رواية جديدة ج1
الحلقة ١
لا اله الا الله وحده لا شريك له له الملك وله الحمد وهو علي كل شئ قدير
دخل الي البيت و علي وجهه ابتسامة و بيراجع بخياله كل دقيقه قضاها مع منال حبيبته
وهو طالع اوضته ومبتسم وقفه صوت قوي وخلي ملامح وشه جامده
خديجة بصوت عالي محمد باقولك استني
لف محمد ووشه ليها بجمود نعم يا امي
خديجه مش هسألك انت كنت فين عشان عارفه بس هقولك انك تجهز بكره الساعه ٧ بالظبط
محمد حط ايديه في جيبه وابتسم بسخرية ايه هتخطبيلي
خديجه برافو انت خمنتها لوحدك فعلا هنروح نخطب ليلي بنت خالك
محمد بتهزري صح
خديجه لاء طبعا و كلمتهم ومنتظرين مبروك يا عريس
محمد بصوت عالي انا مش هتجوز غير منال
خديجه بعصبية وديني يا محمد لتخطب ليلي وتتجوزها لا انت ابني ولا اعرفك وقلبي وربي ڠضبانة عليك ليوم الدين يا محمد وخلص الكلام علي كده
سابته خديجه واقف مكانه مبيتحركش ودخلت اوضتها ورزعت الباب وراها محمد قاعد مكانه ساند رأسه علي الحيطه يخسر امه و دنيته ولا يخسر حبيبته حتي لو اختار حبيبته اهلها مش هيرضوا بيه لان أهله رافضينها خد محمد نفس عميق و طلع دخل أوضته ونام بهدومه
من غير ولا حرف
محمد محاسب في بنك كبير عمره 26 سنه شاب طويل و شعره بني طويل الي حد ما و أغلب الوقت بيسيبه مفرود
منال زميلته في الشغل 25 سنه بنت قمحوية شعرها اسود وطويل عيونها واسعه
صحيوا تاني
في بيت كبير مكون من دورين فوق الاوض وتحت صالون و سفرة ومعيش
يوم واتجمعوا كلهم علي الفطار
خديجه هدي اجهزي عشان نروح لخالك بليل كلنا
هدي بإستغراب ليه حصل حاجه
خديجه هنطلب ايد ليلي لاخوكي
هدي استغربت ايه ليلي
خديجه اه مالها
هدي بصت لاخوها المرفعش عينه من الطبق وسكتت
هدي أخت محمد عندها 23 سنه خريجة حقوق فيها شبه من اخوها نفس الشعر البني و الغمازات
خرج محمد من البيت من غير كلام و راح للمكان
البيقابل فيه منال وهي جت فعلا بتجري عليه وحشتني اوي
محمد بيبصلها و مش قادر يتكلم ووشه حزين
منال رجعت خطوتين لورا مالك يا محمد في حاجه
محمد خد نفس عميق منال انا النهارده هروح اخطب ليلي بنت خالي ياريت متضايقيش وحقيقي انا قضيت معاكي اجمل فترة في حياتي بس كل شئ نصيب عن اذنك
مشي محمد من قدام منال بثبات ومبصش حتي وراه وفضل في طريقة لحد ما وصل شغله في البنك وهو بمنتهي الهدوء والثبات و اخر اليوم سمع من زميلاته ان منال في المستشفي
