ليلي 3الاخير
اجابتها سارة بحب:
-احنا اسعد اشوفك قريب باي.
-اكيد باي.
ذهبت ثريا وخلفها عماد، توقف عدة ثوان امام فارس يستفز مشاعره وهو يبتسم دلالة على انتصاره برفقة ثريا، عندما اوشك فارس أن يتقدم نحوه ويتشابك معه، امسكت بزراعه نايا وقالت:
-اهدى يا فارس ارجوك الناس حوالينا.
تحدث فارس بانفعال وغ*ضب إلى سارة وقال:
-ليه ماقولتليش انها ثريا اللي هتغني؟
كان لازم تعرفيني يا سارة.
نظرت سارة باستغراب لطريقة كلامه وانفعاله وقالت:
-انا اسفة مكنتش اعرف انك هاتتدايق من وجودها كده.
-انا مش مدايق من وجودها انااا.
توقف عن الحديث واعتذر منهم وذهب خلف ثريا، لا يمكنه الانتظار حتى يتحدث إليها، وقفت سارة مزعوجة من حديث فارس فقالت لها نايا:
-معلش يا سارة م*اتزعليش، فارس مدايق؛ لأن هو وثريا كانوا بيحبوا بعض وانفصلو من فترة، تقريبا دي اول مرة يتقابلوا من وقتها وانتي السبب؛ علشان كده هو مدايق.
-بس انا معرفش حاجة زي دي، يعني اكيد لو كنت اعرف مكنتش كلمتها او دايقته بده.
-مش مشكلة حصل خير هو شوية وهايهدى م*اتقلقيش.
انتاب سارة الحزن على حالة فارس وما حدث بسببها، ظنت انها تسببت له في جـ,ـرح جديد، ذهبت سارة تبحث عنه فوجدته متجهاً إلى سيارة ثريا.
نادى ثريا وركض خلفها يمسك بزراعها:
-ثريا ممكن نتكلم شوية لو سمحتي؟
وقف عماد ليرد عنها فقال:
-ثريا مش فاضية.
اقبل عليه فارس ليتشابك معه قائلاً:
-وانا مال اهلك بتتدخل ليه؟
وقفت ثريا بينهم وعلا صوتها وقالت:
-خلاص كفاية، عماد من فضلك امشي انا كمان عايزة اتكلم مع فارس شوية.
-تمام يا ثريا اللي تشوفيه سلام.
صعد عماد بالسيارة وذهب مسرعاً، بينما كانت سارة تقف خلف الحائط تترقبهما، وقفت ثريا ونظرت إليه بضيق وقالت:
-اتفضل سمعاك عايز تقول ايه؟
-طمنيني عنك الاول انتي كويسة؟
رفعت ثريا يديها وضر*بت على جانبيها برفق تسخر من سؤاله، ترى كيف ستكون وهي بعيدة عنه:
-انت شايف ايه، اكيد طبعا كويسة.
-انا عايز افهمك اني.
بترت حديثه بلا مبالاة:
-مش محتاجة افهم يا فارس، انا فهمت اللي كان لازم افهمه من زمان، انت كمان مش مجبر تبررلي، بعد اذنك.
عندما إدارته ظهرها إليه وبعدين خطوتين قال لها:
-يعني انا كمان فهمت كده سبب وجود عماد معاكي ومش محتاج انك تبرريلي؟
توقف بانفعال وعادت إليه غاضبة:
-انت بتقول ايه، عماد ده مدير اعمالي وبس لكن الدور والباقي على نايا، نايا اللي كنت فاكراها صحبتي، واللي وجودها معاك مالوش اي مبرر غير.
