ملوكتي ج1
الحلقة الاولى
فى صباح يوم جديد وفى غرفه تدل على البساطه يصحى بطلنا ادهم على صوت تليفونه اللعين
ادهم:اوووووف بقى مش راضى يفصل ليه
وردة:ادهم يلا ياادهم المنبه ض.رب من بدرى
ادهم:عايزة ايه على الصبح
ور ليك
ادهم:طيب اطلعى بره الاوضة
وردة:طيب اصحى بقى على مااوضب الفطار
ادهم:ماشى
ادهم بطالنا عنده٢٥سنه السنادى اخر سنه ليه فى اداب طبعا بيعيد ادهم شاب رياضى وجسمه رياضى عيونه بنى فاتح وشعره طويل لونه بنى فاتح وبشرته بيضاه
وردة اخت ادهم الكبيرة متجوزة ومخلفه عندها مروان عنده٦سنين
ادهم مامته وباباه ماتوا فى حادثة وهو بقى مسئول على ورده اخته الكبيرة واخوه الصغير امير
امير عنده١٧سنه فى ٢ثانوى عيونه سمرا وبشرته قمحى وشعره بنى وبيحب ادهم جدااااااا
وردة:امير شوف ادهم صحى ولا لا
ادهم:انا جيت اهو صباح الخير
وردة وامير:صباح النور
ادهم:انتى يابنتى مش هتقعدى فى بيتك بقى شوية
وردة:واسيبكوا لمين ودى اخر سنه ليك فى الكلية واخوك كمان عايز حد فاضيلو
امير:مالكيش دعوة بأخوه
ادهم:بس يااض وانت عاوز تصيع كده
امير:روحى بيتك والنبى
وردة:انت بتكرشنى ياجزمه
امير:بصراحه اه انتى اما بتقعدى هنا بتقرفينى علشان المذاكرة
ادهم:علشان جوزك ياوردة
وردة:مالكوش دعوة وافطروا يلا علشان كليتك وانت مدرستك
ادهم:ماشى اومال فين مروان؟
مروان:انا اهو
امير:ايه ده كلب البحر جه
مروان:خالو ادهم امير بيشتمنى
امير:اشمعنا ده خالو وانا لا ده هما٨سنين فرق بس
ادهم:هيبتك ضاعت ياامير
وردة:يلا يامروان علشان تفطر وتروح الحضانه
ادهم:انا هوديه فى سكتى
وردة:طيب تحبوا تتغدوا ايه
ادهم:لا انا هاجى متاخر شوفى امير
امير:وانا صايع يعنى بالبلدى كده روحى لجوزك احسن
ادهم:امير معاه حق روحى لجوزك بجد ولو احتجناكى هنكلمك
وردة:متأكدين؟
ادهم وامير:اه
ادهم:يلا يامروان علشان نمشى يلا سلام
امير ووردة:سلام
امير:وردة عايزك فى موضوع كويس ان ادهم نزل
وردة:خير
امير:بصى من الاخر كده ملك كلمتنى انبارح
وردة:ملك تانى
امير:بتقول انها ندمانه وعايزة ترجع لادهم
وردة:طيب مش قولتله ليه؟
امير:لا طبعا انا مش هقوله قوليله انتى
وردة:بتدبسنى يعنى
امير:بالظبط كده انا نازل علشان اتاخرت ارجع مالقكيش هنا مفهوم
وردة:امشى يالا
فى الطريق
مروان:خالو ادهم هى ملك راحت فين؟
ادهم سرح مع نفسه فى ملك
