رواية رومانسي كوميدي 1
فرح اسفه. والبقاء لله
مصعب ونعم بالله
ركضت فريده عندما سمعت صوت فرح .
لتحملها فرح وتقبلها انا جايه اخد فريده تلعب معايا
مصعب لا. مش هينفع
فرح متخفش عليها . هخلي بالي منها والله
وانت انزل اقعد مع اصحابك غير جو
مصعب مش هينفع يا فرح .
فريده هينفع يا دادي . هقعد معاها شويه صغيرين
فرح هخلي بالي منها . انا زهقانه ومفيش حد معايا غير ماما .
مصعب طيب خلي بالك منها
فرح في عيني متخفش .
اخذتها علي الشقه ..
مصعب اعمل ايه. هلبس وانزل .
ارتدي ملابسه ونزل يمشي في الشوارع بمفرده لا يريد ان يجلس مع احد يريد ان يجلس بمفرده
في شقه فرح كانت تلعب مع فريده واصواتهم عاليه
حنان ام فرح .. امراه في الخمسين من العمر
حنان عوض عليا عوض الصابرين يارب . هي دي صحبتك يا فرح
فرح ايوه يا ماما. دي فريده
حنان ما انا عارفه ان دي فريده . بس انتي يا هطله مش شايفه ان البنت قد ركبتك
فرح يوووه يا ماما .اعمل ايه .انا مليش صحاب وانتي وبابا مانعين اني اشتغل واتعرف علي الناس. سبيني بقي العب معاها
ضحكت فريده
[[system-code:ad:autoads]]حنان اضحكي يا بنتي . اصلي مخلفه هبله . يا بت انتي عندك ٢٥ سنه .مش ناويه تعقلي
فرح لا
فريده خلاص بقي يا نانا . دي فرح عسوله
فرح والله انتي اللي عسوله . شايفه الناس يا ماما . مش انتي كل شويه تزعقي
حنان هبله . هقول ايه بس . فريده يا حبيبتي . بتحبي الكيكه
فريده شكرا يا نانا . مش عايزه اتعبك
حنان تعبك راحه يا قلبي . هعملك كيكه بالشوكولاته. وارجع
فريده ماشي . وانا هخلي بالي من فرح
ضحكت حنان ماشي يا فريده
فرح ركزي معايا . حلو المانكير ده
فريده اه جميل . حطيلي منه
فرح لا لحسن باباكي يزعق . انا همسح ايدي وانتي حطيلي .
فريده مش هيزعق . هو جايبلي وانا بخليه يحطلي . بس مش بيعرف وبيبهدل ايدي
ضحكت فرح خلاص هحطلك
جلسو معا وبعدها اكلو كيك الشوكولاته وشربو الحليب
وجلسو امام التلفاز
رجع مصعب ورن جرس باب فرح
لتفتح امها حنان
مصعب باحراج مساء الخير .
حنان مساء النور
مصعب انا ابو فريده وجاركم في الشقه دي
حنان اتفضل يا بني .تعال
مصعب مره تاني يا امي . ممكن تنادي فريده
حنان نايمه . ما تسيبها يا بني .
مصعب لا كتر خيرك . كفايه كده
حنان والنبي بنتك اعقل من بنتي . ماشاء الله عليها
مصعب ربنا يخليكي يا امي . بس انا مش بعرف امام وهي مش معايا
