القهر 5الاخير
الفصل الخامس والعشرون
في اوضه امير اللي بقت اوضه اسماء مؤقتا نيمت ولادها ويادوب هي كمان هتنام سمعت صوت رساله علي موبايلها فتحتها وطلعت من مصطفي ومجرد ما قريتها حست ان الدم هرب من عروقها وروحها اتسحبت منها ….
الرساله
اوعي تكوني فاكرة أنها خلصت كدة … بقا بتنتقمي من امي يا اسماء عشان كشفت حقيقتك الوسـخة قدامي وعرفتني انك بتعمليلي سحر عشان افضل معاكي … بتتبلي عليها وتبلغي عنها كمان … للدرجة دي بقيتي شيطانة ومش همك اي حد … افتكري انك ل تاني مرة تأذيني وانا المرة دي مش هسكت وهحسرك يا اسماء علي ولادك … مش انتي خايفه عليهم من الدنيا لما يكبرو… انا بقا هحسرك عليهم من دلوقتي واخليكي كل يوم تروحي المقابر وبدل ما بتروحي عشان تدفـ,ـني الأعمال تروحي عشان تعيطي علي قبر ولادك
اسماء قرت الرساله اكتر من مرة وكل مرة الرعب يتملك منها اكتر واكتر …. الوقت كان متأخر والكل كان نايم … مكنتش عارفه تتصرف ازاي أو تعمل ايه … كانت فاكرة أن كدة خلاص الكابوس خلص وهتبدء هي واختها يعيشو حياة طبيعيه في الاخر … بصت علي ولادها اللي نايمين جنبها بخوف وقله حيلة دموعها نزلت بقهر وندم علي كل اللي فات من حياتها … خدتهم في حـ,ـضنها جامد وهي بتدعي ربنا يحفظهم ليها من كل شر ويبعد عنهم كل سوء فضلت تعيط وتدعي لحد ما راحت في النوم
❈-❈-❈
تاني يوم الصبح الاء صحيت بدري جدا ونزلت والكل نايم عشان تلحق تتكلم مع اميرة شويه قبل معاد اول محاضرة …
وصلت الكافتيريا لاقت اميرة في انتظارها
الاء
صباح الخير يا ميرو
اميرة
صباح الفل حبيبتي … خير ؟ قلقتني ب رسالتك امبارح في حاجة حصلت في العزومة ؟
الاء
لا العزومة كانت جميلة وانا انبسطت فيها جدا جدا … المشكلة أن عاصم بعتلي مسج انه عايز يقابلني برة البيت عشان عايز يتكلم معايا في موضوع مهم وانا رفضت قلتله لو عايز تتكلم ف حاجة تعالي البيت عادي ونتكلم في الجنينه لكن برة البيت اسفه مش هقدر ف زعل وقفل
اميرة
ممممم طيب ايه المشكلة بالظبط عشان حسه اني مش فاهمه
الاء كشرت
في اي يا اميرة … ما انا بقولك اني رفضت وهو زعل وقفل
اميرة
ما يزعل ولا يتفلق … الاء فوقي احنا كنا خلصنا من الموضوع دا … طالما لسه في دبلة بنت تانيه في أيديه يبقا اقفلي ع الحوار … انتي اتصرفتي صح اللي يزعل يزعل هو حر فاهمه ولا لا ؟؟
