شيماء 3الاخير

الحلقه ال 17 ادهم شاف عمر وراحله سلم عليه ادهم:دكتور عمر ازيك عمر: اهلا وسهلا ..افندم ادهم: انت مش عارفني؟؟ عمر: لا معلش مش واخد بالي حضرتك تبقي؟؟؟ ادهم: ادهم …قابلتك من خمس سنين في كليتك وكنت خاطب الدكتوره ليلي عمر: انا خاطب ليلي ؟؟؟؟ افتكر عمر ساعتها اللي حصل عمر: اها اه اه افتكرت حضرتك…اهلا اهلا بحضرتك ادهم: اهلا بيك…الدكتوره ليلي اخبارها ايه؟ عمر: ليلي؟؟؟ هنا جت ايناس ايناس: عمر حبيبي هتروح ولا اسبقك انا ؟؟ ادهم واقف مستغرب مش فاهم حاجه عمر: دي دكتوره ايناس مراتي..ايناس ده رائد ادهم قابلته ونا في الكليه قبل كده لما كنت لسه خاطب ليلي ايناس: خاطب ليلي؟؟؟ عمر: اه مش انا قلتلك اني خطبت ليلي فتره كده؟؟ ايناس: اه ….اهلا بيك اخبارك ايه؟؟ ادهم: اهلا بحضرتك علي فكره دلوقتي مقدم مش رائد عمر: اه سوري ادهم:لا عادي عمر: علي العموم ليلي في بلدها انا مشفتهاش من ساعه ما اتخرجنا ادهم: اه ..طيب فرصه سعيده يا دكتور ودكتوره بعد اذنكم سابهم ومشي وجواه شعاع امل ان ليلي تكون لسه ,,,,,,لسه ايه بقي فوق انت هترجع تاني تفكر فيها؟؟؟انسي بقي ادهم: عبير ازيك قرب منها واخدها في ح*ضنه لانه فعلا بيعتبرها اخته عبير: ادهم ازيك واحشني ادهم: انت كمان يا قمر عامله ايه؟؟؟بقولك تتغدي معايا؟؟ عبير: طبعا انت بتسأل؟ اخدها وخرجوا يتغدوا مع بعض ويهزروا ويضحكوا لحد ما ادهم فتح الكلام المهم ادهم: ها يا عبير مش هتقوليلي في ايه؟ عبير: في ايه ؟مافيش حاجه..سلامتك ادهم: انتي مش مبسوطه ليه مع احمد؟؟؟ عبير: لو قلتلك مش عارفه هتصدقني ادهم: لازم يكون في شيئ …محدش بيزعل من حد كده عبير: انا مش زعلانه منه ودي المشكله… ادهم: طيب خلاص يبقي مش بتحبيه ابعدي عنه عبير: انا مش بحبه؟؟؟انا لما بيسافر في مهمه بمو*ت لحد ما يرجع ..روحي بتروح معاه ادهم: طيب فين المشكله يا عبير ..انتي بتحبيه وهو بيحبك عبير: معرفش يا ادهم..كل لما بكون معاه بحس بحاجه خنقاني..حاجه واقفه بيني وبينه..في جدار واقف بنا وحاولت كتير اقرب منه او اتجاهل الجدار ده ..بس في حاجه جوايا بتقولي انه خاين… ادهم: احمد خاين؟؟؟طيب انا معاكي ..خانك قبل كده؟ عبير: لأ طبعا ادهم: خان حد تعرفيه؟ عبير: لأ برضه ادهم: طيب يبقي خاين ازاي؟ عبير: انا معرفش يا ادهم ..انا قربت اتجنن في حاجه بتمنعني اقربله ومش عارفاها ايه؟وفي نفس الوقت بحبه ومش قادره ابعد عنه,,,اعمل ايه يا ادهم ادهم: انا هنا مش عارف اقولك ايه يا عبير ..بس خليكي جنبه وحاولي تهدي الحاجز ده او تشوفوله سبب عبير: سيبك مني..المهم انت اخبارك ايه؟ ادهم: انا كويس ومسافر بكره عبير: مسافر تاني؟ ادهم: هدرب العيال الجداد عشان يبقوا زينا كده عبير: اه ..طيب خلي بالك منهم بقي ادهم كلم احمد وحكاله اللي حصل ونصحه انه يحاول يتكلم معاها كتير ويشوف حل للموضوع ده بدل ما يكبر بينهم ويفرق بينهم نهائي.. احمد كان جواه عارف ان احساس عبير مش كدب وانها صادقه في احساسها لانه خان اقرب الناس ليه..وكان عارف ان ربنا بيعاقبه لانه زي ما حرم اتنين من السعاده ربنا حرمه هو كمان من السعاده مع حبيبته…بس وصل لمرحله مش عارف يتصرف فيها ولا يصلح غلطه ده ازاي؟؟؟؟ ادهم جهز نفسه للسفر لانه بقي بيعشق السفر ونسي يسأل مكان التدريب هيكون فين او ما اهتمش انه يسأل كل المهم انه هيبعد كام شهر في وسط صحرا بعيد عن كل الناس .. راح ادهم وركب الطياره الهليكوبتر واتحركت بيه الطياره وهو استغل الساعه دي في النوم لانه ديما مش بينام غير في اوقات غريبه…وصل ادهم ونزل من الطياره في مكان المعسكر اللي هيدرب فيه الخريجين الجداد واتصدم لما شاف المكان…… المكان ما اتغيرش ابدا ..كل حاجه زي ما هيا ..استغرب انه سافر علشان يبعد عن افكاره لقي نفسه في اكتر مكان كان بيهرب منه…مكان ما بدأت حكايته…. مكان تدريبه القديم وقف ادهم مش عارف يعمل ايه؟؟طيب يعتذر عن المهمه ويرجع؟؟بس هيفسر رفضه الفجائي ده بأيه؟؟طيب يكمل وخلاص وما يخرجش ابدا من المعسكر…ده الحل فعلا …هيا عمرها ما هتيجي المعسكر وهو لو خرج مش هيشوفها وبكده تكون محلوله… مشيوا الطلبه وهو استغبي نفسه قوي …مش ذنبهم انه هو مصدوم حاليا …رأفت كان صارم بس عمره ما اتريق علي حد فيهم او قلل من كرامة حد…لازم يغير معاملته وما ينفعش يبدأها كده راح الاوضه المخصصه ليه…وحط حاجته وراح لطلبته وهو في الطريق عدي علي المعسكر بتاعهم اللي كانوا بيناموا فيه …كل الذكريات اللي كان فاكر نفسه نسيها رجعت كلها تاني…. عسكري سيد : سياده المقدم…..سياده المقدم ادهم: افندم في حاجه…سوري ما اخدتش بالي انت قلت حاجه؟ العسكري: بقول لحضرتك الفريق الطبي مستني حضرتك علشان برنامج التدريب وتشوف العنايه الطبيه هيكون ايه نظامها ادهم: طيب خلاص جاي ..هما فين في المكتب؟؟ العسكري: لا مش في المكتب ..في الساحه عند المكتب اللي في الساحه في الهوا ادهم: خلاص ماشي جاي اهوه معاك راح ادهم مع العسكري وشافهم واقفين ادهم: ايه ده؟؟؟دي بنت دي؟؟ العسكري: ايوه يا افندم دي الدكتوره ادهم: دكتوره بنت في معسكر جيش؟؟؟؟ده اللي كان ناقص العسكري: لا يا افندم دي دكتوره شاطره قوي ادهم: شاطره ولا المهم انها بنت…ما علينا راح ادهم عندهم ولما حسوا بيه بصوله واول ما شاف البنت كانت تاني صدمه ليه النهارده هيا كمان لما شافته اتصدمت ومعرفتش تنطق…الكل بيبصلهم باستغراب وهما واقفين كده قصاد بعض زي ما يكونوا بقوا تماثيل. مدير المعسكر: مقدم ادهم…مقدم ادهم…ادهههههههم ادهم: افندم سوري ايه؟ المدير: اعرفك بالدكتوره ليلي….هيا اللي هتكون مسؤله عن تدريبات الاولاد مع حضرتك ليلي اخر شخص ادهم اتمني يشوفه واقفه اهي قدامه لسه جميله زي ماهيا بس لا بقت اجمل واجمل بس راحت نظره البراءه اللي في عنيها واترسمت نظره جديه زياده عن اللزوم شعرها بيطير وبقي اطول من الاول اتمني معرفش يتمني ايه يضمها في ح*ضنه ويقولها وحستيني ولا يهرب من المكان ده ويلحق قلبه قبل ما كل جروحه تتفتح تاني؟؟ ادهم اخيرا عرف يسترجع نفسه ويتكلم ادهم: افندم؟؟؟؟ومن امتي البنات بيشتغلوا في معسكرات الجيش؟؟ ليلي حست انه بيهنها كبنت ليلي: وايه المانع؟؟طالما بقوم بشغلي كامل يبقي مفيش فرق بين بنت وراجل ادهم: انا حاليا مش هتكلم عن الرجاله والستات..بس وجودك هنا مش مقبول ليلي: وجودي هنا مش حضرتك اللي تحدده ولما ما اعرفش اقوم بشغلي ابقي اشتكي مني..غير كده اسفه ادهم: وانا مش عايز بنات هنا بغض النظر عن ان حضرتك شاطره في شغلك ولا المدير: ادهم اهدي لو سمحت ادهم: ده علي اساس اني بقطع في هدومي؟؟ما انا هادي اهوه المدير: البنات بيتواجدوا في الجيش من بدري انت نفسك لما كنت بتتدرب هنا كان في بنات معاك وما اعترضتش علي الرغم من انهم كانوا ظباط لكن جاي تعترض علي دكتوره ادهم: انا مش بعترض علي شغلها كدكتوره المدير: امال بتعترض علي ايه بالظبط؟؟؟ده انت اكتر ظابط متفتح ..لما ده يكون رأيك؟؟؟؟ ادهم: (انا معترض عليها كشخص لاني مش عايز اشوفها لاني بحاول انساها وانتو كده بتصعبوها قوي)طبعا ده كان رد ادهم لنفسه لكن مقدرش ينطقه ادهم: انتو حرين ..انا مهمتي مع الطلبه ولما حد يجراله حاجه هبعتهلكم..بعد اذنكم ليلي: استني سياده المقدم وقف ادهم وهو نفسه يخنقها يا اما يبوسها واستغرب هو ازاي بيفكر كده اصلا؟؟؟ ادهم: افندم ليلي: عايزه اعرف من حضرتك طبيعه التدريبات بتاعتهم وايه المطلوب منهم بالظبط ومده تدريبهم اليوميه هتكون قد ايه؟؟؟ ادهم: طبيعه تدريباتهم؟؟؟؟؟شوفي انا الاول هدلعهم وبعد كده هنعملهم مساج وبعدها ايه؟؟؟مش عارف صراحه لسه هعملهم برنامج ايه مسائي المدير: ادهم؟؟؟ ادهم: سبق وقلت لما حد يجراله حاجه هبعتهلكم غير كده معنديش بعد اذنكم سابهم وراح للطلبه بتاعته وهو هيولع اصلا …من ضمن كل الدكاتره تطلع هيا..طيب يهرب بس يروح فين؟؟؟؟ بس ما لمحش دبله في ايديها ياتري اتجوزت الواد هوا ولا لأ؟ انت مالك اصلا اتجوزت ولا لأ؟ ليلي كمان راحت المستشفي وهيا مش قادره تصدق انها شافته تاني…كانت متخيله نفسها نسيته وخلاص هتكمل حياتها بس الواقع غير كده نهائي…طلعت سلسلتها اللي مخبياها علي صدرها جوه ديما..وافتكرت لما لبسهالها وباسها في رقبتها …لسه حاسه بشفايفه علي رقبتها…لسه بتتمناه…بتتمني ايه؟فوقي بقي؟ماهو رماكي من عشر سنين نسيتي ولا ايه؟؟؟نسيتي ازاي هانك وسابك؟نسيتي الفيديو اللي بعته لاصحابه؟نسيتي لما طلب من صاحبه انه يقولك لما تفقدي عذريتك هو موجود؟؟؟؟ لا ما نسيتش وهفضل اكرهه ومش هحن ابدا ليه…… ادهم كان عصبي جدا مع الظباط وبيتنرفز من اقل حاجه ..بس علي الرغم من كده الطلبه بيحبوه وبيقدروه..لانهم عارفين انه لازم يكون قاسي كده علشان يوصلهم انهم يكونوا زيه وفعلا هو كان مثلهم وبعدين كان طول التمارين بيعمل زيهم واكتر بالعكس هما اخر النهار بيريحوا وهو بيفضل يكمل تمارينه…هو برضه بدأ يتعرف عليهم ويحبهم بس عمره ما اظهر الحب ده ابدا في يوم قاعد في الساحه ومتابعهم وفجأه لقي ظل فوقه رفع عينه لقاها قدامه بعنيها الخضرا الغامقه ادهم: يا ساتر استر خير؟؟؟؟ ليلي: وهيجي منين الخير وحضرتك بتهرب مني ادهم: انا بهرب .؟؟انا موجود هنا علي طول..عايزه ايه يا ليلي؟ ليلي: اولا اسمي الدكتوره ليلي ادهم ضحك بصوته كله: ماشي يا دكتوره..كبرتي…حقك ليلي: ايوه كبرت امال فاكر اني هفضل علي طول القطه المغمضه؟ ادهم: ياريت كنتي فضلتي علي طول قطه مغمضه!!! عايزه ايه؟ ليلي: انت بتدرب العيال فوق طاقتهم براحه شويه ادهم: حد اشتكالك؟؟؟ هنا المدير جالهم واتنين ممرضين علشان يفصلوا بينهم لو اتخانقوا لان الكل مستغرب من العداء الشديد بينهم.. المدير: ازيك يا دكتوره..ادهم اخبارك الاتنين: الحمد لله المدير: كملوا كلامكم عادي ادهم طلع سيجاره وولعها ليلي: لو سمحت اطفي السيجاره ادهم: سوري مش عاجبكي اتفضلي بعيد طبعا الكل قاعد بيتفرج وناقص يجيبوا لب ويتسلوا بالحوار اللي شغال ليلي: اكيد انا ورايا حاجات اهم من القعده مع حضرتك فلو سمحت خلصني علشان امشي ولو سمحت اطف السيجاره لاني مش بحب ريحتها ادهم: اخلصك؟؟؟لما تبقي علي ذمتي ابقي اخلصك ليلي اتضايقت قوي منه وراحت شاده السيجاره ورمياها علي الارض ادهم: انتي اتجننتي ولا ايه؟؟؟ ليلي: قلتلك مش بحبها ادهم طلع سيجاره تانيه وولعها ونفخ الدخان في وشها تليفونه رن فطلعه وهو بيفتح شدت السيجاره التانيه ورميتها تاني ليلي: قلتلك اطفيها…مش هتولعها وانا هنا وقفوا الاتنين قصاد بعض المدير خاف لاحسن ادهم يض*ربها ولا حاجه المدير: خلاص ا جماعه اهدوا بقي ادهم: انتي مالكيش مكان هنا سابهم ومشي واتصل بالمدير بتاعه وقاله انه يختار بين وجودها ووجوده هو …وطبعا المدير ما ينفعش يرفدها لمجرد انها بنت علشان حقوق المرأه وفي نفس الوقت مش مستغني عن ادهم فيعمل ايه؟؟؟ ده اللي هنعرفه في الحلقه الجايه ايه رأيكم اخر الحرب دي ايه؟ ليلي ارتبطت ولا لسه ؟ ادهم هيتصرف ازاي؟؟؟ الحلقه 18 اتقاءا للمشاكل الكل اتفق ان ليلي تفضل في المستشفي واتنين مسعفين يفضلوا في المعسكر ولو في اي حاله حرجه تتحول للمستشفي علي طول … وفي يوم في تدريب كان حي واحد من تلامذيته اتصاب برصاصه في بطنه وادهم شاله بسرعه واخده للمستشفي ليلي كانت جراحه وهيا اللي عملت العمليه للظابط المتصاب كان اسمه مؤمن وادهم فضل طول الوقت بره اوضه العمليات مستني يطمن عليه لحد ما خرجت ادهم: حالته ايه؟؟؟ ليلي: وده شيئ يهمك؟؟؟انت مش بتعاملهم زي العبيد عندك؟ ادهم: ليلي مش وقته ارجوكي …طمنيني عليه الاول ليلي حست بضعف غريب جواه …حست انه خايف فعلا علي الظابط …واستغربت ازاي حد بالاحاسيس دي ممكن يخون في يوم من الايام ادهم: ليلي ارجوكي حالته ايه؟ ليلي: كويس يا ادهم ماتخافش عليه ..الرصاصه ما صابتش اي حاجه حيويه ادهم اخيرا قعد في الارض…زي ما يكون حمل وانزاح عنه ادهم: انا فعلا ممكن اكون قاسي عليهم بس ده لمصلحتهم ومهما اكون اقاسي ده ولا حاجه من اللي هيقابلوه بره …الواقع مختلف تماما عن التدريب..لو بايدي ما ارضاش لاي حد اصلا يشتغل شغلنا ده ابدا…احنا بنواجه الم**وت في كل لحظه واصحابنا بيم*وتوا قصاد عنينا والمفروض ان اننا نكمل عادي…انا فعلا قاسي عليهم بس لمصلحتهم ليلي: انا اسفه يا ادهم ….بس اطمن هو هيكون كويس ادهم فضل جنبه واقف علي الباب لان ممنوع دخول العنايه المركزه …هما حطوه فيها لحد ما يفوق ويطمنوا عليه… ليلي كانت نبطشيه الليله دي وكل شويه تروح تتطمن عليه تلاقي ادهم واقف مكانه قدام الباب ..كل شويه حيرتها تزيد اكتر…ليه بيهتم بطالب كده..لحد الفجر وهو لسه واقف مكانه ليلي: ادهم؟؟؟ارتاح بقي شويه ادهم: طيب هرتاح .شويه بس وارتاح ليلي: انا هفضل جنبه نام انت شويه ..انا ممكن افتحلك اي اوضه تريح فيها شويه ادهم: شويه وهروح ارتاح..متشكر ليلي: ادهم الفجر طلع من بدري ادهم: الفجر؟؟؟ ليلي: ايوه الفجر انت واقف الليل كله كده ادهم: طيب خلاص عادي…يبقي شويه واروح المعسكر ليلي: انت لازم تنام شويه ادهم: انام؟؟؟؟ ياما نفسي بجد انام ليلي: وايه المانع؟روح نام ادهم: في مثل بيقولك ما ينام الليل غير مرتاح البال ليلي: وانت ايه اللي شاغل بالك؟ ادهم ابتسم وبص للارض وبعدها بصلها ادهم: ماتشغليش بالك انتي بس بيا …روحي انتي ارتاحي شويه سابته ومشيت بس كان نفسها تقوله ازاي بس ما تشغلش بالها بيه؟لو عنده طريقه تقدر بيها تبطل تفكير فيه ياريت يدلها عليها. راح ادهم المعسكر لقي مفاجأه مستنياه ادهم: معقوله؟؟؟انا مش مصدق عنيا ابدا سيف: لا صدق اخدوا بعض بالح*ضن وفضلوا مع بعض يضحكوا ويهزروا والكل مستغرب ان ادهم بيعرف يضحك او يهزر.. سيف كان مقرب جدا من ادهم وخصوصا في فتره سفره ..كانوا بيتقابلو كتير جدا وكان اقرب رفيق ليه سيف: مولع الدنيا مع لوليتك ليه؟ ادهم: اولا مش مولع حاجه…ثانيا مابقتش لوليتي خلاص سيف: لما ما بقتش لوليتك بتتخانق معاها ليه؟ ادهم: هيا مستفزه سيف: ما علينا نسيبنا منها…اخبار مؤمن ايه؟ ادهم: كويس الحمد لله فاق اخيرا سيف: طيب كويس المهم شكلك عايز ترتاح شويه روح انت نام شويه وانا هنا ادهم: انام؟؟هو انت مش عارف اللي فيها ولا ايه؟صح انت ايه اللي جابك هنا سيف: رجعت مصر زيك..معرفتش افضل بره بعد رجوعك وبما اني في اجازه فالمدير طلب مني اجيلك هنا اساعدك وخصوصا بعد خناقاتك كل شويه مع لوليتا ادهم: كويس كويس…طيب تعال اعرفك علي الفريق سيف: مش هتنام ادهم: نوم ايه بقي..يالا اخر النهار ادهم راح المستشفي لمؤمن ..كانت ليلي لسه مستلمه ورديتها…راحت تتطمن عليه لقت ادهم معاه ليلي: ازيك النهارده يا مؤمن اخبارك ايه؟ مؤمن: الحمد لله احسن ليلي: المقدم ادهم الظاهر انه بيحبك قوي…ما سابكش امبارح ابدا مؤمن: طبعا بيحبنا كلنا ده احنا رجالته..ولا ايه؟ ادهم: طبعا رجالتي…الفريق كله بيسلم عليك…وبكره هيجولك كلهم وبرضه فضل ادهم قاعد جنبه الليل كله …ليلي دخلت الفجر كان قاعد علي الكرسي ومغمض عنيه ومد رجليه علي حرف السرير ..افتكرته نايم فوقفت قدامه وافتكرت لما نام علي حجرها وفضلت تلعب في شعره وعدها ساعتها انه هيفضل يحبها …سألت نفسها ليه ياتري رجع في وعده ده؟ ادهم: هتفضلي واقفه كده كتير؟ ليلي اتخضت جدا منه لانها كانت مفكراه نايم ليلي: انت مش نايم؟ ادهم: ما انا قلتلك مش بنام ليلي: يعني ايه مش بتنام؟كل الناس بتنام ادهم: بنام ساعتين كده كل يومين ولا حاجه ليلي: ده غلط وهيتعبك وهيعمل اجهاد علي قلبك وه…. ادهم: براحه شويه عليا…ايه هوه ده؟انا مش بعرف انام بحاول بس مش بعرف…يعني مش بمزاجي ليلي: تعال نعرضك علي دكتور مخ واعصاب ادهم: ليلي اطلعي من دماغي ..انا كويس كده ليلي: انت حر…لو في حاجه نادي عليا ادهم: اوك سلام ادهم كان بيجي المستشفي علشان مؤمن او هو بيقنع نفسه بكده وليلي كانت بتروح كل شويه تتطمن عليه علشان هو مريضها او هيا كمان بتحاول تقنع نفسها بكده في يوم ادهم رايح عند مؤمن كانت ليلي واقفه مع دكتور زميلها وضحكت بصوت عالي وهو اتضايق قوي … راح اوضه مؤمن بس فضل مستنيها تيجي..وفعلا اول ما لمحها جايه خرجلها بره ادهم: مين ده اللي انتي واقفه بتضحكي بصوتك كله كده معاه؟ ليلي استغربت قوي هو ليه بيسأل اصلا ليلي:وده يخصك في ايه؟ ادهم: يخصني ولا ما يخصنيش ما ينفعش تقفي كده وصوت ضحكك واصل لاخر الدنيا ليلي: مش انت اللي هتعلمني ايه اللي ينفع وايه اللي ما ينفعش ادهم: لا طالما بتتصرفي زي العيال يبقي عايزه حد يعلمك ليلي: وانت بقي الحد ده؟؟؟لا فوق لنفسك يا سياده المقدم..الحبتين دول تعملهم هناك علي تلامذتك لكن هنا انت مجرد زائر وبس…مفهوم؟؟ ادهم: زي ما انتي لسه عيله ليلي: العيله دي بقت دكتوره ومسيرك في يوم هتقع تحت ايديها وساعتها مش هرحمك ادهم: هههههه وهتعملي ايه يا شاطره ؟ هتسيبيني ام*ت*؟ ليلي:لا ده بعدك…ده انا هعالجك بس هخليك تبوس ايدي علشان ارحمك ادهم: يوووو تصدقي خفت…العبي بعيد يا شاطره لا انتي ولا مليون زيك تقدري تهزيني ليلي: بكره نشوف ادهم: بكره نشوف ادهم مشي وافتكر لما قالها قبل كده انها هيا تعالجه وهيا رفضت نهائي وقالت انها ما تستحملش تشوفه متصاب …قد ايه الزمن بيغير الناس؟؟؟ مؤمن بقي كويس وساب المستشفي وادهم بطل يشوف ليلي سيف كان لسه معاه بيهون عليه كتير في يوم طلبهم مدير المخابرات وقالهم ان صفقه تهريب سلاح هتم قريب منهم علي الحدود وانهم ياخدوا فريق ويروحوا هما الاتنين يوقفوها باي ثمن فعلا راح ادهم وسيف ووقفوا الصفقه بس للاسف ادهم اتصاب رصاصه في صدره ونقلوه بسرعه علي المستشفي ليلي كانت هناك وجالتها ممرضه تجري الممرضه: دكتوره ليلي في ظابط جاي متصاب برصاصه في صدره وبينزف جامد ودكتور عماد طالبك تساعديه بسرعه قامت ليلي تجري وراحت عندهم واتفاجئت بادهم هو اللي متصاب والدكتور عماد بيحاول يسيطر علي النزيف عماد: ليلي تعالي هنا بسرعه اضغطي علي الجرح ليلي واقفه مصدومه مش اول مره تشوف جرخ بينزف بس اول مره يبقي حبيبها هواللي بينزف عماد: ليلي تعالي هنا قربت منه عماد: اضغطي هنا ايديها كانت بتترعش بس حطتها علي صدره وضغطت ولمحتها في صدره متعلقه…سلسلتها لسه متعلقه في صدره وافتكرت ( اوعدك ان طول ما السلسله دي في صدري يبقي قلبي بينبض ليكي انتي وبس) ادهم كان بيفوق ويغيب ومش حاسس باللي حواليه عماد: قلعوه السلسله دي ادهم: لأ السلسله لأ مش هقلعها وعدتها مش هقلعها لأ عماد: ما تخافش هنحافظ عليها …خدروه …ليلي خدي سلسلته خليها معاكي وتعالي معاياي العمليه بسرعه حطوا السلسله في ايديها واخدوه العمليات وهيا فضلت مكانها مش قادره حتي تتنفس …سلسلته في ايديها,,ايديها مغرقين دمه هو .. الممرضه: دكتوره ليلي دكتور عماد عايزك معاه ليلي: حاضر جايه راحت استعدت ودخلت العمليات وهيا بتدعي انه مايجرالوش حاجه ….الرصاصه كانت جنب قلبه وهما بيحاولو يخرجوها ضغطه وطي جدا وقلبه وقف.. عماد: ليلي دلكي قلبه ليلي بتبص لعماد وهيا مش مستوعبه كلامه عماد: انتي مالك النهارده ابدأي دلكي قلبه بايديك يا دكتوره فعلا ليلي مسكت قلبه بايديها وبدأت تدلكه لحد ما استجاب ليها وبداينبض تاني بين ايديها..هنا هيا انفجرت في العياط وجريت من العمليات وراحت تعيط براحتها كل اللي حصل كان اقوي منها بكتير…عماد خلص العمليه وراح لها كانت في مكتبها عماد: انت ايه اللي حصلك النهارده؟مالك؟ ليلي: ماليش عماد: انتي مكنتيش طبيعيه ابدا..انتي بتجنني لاي عمليه قلب مفتوح والنهارده..انا مش عارف انتي مالك النهارده؟ ليلي: انا بس صعب عليا الظابط..بيبقوا في شغلهم ومره واحده بيتصابوا او ي*م*وتوا عماد: ده شغلهم وهما عارفين كده كويس ..والمفروض ان شغلنا اننا نحاول ننقظهم مش نوقف نتفرج عليهم سابها ومشي وهيا طلعت سلسلته ونضفتها من الدم اللي فيها ولاحظت انه كتب اسمه علي اسمها من وراي حرفAفوق ال L وحرف Dفوق ال Aوحرف الHفوق IوحرفA فوق الLوحرف ال M فوق ال A كل حرف من اسمه ضامم حرف من اسمها هيا بحيث لو حد بصلهم هيشوف حروف فوق بعض وخلاص لكن لو ركز هيلاقي اسمه بيضم اسمها وبيخبيه جواه,,,, استنت ليلي ادهم يفوق وهيا بره اوضته كل شويه تتدخل تتطمن عليه وتخرج لحد ما فاق والدكتور عماد كان داخله وهيا بره ولما شافته ليلي: دكتور عماد…لحظه عماد: ايوه يا ليلي ليلي: اتفضل رجعله دي مدت ايديها بالسلسله عماد: طيب ما تدخلي انتي تيديهاله ليلي: لا معلش عندي حاله لازم اتطمن عليها ..اتفضلها انت عماد: براحتك هاتي دخل عماد وهيا وقفت بره تسمعهم هيقولو ايه عماد: اخيرا يا بطل فقت.. ادهم: لو سمحت كانت في رقبتي سلسله هيا فين؟ عماد: للدرجه دي السلسله دي مهمه؟ ادهم: لو سمحت هيا فين؟ عماد: اهي موجوده ما تخافش اتفضلها مسك ادهم السلسه وغمض عنيه عماد: مقدم ادهم حضرتك كويس حاسس بأيه؟ ادهم: انا كويس ..صدري بس بيوجعني شويه لما بتنفس عماد: ماهو الرئه بتاعتك اتصابت من الرصاصه ..والالم هنسيطر عليه بالمسكنات لحد ما الجرح يخف شويه ما تقلقش ادهم ابتسمله وغمض عنيه عماد: هسيبك ترتاح وهما هيجيبلوك مسكنات علشان الم صدرك خرج عماد وشاف ليلي وهيا ماشيه عماد: دكتوره ليلي استني ليلي: افندم عماد: حاله مقدم ادهم مسؤليتك…زوديله جرعة المسكنات علشان صدره بدأ يتعبه وبعدين اصلا لما مفعول البنج يختفي نهائي هيحس بالألم بجد فحاولي تخففي عليه بالمسكنات لان الالم هيكون فوق الاحتمال ليلي: طيب ممكن تكلف غيري؟ عماد: انا بكلف حضرتك اهوه…اتفضلي راحت ليلي لادهم كان ماسك السلسه في ايده ومغمض عنيه ليلي: حمدلله علي السلامه ادهم: الله يسلمك…اديني بقيت تحت ايديك اهوه اعملي اللي انتي عايزاه ليلي: دكتور عماد بيقول ان انت حاسس بألم في صدرك مع النفس ادهم: وبعدين؟ ليلي: علي فكره الألم لسه هيزيد ادهم: وانتي مستنياه يزيد علشان ابوس ايديك ترحميني؟؟؟ مش عايز رحمتك يا ليلي ..انا والالم كنا اصحاب عشر سنين فمتعود عليه… ليلي: هنشوف بعد ساعتين صاحبك هيعمل فيك ايه؟وهاجي اتفرج عليك وانت بتأن… ادهم: وانا مستنيكي..اتفضلي بقي سيبيني ارتاح الساعتين دول خرجت ليلي ونادت علي الممرضه ليلي: ياخد المضادات الحيويه في معادها ..بس بلاش مسكنات نهائي الممرضه: ايه؟؟مفيش مسكنات؟؟ده كده يم*وت ليلي: مش هيمو*ت ولا حاجه…هو عنده حساسيه من معظم المسكنات ..فيستحمل الالم ؟ولا نقضي عليه خالص؟؟ الممرضه: حاضر بس حرام ليلي: لو في ايدينا حاجه مش هنتأخر عليه..اتفضلي شوفي شغلك ليلي حست انها بتنتقم منه …بتنتقم لكرامتها ..بس مش حاسه بفرح ابدا ..قلبها مش فرحان انها هتعذبه ابدا…ليه مش فرحانه؟؟ ادهم بدأيتعب جدا جدا وبدأ جسمه كله يتشنج من الالم .دخلت عليه الممرضه واول ما شافته جريت علي ليلي الممرضه: دكتوره دكتوره ليلي: في ايه ؟ الممرضه: المقدم ادهم تعبان جدا وبيتشنج ليلي جريت عليه واول ما شافته ما استحملتش منظره وهو بيتألم ليلي: هاتيلي ابره ……….بسرعه ادهم بصوت متقطع: مش عايز مسكنات..مش عايز منك حاجه يا ليلي …استمتعي بالعرض لانه مش هيتكرر تاني ليلي: ادهم انت تعبان جدا ولازم مسكن ادهم: واحرمك انك تشوفيني بتألم ما ينفعش يا دكتوره؟ الممرضه: الابره اهي يا دكتوره اخدتها ليلي ولسه هتقرب لادهم منعها فحطتها في المغذي اللي في ايديه.راح شده كله من ايده ولما قربت ليلي منه زقها بعيد ادهم: ابعدي عني العرض ما يشملش اللمس العرض للفرجه بس ادهم بدأ صوت نفسه يعلي ليلي: ادهم انت لازم تسيبني اساعدك ادهم: مش عايز مساعدتك هنا دخل سيف واول ما شافه بالحاله دي جري عليه سيف: ادهم مالك في ايه؟ ادهم: طلعها بره يا سيف…طلعها بره سيف فعلا طلع ليلي بره وطلب الدكتور بسرعه وقبل ما الدكتور يجي سيف: ادهم خليك معاياي ادهم ..ادهم ادهم كان بدأ يغيب عن الوعي وفجأه الجهاز اللي محطوط علي قلبه صفر وده معناه ان قلبه وقف ..سيف فضل يصرخ بصوته كله وينادي علي الدكتور ..ليلي دخلت ولسه هتقرب سيف: انتي بالذات ما تلمسيهوش انت عايزه تق**يه دخل دكتور عماد بسرعه وبدأ ينعش قلبه لحد ما قلبه نبض تاني عماد: في ايه ؟هو كان كويس الممرضه: انا دخلت لقيته تعبان وبيتشنج من الالم وطلبت الدكتوره ليلي بسرعه…علشان نشوف نعمله ايه بدل المسكن عماد: بدل المسكن؟؟ وما اديتلوش مسكنات ليه؟ الممرضه: الدكتوره ليلي قالت ما نديلوش مسكن عماد: ايه؟؟؟ازاي يا دكتوره مريض خارج من عمليه قلب مفتوح ما نديلوش مسكن ؟ده انا قلتلك ان الالم بالمسكنات هيكون لا يحتمل فما بالك من غير مسكنات نهائي؟؟؟علشان كده قلبه وقف …قلبه ما استحملش الاجهاد ليلي:…………بتعيط وبس عماد: دكتوره ليلي اتكلمي سيف: عايزها تقولك ايه؟؟؟تقولك انها عايزه تقت*ه؟ عماد: تق*له؟ليلي؟؟؟ ادهم بدأيفوق وبيحاول يتكلم سيف: علي العموم انا هرفع قضيه علي المستشفي وكل المسؤل عن اللي حصل هيتجازي..اما سيادتك فتودعي شغلك ده نهائي ادهم: كفايه سيف عماد: مقدم ادهم حاول ما تجهدش نفسك لان قلبك وقف من كتر الاجهاد والكلام حاليا اجهاد ادهم: انا اللي رفضت المسكن ليلي مالهاش ذنب …. سيف: ما انت لازم تقول كده ادهم: هيا حاولت تديني المسكن بالعافيه وانا رفضت ولما حطته في المغذي غصب عني شلت الكانولا خالص من ايدي غاب عن الوعي وهو بيقول ليلي مالهاش ذنب قال كده وغاب تاني عن الوعي الممرضه: ده فعلا حصل الدكتوره ليلي حاولت تديله المسكن وهو رفض ولما حطتهوله غصب شال الكانولا من ايده ورماها عماد: علي العموم لما يفوق هنعرف ايه اللي حصل بالظبط..دكتوره ليلي حضرتك باقي اليوم اجازه الكل خرج وسابوه يرتاح شويه..وسيف قبل ما ليلي تمشي ناداها سيف: اوعي تتخيلي للحظه اني مصدق اللي حصل,,,انتي عنيكي فضحاكي يا دكتوره انتي كنتي عايزاه يم*وت ليلي: لأ لأ عمري ما اتمنيتله الم*وت ابدا ابدا حرام عليك سيف: حرام عليا ومش حرام عليكي اللي انتي عملتيه فيه؟ علي العموم انا عارف ان ادهم عمره ما هيتهمك بأي شيئ لاني دي عوايده بيهتم بناس ما تستاهلش..بس انتي كفايه عليكي عذاب ضميرك..ان ظابط بيعرض حياته للخطر في بلدك علشان يحمي شباب البلد وتكون جزاته اننا نحرمه حتي من مسكن لوجعه … متشكر جدا ليكي يا ملاك الرحمه ليلي فضلت تعيط وراحت مكتبها وعيطت عياط من كل قلبها كل ما تفتكر شكله وهو بيتألم تعيط اكتر واكتر…ازاي عملت فيه كده؟؟من امتي بتستمتع بالام الناس كده؟؟؟ده حتي لما بيكون مجرم وجايلهم بتعالجه وتقول حرام نكون قادرين نمنع الالم وما نحاولش …تقوم تعمل كده في اغلي الناس عندها..في ادهم ….اول واخر حب في حياتها؟؟؟؟ ادهم فاق تاني ورفض تماما انه يحمل ليلي اي مسؤليه نهائي وخلص الموضوع علي كده سيف: انت ازاي تعمل كده؟؟ ادهم: عايزني اعمل ايه يعني؟ سيف: تعاقبها ادهم: مش يمكن اكون هعاقبها علي طريقتي؟؟؟مش يمكن رفضي اني اتهمها يكون اكبر عقاب ليها؟ سيف: لا انا ما بكلش من عقابات الضمير دي ادهم: وانتي عايزني اعمل ايه؟اخليها تتطرد من شغلها مثلا؟ سيف: ده اقل حاجه تستاهلها…انت قلبك وقف يا ادهم ادهم: وايه يعني؟ سيف: انت هتجننيني؟؟؟نفرض انه ما اشتغلش تاني؟ ادهم: يبقي ارتحت من الدنيا واللي فيها…سيف انا اكتر واحد في الدنيا دي فرحت لما عرفت ان ليلي دخلت كليه الطب ..عايزني بعد كده احطم كل ده؟؟؟طيب تيجي ازاي؟ سيف: ادهم انت لسه بتحبها بعد كل ده؟؟ ادهم: ايه هو كل ده؟ سيف: ايه هو؟؟؟؟ هيا رفضتك من خمس سنين ودلوقتي معلنه الحرب عليك وكانت لسه هتق**لك وتقولي عملت ايه؟؟ ادهم: هيا ما رفضتنيش من خمس سنين..انا اللي سبتها من عشر سنين من غير حتي كلمه ..من غير ما اودعها او اقولها اي حاجه وغبت عنها خمس سنين كنت متوقع ايه؟؟ارجع الالقيها مستنيه وهم..وبعدين متنساش انا لما سبتها كان عندها 15 سنه كانت عيله وانا اتخليت عنها مش يمكن ده جرحها وخلاها تحاول تنساني بأي طريقه؟؟ سيف: انت ازاي قادر تحطلها مبررات كده؟؟؟ ادهم: حط لحبيبك الف عذر ولو ما لقيتش قول يمكن عنده عذر سيف: وهيا حبيبتك؟؟؟؟ ادهم: انا تعبان ومحتاج ارتاح ممكن سيف: ارتاح بس انا هفضل هنا جنبك مش هسيبك ادهم: هتحرسني يعني؟ سيف: ايوه هحرسك هنا الباب خبط ودخلت ليلي ليلي: كنت عايزه…. سيف قاطعها: اطلعي بره ادهم: سيف بس … سيف: لا مش بس مش كفايه حميتها ادهم: سيف لو سمحت سيبنا لوحدنا سيف: اهو ده بقي اللي لا يمكن ابدا ابدا ادهم: سيف( قالها بصوت عالي وده تعبه وحط ايده علي صدره) ليلي: انت تعبان؟؟ سيف: البركه في سيادتك ادهم: سيف لو سمحت سيف: هطلع بس هقف بره الباب سيف طلع ووقف في الباب ادهم: اقفل الباب قفله ومشي ادهم: عايزه ايه يا ليلي؟؟؟ لسه ما اكتفيتيش ؟ ليلي: لأ يا ادهم انا اسف ..اسفه مليون مره …عمري ما اتمنيت لحد الالم بالشكل ده ادهم: علي العموم حصل خير ليلي: لا محصلش خير انت قلبك وقف ولو كان جرالك حاجه عمري ما كنت هقدر اسامح نفسي ابدا…انا سمحت لحاجات شخصيه تأثر عليا كدكتوره ادهم: وانا قلتلك خلاص انسي..قربي مني قربت ليلي منه وقعدت علي حرف السرير قصاده وهو بايده مسح دموعها وبص لعنيها ادهم: الاخضر الفاتح اكتر لون بكرهه لون حزنك ليلي بصتله وهيا مستغربه انه لسه فاكر الوان عنيها ليلي: اللون ده ما بيفارقنيش ابدا ادهم: خساره الالوان التانيه كانت جميله…اتغيرتي كتير يا ليلي ليلي: اتغيرت فعلا…ممكن اسألك سؤال ادهم: اسألي ليلي: انت ليه مقلتلهمش علي اللي حصل بينا؟؟؟ ادهم: لانه حصل بينا ليلي: يعني ايه؟ ادهم: يعني هستفاد ايه لو اضريتي في شغلك؟؟ انتي متتخيليش فرحتي بيكي لما عرفت انك دخلتي طب كانت قد ايه ليلي: انت ليه لسه لابس السلسله؟؟؟ ادهم: علشان وعدت صاحبتها اني هفضل لابسها ليلي: وانت بتحافظ علي وعدك؟؟ ادهم: طول عمري ليلي: وعدتها انك تفضل جنبها ومشيت ادهم: مش يمكن تكون ظروف خارجه عن ارادتي…بس رجعتلها تاني ولقيتها مرتبطه وكملت حياتها وبقيت انا ذكري في حياتهااو الله اعلم اذا كانت افتكرتني اصلا ولا؟؟افتكرتني..انتي ايه رأيك؟ ليلي: انت بعتها ومشيت كان لازم تكمل حياتها بأي طريقه ادهم: بعتها؟؟؟ ربنا يعلم اذا كنت بعتها ولا لأ؟؟ ادهم: انتي يا ليلي سلسلتك فين؟؟؟ للحظه فكرت انها تتطلعها من صدرها وتوريهاله وتاخده في *ح*ضنها وتنسي كل اللي فات..بس افتكرت انه جاي في مهمه هيخلصها ويمشي ويسيبها تاني تلملم جروحها ليلي: رميتها ……بعد ما سافرت استنيتك ترجع ولما ما رجعتش دخلت كليتي وابتديت حياه جديده من غير ذكريات فرميتها ادهم: رميتيها؟؟ ادهم حس بوجع في قلبه وحس انه مش قادر يستحمل منها اكتر من كده ادهم: ممكن لو سمحتي تسيبيني ارتاح شويه؟؟ ليلي: انت تعبان؟ ادهم: اه تعبان وبعترفلك تعبان جدا ممكن ارتاح؟؟ ليلي: ادهم؟؟ ادهم: ارجوكي سيبيني ارتاح…سيف سيف دخل بسرعه سيف: ايوه ادهم ليلي: هسيبك ترتاح بس ممكن ابقي اتطمن عليك ؟ ادهم: انا موجود في المستشفي هروح فين ليلي مشيت وسابته بيتألم من كلامها ..هيا نسيته علي طول للدرجه دي كان مالوش لازمه ابدا في حياتها؟؟؟ سيف: ادهم مالك؟ ادهم: ماليش عايز ارتاح مش اكتر ..سيبني لوحدي عايز انام شويه سيف: وانت من امتي بتنام؟؟؟ ادهم؟؟ ادهم: انا واخد مسكنات كتير وعايز انام فعلا ارجوك سيف سيبني لوحدي سابه سيف لوحده مع الامه واحزانه ليلي مشيت وهيا مستغربه هيا ليه كل ما بتحاول تقرب تبعد زياده؟؟ليه ديما بتوصله انه مالوش قيمه في حياتها؟؟ده عمرها في يوم ما نسيته او نامت ليله من غير ما تفكر فيه؟حتي في عز كرهها ليه كانت بتحبه ولسه بتحبه؟؟؟ليه ليه ليه؟؟؟علشان جرحك وسابك وخانك وصورك وفضحك مع اصحابه عرفتي ليه؟؟؟ هتحنيله تاني ويجرحك تاني ويسيبك تاني؟؟؟لا مش هرجعله ابدا ابدا….. عماد راح لليلي عماد: ليلي ايه اللي بيحصلك؟مالك؟ ليلي: ولا حاجه عماد: في حاجه انتي مخبياها..طول عمرك مثال للدكتوره النشيطه الشاطره لكن امبارح والنهارده؟؟؟ ليلي: اسفه ده مش هيتكرر تاني عماد: اتمني…ليلي انتي عارفه انك ممكن تتكلمي معايا في اي وقت..انتي عارفه انتي مهمه قد ايه بالنسبالي؟؟؟ ليلي: دكتور عماد.. عماد: لا يا ليلي اسمعيني ..من ثلاث سنين وانتي هنا معايا براقبك وبشوفك انسانه محترمه موهوبه جميله ..حاولت اقرب بس انتي قافله الباب .قلت يمكن في حد واستنيت الحد ده يظهر بس محدش ظهر ليلي: لان مفيش حد عماد: طيب ليه؟؟ليه رافضه اي حد يقرب مد ايده ومسك ايدها فسحبتها بسرعه ليلي: دكتور عماد لو سمحت عماد: ليلي احنا مش صغيرين ولا مراهقين انا عايزك اتجوزك ليلي: ايه؟؟ عماد: ما تقوليلش اني مشاعري مفاجأه بالنسبالك..انا مشاعري واضحه ومن بدري وانتي اكيد حسيتيها..علي العموم فكري وخدي وقتك وردي عليا انا مش مستعجل ابدا يا تري ليلي هتوافق وتكمل انتقامها ولا هترفض؟ ادهم هيتقبل ده ولا هيحارب ويستردها؟ سيف هيفضل يتفرج ولا الحلقه ال 19 ادهم فضل في المستشفي يومين وصحته بدأت تتحسن وليلي بتعدي تتطمن عليه وتمشي علي طول …في ليله كانت نبطشيه وجاتله اخر الليل تتطمن عليه ليلي: هو انت علي طول صاحي مش بتنام؟ ادهم: بنام بس مش كتير ليلي: اخبارك ايه النهارده؟ ادهم: كويس احسن كتير ليلي: طيب كويس ..عايز اي حاجه؟؟؟ ادهم قام وقف قدام الشباك اللي في الاوضه وسند عليه ادهم: عايزه تمشي امشي ولو عايزه تقعدي ندردش شويه اقعدي براحتك ليلي: اممم…طيب ندردش شويه ادهم: انتي ليه ما اتجوزتيش لحد دلوقتي؟؟ ليلي: ندردش من غير اسئله شخصيه ادهم: ماشي براحتك … ليلي: العيال اخبارهم ايه مع سيف؟ ادهم: العيال؟؟علي فكره دول ظباط ..سيف كويس ويمكن يكون حنين معاهم عني ليلي: سيف حنين؟؟؟وده من امتي؟ ادهم: من ساعه ما واجه الحياه بره…الشغل بيغيرنا كتير ليلي: فعلا الحياه العمليه مختلفه تماما عن الكليه..انك تشوف نظري غير انك تتحط في الموقف نفسه ادهم: فعلا…صح مش انا قابلت عمر ليلي: عمر مين؟؟؟ ادهم: غريبه هو يقولي ليلي مين وانتي تقولي عمر مين؟؟؟عمر خطيبك ليلي: اه …كان خطيبي بس حاليا اتجوز واحده صاحبتنا ادهم: اه ايناس شوفتها ليلي: قالك ايه؟؟؟ ادهم: وهيقولي ايه؟؟؟ماقالش غير انكم اتخرجتم وكل واحد راح لحاله…. هو انتي سيبتيه ليه؟؟؟ ليلي: مش قلنا بلاش اسئله شخصيه ادهم: قلنا…بس انتي عاملالي علامه استفهام كبيره مش قادر افهمها ( قرب منها قوي) ساعات بحس انك لسه زي ما انتي وكأن الزمن ما فاتش وساعات بحس انك بعدتي كتير قوي…انتي ايه يا ليلي ادهم قرب منها ولزقها في الحيطه ووقف قصادها وحط ايديه حواليها علي الحيطه بحيث يحاصرها ما تتحركش قرب منها قوي ادهم: ريحتك زي ما هيا…شعرك زي ماهو بس طول شويه قرب من خدها ولمسه بشفايفه يدوب لمسه ادهم: كل حاجه زي ما هيا بس احلي شويه ليلي بصتله وشاف لون بيتمناه من زمان ..لون خاص بيه هو وبس ..لون الحب ..منتهي الصفاء منتهي الرقه منتهي الجمال قرب اكتر ولمس شفايفها بشفايفه بلمسه رقيقه .. …لمس رقبتها وهنا لمح سلسله في رقبتها ..فبعد وفضل يبصلها وبعدين مد ايده علشان يطلعها علشان يتأكد بس.. هيا زقت ايده بعيد كأنها فاقت من حلم جميل ليلي: بعد اذنك انا لازم امشي ولسه هتمشي راح شدها جامد ولزقها في الحيطه مكانها ادهم: مش بالسهوله دي حاول يطلع السلسله تاني بس منعته..راح ماسك هدومها وقطعها علشان يشوف صدرها …… اتفاجأ لما شاف السلسله علي صدرها…مد ايده ومسكها وصدرها بيطلع وينزل جامد من التوتر …. ادهم: لسه لابساها…امال ليلي: امال ايه؟؟ليه خبيت عليك؟؟ زقته ليلي بعيد ولمت هدومها .. ليلي: علشان كنت رقيقه معاك ومحبتش اجرحك وانت خارج من العمليه…لسه لابساها لاني عاهدت نفسي اني اكرهك طول ما انا عايشه واني كل ما انسي افتكر بالسلسله دي اني بكرهك..السلسله دي دليل كرهي ليك ادهم ضحك: كرهك ليا…انتي عارفه ان الحب والكره تقريبا وجهين لعمله واحده ليلي: بس خلي بالك لما بيظهر وجه بيغيب التاني ما ينفعش يظهروا مع بعض يا حب يا كره وانا كل اللي موجود حاليا كره ليك ادهم: وانا مكتفي يا ليلي بكرهك ليا حاليا..روحي شوفي وراكي ايه… ليلي مشيت وسابته في حاله امل جديد…لو لسه لابساها يبقي لسه بتفكر فيه؟؟؟كل اللي مطلوب منه يحاول ينبش الماضي شويه ويصلح اللي حصل…لازم يفهمها هو مشي ليه؟؟؟يمكن تكون لسه بتحبه؟؟يمكن بس اهوه احسن من مفيش…. ليلي اتضايقت قوي من ضعفها قصاده لو كان استمر معاها بنفس الطريقه قبل ما يطلع السلسله كانت ممكن اعترفتله انها لسه بتحبه…لازم تخلي بالها اكتر من كده…لازم تحافظ علي الحبه الفاضلين في كرامتها…لازم تبقي قويه ومش تضعف كده ابدا ادهم ساب المستشفي وسافر مصر يكمل علاجه..ليلي فرحت انها خلصت منه بس قلبها وجعها لانها خافت ما تشوفوش تاني…بتحبه وبتتمناه بس مش قادره تكون معاه وده قمه عذابها في البيت عندها كانت خناقتها مع اهلها مستمره ديما لانها بترفض عرسان من غير اي سبب,,ولانها بتحتفظ باسباب رفضها لنفسها ديما..مش قادره تبرر لاي حد ولا حتي نفسها ..هيا مستنيه ايه؟؟ ادهم فضل فتره في بيته لحد ما استرد صحته وبعدها سافر تاني علشان يسترد حبيبته…..وفي يوم كان في حفله صغيره معموله في النادي وادهم راح هو وسيف ورجالتهم يغيروا جو ويستعيدوا الذكريات…ادهم استأذن منهم وراح لمكانه السري الخاص بيه هو وليلي واتفاجأ لما شافها هناك واقفه وشعرها طاير وافتكر لما كانت ديما بتستناه يجيلها ولما تشوفه بترمي نفسها في حض*نه… ادهم: ملاك واقف…زي ما انتي يا لوليتا ليلي: انا مش لوليتا…لوليتا دي انتهت من زمان من ساعه ما اتخليت عنها ومشيت ادهم: ليه مصره اني اتخليت عنها يا ليلي؟؟؟ ليلي: علشان انت اتخليت عني يا ادهم قرب منها ومسك كتافها الاتنين وقرب من ودانها قوي وكلمها بهمس ادهم: انا عمري ابدا ما اتخليت عنك ابدا…ليلي انا تليفونه رن ..كان سيف بيرن عليه..كنسل عليه بس رن تاني ليلي: رد يا ادهم علي تليفونك ادهم: ايوه يا سيف في ايه؟؟ سيف:…بيتكلم ادهم باستغراب: ايه هنا؟؟؟دلوقتي؟؟؟ليه وفي ايه؟؟ سيف:……… ادهم: طيب طيب انا جاي حالا قفل التليفون ادهم: ليلي احنا بينا كلام كتير لازم يتقال بس مش دلوقتي ..قابليني بكره يا ليلي عند الفندق اللي اتقابلنا فيه قبل كده ونتكلم مع بعض …ضروري يا ليلي ليليي: مفيش حاجه تتقال ادهم: لا في كتير…زي مثلا بعدت ليه وسيبتك من عشر سنين..هستناكي يا ليلي ليلي: هحاول ادهم نزل وهيا نزلت وراه واول ما نزل لتحت جيه عيال اخوه جريو عليه زياد وسلمي: بابي بابي بابي ادهم وطي وشالهم الاتنين ادهم: حبايب قلبي ازيكم ..امال ماما فين؟؟ زياد: مامي هناك مع عمو سيف فعلا شاف ندي مع سيف جايين عليه وندي اول ما شافته جريت عليه وحض*نته وفضلت تعيط ندي: ادهم انا محتجالك قوي محتجالك بجد ادهم: خلاص يا ندي انا جنبك اهوه تعالي … هاخدك الفندق تريحي فيه اوك ادهم: سيف..خلي العيال معاك شويه وهاتهملي بالليل الفندق سيف: اوك…مين هيجي مع عمو سيف؟؟ زياد: لا احنا مس عايزين نيجي معاك احنا عايزين نفضل مع بابي ادهم: زياد روح مع عمو سيف وانا هتكلم شويه مع مامي وبعدكده نبقي مع بعض اوك اتفقنا زياد: ماسي بس مس تتأخر ادهم: مش هتأخر باسهم واخد ندي ومشي…طبعا كل ده وليلي واقفه بتراقب من بعيد ليلي: يا غبيه حنيتيله تاني واهو متجوز وعنده عيلين كمان؟؟لحد امتي هتفضلي غبيه كده؟؟؟؟قلعت السلسه ورميتها علي اخر دراعها,,,ومشيت ودخلت النادي لزمايلها ليلي: دكتور عماد ممكن لحظه؟ عماد: ايوه طبعا بعد اذنكم اخدها وراحوا بعيد عماد: ايه يا ليلي خير ؟؟ ليلي: انت لسه عايز تتجوزني؟؟ عماد: طبعا وده سؤال ليلي: طيب هستناك بكره تيجي البيت ومعاك الدبل نلبسهم ايه رأيك ؟؟يناسبك بكره عماد بفرحه: بكره؟؟الدبل؟؟طبعا مش هتأخر ابدا وهروح حالا اشتري الدبل…. سابها ومشي والفرحه مش سايعاه وهيا دموعها نزلت بصمت… نكمل بكره ادهم هيتصرف ازاي؟؟؟ ليلي هتتم الخطوبه ولا هتعرف الحقيقه في الوقت المناسب؟؟ الحلقه ال 20 ليلي طلبت من عماد يتجوزها وادهم مشي مع ندي يشوف مالها ادهم: في ايه يا ندي بطلي عياط شويه وفهميني ايه اللي حصل؟ ندي: امجد اخوك ادهم: ماله امجد جراله حاجه؟ ندي: لا ادهم: امال ايه؟في ايه بس؟ ندي: بيحب عليا وبيخوني ادهم: بيخونك مره واحده ندي: متدافعش عنه لو سمحت ادهم: مش هدافع عنه…عرفتي منين انه بيخونك؟ ندي: شوفته بعيني ادهم: شوفتيه؟؟؟؟ ندي: ايوه شوفته مش مصدقني؟ ادهم: لا مصدقك بس مش مصدق اللي شوفتيه…شوفتي ايه بالظبط وسيبيني انا احكم علي اللي شوفتيه؟ ندي: شوفتها في ح*ضنه ادهم: انتي هتنقطيني بالكلام ولا ايه؟؟؟ما تحكي علي طول بقي ندي: شوفته واخدها في ح*ضنه وبيقولها اتطمني عمري ما هتخلي عنك ابدا …ولا هسيبك لوحدك ابدا..يبقي بيخوني ولا لأ؟؟؟ ادهم: مش شرط ندي: انا غلطانه اني جيتلك اصلا انت لازم تاخد صف اخوك ادهم: اهدي واقعدي…انا مش باخد صفه…مين هيا تعرفيها؟؟؟ ندي: ايوه ايمان السكرتيره ادهم: ايمان؟؟؟ايمان السكرتيره بتاعت ابويا؟؟انتي غيرانه من ايمان؟؟؟انا كنت عارف انك هبله بس تخيلت انك لما خلفتي عقلتي… ندي: بقولك شوفته بيح**ضنها ادهم: وايه يعني؟؟؟؟ ندي: يعني ايه ايه يعني؟؟؟وبعدين مالها ايمان وحشه ولا ناقصه ولا ايه؟؟مش فاهمه انا ادهم: اولا ايمان دي تعتبر متربيه معانا من صغرنا نعرفها من سنين وامجد وانا بنعتبرها زي اختنا…وابويا شغلها معاه لانه وعد ابوها يهتم بيها لانه كان صاحبه..وبعدين اللي انتي شوفتيه او سمعتيه ما يدلش ابدا علي الخيانه…المفروض تكوني اعقل من كده..وتحافظي علي بيتك…شوفتيه ادخلي عليهم واسأليه مش تهربي كده… ندي: انا كنت عارفه انك لازم هتدافع عنه… ادهم: ندي انا مش بدافع عنه…طيب انتي دلوقتي بتعيطي لو انا قمت اخدتك في حض*ني وقلتلك ما تخافيش مش هتخلي عنك ابدا..يبقي انا بحبك او احنا علي علاقه ببعض؟؟؟ ندي: لا طبعا انت اخوي جوزي.. ادهم: ماليش دعوه بقي بعلاقتي بيكي ايه…مش انت عملتيها قاعده ان اي حد ياخد حد في ح*ضنه يبقي بيحبه….يبقي انا بحبك لما رميتي نفسك في ح*ضني اول ما شفتيني وقولتيلي محتجالك قوي يبقي لو امجد شافنا المفروض يطلقك علشان بتخونيه ندي: انا مش بخونه..وانت زي اخويا ادهم: بس مش اخوكي ندي: انت عايز توصل لايه؟؟ ادهم: ان مش معني ان حد ضم حد يبقي *حبيبه….انا بضمك وانتي زي اختي…وعبير مرات احمد بعتبرها فعلا اختي ولما بتقع في مشكله بتجري عليا وبتعيط في حض*ني…مش يمكن ايمان في مشكله وبتستنجد بامجد وهو وعدها يفضل جنبها؟؟؟؟ قبل المشكله دي كان في مشاكل بينك وبين امجد؟؟ ندي: لا امجد بيحبني ادهم: ولما بيحبك هيخونك ليه؟؟ ندي: يعني اعمل ايه دلوقتي؟؟؟ ادهم: ما تعمليش حاجه تقومي ترتاحي ..وبعدين تعالي نشوف غلاوتك عند جوزك ايه…ايه رأيك؟؟؟ ندي: ماشي…انا متشكره يا ادهم ادهم: علي ايه؟؟؟اينعم انتي جيتي في وقت رخم بس معلش تتعوض…انتي جيتي ازاي هنا صح؟؟؟ ندي: لا انا مش بغلب ادهم: عارف انك مش بتغلبي بس برضه عرفتي تيجي هنا ازاي؟ ندي: طلبت احمد صاحبك وقلتله لازم اوصلك ضروري..وهو اتصرف وجابلي عربيه جابتني هنا ادهم: مجنونه…انتي علي كده من الصبح في الطريق. ندي: ايوه ادهم: حد يعرف انك جايالي؟؟ ندي: لأ ادهم: مش بقولك مجنونه..المهم اطلعي انتي ارتاحي وانا هتصرف سابته وطلعت وهو اتصل باخوه اللي كان هيتجنن علي مراته وعياله وطمنه وطلب منه يجيله وصل امجد الصبح بدري وادهم استقبله واخده الفندق امجد: هما كويسين يا ادهم؟ ادهم: ايوه كويسين امجد: طيب هيا جت هنا ليه؟؟ ادهم: ليه دي تسألها انت وهيا تجاوبك…انا عقلتها واتكلمت معاها وهيا حاليا هتسمعك… امجد: طيب قولي انت في ايه؟؟ ادهم: انت عامل حاجه غلط خايف منها؟؟ امجد: لا طبعا ادهم: طيب قلقان من ايه روح واتكلم معاها وشوفها زعلانه من ايه وصالحها… امجد: انا متشكر ادهم: علي ايه؟؟؟انت اخويا يا عبيط امجد: اخوك بس ديما بحملك مشاكلي ادهم: وانا ماشتكيتلكش..روحلها امجد وندي اتصالحوا وندي عرفت انها فهمت غلط وفهمت ان طبيعه الرجاله في العيله دي بيحبوا يساعدوا اي حد محتاج مساعده,,,اخيرا جه اخر النهار وجه معاد ادهم وليلي… ادهم فضل مستني ليلي تيجي بس للاسف استني واستني واستني فضل يحط عذر وري عذر وري عذر لحد الليل عرف انها مش هتيجي..راحلها المستشفي وسأل عليها عرف انها ما جتش خالص اليوم ده… تاني يوم ادهم راحلها المستشفي واول ما شافها اخدها علي جنب ودخلوا اوضه يتكلموا فيها ادهم: مجيتيش امبارح ليه؟؟؟انا استنيتك كتير ليلي: وكنت عايزني اجي ليه؟؟؟يا برودك يا اخي ادهم: انا بارد ؟؟؟في ايه بقي؟؟؟؟ ليلي: معدش يهم ادهم: لا يهم …قولتلك لازم نتكلم ليلي: مش هنتكلم ادهم: مجيتيش امبارح ليه يا ليلي؟؟؟ ليلي: مكنتش فاضيه ادهم: كان وراكي ايه بما انك مجيتيش الشغل كمان؟؟؟ ليلي رفعت ايدها وورته الدبله ليلي: كانت ورايا خطوبتي تاني مره يتحط في نفس الموقف …فضل شويه مش عارف ينطق بس نطق ادهم: تاني؟؟؟؟ انتي خساره الواحد يضيع من عمره ساعه علشانك مش عشر سنين..مبروك وقبل ما يمشي خلع سلسلته ومسك ايدها وحطهالها ادهم: معدتش تلزمني اتفضلي سابها ومشي قبل ما تنطق ..كان نفسها تقوله انه ما ضيعش ولا لحظه من عمره وانه اتجوز وخلف وان هيا اللي عمرها ضاع ادهم مشي وقرر نهائي يشيلها من قلبه ويكمل حياته من غيرها . راح اخد عيال اخوه يلعب معاهم وينسي بيهم همه لان الوقت الوحيد اللي بينسي فيه كل شيئ لما بيكون معاهم ويلعب معاهم بيحس ان الدنيا لسه جميله…وفي نفس الوقت يدي لاخوه فرصه يقضي وقت مع مراته..اخد العيال وراح النادي وفضل يلعب معاهم ويجري وراهم ويضحك معاهم من كل قلبه ليلي شافته بيلعبهم وافتكرت انه بيغيظها ويقلها انا عندي اللي مش عندك ..كانت بتتفرج عليه بغل مالي قلبها عماد: ليلي سرحانه في ايه كده؟؟ ليلي: ممكن اطلب منك طلب؟؟ عماد: انتي بس تشاوري وانا انفذ ليلي: ممكن نعمل كتب كتابنا الخميس الجاي ده علي طول.. عماد: الخميس اللي بعد بكره ده؟؟ ليلي: ايوه ممكن؟؟؟مش عايزه اضيع وقت اكتر من كده عماد: طبعا ممكن ..هتكلم مع ابوكي واتفق معاه واجهز كل حاجه الكل كان مستغرب من استعجالها علي كتب الكتاب والكل اعترض بس هيا اصرت وقدام اصرارها وافقوا الحفله كانوا بيجهزولها في النادي ادهم كان رايح النادي بس سيف مصر يمنعه علشان ما يعرفش وادهم مصر يروح وفعلا راحوا وهناك عرف ادهم ان بكره كتب كتاب ليلي ادهم: علشان كده انت مش عايزني اجي؟؟؟فاكرني مش عارف؟ سيف: انت عارف؟؟ ادهم: عرفت…ليلي بتنتقم مني ..مش عارف ليه..بس خلاص معدتش فارقه معاياي خلاص بقي تعبت منها واكتفيت سيف: طيب هتسافر؟ ادهم: اسافر فين؟ سيف: القاهره ادهم: وما احضرش الفرح؟؟؟انت اتجننت…ده انا هعمل معاها احلي واجب سيف: ادهم انت ناوي علي ايه بالظبط؟ ادهم: ولا حاجه هنعمل واجب ونمشي…وبعدين امجد ومراته هنا ولسه عايزين يقعدوا كمان يومين…وهتبقي فرصه حلوه يحضروا الفرح برضه سيف: انا مش فاهم دماغك فيها ايه؟؟؟ ادهم: دماغي مفيهاش اي حاجه جه الخميس والكل متوتر ؟؟عماد خايف لانه مش حاسس بفرحه ليلي…ليلي خايفه لانها بتتسرع جدا ولسه بتحب ادهم…سيف خايف من رد فعل ادهم…ادهم مطنش كل حاجه وعادي جدا..كأنه اكتفي منها خلاص وبعد كتب الكتاب بالليل في الحفله والكل موجود وليلي كانت زي القمر الحزين ..دموعها بتهدد في اي لحظه تنزل ادهم طلع الستيج وبدأ يتكلم بكره نشوف ايه اللي هيحصل في الفرح؟؟؟ قصتنا انتهت كده ولا لسه ليها باقي؟؟؟ الحب انتهي ولا هيفضل موجود؟؟ الحلقه 21 ادهم طلع الستيج وهنا العروسه والعريس وقال انه هيغني للعروسه بعدك ما ادري فيني ايش صار عايش قلبي في حيره ونار حتي احساسي مثلي ثار والهوي مجروح يعني لاني فعلا هويتك يعني لاني روحي عطيتك يعني لان ها القلب بيتك تبتعد وتروح انت حبيبي اول وتاني انت اللي دايم تخطر في بالي انت ياريتك تشعر بحالي يا سبب الجروح ادهم كان بيغني وبيرقص والكل مهيص معاه وكلامه كله كان بيوجه لليلي وهيا عارفه كده كويسه…عارفه انه عايز يبوظلها فرحها..عايزها تنهار قدام الكل ادهم شاور لسيف يغني معاه بعدك ما ادري فيني ايش صار عايش قلبي في حيره ونار حتي احساسي مثلي ثار والهوي مجروح ادهم وسيف بيرقصوا ومهيصين علي الاخر وسيف راح جاب ليلي ترقص وشدها وحطها قدام ادهم وهو وقف قصادها وكمل غناه ليه اللي يعطي حبه تبعيه؟؟ليه؟ ليه انت رافض قلبك تطيعه؟ ليه ما ترد لقلبي ربيعه هنا سيف شدها وغني هو والله حبيبك يحلم بقربك والله نصيبه انه يحبك والله قليله تهديله قلبك ترد فيه الروووووووح ليلي جريت منهم وراحت قعدت جنب عماد ادهم كمل وبيبصلها تقسي عليا يا اغلي ناسي تقسي وانا اصبريا احلي قاسي تقسي وانا اذكر وانت اللي ناسي يا حبيب الروووووح ارجع حبيبي يالا كفايه ارجع نكمل احلي حكايه ارجع لحبك مالا نهايه وبعدها مسموووووح ليل علي اخر الاغنيه كانت استوت ..مش فاهمه هو بيغني ليه وعايز منها ايه وياريت وصلته خلصت لحد هنا ده كمل غناه.. اغنيه وري اغنيه وكل اغنيه كانت سكينه بتطعن قلبها .بيرقص ويغني ويوجهلها كل الاغاني https://www.youtube.com/watch? v=rBy9OJXlgr4 دي رقص عليها جامد وهو بيغنيلها قلبك كبير غنلها كمان مع ندي مرات اخوه اغنيه اللي تعبنا سنين في هواه ندي كانت بتغني وهو بيرقص معاها ويرد عليها ويلمح بكل كلمه علي ليلي https://www.youtube.com/watch? v=HMWZoSSoBAQ وغنلها كمان اغنيه حاجه مستخبيه https://www.youtube.com/watch? v=A8X6e40261k في جوه قلبي حاجه مستخبيه كل لما باجي اقولها فجأه مش بقدر قدام عنيك بقف وبنسي ايه يتقال ليه كل مره يجري فيا كده ليه ودي هيا كلمه واحده بس مش اكتر والكلمه دي عندي فيها راحه البال حبيتك يوم ما اتلاقينا لما حكينا اول كلام حبيتك واحلف علي ده تسمع زياده انا مش بنام الناس في عيني حاجه وانت حاجه تانيه عندك مشاعري حتي خدها واسألها انا صعب اعيش حياتي وانت لحظه بعيد احساسي بيك في وقت ضعفي قواني كانت حياتي ناقصه جيت تكملها فرحه لقايا بيك بتبقي زي العيد حبيتك يوم ما اتلاقينا لما حكينا اول كلام حبيتك واحلف علي ده تسمع زياده انا مش بنام ادهم: الف الف مبروك لاجمل عروسه في الدنيا وبتمنلها السعاده من كل قلبي واخيرا بهديلها الاغنيه دي…دي اغنيتي المفضله دي اغنيتي انا وحبيبتي خاصه بينا ..هيا وعدتني ترقص معايا عليها يوم فرحنا بس الظاهر ان ربنا مش رايد فانا بهديلك الاغنيه دي يا لوليتا ترقصي عليها انتي يوم فرحك وكانت اغنيتهم الخاصه….لانك معايا https://www.youtube.com/watch? v=RsVITVkaxjs الكل يتفرج عليها لانها كانت فيها ذكرياتهم كلها ..كل لحظه حب عاشوها مع بعض..كل كلمه قالوها لبعض وده كانت اخر مرحله من عذابه ليها ساب الاغنيه شغاله ومشي وهيا سمعت الاغنيه وانسحبت ليلي: عماد بعد اذنك هدخل الحمام واجي عماد: اتفضلي يا جميل جريت ليلي وراحت لمكانها السري تعيط فيه من غير ماحد يشوفها واول ما وصلت عيطت بصوتها كله ..كانت بتنتحب علي حظها وعلي بختها وعلي حبها الضايع وفجأه ادهم: مش غريبه العياط ده كله يوم كتب كتابك؟؟ ليلي: انت عايز مني ايه؟؟؟عايز تعمل فيا ايه؟؟؟حرام عليك مش مكفيك كل اللي عملته جاي تبوظلي فرحي؟؟ ادهم: انا ابوظلك فرحك؟؟؟ليه كده يا لوليتا ده انا بحبك ليلي: بتحبني؟؟؟؟كل ده وبتحبني ..انت مستكتر عليا اعيش حياتي ليه زيك؟؟ ادهم: تعيش حياتك زيي؟؟؟ وهيا فين الحياه اللي انا عايشها؟؟؟ ليلي: انت عايز مني ايه..انت سيبتيني ومشيت…وعملت فيا كتير وراجع دلوقتي تنتقم مني ليه؟؟انا عملتلك ايه؟؟انا حبيتك؟؟وانت قابلت الحب ده.. ادهم قاطعها: قابلته بأيه سمعيني؟؟؟انت عمرك ما حبيتيني…بدليل ايه حبيتيني..هاه ؟باماره انك رحتي الكليه واتخطبتي وحبيتي ليلي: ما حبتش ولا اتخطبت… ادهم: اه فعلا …امال عمر ده كان ايه؟؟كان خيالي انا ولا ايه؟؟ ليلي: عمر كان زميلي وكان خاطب ايناس اللي هيا مراته وانا طلبت منه يمثل كده ادهم: انتي كدابه ليلي: انا عمري ما نسيتك ولا حبيت غيرك ابدا ادهم: تصدقي فعلا وعلشان كده كل شويه تحطي بينا راجل شكل ليلي: انت بأي حق بتلومني وانت كده؟ ادهم: بحق عشر سنين ضاعوا من عمري في حبك..بس لحد كده وكفايه اكتفيت منك ليلي: انت اكتفيت مني لما اتجوزت وخلفت؟ ادهم: مين ده اللي اتجوز وخلف؟ ليلي: انكر بقي! ادهم: انكر ايه انتي مجنونه ولا ايه؟ ليلي: شوفتها مراتك وعيالك ادهم: انتي اتجنيتي ولا ايه انا لامتجوز ولا مخلف.. ليلي: امال زياد وسلمي عيال مين هتتبرا منهم ادهم: زياد وسلمي؟؟؟ ليلي: ايوه ..ايه نسيتهم؟؟؟ بتقولي قابليني ومراتك في حض*نك وعيالك وتاني يوم عايزني اقابلك ده ايه البرود ده؟؟انت ايه؟؟ ادهم: وعلشان كده رحتي اتخطبتي ودلوقتي اتجوزتي؟؟؟علشان زياد وسلمي؟؟؟طيب احب اقولك ان زياد وسلمي عيال امجد اخويا وندي مراته وكانت متخانقه معاه وجاتلي اصالحهم؟؟؟ايه رأيك؟ ليلي: بس دول بيقولك بابي ادهم: ده انتي اعمامك الاربعه بتقوليلهم ابويا ومراتاتهم بتقوليلهم ماما..يبقي كلهم ابوكي ليلي: انت مش متجوز؟؟ ادهم: مش شايفه ان سؤالك متأخر شويتين؟؟ ليلي: طيب انت سيبتيني ليه من عشر سنين؟؟؟ ادهم: معدش من حقك تسأليني ..اتأخرتي كتير قوي …لو كنتي جيتي معادنا كنتي عرفتي كل حاجه بس ديما متسرعه وبتتصرفي بغباء…مبروك يا مدام ..بعد اذنك سابها ادهم ومشي وهيا فضلت تعيط وتعيط وتعيط ومش قادره تتنفس ولا قادره تقوم ولا عارفه هيا ازاي اتجوزت اصلا ليلي هتعمل ايه؟؟ ادهم هيديها فرصه تانيه ولا اكتفي منها؟؟ الحلقه ال 22 خلص كتب الكتاب ..بس الندم سيطر علي ليلي تماما ..ازاي عملت ده؟؟؟ ادهم خلص الفرح ومشي مع اخوه وصلهم الفندق وهو راح علي المعسكر مع سيف…ادهم كان سهران مع سيف وماسك سلسلة ليلي بيلفها علي ايده ويلعب بيها سيف: ايه السلسله دي؟؟دي حريمي ادهم: دي سلسله ليلي؟؟ سيف: وانت سلسلتك فين؟؟ ادهم: رجعتهالها سيف: كل واحد رجع سلسلته للتاني؟؟؟ ادهم: لأ ليلي مرجعتهاش سيف: امال وصلتلك ازاي؟ ادهم: لقيتها مع سلمي بتتخانق عليها هيا واخوها ولما سألتها قالتلي انها لقتها في الارض لما كانت في النادي سيف: يعني وقعت من ليلي ادهم: او هيا رمتها…لو وقعت منها كانت دروت عليها او سألت عليها سيف: ما يمكن تكون سألت عليها؟؟؟ ادهم: قلت لكل عمال النادي حد سأل علي سلسله ضايعه قالو لأ المهم سيبك انت هما سهرانين وبيتكلموا ويهزروا..وليلي في بيتها هتجنن من التفكير هو مشي ليه ولما لسه بيحبها ما اتكلمش ليه؟ومن كتر الاسئله اخدت قرارها ..قامت لبست هدومها وخرجت ومهمهاش ابدا ان الساعه 3 الفجر ومشيت لحد ما طلعت علي الطريق ووقفت عربيه معديه ليلي: لو سمحت تاخدني في طريقك يا اسطي؟ السايق: خير يا بنتي الساعه 3و ربع الفجر..عايزه تروحي فين؟ ليلي:اروح المعسكر بتاع الجيش القريب مننا السايق: معسكر الجيش دلوقتي؟؟دول ممكن يضر*بوا علينا نار لمجرد اننا هنقرب منهم؟ ليلي: لا ما تخافش ممكن لو سمحت توصلني؟؟؟ارجوك لازم اروح ضروري السايق: طيب يا بنتي اركبي بس مش هستناكي ليلي: لا عايزاك توصلني بس..ويبقي كتر خيرك قوي.. ادهم وسيف لسه ساهرانين لقي العسكري اللي علي البوابه جي ناحيتهم سيف: خير في ايه؟؟؟ العسكري: في واحده علي البوابه سيف: واحده؟؟؟تايها دي ولا ايه؟؟ العسكري: لا مش تايهه سيف: امال عايزه ايه ما تنطق يا واد انت هتنقطنا ولا ايه؟ العسكري: عايزه سيادتك(وبيبص لادهم) ادهم: عايزاني انا؟؟؟ العسكري: ايوه يا افندم سيف: هنيالو ادهم: اخرس يا يلا…قولها مبقابلش بنات اخر الليل سيف: استني يا عسكري ..هيطلع يشوفها ادهم: وانت قررت عني؟؟ سيف: واحده جايالك الساعه 3 ونص الليل لو مش حاجه خطيره مش هتيجي..هتستني للصبح ولا ايه؟؟ اطلع شوف مين مش هتخسر حاجه ادهم: ماشي طالع طلعوا الاتنين مع بعض واتفاجأ لما لقاها ليلي ادهم: انتي اتجنيننتي ؟؟انتي ازاي تيجي هنا؟؟وجيتي ازاي هنا؟ ليلي: وقفت عربيه وجيت ادهم: وقفتي عربيه من الطريق الساعه 3 الفجر وركبتيها ليلي: اه فيها ايه؟؟ ادهم: طيب اقولها ايه دي؟؟؟انتي مجنونه رسمي ..مش ممكن يكون مبرشم ولا سكران ولا حد مش مظبوط ولا اي نيله .؟؟؟انتي مجنونه؟ازاي تركبي عربيه الفجر ومع حد ما تعرفيهوش؟؟؟ ليلي: ركبت واللي حصل حصل واديني وصلت اهوه ادهم: وعايزه ايه دلوقتي؟؟ ليلي: انت سيبتيني ليه من عشر سنين وبعدت؟؟ ادهم: تاني؟؟ ليلي: تاني وتالت ومليون لحد ما تجاوبني ادهم: قلتلك معدش من حقك تسألي…خلصتي كلامك؟؟اتفضلي روحي بقي…وريني هتروحي ازاي؟؟ ليلي: انا مخلصتش كلامي ادهم: انا خلصت اتفضلي سابها ومشي وسيف وراه سيف: انت مجنون هتسيبها تروح كده؟؟ ادهم: ماهي جت كده سيف: لا يا ادهم مش ادهم اللي يسيب بنت في الفجر تمشي كده ابدا ادهم: عايز مني ايه؟؟ سيف: عايزك تتصرف صح…روح وصلها ما تتكلمش معاها بس وصلها..لو جرالها حاجه هتعمل ايه؟؟ هنا ادهم وقف وتخيل فعلا لو جرالها حاجه..بص لسيف..سيف اداله مفتاح عربيته سيف: راكنه بره عند البوابه خده وروح الحقها اخدها وراح كانت ليلي مشيت وهو راح وراها لحد ما حصلها وقف جنبها وفتح الباب ادهم: اركبي ليلي: جيت ليه؟؟ ادهم: اركبي ركبت ليلي وهو ساق بيها واخدها مكان وسط الصحرا ووقف وهيا كل اللي بتعمله بتعيط وبس..وقف العربيه وطفاها ادهم: لما تخلصي عياط اندهيلي سابلها العربيه وطلع بره قعد علي الرض قدام العربيه وفضل يبص للقمر والنجوم اللي كانت من وسط الصحرا باينه قوي وواضحه قوي خرجت ليلي من العربيه ليلي: انت عارف ان ممكن يكون في عقارب في الارض دي؟؟ ادهم: عقارب ولا تعباين..مش مهم ليلي: من عشر سنين كنا المفروض بنحب بعض جدا ..بس فجأه تتطلب مني نتقابل في فندق وفعلا نتقابل تقوم تصورني وتبعت الصور لاصحابك وتكسب رهان رخيص متراهنه عليا..ده تسميه ايه؟؟ ادهم: انا ما صورتكيش..الصور اللي بتتكلمي عنها دي هيا السبب اللي اتجبرت بيه ابعد عنك..ولو ما بعدتش الصور هتتنشر وعلشان كده بعدت اما الرهان الوحيد اللي راهنته عليكي هو انك هتفضلي مستنياني بعد خمس سنين بس للاسف خسرت الرهان ده ليلي: لا يا ادهم اولا ماكانتش صور كانت فيديو..فيديو لينا مع بعض في الفندق من ساعه ما دخلنا لحد ما خرجنا ادهم: قلتلك ما صورتكيش ..اللي صورنا كان واحد ابويا باعته لما سمع بعلاقتنا وعرف ان سنك صغير قوي ماكنش مصدق فبعت حد يراقبني ويجيبله دليل فصورنا واحنا في الفندق مع بعض..وواجهني بالصور دي وساومني اني ابعد عنك والا هيبعت نسخه لمدرستك ونسخه لبيتك ونسخه للنادي..يا اما ابعد عنك خمس سنين..وبعدها انا حر بس من غير ما اكلمك او ابعتلك رساله او اشوفك..ده كان شرطه وعلشان بحبك وافقت اني ابعد عنك الخمس سنين دول ليلي:وابوك كان يعملها؟؟؟ ادهم: يعمل ايه؟؟ ليلي:يبعت الصور دي؟؟ ادهم: لا مكنش هيبعت ولا المدرسه ولا النادي لانه مش النوع اللي ممكن يفضح حد..بس كان ممكن يبعت نسخه لابوكي علشان يجبرنا نبعد عن بعض ليلي: طيب ماكنتش بعدت وبعدين ابويا كان هينسي وهيسامحني وهتعدي ادهم: مش بقولك مجنونه..الصور دي كنا في السرير مع بعض صوره منهم كنتي في ح*ضني واحنا عريانين ..لو اي حد شاف الصور دي كانت هيتهمك في شرفك ليلي: بس انا فضلت محتفظه بشرفي ادهم: وكان ايه دليلك ساعتها انك محتفظه بيه؟؟ ليلي: اي دكتور هيعرف لو بنت ولا لأ ادهم: وانتي عايزاني احطك في موقف تضطري ثثبيتي فيه انك محتفظه بشرفك؟؟ولما تثبتيه…ابوكي هيثق فيكي تسافري كليه لوحدك وتكملي تعليمك؟؟؟ساعتها كانت ثقته فيكي هتنتهي ومكانش هيسمحلك تخرجي بره البيت ومش بعيد يجوزك اي حد يتقدملك..كنتي عايزاني اخاطر بمستقبلك كله؟؟ولا ابعد خمس سنين تكوني دخلتي كليتك وحطيتي رجلك عي الطريق الصح وتكوني كبرتي وعرفتي عايزاه ايه؟؟كان اختياري هو الصح..طول الخمس سنين بحلم باللحظه اللي هشوفك فيها؟؟هضمك لا هحض*نك لأ هاخدك اي مكان نكون وحدنا…هاعمل اي شيئ.لكن اللي ما عملتش حسابه ابدا اني اجي وتعرفيني علي واحد تقولي انه خطيبك من سنتين..سنتين بحالهم ما افتكرتينيش حتي..كملتي حياتك وواصلتي من غيري..ده اللي معملتش حسابه ابدا..والخمس سنين بعدها كانو قمه في العذاب وانا كل شويه اتخيلك في حض*ن واحد ..اتجوزتيه او ارتبطي بيه..ده كان العذاب بعينه ليلي: انا وصلي فيديو مش صور..فيديو لينا مع بعض في الفندق واتقالي انك انت صورت الفيديو ده علشان تثبت لاصحابك اني بقيت خاتم في صباعك وبعدها مشيت ادهم: بقولك صور مش فيديو مفيش فيديو ليلي: وانا شفته بعيني..شفت الفيديو بعيني ادهم: شوفتيه ازاي ومين وراهولك؟؟ومين قالك اني متراهن عليكي؟؟ ومتراهن مع مين اصلا؟؟ ليلي: احمد صاحبك هو اللي وراني الفيديو وهو اللي قالي انك متراهن عليا وهو اللي قالي انساك افضل واكمل حياتي ادهم: احمد؟؟؟احمد صاحبي انا؟؟؟انت اكيد بيتهيألك يا اما بتألفي؟ ليلي: انا عارفه انا بقول ايه..بعد ما انت سافرت كل يوم كنت بروح النادي واسألوه عليك ويقولي مايعرفش عنك حاجه..لحد في يوم قالي انساك واكبر دماغي منك واحمد ربنا انك ما غلطتش معايا ولما رفضت كلامه ده قالي انك كنت بتتسلي بيا ولما برضه ما صدقتوش وراني الفيديو ..فديو متصور لينا في الفندق بكل اللي حصل وقالي ان هو لما حاول يكلمني وانا رفضته والجرسون بتاع النادي قالكم ان انا مش بكلم اولاد ساعتها انت راهنت الشله كلها انك هتخليني خاتم في صباعك والفيديو كان دليل نجاحك ادهم: ومكملتش معاكي ليه للاخر لما انتي كنتي مجرد رهان؟؟ ليلي: لانك مش عوايدك تنام مع بنات فسيبتني احتفظ بعذريتي ..لكن بعتلي رساله معاه ادهم: وايه هيا بقي الرساله؟؟ ليلي: اني يوم ما افقد عذريتي لاي سبب وعايزاك ابلغك وانت هتكون اكتر من سعيد انك تنام معايا ادهم: الرساله الوحيده اللي طلبتها من احمد يوصلهالك هيا انك تفتكري ديما وعدي ليكي اني مهما ابعد هرجعلك ديما وانك تفتكري ديما اني بحبك دي الرساله اللي طلبت من احمد يوصلهالك ليلي: وده اللي احمد وصلهولي ادهم: وبعدها حصل ايه؟؟ ليلي: جالي انهيار عصبي وفضلت في المستشفي فتره ولما خرجت قررت اني انساك واكمل حياتي بس طبعا معرفتش انساك..ولما شفتك في الكليه خفت ولقيت عمر قدامي هو وايناس فقلتله يمثل انه خطيبي وده اللي حصل وبعدها جريت وراك علشان اسألك جاي ليه بس كنت مشيت. ادهم: طيب ما اتكلمتيش معايا ليه الاول؟؟؟شوفيني جاي ليه وبعدها اتصرفي…بس ازاي ؟؟انتي بتتصرفي الاول وتفكري بعدها ديما غبيه ..تحبي الاول وبعدها تفكري..كنتي عارفه عمري لما حبيتيني المفروض تعرفي من الاول اني مش مناسب بس لأ تحبيني وبعدها تفكري…تضحكي عليا وتقوليلي مخطوبه وبعدها تجري ورايا علشان تسأليني..تشوفي معايا عيال تفترضي انهم عيالي تروحي تتخطبي..تشوفيني بلعب معاهم تروحي كاتبه كتابك…تتطلعي من البيت الفجر تركبي عربيه وبعدها تفكري ..لحد امتي هتفضلي تتصرفي قبل ما تفكري لحد امتي؟؟؟ ليلي كانت بتعيط ليلي: انا مش عارفه اعمل ايه يا ادهم..سكتت شويه وكأنها افتكرت حاجه مهمه…..ادهم انا اتجوزت….هنا انفجرت في العياط جامد وحطت راسها علي صدره وهيا بتعيط واستنت منه يضمها او يطمنها او يقول اي حاجه بس ادهم كان تمثال واقف ليلي: ادهم؟؟ ادهم: عايزه مني ايه؟ ليلي: خدني في ح*نك وطمني ادهم: مش من حقي…مش من حقي اضمك او اطمنك…للاسف انتي متجوزه راجل محترم…وانا عمري ما كنت خاين ابدا..ومش هخون واحد مديونله بحياتي..انقذ حياتي مرتين…انتي وقعتي نفسك في الورطه دي وانتي خرجي نفسك منها بس لو سمحتي خليني بره حساباتك ليلي: يعني ايه؟؟ ادهم: يعني انا تعبت منك واكتفيت يا ليلي..لو كملتي مع عماد لنفسك لو انفصلتي لنفسك ما تستنيش مني اي حاجه ليلي: ادهم.. ادهم: النهار بدأ يطلع يدوب اوصلك قبل ما حد ياخد باله من غيابك اخدها وروحها بيتها وهو ساكت تماما ياتري ليلي هتكمل مع عماد ولا لأ؟؟ ادهم فعلا اكتفي من ليلي ولا ده مجرد تهديد؟؟؟ ايه اللي هيحصل بينهم؟؟ الحلقه ال 23 ادهم روح ليلي بيتها وهو راح المعسكر واول ما شافه سيف سيف: ها ادهم عملت ايه؟ ادهم: معملتش سيف: طيب اتأخرت ليه؟ ادهم بزعيق: هو تحقيق ولا ايه؟؟وانت مالك انا عملت ايه؟؟ سيف بصله باستغراب مش فاهم هو ماله ادهم: انا حاليا مش قادر اتكلم فلو سمحت محتاج اكون لوحدي..معلش يا سيف سيف: لا يا ادهم عادي سابه ومشي ودخل اوضته وقفل علي نفسه وافتكر كل حاجه عملها في يوم من الايام لاحمد صاحبه…كام مره انقذه من كام ورطه؟؟كام مره ساعده ؟كام مره اتحرم من اجازته في الكليه علشان خاطره؟؟كام مره وقف جنبه؟؟واكتر حاجه وجعته قوي يوم ماعرف ان ليلي اتخطبت وراحله بيته يفرشهوله ورد وراح يغنيله في فرحه وهو موجوع وبسببه…طيب ليه؟؟ليه احمد يعمل فيه كده؟؟طيب غلط وغار منه في لحظه ..يقوله بعدها..يقوله في اي وقت..لو قاله ….لو قاله كان ممكن يسامحه..لو حتي قاله قبل ليلي ما تقوله بدقيقه واحده كان برضه هيسامحه بس كان يقوله…مايسبوش كده…فجأه قام لم هدومه وطلع ادهم: سيف…سيف(بينادي عليه) سيف: ايوه يا ادهم ادهم: انا راجع مصر دلوقتي سيف: ادهم ايه اللي حصل؟؟؟انا مش قصدي ادخل انا بس عايز اتطمن عليك مش اكتر ادهم: انا كويس ..كل الحكايه اني عرفت مين اللي فرقني عن ليلي السنين اللي فاتت دي كلها سيف: مين؟؟ ادهم: بعدين هحكليك بعدين..سلام دلوقتي وصل القاهره علي العصر كده وطلب من امه انها تعزم احمد ومراته علي العشا عندهم وبعدها راح لابوه الشغل ادهم: ممكن ادخل ابوه: ادهم ادخل طبعا..حمدلله علي السلامه جيت امتي؟ ادهم: حالا ابوه: اقعد …..مالك؟ ادهم: عايز اسألك سؤال بس تجاوبني عليه ابوه: طبعا اسأل ادهم: عرفت منين بعلاقتي بليلي من عشر سنين؟؟مين قالك انها صغيره؟ ابوه: ياه عشر سنين…مش فاكر يا ادهم ده موضوع قديم ادهم: انا لسه عايش فيه ..يبقي مش قديم..وانا متأكد انك فاكر فبلاش الحركات دي ابوه: وعدت اني مقولكش خلاص وانا عمري ما برجع في وعدي ابدا..وبعدين هيفرق معاك في ايه دلوقتي؟؟؟ ادهم: طيب حافظ علي وعدك ما تقوليش مين…انا هقولك حد وانت تقولي اه ولا لأ؟؟ولو لأ مش هسألك اسئله تانيه ابدا ابوه: ماشي ادهم: احمد هو اللي قالك؟؟؟ ابوه: ايوه هو..بس هو كان عايز مصلحتك وخايف عليك مش اكتر..ما تزعلش منه..وزي ما سامحتني يبقي تسامحه ادهم: انت مش عارف حاجه ابوه:طيب عرفني ادهم: بالليل هتعرف سابه ومشي وهو دماغه هتنفجر من التفكير..سيف اتصل بيه وقاله ان ليلي سألت عليه واتضايقت جامد لما عرفت انه سافر اخيرا وقت العشا والكل قاعد اتعشوا وادهم في منتهي الهدوء بيبص لاحمد كأنه بيشوفه لاول مره..بيدرسه من بعيد ويدرس ملامحه..ويسأل نفسه ازاي هو ظابط من اكفأ ظباط المخابرات وواحد عرف يكدب عليه الفتره دي كلها وازاي هو عمره ما اكتشف كدبه احمد: ايه يا ادهم مالك بتبصلي كده ليه؟ ادهم : غريبه يا اخي احمد: ايه هيا اللي غريبه؟ ادهم: انك تفضل مع حد اكتر من 20 سنه وتكتشف بعد كده انك ما تعرفش الشخص ده نهائي وفاء: ادهم انت غريب النهارده خالص يا حبيبي عبير: تلاقيه بيحب جديد ولا حاجه ادهم: لا يا عبير مش بحب جديد…عارف يا احمد انا ليه ما اتجوزتش لحد دلوقتي؟؟عارف لو كنت اتجوزت من خمس سنين مثلا كان ممكن يكون عندي عيل زي كريم ابنك مثلا…عارف ليه ما اتجوزتش؟؟؟ احمد قلبه بيدق بسرعه ..مكن يكون عرف الحقيقه؟؟؟ احمد: لأ مش عارف…ملقتش واحده مناسبه مثلا؟؟؟ ادهم: لا لقيتها وحبيتها..بس المشكله مكانتش فيا او فيها؟؟؟المشكله كانت في اللي حوالينا…اللي حوالينا استكتروا علينا الحب ده… عبير: مش انت روحتلها بعد خمس سنين لما سبتها ولقتها ارتبطت ادهم: لا يا عبير ما ارتبطتش..كانت بتضحك عليا عبير: ليه عملت كده؟؟هيا كده فرقت بينكم ادهم: علشان في واحد راحلها وقالها اني متراهن عليها مع اصحابي واني عمري ما حبيتها,, عبير: لو بتحبك مكانتش تصدق اي حد ادهم: ماهو كان شاطر قوي ولعبها صح قوي..جي لابويا وقاله ان ابنك بيحب عيله وممكن يعمل حاجه غلط وومكن يفضحك ولعب في دماغ ابويا فابويا اضطر يتصرف وبعت حد يراقبني وصورلي صور ليا مع ليلي وهددني بالصور دي وفعلا استجبت لابويا وبعدت لكن الشخص ده ما اكتفاش بكده خاف ان ليلي تستناني فعلا فقالك لما ابعدها هيا كمان ..راح مراقبني هو التاني وصورلي فيديو وانا مع ليلي وراح وري الفيديو لليلي علي اساس ان انا اللي مصوره كدليل اني عرفت اغويها ..والمشكله ان الشخص ده كان اكتر حد انا بثق فيه فكان هو الوحيد اللي طلبت منه يروح لليلي ويقولها تفتكر ديما اني بحبها واني هرجعلها بس هو راح قالها اني مالمستهاش علشان هيا بنت وانها لما تفقد عذريتها تكلمني وانا انام معاها ..ايه رأيك يا عبير ؟؟كان المفروض ليلي وهيا عندها 15 سنه تتصرف ازاي هنا؟؟؟ والمفروض انا بعد عشر سنين اعمل ايه مع صاحبي ده عبير ساكته بس دموعها نازله هيا قلبها كان حاسس انه خاين ..كان ديما ضميره بيعذبه وهيا حاسه بيه…هيا عارفه ان ادهم بيتكلم علي جوزها ادهم: ايه يا عبير سكتي ليه؟؟؟ عبير: مش عارفه اقول ايه؟؟ ادهم: تقوليلي اعمل ايه في الشخص اللي فرقني عن حبيبتي عشر سنين وطول العشر سنين دول كان جنبي ..شايفني بتعذب وبتغرب وببعد عن كل الناس…كان ممكن في اي وقت يقولي وكان ممكن اسامحه او اقدر اللي عمله او اصلح اللي حصل بس هو لا اكتفي انه يراقبني ويتفرج..ويا باجحته في يوم فرحه يخليني اغنيله…وكل ما يحتاج حاجه يجي يجري عليا..بـأي عين كنت بتقف قدامي؟؟؟ احمد ساكت ومش قادر ينطق ..هنا ادهم انفجر فيه ..شد مفرش الصفره باللي عليها وطيره ووفق قدام احمد ومسكه من هدومه ادهم: بأي عين بتيجي تدخل البيت ده وتاكل فيه؟؟؟بأي عين بتقف قدامي وتكلمني؟؟باي وجه حق واقف قدامي دلوقتي؟؟؟انت ايه؟؟ ادهم زقه بعيد عنه ووقع علي الارض احمد: انا طول الوقت وانا ندمان ومعرفتش اقولك ادهم: معرفتش تقولي؟؟؟امال تعرف بس تتطلبني لما تحتاج مصلحه هاه؟؟ احمد: اقسم بالله ما شفت يوم حلو ولا عرفت راحه البال دي ابدا ادهم: تستاهلها وتستاهل اكتر من كده…من هنا ورايح ما تدخلش البيت ده تاني ولا تتكلم معايا تاني ولا عايز اشوف وشك هنا تاني ادهم: عبير سبق وضمنتهولك بحياتي …دلوقتي انا بقولك الراجل ده خاين وكلب..لا بلاش كلب الكلب عمره مابيخون صاحبه…الراجل ده خنزير ممكن يخونك في اي لحظه .عاش معايا هنا في البيت ده اكتر من عشرين سنه وخاني …ومفكرش في لحظه يقولي فأنا بسحب كلامي ليكي وبقولك اسف من كل قلبي اني اقنعتك في يوم انك تتجوزيه بس انا اتخدعت فيه…انتي اختي وانا مازلت متمسك بيكي بس جوزك ده ما يدخلش هنا تاني لكن ليكي انتي وابنك البيت ديما مفتوح سابهم ومشي واحمد مشي وعبير رفضت تمشي معاه….وحاله من الصمت خيمت علي البيت كله…عشر سنين وهو بعيد عن حبيبته وبسبب صديق عمره…محدش عارف يواسيه او يكلمه او يقوله اي حاجه..وهو ممكن ايه يتقال؟؟؟حبيبته واتجوزت خلاص..وهو وخسرها واتطصدم كمان في صديق عمره وطفولته….. احمد حاول يتكلم مع اي حد من عيله ادهم يستسمحهم بس كلهم رفضوا يسمعوه…راح كلم سيف وحكاله لكن سيف كمان رفض يساعده وقاله انه لو مكان ادهم كان ق**ه ..بس مشكله ادهم انه طيب سيف كان متضايق قوي ومش عارف يساعد صاحبه ازاي او يعمل ايه راح لليلي الشغل سيف: انتي عايزك؟ ليلي: ايه انتي دي؟؟اتكلم كويس سيف: بقولك ايه انا مش رايقلك …انجزي وسيبي اللي في ايدك وتعالي ليلي: في ايه عايز ايه؟؟ سيف: هو سؤال واحد وتجاوبي عليه من غير لف ولا دوران ليلي: انا مش هجاوبك علي حاجه اصلا سيف: يا صبر ايوب..نفسي اعرف شايف فيكي ايه اصلا؟؟؟ ليلي: انت لسانك طويل فعلا سيف: لساني طويل ايوه بس بحب ادهم..السؤال بقي انتي بتحبيه ولا لأ؟ ليلي: ده شيئ ما يخصكش سيف: اه ولا لأ؟؟ ليلي: اه سيف: ولما بتحبيه لسه لابسه الدبله دي ليه؟؟ ليلي: ادهم قالي انه خارج بره حياتي سيف: وانتي عندك تخلف عقلي وصدقتيه؟؟؟بتكدبيه في كل حاجه وجيتي لدي وصدقتيه؟ ليلي: قصدك ايه؟ سيف: قصدي يا رأس الغباء ليلي: ممكن من غير طوله لسان؟ سيف: احمدي ربنا اني بطول لساني بس لاني نفسي قوي اطول ايدي بس ما اضمنش ادهم ممكن يعمل فيا ايه لو لمستك ليلي ابتسمت سيف: ايوه ابتسمي تم*وتو انتو في اللي يدافع عنكم…المهم ادهم عمره ما هيقولك سيبي جوزك وتعالي وانا اتجوزك..انتي تعرفي ادهم كده..وخصوصا ان الراجل ده محترم ومحترم قوي كمان ليلي: يعني ايه؟؟ سيف: يعني يا تخلف لو لسه بتحبي ادهم افتحيله الطريق وهو هيجي ليلي: انت شايف كده؟؟ سيف: بصراحه لأ انا شايف تروحي تحرقي ونفسك ونخلص من قصتك خالص واهو ترحميه من غبائك ده ليلي: انت لسانك ده ايه؟؟؟ سيف: وانتي عقلك ده ايه؟؟؟بتحبيه ومخطوبه لواحد تاني …ايه مستنيه تخلفي منه الاول ولا هتجربيه ولو معجبش ترجعيه ليلي: خلاص هتصرف..المشكله في ابويا رافض يسمعني ..انا اصلا من ساعتها بحاول اقنعه وهو رافض سيف: تحبي اخلصك منه ليلي: بقولك ابويا؟؟؟ سيف: وايه دخل ابوكي اصلا؟؟؟ اعتقد عماد لو حس انك رافضاه هو نفسه مش هيكمل معاكي..خليه هو اللي يسيبك..فالحه بس تخلي ادهم يسيبك؟؟اتشطري علي ده يا اختي..وزي ما خليتي ادهم يصدق انك مش بتحبيه قوليلي لده الحقيقه…قالي كيدهن عظيم قال؟؟؟ده انتي نيله ليلي: فكرك كده يعني؟؟ سيف: ايوه يا اختي..هستني منك تليفون سابها سيف وهيا بتفكر ازاي هتقول لعماد ..اليوم ده عماد كان معزوم عندهم في البيت علي الغدا وطول الوقت ليلي سرحانه اصلا هتعمل ايه لحد ما الغدا خلص والكل سابهم لوحدهم وهيا اصلا مش معاهم عماد: ليلي ليلي ليلي: هاه قولت ايه؟ عماد: انا بتكلم من ساعه ليلي: معلش يا عماد اسفه عماد: انتي بتتأسفي كتير قوي وانا كرهت اسفك ده ليلي: اسفه عماد: بطلي تقولي اسفه ليلي: عايزني اقول ايه طيب؟؟ عماد: قوليلي طلبتي ليه نكتب كتابنا بسرعه وانتي مش مقتنعه بيه؟؟؟من يوك كتب الكتاب وانا حاسس انك ندمانه..يوم كتب الكتاب نفسه سيبتي الفرح واختفيتي..ولما رجعتي كان شكلك غريب…ارتبطتي بيا ليه؟؟ ليلي:…………………………. عماد: لو سمحتي ردي عليا ليلي: مش هيعجبك ردي عماد: اي حاجه احسن من النار اللي انا عايش فيها دي ..كل شويه يا تري بتحبني ولا لأ؟ياتري عملت ايه زعلها؟؟يا تري مبسوطه؟؟يا تري ويا تري ومليون سؤال كل يوم ومالهمش اجابه فانتي لو سمحتي جاوبيني ليلي: كنت بحب واحد وبعد غصب عنه بس انا كنت فاكراه بطل يحبني ولما رجع كان معاه عيال اخواته وافتكرتهم عياله وعلشان كده كنت عايزه اضايقه او اقوله ان انا كمان عايشه حياتي فطلبت منك بسرعه نكتب الكتاب علشان ما ارجعش في كلامي ويوم كتب الكتاب عرفت انه لسه بيحبني وانه عمره ما ارتبط بحد غيري ومن ساعتها مش عارفه اتصرف ازاي ومش عارفه اعمل ايه؟؟؟ عماد: الشخص ده يبقي ادهم صح؟؟؟كانت حاسس انه بيغنيلك ..كل حرف كل كلمه كانت طالعه من جواه..حتي اغاني الرقص كان فيها عتاب وانتي كنتي حاسه بكل كلمه…حتي لما كان في المستشفي ..كانت اول مره اشوفك مهزوزه وخايفه واتاريه علشان حبيبك ..بس كنت بتكرهيه او بتحاولي وعلشان كده منعتي عنه المسكن ..حبيتي تعذبيه صح؟؟وهو كمان رفض يلومك حتي ..كنت حاجات غامضه بالنسبالي بس حاليا كل حاجه بقت واضحه وباينه ليلي: انا اسفه يا عماد..كنت فعلا عايزه انساه واكمل معاك عماد: لا كنت عايزه تعملي نفسك ناسياه..بس هو جواكي هتنسيه ازاي..كان لازم تقوليلي من الاول ليلي: انا اسفه عماد: قلتلك بطلي اسف…انا كنت عارف انك مش بتحبيني وتجاهلت ده وخطبتك وكنت عارف ان في حاجه مأثره عليكي وتجاهلتها ووافقت علي كتب الكتاب..انا مش عيل صغير انتي ضحكتي عليه ده كان اختياري وانا اخترته بنفسي..علي العموم ملحوقه….ليلي انتي طالق..وبكره هخلص كل الاوراق ربنا يوفقك معاه ليلي: انا متشكره قوي يا عماد و عماد: اياك تقولي اسفه تاني..ابقي ادعيني في فرحكم ليلي: ان شاء الله ليلي عمرها ما تخيلت ابدا انها هتفرح لو سمعت كلمه انتي طالق دي ابدا بس المره دي كانت الفرحه مش سايعاها وخرجت فرحانه وبتتنطط ابوها: في ايه متفرحينا معاكي ليلي: انا اتطلقت ابوها وقعت من ايده كوبايه الشاي اللي كان ماسكها وامها سوطت وجدها كان هيغمي عليه بس ربنا ستر والكل تنح ابوها: ودي حاجه بيفرحولها اليومين دول؟؟انتي اتجننتني اكيد؟؟انتي استحاله تكوني طبيعيه؟؟ ليلي: مش بحبه ابوها: وطلبتي تتجوزيه ليه؟؟وكتبتي كتاب ليه؟؟؟ ليلي: كنت غلطانه ابوها: ودلوقتي انتي بقيتي صح؟؟؟اهل البلد هيقولو عليكي ايه ؟؟كل شويه ترفضي ترفضي ترفضي ولما توافقي وتكتب كتاب تتطلقي..انت هتفضحينا ليلي: محدش يقدر ينطق في حقي كلمه\ ابوها: لا يقدروا وهيقولو كتير قوي ليلي: الكل هيسكت ابوها: امتي ان شاء الله ليلي: اصبر وهتعرف ابوها: في حد غيره؟؟؟واياك تقولي لأ…من سنين وانتي مش مظبوطه ..من ساعه ما جالك الانهيار العصبي اللي محدش يعرفله سبب لحد دلوقتي ليلي: هقولكم كل حاجه بس مش دلوقتي ..بعد اذنكم سابتهم وراحت اوضتها وكلمت سيف لليلي: ايوه سيف سيف: ايوه ليلي: انا اتطلقت خلاص سيف: مبروك سيبيلي ادهم بقي وانا هعرف اجيبهولك هنا ..وانتي عليكي الباقي اتفقنا ليلي: هتجيبوه امتي؟؟؟بكره؟ سيف:ده علي اساس هقوله تعال هيقولي امين..كام يوم كده اصبري ما انتي صابره عشر سنين جت علي كام يوم ليلي:طيب اكلمه انا؟؟ سيف: لأ مش هيرد عليكي اصلا وممكن يبعد خالص ومحدش يعرف يوصله..ادهم لو حب يختفي محدش بيعرف يجيبه وحاليا هو اصلا مصدوم من موضوع احمد ده ومش بيكلم حد..فاصبري عليه وانا هفضل علي تليفون معاكي اتفقنا ليلي: اتفقنا…لسه هيقفل …سيف سيف: ايوه ليلي: انا بحبك قوي سيف: وانا بكرهك قوي بس ادهم بيحبك..وده علشان هو مش انتي ليلي: ماشي يا سيف..بس برضه بحبك سيف: ماشي يا اختي سلام ليلي: سلام قفلت ليلي وفضلت تحلم بأدهم لما يجي وهتقابله ازاي وتحلم بيوم بفرحها سيف كان بيكلم ادهم كل يوم يقوله اخبار التمارين والعيال ايه وخلاص وفي مره بيكلمه سيف: مش ليلي اتطلقت؟؟ ادهم: ليلي ايه؟؟اتطلقت ؟؟ سيف: اه اتطلقت ادهم: وبعدين؟؟انت مستني مني ايه؟؟ سيف: انا مش مستني ..او مش انا اللي مستني ادهم: علاقتي بليلي اكتفيت منها سيف: يعني اروح اخطبها انا مش لازماك ادهم: مش لازماني بس اخطبها انت كده وشوف هعمل فيك ايه؟؟ سيف: وانت مالك بقي؟؟ ادهم: وانا مالي؟؟ سيف: ايوه مش انت مش عايزها؟؟؟يبقي مالكش فيه ادهم: سيف الهزار في الموضوع ده مش مقبول سيف: ماشي براحتك..طيب بما اني مش خطبها مين هيخطبها ادهم: ربنا يسهلها سيف: سيبني من ليلي المهم اخبار الشغل عندك ايه؟؟ كملوا مكالمتهم بس سيف رمي الطعم وفاضل ادهم يمسكه علشان يشده علي بلد ليلي عدي كام اسبوع وسيف بيحاول من بعيد لبعيد يخلي ادهم يجي وادهم فاهمه ومش عايز يرجع البلد علي الاقل حاليا وفي يوم بيكلمه سيف: بقولك يا ادهم العيال عاملين حفله في نادي البلد بالاشتراك مع اهل البلد بمناسبه انهم هيتخرجوا خلاص وعايزينك تكون موجود ادهم: انت موجود كفايه سيف: علي فكره دول تلامذتك انت مش انا ومش معني اني جيت ساعدتك فيهم بقم تلامذتي؟؟؟هما عايزين استاذهم معاهم انت بقي كلمهم وقولهم مش جاي لكن انا لحد هنا وعداني العيب وازح ادهم: ازح؟؟؟ساعات بحس انك؟؟؟ سيف: اني ايه ؟؟قول؟؟؟ ادهم: انك بتفهم سيف: طول عمري يا ابني انت بس اللي مش واخد بالك..بكره الحفله هستناك ادهم: سيف؟؟ سيف: يا عيوني..اغنيهالك ادهم: لا صوتك وحش..هاجي بس مش عايز مفاجأت سيف: انا ماليش دعوه ببرنامج الحفله خالص نهائي علي فكره ادهم: انا مش بتكلم علي الحفله وانت فاهم سيف: مفيش مفاجأت قفل سيف مع ادهم واتصل بليلي سيف: ايوه يا ليلي…خلاص ادهم جاي بكره ليلي: بجد يا سيف اخيرا هيجي سيف: ايوه جاي برنامج الحفله تخصصك انتي ..انت بقي تشوفي هتعملي ايه في الحفله ومش عايز اعرف هتعملي ايه لاني قلتله ماليش دعوه ببرنامج الحفله ليلي: خلاص ماشي..سيف متشكره قوي علي وقفتك معايا سيف: اشكريني وانتي في الكوشه جنبه ليلي ابتسمت وقفلت وبتحلم باليوم ده….ممكن فعلا تعيش اليوم ده؟؟؟ممكن فعلا تبقي مرات ادهم وتنام في ح*ضنه؟؟؟ممكن فعلا الزمن يحن ويجمعهم بقي؟؟؟ كانت في البيت وابوها دخل عليها لقاها سرحانه مبتسمه ابوها:: لما اشوف هتفضلي كده لامتي؟؟ بكره في عريس جايلك ليلي: عريس مين؟؟انا مش عايزه عرسان ابوها: عايزه تفضلي كده صح؟؟ ليلي: لا مش هفضل كده اصبرانت بس ابوها: اصبر؟؟لحد امتي ؟؟لحد ما تبوري والعمر يعدي وانتي مستنيه وهم…انتي متخرجه من ثلاث سنين وقاعده حاطه ايدك علي خدك والعمر بيجري..لو اللي انتي مستنياه شاريكي كان جه من بدري مستنيه ايه بقي؟ ليلي: هيجي اصبر انت ابوها: السنه الجايه ؟اللي وراها؟؟امتي بالظبط؟؟؟لو بيحبك مكنش سابك كل ده؟؟افهمي بقي ليلي: انت مش فاهم حاجه فارجوك ابوها: طيب فهميني يمكن افهم جدها كان واقف وسامع الكلام ليلي: جدو اتكلم انت جدها: اتكلم اقول ايه ابوكي عنده حق في كل كلمه قالها..عمرك بيضيع وانتي مستنيه ليلي: انتو مش فاهمين حاجه…هيجي بكره وهتشوفوه ابوها: هيجي يخطبك بكره؟؟ ليلي: لا مش يخطبني…لسه هنتكلم ابوها: لسه هتتكلمو؟؟؟؟لسه هتتكلموا؟؟؟مش هيجي وهتشوفي ليلي: هيجي وهتشوف انت ابوها: بكره مش هتخرجي من البيت اصلا ليلي: لا يا بابا بكره بالذات لازم اخرج ابوها: هتروحي تقابليه؟؟ ليلي: مش هقابله بالمفهوم ده؟؟اديني بكره وبس ولو مجاش خلاص هسمع كلامك في اي حاجه تقولها ادهم جه البلد الصبح وفضل مع سيف في المعسكر لحد العصر وقت الحفله اخدوا سيف وراحوا النادي وطول الوقت محدش فيهم نهائي جاب سيره ليلي خالص… وصلوا النادي لقوا الكل بيجري ويصرخ وادهم وسيف مستغربين سيف وقف واحد وسأله في ايه قاله حريقه في النادي ادهم: سيف بص مين هناك؟ سيف: مين دول تعرفهم؟؟ ادهم: ابو ليلي وجدها واكيد اللي معاهم باقي العيله سيف: امال ليلي فين بقي؟؟ ادهم: تلاقيها في شغلها حاله هرج ومرج سايده المكان كله وتوتر وقلق والمطافي جت والمكان كله مولع والنار ملت المكان كله وكله واقف من بعيد بيتفرج الا سيف هيمو*ت من القلق وبيتلفت حواليه ادهم: روشت امي اهدي بقي ..في ايه؟؟ سيف: مش شايف ليلي ادهم: وبعدين يعني تلاقيها مش هنا اصلا سيف: المفروض انها هنا..علشان هتجهز مع العيال اللي هيغنوا في الحفله ادهم بدأ يتوتر هو كمان راح ناحيه عيلتها ادهم: سلام عليكم كلهم: وعليكم السلام ادهم: هيا ليلي فين دلوقتي؟؟ كلهم بصولو باستغراب وخصوصا ابوها الجد: المفروض انها هنا بس مش عارفين هيا فين؟؟؟ سيف لقي عيل صغير بيجري وبيعيط وقفه سيف: حبيبي انت مش كنت مع العيال اللي دكتوره ليلي بتحفظهم الاغنيه علشان الحفله العيل: ايوه انا منهم سيف: طيب يا حبيبي ليلي فين؟؟ العيل بعياط: خرجتنا بسرعه لما النار جت بس هيا جت تخرج الباب النار وقعت عليه ومعرفتش تخرج وقالتلنا نجري بره ادهم: يعني ليلي جوه دلوقتي؟؟ ما استناش يكمل ولسه هيجري سيف مسكه سيف: النار ماسكه كل حاجه ومش هتقدر تخرج استني بتوع المطافي ادهم: سيف؟؟؟مش هعيش من غيرها تاني فاهم؟؟؟مش هعرف اصلا سابه سيف وهو عارف ان محدش هيقدر يوقفه اصلا ابو ليلي مستغرب ان واحد مستعد يرمي نفسه في النار برجليه علشان خاطرها ..دلوقتي عرف هيا بنته بتحبه قوي كده ليه؟؟ ادهم هيدخل من الباب اتلموا عليه بتوع المطافي ومنعوه وهو بيحاول يهرب منه وبيصرخ لازم يدخلها وبتوع المطافي بيقلوله خلاص لو حد جوه يبقي اتخنق من زمان لان النار تقريبا قضت علي كل حاجه جوه واخر ما زهق منهم طلع مسدسه وقالهم اللي هيقرب منه هي*له فخافوا وبعدوا عنه وهو رمي نفسه في النار دخل جوي يدور عليها اكيد هتكون قريبه من المسرح..راح ناحيته واخيرا لمحها في الارض..جري عليها ادهم: ليلي ليلي فوقي فوقي علشان خاطري ليلي بضعف: انت جيت؟؟اتأخرت كتير ادهم: اسف حبيبتي بس جيت اهوه ومش هبعد تاني ابدا ليلي: هنخرج من هنا ازاي؟ ادهم: مش عارف هتصرف..ولو مخرجناش يبقي علي الاقل نم*وت مع بعض ليلي: عايزه اعيش معاك ادهم: هيحصل ان شاء الله هيحصل حاول ادهم يدور علي اي مخرج بس مفيش حتي الشبابيك عليها حديد واخيرا فقد الامل انه يخرج فراح لحبيبته واخدها في حض*نه وسكت ليلي: مش هنخرج؟؟ ادهم: شكلها لأ ليلي: انا بحبك قوي يا ادهم وعمري ما حبيت غيرك ابدا ادهم: وانا كمان بحبك وهفضل احبك ضمها وحس بنفسها بيقف بين ايديه لان الدخان كان مالي المكان ..دموعه نزلت بصمت نبضها بدأ يضعف …ادهم واخدها في حض*نه قوي وحاسس بيها بتم*وت لحظه بلحظه وهو بيتفرج عليها……واخيرا قلبها وقف بين ايديه وهو ضاممها…صرخ بصوته كله…لألألألألألأ الحلقه ال 24 والاخيره ادهم ضامم ليلي وحس بقلبها بيقف بين ايديه واستكانت خالص..متخيلش ابدا ابدا انها هتم*وت بين ايديه…. وفجأه سمع صوت سيف بينادي عليه وانتعش امل جديد ادهم: ايوه يا سيف انا هنا سيف كان بيكسر في الحيطه من بره راكب جرار وبيكسر في الحيطه سيف: ادهم ابعد عن الحيطه هوقعها ادهم شال ليلي وبعد علي قد ما يقدر وفعلا سيف هد الحيطه ودخله اخد ليلي وجري بيها بسرعه علي بره وهو مش عارف يعمل ايه الكل اتلم عليهم وابوها وامها وكل عيلتها وهيا راقده مش بتتحرك ادهم: سيف فين الاسعاف؟؟ سيف: قدامهم خمس دقايق او اقل ادهم: قلبها وقف تقريبا من ثلاث دقايق كمان خمسه هيبقي صعب ادهم بدأ ينهار وهيعيط سيف: اياك تنهار دلوقتي …خمس دقايق فعلا كتير ..انت اتصرف انت اكتر واحد فينا بتتصرف في الظروف دي..انسي ان دي ليلي..دي زميل متصاب واحنا في مهمه وانعشها…ادهم فوق انعشها بسرعه والا هتخسرها والمره دي نهائي مفيهاش رجعه ادهم بصله للحظه وفهلا بدأ ينعش فيها ويحاول يعملها تنفس صناعي بس مش بتستجيب سيف: مالها مش بتستجيب ليه؟؟ادهم فكر ادهم:مش عارف؟؟؟الدخان..انا غبي ..الدخان قفل مجري الهوا ..لازم الهوا يوصلها الاول سيف: عايز ايه قول ادهم بيفكر ومرتبك جدا عايز سكينه وقلم سيف طلع مطواه من جيبه وبص للي حواليه وقال عايز قلم..جدها جابله قلم ….ادهم مسك المطواه وحطها علي رقبه ليلي..جدها مسك ايده الجد: انا معرفكش ..بس حاسس انها تهمك …ارجوك دي حفيدتي وانا مش مستعد اخسرها ادهم: ولا انا كمان مستعد اخسرها ساب ايده ووقف ادهم عمل فتحه صغيره في رقبه ليلي وحط فيها انبوبه القلم واول ما حطه ليلي اخدت نفس طويل ..وقامت كأنها بتغرق..ادهم ثبتها ادهم: اهدي اهدي…انا جنبك اهوه اهدي حبيبتي اهدي ضمها لصدره وهيا هديت واخيرا الاسعاف وصلت وشالوها كان عماد موجود مع بتوع الاسعاف ولسه هيركب معاها فأدهم مسك ايده عماد: ما تقولش حاجه …عارف انها مهمه ليك ..عارف انها روحك وحياتك ما تخافش عليها ادهم:انا كنت عايز اقولك اسف بس عماد: لا ما تتأسفش يا سياده المقدم ..دي حبيبتك من زمان لو حد المفروض يتأسف يبقي انا…علي العموم مش وقته ..حصلني علي المستشفي اخدتها الاسعاف ومشيت وهنا ادهم قعد علي الارض سيف: انت هتقعد قوم نروحلها المستشفي انت عايزها تفوق متلاقكش جنبها ادهم: لحظه ….اديني لحظه….ليلي من شويه نفسها وقف وقلبها كمان وقف بين ايديا وانا استسلمت جوه..استسلمت للمو*..اعتقد من حقي لحظه ارتاح فيها..بس لحظه…عشر سنين بعيد عنها ويوم ما اجيلها وتكون كل حاجه متاحه قدامنا قلبها يقف بين ايديا عارف يعني ايه قلبها يقف بين ايديا وانا استسلم كده..مش يمكن مش نصيبنا نكون مع بعض اصلا وربنا بيعمل كده علشان نفهم ان اننا مش لبعض سيف: ليلي عايشه واللي انت بتفكر فيه ده مش وقته….ليلي في المستشفي وهتبقي كويسه وده الوقت اللي ترتبطوا فيه ببعض كفايه بقي يا ادهم جدها: قوم يا ابني وعلي رأي صاحبك كفايه بقي ..عايزين نفرح ولو انت فضلت بعيد مش هنفرح..فكفايه كده مسك ايده وقومه وراحوا للمستشفي كانت حالتها كويسه ..هيا اتخنقت بس من الدخان غير كده كويسه…عيله ادهم اتعرفوا كلهم عليه وحبوه جدا حبوه اكتر لما رمي نفسه في النار علشانها ادهم: روح قلبي فاقت ليلي: اه…قرب مني ادهم قرب منها ومسك ايدها ادهم: ابوكي بره ليلي: ماليش دعوه بابويا…بحبك ادهم: وانا كمان ..مش هنخرج بقي من هنا انا زهقت ليلي: زهقت مني؟؟؟؟ ادهم: عايز اتجوز يا ناس حرام بقي ليلي ضحكت ليلي: انت السبب في حد عاقل يخرم رقبه حبيبته ؟؟عمرك شفت عروسه برقبه مخرومه؟؟ ادهم: لازم تكوني مميزه يا حبيبتي….وبعدين كنتي عايزاني اعمل ايه؟؟اسيبك تروحي مني؟؟ ليلي: يعني مكنش قدامك طريقه تانيه؟؟ ادهم: قوليلي انتي يا دكتوره كان المفروض اعمل ايه؟؟ ليلي: مش عارفه لو احنا بيكون معانا انبوبه بندخلها لحد الرئه بس ساعات فعلا بنحتاج نعمل مجري للهوا كده….انت اتعلمت ده فين؟ ادهم: الجيش بيقولك اتصرف..سيبك المهم هنتجوز امتي؟؟ ليلي: انت عايز امتي؟؟ ادهم: انا عايز امبارح اخيرا اتحدد معاد الفرح واتعمل احلي فرح لاحلي عروسين ليلي كانت ملكه جمال وادهم كان بدر منور جنبها كانوا لايقين علي بعض جدا وشكلهم حلو جدا…وفوفا اخيرا فرحت بابنها وعملته فعلا فرح يحكي عنه ..ادهم غني من قلبه وليلي كمان غنتله وكانت فعلا ليله العمر كل اصحاب ادهم حضروا الفرح وسيف رقص كتير في الفرح ده كان فرحان جدا بأدهم وبارتباطه بليلي ادهم اخد عروسته وراحوا بيتهم واول ما دخل اوضه نومه وقف وسرح ليلي: لا ممنوع السرحان نهائي ..سرحان في ايه؟؟انا وجنبك اهوه ادهم: لا افتكرت حاجه بس ليلي: افتكرت ايه؟ ادهم: افتكرت احمد يوم فرحه طلب مني احطله ورد علي السرير وفي اليوم ده كنت سيبتك لما قلتيلي علي عمر..لما دخلت اوضته كانت حلوه قوي وقلت ساعتها ان عمر ما هيكون عندي اوضه زيها ادخلها مع عروستي ليلي: واديني اهوه جنبك…اوضتهم احلي ولا احنا؟؟ ادهم: احنا طبعا وبعدين انا فارشلك الارض كلها ورد هما رسمتلهم قلب بس علي السرير ليلي: وعروسته احلي ولا انا ادهم: انتي احلي واجمل وارق عروسه في الدنيا وانا بم*وت* فيكي وكفايه تضيع وقت شالها وقفلوا الباب وفعلا كانت ليله العمر ..ليله اتجمع فيها روحين مع بعض اندمجوا بروح واحده وعاشوا الحب الحقيقي الليله دي..وادهم حقق وعده بانه هينام معاها بس قدام الكل وفي النور لان بيكون طعمها احلي بكتير…طلعت شمس الحب عليهم والباب خبط ليلي نايمه في حض*ن ادهم ومش عايزه شيئ يبعدها ابدا عن حض*نه…وادهم لاول مره من عشر سنين ينام كده..صحيوا علي صوت الباب بيخبط جامد ليلي: ده مين الرخم ده ادهم: اعتبري نفسك مش سامعه حاجه اصلا وهو هيمشي ليلي: تفتكر ادهم : افتكر ليلي: بجد مش عارفه اتجاهله..ده مصر ادهم: ما انا مش هقوم من مكاني ابدا..وانتي مش هتقومي من ح*ضني .. فلي علي الباب لازم يمشي ادهم: يوه يا ليلي بتبعدي ليه؟ ليلي: مش عارفه والباب بيخبط كده..افتح ومشي اللي علي الباب وتعالي بسرعه ادهم: انتي شايفه كده ليلي: علشان خاطري قام ادهم وطلع بره يفتح الباب واتصدم لما شاف احمد ادهم: افندم في حاجه؟ احمد بيعيط: ارجوك يا ادهم انا محتاج مساعدتك ادهم: جايلي يوم صباحيتي تقولي محتاج مساعدتي…انت ايه يا اخي؟؟ ولسه هيقفل الباب فاحمد منعه احمد: ارجوك الموضوع مايخصنيش الموضوع يخص كريم ابني ارجوك يا ادهم ادهم: ماله كريم؟؟ احمد: اتخطف..في عصابه كنت بطاردهم وخطفوه وحاليا طالبينك انت تروحلهم وتتكلم معاهم..هما عايزينك انت وهيرجعولي كريم ادهم واقف بيسمعه وهو في قمه استغرابه ادهم: انت عايزني يوم صباحيتي علي عروستي اللي اتحرمت منها عشر سنين بسببك اسيبها واروح اسلم نفسي لعصابه علشان خاطر يرجعولك ابنك؟؟؟؟انت ايه؟؟؟انت ازاي واقف قدامي كده وليك عين تتطلب؟؟ ليلي كانت واقفه بتسمع فطلعت ليلي: انت بجد انسان لا يطاق ..انت عايزه يسيني ويروح يجيبلك ابنك؟؟لا ده انت بتحلم…ده احلي عقاب من ربنا ليك انك تخسر ابنك ومراتك وحياتك كلها..عارف ومش كفايه..ياريت يحصلك اكتر من كده كمان..جرب انك تتحرم من حد بتحبه قوي …جرب يعني ايه تخسر حد روحك فيه…جرب واشرب من نفس الكاس اللي سقيتهالنا اطلع بره ادهم قفل الباب في وشه وهو هينفجر من الغيظ فضل هو ليلي ساكتين مش عارفين يعملوا ايه ليلي: ده بني ادم غريب..ازاي يجي هنا اصلا ادهم:……………… ليلي: ادهم هتعمل ايه؟؟ ادهم: انتي عايزاني اعمل ايه؟؟ ليلي: مش هنعمل حاجه تعال وهعملك احلي فطار لاحلي عريس في الدنيا شدته ودخلوا يفطروا بس طول الوقت وهما الاتنين مسهمين احمد روح بيته وهناك كانت عبير عبير: طبعا مش هسألك عملت ايه لاني عارفه..عارفه انه لازم تدفع ثمن الخيانه احمد: انتي كلميه هيسمعلك ومش هيرفضك ابدا عبير: لا يا احمد مش هكلمه…ده ثمن خيانتك ادفعه..وانا ربنا هيعوضني ..اكيد هيعوضني فضلت تعيط وتعيط احمد قرب منها صرخت عبير: اوعي تلمسني او تيجي جنبي..اوعي…انا لازم اقوم..انا معنديش هدوم سودا لازم اشتري هدوم سودا..ابني هي*مو*ت وانا لازم البس اسود..لازم اشتري هدوم سودا احمد بيعيط ومش عارف يعمل ايه…لو ده الثمن فده ثمن صعب قوي ليلي واحمد قاعدين وساكتين ليلي: ادهم سرحان تاني ادهم: لا يا حبيبتي ما تشغليش بالك ليلي: انت بتفكر فيه ادهم: مش فيه في كريم..ده في عمر زياد ..كنت بلعب معاه هو كمان ولد لذيذ جدا ..دمه خفيف ومرح ومش بيخاف ليلي: روح هاته يا ادهم ادهم بصلها ليلي: عمرك ما هتسامح نفسك ابدا لو الولد جراله حاجه ابدا وبعدين مش عايزه ابدأحياتي علي مو*ت حد او اشمت في حد..بس توعدني انك تخلي بالك من نفسك وترجعلي مفهوم ادهم ابتسم: مفهوم يا اجمل ليلي في الدنيا ليلي: ده انت ما صدقت بقي ادهم: هو النهارده وبس وبعدها هاخدك ونسافر بعيد عن الناس كلها ونقضي احلي شهر عسل في الدنيا اتفقنا ليلي: اتفقنا اخدها ادهم وداها الفيلا عند اهله الاول وراح هو شغله والكل استغرب من وجوده وخصوصا سيف سيف: ايه ده؟؟ ادهم: اخرس…عايز اوراق القضيه اللي ماسكها احمد وبسرعه جمع الفريق بتاعي كله اتحرك سيف: انت سيبت عروستك علشان احمد؟؟انت اتهبلت؟؟ ادهم: شكلي كده اتهبلت والله اعلم..المهم نفذ جاله مدير المخابرات والفريق كامله وكلهم واقفين قصاده المدير: ادهم ده موقف نبيل منك انك تساعده في الظروف دي ادهم: انا وعدت عبير اني هكون اخ ليها ديما وانا بعمل كده علشان ابن اختي مش علشانه هو وبعدين الموضوع ده هيفضل سر بينا ومحدش هيعرف ابدا ان انا اتدخلت او اي شيئ لحد ما انا اقول كفايه المدير: يعني ايه؟؟ ادهم: يعني بأذن الله هرجع كريم بس ابوه مش هيعرف انه رجع وهخليه يفضل يتعذب شويه…حد معترض؟؟ المدير: بس ده ابوه ادهم: عايزه يدوق طعم الحرمان شويه وماتخافش مش هسيبه عشر سنين زي ما هو عمل هما كام يوم يادوب المدير: خلاص براحتك ادهم درس الموضوع كله وبعدها كلم العصابه واتفق يقابلهم وفي نفس الوقت ظبط مع فريق كله كانوا بيلبسوا ويجهزوا سيف: ايه الاخبار؟ ادهم: اخبار ايه؟ سيف: ليه امبارح ادهم ضحك وبصله ادهم: وانت ايه يخصك في ليله امبارح سيف: صاحبي ولازم اتطمن عليه ادهم: فيك الخير ما تشغلش بالك انت سيف: يعني عملت ايه احكيلي ؟؟ ادهم: انت اتجننت ؟؟؟احكيلك ايه؟؟؟انتي عايزني احكيلك عملت ايه مع مراتي ؟؟؟انت اتهبلت ولا ايه؟؟ سيف: بطل رخامه بقي ادهم: انا؟؟؟مش هحكيلك حاجه عن مراتي ريح دماغك ادهم لبس ولبس واقي للرصاص فوق هدومه سيف: ومن امتي ادهم العظيم بيلبس واقي ادهم: من ساعه ما اتجوز وعايز يرجع لمراته يكمل اللي وقفه احمدالصبح سيف: وهو احمد وقف ايه؟ ادهم: مو*ت بغيظك كده سابه ومشي وراحو يجيبوه كريم وتمت العمليه بنجاح واخيرا ادهم رجع الولد واخدوه البيت عند ابوه وراح لعبير لقاها خارجه من بيتها نادي عليها ادهم: عبير عبير استني عبير: ادهم لازم امشي ادهم: رايحه فين؟ عبير: لازم اشتري هدوم سودا ..تخيل معنديش هدوم سودا ابدا ادهم: فوقي كده..انت عامله كده ليه..تعالي معايا عبير: بقلولك لازم اشتري هدوم سودا ادهم: تعالي بس اخدها وراح البيت ودخلها وهيا منهاره من العياط ونادي علي كريم كريم: مامي مامي عبير وقعت في الارض وضمت ابنها وهيا بتعيط عياط خلي كل اللي واقفين يعيطوا ليلي لادهم: انا بحبك قوي انك رجعته لامه ادهم: وانا متشكر انك وافقتي اروح ارجعه ليلي: عايزه من ده ادهم: من ده ايه عايزه تعيطي؟ ليلي: لا اعيط ايه عايزه نونو كده ادهم: متستعجليش بكره يجي عبير وقفت عبير: ادهم انا مش عارفه اقولك ايه بس جميلك ده مش هنساه ابدا ادهم: انتي اختي ومفيش جمايل بين الاخوات بس انا ليا طلب عبير: قول اي حاجه لو عايزني اسيب احمد هسيبه ادهم: لا علاقتك باحمد خاصه بيكي انتي..انا بس مش عايز احمد يعرف حاليا ان كريم رجع عبير: يعني ايه انا مش هاخده معاياي ادهم: انتي افضلي هنا معاه لكن احمد يعرف بيه لأ عبير: لو قلتلك لأ ده ابوه ومن حقه يعرف ادهم: هقولك خدي ابنك واتفضلي بس تنسي ان ليكي اخ هنا…انا عملت ده علشانك وعلشان كريم مش علشان احمد..احمد لازم يجرب الحرمان من حد بيحبه لازم يدوق طعم النار اللي بتولع في القلب من الحرمان..لكن لو انتي مصره يبقي براحتك مش همنعك عبير: انت طول عمرك جنبي وعمرك ما اتأخرت عني..انا هسمع كلامك بس ارجوك مش تقسي عليه كتير ارجوك يا ادهم ادهم: انتي بتحبيه يا عبير صح؟؟ عبير: ايوه بحبه وهو ندمان..طول الوقت كان ندمان مكانش بينام الليل وكنت بسأله مالك كان ديما بيهرب بس هو اخد حصته من تأنيب الضمير فارجوك سامحه ادهم: ممكن مع الوقت بس مش دلوقتي عبير: انا متشكره ليك يا ادهم وانتي يا ليلي انا اسفه علي فراقكم ده كله واسفه ان جوزك سابك يوم صباحيتك بسببنا ليلي: المهم ان كريم رجع والحمد لله رجعنا انا وادهم لبعض… ادهم الفجر اخد ليلي وطلعوا علي المطار علشان يبدؤا احلي شهر عسل في الدنيا وسيف طبعا اللي وداهم المطار..ليلي سابتهم وراحت الحمام سيف: بقولك يا ادهم..هيا ليلي احلوت من امبارح للنهارده ولا انا متهيألي ادهم: هيا علي طول حلوه بس هيا احلوت لما بتفرح بتحلو سيف: هيا عنيها لونها ايه بالظبط الاول كان بيتهيألي انها خضره دلوقتي تقريبا كده رمادي ادهم ضحك بصوته كله ادهم: انت عارف انا فضلت قد ايه لحد ما عرفت الوان عنيها؟؟؟عنيها بتقلب علي حسب حالتها المزاجيه سيف: وانت اكتر لون بتحبه ايه؟؟ ادهم: الرمادي الفاتح جدا لون في منتهي الصفاء بس ده مش بيظهر كتير سيف: اكيد هيظهر وهيا في ح*ضنك بس ادهم ض*ربه وليلي جت عليهم ليلي: مالكم ؟ ادهم: لا مفيش ..ما تمشي انت بقي ما تروح تنام سيف: اخرت خدمه الغز علقه…دلوقتي روح طيب انتو بره في المطار ما انتوش في اوضه يعني انا مش طابق علي انفاس حد ليلي اتكسفت وبصت للارض ادهم: انا بس عايزك تروح ترتاح..غلطان انا؟؟ سيف: اروح ارتاح قلتلي..ماشي سلام سلم عليهم ومشي وبعد مامشي ادهم مع ليلي واخدين جنب وراح باسها بوسه طويله ليلي: انت عملت كده ليه؟؟ ادهم: كنت عايز اعمل كده فعملت ليلي: والناس ادهم: محدش له عندنا حاجه وبعدين مراتي وابوسها وقت ما يعجبني باسها تاني سيف: هو بقي ده اللون تصدق حلو الاتنين بصو لسيف اللي كان وراهم وصورهم صوره مع بعض وهما بيبصوله ادهم: انت واقف من امتي سيف: كنت عارف انك لازم هتبوسها واللون هيظهر فقلت استني ادهم: قلت تستني طيب تعال هنا بقي انت اللي جيبته لنفسك طلعو يجروا وري بعض زي المجانين وليلي بتضحك عليهم بعدين وقفوا وسلموا علي بعض جامد سيف: مبروك يا صاحبي ادهم: عقبالك …علي فكره الموضوع يستاهل اتكل علي الله وجرب سيف ابتسم: انت شايف كده يعني يستاهل اني اضحي بحريتي ادهم: يستاهل انك تبدأ حياتك ..يستاهل يا سيف سيف ضمه جامد وقبل ما يمشي ادهم: سيف استني سيف: خير ايه؟؟ ادهم: روح رجع كريم لابوه وقول لاحمد ما هنتش عليه ليلي ابتسمت وسيف كمان سيف: ياريت الناس كلها تبقي زيك ادهم: مش هستفاد حاجه ..وبعدين انا مبسوط وعايز الناس كلها مبسوطه حتي احمد كمان..وقول لعبير تسامحه وترجعله كفايه كده عليه سيف: حاضر هعمل خاطبه تاني وارجعهم لبعض ادهم: وانت كنت خاطبه اولاني؟؟؟ سيف: ليلي تبقي تحكيلك يالا سلام بقي اخد صاحبه في حض*نه جامد ادهم: انا متشكر قوي يا سيف علي كل حاجه عملتها معايا سيف: وانا متشكر لمجرد انك انت صاحبي ابتسموا لبعض واخد عروسته ومشي واخيرا ركبوا الطياره وبدأت رحله العمر تمت

مقالات ذات صلة

رواية شيماء ج1

اول مرة شوفته بعد 11سنة

ليلي 1

ولادي

ست الشيخة ج ٢

في أول يوم ليا كمديرة تنفيذية

اترك تعليقاً إلغاء الرد