نورا 1

فتحت عينيها لتجده امامها ملامح جادة اسمر..عينان واسعتان ترتسم عليه الجديه..

الفتاه..عايزه ميه..ميه

اسرع الى علبة الماء وبلل شفتيها الجافة ببعض منه..

لتهمس بتعب انا عطشانه عايزه ميه..

بكر مينفعش تشربي ميه دلوقتي..

نظرت اليه بتعب لتتذكر الحادثه وتنهار باكية ابوي فين قولي انه كويس..وامي وسعد اخوي هما كويسين مش اكده ابعد نظره عنها لتنهار الاخرى وتصرخ بألم متقولش انهم ماتوا متقولش اكده عشان حبيبك النبي قولي ان هما بخير..

بكر ربنا يصبرك يابت الناس ..

صاحت بعلو صوتها ودموعها نزلت كالشلال..ليسرع الى الطبيب لأبلاغه..حظر الطبيب واعطاها مهدأ لتغط في النوم..

عوض طرق على الباب..

بكر خرج اليه بتعب عايز ايه ياعوض..

عوض..اني بلغت عمها ورفض يجي ..وقال احنا منعرفهاش..

بكر خسيس ونذل زي مقال عزام…

حل الصباح بمراره على البعض ..وسعادة على البعض الاخر..واحكام الخطط للبعض..وفقد البعض لاحبابهم..

_____________

انتفض سلطان من مكانه انت بتقول ايه..

بكر زي مقولتلك ماتوا كلاتهم مفضلش غير بته

سلطان هيا بخير ..

بكر ايوه سبتها عندي بالبيت .ودفنت عزام وعيلته امبارح.بالليل

سلطان ليه مبلغتنيش يابكر..

بكري مكنش ينفع اقومك من فرشتك وانت عريس جديد..لينهض ..دلوقتي عايز امينه تروح تشوف الجرح بتاع البت..

سلطان ماشي ..هروح اخليها تجهز ..

طرق الباب سلطان ليسمع صوتها الهادء تعالي يا هانيه..

سلطان انا سلطان اقدر اخش.

.وضعت الخمار على رأسها بسرعه وفتحت الباب اتفضل ياسلطان عايز حاجه..

سلطان في بت متصاوبه وبكر جايلك عشان تشوفيها..

امينه عينيا ..هحضر حاجتي واحصلك…

مر اليوم سريعا باحداثه المتعبه..

صعد سلطان ومعه شهد يريد الذهاب لغرفته ليوقفه ابن اخيه سليم..

سليم موحشتكش ياسلطان والا ايه..

سلطان حمله بحنوا كيف متوحشني البيت بغيابك خالي يابن الغالي..

سليم يبقى تيجي تنام معايا النهارده..

اتاهم صوت نعمه مينفعش يابن الغالي عشان سلطان عريس جديد وهينام عند عروسته..

سليم ببكاء وهو ينظر لشهد بغل لا اني عايز سلطان يجي ينام جنبي.