي يسيركم في البر والبحر؟

اترك تعليقاً إلغاء الرد