مازن 2

البارت التامن.. ..بين صډمه الفاجعه.. ومفاجأه القدر يظهر المعدن الحقيقى للأشخاص.. ..بشقه مروه وخالد.. سحبت الغطاء حولها وهبت واقفه وركضت نحو الخارج.. وبلهفه خبطت على باب الحمام وهمست بقلق.. مروه : خالد..انت جوه.. خالد : ايوه حبيبتى..فتح الباب وطل برأسه.. الميه ساقعه وتجنن.. حركت راسها بيأس وتحدثت بعتاب.. مروه : برضو ميه ساقعه يا خالد..مصحتنيش ليه وانا اشغلك السخان..يا حبيبى كده تبرد.. خالد : بقولك الميه تجنن..غمز لها بشقاوه..تعالى.. مروه : بخجل..لا انت عارف بخاف من الميه الساقعه..

سارت نحو المطبخ واكملت بستعجال..خلص انت بس وانزل اطمن على ماما وبابا وشوف ريتال عامله ايه معاهم وانا هاخد دش واجيب الغدا واحصلك.. بمهاره وحرفه..وقفت تحضر اشهى الاكلات المحببه لزوجها.. نهى هو حمامه وخطى للخارج ممسكا بيده منشفه يجفف شعره الحريرى.. استنشق رائحه الطعام وتحدث بستمتاع.. خالد : امممممم..ريحه الاكل تهبل.. . هتأكلينا ايه من ايديكى انهارده يا مرمر.. مروه : بقلب ينبض پجنون من شده فرحتها..عملتلك صنيه بطاطس بالفراخ ورز بشعريه اللى بتحبه وخلصت السلطه اهو ..الټفت بوجهها .والحلو ام على بالمكسرات..

خالد : مافيش احلى منك يا مرمر.. مروه : بخجل..خالد..انزل يله اطمن على ماما وبابا وريتال كمان..صمتت قليلا واكملت بطيبه شديده.. وقول لماما متتعبش نفسها وتعمل اكل انا جهزت كل حاجه علشان نتلم كلنا وناكل سوا.. همس بفخر.. خالد : ربنا استجاب لدعوه امى لما قالتلى روح يابنى يرزقك — باللى تريح قلبك….والحمد لله رزقنى بيكى يا مروه.. .. مروه : وانت كمان رزقى الحلو من الدنيا يا خالد.. واقدر اقول بقلب جامد الحمد لله خت حظى من الدنيا بيك انت واستكفيت يا حبيبى..

..يله يا خالد انزل على ما اخد دش يكون الاكل استوى هجيبه وانزل وراك.. تنهد خالد بصوت مسموع وابتسم لها بحب وتحدث وهو يتجه للخارج.. هالد : طيب متتأخريش..ولو عوزتى حاجه نادى عليا.. قفزت هى بفرحه وهمست بسرها.. مروه : اااه..قلبى ياناس..يارب ديم نعمه حبه عليا يارب.. ضغطت على مفتاح السخان الكهربائى اشعلته.. وركضت نحو المطبخ واسرعت بتجهيز باقى الغداء حتى انتهت وتوجهت نحو الحمام.. ومدت يدها تفتح الماء الساخن..لتتصنم مكانها ويرتعش جسدها بشده اثر صاعقه كهربائيه قويه امسكت بها جعلتها فقدت الحركه والنطق..