ندي 1

-الفلوس مع أمي وهيا هتديكي اللي محتجاه -يعني اي كانت هذه جُملة جميلة التي حلت عليها الصدمة من حديث أمجد زوجها . -يعني مفيش حد هنا بيشيل فلوس من الحريم ،أنا هسافر وهنزل شهر أجازة في السنة وكُل شهر هبعت الفلوس وهيا هتديكي مصروفك -مصروف ؟ -ايوه وبعدين كده كده الأكل والشرب مع امي تحت وأبويا وأخواتي ،هتقعدي لوحدك تعملي ايه بقا ردت عليه بكُل حيرة وقلق -ايوه بس أنا متعودتش على كده ،وبعدين احنا اتفقنا هنكون لوحدنا وقف عن الكرسي وتقدم وقعد جمبها على الأريكة ومسك اديها بحنو وقال -ايوه دا في حالة إني موجود لكن لما أسافر تُقعدي لوحدك ليه يا حبيبتي،أنزلي تحت تلاقي عيلة وعزوة حواليكي ،هتحبيهم والله -مش عارفة يا أمجد ،بجد محتارة أنا هقوم أنام . وقفت جميلة واتجهت ناحية الغرفة وهيا بين حيرة وقلق شديد من القادم . صدر صوت من الدور الأرضى ،فتح أمجد الباب وقال بعلو صوته -حاضر نازل ثم اتجهه إلى الداخل وقال -جميلة هنزل تحت أمي عاوزاني لم ينتظر الرد وسمعت صوت الباب وهو يُغلق بقوة . نزل أجمد تحت وكان الكُل قاعد وبدأت والدته في الحديث وقالت -فهمتها اللي هيحصل بعد ما تمشي وإن الشورة شورتي أنا -اه ياما قولتها ونسرين تبقى بقا تفهمها الفطار امته والغدا امته علشان تكون فاهمه ردت نسرين وقالت -بس كده ياخويا تؤمر ،أنا ومها هنفهمها كُل حاجة دي زي أختنا الصُغيرة وجه حديثه لامه وقال -بكره بقا ابقي اطلعي علشان أجهز شنطة هدومي -حاضر يا قلب أمك في الأعلى كانت تحدث صديقتها مروة وهي تقول -بقولك بيقولي كل حاجة هتكون تحت ،أنا متجوزة بقالي ٣ أسابيع كُل حياتي بتتلغي فجاة ولا ايه جاءها الرد السريع و كأن تم فتح إذاعة الراديو -يعني اي تكوني تحت ،هو أنتِ جاية خدامة لامه ولا ايه،وبعدين مش دا كان اتفقنا أصلا ،الاتفاق إنك تكوني لوحدك ،هو هيستعبط ولا ايه ،والله أقول لأنكل وطنط ردت جميلة سريعًا -لا لا بلاش ماما وبابا دلوقتي،أنتِ ناسية إن أمجد كان اختياري يا مروه ،اي أقولهم مشكلة من أول شهر جواز ،خلينا نشوف هيحصل ايه -ماشي يا جميلة لما نشوف اخرتها اي مع النسب اللي يعر دا -بس بقا وطي صوتك هنا بيسمعوا اي حاجة -ليه قاعدين كل واحد في حياة التاني ،أقفلي يا جميلة علشان رفعتيلي الضغط ،سلام -سلام. في اليوم الثاني استيقظت جميلة على صوت عالٍ على الباب ،وقفت سريعًا عن الفراش وارتدت روب طويل وخرجت ،نظرت من العين الصغيرة التي توجد في الباب ،وكانت والدة أجمد ،فتحت الباب وقالت -أهلًا يا طنط ،اتفضلي. دلفت صباح وهى تقول -أهلا يا عيون طنط ،فين أجمد علشان احضرله شنطته -شنطته !!!؟؟ نطقت بها جميلة وهى تنظر بغرابة -اه ،هو لسه نايم،هدخل اصحيه -…… يارب يعجبكم بإذن الله هنتظر رأيكم،وكمان في مسابقة على نسخة مجانية من كتابي الجديد هسيب لينك المسابقة في أول كومنت🫂♥️ وحشتوني والله اه ،هو لسه نايم،هدخل اصحيه -ياطنط ثواني طيب وقفت صباح وقالتلها بكل برود -مالك يا جميلة ؟؟ في اي ؟هتمنعيني إني ادخل اصحي ابني ،دا ابني ردت عليها جميلة رد سريع -لا خالص والله ياطنط بس قولت حضرتك تقعدي تستريحي بس مش أكتر -لا مرتاحة أنا . فتحت الباب ودخلت فتحت الستاير وهيا بتقول -قوم يا أمجد قوم يا قلب أمك عاوزين نلحق نجهز الشنطة علشان متنساش حاجة . فتح أمجد عينه بصعوبة من شدة أشعة الشمس التي أخترقت الغرفة ،وضع كفه على وجه وهو يقول -صباح الفل يا ما -صباحك عسل ياقلب أمك يلا قوم كانت جميلة تقف أمام باب الغرفة وتسند بجسدها على الباب وهى تُريد أن تتنفس.. الغيرة بتاكل فيها من شدة الموقف. الأم بصت لجميلة بصة سريعة وقالت بنفس البرود -واقفة ليه يا جميلة؟ ادخلي سلمي على جوزك ولا هو حرام؟ جميلة بلعت ريقها ودخلت بخطوات تقيلة.. عينيها كانت كلها كلام بس لسانها ساكت أمجد قعد على طرف السرير وفرك وشه بإيده.. لما شاف جميلة ابتسم غصب عنه وقال -صباح الخير يا جميلة ردت بصوت واطي -صباح النور يا أمجد الأم قاطعتهم وهي بتفتح الدولاب -يلا يا حبي قوم البس الطيارة مش هتستنى وانت عارف السفر ده مهم لشغلك وأنا اللي هجهزلك الشنطة بإيدي عشان أطمن عليك جميلة نزلت عينيها في الأرض شغله و شنطته و أمه اللي هتجهزها.. هي فين من كل ده؟ أمجد لاحظ سكوتها قام وقرب منها خطوتين ووطى صوته عشان أمه متسمعش -مالك؟ زعلانة مني؟ جميلة هزت راسها بسرعة ودموعها محبوسة -لا أبداً سفرية سعيدة مقدماً الأم لفت وقالت بحدة -جميلة روحي اعملي فطار لابني قبل ما ينزل الراجل مسافر وتعبان جميلة بصت لأمجد نظرة أخيرة نظرة كلها "طب وأنا؟" وبعدين قالت بهدوء قاتل -حاضر يا طنط حالاً وخرجت من الأوضة وقلبها بيتقطع وسابت وراها أم بتجهز ابنها للسفر، وجوز مش عارف يقولها كلمة تواسيها الأم كملت تحط هدوم وهي بتتكلم بثقة -الجاكيت التقيل ده ضروري والبدل دي كلها هتحتاجها في الاجتماعات والشرابات دي جديدة هاتها معاك أمجد بص للشنطة اللي جميلة مجهزاها وبعدين بص لأمه.. وبلع الكلام اللي كان هيقوله اتنهد وقال بهدوء -حاضر يا ماما اللي تشوفيه الأم اتعدل وشها ورضيت -أيوا كده يا حبي أنا عايزة مصلحتك قفلت الشنطة بتاعت جميلة على جنب ورمتها في الدولاب وبدأت تحط هدومها هي في شنطة تانية كبيرة جميلة كانت واقفة ساكتة شايفة شنطتها بتتركن كأنها ولا حاجة قلبها وجعها بس ماقالتش ولا كلمة. أمجد لاحظ عينيها قرب منها وهمس بسرعة قبل ما أمه تلف -متزعليش.. عشان خاطري جميلة هزت راسها من غير ما تبصله وقالت بصوت واطي -ولا يهمك كده كده الشنطة مش هتفرق الأم لفت فجأة -بتقولي ايه يا جميلة؟ جميلة ابتسمت بسرعة -بقول الشنطة شكلها حلو يا طنط تسلم إيدك صباح اتغرّت وعدلت ضهرها -طبعاً أمجد سكت نزل عينه في الأرض اختار الطاعة على المواجهة قعد على طرف السرير وبدأ يلبس وهو ساكت وكل ما يبص لجميلة يلاقيها بتبص للحيطة. صباح قفلت السوسته و قالت بفخر -يلا يا أمجد عشان تفطر وأنا هنزل أقول لراضي أخوك يجهز خرجت وسابت الاتنين الهدوء قطع الأوضة أمجد قام وقف قدام جميلة -جميلة أنا قاطعته -خلاص يا أمجد روح جهز متتأخرش على الطيارة قالتها وطلعت وسابته واقف لوحده وسط كوم هدوم اختارته أمه وشنطة هي تعبت فيها واترمت شوية وأمجد مشي وودع الكُل وجميلة فوق ،قفلت الباب وقعدت ورا الباب وانفجرت في البكاء …….. قولنا بيت عيلة لا لا جميلة اللي مبتسمعش الكلام😂😂😂 شوية وأمجد مشي وودع الكُل وجميلة فوق ،قفلت الباب وقعدت ورا الباب وانفجرت في البكاء …….. مر على سفر أمجد شهر،كانت جميلة على طول تحت تطلع فوق على النوم وبس ،وكان دا حال غريب متعودتش عليه لانها نشأت في بيت لوحدهم . كانت واقفه في المطبخ ونسرين جمبها ،لكن جميلة كانت سرحانة وغصب عنها وقع الطبق من اديها اتكسر ،شهقت بخضه وبصت لنسرين بخوف ،لكن سمعت صوت حماتها وهيا جايه وبتقول -في اي ،؟ ايه اللي اتكسر كانت جميلة بتبص لنسرين بعيون مليئة بالدموع والخوف ،نطقت نسرين بسرعة وقالت -أنا ياما ،حقك عليا سرحت وقع مني ردت بسخرية -سرحتي في اي يا روح امك ،تكونيش مستنيه روميو يا جوليت ولا ايه ،اتعدلي يا نسرين بدل ما اقطم رقبتك -حاضر ياما خرجت صباح وهيا بتقول -جميلة اعمليلي شاي جميلة اتنفضت وردت بصوت واطي مهزوز -حاضر حالاً. لفت لنسرين بعد ما صباح بعدت مسحت دمعة نزلت غصب عنها وهمست -شكراً يا نسرين أنتِ انقذتيني نسرين هزت راسها ومسكت إيدها ثانية واحدة -متخافيش، أنا معاكي يلا قومي نكنس ده قبل ما تيجي تاني أم اربعه واربعين دي ضحكت جميلة بين دموعها على محاولة نسرين في التخفيف عنها. في نهاية اليوم كانت نسرين قاعدة مع جميلة في شقتها بعد ما الكُل نام …. جت جميلة من المطبخ وهي شايلة صنية عليها كيكة وشاي وقالت بمزح لكن يؤلم -معلش بقا ملقتش حاجة في أم الشقة أنتِ عارفة اللي فيها -عارفة عارفة اقعدي ما تتعبيش نفسك -ليه ساكته على اللي بيحصل دا يا نسرين مدت نسرين اديها تاخد الكوباية وبدأت الحديث -علشان معنديش سند نظرت ليها جميلة بغرابة وقالت -يعني اي -يعني يا ستي أنا أبويا وأمي متوفيين عندي أخ واحد متجوز وعنده عيال ،هيشيل هم مين بقا ،كان عندي طموح كتير لما اتجوزت كنت عاوزه اطير ،لكن بدخولي هنا كسروا جناحي ،أروح فين ولا لمين محدش بيشيل هم حد ،كفاية في حطان بداري وخلاص واديني عايشة قاطعتها جميلة وقالت -طب وجوزك أجابت ساخرة -جوزي تحت ضل امه ،وابن امه متساليش عليه ،كان نفسي آمن مستقبل عيالي لكن هو شايف إن اللي جاي على قد اللي رايح،وعلى قد لحافك مد رجليك،بس غلط العيال بتكبر قوليلي ٧٠٠٠ جنية يعملوا اي ولا أكل عدل ولا عيشة عدله والعيال بتكبر اودي دروس فين ولا أجوز فين ولا في أرض ولا نيلة ،ياجميلة اللي ملهوش سند في الدنيا دي بيداس،عارفة لما اتجوزتي زعلت قولت ليه تيجي الهم دا برجلك ،جميلة لو عندك فرصة تمشي أمشي أنتِ عندك أهل في ضهرك ،بلاش تكوني نسرين تانية،أمجد نسخة من راضي وكلهم عيال صباح أخذت جميلة نفس عميق وقالت -ربك كريم يا نسرين -أوعي تكوني تحت جناح صباح اجمدي،خلي لحمك مر كملوا قاعدة سوا ونزلت نسرين ،وفضلت جميلة لوحدها دخلت قعدت على طرف السرير، صوابعها بتترعش وهي ماسكة الموبايل رنت على أمجد كان نايم رد وقال نعم يا جميلة في ايه؟ سحبت نفس طويل وحاولت صوتها ميتهزش -أمجد كنت عايزة أكلمك في حاجة مضايقاني -قولي بسرعة أنا تعبان. -الفلوس... الفلوس بتاعت الشهر بتروح كلها لإيد طنط أنا مبقاش معايا ولا جنيه في جيبي حتى لو عايزة أجيب طرحة أو صابون لازم استأذن دا الشاي بيخلص يا أمجد سكت ثانيتين بعدها صوته اتغير -بتقارني نفسك بأمي؟! جميلة بلعت ريقها وقالت -لا والله مش بقارن بس أنا مراتك وشقتي نفسي يبقى ليا حاجاتي نفسي أحس إن ده بيتي مش بيت حد نفسي يبقى معايا فلوسي في إيدي. صوت أمجد علي و رد -انتي عبيطة؟ أمي دي اللي شايلة البيت كله على دماغها! انتي لسه عيلة ومتعرفيش تمسكي جنيه عايزة تبعزقيه على الفاضي الدموع اتجمعت في عينها غصب عنها -أنا مش ببعزق أنا بس.. قاطعها بحدة -بس ايه؟ خلاص قفلنا على الموضوع ده أمي أدرى بمصلحتنا -طب طب على الأقل خليني. -قلتلك لا! الخط قفل،جميلة فضلت ماسكة الموبايل على ودنها الشاشة طفت في وشها. نزلت إيدها بالراحة وحطت الموبايل على السرير والدموع اللي كانت حابساها نزلت مرة واحدة بس المرة دي بصوت عالي عاملين ايه يارب تكونوا بخير ،معلش على التأخير ،حبايبي هنعمل مواعيد علشان بس الرواية الورقي شغاله فيها وكمان دخلت المدارس والجامعات طبعًا ،مواعدنا هتكون الأحد والتلات والخميس، ولو قدرت أنزل تاني هنزل عادي لكن دي مواعيد أساسية وهحاول فيهم إن الفصل يكون كبير ،دمتم بخير يارب 🫂 دعواتكم نزلت إيدها بالراحة وحطت الموبايل على السرير والدموع اللي كانت حابساها نزلت مرة واحدة بس المرة دي بصوت عالي . تاني يوم نزلت جميلة على السلم وهي سامعة صوت صراخ صباح على الجميع ،دخلت الشقة وقالت -صباح الخير -اي يا عروسة صبحية مباركة لسه نازلة !؟ -معلش يا ماما أصل تعبانة شوية وراحة للدكتور ردت عليها الأخرى ساخرة -كده من غير ما تقولي ،وعلى كده لو مكنتيش لقتيني مكنتيش قولتي بدأت جميلة تفرك في يدها من الأحراج الشديد ،سكتت ثواني وبلعت ريقها وقالت بصوت واطي -لا خالص كنت هستاذن حضرتك ورفعت عينها بالعافية وكملت باحراج -أنا كنت محتاجة فلوس علشان يعني الكشف سكتت صباح وبصتلها من فوق لتحت كده بنظرة رخمة وقالت -فلوس؟ للكشف؟ قامت فتحت الشنطة بتاعتها وطلعت 200 جنيه ورمتهم على الترابيزة وقالت بمنتهى القسوة -خدي أهي بس تبقي تقولي قبلها مش كل شوية نصحى نلاقي مصايب والوصل تجيبيه معاكي عشان أشوف الدكتور خد كام وطت جميلة خدت الفلوس وصوابعها بتترعش الدموع كانت محبوسة في عينها بس المرة دي بلعتها -حاضر يا ماما... شكراً طلعت تجري على برا قبل ما صوتها يخنقها تاني، وهي بتسمع صباح بتكمل زعيق في الشقة وراها. وقفت قدام البيت وهى بتبص لأديها اللي فيها ال٢٠٠ جنية وهيا بدوس عليها ونفسها تقطعها ،وافتكرت "فلاش باك" -ادي يابني الشيك لجميلة هانم هي ملكة الليلة ضحكت جميلة بصوت عالٍ وقالت -هات هات،هيكون بكام يعني ،أنا جميلة منصور ،والحساب المره دي على حسابي كله لأجل الشلة العسل دي وهاتي بقا واحد ايس كوفي بدل اللي خلص دا خلينا نلعب شوية كمان -أمرك يا هانم "عودة للحاضر" مسحت دموعها واتحركت من قدام البيت ،مُتجهه لمكانًا ما . بعد مرور نص ساعة كانت قاعدة في كافية منتظرة صديقتها مروة ،جاءت مروه وعندما لمحتها وقفت جميلة وعندما اقتربت مروه أول ما شافتها مروة فتحت دراعاتها على طول جميلة حضنتها جامد وانهارت من العياط اللي كانت كاتماه من امبارح طلع كله مرة واحدة صوتها اتخنق ودموعها غرقت كتف مروة مروة اتخضت وطبطبت على ضهرها جامد وقالت بخضة -في ايه يا بنتي؟ مالك؟ حصلك ايه؟ اهدي بس جميلة كانت بتهز راسها ومش عارفة تتكلم كل اللي طالع منها شهقات مكتومة -ص...صباح... بهدلتني... عشان فلوس الدكتور قعدوا الاتنين مروة جابت منديل ومسحت وش جميلة وهي بتقول بعصبية -طب اهدي واشربي مية قوليلي عملت ايه تاني؟ انتي خاسة كده ليه؟ جميلة خدت نفس ومسحت دموعها بايدها وقالت بصوت مكسور -ولا حاجة هي دي العادي بتاعها بس المرة دي حسيت اني مش قادرة استحمل ،متخيلة أنا اتزل علشان أخد فلوس،جميلة اللي فلوسها كانت تغطي اي حد بقت تمد اديها لحماتها ،أنا استاهل ضرب الجزمة علشان وافقت بالمستوى دا و مليش عين أكلم اهلي مروة مسكت ايديها جامد وقالت -بصي أنتِ مش لوحدك وأنا مش هسيبك احكيلي من الاول الجرسون جه حط المية جميلة شربت واخدت نفس عميق كأنها بتحاول تلم نفسها من اول وجديد،وبدأت تحكيلها على كُل اللي حصل من ساعة ما دخلت البيت ،وعن كلامها مع نسرين . -ومستنيه ايه؟؟؟ لحد ما يكون معاكِ عيل ويربطك بالعيلة دي للنهاية،مش علشان غلطة نفضل في الغلط يا جميلة لازم أهلك يعرفوا

مقالات ذات صلة

اكلي بعد الولادة

الرواية المطلوبة 3

امنية ج2 الاخير

بعد بحثه 2

رواية رائعة جدا جدا 4

لؤلؤة 25-27

اترك تعليقاً إلغاء الرد