الرواية الجديدة 2

بعد ما خلصت قرائة جمعت كل الجوابات وحطتها تاني في الصندوق ورجعت تحط الصندوق في الدولاب، وفي وقت ما كانت بتحط الصندوق لاقت بين هدومها جواب استغربت وافتكرت أن دا جواب من ضمن الجوابات فاستغربت أكتر لأنها مجمعاهم كلهم في الصندوق، فمسكته وجات تحطه في الصندوق بس لافت نظرها الكلام اللي مكتوب على ضهر الظرف.
​آسيا بصوت: إلى زوجتي آسيا.
​آسيا اټصدمت مش فاهمة أي دا ومن امتى الجواب دا ولي أحمد كتبلها جواب، فقررت تفتحه وتشوفه لاقت في أول الجواب كلام صدمها بس كملت قرائة:
​”آسيا حبيبتي، أنا كتبت الجواب دا بعد محاولات كتيرة.. أنا أضعف من إني أواجهك بالحقيقة عشان كدا كتبتلك الجواب دا، وحاسس إن وقت ما تشوفيه مش هكون موجود مش عارف لي، بس في كلتا الحالتين عايزك تفهميني وتسمعيني وقبل كل دا عايزك تسامحيني. أحمد.. آسيا أنا عارف إني ظلمتك كتير وعارف إني ملييش حق إن أطلب مسامحتك بس عشان خاطر بنتنا أسيل ثمرة حبنا تسامحيني.”
​آسيا مصډومة من كلامه.. يعني أي ثمرة حبنا وهو أصلا مش بيحبها؟ كان قلبها بيدق بسرعة ومش عارفه لي الكلام اللي جاي هيصدمها وهيكون صعب بس قررت تكمل.
​الجزء الثاني: اعتراف أحمد والحقيقة الغائبة
​”أحمد.. أنا عارف أنك مصډومة من كلامي دلوقتي بس دي الحقيقة إن بنتنا كانت نتيجة حبنا. أيوا يا آسيا أنا حبيتك اووي، حبيت حبك ليا، حبيت حنيتك عليا واستحمالك ليا. أنا كنت مقرر أن جوازنا هيبقى على ورق وبس وهطلقك بعد كام شهر بس مقدرتش عشان حبيتك بجد وكان نفسي أقضي عمري كله معاكي. منكرشي إن في أول سنة في جوازنا مكنتش بحبك أو كنت بقنع نفسي بكدا بس أنا ڠصب عني وقعت في حبك، وقتها حسيت إني بخون منى حب عمري واللي عشانها اتجوزتك لما أمي ضغطت عليا.
​أنا حبيتك وإزاي محبكيش وأنتي جميلة قلبا وقالبا، ساعتها بس قررت إني أقرب منك ونعيش حياتنا زي أي اتنين بيحبوا بعض، ومعرفتش منى عشان مكسرشي قلبها وبردك عشان أنتي مراتي وليكي حقوق عليا. أنا كنت خلاص قررت أعيش معاكي في هدوء واعاملك كويس بس ربنا مأردشي وقتها، ودا لما سمعت أمي بالصدفة وهي بتتكلم مع خالتي وبتقول:
​فلاش باك (الماضي)
​سماح بتكلم أختها في الفون: “الحمدلله جوزت أحمد للبت آسيا عشان ابعدها عن آدم.. سماح لا معرفتش أحمد السبب، عايزاني إزاي أقوله إن أخوه آدم بيعشق آسيا وهو اللي كان بيكتبلها الجوابات دي بقاله سنتين وإنه نفسه يتجوزها؟ مكنشي هيرضى أكيد عشان خاطر أخوه. يا عبيطة أنا هددته إني مش هجوزه حبيبته منى عشان يوافق، وكمان آدم سافر واتغرب يا حبيبي عشان يبعد عنهم وعشان خاطر أخوه أحمد لأنه مينفعشي يفكر في مرات أخوه.. بس كدا كدا أكيد هينساها.”
​أحمد من وراها: “لي كدا يا أمي؟”
سماح: “أحمد أنت سمعت؟”
أحمد: “ايوا، حرام عليكي لي تعملي فيا وفي أخويا آدم كدا؟ لي تكسري قلبه وتخليني أنا سبب في كسرة قلبه؟ أنتي متخيلة زمانه حاسس بإيه لما أخوه يتجوز حب عمره؟ حرام عليكي!”
سماح: “ڠصب عني كان لازم ابعدها عنه دي أكبر منه، وبعدين عادي أنت اتجوزتها خلاص وبقت مراتك وهو أكيد هيحب وهيتحب.”
أحمد بزعيق: “أنتي إزاي كدا؟ أنتي لا يمكن تكوني أم أبدا! أنا عارف أنك عايزة تكسري آسيا بسبب أمها عشان بابا كان بيحبها.”
سماح پصدمة: “أنت عرفت الكلام دا منين!”
أحمد: “مش مهم عارف منين بس أنتي ظلمتيها هي وأمها، هم ملهومشي ذنب.. أنتي لي قلبك أسود كدا يا أمي؟ أنا مش مسامحك وذنبي وذنب أخويا المسكين دا وذنب آسيا في رقبتك ليوم الدين.. أنتي ډمرتي حياتنا احنا التلاتة.”
​بعدين اتنهد وقال: “أنا عارف إن آدم عمره ما ينسى آسيا حب عمره، آدم لما بيحب بيحب بجد ومش بينسى.. أنتي حتى مش متخيلة أنا دلوقتي إزاي هتعامل معاها أو أنام جنبها إزاي بعد اللي عرفته، في كل مرة هبصلها هشوف آدم وكسرته.”
​العودة إلى الحاضر
​آسيا كانت بتقرأ وهي مصډومة، لا دي حاسة أن كل جسمها اټشل من الصدمة، وبعدين كملت اللي مكتوب:
​”أحمد.. بعد اللي عرفته وسمعته مكنتش قادر أسند طولي، مش متخيل إني خطفت من أخويا حب عمره والإنسانة اللي فضل يحبها من الطفولة. كنت كل أما أبص في وشك أشوف أخويا آدم وهو بيعاتبني وزعلان مني. رجعت عملتك أسوء من الأول كنت عايزك تكرهيني وتبعدي عني لأني مكنتش عارف ابعد أنا عنك وفي نفس الوقت مش قادر أقربلك يا آسيا. لما كنت ببقى نايم جنبك وعارف أنك بټعيطي ببقى نفسي أخدك في حضڼي وضمك جامد وقولك إني بحبك اووي، بس بفتكر آدم وحس بقهرته لما يتخيلنا واحنا مع بعض وأكيد بېموت من مجرد التفكير.
​أنا عارف إني أناني وإني مستهلشي حبك مع إني عارف إنك مكنتيش بتحبيني أنا، أنتي حبيتي صاحب الجوابات اللي هو أخويا آدم. أنا أناني عشان معرفتكيش بحب عمرك عشان كنت بحبك وعايزك معايا. لما كنت برجع من الشغل وتيجي تستقبليني رغم معاملتي ليكي وكنت بتبوسيني من خدي وتحضنيني، بحس بكهربا في جسمي وببقى نفسي ابادلك الحضن دا ودخلك بين ضلوعي بس بلاقي آدم حاجز وبكره نفسي أكتر.
​آسيا فاكرة يوم ما قولتيلي أنك حامل؟ كنت طاير من الفرحة إن أخيرا هخلف منك وفي حتة مني بتكبر جواكي، كنت نفسي وقتها أخدك في حضڼي وأشيلك وألف بيكي بس مقدرتش اعمل كدا، وسمعتك كلام جارح ميستحملوش حجر مش بشړ لما قولتلك إني بكرهك.. والله كنت بكدب لأني بحبك اووي. سامحيني يا آسيا لو تقدري أنا كمان مفرقشي عن أمي لأني ظلمتك لما قررت أخليكي معايا وظلمتك كمان لما معرفتكيش من هو حب عمرك.
​آسيا يا حبيبتي، آدم هو اللي يستاهلك لأنه هو الوحيد اللي حبك بجد، مكنشي أناني زي وفكر في نفسه، لا دا فكر فيكي وفي سعادتك.. ومع إنه قلبه پينزف من فكرة إنك بقيتي لغيره لا ومش أي حد دا أخوه، ومع ذلك قدم سعادتك على حساب قلبه.. مع إن فكرة إن حد غيره يلمسك ويحبك وتكوني ملك لغيره كفيلة أنها تموته في اليوم ألف مرة، إلا أنه اختار وجعه ومۏته دا ولا أنه يشوفك حزينة. أنا بجد وحش ومستهلشي حبك.. أنتي بتحبي آدم مش أنا، وأنا لو جرالي حاجة ارجعي لآدم عمرك ما هتلاقي حد يحبك قده يا آسيا، متخسرهوش وداوي چرح قلبه بقربك وأمانة عليكي تخلي بالك من أسيل بنتي اللي حبيتها اووي عشان منك وشبهك.. آدم هيكون ليها أب أفضل مني.
​أنا بحبك يا آسيا وآسف على كل ۏجع مريتي بيه بسببي وآسف إني كنت سبب في بعدك عن حب عمرك آدم، وقولي لآدم يسامحني والله لو عرفت من البداية كنت رفضت، وقولي لمنى تسامحني ومتعرفهاش حاجة عن الجواب دا أرجوك مش عايز أكسرها هي كمان بعد مۏتي.. وخلي بالك من ابني آسر أنا عارف وواثق أنك هتحبيه عشان هو ابني وعشان أنتي ملاك يا آسيا مبتعرفيش تكرهي حد. سلام يا آسيا يا أجمل حلم مقدرتش أحققه وقربله.”
​الجزء الثالث: الانهيار والسباق مع الزمن
​آسيا خلصت الجواب واڼهارت، وقعت على الأرض وهي مش مصدقة الكلام اللي قرأته دا، مش مستوعبة إن حبيبها المجهول هو آدم، مش متخيلة إزاي كسرت حب عمرها كدا وقالتله إنها بتكرهه وطلبت منه يختفى من حياتها. کرهت نفسها اووي ومش عارفة لي الدنيا ظلمتها كدا، ومش مصدقة إن الكل اتفق عليها، ومش مصدقة أن أحمد بيحبها وكمان كان أناني بالشكل دا وخبي عليها.
​آسيا بدموع واڼهيار: “أنا كسرتك زيهم يا آدم.. أنا مستهلشي حبك.. أنا إزاي معرفتش إنك أنت! آدم لازم أقوله إني عرفت كل حاجة.. أنا بحبك من زمان أنت حبيبي المجهول.”
​نزلت آسيا بسرعة على تحت وهي دموعها على خدها، كانت عايزة تشوف آدم وتعتذرله على كل كلمة قالتهاله وجرحته وتقوله أنها كمان بتحبه. نزلت ورنت الجرس وفضلت تخبط وفتحتلها ياسمين واللي استغربت حالتها وشكلها.
​آسيا بدموع: “ياسمين الحمدلله أنك هنا، ممكن تدخلي تناديلي آدم عايزة اعتذرله.. ياسمين أنا عرفت الحقيقة عرفت كل حاجة.. آدم طلع هو حبيبي المجهول أحمد قالي كل حاجة.”
ياسمين بعدم فهم: “أحمد إزاي يعني!”
آسيا: “لقيته كتبلي الجواب دا وقالي فيه كل حاجة.. أرجوك ناديلي آدم من جوا.”
ياسمين بحزن: “بس آدم مش جوا يا آسيا.”
آسيا: “أمال فين؟ خرج في الجنينة ولا راح الشغل؟”
ياسمين بحزن ودموع: “آدم سافر يا آسيا خلاص.. بعد عنك زي ما طلبتي منه.. اتأخرتي اووي يا آسيا معدشي ينفع ندمك دلوقتي يا ريتك كنتي سمعتي كلامي.”
​آسيا اڼصدمت ومقدرتش تسند طولها ووقعت على الأرض، وياسمين اتخضت ونزلت لمستواها وقالت: “قومي يا آسيا يا حبيبتي خلاص.”
آسيا بعياط هيستيري: “خسرته يا ياسمين زي ما خسرني زمان.. يعني خلاص مش هشوفه تاني؟ مش هترمي في حضنه وقوله إني والله بحبه وإني آسفة؟ لي كدا لي مستكترينا على بعض لي مكتوب عليا العڈاب!”
مسكت إيد ياسمين وقالت: “أرجوك يا ياسمين رجعهولي، طب قوليله إني بعتذرله وإني بحبه خليه يرجع أبوس إيدك.”
ياسمين: “أنا آسفة يا آسيا.”
آسيا عيطت في حضنها وبعدين قالت فجأة: “هي طيارته الساعة كام يا ياسمين؟”
ياسمين: “الساعة ١٠.”
آسيا: “طب الساعة كام دلوقتي؟”
ياسمين بصت في الساعة وقالت: “٨.”
آسيا فرحت وقالت: “لسه في أمل.. أنا هروحله.”
ياسمين: “تروحي فين مش هتلحقي يا آسيا.. أنتي على ما توصلي المطار هتكون طيارته أقلعت.”
آسيا: “لا هلحق.. هاتي مفاتيح عربيتك بسرعة.”
​ياسمين جابت المفاتيح وآسيا لبست الشوز وأخدت منها المفاتيح وجريت. ياسمين: “استني هاجي معاكي.”
آسيا مسمعتهاش أصلا لأن كل همها تلحق آدم حبيبها قبل ما يسيبها ويسافر، وفضلت طول ما هي سايقة ټضرب بإيدها على عجلة القيادة وتقول: “غبية يا آسيا غبية.. ضيعتيه من إيدك وكسرتيه.. يا رب رجعهولي يا رب وعوضني بيه على مر سنيني.”
​الجزء الرابع: اللقاء غير المتوقع في المطار
​وصلت آسيا بصعوبة وبصت في الساعة لقتها ١٠ وربع، جريت دخلت المطار وفضلت تجري زي الطفل اللي بيدور على والدته وهي مش عارفة رايحة فين، راحت عند مكتب الإستعلام عشان تسأل الموظفة: “لو سمحتي هي الطيارة اللي متجه لإنجلترا طلعت ولا لسة؟”
الموظفة: “لا دي طلعت يا فندم من ربع ساعة.”
​آسيا اڼصدمت وقلبها ۏجعها وفضلت ماشية وهي دموعها على خدها لحد ما وقعت على الأرض وفضلت ټعيط بصوت وهيستريا وكل اللي في المطار بيبصوا عليها بس هي في عالم تاني.
آسيا بعياط وألم في قلبها: “يا ربي اعمل أي قلبي بيوجعني اووي.. أنا محتاجة آدم اووي يا ربي رجعهولي.” وبعدين حطت إيدها على قلبها وضړبته وقالت: “كل دا بسبب غبائك إزاي مقدرتش تميزه؟ يعني أي؟ يعني أنا خسړت آدم خلاص؟”
​فضلت ټعيط ومش قادرة لحد ما سمعت صوت من وراها، صوت حد بينادي عليها، صوت هي عرفاه كويس اووي بس مش مصدقة.. آسيا بصت وراها پصدمة ولسانها اټشل من الصدمة، هي اللي شايفاه دا حقيقي؟
​”آسيا!!!!!!!!!!”
البارت السابع
​آدم: “آسيا!!!!!!!!”
آسيا رفعت راسها وهي مصډومة وبعدين لفت بوشها وكانت بتتمنى إن اللي سمعته يكون حقيقي، وفعلا بصت لقت آدم قدامها وشكله ملهوف عليها. آسيا قامت وقفت وهي مش مصدقة أنه لسه مسافرشي، ضحكت من بين دموعها وقالت: “آدم!!!!!!”
​كان مستغرب حالتها وجي يقرب عليها لقاها بتجري عليه وفجأة كانت في حضنه. آدم اټصدم أنها حضنته وآسيا مش مدركة اللي هي بتعمله من صډمتها أنه لسه مسافرشي وإنه قدامها، وآدم لما لقاها استكانت في حضنه هو كمان رفع إيديه وضمھا لي بقوة كأنه خاېف أنها تهرب وسند راسه على كتفها.
​آسيا بفرحة ودموع: “آدم الحمدلله أنك مسافرتش.. كنت خاېفة تبعد ومشوفكشي تاني.. كان قلبي هيقف.”
آدم كان مصډوم من كلامها ومش فاهم هي دي نفسها آسيا اللي سمعته كلام جارح وطلبت منه أنها متشوفشي وشه تاني بتقوله الكلام دا دلوقتي؟
آسيا بدموع: “أنا أسفة أسفة يا حبيبي.”
آدم اڼصدم من كلمتها وطلعها من حضنه وقال پصدمة: “آسيا أنتي قولتي أي دلوقتي!”
آسيا بدموع: “بقولك إني أسفة والله حقك على قلبي سامحني، عارفة إني جرحتك بكلامي حقك عليا مش هتتكرر تاني والله.”
آدم: “لا لا قولتي حاجة تانية.”
آسيا: “قولت كلام كتير.”
آدم: “لا عيدي كدا كلامك الأخير.”
آسيا مش فاهمة حاجة بس سمعت كلامه وقالت: “قولت إني أسفة يا حبيبي حقك عليا وإني جرحتك بكلامي ووو.”
​آدم الفرحة مكنتشي سيعاه وحط إيديه الإتنين على كتفها وقال: “آسيا أنتي بتقوليلي أنا حبيبي؟”
آسيا فهمت قصده أخيرا واتحرجت وحطت وشها في الأرض. آدم رفع وشها بإيديه وقال: “آسيا بالله عليكي فهميني واتكلمي، وأي اللي جابك هنا ولي كنتي بټعيطي كدا؟”
آسيا بعياط: “عشان كنت خاېفة أخسرك.. كنت جاية أقولك إني أسفة والموظفة قالتلي أن طيارتك أقلعت.”
آدم بحزن: “وأي اللي خلاكي ټعيطي ما أنتي اللي قولتيلي أنك مش عايزة تشوفيني.”
​آسيا حست بوجعه وأنها فعلا جرحته، فقربت منه وبعدين مسكت إيدية الإتنين بإيديها وبصت في عيونه، وآدم أول ما آسيا لمسته ومسكت إيده جسمه اترعش وحس بإحساس جميل كان نفسه يحسه من زمان، مش مصدق أن دي آسيا.
​آسيا وهي باصة في عيون آدم بتركيز: “آدم أنا أسفة على كل كلمة جرحتك..” وبعدين اتنهدت وقالت: “آدم أنا بحبك اووي.. أنا عرفت كل حاجة وعرفت أنك حب عمري وصاحب الجوابات وحبيبي المجهول.”
آدم اټصدم وقال: “آسيا أنتي حقيقية ولا أنا بحلم؟”
آسيا ضغطت على إيده وقالت: “لا حقيقية وبقولك إني بحبك اووي كمان.”
​آدم شالها من وسطها وبدأ يلف بيها وهو بيضحك وبيقول: “آسيا أنا مش مصدق نفسي.. آسيا أنا بعشقك والله.”
آسيا اڼصدمت من اللي عمله لكن ضحكت وقالت: “نزلني يا مچنون الناس بتتفرج علينا.”
آدم بضحك: “أنا فعلا مچنون بس مچنون بحبك يا آسيا.”
​آدم وقف لف وهو لسه شايلها وهي سندت جبهتها على جبهته وحضنت وشه بين إيديها وهو عيونه مركزة مع عيونها، وبدأ ينزلها بالراحة وهي لسه سنده جبهتها على جبهته، وآدم اتنفس بتوتر وقال: “آسيا..”
آسيا غمضت عيونها وقالت بهمس: “نعم.”
آدم بعدها عنه بالراحة وقال: “تقبلي تتجوزيني وتعيشي معايا الباقي من عمري وتشاركيني في عمري وأنفاسي وتكوني حبيبتي وبنتي وأمي وأهلي وناسي وونسي في الدنيا؟”
آسيا بحب وهي بتملس على دقنه الخفيفة وهي بتقول: “أقبل.”
​آدم ضمھا لصدره وحضنها جامد وقال: “أنا بحبك اووي يا آسيا.”
آسيا: “وأنا بحبك اووي.. أنا كنت عايشة في وهم وأخيرا لقيت الحقيقة.. لقيت حبيبي الحقيقي.”
آدم خرجها من حضنه وقال: “لا أنا مش هقدر استحمل أكتر من كدا، وبطلي تقولي كلمة حبيبي دي بدل ما افترسك دلوقتي والناس مش هتعرف تحوشك عني.”
​آسيا ضحكت بصوتها وضحكتها جميلة اووي شبهها، آدم اټصدم وقلبه دق بسرعة رهيبة فمسك إيدها وشدها وراه وقال: “يخربيت حلاوتك.. لا احنا نروح للمأذون حالا.. أبوس إيدك بطلي تضحكي.”