حكاية من 6-10

بسم الله الرحمن الرحيم الفصل السادس مع ان أحمد و رقية كانوا سعداء مع بعض ٱلا أن أحمد كان قلق لعدم حدوث حمل فذهب للطبيب بمفردة حتي لا يجرح حبيبتة و عمل كل التحاليل الطبية اللازمة و أظهرت النتائج أنة سليم فخبأ عن رقية و ذهب لآخر للتاكيد و أيضا قال نفس الكلام . رقية قلقت و فاتحت أحمد أنها تريد الذهاب لطبيب ليعرف سبب تأخر الحمل فقد تعبت من الوحدة لإنشغال أحمد بالمستشفى نهارا و أحيانا ليلا في عمليات بالخارج فهي تريد طفل تقضي معاة وقت و يعوضها عن حبيبها . احمد : لسة بدري ماكملناش سنة نستني لما سنة تعدي و ممكن أدور لك عن شغل قريب مني و يكون مناسب بس مرتبك ليك تعملي فية إلي عاوزاة . هو كان خائف أن يكون العيب بها و أقتنع أنها كافية لة و أنة لا يريد غيرها من الدنيا لا يريد جرحها لآنة يعتبرها روحة و قلبة و كل عائلته و فعلا إستطاع العثور لها علي وظيفة في مكتب ترجمة بجانب الجامعة لتشتغل بترجمة رسائل الماجستير و الدكتوراه و هذا كان مناسب لها لأنها أحياناً تاخد شغل في البيت تعملة و ترجعة و بعد قليل أصبحت تذهب يومين فقط في الأسبوع مع أحمد و ترجع معة و باقي الأيام في البيت لكن هذين اليومين هما أحلي و أجمل يومين لأنها تكون مع زوجها و حبيبها و قريبة منة حيث تقضي معة البريك و يتغدوا مع بعضها كما أنهم يتعشوا في أي معطم سواء بسندوتشات فول و طعمية من البغل أو كبدة أو ايس كريم من الصياد . الأيام كانت بتعدي في سعادة و فرح إلى أن فاقت علي جارتها تقول لها في يوم : ٱنتوا لية مخلفتوش لغاية دلوقتي بقالكوا أكتر من سنة و نصف هو ٱنتوا مش عاوزين عيال ؟ إتصدمت لأنها حست بتأنيب الضمير لأنها تعرف أن أحمد نفسة في طفل لكن لا يقول متأكدة أنة يراعي مشاعرها و يحبها فأكيد خايف عليها قررت تذهب للطبيب و تعرف السبب في التأخر و فعلا ذهبت و عملت هي أيضا تحاليل و النتيجة إنها من الممكن أن تحمل فقررت مواجهة أحمد لحل تلك المشكلة و إنتظرت يوم إجازة أحمد كي يكون هناك وقت لمناقشتة و فعلا يوم الإجازة رقية :عاوزة أتكلم معاك في موضوع ضروري و عاوزك تسمعني . أحمد :من غير مقدمات ٱتكلمي علي طول ووما تقلقنيش. رقية : حبيبي أنا عملت حاجة من وارك بس والله علشان بحبك و عاوزاك سعيد. أحمد : أصري وهاتي من الآخر . رقية : أنا روحت للدكتورة علشان الحمل يا أحمد أنا عارفة إنك انك عاوز عيال كتير يكونوا أهلك و عزوتك بعد وحدتك طول عمرك ( بتتكلم و هي بتعيط و جسمها بيترعش و وشها كلة حب و خوف ) أنا يا أحمد عاوزة أسعدك إنت كمان كل أهلي و عاوزة برضوا نكون عيلة و هتكون أحن أب زي ما إنت أحن و أحسن زوج . أحمد :قطع كلامها أنا دلوقتي مش عاوز غيرك إنت و بس ما يهمنيش عيال إلا منك و مش عاوز حاجة تاني . رقية :لحظة يعني إية مش عاوز عيال غير مني هو إنت كشفت إنت كمان ؟ أحمد : إتوتر وقال أقصد يعني لو ربنا أراد ,دي حاجات بتاعت ربنا ولأنك متوترة و بتعيطي كدة يبقي الزفتة الي روحتي لها قالت حاجة زعلتك . رقية : لا قالت إني كويسة و عملت تحاليل و كلة كويس . هنا أحمد ضم رقية لصدرة جامد وقال : الحمد لله طب لية زعلانة بقي ؟ رقية :علشان لو فية حاجة نعالجها لو مفيش فخلاص يبقي عملنا إلي علينا وأنا أكتفي بيك أبويا و إبني و زوجي و واخويا . احمد :بس كدة فاضل أهم حاجة ! رقية : إلي هي إية؟ أحمد :حبيبك . رقية :ماشي يا أحمد لازم نروح إحنا الإثنين من فضلك علشان العمر ما يمرش و نندم بعدين . أحمد : علي فكرة أنا كمان روحت لدكتور و كويس مفيش مشكلة خالص و من زمان بس خفت أجرحك علشان كدة قولت إلخمك في شغل و تنسي الموضوع دة . رقية :ياااة يا أحمد يعني أنت مفيش مشكلة وأنا كمان أعتقد الباقي ممكن يكون سهل لو روحنا مع بعض و بعدين يا أحمد إنت كشفت من زمان و خبيت عليا أنا . أحمد : ما إنت برضوا خبيتي روحتي من ورايا . رقية :صح بس أنا مقدرتش أخبي عليك أسبوع وقلت . أحمد :كنت خايف عليك لا يكون فية مشكلة عندك. رقية :ولو فية يا أحمد نحلها مع بعض ونصبر علي بعض وناخد بإيد بعض . أحمد : خلاص سمااااح مش هنخبي علي بعض بكرة هاخدك ونروح لدكتور كويس إحنا الإثنين وبالفعل راحوا هم الإثنين و تابعوا مع دكتور و أخدوا معاهم تحاليلهم و عملوا تحاليل جديد و الدكتور قال أن مفيش أي مانع عندهم و إن دي إرادة الله و فية ناس كتير بتتاخر لسبب لا يعلمة الا الله بس أعطاهم شوية أدوية محفزة و شوية نصائح يتبعوها . أحمد : أكيد ربنا لة حكمة في كدة مين عارف يمكن علشان نستمتع ببعض شوية من غير دوشة العيال خالي إيمانك بربنا كبير . رقية :مش زعلانة يا أحمد ما دام بنسعي و نعمل إلي علينا فأنا راضية. و إستمرت الحياة بيهم و بعد تقريبا شهرين و في رمضان كان علي طول في صلاة أحمد ورقيةلهم دعوة واحدة أن ربنا يرزقهم بالذرية الصالحة التي تفرح قلوبهم و يمن عليهم بها رقية كانت بتساعد أطفال كتير في القرية في اللغة الإنجليزية من غير مقابل و أحمد كان بيحاول يعمل حاجات كتير لله و صدقة للفقراء . في يوم قبل العيد الكبير رقية داخت و وقعت في الأرض و هي رايحة تسخن الأكل لأحمد أحمد جري عليها شلها وكان مخضوض عليها حطها علي السرير و جاب كولونيا يفوقها بها و أول ما فاقت قالت : إية دة يا أحمد إية الريحة الوحشة دي أبعدها لو سمحت مش قادرة أشمها . أحمد جاب جهاز الضعظ و قاس ضغطها و كان منخفض جدا أحمد : إنت ما أكلتيش النهاردة و لا إية ضغطك واطي قوي لية كدة . رقية : مش عارفة يا أحمد مش طايفة ريحة أي أكل ومش عارفة مالي . أحمد :ممكن تكوني حامل ؟ رقية : إية الهزار البايخ دة . أحمد :مش هزار مش طايقة ريحة الأكل ولا الكولونيا و دوخة و ضغط واطي عاوزة إية تاني ؟ رقية عينها وسعت و بتفكر و بعدين قالت :أنا جايبة إختبار حمل هنا هروح أشوف. و فعلا دخلت الحمام و قعدت شوية فية و طلعت و هي مزبهلة كان أحمد علي الباب قلبة هيخرج من صدرة من القلق و التوتر أخذتة بالحضن و هي بتقول :الحمد لله يا أحمد الحمد لله ربنا إستجاب أنا فرحانة قوي . أحمد شالها من علي الأرض ولف بيها و هو بقول الحمد لله يا حبيبتي هيبقي لينا ولد أو بنت ياااة يا ما إنت كريم يارب و بعدين حطها علي كرسي وسجد لله . وقال النهاردة أسعد يوم في حياتي بعد يوم جوازي منك طبعا (وعطها قبلة علي الجبين بكل الحب والرقة اللي جواه ليها ) أنا شبعت خلاص . رقية :لا إنت فطرت بس ولازم تأكل حاجة . أحمد :خلاص هسخن أنا و نأكل مع بعض مش معقول نجوع النونو من الأول كدة و بعدين نصلي ركعتين شكر دة جاي بعد شوقة . رقية : لا إنت تعبان أنا هسخن أنا , فية حوامل كتير و بيعملوا شغل البيت عادي . أحمد : ايوة بس دول مش روقة حبيبة قلبي و بعدين إنت أصلا مش طايقة ريحة الاكل انا اللي هسخن لروووقة وإلي في بطن روقة ماشي . رقية :ربنا ما يحرمنا منك. أحمد سخن الاكل وأكل و هو مبسوط قوي و أكل رقية ونبه عليها ما تقولش لحد لغاية الحمل ما يثبت وتاني يوم أخدها معاة المستشفي علشان يطمن وتتابع مع دكتورة هناك و إتفقت معاة أنها تشتغل لغاية الخامس و بعدها تسيب الشغل علشان ما تتعبش و دة بعد محايلة منها كتييير قوي خصوصاً إنها بتروح يومين بس كانوا مبسوطين جدا أن ربنا رضاهم و إتفقوا لو ولد رقية هي الي تسمية ولو بنت هو يسميها بس في الآخر هما الإثنين يوفقوا علي الإسم مرت الشهور الأولي بسلام . رقية : أحمد بجد نفسك بعد العطلة دى في ولد ولا بنت . أحمد بضحك : عطلة إية ؟ رقية: يعني كنا داخلين علي ثلث سنين من غير حمل . تلاقيك عاوز تؤام ماهو مش إنت اللي هتتعب . أحمد يذهول : انا! انا! مش هتعب دة إنت هرمونات الحمل عندك مطلعة عيني وعين الجيران يا شيخة مش عارف أراضيك إزاي ؟ رقية بنرفزة : أنا يا أحمد مطلعة عينك ؟ أحمد : والله علي قلبي زي العسل ، يخربيتك يا لساني هتقلبها ليلة سودا . رقية : أحمد انت هتنام النهاردة في المضيفة . احمد : لية طيب دة أنا كويس وطيب والله ؟ رقية : مزاجي كدة . احمد : اية الظلم دة هرموناتك بتاعتك , انا ذنب أمي إية ؟ في سرة ( يا رب النور يأطع عليك بالليل يا قادرة ) رقية : و هرموناتي دي مين إلي خلاها تشتغل ولا أنا جايبة النونو دة لوحدي مش كافية بقي شكلي بشع وأنفي كبر . أحمد : إسمها مناخيري يا روحي وآة أنا سبب تغير هرموناتك (وبصوت حنون ) نفسي في بنت يا رووقة إنت نفسك في إية يا حبيبتي ؟ رقية : إية دة ما غيرتش رايك لسة عاوز بنت ؟ أحمد : اللي أمها روقة هتبقي أحلي بنت خلقا وخلوقا إية دة أنا لساني إتعوج بقيت بتكلم بنحوي . رقية :من عاشر القوم أنا كمان بقيت شاطرة في العامية مع إني بحب اللغة العربية المهم أنا كمان نفسي في بنت لأن البنات حجم الجمجمة بيكون أقل من الولاد فالولادة تكون أسهل شوية ( بعييط ) أنا خايفة من الولادة يا احمد . أحمد : إية يا شيخة إإية يا شيخة ما صدقت مزاجك يتعدل تقومي تعيطي إنت لسة في الثالث إحنا هنفضل كدة كمان للتاسع ؟ رقية بدلع :الله وانا مالي يا لمبي إبنك بيغير مودي كل شوية . أحمد : وربنا لو ولد لاربية علي إلي بيعملوا فينا دة أما لو بنت مش هعمل حاجة خاااااالص . عرفوا جنس المولود بعد الشهر الخامس لأنها كانت مقعدة و مش باين جنس المولود . أحمد لما عرف جنس البيبي نط من علي الكرسي و قال: أنا إللي هسمي طلعت بنت الحمد لله . رقية : أحمد إنت مش زعلان أدإنها بنت بجد . أحمد نتكلم في البيت يا رووقة . في البيت احمد : إحنا متزوجين من سنتين و11 شهر إنت حملتي بعد سنتين ونصف بس يا رقيةانا قولت عاوز أولاد و بنات من الأول مش مهم مين الأول المهم أن ربنا رزقنا و يمكن دي تكون بابي للجنة الرسول علية الصلاة والسلام رزق بالبنات الأول و كان مسمي ستنا فاطمة أم أبيها لحنيتها علية و حبها الشديد لية كون أن ربنا رضنا فدة كفاية جدا بالنسبة ليا و أكيد مش زعلان نفسي في بنت شبهك و هسميها نهر . رقية :نهر إسم غريب ! أحمد :بس حلو إحنا كان بنا نهر إشتياق وبعدين نهر حب و إن شاء الله مع نهر هيكون نهر خير أنا فرحان بك و بيها أنا بفكر بس إزاي أراعيكم و أكون سند ليكم و علشان خاطري إفرحي و ما تفكريش في ولد أو بنت دلوقتي مش كان نفسك في بنت يا بنتي . رقية : أيوة بس لما فكرت لاقيت إنك محتاج ولد يكون جنبك في الحياة بص أنا فرحانة أي حاجة تفرحك هتفرحني ربنا يرزقنا بنهر بصحة و خير . أحمد : بتقلبي في ثانية . رقية : بتقول حاجة حبيبي ؟ أحمد :ربنا يقومك بالسلامة يا أحلي ماما أنا كل الناس يحسدوني عليك أصلا إنت جمال و أخلاق و حنية بشوف نظرات الناس ليك و ببقي عاوز أخبيك من الدنيا كلها أومال! هي تشرف بالسلامة ست نهر و شوفي هعمل إية وخبئها في حضنة فترة و بعد قليل نامت علي صدرة و هو بيشكر ربنا علي هديتة و حب مراتة لية في الآخر إستسلم ونام . يا تري الأيام مخبية إية لعصفورين الكناريا دول هنشوف ونكمل الفصل الجاي الفصل السابع ولادة نهر (7) مرت الأيام وأحمد ورقية سعدا بالحمل و أحمد معاها علي طول في المتابعة و بيقدر يحتوي رقية كويس و خصوصا أوقات عصبيتها و تعبها كل يوم بعد الشغل يقعد يكلمها و يكلم البيبي في بطنها و يساعدها و بيخفف عنها يعملها مساج و في آخر شهرين ياخدها يتمشوا في الغيطان , أصبح محبوب من القرية كلها لانة يراعي الكل و يعطي إبر للمرضي في بيوتهم و خصوصا الفقرا من غير مقابل فكان كتيرا منهم يعزموا عليهم لياكلوا معاهم في الغيطان ذرة مشوي ـأو فول حيراتي أو شاي علي الحطب أحمد كان حنين علي رقية في كل الأوقات و رغم من تعبة طول النهار إلا أنة كان دائما يقول لها أنة سعيد بوجودها في حياتة و سعيد بقرب و جود نهر رقية شالت تماما فكرة البحث عن أهلها و إقتنعت أن وجود أحمد في حياتها أجمل صدفة لأن إن لم تكن فقدت الذاكرة لما تزوجتة و قد عوضها عن الاب و الاخ و العم و الخال الحياة رغم إمكانيتهم البسيطة إلا إنهم كانوا أسعد زوجين . دائما رقية تودع أحمد بإبتسامة و تستودعة لربها , أحمد علمها تقرا أذكار و حسن العربي في نطق بعض الحروف و هي علمت أحمد بعض من اللغة الانجليزية . في يوم أحمد نايم قام مخضوض من عياط رقية و هي بتقول : احغمد أنا تعبانة قوي خبط في ظهري و بطني جامد . أحمد إتعدل :مالك ؟ رقية : هم*و*ت يا أحمد . أحمد : بعد الشر عليك يا عمري بس طبيعي التعب في الشهر التاسع كل شوية ما تقلقيش شوية و هيروح . رقية : أيوة كل شوية بيجي تعب و يروح أنا عارفة دة بس النوبة دي الوضع مختلف الوجع أشد أحمد الحقني. أحمد بيطبب علي رأسها : أهدي حبيبتي و إنت يا بت يا نهر بطلي تتعبي أمك ممكن توصفلي التعب إزاي هنا رقية صوتت: أحاااااااامدددد أنا مش قادرةهم*و*ت في حاجة نزلت مني أحمد شال العطا بسرعة ولقي مية مالية السرير أحمد يا نهاااار هو إنت بتتوجعي من بدري ؟ رقية :كنت فكراة تعب عادي و قلت هيروح بس ماكنتش عارفة أنها ولادة . أحمد :دي ماية الولادة أنا عندي هنا جايب كل مستلزمات الولادة و كل الحقن أنا هتصل بالدكتورة نروح لها حالا . رقية :مش قادرة يا أحمد هي ممكن تيجي . أحمد :أنا ممكن أروح أجبها هي بيتها في المحلة هروح وأحبها ؟ رقية : لأ ما تشبنيش . أحمد :اتصل بالدكتورة إلي قالت إنها في القاهرة بتحضر فرح هناك و كان معها علي التلفون بتقول لة يعمل إية بالضبط علشان يولد مراتة . أحمد أول مرة يحس أنة عاجز حضر عديد من حالات الولادة مع دكاترة في الفترات الأخيرة طبيعي و قيصري لانة كان خايف يتحط في الموقف دة بس ماكنش متخيل أبدا أنة ممكن يكون لوحدة كان يحضر ولادات كي يكون مع الدكتورة وقت ولادة زوجتة مع تعب رقية و صراختها و إصرارها أن لا يتركها نادي علي جارتهم تكون معاة أول مرة يرتعتش بالشكل دة كان بيم*و*ت حرفيا مع كل صرخة من رقية كل دقيقة بتمر كأنها ساعة مش عارف يعمل إية سخن ماية و ادي لرقية حقن لتسريع الولادة وحقنة تخدير موضعي في ظهرها وهو عارف ان الحنقة دي لازم طبيب تخدير لكن ما كنش متحمل وجع رقية كان يقرا قران و دموعة لا تتوقف . أم إبراهيم جارتهم : إية أجمد كدة أومال لو ما كنتش بتشوف أصعب من كدة في المستشفي . أحمد :الناس كلها كوم و رقية عندي كوم تاني أدعي لها الله يخليك و ساعديني . أم إبراهيم :هو فية رجالة بتحس بالستات كدة ربنا يقومها بالسلامة . بعد حوالي ساعة ولدت بنت لها شعر بني فاتح و عيون بني فاتح و بشرتها كريمية ليست كأمها لكن جميلة خطفت قلب أحمد الذي وقع مغمي علية أول ما مسكها بأدية لكن أم إبراهيم مسكت البت بسرعة و أخدتها منة و نشفتها بفوطة و لفتها , ثم فوقت أحمد بالماء علي وجهة و هي تقول : إية دة إية الرجالة دي, مالك زعلت علشان بنت ولا إية ؟ أحمد بيحاول يستوعب هو فين ثم تذكر نظر لرقية و لمح دمعة جري عليها : حبيبتي إنت كويسة بخير مالك ؟ رقية : إحنا كنا عارفين إنها بنت إنت زعلت فعلاً ؟ احمد : أنا وقعت من طولي من كتير التوتر و الخوف عليك بس , أول ما شوفت نهر أعصابي ما أقدرتش تتحمل السعادة إلي أنا فيها الظاهر أن في حد هينافسك في حبي لك ما شاء الله حلوة قوي و صغنونة . نظر لأم إبراهيم و قال : إن أصلا كان نفسي في بنت علشان بم*و*ت في أمها كان نفسي تشبهها في كل حاجة بس هي تشبهنا إحنا الإثنين أنا هاذن لها الأول و بعدين هحميها انغت خدي بالك من رقية . رقية :عاوزة أشوفها الأول يا أحمد . أحمد :عيون أحمد اتفضلي. رقية نظرت لها كثيرا و قالت : كل التعب دة علشان اللي قد الكف دي . أحمد بحب باس رأس رقية :حمد الله علي سلامتك يا عمري وحمد الله عل سلامة نهر ,أنا هضبطها وأرجع بسرعة ليك. أحمد كان سعيد قوي إذن لها و شطفها و بعدها ملئ البانيو ماية دافية و وضع فيها مطهرات و خرج نظر لأم إبراهيم: لو سمحتي معلش خالي بالك من البنت و حمل رقية للحمام و ساعدها و وضعها ببطء في البانيو و قال: شوية صغيرة و جاي ذهب سريعا غير المرتبة بالكامل و وضع ملاية جديدة و نظف المكان بسرعة مع نظرات تعجب من أم إبراهيم أم إبراهيم:هو إنت مبسوط بجد ؟ أحمد : طبعا أيوة كنت من شوية حاسس إن مراتي ممكن تروح مني بس الحمد لله ربنا لطف بيا و حفظها ليا و كمان رزقني باحلي بنت إية إلي يخليني مبقاش مبسوط ؟ أم إبراهيم :هنا الرجالة بيزعلوا لما يخلقوا بنت . أحمد :بكرة تشوفي البنت دي هتكون بميت راجل إن شاء الله أعلمها و أربيها كويس وبعدين أنا عندي الولاد و البنات واحد قبل ما أعرف رقية اة كنت عاوز أجيب ولاد كتير بس بعد ما حبيتها حبيت يكون ليا بنت بحنيتها و ذكاءها عن إذنك أروح لرقية معلش أومناك من نومك و عطلناك . ذهب لرقية و أخد معاه غيار وأصر أن يساعدها في اللبس رغم إحراج رقية و كسوفها إلي أنة ضمها لية وقال:حبيتي أنا جوزك و إنت في وقت ضعف و مش هسمح لحد يساعدك و يكون جنبك غيري ماشي . رقية :ربنا يخليك لينا وماننحرمش منك تصدق و أنا بولد كنت خائفة عليك أكتر من نفسي وشك كان أصفر من الخوف وكل جسمك بيترعش . أحمد :أيوة كنت خايف أخسرك بس لما قرأت قران هديت شوية . يلاة بنتك أصلية نزلت علي إيد أبوها والحمد لله الولادة البكرية بتعد كتير قوي ممكن 12 ساعة بس البت طلعت حسيسة و ما طولتش رقية: ما طولتيش أنا من العصر بتوجع . أحمد : معلش يلا علشان أم إبراهيم برة ممكن تاكل البت . أحمد حمل رقية و طلع بيها من الحمام و ذهب غرفة النوم و وضعها علي السرير ببطء . احمد : شكرا يا ست أم إبراهيم . أم إبراهيم :العفو يا إبني صحيح مش هتقول لأهلها علشان يفرحوا و يجوا يخدموها أحمد : أنا أخدم مراتي بعيوني هاخد إجازة و أقعد معاها أنا ماخدتش إجازة من زمان أم إبراهيم :وأهلها وأهلك . أحمد : ما تشغليش بالك . أم إبراهيم : أصل ما شوفناش حد من أهلكم من يوم ما جيتوا هنا . أحمد : معلش يا أم إبراهيم مش وقتة شكرا جدا لتعبك معانا و نتعب ليك في فرح أولادك إن شاء الله عطلناك سمحينا وأخد نهر من أم إبراهيم و حطها في إيد رقية أنا هوصلك لبيتك و أشكر أبو إبراهيم أم إبراهيم : لو جيت هو إللي هيشكرك ما تقلقش علية . أحمد إبتسم و رقية كتمت الضحكة . أحمد : لا ازاي إنت الخير و البركة إتفضلي أوصلك و ذهب أحمد معاها خبط علي الباب و بعد فترة فتح أبو إبراهيم و نظر لهم و قال :اية يا احمد يا بني مراتك ولدت و لا لسة ؟ أحمد : الحمد لله ربنا رزقنا بنهر و ماتاخذنيش إني أخت أم إبراهيم . أبو إبراهيم :لأ إزاي يا بني الجار للجار و نظر لزوجتة : إية يا ولية مش كنتي تباتي مع البنية برضو لوحدها و الراجل مش هيعرف يعمل لها حاجة روحي باتي معاها . أحمد :لأ لأ شكرا لحد كدة كتر خيركم أنا بحب أخدم مراتي زي ما هي طول الوقت بتخدمني كتر خيركم شكرا . أم إبراهيم : مش قولت لك أهو ما صدق أغور وعاوز يوزعني . أحمد :لا إزاي هو يقدر يستعني عنك يا ست الكل , السلام عليكم علشان سايب رقية لوحدها وقبل ما أي حد يتكلم جري بسرعة علي بيتة يشوف مراتة . أم إبراهيم : وسع كدة من علي الباب خليني أدخل . أبو إبراهيم :يا ولية الراجل لوحدة مش هيعرف يتصرف يا معدومة الإنسانية محدش معاهم. أم إبراهيم : لا يا خويا هيعرف يتصرف هو إلي ولدها أنا ساعدتة بحاجات بسيطة و هو إلي حمي بنتة و شال مراتة للحمام وجبها أوعي خاليني أدخل , أهي دي الرجالة ولا بلاش أنا كنت خائفة علية أكتر من مراتة من قلقة علي تعبها و رعشتة و خوفة عليها . أبو إبراهيم :وهو بيقفل الباب يعني مش هتروحي تباتي معاها . ام إبراهيم :لا علشان مزعلش علي نفسي أكتر . أبو إبراهيم : يا ولية واحد متجوز ملاك عاوزة ما يخافش عليها دة مش بيطلع لها صوت دي ولدت و ما سمعنلهاش صوت مش إنتوا إللي صواتكم بيصحي البلد كلها . ام إبراهيم : بقولك إية إحنا كنا وصلنا لأية في خنقنا قبل ما أحمد ينده عليا ؟ أبو إبراهيم : أنا طالع أنام علي السطح . أم إبراهيم : مع السلامة رجالة هم . عند أحمد فتح الباب ببطء ليري رقية حاضنة نهر و تقبلها بإستمتاع ثم نظرت الية : عملت اية ؟ أحمد : الراجل ماكنش عاوز يدخل مراتة ووقال إية خليها تبات عندكم النهاردة . رقية بضحك: لية كدة ؟ أحمد :لما كنت بنادي أجيبها كانوا تقريبا بيتخانقوا . رقية :طب يا أحمد كنت خاليها تبات هنا . احمد : لا يا ست الناس هنا في الأرياف قليلين في العدد وكلة بيدخل في حيات كلة و الناس لو إدخلت بينا مش هنعرف نخرجهم خلينا كدة صباح الخير يا جاري إنت في حالك وأنا في حالي أنا رايح أعلق علي فرخة علشان إنت ما تعشتيش كنت واخد بالي و تعبتي جامد ثواني و جايلك تاني راح و علق علي فرخة وجة رقية : إنت فعلا هتاخد إجازة ؟ أحمد : طبعا هو فية سبب أكتر من كدة علشان أخد إجازة دة انا أول مرة أخد إجازة و أكون بين قمرين . رقية :اية دة الظاهر ست نهر هتاخد حتة من قلبك. أحمد بضحك :بصراحة أخدت قلبي وحطتة في جيبها الصغير أول ما شفتها رقية : يعني إية راحت عليا ! أحمد : فشر بس قلب الانسان ممكن يتملي مرة بحب مراتة مرة بحب بينتة أو إبنة أو مرة بحب أمة و مرة بحب جوزة و غمز بعينة أنا يعني أخدي بالك و كدة يعني . رقية :يعني لسة بتحبني زي الأول . احمد :أضعاف الأول إنت حبيبتي ومراتي وأم بنتي . رقية : بجد علشان أم بنتك ! احمد : رووووقة حبيبتي المفروض ولدتي خلاص إية لسة الهرمونات مسيطرة علي عقلك لية ! قولت حبيبتي ومراتي الأول وبعدين غلاوتي ما زادتش حبة علشان أبو بنتك ؟ رقية : طبعا حبيبي بتزيد كل يوم بكون معاك فية شايفة حبك و خوفك عليا و هنا بدات نهر بالعياط رقية : أحمد أعمل إية ؟ أحمد : إنت مش طول فترة الحمل بتقرأى عن الطفل والام اعملي إلي إتعلمتية . رقية : أحمد القراءة شئ وإني أبقي في الموقف نفسة شئ تاني ساعدني شوية إنت كمان من شوية كنت محتاس مع إنك حضرت ولادات كتير . أحمد : هي أكيد جعانة هساعدك ترضعيها هتعيط علشان جعانة أو غازات أو مش نظيفة و هي لسة مارضعتش يبقي جعانة . أحمد أخد إجازة أسبوع رغم أنة تعب جدا من قلة النوم و عمل شغل البيت و مراعاتة لرقية و بنتة الا أنة كان سعيد جدا في اليوم السابع عمل عقيقة لنهر خروف أخذ منة قليل و وزع الباقي و طلب من الناس تدعي لبنتة ربنا يحفظها وتقوم مراتة بالسلامة . أحمد : أد إية حلو أوي جو العيلة ربنا ما يحرمني منكم بس البت دى زنانة . رقية : مع إني امها بس مش بتسكت غير معاك . أحمد : وأنا بتبسط قوي لما تسكت و تضحك معايا ضحكتها تجنن أنا مش عارف هرجع الشغل إزاي و أتحرم من الضحكة دى . رقية :أيوة حبيبة أبوها . احمد : ماتخيلتش إني ممكن إتشد لحد غيرك يا روقة بس الظاهر إنها سرقت قلبي ربنا يبارك لنا فيها و تبقي حنينة علينا تبقي أم ابيها و أمها يا رب . رقية :لية ما عملتش سبوع وعملت عقيقة . احمد :علشان العقيقة إسلامية و عاوز ربنا يبارك فيها بس السبوع دة هيلم أهل البلد علينا و في عادات هنا بيدوا فلوس لاهل المولود و لازم تترد إسمها نقوط و إحنا نعرف ناس هنا بس مش من أهلنا ومش بحب الاختلاط كتير. رقية :كنت عاوزة نوزع حلويات علي العيال علشان يحبوا بنتنا . احمد :ما تخافيش أنا هجيب حلويات و أوزعها علي العيال أول رمضان و هما بيلفوا ورا المسحراتي أصلا رمضان بعد بكرة فاكرة رمضان إلي فات كنا بندعي بالذرية الصالحة و ربنا إستجاب خلاص يا روقة أنا لو مت هكون مرضي باللي أخدت من الدنيا. رقية : أخص عليك لية السيرة دي . أحمد :مش عارف يا روقة بس انا فعلا كل أحلامي حصلت و الدنيا حرمتني كتييير قوووووي علشان كدة عاوزك تعرفي كل قرش ليا برة . رقية : أحمد ما تخوفنيش أرجوك بلاش السيرة دي و أبقي هات لنا حاجات رمضان . أحمد : دة أنا هتوصي بالتمر علشان الرضاعة و المناعة لك و لنهر كمان بيقولوا التمر بيخفف آثار الولادة بسرعة . رقية : ربنا ما يحرمنا منك يا ابدأ . أحمد رجع عملة بعد يوم العقيقة و تأخر فية جدا و رقية كانت قلقانة علية جدا بعد كلام البارحة لكن نهر شغلتها كتير بعيطها و ضحكاتها و غيرها و رضعاتها و اخيرا جاء لكن كان مجهد و معة ياميش رمضان و حلويات كتيرة ما إن دخل أول من الباب وضع الاشياء علي الارض و ذهب ليترمي علي السرير و أخد نهر التي كانت تبكي بصوت مرتفع و وضعهاعلي صدرة . احمد : اليوم كان متعب جدا و الشغل كان كتير قوي النهاردة و لولا كنت موصي علي الياميش و الحلويات عديت وأخدهم علي طول كنت تأخرت أكتر سامحيني يا روقة بس بجد الشغل النهاردة كان زيادة عن اللزوم رقية :طبعا رئيس قسم التمريض لازم الشغل يكون متراكم كنت قلقانة عليك بس بنتك قامت بالواجب معايا و شتت أفكاري هسخن الأكل و إنت قوم أغسل إيدك و وشك والأكل هيجهز حالا احمد لنهر :شغلتي ماما يا بيضة أحسن كانت هتفتح لي محضر بس الحمد لله لخمتيها . رقية سخنت الأكل وذهبت لغرفة النوم تنادي أحمد لتراة نائم وعلي صدرة نهر نائمة نظرت لهم: يا ست نهر بنيم وأكل فيك من الصبح ما تناميش غير هنا يا ربي اصحية يأكل و ينام تاني ولا أسيبة وقط قررت تركهم و الانضمام اليهم لتنام و اخدت نهر ببطء في حضنها و نامت معاهم بعد حوالي أربع ساعات نهر قامت تعيط عاوزة تأكل قام علي صوتها احمد ورقية . أحمد :يا خبر نمت بهدومي ! رقية : كان شكلك تعبان صعبت عليا مردتش أصحيك . أحمد :طب رضعيها وأنا هقوم أغير و أسخن الأكل أكلتي ولا هتكلي معايا . رقية :هاكل معاك بس غير وأنا هسخن الأكل . أحمد :لا رضعي نهر و هسخن أنا علشان ناكل مع بعض من غير صداع ست البنات . رقية : مش أنا كنت ست البنات دلوقتي بنتك ست البنات ! احمد : كنتي بس نقول إية ليت الشباب يعود يوما ! رقية :ماشي يا أحمد . أحمد ماشي يجيب غيار و هو بيضحك علي رقية و نظرتها رقية لنهر : أسكتي بقي هرضعك أهو بس بطلي زن . أحمد :حاسبي عليها و متكلهاش أكليها بس . رقية : يا عيني عليا وقعت بين الراجل و بنتة . أحمد غير و سخن الأكل وحطة على الترابيزة الصغيرة في المضيفة و راح ينادي علي رقية أحمد : هاتي نهر أقرعها و تعالي ناكل , أصر أن نهر تبقي علي كتفة و هو بياكل ووبعد الأكل رقية قامت شالت الاطباق ووعملت الشاي و أحمد كان بيلعب مع نهر و منسجمين جدا ووبيضحكوا مع بعض رقية جابت الشاي و قالت :مش عارفة حاسة إني عزول في وسطكم البنت مبسوطة قوي معاك أنا عارفة أنها عارفة ريحتك و صوتك بس برضوا أنا امها . أحمد : مش يمكن مشتاقة ليا أنا غبت النهاردة زكلة وأنتي معاها طول الوقت . رقية :الظاهر البت دي هتبقي ضرتي . احمد :فشر ما فيش غير روووقة واحدة بس في العالم كلة واخدها في حضنة مع نهر . رقية :ماشي ماهي هي دي الوحيدة اللي هسمح تحبها معايا أصل انا كمان بم*و*ت فيها و في أبوها . أحمد : تعبتي النهاردة ؟ رقية : لا الحمد لله بس أرهقت من الست هانم هعمل إية حكم القوي . أحمد : عارف ان العيال عاوزة طولة بال بس كمان عارف إن رووقة أحن وأجمل أم في الدنيا . أحمد كان يحب حمل نهر وهو خارج لطلبات البيت أو وهو يوزع كراميل و نوجا للاطفال في السحور و الاطفال أصبحوا يحبون نهر و يحاولوا يلعبوها و تقريبا كل اطفال القرية باصبحوا يسالوا عليها وحزنوا أن رمضان انتهي ولم يعد بمقدورهم رؤيتها ليلا لكن كل بيت بة أطفال كان يعرف نهر وزهي كانت روحها جميلة و ضحكتها أحلي وجميلة بالنسبة لأهل القرية . كل اطفال القرية بقوا بيحبوا نهر وبيسالوا عليها وزعلوا أن رمضان خلص ومعادوش بيشفوها باليل . كان ياتي اطفال لبيت احمد كي تساعدهم رقية في الانجليزي و أحمد كان يرفض أي طالب ثانوي ياتي لها لغيرتة عليها رقية تساعدهم في الانجليزي أو الفرنساوي . وتمر الأيام علي الأسرة السعيدة إلي أن يأتي يوم يكون فية أحمد في المستشفي بيمر علي قسم الطوارئ و ياتي راجل كبير في السن مصاب و طفل عندة تقريبا عشر سنين مع عمة فاحمد يحاول يدخل الشيخ الكبير أولا لأن حالتة أصعب ولم يكن معة حد ولأن الطفل حالتة أخف والموضوع كلة جزع في الرجل لكن العم أصر أن إبن اخوة يدخل أولا وأحمد أصر يسعف الشيخ و يدخلة للطبيب خصوصا أنة بدأ يفقد الوعي و فعلا الدكتور قال إن لازم الشيخ يدخل بسرعة العمليات لكن عم الولد توعد لاحمد بعد مشادة طويلة وبعد يوم طويل من العمل قدروا ينفذوا الشيخ وطبعا عملوا جبيرة للطفل و عم الولد بدأ يسأل عن احمد واشتكاة لمدير المستشفي الذي سال وعرف الموضوع ووافق علي موقف أحمد و هذا زاد غيظ العم وبعدها ذهب لم*و*توسكيل احمد خرب فية بعض الاشياءوعندما خرج احمد ليركبة لم يعمل ففضل ان يجعلة مكانة وفي نيتة ان يذهب لميكانيكي يصلحة وكان واقف عم الطفل يراقبة من بعيد وهو سعيد أنة ضايقة . أحمد قرر يخرج يركب مواصلة ما إن خرج باب المستشفي و صدمتة عربية بسرعة شديدة و اكملت بنفس السرعة كان للاسف الشديد السائق إبن ستة عشر عاما لكن والدة ذو منصب كبير تجمعت الناس و أدخلوة المستشفي وسط دهشة الجميع و ذهول عم الولد الذي أحس بتانيب الضمير طبعا إتصلوا ببيت أحمد ورقية ردت علي التلفون وعرفت بحادثة زوجها أخدت نهر و طلعت تجري علي الموقف مع دموعها و شهقاتها وقف لها رجل و مراتة و إبنهم كان يذهب لرقية تساعدة في الانجليزي الست سالت رقية :فية إية يا أم نهر خير مالك ؟ رقية : أحمد عمل حادثة ولازم أروح لة حالا . الست : طب إحنا كنا رايحين قريب من طنطا إتفضلي نوصلك هيكون أسرع رقية من غير كلام كتير: شكرا و فتحت الباب الخلفي ودخلت و قالت ارجوك بسرعة . الست : لا شكر علي واجب إنت و زوجك أصحاب واجب والكل بيحب يرد جمايلكم . رقية بعياط : إدعولة ربنا يقومك بالسلامة . فعلا ساق بسرعة و وصلوا المستشفي . رقية شكرا اتفصلوا إنتم روحوا مشواركم هنا زمايل أحمد هيكونوا معايا الراجل : لو محتاجة حاجة قولي الناس خير وبركة ولو عاوزة فلوس احنا تحت امرك رقية :كتر خيرك اخرتكم أنا بس محتاجة دعواتكم . دخلت رقية جري للمستشفي وكانوا عارفينها لأنها كان أوقات بتجي لأحمد وقت ما كانت شغالة في مكتب الترجمة . وصلوها لاوضة أحمد الذي خرج من غرفة المعاينة بعد ما عملوا لة أشعة واكتشفوا أن علاجة صعب نتيجة لإصابة الجمجمة والكسور في الضلوع والعمود الفقري دخلت علي أحمد ووجهها غارق بالد موع أحمد بتقل :مش عاوز اشوفك كدة اخر مرة . رقية :لا يا أحمد ماتشبنيش في الدنيا لوحدي أنا مليش غيرك ارجوك يا أحمد أنا أم*و*ت من غيرك . أحمد : إجمدي أومال مين هيربي نهر ولا تتربي في ملجأ زي أبوها عاوز روقة القوية إلي رغم كل كسورها و فقدانها الذاكرة أصرت تشتغل و تبني نفسها من جديد إللي حافظت علي نفسها إلي وقفت معايا و في ظهري ديما لو ليا معزة عندك خالي بالك من نهر و متتخليش عنها أبدا عليميها كل إلي تعرفية ربيها علي الدين و الصح و اقولي لها ديما ابوك بيحبك بس غصب عنة علميها الفاتحة و تقراها ليا كل ما تفتكرني , رقية شكرا لأحسن و أسعد أيام حياتي إلي عشتها معاك أنا راض عنك و أرجوك أرضي عني . رقية : لا حبيبي هتعيش وهتجوز نهر كمان لو مت هزعل منك والله , أرجوك ٱتمسك بالحياة علشاني أنا ونهر إلي يا دوب ست شهور وكام يوم . يا تري أحمد هيعيش ولو عاش هيبقي زي الأول ولا فية عجز نشوف الفصل الجاي بسم الله الرحمن الرحيم الفصل الثامن (8 ) أحمد بابتسامة وحب : أشهد ان لا الة الا الله و أن محمد رسول الله وعينة تحجرت و نفسة وقف . رقية بصدمة : احمااااااااااد ماتسبناش يا أحمد . نهر بكت رقية أخدتها في حضنها ونظرت :لأحمد سامحني يا أحمد لوقصرت في حقك أوعدك بنتك هراعيها و أعلمها وهتفضل طول عمري في قلبي مش هنساك ابدا يا أعز الناس يا صاحبي واخويا وزوجي صبرني يا رب صبرني في مصيبتي يا رب . تنظر لأحمد وبنتها بحسرة : قوينا علي الجاي واحرسنا وصبرنا يا الله ( وضعت راسها علي صدر زوجها )معقول يا أحمد بسرعة كدة هتسابنا . كل الممرضين دخلوا الأوضة وهي كانها في كوكب اخر لا تسمع أحد فقط تبكي و هي تضع راسها علي صدرة و نهر بجانب والدها . فجأة دخل الطبيب :البقاء لله يا مدام شدي حيلك علشان بنتكم احمد كان الكل بيحبة هنا وكمان اخد دعوات طيبة من مرضي كتير ربنا يجعل مثواه الجنة هنخلص ورقة بسرعة لأن إكرام الميت دفنة مين مع حضرتك علشان الاجراءت ؟ إنتبهت رقية : إجراءات إية ؟ الدكتور : إجراءات خروج الج*ث*ة و تغسيلها علشان الدفن . رقية : مفيش حد معايا وأنا و نهر كل عيلتة و بكت من كل قلبها . الدكتور : أنا عاوز اي حد من اهلة أب عم خال أخ أي راجل . رقية :ممكن تمشي إللي في الأوضة عشان اتكلم مع حضرتك ؟ كل من بالغرفة تركهم و غادر الدكتور : فية إية يا مدام الإجراءات عاوزة راجل يجري يعملها و حضرتك لازم تقولي لأهله؟ هيدفن من غير أهله؟ رقية : أنا مكذبتش علي حضرتك إحنا كل آهلة أحمد إتربي في ملجأ في القاهرة و بعدين إشتغل سنين طويلة في اسوان وبعدين إتنقل هنا , هو حرفيا إحنا اهل بعض أنا عارفة أنة مش بيتكلم كتير عن نفسة بس هو فعلا ملوش حد غيرنا . الدكتور بتأثر :لا حول ولا قوة الا بالله طب حد من أهل حضرتك ! رقية : أنا كمان هو و نهر كل أهلي إللي أعرفهم .أنا واحدة فاقدة الذاكرة أكتر من ست سنين و معرفش حد غير أحمد ومحدتش يعرف عننا حاجة في البلد إلي عايشين فيها . الدكتور :خلاص يا مدام كلنا هنا إخواتك وأخوات أحمد احنا هنعمل كل الاجراءت الأزمة أسيبك معاة لوحدكم علي ما نخلص كل شي و بكرة الصبح باذن الله الدفنة بعد ساعتين كدة هناخدة الغسل مش هدخل حد عليكم بس حاولي تتمالكي أعصابك علشان بنتك . خرج الطبيب من عندها و قال : ممنوع أي حد يدخل عليهم دلوقتي إدو لها وقت تقضية مع زوجها . كان الطبيب نبشطشية مسائية انهي كل الأوراق الخاصة بالمستشفي و بعث لرقية اكل و عصير وكتب ورقة علي الاكل ( لو مش علشانك يبقي علشان بنت احمد لازم تتهتمي بنفسك علشانها و علشان وصية احمد اللي متأكد إنة وصاك عليها وأنا للة وانا لة لراجعون ) وبعث لنهر غيارات بمبرز مع ببرونة و علبة لبن . رقية جلست تكلم أحمد علي أمل أن يرد عليها غير مستوعبة الصدمة أو غير مقتنعة أنة مات وتركها وبعد فترة قربت نهر منة كي تشم رائحة أبيها للمرة الاخيرة. رقية : شمي ريحة أبوك يا نهر لأنها آخر مرة مش عارفة رغم أنة عارف أنة سندنا بس استسلم و سبنا ولآ بيقول أنة بيحبنا وإننا أحلي حاجة في حياتة طب هتسيب نهر ماكملتش سنة يا أحمد صغيرة قوي طب مين هيخدها مني باليل و يريحني شوية , طب هي هتخرج مع مين باليل ؟ أستغفر الله العظيم يا رب اللهم صبرنا علي مصيبتنا ,خلاص يا أحمد أنا هقرا القران الي حفظناة مع بعض ومش هزعلك مني وههتم بنهر خلاص انا روووقة القوية الي في ظهرك بس إنت كمان سامحني إن كنت زعلتك حبيبي . رقية أصرت تحضر الغسل كان ساكتة تماما ما فيش غير دموع وبس ومع آخر الغسل كانت انهارت تماما و أغمي عليها دخلوها بسرعة علي أوضة و تم الكشف عليها انهيار عصبي و ركبوا لها شوية محاليل . الصبح كان كل الإجراءات اللازمة خلصانة و هي بدأت تستوعب رحيل زوجها و حبيبها و كل أهلها . أمجد عرف خبر م*و*ت أحمد فقرر يحضر مراسم الدفن وقال لمراتة علي وفاة احمد وهي أصرت تروح لصاحبتها وتواسيها مع انها كان حامل و معاه طفل عندة سنتين وشوية و أمجد وافق بعد إلحاح منها واتفقوا يقولوا ان امجد اخو رقية علشان أهل البلد يفهموا أن ليها أهل ممكن يجيبوا حقها لو حد جة عليها وسافروا وزوصلوا الصبح للمستشفي . رقية أول ما شافت صحبتها أخذتها بالحضن و أمجد والدكتور وزمايل أحمد خلصوا كل الأوراق وفاضل بس الصلاة علي الميت و الدفن رقية قالت لصاحبتها أن أحمد أشتري مدفن من كام شهر في البلد و لازم يتدفن فية أحمد كان توفي الخميس باليل و الجمعة كانت الصلاة و الدفن فقرروا يصلوا علية بعد صلاة الجمعة كانت رقية مستغربة نفسها ازاي عندها الصبر دة مع رحيل حبيبها ووزوجها و صديقها الوحيد و كانت بتقرا في القرآن و مع كل سورة تقول اللهم أجعلة في ميزان حسناته هو الي علمني قراءة القرآن و كان صبور عليا . بعد الدفن رقية فتحت المضيفة لعزا الستات بتقرا قران و هي حاضنة بنتها نهراللي كانت مستكينة و هادية علي غير العادة لكن كل لما أمها تظر لها تبتسم كأنها بتوسيها بصمت الجيران أحضروا أكل لاهل المتوفي و ضيوفة . و أمجد عمل عزا الرجالة برا البيت و أخد العزاء هو و أصحاب أحمد في مستشفي الاقصر وطنطا . أمجد قال و شدد علي الناس في الميكروفون الجامع ممنوع العويل و الصوات و الذي يريد المجاملة يقرأ القرآن و يهب ثواب قراتة لأحمد . اليوم كان صعب و رقية تنظر كل فترة للباب علي أمل أن أحمد يدخل كالعادة و يحمل منها نهر بات أمجد و إبنة في المضيفة و زوجتة سلمي و إبنها في غرفة نهر التي جهزها لها احمد قبل الوفاة و لم تنم فيها قط اما رقية و نهر في غرفتها هي و أحمد . و باتوا تاني يوم و ثالث يوم إستاذنوا للرحيل . أمجد : آسف رقية إحنا مضرين نمشي إنت عارفة الظروف . رقية : كتر خيرك لو ليا أخ ماكنش هيعمل معايا كدة . أمجد : ربنا يعلم أني بعتبرك أختي لو تحبي تجي الاقصر مكانك محفوظ . رقية : شكرا أنا مش هسيب بيت زوجي و لازم أبقي جنب أحمد مش هسيبة . أمجد : هتعيشي إزاي إنت لازم تاخدي بالك من نفسك و بنتك خلاص إنت كل عيلتها . رقية : ربنا يقدرني و أربيها واعلمها كويس لينا رب . أمجد : اوعي تنسي أن ليك اخ واخت في الاقصر وأنا تحت أمرك في أي وقت خالي بالك من نهر . رقية بدموع : هو أنا ليا حد غيرها . أمجد : إحنا عيش و ملح أوعي تنسي لك بيت اخوك اي وقت أنا موجود بعدها أخد إبنة و زوجتة و ركبوا السيارة للرجوع الاقصر . في العربية . سلمي : مهتم أوي برقية يا أمجد عاوز تجدد إلي إنقطع ولا إية ؟ أمجد : أجدد إية بالضبط ؟ سلمي : أوعي تكون فاكر إني معرفش إنك إتقدمتها زمان بس هي فضلت أحمد فأنا فاهمة كويس إنت عاوز توصل لإية . أمجد فرمل العربية جامد : وإنت إزاي تعيشي مع واحد بالأخلاق دي ؟ ما دام إنت شيفاني وحش أوي كدة !بيعيش مع واحدة و بيحب واحدة متجوزة و كمان جوزها بعتبرة صاحبي أن ماكنش أخويا , أنا كدة في نظرك ! بصي علشان الكلام دة مش هتكلم فية تاني أنا راجل صعيدي مش علشان عندنا اوتيل أبقي ماشي بمزاجي أنا إتربيت علي الرجولة و الدين أيوة إتقدمت لها لأني شوفت إنها مناسبة ليا أخلاق و ثقافة و الكل كان بيشهد لها في ذوقها و أخلاقها العاملين و النزلاء لكن أنا مليش في الحب و الكلام الفارغ و الدليل إني بمجرد ما عرفت إنها بتحب أحمد وعرفت أحمد حافظ عليها إزاي إقتنعت أنة أحق بيها مني هو جازف و حماها و علاجها وقت ماكنش لها ملامح أصلا و قدر يحافظ علي شرفها رغم أنة بيحبها و هي في بيتة علشان كدة إتشرفت بمعرفت راجل زية . سلمي: و أهو الراجل خلاص راح و الشرع محلل أربعة و نظراتك مش بريئة إبدأ أنا ست وعارفة كويس قوي أنا بقول إية . أمجد :أنا مش مضر أبرز ابدأ أوهام في دماغك و لعلمك رقية هي إلي قالت لي إنك أخلاقك عالية و هي إلي شجعتني أتقدم ليك و لولا أني عارف كويس إنها مش هتصاحب حد مش كويس ما كنتش إتقدمت ليك أصلا لإنك رغم أنك إشتغلتي معاها لكن ما كنتش أعرفك . سلمي : يعني كمان جوازك مني علشان الهانم ؟ أمجد : يا مثبت العقل و الدين يا رب يا بنتي أنا هتجوز واحدة إلا لو كنت مقتنع إنها كويسة و إية كل دة إنت بعد السنين دي مش و واثقة فيا ؟ سلمي : إنت عرضت عليها تجي تعيش في الاقصر وأنك جنبها علي طول . أمجد : رقية مش هتحب ولا حبت غير أحمد و هي عيش و ملح و من غير أهل يعني أنا ما بعملش حاجة حلوة أبدا في حياتي علشان تستكتري عليا إني أساعد واحد ست ملهاش حد و أيوة هساعدها لآخر يوم في عمري أو لحد ما يظهر لها أهل و الكلام خلص لغاية كدة أومال لو ما كنتش صاحبتك و بص لها بشكل إستفسار و لا إنت جاية معايا علشان تراقبني ؟ سلمي :من حقي أحافظ عليك إنت جوزي و أبو أولادي و أيوة كنت جاية أعرف إنت هتعمل إية معاها حبيبة القلب جميلة الجميلات . أمجد : اااة طب ياسلمي أعلي ما في خيلك إركبية و مش واحدة ست علي آخر الزمن هي إلي هتقولي أعمل إية و ما أعملش إية انا الرقيب عليا ربنا ثم ضميري و قسما عظما لو فتحتي الموضوع دة تاني ما هيحصل طيب و طمني نفسك رقية إلي أنا أعرفها هتفضل مخلصة لأحمد و بس صح أنا مليش في الحب و الهيام مش بعترف بة أصلا لكن شوفتة في نظرات احمد لرقية و رقية لأحمد و شوفت إلي أكتر منة بينهم وعمري ما حقدت علي حد لأن ربنا اعطاني من فضلة كتير قوي وأنا بحاول أحافظ علي حياتي و من هنا للبيت مش عاوز أسمع كلمة واحدة عن رقية و أحمد . سلمي : طيب لما نروح عاوزة أقعد عند أهلي شوية (سلمي كانت عارفة كويس أن امجد ما بيحبش إتها تبات عند أهلها و كان ديما يقول مش لازم الزوج و الزوجة يباتوا برة البيت إلا للضرورة و زي ما كان ما يقبلش أنها تبات برة هو كمان ما كنش بيبات برة بيتة) لكن أمجد بص لها و هو بيدور العربية : براحتك زي ما تحبي قالها و هو مضايق. لكن للأسف مش بس سلمي إللي كانت خايفة أن جوزها يبص لرقية لأ لا كمان معظم ستات القرية أعتبروا رقية خطر عليهم ست جميلة جمال مش عادي و رقيقة و أصبحت وحيدة مع بنتها . رقية ديما غالقة أبواب البيت بالباب الحديد و الباب الخشب دائما حاسة بالخوف كانت قاعدة في الغرفة المطلة علي الحوش و تنظر من الشباك الموجود علية حديد و سراحنة و دموعها علي خدها إنتبهت بعد فترة بوجود مجموعة رجال واقفة و في واحد منهم بيعمل حركات لها بايدة و وشة فكشرت جامد لة و أغلقت الشباك بالشيش و هي موجوعة اتجهت لابنتها وحملته . رقية : نهر بنتي جميلتي أنا خايفة ,خايفة من إلي جاي خايفة عليك خائفة من الناس مش عارفة بيفكروا إزاي كآن الناس إتبدلت حتي سلمي صاحبتي إلي أعتبرها أختي حركاتها و كلامها كأنها مش طيقاني من غير مبرر مفهوم , إنت عارفة لما قمت من الحادثة ما كنتش خايفة كدة مع إني كنت لوحدي و جسمي كلة كسور و كدمات و عقلي فاضي لكن قلبي كان مطمن عن كدة و أول مرة شوفت آبوكي حسيت بالأمان و الطمأنينة صوتة وخوفة عليا من اول لحظة طمني رغم إني ماكنتش قادرة حتي انطق لكن وجودة كان فارق معايا مفيش لحظة واحدة حسيت معاة اني وحيدة لما كان بيروح الشغل برضوا كنت عايشة بحماية ربنا ثم حماة دلوقتي عايشة في بيتة و مع بنتة لكن خايفة مش عارفة أعمل إية يا نهر يا رب ساعدني . رقية نامت و هي حاضنة نهر و في أحلامها جالها أحمد . أحمد : روقة حبيبتي روقة , رقية كانت قاعدة علي كرسي بصت لو بسعادة رقية : أحمد إنت جيت ؟ أحمد : هفضل آجي وأطمنك حبيبتي إنت عمري , مقدرش أسيبك كدة أنا مش هكون موجود في الحقيقة لكن هاجي لك من وقت للثاني روقة إنت أقوي بنت أنا عرفتها انت تقدري وهتقدري تعيشي ,معاك بنتنا و البيت صغير بس أمان أنا مآمن مداخلة ما تخافيش لازم تكوني قوية لازم تحافظي علي نفسك و بنتنا مش عاوز أقلق عليكم أوعديني تكوني بخير إنت ونهر و تحافظوا علي بعض و تدعوا لي . رقية : أوعدك بس إنت كمان تعال كل شوية . أحمد :إن شاء الله حبيبتي بأس جبينها و جبين نهر و قال :يلا حبيبتي قومي و رحي كلي علشان نهر مش لاقية لبن أصحي حبيبتي و كلي علشان خاطري . رقية : خاليك شوية علشان خاطري . أحمد : قومي يا روووقة البنت جعانة قومي يا كسلانة . صحت رقية و هي مبتسمة : الحمد لله أحمد معايا هقوم أعمل بيض بالطماطم حبيبي كان مالي الثلاجة بيض وزجبنة وطمام راحت الثلاجة وطلعت عيش من فريزر التلاحة لأول مرة من يوم ما أحمد مات بتاكل كويس بس لانها شافتة و وعدتة بعدها عملت كوباية شاي و فتحت المضيفة والراديوا علي إذاعة القران الكريم شربت الشاي و راحت أخدت نهر في حضنها و بشويش صحتها علشان ترضع و كلمتها . رقية : نهر بابا جة و وصاني عليك هو عارف إنك روحي و هو قلبي بس أنا مبسوطة أنة جة و شوفتة كان وسيم و هادي و لأبس أبيض منور قوي بيحبك قوي بس بيحبني أكتر وأنا كمان بحب ابوك قوي قوي وهحافظ عليك و هبقي قوية إن شاء الله نهر بتبص لأمها ببرائة بعدها رقية قرعتها زي ما أحمد علمها رقية لنهر : أنا مااااااما هة مااااااما إنت هتتكلمي أمتي أنا هقعد أكلم نفسي كتير ولا إية ردي يا بنتي قولي ماما ماما بصي أنا كل يوم هشغل قران لينا إحنا الإثنين نتعود علية مع بعض و هعلمك كل إلي أعرفة هعلمك لغات كتير بقولك تعالي بابا كان كاتب لي أنة مشارك ناس في مشاريع صغيرة تعالي نشوف درج بابا ونعرف كل حاجة ذهبت و أحضرت بطانية فرشتها علي الأرض لنهر و نيمتها عليها و طلعت ورق احمد كان تركة كاتب فية شراكات مع بعض الناس تاني يوم أخدت نهر و راحت عندهم إلي قال لها مفيش شراكة مع أحمد و أنكر وإلي قال أنا ما بشاركش حريم خدي إلي دفعة أحمد علي أقساط شهريه و قررت تاخد أقساط بسيطة شهرية من بعض الناس تساعدها علي العيش و بعدها عرفت أن فية معاش لها و بنتها من شغل أحمد و راحت لمكتب الترجمة علشان تشتغل شغل بالقطعة زي زمان لكن قالوا عندهم ناس تشتغل و مش محتاجين حد حاليا قررت تستغل شغل كنفاة يدوي و نفصيل و جابت ماكينة خياطة تشتغل بها في البيت علي ما نهر تكبر كتبت علي باب خياطة حريمي ، في بادي الامر ستات القرية كانوا يريدن رقية الجميلة التي أسموها السفيرة عزيزة ( لان احمد كان بيتسوق كتير لها ويجيب أنبوبة البوتاجاز لها و معظم الستات بيجروا وراء أنابيب البوتوجاز ويتسوقوا بانفسهم) بدآت تخيط لهم لبسهم و بدأ ستات تاتي إليها مع بناتهم كي تخيط لهم كانت رقية لا تفاصل معاهم في أتعابها و كان ذوقها عالي لكن تفضل ما يريدن كبار السن منها أما البنات الأصغر كانوا بيحبوا تفصل لهم علي ذوقها كما أنها تقبل شغل بسعر قليل و كانت تعتذر لكثير منهم لأنها مشغولة بنهر ودة كان بيزيد الحقد عند بعض السيدات . و نهر بدأت تكبر و كان يوم عيد عند رقية لما نهر قالت ماما فرحت بها جدا لما قالت في نفس اليوم بابا كانت رقية دائما حاطة صورة لأحمد و تشاور علية و تقول لنهر بابا و كانت بتشغل قران كتير في البيت و عندها شريط جزء عم بتشغلة كتير الحياة مشيت في الاول علي رقية بهدوء مع خياطتها و معاش أحمد إلي أن بدأ يتقدم لرقية رجال للزواج كانوا بيكلموا أبو إبراهيم لآنة جارها و يعتبر قد أبوها و كان ديما بيقف معاها في بعض الأغراض اليومية يعني أحيانا يحضر لها أنبوبة و يركبها يقف مع النجار أو السباك لو شئ عطل. لكن تقريبا كل إلي اتقدموا لها كانوا اصلا متجوزين أو أرملة أو معاة عيال و دة كان بيزعج رقية خصوصا إنها مش عايزة تتجوز بعد أحمد اي أحد فما بالك بالمتزوج يعني ممكن تهد أسرة و كانت تقول لأبو إبراهيم مش عاوزة أتجوز بعد أحمد أنا هعيش لبنتي . لكن الناس لا تترك أحد في حالة سواء الرجالة الذين تقدموا أو سيدات القرية الآتي رؤوا أن جمال رقية يهددهن و بدأ يطلع عليها كلام أنها تريد العيش بمفردها كي تعيش بدون ظابط او رقيب ومع إنها محجبة من يوم ما عاشوا في القرية و كانت تقريبا لا تكلم رجال أو تسلم عليهم غير علي عم ابو إبراهيم لانها بتعتبرة ابوها لكن حياة الأرياف صعبة و صعب جدا واحدة مثل رقية تعيش لوحدها بدأ أهل القرية يضيقوها خصوصا أن وحيدة من وجهة نظرهم أخوها الذي لم يروة إلا في العزاء و تركها مع إبنتها في قرية بعيدة, صعبت الحياة كثيراً علي رقية خصوصاً بعد ما قل جدا عدد السيدات الاتي يخيطن عندها و حاولت البحث عن وظيفة في طنطا أو المحلة في مكاتب الترجمة أو مكاتب أدوات مكتبية أو صيدلية بحثت كثيراً و كانت شرط أساسي لها أن إبنتها تكون معاها , تعبت كتير من الناس ووكلامهم و تلميحاتهم و تحرشهم بيها في المواصلات لكن رقية كانت تكافح و تصد و كلام أحمد دائما في بالها كانت تكلم نهر كثير جداً و تحكي لها عن أبوها و عندما بدات نهر تتكلم كانت تشجعها و لما كبرت شوية كانت الصبح تعلمها تركي ولا تعرف سبب أنها تريد أن تتكلم إبنتها التركية و العربية معا و قبل العصر تجلس تعلمها انجليزي و بين المغرب و العشاء في الجامع رقية و نهر يقروا قران و يتعلموا تجويد نهر كانت ذكية و بتلقط بسرعة و رقية كانت حريصة تفرجها كرتون أما بالعربي الفصحي أو الانجليزي و كي تلقط الكلام لم تجد كرتون تركي لكن كانت تحكي لها حكايات بسيطة تركي . أبو إبراهيم كان دائما يقولها : إنها لازم تتحوز علي الأقل ما تسبش بنتها من غير أخ او أخت لان لو جري لرقية حاجة هتكون نهر لوحدها في الدنيا و لو جري لنهر حاجة برضوا رقية هتكون في الدنيا لوحدها في الاول كانت رقية مش قادرة تسمع الكلام دة لكن مع الضيقة و الحياة الصعبة قررت في الاول إنها تنقل حجة البيت الذي كتبها أحمد لها بإسمها لنهر بنتها و بدأت تفكر إنها فعلا لم تعد قادرة علي أعباء الحياة و ممكن يصيبها مكروة و نهر هكذا ممكن تتربي في ملجأ مثل أبيها وقد حدث ذلك بعد أن أصيبت رقية بنزلة شعبية حادة فقالت لأبو إبراهيم أنها ممكن تتزوج لكن يكون راجل غير متزوج لأنها لن تتحمل أن تظلم ست مثلها فممكن يكون ارمل أو مطلق . مع إستسلام رقية للحياة الصعبة و خوفها علي بنتها يا تري الحياة ممكن تقدم لها فرصة ثانية للحياة هي و بنتها ثاني ولا هتوقعها في حد يهد حياتها دة اللي هنعرفة الفصل الجاي . الفصل التاسع زيارة عائلية (9) في احد الايام ببيت رقية ابو إبراهيم : يا بنتي فية واحد لسة ما اتزوجوش إتقدم لك أكبر منك بشوية صغيرة ( ما لا يعرفة أبو إبراهيم ان هذا الرجل عم الولد الذي خرب الم*و*توسيكل لأحمد يوم الحادثة كان متابع أحوال رقية و بنتها من بعيد كان في الاول عندة احساس بالذنب من ناحية احمد بعد ذلك نسي أو تناسي هذا الاحساس وقال إن الاعمار بيد الله لكن لما راقب ما حدث لأحمد ومن يوم الحادثة وهو مفتون برقية من الحظة التي دخلت بها المستشفي تجري و تبحث علي أحمد لدرجة أنة أجر بيت في البلد الموجودة بها رقية وكان متابع أحوالها من بعيد سمع عن الناس الذبين تقدموا لها وعن أخلاقها وتقريبا هو من كان يحرض ناس تتحرش بها ليري رد فعلها هو فعلا عاوز يمتلكها ليس حبا بقدر ما هو حابب يكون زوج الجميلة الرقيقة رقية أجمل ست شافها حب تملك ممكن لكن مصطقي عمرة أبدا ما احب حد قد ما حب نفسة هو كان وظيفتة مدرس رياضة وعلوم ابتدائي ويعطي دروس للطلبة . المهم رقية بعد ما سمعت أبو إبراهيم طلبت تشوف العريس في وجود أبو إبراهيم وأحد من أهله , كان عند نهر وقتها خمس سنين وفعلا اجتمعوا في المضيفة كلهم عند رقية الي كانت لابسة حجاب روز وفستان بسيط لبني و كوتشي ابيض و كان نهر لابسة فستان جميل احمر في ازرق وفلونكات حمرا و طبعا أبو إبراهيم وأم إبراهيم أتوا قبل العريس بقليل بعدها جاء مصطفي العريس ومعة أخوة. وبدأ أبو إبراهيم يرحب بهم أبو إبراهيم : أهلا أهلا يا بني نورت . مصطفي :دة نورك يا حاج . أبو إبراهيم : مين الاستاذ ؟ مصطفي: أخويا الوحيد الكبير محمد يا حج بعد أبويا الله يرحمة هو إلي رباني . محمد : بس أهو سابنا أنا وأمة وجة قاعد هنا. مصطفي : أصل المدرسة إلي بشتغل فيها هنا وأنا قولت بدل كل يوم ما أروح و آجاي اهو ابقي قريب من شغلي بس باقضي خميس وجمعة في البلد مع أمي وأخويا والبلد أصلا مواصلة واحدة قريبة يعني. محمد : أيوة حتي أمة بتحملة ما لذ و طاب و هو جي و عازين بقي نفرح بية أصلا من وقت طويل قوي و مش عارف مالة أنا كنت عاوز اجوزة في البلد بس هو أصر هنا الي بالحق مين القمر الصغير دة . أبو إبراهيم : دي تبقي نهر بنت رقية العروسة. محمد بص بصدمة لأخوة : هي العروسة كانت متزوجة ؟ ومطلقة ولا أرملة إن شاء الله ؟ أبو إبراهيم اتوتر و قال : اية هو أخوك ماقالش التفاصيل ولا إية ؟ محمد : لأ قال عروسة مناسبة لية و بس. هنا دقت رقية علي الباب و دخلت بصينية فيها شاي و بعض البسكويت و قالت :السلام عليكم. محمد و مصطفي بصوا ناحية الصوت أبو إبراهيم : إتفضلي يا بنتي . رقية : إية يا جماعة فين رد السلام ؟ الكل قال: و عليكم السلام و رحمة الله وبركاتة. أبو إبراهيم : يا بنتي دة مصطفي مدرس في المدرس إلي في البلد وأخوة محمد الكبير . رقية : أهلا وسهلاً بكم و دي بنتي نهر أحلي وأجمل حاجة في حياتي و لولا خوفي عليها ماكنتش عمري فكرت في الجواز . محمد : مش فاهم يعني إية إنت هتجوزي علشان بنتك ؟ رقية : أيوة حضرتك أنا جربت حظي من الزواج مرة و إكتفيت بها لكن أنا دلوقتي موافقة علي الزواج علشان بنتي تلاقي أب جنبها و عيلة و لو ربنا أراد يكون لها أخوات سند لها في الحياة بص حضرتك أنا طلبت يكون فية حد من أهل إلي هيتقدم علشان يكون شاهد علي كلامي . محمد إتنهد : سامعينك إتفضلي . رقية : زوجي الأول كان مقطوع من شجره كان وحيد و فقد أمة وأبوه أنا لما إتعرفت علية و الكلام دة محبش يطلع برة عن القاعدة دي ممكن توعدوني . محمد و مصطفي : أكيد . بصت لعم أبو إبراهيم : وحضرتك. عم أبو إبراهيم : عيب يا بنتي دة أنا بعتبر نفسي أبوك. محمد كان متوتر لآنة كان فاكر عم إبراهيم أبوها و بص لمصطفي بغيض و قال: إتفضلي سرك في بير. رقية : لما أتعرفت علي أحمد كان ممرض في مستشفي وأنا كنت متعرضة لحادثة كبيرة في القطر و فاقدة الذاكرة ساعدني كتير نلاقي أهلي و نزل إعلان في الجرنال و التلفزيون بس مفيش فايدة و زي ما ٱنتوا شايفين إتجوزنا و جبنا نهر بس القدر آخدة مني و أصبحت نهر يتيمة مالهاش غيري وأنا ما أعرفش حد غيرها من أهلي لأني للأسف مفيش ذاكرة عندي للماضي . أبو إبراهيم : في عزا أحمد أستاذ امجد قال أنة أخوك . رقية : يعتبر آخويا فعلا و هو كان واخدني أنا و أحمد إخواتة و ساعدنا كمان في جوازنا كتير و هو إلي جاب لنا البيت إلي قاعدين فية دة و مراتة أختي و صاحبتي و متاكدة عمرهم ما يتاخروا عليا بشي إشتغلت في فندق هو شغال فية فترة هو و زوجته و حضرتك شفت كان بيودنا وقت أحمد ما كان عايش . محمد : بتقولي الكلام دة لية ؟ رقية : لأن لو الجوازة تمت فدة من حقكم تعرفوة أنا معرفش أهلي و فاقدة الذاكرة و ممكن ترجع لي في يوم أو ما ترجعش و ممكن يظهر ليا أهل والأهم من كدة كلة تعرفوا إني عاوزة إللي أتجوزة يكون أب و أمين علي بنتي و يراعي ربنا فيها أنا محتاجة أب و عيلة أكتر ما أنا محتاجة زوج الفترة إلي فاتت كانت صعبة عليا محتاجة إستقرار لبنتي فلو هتقدر علي كدة وخد وقتك لو مش هتقدر خلاص لايكلف الله نفسا إلا وسعها و الحضور شهود عليك و أيوة وأنا داخلة ماقصدش ابدأ أسمع الكلام بس تقريبا كنت بتقول أنا أرملة او مطلقة و أعتقد عرفت الجواب و بما أن حضرتك متعرفش ظروفي فإتكلم مع أخوك الأول لأني مش هدخل عيلة أنا مش مرحب بيا فيها و كمان لازم بنتي تتقبلك علشان أقدر أتزوجك فلازم يكون فية فترة قبل الجواز تمهيد لبنتي و نشوف تقبلكم لبعض لأنها كل عيلتي أنا خلصت كلامي وانتم لكم مطلق الحرية في التفكير والرد هيكون لعمي أبو إبراهيم تحبوا أعمل قهوة . محمد : يا ريت هتعبك. لرقية : لا ابدأ ولا تعب ولا حاجة أعمل لحد تاني . مصطفي وابو ابراهيم : لا شكرا . نهر : ماما أنا هساعدك . مصطفي : مش هتعقدي معانا شوية ؟ نهر بمرح : لأ مش بلعب مع أولاد خالص غير جدو دة بس( وشاورت علي أبو إبراهيم )الذي ضحك و قال :أيوة أنا مش من الأولاد أنا راجل كبير قووووي . نهر : صح يا جدو و شعرك كلة ابيضيكا بس دقنك فيها شوك . ذهبت رقية تعمل القهوة و ورئها نهر. أبو إبراهيم : الجواز مش سهل يا بني و مسئولية كبيرة خد و ادي مع أهلك و إبقي بلغني قرارك في الآخر . محمد : الصراحة أنا جاي علي أن فية بنت عجبت أخويا و عاوز يتجوزها و عارف أخويا متهور و عصبي و كنت عامل حسابي علي مفاجئة و مستبشرتش خير لما عرفت أن لها بنت لكن لما شوفتها كلامها موزون وصريحة وإلي في قلبها علي لسانها أنا مستريح لكن برضوا لازم نشاور الحاجة امنا . أبو إبراهيم : تمام يا بني . رقية جاءت بالقهوة و قالت : إتفضل حضرتك . محمد.: شكرا يا ام نهر وبدأ يشرب القهوة بعد شوية . محمد : قوليلي يا أم نهر هو مش ممكن حد من أهل جوزك ياخد نهر منك . رقية : لأ طبعا أحمد كان وحيد آهلة وإلي أعرفة أن والدة ووالدتة ماتوا في حادثة حتي قبل ما أتجوزة و الحضانة من حقي يبقي مين يقدر يأخدها مني بنتي أنا قولت أنا عائشة لها . محمد : هو البيت دة بتاع أحمد صح كدة . رقية : البيت مكتوب بإسم نهر وأنا ضيفة فية . محمد : شكلك زعلتي أنا بس بدردش معاك . رقية : وأنا بجاوب حضرتك . محمد : كل حاجة علي نور هتكون احسن . رقية : أنا صراحتكم بكل إلي عندي وماعنديش جديد أقولة . محمد : إحنا بيت أرياف صح مصطفي في بيت بعيد عن أهلة بس لازم يزورنا كل اسبوع . رقية : ود الأهل مطلوب و يوسع الرزق و يجيب البركة في البيت و دة عادي و تقريبا عارفة شوية تقاليد عن القرية هنا مش كلها لأني مش بختلط بالناس بسرعة بس فاهمة شوية عادات هنا . محمد : تمام كدة حبيت أوضح دلوقتي عن إذنكم و ربنا يعمل إلي فية الخير . أبو إبراهيم : تمام يا إبني مستني رد الأسبوع الجاي و كل شيء قسمة ونصيب . مشي مصطفي و محمد و في الطريق محمد : بص يا مصطفي طبعاً انا كنت فاكر إنها بكر و لما شوفت بنتها أنا اتخضيت و قولت هقولك الجواز دي علي ج*ث*تي لكن لما شوفتها حستها صغيرة مش كبيرة و لما إتكلمت انا احترمتها و هقول لك إن إلي انت داخل علية دة حوار كبير لو حاسس نفسك أدة وهتقدر علي الأمانة دي أنا معاك لو لا من دلوقتي بلاش . مصطفي : يعني إية يا محمد إنت شايف إني مقدرش أتجوز. محمد : إنت عارف إني مقصدش كدة ابدأ إلي اقصدة دى واحدة حكمها حكم اليتيمة لما يتقفل عليكوا باب واحد لازم تكرمها هي و بنتها هي بطولها في الدنيا لو مش هتكون لها الامان يبقي بلاش إنت أخويا الصغير وانا أدري بيك إنت عصبي و متهور صح مالكش في الشمال بس دي بالذات غير بنات بلدنا والبلد دي . مصطفي : يعني اي بنت لو إتقدمتلها مش هتكون أمانة ؟ محمد : هتكون أمانة طبعا بس دي لو ظلمتها إنت عارف كويس أن مفيش حد هيقف أدامك لكن يكون في علمك لو كملت الجواز دي انا الي هقف أدامك لو ظلمتها و هتكون في مقام أختي الصغيرة فاية ؟ هتقدر تعويضها وتصلح من اخلاقك علشانها؟ أنا صحيح مكملتش تعليمي زيك بس أنا برضو بعرف في الناس والبت واضحة من الاول هتتجوز علشان تحميها و بنتها وتكون اب لابنتها شاطرتك انك تخليهم يحبوك و يخافوا علي زعلك ودة هيحصل لو كنت هتتحمل المسئولية و تحاوط عليهم . مصطفي : إنت بس إقنع الحاجة أنا اصلا هم*و*ت و أتجوزها بقالي سنين بس كنت منتظر الوقت المناسب . محمد : إذا كان عن أمك ما تخافش أنا هعرف أقنعها رغم أنة صعب هي شيفاك إبنها الصغير المتعلم و تستاهل أحسن بنت بنوت بس ياخي أنا كنت عاوزلك واحدة تطلع عينك زي ما بتطلع عينيا من و إنت صغير و دي شكلها غلبانة . مصطفي : الغلبانة دي قدرت تعيش هي و بنتها أربع سنين وشوية في البلد أرياف وقدرت تصد رجالة ياما عن سكتها. محمد : خلاصة القول إنت مصمم علي الجوازة دي وقدها. ؟ مصطفي : أيوة واستعجل الله يخليك أنا خلاص جبت أخري من الانتظار. محمد بضحك : همتك إنت ضبط أمورك مع نهر علشان أمها ترضي عنك. مصطفي : دي عيلة زي أي عيلة هيضحك عليها بكلمتين. محمد : صح بس لما العيل بتجيب لية أخ بغيير و هي مع امها لوحدها من زمان يعني ممكن مترضاش بحد ياخد اهتمام امها خالي بالك. مصطفي : ياعم ماتقفلهاش خليك في أمك وأنا بتعامل مع العيال من زمان . محمد : يا إبني أفهم هي مش عيلة عندك في حصة حساب. مصطفي :فاهم فاهم إنجز مع أمك إنت وأنا هتعامل أبوس إيدك عاوزة أتجوز يا بوووووي. محمد : يخرب بيت عقلك حاضر حاضر والله و همشي في جوازتك ربنا يتمم لك بخير يا حبيبي . عند رقية نهر : كاتوا مين دول مام؟ رقية : إسمعي حبيبة قلبي إلي كان هنا دة عاوز يبقي بابا ليك طبعا هو مش بابا الحقيقي بس عاوز يكمل حياتة إلي جاية و يكون بابا ليك و عاوز كمان يكون لك أخوات صغيرين يكون هو باباهم الحقيقي فلو إنت وافقتي أنا موافقة (في سرها يا رب ما توفقي يا نهر انا مش مستريحة) نهر : طب هو بابا الحقيقي مش هيزعل . رقية : بابا الحقيقي عند ربنا حبيبتي و بيشوفنا وأهم حاجة عندة إنك تكوني سعيدة و كويسة و عندك أهل يحموكي . نهر : حضرتك بتحميني و بتخديني في حضنك ديما وبتعلميني . رقية : صح حبيبتي لكن أنا كمان هيجي يوم و أروح عند ربنا ساعتها مين هيكون مع نهر علشان لما أنا تعبت كنت خايفة أم*و*ت و إنت تكوني لوحدك بصي حبيتي لو إنت مش حبتية يبقي مش هيكون لك أب لان بابا الحقيقي إحنا مش بتختارة لكن إلي عاوزينة يبقي بابا إحنا مع بعض نختارة. نهر : طب أنا صغيرة و مش هعرف أختار فاختاري أنا موافقة علي أي حاجة حضرتك عاوزاها لكن لما يجي أخوات ليا هتحبيني و لا هما. رقية ضمت نهر بحب : إنت بنتي الكبيرة الجميلة الشطورة طبعا هحبك طول ما أنا عائشة و بعد ما أم*و*ت كمان القلب ممكن يحب أكتر من واحد يعني إنت مثلا مش بتحبيني و تحبي بابا و بتحبي عمو أبو إبراهيم و البنات إلي بيلعبوا معاك عند الجامع. نهر : صح يعني إنت هتحبيني و تحبيهم صح. رقية : صح. نهر : بس حبيني أنا أكتر علشان أنا بحبك إنت أكتر واحدة في الدنيا. رقية : روح قلبي يا ناس بس فية كمان حاجة عاوزاك تعرفيها . نهر : إية هي؟ رقية : لما يكون لك بابا جديد مش هنعيش هنا في البيت دة هنكون في بيت تاني لأن دة هيكون بيتك إنت وقت ما تكوني عاوزة تقعدي شوية مع بابا لان روحة هنا او انا وقت ما أحب آجي أقعد شوية . نهر : البيت دة بتاعي أنا ؟ رقية : أيوة يا حبيبتي ولو سمحتي أبقي أقعد شوية فية لما أكون مضايقة . نهر : اي حاجة ليا ممكن تاخديها أنة . رقية : يا روح وقلب أنة يااااة يا نهر ماتتخيليش أنا بحبك قد اية. نهر : وأنا كمان بحبك قوي . مرت الأيام ومحمد قدر يقنع أمة علي جوازة مصطفي و أبلغوا أبو إبراهيم أنهم سيستمروا في موضوع الجواز وإن الحاجة تريد رؤية رقية . أبو إبراهيم : يا بنتي الأستاذ مصطفي عاوز يجيب أمة تتعرف عليك. رقية : قصدك تعاين بس ماشي ما دام قاعدة ستات ماشي. أبو إبراهيم : إلي فية الخير يقدمة ربنا أنا هبقي آجي علشان أكيد محمد أو مصطفي هيوصل أمة وآة مرات محمد جاية معاها . رقية : ماشي يا عمي هيحوا أمتي؟ أبو إبراهيم :بكرة باذن الله بعد العصر. تاني يوم جاء مصطفي وأمة واخية وزوجة أخية وقبلها وصل أبو وأم إبراهيم لبيت رقية . رقية كالعادة زي القمر في بلوزة روز وجيب وظحجاب رمادي و نهر زي مامتها جيب رمادي وبلوزة روز استقبلهم كالعادة أبو إبراهيم ثم دخلت رقية بعد مادقت علي الباب وزهي بيدها صينية عصير. رقية : السلام عليكم ورحمه الله . الجميع : وعليكم السلام ورحمة الله . محمد : عنك . واخد الصينية ووضعهاعلي الترابيزة وشارو علي أمة : دي ست الكل أمي. رقية : اهلا وسهلا بحضرتك( و راحت تسلم عليها و بعدين سلمت علي إنتصار): و حضرتك مرات آبية محمد صح. أم محمد : بتقول هنا لاخو الزوج الكبير عمي وأخت الزوج عمتي . رقية : حاضر إن شاء الله. ام محمد : إن شاء الله إية؟ رقية بإستغراب : أن شاء الله كلمة ديما إتعودت أقولها و إحنا بنتعرف وإلي فهمتة أن صعب حضرتك توافقي عليا صح ولأ أنا فاهمة غلط . أم محمد : صح دة إبني الصغير آخر العنقود و ما سبقش و إتجوز قبل كدة . محمد :اماااااة خلصنا من الموضوع دة . رقية : لا خالص كل حاجة لازم تبقي علي نور أنا مش هتجوز أبدا من غير ما يكون مرحب بيا و بنتي قبلي من أهل زوجي و لو الحاجة مش موافقة ووراضية أنا مش هوافق. إسمعيني يا حاجة لو حضرتك شايفني قليلة علي إبنك فأنا مش هرضي بدة طول الوقت و أنا بجهدي و أخلاقي أنا و بنتي يتشرف بيا أي حد وأنا في نفسي مش قليلة و قولت لأولادك قبل كدة أنا عاوزة عيلة ولمة واب لبنتي يحمينا ونكون عيلة بنحب و نحترم بعض . أم محمد : وانت هتقدمي إية لابني ؟ محمد : يادي النيلة في إية يا آماة إنت جاية تتخانقي ؟ رقية بهدوء : ما تخافش من إللي بيقول إللي قلبة خاف من إلي بيخبي و يداري و الحاجة واضحة و صريحة. أيوة يا حاجة هقدم إلي بتقدمة أي ست هحافظ علي زوجي و اهلة و أحترمة في و جودة و غيابة و أحاول أسعدة و يكون في بنا مودة ورحمة دة إلي عندي أقدمة . نهر : ممكن أتكلم أنة ؟ رقية : مش دلوقتي حبيبتي . محمد : لا إزاي خليها تتكلم القمر دة . رقية بصت لنهر و هزت رأسها بالموافقة . نهر : زي ما حضرتك رأيك مهم أنا كمان أبقي أهل مام ورائي مهم وهي أحسن وأجمل أم في الدنيا و لازم يكون عمو راجل كويس علشان أوافق علية يا تيتة يعني حضرتك وعمو محمد مهمين وانا كمان ومش أحب حد ابدأ ابدأ يزعل مام. هنا الكل ضحك إنتصار زوجة محمد : يعني أنا بس مش مهمة. نهر : أبدا يا طنط أسفة لو زعلتك بس تيتة كلمت مام بطريقة حسيت إنها قليلة و مام ديما كبيرة و حلوة واحسن واحدة . محمد : و شهد شاهد من أهلها أهو بنت مكملتش متر و لها رأي و العيال مش بيكدبوا. نهر : ماما قالت الضعيف هو إلي يكذب وأنا بكدب في حاجات بسيطة علشان أطمن ماما بس . كلة ضحك انتصار : ما شاء الله بنتك تتآكل أكل طعمة و كلامها حلو و شخصية . محمد بمرح : بذمتك في حد من العيال يعرف يدافع عننا كدة. أم محمد : أحسن حاجة بتتكلم لما أمها توافق . رقية : أنا و نهر أصحاب و أنا بحاول أعلمها علي قد ما أقدر . محمد لنهر : واتعلمتي اية بقي . نهر : بصلي مع ماما وحفظت الحمد لله وقل هو الله أحد و قل أعوذ برب الفلق و قل أعوذ برب الناس و أنا أعطيناك الكوثر و شوية عربي وتركي وانجليزي وبعرف اكتب إسمي كمان واعرف الحروف . محمد : ياااااة دة أنا معرفش تركي ولا انجليزي عربي بس . نهر : خلاص ماما تذاكر لنا اية رأيك . محمد وزهو ميت ضحك : لا ماما هتذاكر لك وعمو مصطفي . نهر : عمو مصطفي مش دة الي عاوز يبقي بابا ؟ محمد : اااة يا حبيبتي. نهر : طب لية مش بيتكلم خالص. محمد : تقريبا جاي النهاردة متفرج. رقية : كفاية كلام كدة نهر وخلي الكبار تتكلم. نهر :حاضر ماما. رقية : حد عاوز شاي أو قهوة. محمد : لو سمحتي قهوة مضبوط و بص لمصطفي و مصطفي كمان. أم محمد : أنا وإنتصار شاي. أم ابراهيم : وانا كمان . نهر : ماما ممكن موز باللبن . رقية : حاضر دقايق بس سكر الشاي قد إية ولا اجيب السكرية. أم محمد : أة هاتي السكرية. رقية : و حضرتك يا عمو عاوز إية؟ أبو إبراهيم : خاليها قهوة يا بنتي مضبوطة. خرجت رقية و عملت الشاي و الموز باللبن و جت حطت الصينية و شالت الصينية الأولي و الكوبيات الفاضية أم محمد : الاول كنتي هاتي القهوة للرجالة. رقية : القهوة علي النار بتاخد وقت و الشاي جهز فجبتة عن إذنكم علشان القهوة و خرجت جابت القهوة. محمد : تعرفي المرة إلي فاتت عجبتني القهوة قوي تسلم إيدك تعدل الدماغ صحيح. رقية : بالهنا و الشفا حضرتك. إنتصار : طب والقهوة بتاعي. محمد : طبعا هي كمان تعدل الدماغ يا أم علي. أم محمد : ممكن نقعد ستات مع بعض. محمد لمصطفي بهمس : أستر يا رب امك هتبدا الحرب. مصطفي : إتصرف و النبي امك هضيعني. محمد بصوت عالي : نشرب الأول القهوة و الشاي و بعدين نتقسم . أم محمد اقعدوا إنتم هنا و إحنا كل واحدة هتاخد الشاي بتعها و تقوم ورا رقية. نهر : هاجي مع البنات أنا. محمد : لا حبيبتي ( و بصوت واطي ) ليكلوك ما تهونيش عليا (و علي صوتة ) إحنا عاوزين نتعرف عليك يا قمر حتي تتعرفي علينا علشان توافقي . رقية :حبيبتي خاليك هنا مع جدو اتفضلي يا طنط . ام محمد : قولي لي يا امة . رقية : لو حستها هقولها . حضرتك إحنا لسة بنتعرف. محمد قام وقرب لأمة وبصوت واطي في ودن أمة : براحة علي البنية يا أمة دي غلبانة وبسكوتة قوي . أم محمد : هو أنا هكلها ؟ محمد : مش مريحاني يا غالية علشان خاطر مصطفي وأنا ماضيقهاش . أم محمد.: ماشي يا حنين . وقاموا ذهبوا ورا رقية التي أدخلتهم غرفة صغيرة كان أحمد عملها لنهر أو كان بيقعد فيا مع نهر لما رقية تحب تنام باليل و هو يلعب وينام مع نهر كان فيها سرير صغير و كرسيين ودولاب صغير و شباك عالي علي السلم رقية : إتفضلوا أم محمد : دي أوضة نهر. رقية : لا نهر لغاية دلوقتي بتنام في حضني دي أوضة ضيوف و بنام فيها الضهر لما الدينا بتكون دوشة برة لان أوضة النوم الثانية تعتبر علي الشارع . أم محمد : طب ما نروح الأوضة الكبيرة . رقية : معلش ما اقدرش أوضة الله يرحمة ما أقدرش أدخل فيها حد غير بنتة سامحيني . أم محمد : لما إنت بتحبية لية هتتجوزي . رقية : حضرتك أنا مش هقول إني جميلة و مطمع بس الحال هنا في الأرياف الناس ما بتسبش حد في حالة والناس ضايقوني كتير بتصرفاتهم وغمازتهم و أكتر الي بيضايقتي ستات نظراتهم ليا كأن هخطف حد من اجوازهم غير لما بتعب بخاف اكتر علي بنتي لو جرالي حاجة أنا كنت واضحة وصريحة معاكم من الأول أنا عاوزة عيلة وأب لبنتي وان شاء الله أخوات يسندوها ويكونوا عز ليها بنتي هادئة و حساسة وقوية وقت اللزوم لكن صغيرة و لوحدها في الدنيا . أم محمد : في ناس كتير بتقعد علي عيالها في أنا مثلا بعد جوزي وهبت نفسي لعيالي . رقية : ربنا يخليك ليهم بس حضرتك غير كان معاك علي ما عرفت ثلاثة ولدين وبنت صح . أم محمد : صح وكان حملهم أكبر وكنت صغيرة كمان أصغر منك . رقية : كان عندك عيلة تقف وراك وعندك عيال يسندوا بعض في الكبر مش واحد أو واحدة وبس ولا أنا كلامي فية غلط . أم محمد : وأهلك فين . رقية : هو أبية محمد ما قلش لحضرتك ؟ ام محمد : لا محمد بصراحة بيشكر فيك وأخلاقك وحبك وقال جدعة وبس . رقية :طيب أنا هقول لحضرتك و زي ما قولتهم هقولك الكلام دة يكون بينا ما حدش يعرف بية سواء الموضوع تم أو لأ ممكن . أم محمد : ممكن . رقية : أنا اتعرضت لحادثة في قطر وفقدت الذاكرة يعني كل إلي في عقلي اتمسح و معرفتش أوصل لاهلي اليغ أنا مش فكراهم أصلا وبعدين إتجوزت أحمد و مات في حادثة و مش عارفة الذاكرة ممكن ترجعلي ولا لأ وأهلي ممكن يظهروا و لا لأ برضوا. أم محمد : يعني إنت بطولك في الدنيا علي العموم إلي تحافظ علي نفسها و بنتها الفترة دي كلها و تبقي لوحدها تبقي ست جدعة بجد بس يا تري هتقدري تحبي ابني . رقية : القلب بايد ربنا و العشرة بتولد مودة و رحمة و مين عارف بكرة فية إية بس أوعدك هتقي ربنا فية و هحافظ علي شرفة و بيتة ومالة . أم محمد : تعرفي أنا حبيتك علشان صريحة و مش بتاكلي بعقلي حلاوة و واضحة (و بتضحك ) لو نهر وافقت هكون مطمنة علي إبني معاك ربنا يجعلكم من نصيب بعض . في المضيفة محمد تعالي علي إقعدي علي رجلي ياقمر . نهر : لا ماما قالت ما أقعدش علي رجل ولد عيب بس هقعد جنب جدو وبصت لابو ابراهيم أبو إبراهيم :تصدق باية أنا عندي أحفاد ولاد وبنات بس نهر حبها في قلبي غير مش عارف انا ممكن ابعد عنها ازاي بتجي تقعد معايا علي مصتبة البيت بعد العشا كل يوم شوية . نهر : هو لو عمو بقي بابا هنسيب البلد دي ولا أية. مصطفي : إنت عاوزة إية تحبي نعيش هنا . نهر : هو حضرتك بيتك بعيد عن هنا . مصطفي : ليا بيت صغير جنب المدرسة . نهر :يعني قريب كدة هاجي اقعد معاك برضو بس انت ترجعني ماشي جدو وهنعمل كمان ليمونادة ونخلصها كلها و ضحكت قوي . أبو إبراهيم : بس يا نهر تيتة تجي وتعرف السر بتاعنا . محمد : اية دة سر اية . نهر بمرح ونطت من علي الكنبة : أن احنا اللي بنخلص الليمون والسكر. محمد : إنت عندك مع جدو أسرار بقي . نهر : هزت راسها أيوة كتير وبتعمل مقالب بس مش بناذي حد صح جدو. أبو إبراهيم : خمس دقائق كمان و نتفضح فين كتمان الاسرار يا نهر. نهر بجدية وحطت أيدها علي شفايفها : حاضر حاضر. مصطفي : تحبي نعيش هنا في البيت دة يا نهر؟ نهر : في البيت دة لأ في البلد آة . مصطفي : ممكن اعرف لية . نهر : بص يا عمو أنا صغيرة اة بس بفهم البيت دة ذكري بابا ليا ومكان ليا لو زعلت من حاجة انا أو امي ومش هحب حد يغير فية حاجة و محبش حد ابدا مهما يكون يدخل أوضة بابا الي إتولدت فيها و إشتالني وسهر معايا فيها . محمد : ماما هي الي حكت لك. نهر : و جدو و تيتة حكت لي كمان اصلها هي إلي ساعدت بابا لان الدكتورة كان في مصر يومها وماما تعبت قوي حتي في ناس كتير بتقول لي بابا في رمضان كان يشلني ويخرج يوزع حلويات علي الأطفال صح جدو . أبو إبراهيم : صح يا روح جدو هو أنا مش ميت مرة أقول قولي سيدي يا بنتي . نهر : لا جدو أحلي سيدي دي بيقولهالك عيال كتيييييير . محمد : خلاصة القول إنت عاوزة تعيشي هنا في البلد بس مش في بيت بابا. نهر : أيوة عاوزة بس مش كل إللي بنعوزة ينفع يعني أنا أتمني لكن لو هتحصل مشكلة أو عمو مصطفي مش عاوز يبقي أنا أفضل سعادة ماما طبعا. محمد : مش فاهمك ؟ نهر : فية ناس كتير عاوزين يكون دكاترة بس مش بيعرفوا يبقي لازم يبذلوا مجهود في الي هيوصلوا لية أنا بحب الفراولة بس ما ينفعش اكلها لأن عندي حساسية. محمد :يعني لو عشتم في بلدنا فيها مشكلة لك. نهر : هزعل شوية بس ممكن اجي ازور جدو واصحابي. مصطفي : يعني برضو ممكن نعيش هنا هتزعلي شوية بس هتبقي كويسة . نهر : لأ يا عمو في البيت دة لأ حضرتك تعيش زي ما تحب لكن هنا لأ ومش هوافق ابدا أبدا أبدا . محمد بص لاخوة : لية تعيش هنا فية لنا بيت في البلد نبني الدور التاني واسكن فية أو حتي البيت الي مآجرة هنا و بعدين البيت دة صغير اوضتين نوم و مضيفة ومطبخ وحمام مصطفي بحرج : يعني قريب من المدرسة وملك والتاني يبقي للدروس. محمد بغضب : ومن إمتي بنعيش في بيوت مراتاتنا أصلا مش ملك رقية بتاع بنتها. مصطفي بخجل : رقية إية و بنتها اية وزأنا هكون في مقام أبوها يعني في بيتها. محمد بإستغراب : يا مثبت العقل و الدين نتكلم في الموضوع دة في البيت يا مصطفي بدل ما تشليني هنا . و ممر إيدة علي شعر نهر : تعرفي يا حبيبتي مع أنك صغيرة بس عقلك كبير و أمك علمتك كويس هكون مبسوط لما تكوني وسطينا وهفرح لو مصطفي بقي بابا إية رائك . نهر : ماما قالت لازم اوافق علشان هي ترضي تتجوز وانا قولت لها اني اصغر من إني اخد رأي و إن هي إلي تقرر لأنها بتعرف أكتر مني ومش هتاذيني ابدا. محمد : بسم الله ما شاء الله عقل و أدب و جمال ربنا يحفظك. تكلموا كتير و محمد كان معجب جدا بنهر لكن مصطفي كان هيطق منها و في الاوضة التانية أم محمد حست بإرتياح مع رقية و تكلمت معاها كتير قوي وكمان انتصار ارتاحت لها بس انتصار كان نفسها أن رقية تعيش في تلك البلد كي تكون براحتها في البيت مع عيالها و أول ما أذن المغرب نهر قالت : يلا اوريكم الحمام علشان تتوضوا مين هيدخل الاول ؟ محمد ,: لا يا ست البنات إحنا هنتوضي في الجامع و نصلي ونيجي تحبي تيجي معانا. نهر : لا هصلي مع ماما إتفضل علشان تلحق الصلاة . طيب روحي قولي للجماعة إننا خارجين نصلي ولما هنجي هنمشي ماشي. نهر: حاضر. مصطفي : ولا مش عوزانا نمشي ؟ نهر : لا كفاية كدة النهاردة لأني تعبت خاااالص. مصطفي بصوت واطي : بت حيزبونة. محمد : بتحط نفسك في مواقف بايخااااااة وبعدين إحنا سايبين العيال لوحدهم من زمان . أبو إبراهيم : خدوني معاكم هصلي في بيتي وآجي. نهر راحت تقول للستات أن محمد وزمصطفي راحوا الجامع وعم إبراهيم هيصلي في بيتة ويجي . رقية : طيب حبيبتي حد يحب يتوضي يا جماعة علشان نصلي. أم محمد : أيوة يا بنتي أنا عاوزة أتوضي فين الحمام. رقية : إتفضلي معايا تواني و أجيب لحضرتك حاجة تتدخلي بها الحمام. وبعدها إنتصار وبعدها أم إبراهيم و بعدين دخلت رقية مع نهر و توضوا و صلوا وجه أبو إبراهيم و بعدها محمد و مصطفي و أخدوا الحاجة وإنتصار. في الطريق محمد : أيوة يا حاجة إية الأخبار عصرتي البت ولا اية. الحاجة :أيوة دي هتبقي عروسة الغالي بس البنت كويسة صراحة و مؤدبة وصريحة ولسانها حلو وأنا حبتها خالص . محمد : طب الحمد لله اقتنعتي أنا كنت فاكر هنغلب معاك نويت علي امتي يا مصطفي. الحاجة أم محمد : مش لما يكسب البت الصغيرة الأول . محمد : لا يا أمة البت قالت الي هتقول علية أمي أنا موافقة بس يكسب إبنك رقية وكلة يبقي تمام وبلاش و حياة أبوك تتكلم في موضوع البيت تاني . الحاجة : بيت إية يا إبني ؟ محمد : المحروس إبنك عاوز يعيش معاهم في بيتهم والبيت الي مآجرة يدي فية دروس من اول قاعدة تعارف بيقول أنا طمعان في بيتكم . مصطفي : أنا ما قولتش كدة . الحاجة : ما نبني دور تاني وتعيش فية . مصطفي : كفاية الي راح من العمر لسة هبني شقة وعمال و أسمنت و طوب و اقعد مش عارف اد اية اسقي الصبة لغاية ما تقوي واجيب عمال بلاط و سيراميك و دهان و أبواب وكهرباء و تجارة عاوزة وقت و مجهود و أنا عاوز اتجوز بسرعة . محمد : ما هي قالت عاوزة وقت علي بنتها ما تاخد عليك. مصطفي : أنا مليش تقل علي العيال و مشغول مهمتك أنك تقنعها نتجوز بسرعة . محمد : طب وفر إنت الشقة . مصطفي : مش فاهم ممكن أقعد مؤقتا معاهم علي ما أوفر شقة أو أعمل شقة عندكم . محمد : يا إبني افهم قالت البيت بإسم نهر والبت قالت مش هتغير حاجة في بيت أبوها علشان الذكري الوحيدة لها رقية نفسها مش عاوزة حد يدخل بيتها دة علشان أصيلة حافظة العيش و الملح طب أراهنك إذا كانت دخلت أمك ذات نفسها أوضتها . الحاجة : فعلا يا بني دخلتنا أوضة صغيرة علي السلم و قالت مفيش حد بيدخل الاوضة الكبيرة غيرها وبنتها . مصطفي : طب نحاول نقنعها . محمد : قسما عظما يا مصطفي أن ما بطلت لاقنعها ما تتجوزك إية دة خلي عندك دم و حس أنا عارف كويس إنك مش محتاج البيت بس عاوز تدمر كل ذكري للي قبلك عاوز تكون إنت كل إلي في حياتها ودة غلط إنت من الأول أخترت واحدة إتجوزت قبل كدة فيا تقبل بالي إختارتها علي بعضها يا تسبها في حالها و خلص الكلام و إلي انت عايز تدمر ذكراة دة في دار الحق ميت خلاص و لة بنت علي وش الدنيا أمها اصلا هتتحوز علشان تحميها فاهدي كدة واكسبها لصفك وعاملها بما يرضي الله هتلاقي رقية زي الخاتم بصباعك بلاش عصبية و تهور اغو هتلافيني أنا اللعي هوقف الجوازة دي يا تري مصطفي القسمة و النصيب ولا حد تاني ولا رقية مش هتتجوز نشوف الفصل الجاي !!! تجهيزات العرس(10) عدت الأيام بصعوبة علي رقية التي كانت خايفة من المستقبل و حاسة أن مصطفي ليس هو الحل الصح لكن وجود محمد و الحاجة أمة وإنتصار وأولادهم و.كل فترة ياتوا محملين بأشياء كثيرة لها و لابنتها حسسها أنهم أهل خصوصا محمد كان يتعامل معاها كأخت و الحاجة كانت طيبة معاها و تعاملها مثل بنتها . مصطفي كان يحاول أن يراضيها لكن دائما كان لة حجة أنة مشغول و يرتيب بيت الزوجية و الشغل و الدروس ووأنة مستعجل و يريد الإستقرار و ما يجوز طبعا التكلم بالهاتف كالمراهقين أو أن يخرجوا كثيرا . رقية أختارت مصطفي بالعقل عيلتة بتحبها وهو سمعتة كويسة في البلد كأستاذ رياضة وعلوم ابتدائي لن تاخذ رجلاً من زوجتة و أولادة كحال الذين تقدموا قبلة عيبة انها تعتقد أنة لا يحب الاطفال لكن أكيد سيحبهم و يعرف يتعامل معاهم لو رزق بطفل . قبل يوم العرس بأسبوع أبو إبراهيم وأم إبراهيم ذهبوا لرقية و إبنتها . أبو إبراهيم : هههة يا بنتي ناقصك حاجة أو اقدر أساعدك في حاجة ؟ رقية : تسلم يا عمو ويسلم ذوقك كل حاجة تمام حضرتك عارف يعني المطلوب مني حاجات ربنا قدرني وجبتها وراحت الشقة كمان بس اللبس هو إلي لسة مراحش لاني بخيطة ليا ولنهر. ام ابراهيم : أيوة يا رقية دة إنت بتعملي أطقم ليك و نهر بنفس القماش تحفة الكل بتحاكي علي تفصيلك وذوقك . رقية : تسلمي يا خالة بالمناسبة عملت لك عباية يا رب تعجبك . أم إبراهيم : بجد هي فين ؟ أبو إبراهيم : يا ولية جايين نساعدها ولا ناخد منها. أم إبراهيم : بتقول عملتها خلاص أقول لا. رقية بضحك : يا عمو دي حاجة بسيطة وأنا عاوزة أهديها ما فيهاش حاجة يعني وقامت جابت العباية . رقية : حضرتك عارفة الطريق لو عاوزة تقسيها علشان لو فيه حاجة اضبطها لحضرتك . أم إبراهيم : والبني عسل و الواحد مش عارف هيبقي يروح فين لما يكون مخنوق و بصت لجوزها بغيض دة إنت كنتي بتهوني عليا كتير قوي . أبو إبراهيم : امشي روحي قيسي عاوزة أتكلم كلمتين أب لابنته و لا مش عاوزة يا بنتي ؟ رقية : لا إزاي يا عمو حضرتك لك معزة الوالد طبعا. راحت أم إبراهيم : تقيس و أغلقت باب المضيفة و وقفت وراها كي تسمع هيقولوا اية . أبو إبراهيم : بصي يا بنتي أنا حاسس إنك مش مبسوطة من الجوازة دي واني ضغطت عليك علشان تتجوزي بس و الله انت في معزة بناتي و كان نفسي استرك بس قوليلي هو مصطفي ضايقك في حاجة ؟ رقية : لا أبدا احنا اصلا بنتكلم علي القد يعني في التجهيزات وإللي علي كل واحد بس حاسة ٱنة جامد أو قاسي أو يعني مش عارفة أعبر . ابو ابراهيم : يا بنتي هنا في الأرياف الرجالة بتتحوز علشان تكون بيت وأسرة وتجيب عيال يشيلوا إسمها ويشلوهم وقت كبرهم مش بنعرف نحب ونعيش هيام ونسهر الليل إلا القليل قوي مننا وكمان يخاف يقول أنة بيحب للناس تقول علية عيل يعني من الآخر الجواز بالنسبة لينا شر لابد منة و اازم نتعايش معاة و عارف إنك كنتي بتعشقي أحمد و هو كان بيعشقك لدرجة ما كنش فارق معاة عيال ولا غيرة .فمصطفي زية زي اي واحد هنا وانت و شطارتك بالعشرة يحبك و ما يقدرش يعيش من غيرك . رقية : بحسة غريب في كل شئ كلامة و تصرفاتة تعرف اخوة محمد غير بيقدر و يشجع و ياخد بخاطر الناس يعني بيتعامل مع بنتي كويس وكل مرة هو أو اي حد من عندة بيجيب حاجة لنهر حتي لو بسيطة لكن مصطفي بيتجنبها أصلا . أبو إبراهيم : يا بنتي محمد أب وكان أب لأخواته بعد م*و*ت أبوهم وأمهم الحاجة عارفة غلاوة الضني لكن مصطفي اخر العنقود مجربش يكون مسئول عن أسرة وطفل و اكيد هيتغير بس كل وقت ولية أدان . رقية : ما هو أنا بقول لنفسي كدة علشان أصبر نفسي بس خايفة تعرف عمري ما خفت قبل ما أتجوز أحمد بالعكس كان حتي في سكوتة عيونة بطمني . أبو إبراهيم : بصراحة يا بنتي أحمد حظة حلو و كان راجل بجد كان بيبقي شيال هموم الدنيا و عارف أنة تعبان و مخنوق و طالع عينة بس نظرة واحدة ليك أو بنتك بيتحول و يبقي أسعد واحد في الدنيا . هههههههه و كنت بستغرب منة قوي و اقول هو فية واحد عاقل بيحب مراتة كدة . رقية : الله يرحمة كان سند وأمان وأهل وسابلي أحلي ذكريات وأجمل بنت . صحيح يا عمو الرجالة هنا بتتحوز علشان شر لابد منة و الستات بتتحوز لية ؟ أبو إبراهيم : علشان ناقصات عقل هههههه اة و ربنا بتتحوز علشان ما يتقلش عليها عانس وعلشان تلبس الفستان الابيض و الطرحة وبعدين تحارب علشان يتقال لها يا امة والله زي ما بقولك كدة ! و كل الأسباب إلي بتتحوز علشانها ما فيهاش أنها مثلا عاوزة تتعرف أو تشارك الراجل إلي هتتجوزة حياتة في بنات هنا بيتجوزوا من غير ما يشوفوا العريس أصلا أو يعرفوة يعني بيعرفوة كشكل يوم ما يتقدم والأهل توافق لانة مناسب لبنتهم و بعد الجواز يا إما يبقي بينهم حب و مودة ورحمة أو عيشة تقصر العمر و خنقة هههههه زي حالتي كدة . هنا فتحت أم إبراهيم الباب : أنا أقصر العمر يا راجل طب لعلمك إنت من غيري لتعرف تروح ولا تجي . أبو إبراهيم : سلام قولا من رب رحيم , أية يا ولية؟ مش هتبطلي العادة الزفت دي أخدتي الباب وارك وبعدين تقفي تلمعي أوكر ما إستيش الزفت لية . أم إبراهيم : هههههاة إستة أيوة أستة يا أخويا و عجبني قوي وزبعدين وأنا جاية سمعت يا ناكر العيش والملح. رقية : إستهدوا بالله كدة يا جماعة دة شيطان دخل بينكم و نظرت لأم إبراهيم دة بس كان بيهزر علشان أنا متوترة من الجوازة دى بيضحك معايا بس وبعدين هو علي طول بيقول عليك كلام حلو و إنة مقدرش يعيش من غيرك وإنت نوارة البيت . أبو إبراهيم بمسكنة : شوفتي الظلم يا بنتي؟ الواحد حتي مش عارف يهزر شوية معاك. أم إبراهيم : هيزااااااار وإنت من امتي بتهزر ! دة إنت عمرك ما هزرت معايا . أبو إبراهيم : نهايتة هنمشي ولا تقيسي البتاع دة و رقية تشوف يتظبط و لا لأ احنا عطلناها كتير . أم إبراهيم : لٱ خلاص هروح اهوة. أبو إبراهيم : طب و حياة الغوالي ما تافلي الباب وراك أصلة بيجيب هواء من هنا والدنيا بتتكتم . رقية بلعت الضحكة و قالت بجدية : تمام علشان نشوف لو هنعمل تعديلات . أبو إبراهيم فضل يبص لمراتة لغاية ما وصلت الأوضة الصغيرة و قال : ربنا يسامحنا علي الكذب إلي كدبناة دة كلة . رقية : هي بس عصبية و بتحب تنافر فيك . ابو ابراهيم : تنافر فيا دة أنا كنت شمعة منورة طفتني الولية دى والله . رقية : وهي كانت إية ؟ ابو ابراهيم : هههههاية كانت قمر حاجة كدة طول بعرض بجمال بصحة بس تحولت مع أول عيل و بقت زي ما إنت شايفة كدة . رقية : يعني السبب إنت و عيالك ! فتحت أم إبراهيم باب الأوضة و مشيت في الطرقة و جاية عليهم . أم إبراهيم : تسلم ايديكي حبيبتي دة حلو أوي هحضر بية فرحك إن شاء الله بس عاوز يتقصر شوية و يتحبك شوية من علي الوسط . أبو إبراهيم : إية الحلاوة دي حلو عليك قوي و يتقصر آة بس يتحبك لٱ . رقية : أنا كدة كدة كنت هٱصرة بس كنت عاوزة أعرف قد إية و نزلت علي تحت و قالت لحد كدة كويس. أم إبراهيم : كويس و يتحبك من هنا شوية . أبو إبراهيم : يا براميل الزبدة السايحة هيتحبك لية كدة كويس أحسن الكرش يبان . أم إبراهيم : بغيظ متعرفش تقول جملة علي بعضها حلوة ماشي يا فونتاس المفهومية كافية بس يتقصر . رقية بضحكة : حاضر عنيا غيري حضرتك و أقصرة . دخلت نهر المضيفة و هي بتفرك في عينيها. نهر : جدو و تيتة إزيكم ماما لية سبتيني أنام كل دة. عاوزة أقعد مع جدو شوية و آة انت شيك و جميلة قوي يا تيتة حلو الفستان دة. رقية : الأول نقول السلام عليكم واتقضلي علي الحمام اغسلي وشك و إيدك ورجلك كمان نهر : السلام عليكم و حاضر يا ماما . أبو إبراهيم : عسل يا ناس يلا يام إبراهيم روحي غيري ومشيت أم إبراهيم . أبو إبراهيم : بقولك يا بنتي ما تخلي نهر تجي تقعد معانا شوية اهو تلعب مع عيال ابني و العب أنا كمان معاها علي ما تخلصي اللي وراك وبرضو تكلمي مصطفي في التلفون اكيد فية حاجات عاوزة تتظبط . رقية : ماشي يا عمو بس تبعتها ليا أدان الظهر . أبو إبراهيم : أدان الظهر إية دة فاضل علية ساعة ساعة و ربع أنا أقصد لآخر النهار . رقية : معليش عمو أنا عاوزة اقعد مع بنتي اكبر وقت ممكن وبعدين نهر عاقلة بتساعدني مش بتعطلني في حاجة . خرجت أم إبراهيم من الأوضة وخرجت نهر من الحمام . ابو ابراهيم : يلا انتو الاثنين معايا و نسيب رقية شوية . نهر : هههههاة هنعلب يا جدو. ابو ابراهيم : هنلعب يا روح جدو و هجيب ولاد إبني يلعبوا معانا دة إحنا هنكسر الدنيا ام إبراهيم : بغضب و مين هينظف واركم أنا ركبي و.جعاني . رقية : طيب اتفضلوا انتم وانا هفطر نهر الاول واجيبها . أبو إبراهيم : لية يا بنتي معندناش فطار ولا اية وبعدين وبص لمراتة أنا لسة ما فطرتش هفطر معاها الأول وبص لنهر وبعدين نلعب . نهر نطت من الفرح : أيوة وإلي يبوظ مكان يظبطة علشان ما نتعبش تيتة . ام ابراهيم : أنا مش بقول عليك حبيبتي انت ما شاء الله بترتبي مكانك أنا بقول علي جدك والعيال . نهر : ما تقلقيش أنا هعلمهم يرتبوا مكانهم علشان أبقي العب معاهم و هرتب مكاني أنا وجدو. أبو إبراهيم : والنبي عسل ومؤدبة يلا حبيبة جدو امسكي ايدي نمشي(و بصوت عالي لام ابراهيم ) ورانا يلاة . رقية : متبعاهم بعنيها : ربنا يحفظك من كل سوء حبيبتي وراحت تقصر العباية الأول و هي علي الماكينة التلفون رن راحت تشوف مين. رقية : الو مين معايا. مصطفي : أيوة أنا يا رقية كنت عاوز أسألك هنروح نجيب فستان الفرح امتي ؟ رقية : فستان الفرح لية مش إحنا هنكتب الكتاب والناس تهيص شوية وخلاص ؟ علي العموم أنا عاملة تايير ابيض تحفة يأدي الغرض وبلاها مصاريف زيادة . مصطفي : مين قال كتب كتاب ونهيص ونمشي لأ طبعا أنا حاجز قاعة كبيرة في المحلة و حاجز عربيات لتوصيل الناس هو انت فاكراني قليل ولا اية ؟ رقية : مقصدتش أبدا بس كنت فاهمة إنك خلصت فلوسك في التجهيزات والشقة وكدة وبعدين لية التكاليف الزيادة دي عليك ؟ و هقعد اغزاي في الكوشة نهر هتبقي مع مين يعني ؟ وممكن تتحرج من أهل قريتك أن مراتك عندها بنت . مصطفي : أنا مش هتجوز كل يوم ود يذكري جميلة للعمر كلة وهنعمل فيدو للفرح أما نهر هتكون مع محمد وإنتصار وعيالهم و تجي تتصور معانا ومع الاهل وما تحمليش هم المصاريف أنا مكفي نفسي كويس وفستان الفرح علي العريس و الكوافير كمان يعني مش هتتكلفي حاجة وانتصار و بنت أخويا ونهر هيبقوا معاك في الكوافير و هنكتب الكتاب عندك في الشقة قبل الفرح بيوم و بنسمية هنا يوم الحنة أو التصريرة . رقية : تمام إنت عاوز أمتي ننزل نجيبة. مصطفي أنا فاضي بعد العصر النهاردة و بكرة يعني لو ما عجبناش حاجة النهاردة نكمل وننزل بكرة . رقية : تمام يبقي منتظرينك بعد العصر . مصطفي : تمام هتودي نهر عند أبو إبراهيم . رقية : لا أنا عاوزاها معانا بعد أذنك طبعا . مصطفي : هيكون تعب عليها لف في المحلات وكدة وهي لسة صغيرة. رقية : السن دة الحركة كويسة لية ثم ما ينفعش أخرج معاك لوحدنا هيكون إسمها خلوة واحنا لسة ما كتبناش الكتاب لازم حد معانا أو هات أخوك لو تحب او الحاجة. مصطفي : أنا مش هكلك علي فكرة دة أسبوع وتكوين مراتي. رقية : خلينا في السليم أحسن حتي علشان شكلنا قدام الناس . مصطفي : الناس ما تهمنيش الي جايب لنا حاجة يجي يخدها بس ماشي سلام العصر هعدي عليكم. بعدها مصطفي إتصل علي بيت أبو إبراهيم و قالة يحاول مع رقية تخلي نهر معاهم علشان يدوروا براحتهم علي فستان كويس لكن أبو إبراهيم قالة أنة طلب منها تخلي نهر لآخر النهار وهي قالت لا بعد صلاة الظهر بس هيحاول تاني واكيد هتقولة أنهم خارجين لكن محاولاتهم فشلت و رقية صممت أن نهر تكون معاها . بعد العصر عدي عليهم مصطفي كانوا قافلين كل أبواب البيت ما عدا باب المضيفة المطلة علي الفسحة اللي قدام البيت أول ما مصطفي زمر بالعربية خرجوا و أغلقوا باب المضيفة ثم باب الفسحة فتح مصطفي باب العربية الذي بجانبة و شاور لرقية تجلس فجلست وهي تمد يدها لتاخد نهر علي رجلها . مصطفي : و لية الزنقة دي رجلك هتوجعك كدة خليها تركب ورا و بص لنهر و ضحك ولا اية يا عسل. نهر : اوكية يا عمو أنا بحب اقعد ورا وفعلا رجل ماما ممكن توجعها . رقية بسرعة نزلت تفتح لها الباب و إبتسمت لها بحب و قفلت الباب بعد ما دخلت نهر و رجعت في الكرسي الامامي . رقية : من فضلك ممكن تقفل اللوكر بتاع العربية علشان الامان . مصطفي : اللوكر دة إنت بتعرفي في العربيات بقي. رقية : عادي يعني حتي الميكروباص فية لوكر ومش اول مرة اركب عربية أنا استغلت في الاقصر كتير وعربيات الشغل هناك و التكسيات كتير. رقية نظرت للامام وفي نفسها : أنا حاسة اني أعرف العربيات دي كويس و النوع دة بالذات 128 أنا اعرفة بس مش عارفة منين ربما قبل ما أفقد الذاكرة مصطفي : روحتي فين سهمتي مرة واحدة. رقية : لا ابدأ. كنت عاوزة أسألك سؤال ينفع بدل ما نروح المحلة نروح المنصورة أصل المحلات فيها أكتر و فية تخفيضات علي ما سمعت و المحلة زحمة قوي و ممكن ما تلاقيش ركنة إية رأيك ؟ مصطفي : بص بطرف عينة علي المراية علي نهر لقاها مدية ظهرها ليهم و بتبص علي العربيات من ورا فحرك إيدة يمسك إيد رقية إللي إنتفضت مرة واحدة و شالت إيديها بسرعة . مصطفي : في إية إحنا في حكم المخطوبين ؟ رقية : ولو ، مندة مبدأ ومن خاف الله بارك لة الله . مصطفي : من خاف الله ولا إنت خايفة مني. رقية : ولو خايفة منك أجيب بنتي معايا ؟ أنا آة ست بس وقت اللزوم بألف راجل . مصطفي: ماشي نصبر الأسبوع دة ماجراش حاجة إنت قولتي إية المنصورة ولا المحلة أقرب و لو ما لقناش حاجة تعجبنا نروح المنصورة. رقية : براحتك زي ما تحب . مصطفي : بالسهولة دي أنا أسمع أن المخطوبين بيقعدوا يتخانقوا علي كل حاجة و خصوصا الفستان . رقية : و لية الخناق أنا مسالمة بطبعي . مصطفي : مسالمة ولا راجل ؟ و ضحك . رقية : علي حسب الظروف و نظرت لنهر تطمن عليها لتراها تنظر للطريق والعربيات من الخلف و مستمتعة بالهواء . مصطفي : تعرفي محلات حلوة في المحلة نروح علي طول ولا هنسآل . رقية : أعرف طبعا زي ما إنت عارف أنا بخيط فبنزل كل فترة ابص علي الموديلات الجديدة في المحلة اوغ طنطا أو المنصورة يعني أعرف كذا محل . مصطفي : ماشي يبقي هنروح المنصورة و ضحك بما إنك عارفة المحلات و كمان مقدرش إزعلك . رقية بإبتسامة : شكرا مصطفي : وشك بينور لما بتضحكي . نهر : كل الناس وشها بيبقي حلو لما بتضحك . مصطفي بعصبية : نهر الصغيرين ما يدخلوس في كلام الكبار لما يتوجهة لك سؤال او كلام تتكلمي فاهمة . نهر : آسفة . رقية نظرت لة بستنكارثم نظرت لنهر بحب و إبتسامة : حبيبتي بصي للعربيات وا بثلطريق يا روحي. نظرت تاني لمصطفي وبصوت منخفض قربت منة : دي طفلة علي فكرة ودة مش أسلوب كويس بعدين إحنا مع بعض في عربية واحدة و مش طايقها من جملة ممكن ترجعنا من فضلك. مصطفي : فية اية هي لازم حد يعلمها الادب ؟ رقية : أنا بنتي مؤدبة بشهادة الكل وعمر ما حد كلمها بالاسلوب دة وواضح قوي انك مش بتحب الاطفال اوكية وبدأت (عينيها تتملئ دموع ) لكن مش كدة أنا اسامح في اي حاجة الا بنتي مش بس خط أحمر دي مليون خط فوق بعض . مصطفي : طب خلاص الظاهر اني نقيت فيها وقولت مفيش خناقات وعلي صوتة اية رائيك يا نهر في ايس كريم فراولة او شكولاتة . نهر : شكرا مش عاوزة حاجة . مصطفي : لازم يا نهر علشان نزيل سوء التفاهم دة . نهر بعدم فهم : طيب خلاص ممكن آيس كريم فانيليا . مصطفي : فية محل هوديكم عندة آيس كريم فراوله يجنن . نهر : أنا وماما عندنا حساسية من الفراولة. مصطفي : بجد أول مرة اعرف شكلك هتعلميني حاجات كتير . نهر : إن شاء الله يا عمو . راح طلب آيس كريم واحد مانجا وإثنين فانيليا وإتمشوا علي كورنيش المنصورة واكلوا درة وحمص الشام و بعدها رقية قالت لة علي تلات محلات لفساتين الافراح . رقية : لما انفي الفستان عاوزني اختار في حدود ميزانية اد اية ؟ مصطفي : الي يعجبك اهم حاجة عاوزة يكون تحفة عارف اي فستان هتختارية هيكون حلو عليك علشان المهم الحشو وانت قمر من غير حاجة. رقية بعدم فهم لكل محتوي الكلام : طيب شكرا عموما إنت ليك الرأي الأخير . ذهبوا الثلاث محلات و رقية كانت تنظر بتمعن للفساتين و تتلمس الخامة من غير ما تقيس ثم قرروا الذهاب للمحل التاني ورقية اختارت فستانين تقيسهم وخرجت من البروفة توريهم لمصطفي ونهر . مصطفي بإنبهار : بسم الله ما شاء الله بدر والله إية الجمال دة . رقية بكسوف : شكرا عجبك ولا أقيس التاني. مصطفي : دة يهبل زوقك حلو قوي بس شوفي التاني كمان ونقرر بعدين رقية دخلت وقاست التاني وخرجت . مصطفي : يا نهاااار يعني أنا إخترت الاثنين عليك أجمل من بعض كنت عارف هتكوني قمر بس مش للدرجاتي . رقية : طب قررت إية ؟ مصطفي : مش عارف اختار اختاري أنت . رقية بصت لنهر : وإنت إية رائيك نهر هانم ؟ نهر : انت حلوة قوي ماما احسن ام واحسن عروسة حضرتك اختاري الاثنين حلويين فعلا . رقية قربت علي بنتها وباستها وحضنتها : اهو إنت اللي احسن بنوتة في الدنيا. مصطفي : أنا قولت نفس الكلام علي فكرة وماأخدتش حاجة لا بوسة ولا حضن وعمز بعينة. رقية بخجل : اية اللي بتقولة قدام الناس دة . مصطفي : هما متعودين علي كدة يعني إية اللي هيجيب واحد مع واحدة هنا غير أنهم هيتحوزا . رقية نظرت لبنت واقفة : لو سمحتي الفستان الأول بس هنقصرة خمسة سنتي . البنت : بصراحة شوفت بنات كتير لكن حضرتك غير جمالك مميز ولا بنات عروض الأزياء و عودك فرنساوي. رقية : شكرا لذوقك بس دة مش هيغير أننا هنفاصل . البنت : علي فكرة أنا بنت صاحب المحل ممكن من غير فلوس خالص بس نصورك بية و نعلق الصورة يعني دعاية للمحل. رقية : لٱ شكرا إحنا من الأرياف و منحبش نظهر كدة لكل الناس. مصطفي : و فيها إية يا رقية. رقية : إزاي يعني إنت عاوز الناس كلها تتفرج عليا . مصطفي : ما إنت هتلبسية و الناس هتشوفك. رقية : لأ شكرا الموضوع مش مريحني أصلا و مش حباة كمان أنا هلبس الفستان و أنا معاك و الناس و المعازيم عارفنهم كلهم و أهلنا وزناسنا . مصطفي : ماشي يا رقية براحتك . رقية داخلة تغير الفستان لاحظت نهر متنحة علي فستان و فهمت أنها محرجة تكلمها لان مصطفي موجود دي عادتها لما يعجبها حاجة تبص لها و بعدين تقول لمامتها لما يكونوا لوحدهم رقية كمان مش هتقدر تقول لمصطفي كدة ممكن يجوا يوم تاني تجيب الفستان لبنتها الفستان برضو حلو اوي. غيرت رقية و لبست هدومها و خارجة لقت بنت صاحب المحل واقفة مع نهر و بتكلمها عاجبك الفستان دة حبيبتي ؟ نهر : إنتم عندكوا هنا فساتين حلوة كتير . البنت : عندنا ورشة جنب المحل و بنعمل تصميماتنا بنفسنا و أنا بصمم الفساتين علي فكرة . نهر : حضرتك فاشون ديزاينر . البنت : أيوة يا روحي اطإية البسكوتة دي تحبي تشتغلي معايا . نهر : لا شكرا إنتم بعيد أوي عننا ومعرفش اجي لوحدي. البنت : هو فين بابا أو ماما البنوتة دي . رقية : أنا ماماتها فية حاجة ؟ البنت : ربنا يبارك لك فيها بس حضرتك تباني صغيرة مش ماما خلاص علي العموم البنوتة الكيوت دي أظن عاحبها الفستان دة وأنا بصراحة نفسي أشوفها فية ممكن يكون هدية مقابل اصورها بية ولا هي كمان لا ؟ رقية : هي صغيرة لكن ممكن بس هي توافق . نهر : موافقة يا ماما ممكن أقيسة . رقية : ممكن يا روح ماما . البنت شاورت لحد في المحل : دة يتقصر خمسة سنتي حالا وعاوزة موديل الفستان دة خمس سنين وقول لهم في الورشة عاوزة تاج الورد الابيض والميك أب بتاع الاطفال بسرعة. وفعلا خمس دقائق كان الفستان والتاج والميك أب عندهم دخلت الاول رقية لبست نهر وبعدها دخلت البنت حطت لنهر الميك أب وعملت شعرها كيرلي بسرعة و حطت التاج البنت : تعرفي انت تحفة فنية وعيونك غريبة قوي ، و جميلة زي عيون مامتك نهر : عيون ماما جراي و في الشمس بتكون جرين لكن أنا لايت براون وفي الشمش شوية جرين . البنت طب يلا هصورك معايا كاميرا أحدث نوع أصل أنا من هواة التصوير كمان . نهر : فوتوجرافر . البنت : مش محترفة بس بأخد صور حلوة أوي يلا بينا وخرجوا من البروفة. و صورتها في كذا مكان في المحل جنب كذا مانيكان. فستان نهر البنت : قولي لي إنت في مدرسة اية . نهر : لا أنا مش في مدرسة ماما بتقول السنة الجاية. البنت : طب حضانة إية ؟ نهر : نرسلي مش بروح. البنت : يا بنتي دة إنت الانجليزي بتاعك أحسن مني أومال مين بيعلمك الكلام دة ؟ نهر : ماما بتعلمني حاجات كتير قوي كل يوم . البنت : طب يلا لحسن خطيب ماما شوية وهيولع فينا روحي لماما تغيرلك وانا هحاسبة . وشاورت لرقية وهي تقول : شكرا جدا يا فندم جابوا لحضرتك الفستان . رقية : أيوة وشفتة . البنت طيب حضرتك ممكن تغيري لنهر واحاسب الأستاذ علي فستانك ونظرت لمصطفي : أيوة حضرتك الفستان بالفين جنية . مصطفي : لية كل دة لأ طبعا هو الف ومتين كويس قوي. البنت : اولا إحنا معندناش فصال ثانيا أنا وافقت علي المبدأ علشان نهر وعلشان خاطر نهر هخفض عشرة في المئة مصطفي : إحنا كدة بعاد قوي البنت : أوكية خمستاشر في المئة و دة اخر كلام مصطفي : خمسمائة جنية بس ؟ البنت : لا يا استاذ تلتمية إحسبها تاني مصطفي : اااة صح بس كدة كتيير قوي علي الفستان البنت : حضرتك لف وشوف وتصميماتنا مش هتلاقيها في محلات تانية عموما خد فكرة في المحلات وشوف بنفسك لكن أنا مش هخفض جنية تاني مصطفي : و هتعملي بية إية بعد ما قصرتية ؟ البنت : لا ما تشغلش بالك مفيش حاجة عندي بتبوظ. مصطفي : يعني نمشي ؟ البنت : براحة حضرتك . وهنا جاءت رقية و نهر و البنت إبتسمت لهم و قالت بصوت أعلي كي تسمع نهر ورقية: بس دة ما يمنعش إنكم تستنوا دقائق علي ما ألف فستان نهر ثواني حبيبتي علشان فستانك . نهر : شكرا طنط و فستان ماما . البنت : لا حبيبتي لفوا شوية و شوفوا موديلات تانية و أسعار تانية و لو حبيتوا تيجوا تعالوا نتشرف بيكم و بصت لمصطفي و هيكون بسعرة الاصلي المكتوب علية و بسرعة حطت فستان نهر في شماعه و كيس كبير و نظرت علي التاج و وضعتة و قالت لنهر ودة هدية مني ليك يا اشطر بنوتة . رقية : تمام مرسي لذوقك. البنت : تشرفي في أي وقت . مصطفي : تمام هنشتري الفستان اتفضلي . البنت : مبروك يا فندم . مصطفي بعد ما ركبوا العربية : تحبوا تتعشوا إية ؟ رقية : لا بالله عليك اتاخرنا أنا من الصبح واقفة علي رجلي وتعبت وعاوزة انام. مصطفي : بس أنا جعان . رقية : خلاص هات سندوتشات و إحنا ماشين أنا كدة كدة بتعشي زبادي وحبة فاكهة أنا ونهر. مصطفي : علشان كدة سمبتيك بس برضوا إنت تعبتي النهاردة . رقية : تسلم مش عاوزة اكل حاجة دلوقتي عاوزة يا نهر . نهر : لأ يا ماما شكرا . مصطفي : وقف عند محل كبدة وراح جاب لنفسة سندوتشات وجاب لهم زبادي. عندما وصلوا لبيت رقية مصطفي : تحبوا أدخل لكم الفساتين رقية : لأ شكرا إتفضل إنت . مصطفي : إية دة طب إعزمي عليا طيب . رقية : معلش كلام الناس كتير و هانت كلها أسبوع . مصطفي ماشي خدي يا نهر في إيدك الكيس دة فية زبادي ووتصبحوا علي خير . ياريت لايك او كومنت شكرا

مقالات ذات صلة

كانت قاعدة مع اختها 1

لم تستطع 2

فاطمة

كويس

ظلمتها

داليا 3

اترك تعليقاً إلغاء الرد