الفريدة 2الاخيو

]الفصل الخامس عشر:
فريده صرخت بقهر:انا يا يحي…
يحي وقتها كل حصونه انهارت و بقي يعيط و كذلك فريده…
فريده بسخريه:دلوقتي بتعيط!قلبك حس بالوجع دلوقتي!كان فين قلبك وقت اللي عملته…
و مسكت ازازه برفان كسـ,ـرتها و وراها التانيه و التالته…
فريده بحده:بررررااا…اطلع بررراا…
و راحت ليحي و بقت تزقه تقومه…
فريده بتعيط: امشي..قوم مش عاوزه اشوفك ادامي..يلاااا…
يحي قام و نزل..و فريده قعدت علي السرير و فضلت تعيط….
……………………
دولت و إسعاد كانوا قاعدين مع أميره ف اوضتها..و أميره قاعده علي السرير ساكته مش بتتحرك بتعيط بس…و دولت بتحاول تأكلها…
دولت بحزن:كلي بقي يا أميره..
أميره مردتش عليها و فضلت زي ما هي بتعيط…
إسعاد:يا حبيبتي كفايه عياط بقي..و الله لاجبلك حقك..
أميره اتنهدت بقهر و برضه بتعيط…
دولت قامت و لإسعاد:تعالي يا إسعاد عاوزاكي..
قامت إسعاد معاها و خرجوا بره..
دولت:بصي ياختي بعد اللي حصل ده معلش مبقاش ينفع جواز ليهم..
إسعاد بصدمه:بتقولي ايه انتي يا دولت..
دولت بجديه:البت مش هينفع تشوف وشه ادامها انتي مش شايفه يا إسعاد..ازاي بقي هتكون مراته..
إسعاد بحده:لازم تكون مراته..غلط و يصلح غلطته…
دولت بحده:ازاي انتي مش شايفه منظر البت مش هستني أما يمـ,ـوتهالي المره الجايه…
إسعاد بجديه:ميقدرش..أميره بنتي..
و بتمني:مش يمكن تكون حامل…
دولت بصت لإسعاد و سرحت شويه..فعلا ممكن أميره تكون حامل..وقتها هيكون لازم تتجوزه..
دولت لنفسها:ايه يا دولت نسيتي أن يحي هو اللي هيهني بنتك..ده يمكن اللي حصل ده جه من عند ربنا عشان تضمني جوازهم من بعض…
و بصت لإسعاد و بجديه:انا مش هغصب بنتي علي حاجه..و لو حامل فعلا وقتها يكون فيه كلام تاني…
إسعاد بصتلها و ابتسمت و عنيها مليانه تمني أن أميره تكون حامل..
………………..
عدت الايام و فريده كانت لسه ف بيتها رفضت تسيبه و بتقضي اغلب يومها ف الشغل و مروه و أنور راحوا قعدوا معاها..و يحي بعد عن الكل و قعد ف شقه بتاعته ف اسكندريه و قطع اي اتصال بينه و بين اي حد من عيلته…و إسعاد كل يوم تروح لأميره و دولت عشان تطمن علي أميره و بتدعي أنها تكون حامل…و فضل الحال علي كده لمده شهر…و في يوم…كانت أميره ف صيدليه من بتوعها…
كانت قاعده بتباشر شغلها و حست بصداع و دوخه ف غمضت عينها شويه و رجعت تكمل شغلها..و بعد شويه داخت..لاحظ ده حد من الصيادله اللي معاها…
نور:دكتوره أميره..شكل حضرتك تعبانه..
أميره بصتله:ايوا يا نور..ارق الشغل..
نور:طب اتفضلي حضرتك و انا هكمل باقي الشغل…
أميره ابتسمت:شكرا..
و قامت اخدت شنطتها و مشيت…
…………………
كانت دولت قاعده هي و إسعاد كالعاده و لقوا أميره داخله…و قعدت علي الكرسي و غمضت عيونها و باين عليها التعب..
دولت بقلق:مالك يا أميره…
أميره بتعب:دايخه شويه يا ماما..
إسعاد بفرح:حامل..انتي حامل يا أميره…
أميره بصتلها و بجديه: حامل ايه بس يا خالتو..
و بدموع:مستحيل..مش هينفع ابني يكون نتيجه لذكري وحشه ف حياتي…
و قامت و بهدوء:هو تعب من الشغل و كمان انا مفطرتش انا هدخل اغير هدوني و اكل و ارتاح…
و دخلت اوضتها…
إسعاد بجديه لدولت:ابصم بالعشره بأن بنتك حامل…
دولت:ربنا يستر…بس ي….
و سمعوا صوت هبده جايه من اوضه أميره…ف قاموا يجروا هما الاتنين..و لقوا أميره واقعه في الأرض مغمي عليها…
إسعاد بفرح:لولولولولي..مش قولتلك حامل…
دولت بتحاول تشيل بنتها و بحده:بلا حامل بلا زفت تعالي شيلي البت معايا…
إسعاد ساعدتها و حطوا أميره علي السرير…
إسعاد بفرح:انا هتصل بالدكتورة بسرعه..
دولت بجديه منعتها:استني..هنجيب اختبار حمل..أميره مش هترضي انا هقنعها بالاختبار…
إسعاد قامت زي المجنونه:انا هنزل اجيبه من الصيدليه اللي تحت….
و دولت فضلت تفوق بنتها و إسعاد طلعت..و أميره فاقت….
دولت بهدوء:أميره لو سمحتي قومي اعملي اختبار الحمل ده…
أميره بلعت ريقها و بتوتر:حاضر….
و بجديه:بس لو حمل..هسقطه..مش هقدر ابص ف وشه لاني هفتكر اللي ابوه عمله…
إسعاد بخوف:لا يا بنتي استهدي بالله بس..قومي اعمليه و نشوف..
أميره دخلت الحمام و عملت الاختبار و طلعت و فضلوا مستنيين الوقت المحدد و نظراتهم مختلفه توتر علي تمني و خبث و أخيراً النتيجه ظهرت بالايجابي…
إسعاد اول ما شافت كده فضلت تزرغط بفرحه…و دولت ابتسمت بفرح.. اما أميره كانت مصدومه…
إسعاد حضـ,ـنتها و بفرح:الف مبروك يا حبيبتي..و الله لتكوني ف بيته بكره…
أميره بحده:بس…
دولت قاطعتها بجديه:بس إيه..مش غلطتك يا حبيبتي دي غلطته هو..و سقوط مش هينفع حرام و انا مربتكيش علي كده..يبقي الجواز و الواد يتربي بين ابوه وامه…
أميره معرفتش ترد علي أمها ف سكتت..
إسعاد بفرح:يسلم كلامك يا أم أميره..انا هقوم اكلم محمد بقي يقلب عليه الدنيا لحد ما يجيبه و معاه المأذون…
اللهم حقق لي احلامي ⁦ ⁩ و ما يتمناه قلبي يا الله⁦ ⁩اللهم أكفني شر عبادك⁦ ⁩اللهم استجابه لما في قلبي⁦ ⁩صلوا علي النبي بنيه رفع البلاء و تحقيق الامنيات⁦ ⁩و ادعولي يحققلي اللي ف بالي بالله عليكم⁦و ليكم بالمثل إن شاء الله ⁩
الفصل السادس عشر:
محمد هاتفياً بصدمه:بتقولي ايه يا إسعاد!!!
إسعاد بفرح:أميره حامل من يحي…بص بقي انزل جيبه من اسكندريه انت و شريف و هات المأذون و تعالي..
محمد سكت مش عارف يقول ايه..
إسعاد بجديه:محمد..ده ابنه و الصح أنه يتجوزها…
محمد اتنهد:هروح اجيبه و نجيلكم علي بكره الصبح نكتب الكتاب..و تطلع علي بيته..
إسعاد بفرح:بأذن الله يا اخويا…
قفل محمد مع إسعاد و فضل سرحان شويه..
محمد لنفسه:ورطت نفسك يا يحي ورطه سودا..
و قام اتصل علي شريف و عرفه انهم هيروحوا ليحي اسكندريه…
…………………
كان قاعد ف شقته ف اسكندريه لا بياكل و لا بيشرب..ساكت و خلاص..بيعيط من وقت للتاني..او الأصح بينهار…دقنه طولت و بقي مهمل ف نفسه…معالم الندم ظاهره عليه…و لما يتخنق بينام يهرب من الواقع حتي لو لساعات..و فاق علي صوت الجرس…استغرب شويه و قام فتح الباب لقي محمد و شريف..رجع لورا و محمد و شريف دخلوا…
محمد:ادخل تحلق دقنك و تلبس عشان تكتب علي أميره..
يحي:نعم!
محمد بصله و ببرود:أميره حامل!
و بتأنيب:شوفت بقي اول عيل هيجيلك هيكون جاي من الحرام…
شريف بجديه:عمي!!!
محمد بصله و بجديه:الحق ميزعلش..و هو عارف ده كويس..
يحي كان واقف مصدوم من اللي بيتقال و محمد فعلا عنده حق ف كل كلمه بيقولها…
شريف بهدوء:يلا يا يحي..لازم تصلح غلطتك..الولد او البنت اللي جاي ملوش ذنب ف ده..يلا ربنا يهديك..
يحي نزلت دمعه قهر من عيونه…و دخل علي اوضه عشان يغير هدومه و يحلق دقنه..و بعد شويه خرج و هو جاهز..شكله كان طبيعي اه بس مفيش ابتسامه..مطفي…و نزلوا ركبوا العربيه بتاعه شريف و طلعوا علي القاهره….
…………………
المأذون خلص خلاص و أميره سحبت ايديها بسرعه من ايد يحي..و بصت بعيد و باين علي ملامحها الحزن و الانكسار…و المأذون شريف حاسبه و نزل يوصله..
دولت حضـ,ـنتها و بدموع:الف مبروك يا حبيبتي..
أميره مردتش عليها…و قامت إسعاد حـ,ـضنتها و بفرح:الف مبروك يا ميرو..
أميره بصتلها و سكتت..
يحي بجديه:يلا يا أميره…
دولت:حاضر يبني تتغدوا بس معانا…
يحي:لا مفيش لزوم انا تعبان من السفر و عاوز ارتاح…
إسعاد غمزت لدولت بأنها تسكت:حاضر يا حبيبي..انزل يلا و احنا جايين وراك..
يحي بجمود:تمام..و قام نزل..
دولت:هقوم اجيب شنطتها اهو…
إسعاد بسعاده:هاتي يختي اهو تلبس فيهم لحد ما اخدها بكره و الا بعده اشتريلها لبس جديد…كل حاجه جديده لست الكل…
و بـ,ـاست أميره ف خدها..
و لمحمد:و الا ايه يا حاج..
محمد:اللي تشوفيه يا ام يحي…
و جابت دولت الشنطه و نزلوا كلهم و كان شريف وصل..و كانت عربيه يحي كمان وصلت بعد ما طلب من حد تبع الشركه يوصلهاله…كانت أميره هتركب مع شريف و إسعاد و أمها و محمد…بس إسعاد و دولت وقفوها…
دولت:لا يا حبيبتي ميصحش روحي اركبي جمب جوزك…
كان يحي وقتها واقف ادام عربيته مستني أميره ترجع تركب معاه…
إسعاد بابتسامه:يلا يبت…