نورا 2

شهد بضيق بطل بقى عايز ايه..

سلطان جذبها لترتطم بصدره تفتكري اكون عايز ايه..

شهد بتوتر من قربه وقالت بسرعه انا عايزه ازور ابوي يومين اكده..

سلطان ضغط على خصرها بغيظ ورفع حاجبه باستنكار..تروحي فين..

شهد بخوف وتوتر وهي تتألم هروح… ازور… ابوي….

سلطان اغمض عينيه محاولا عدم الغضب انت لسه زعلانه اياك..انتي خابره زين انا مقبلش على سليم ..سليم ابن اخوي ويتيم..ولما سمعتك بتطرديهم اتضايقت منك..كان سوء فهم يعني متكبريش الحكايه..

شهد بتوتر حاولت الابتعاد عنه لكنها لم تستطيع انا مقولتش هغضب عند ابوي قولتلك هزوره..

سلطان وليه دلوقتي..

شهد عشان وحشني..

سلطان مش كان اهنيه من يومين..

شهد بتذمر مش عايز تصالحني يبقى تاخدني ازوره ..

سلطان هز رأسه بابتسامه ماشي هاخدك بس مفيش مبيت هناك تفضلي طول النهار ومع المغرب هجي اخدك.

شهد بس..

سلطان مبسش مفيش غير اكده والا مفيش مروح هاا قولتي ايه..

شهد بتذمر ماشي..

سلطان قبلها بحب ليضع جبينه على خاصتها يعني خلاص مش زعلانه..

اومات برأسها بحرج وهي تنظر الى الأرض..

_________

رباب خودي بالك منيها دي باينها عقربه..

شهد بدموع انا قولت لابوي اني مش حمل ضراير بس اقول ايه ربنا يسامحه..وياخده الحيه مراته..

رباب والتانيه عامله معاكي ايه..

شهد امينه ..لا مفيش منها .. دايما بتصالحنا على بعض..انا مرات انسى انها ضرتي ..من كتر متديني نصايح..هي بتعاملني كني اختها..

رباب بس معلش خودي بالك منيها هي كمان.. دي مهما كان ضرتك..

شهد بدموع انا كان مالي ومال الجوازه دي..

رباب لو مش مرتاحه افضلي هنيه ياشهد..انتي شايفه همام رجع ومحدش هيقدر يعملك حاجه بحضوره..

شهد مقدرش يارباب..

رباب ايه ياشهد قلبك مال لابن الحلازمه والا ايه..

شهد…نهضت تحاول تغيير الحديث هو ابوي وهمام مرجعوش لحد دلوقتي ليه..

رباب يبقى حبيتيه يابت منصور.

شهد بحرج اني…لتدخل عليهم ايمان وتقول بحده اي اللي جابك مش قولتلك معايزاش اشوف خلقتك اهنيه..في بيتي..

شهد اني جايه بيت ابوي ..مش جايه عشانك..

ايمان لا ده بيتي ..وانتي ارجعي بيت جوزك والا تلاقيه زهق منك ورماكي علينا….