هوايا ج1-2
وقف الشرطي المدعو ب “ياسين” ينظر إليه بحزن و أسى مرددا بصوت أجش :
-أيهم أنا مقدر حالتك ومقدر اللي انت فيه ..بس مفيش جديد ف التحريات للاسف ..كل اللي ف ايدنا نستني تقارير المعمل الجنائي للبصمات ..!!
استشاط “أيهم” وكاد أن يصيح به لولا ذلك الصوت الذي صدح بالغرفه يقول:
-تحريات ايه ومعمل ايه ياحضره الظابط !! مش لما يبقى تحت أيدك المتهم وتستني نتايج المعمل ده غلط برضه ولا انتوا بتسيبوا المجرمين لحد ماتشوفوا المعمل !
اتجه “أيهم” بنظراته صوب ذلك الدخيل ليتعرف عليه على الفور ويتجه إليه غاضبا ممسكا بتلابيبه يردد بصوته الجهوري :
-عارف يانااصف انت اخر خلقه اتمني اشوفها دلوقت ، جاي تشمت فيااا !
ابتسم له “ناصف الزيني” بسخرية ثم رد ببرود يقول :
-اخس عليك يا أيهم وأنا اللي جاي اقولك حاجات متعرفهاش واساعدك تقبــ,,ـــــضوا على اللي قتـ,ـل أخوك ..!
اتجه إليهم “ياسين” غاضبا يبعده عنه وهو يجهر بصوته :
-بس انت وهو .. انتوا في قسم شرطة …
ثم وجه نظراته صوب “ناصف” يقول :
-ياريت لو عندك حاجه زي مابتقول تقولها في محضر رسمي احنا مش بنهزر هنا !
ابتسم له ثم وجه أنظاره الساخرة إلى “أيهم” يقول ببرود :
-وماله .. افتح محضر وأنا هقول كل حاجة !
ثم اتجه إلى الكرسي يجلس فوقه بتفاخر وهو يقول :
-ها تحبوا ابدأ منين .. ؟! من جواز أخوك من بنت عمي في السر مثلا !!
اتسعت أعين “أيهم” وكاد أن ينقض عليه … لكن دخول “سيف” شقيقه منعه حيث حال بينهم مسرعا يقول بأسى :
-أيوة يا أيهم شهاب كان متجوز في السر ..أنا عرفت من شهر وهو منعني أقول كان ناوي يعلنه يوم مااتقتـ,ـل!
اتسعت أعين “أيهم” يردد بذهول :
-انت اتجننت امتي وازاي ..وليه مقالش لينا !!
راقبهم “ناصف” بهدوء ثم قال :
-سيف معندوش إجابات ده أنا بقى عندي !
اتحهت جميع الأنظار نحوه ثم بدأ بسرد مالديه من أقوال باطلة بحق ابنة عمه الصغيره ….
يتغافل المرء أحياناّ عن حقيقة النفوس المريضه من حوله ، حين تكون أهدافنا متوحدة نضع
بأيدينا تلك الغشاوة علي أعيننا علنا نصل إلي ما نريد ماذا إن كانت الطرق وعرة تفترشها
براءه أحدهم هل علينا حينا أن نخطو فوق تلك البراءه وندنسها أم يكون التراجع أفضل الحلول
برغم مما قد يلتهمه داخلنا من تلك الأرواح المتألمة التي نمتلكها ؟؟!!
