احبته من11-13

الفصل الحادى عشر

جلست منى تستذكر دروسها فى الصباح بينما جلست فرحة معها تقرأ وردها اليومى بصوت عذب و عندما انتهت منه وجدت منى تنظر لها مبتسمة

فرحة باستغراب بتبصيلى كده ليه يا بت انتى

منى بابتسامة ما شاء الله صوتك حلو اوى يا فرحة و انتى بتقرى قران

فرحة بابتسامة ربنا يخليكى يا مونى و يوفقك و تنجحى بقه خلينا نخلص منك

منى بضحكة يارب يا اختى يارب

منى بتردد ادهم رايح يخطب حياة رسمى النهاردة على فكرة

اطل الحزن من عيون فرحة و قالت بابتسامة ربنا يبارك لهم يارب

نهضت منى من مكانها و احتضنت فرحة قائلة بتأثر على فكرة انا كنت حاسة من زمان

فرحة بخضة حاسة بايه

نظرت لها منى قائلة انك بتحبى ادهم

نظرت لها فرحة بصدمة محدثة نفسها هو انا كان باين عليا اوى كده

ثم استدركت قائلة بمرح مصطنع انتى بتقولى ايه يا بنتى الظاهر المذاكرة اثرت على دماغك

منى بحزن من اجلها ما تمثليش يا فرحة انا عارفة انك بتحبى ادهم من و احنا صغيرين بس ماما مكنتش بتديكى فرصة انك تقربى منه

ترقرت الدموع فى عيون فرحة و لم تجيب

فاكملت منى قائلة و حتى لما ماما بدأت تعاملك احسن و كان فيه فرصة هو اختار حياة

لم تستطع فرحة التحمل اكثر فانفجرت باكية بشدة

احتضنتها منى قائلة بحزن عيطى يا فرحة و طلعى كل اللى جواكى عشان تنسيه و تبدأى حياتك من اول و جديد و ان شاء الله تلاقى حب جديد انتى طول عمرك بتخففى عنى كل حاجة و بتنصحينى و انا جه عليا الدور و لازم اقف جنبك و اقولك ادهم صحيح اخويا بس انتى كمان اختى و معزتك كبيرة اوى فوق ما تتخيلى فنصيحتى لازم تعيشى حياتك يا فرحة و انسيه

فرحة و هى ما زالت تبكى على فكرة كنت محتاجة حد يكلمنى فى الموضوع ده عشان اقدر انسى و اعيط و طلع كل مشاعرى اللى كنت دافناها دايما

منى بابتسامة انا جنبك و لازم من هنا و رايح تحكيلى كل حاجة عشان نساعد بعض

مسحت فرحة دوعها قائلة بامتنان ربنا يخليكى ليا على فكرة انا اتعرفت على واحدة جديد و عايزة اعرفك عليها

منى بفرح بجد مين دى و عرفتيها فين و امته و ازاى اعترفى احسنلك

ضحكت فرحة رغما عنها و قالت ايه يا بنتى هو انا باقولك اتعرفت على واحد دى بنت واحدة زينا يعنى بس متجوزة

منى بتفكير امممممم زميلتك فى الشغل صح

فرحة لأ بس جوزها هو اللى بيشتغل معانا و كانت جاية تزوره و اتعرفت عليها و من ساعتها و هى معتبرانى صاحبتها و بتتصل دايما تشكيلى اى حاجة زعلانة منها