رانيا 4

الحلقة التاسعة عشر بخطوات مملوءة بالامل خرجوا الاثنين خارج العيادة ، توجهوا الي سيارة اميرة ، نظرت شيرين بتردد : احنا فعلا حنشتري الحاجات مع بعض اميرة مبتسمة : ايوة ، مش عمرو قالك لازم تشتري هدوم كويسة ، انا حاشقلبك خالصبقي مش عباية وخلاص ، اتصلتي بولادك يا شوشو شيرين مبتسمة وهي تركب الي جوارها : ياه بقالي كتير اوي محدش قالي يا شوشو اميرة وهي تدير محرك السيارة : من هنا ورايح حتلاقي اللي يدلعك يا شوشو ،بس انتي الاول لازم تدلعي شيرين قبل ما تتمني ان غيرك يدلعلها شيرين بقلق : اتصلت بيمني وقولتلها اني حتأخر ، الغدا موجود ويتغدوا عقبال ما ارجع اميرة اثناء القيادة : عموما انا لسه مرديتش عليكي عشان لسه عندي ليكي كام سؤال كده تمام شيرين : اسألي اميرة : تعرفي عمرو يعرف زيزي من امتي بالظبط شيرين : من امتي تحديدا مش عارفة بس انا بعد وفـ,ـاة بابا من 3 سنين ، مكنش في بيني وبين عمرو اي حاجة حتي الكلام ، كنت زعلانة اوي علي بابا لدرجة اني تعبت بعد مـ,ـوته ومن يوم ما خرجت وانا فضلت علي حزني ده ، في يوم عرض عليا اسافر معاه في مؤتمر طبي في شرم الشيخ ، كان غرضه اغير جو يعني ، طبعا انا مرضيتش عشان مش معقول اسيب الولاد لوحدهم وكمان حسيت ان بابا كان تقريبا عدي علي مـ,ـوته كام شهر يعني لسه بالبس اسود ازاي اروح اميرة بقلق : وسافر لوحده شيرين بضيق : ايوة سافر زعلان مني ورجع من يومها قالب عليا ، نظرات من تحت لتحت بغيظ ، تريقة علي كل حاجة باعملها ، علي كلامي علي لبسي …. كل حاجة اميرة : يبقي مش بعيد انه في السافرية دي اتعرف علي زيزي ، وده يكون سر تغيره شيرين بضيق وقد دمعت : انا اول مكالمة جاتلي ، قلت اكيد كدب ومصدقتش ، بس بقي يقولي علي حاجات وتصرفات معينة لعمرو وبمرور الوقت اتأكد فعلا واتصلت مرة بالرقم اللي مسجله باسم خالد ولاقتها هي ، لحد ما روحت العيادة وشوفتهم اميرة : اهي دي من الحاجات الغلط يا شيرين ، المواجهة والمراقبة دول كانوا غلط ثم تنهدت لتكمل : بس انتي متأكده انها زيزي وبس ولا في حد تاني شيرين : لا هي زيزي وبعدين ده بيقول حيجوزها رسمي ويجبها بيت السويفي ، هو عمرو ممكن يعرف غيرها اميرة : بعد المواجهة اللي بينكم ممكن جدا ، لانه زيزي بقت بتمثل لعمرو الست اللي اتسببت في انه يخسرك ، وكانت سبب في هز صورته قدامك شيرين باستغراب : هو بعد الضـ,ـرب والخـ,ـيانة والاذي ده انا لسه باهم عمرو او بيفكر فيا اميرة بضيق : من غير زعل ، انتي اللي وصلت عمرو انه يدور عليكي وعلي اللي كان بيلاقيه ونفسه يلاقيه معاكي عند اي ست ، عمرو في ازمة وللاسف انتي فوقتي متأخر اوي يا شيرين ، بس احنا لازم نعمل اللي علينا شيرين بحزن : قصدك ايه يا اميرة ، يعني عمرو رغم كل ده بيحبني اميرة : ايوة يا شيرين ، بيحبك وكانوا نفسه ان انتي كمان تحبيه بس للاسف حب عمرو ليكي كان حب من طرف واحد شيرين بضيق : لا يا اميرة انا كمان بحبه جدا بس انا كنت باتصرف علي اساس سننا وحياتنا وهو كان بيزعل من كده اميرة : شيرين انتي بتزعلي لما حد يقولك كبرتي وعجزتي ولا لا شيرين : بازعل بس يا اميرة … اميرة : خلاص يا شيرين ، احنا دلوقتي نشتري مع بعض الحاجات وبعدين الميعاد الجاي نكمل كلامنا ادار عمرو المفتاح في الباب ودخل : سلام عليكم ردت يمني وهي تضع الاطباق علي السفرة : وعليكم السلام ورحمة الله وبركاته نظر عمرو مليا علي الشقة وعلي الابناء الاربعة الذي بدأوا يساعدون يمني ثم سأل : امال ماما فين يحيي : هي مش كلمت حضرت وقالتلك حتخرج تجيب حاجات عمرو وهي يتجه ليبدل ملابسه : كل ده لسه ماجتش يمني : هي قالت اتغدوا انتم انا يمكن اتأخر اميرة : ايه رأيك بقي يا شيرين العباية دي حتليق عليكي اوي والوانها مناسبة وهادية شيرين بتردد : بس انا حاسة انها مش سني خالص اميرة بمزاح : فعلا معاكي حق هي مش سنك ، شكلي حاجبلك بدلة من بتوع عمرو هي دي بقي اللي تناسب سنك شيرين : انا اول مرة البس ابيض في لبني حاسها بتاعة بنات صغيرة اميرة : لا دي مناسبة جدا وحنجيب دي كمان وبعدين حاعملك لفة طرحة كويسة وكبيرة حيبقي شكلك حلو اوي شيرين : طب مش كنا استنانا شوية ، اجيب معايا فلوس ، احنا كده مش حنعرف نجيب حاجة اميرة : متقلقيش انا حامشي حسب امكانياتك ، ومش حتافور مننا شيرين : طب تصدقي انا نفسي تأفور مرة كده و اشوف عمرو حيقول ايه ، عموما انا كنت محوشة من مصروف البيت مبلغ ، اللي كنت باستخسره في نفسي اهو موجود معايا ، كنت باقول اديه لعمرو لو احتاجه ، كنت فاكرة انه حيصقفلي لو عملت كده ثم وضعت يدها علي وجهها تتذكر الصفعة وشدة الالم ، نظرت لها اميرة وهي تنظر الي نفسها في المرآة وردت : بصي كده في المرايا يا شيرين نظرت شيرين لها ثم الي صورتها في المرآة وردت : عايزة تقولي ايه يا اميرة اميرة : انتي اللي عايزة تقولي ايه لشيرين يا شيرين ، بصلها كويس كده وشوفيها وبصي علي كل حاجة عملتيها بايدك فيها ، مش حاسة انها بتسألك ليه عملتي فيا كده يا شيرين نظرت شيرين الي صورتها في المرآة مرة اخري وترقرقت الدموع في عينها وصمتت ، شعرت اميرة بصديقتها فانصرفت بعيدا عنها وتصنعت انها تبحث عن ملابس معينة في مكان اخر ، شعرت شيرين عند هذه اللحظة بصوت داخلها يعاتبها وبشدة : انا عملت فيكي ايه عشان تعملي معايا كده يا شيرين ، ليه اهملتني بالشكل ده ، ليه مكنتش قادرة تحسي انه محتاجاكي زي ما كل اللي حواليكي محتاجينك ، ليه يا شيرين قسيتي عليا كده نزلت دموع من عيناها فنظرت اميرة وشعرت انه ربما يلاحظها احد ، فتقدمت ووقفت الي جوارها ونظرت لها : خلاص كده العبايتين دول مظبوطين اوي ، يلا بينا بقي عشان لسه قدامنا كام مشوار كده علي السفرة قاطعها وهو يتناول غداءه : ميار ، باقولك ايه ميار باهتمام : خير يا علي علي بتوتر : انا حاسالك علي حاجة كده بس بلاش تفهمني غلط ميار مبتسمة : قول بس وسيبها علي الله علي : انتي عندك برفان ريحته فراولة كدة قالبة علي ماورد ، مش عارف بس هو ريحته حلوة كده ابتسمت ميار وهي تنظر له : اممم ، طبعا شمته في الشغل علي بضيق : طبعا ومش ماجد اللي كان حطته ميار وهي تقوم من مكانها : طب كويس ده انا افتكرته ماجد تقدمت الي غرفة النوم وفتحت درج التسريحة والي اقرب عطر قريب من هذا الوصف ، وضعت القليل علي يدها وعادت الي علي ووضعت يدها علي انفه برقة : هو ده اغمض عينه وعلت ابتسامة علي وجهه وقد ترك العنان لانفه هذه المرة ان تستنشق العطر ، دون تعمد وجد نفسه يقبل يدها بكل حب ، ناسيا ما كان يشعر به من ضيق وشاعرا بكل لهفة ، نظرت له مبتسمة : انا لو اعرف ان البرفان حيعمل فيك كل ده كنت غرقت الشقة برفان علي مبتسمة وهو يضع يدها علي خده : مش عارف ليه ريحته عجبتني اوي المرة دي مع اني قلت لنفسي انا شمته قبل كده بس مكنتش مركز معاه قامت من مكانها وعادت الي زجاجة البرفان بعد ما تأكدت انها هي ووضعت منها وعادت الي السفرة لتكمل الغداء : احنا حنروح المتابعة امتي علي ببعض الضيق من سيرة الحمل الذي يحاول نسيانه : تحبي بكرة ولا انهارده ميار : بعد ما غرقت برفان كده خليها بكرة ولا مفيش مشكلة علي بانزعاج : نعم ، لا طبعا خلاص بكرة ثم عادت الابتسامة الي وجهه : احنا ممكن نتناقش في البرفان ده مع بعض انهاردة : بلاش يا اميرة كوافير تاني كفاية اللي جرالي المرة اللي فاتت ، العيال قالولي دي شخبطت في شعرك ضحكت اميرة وردت : معلش المرة دي علي ضمانتي انا ، ممكن شيرين رغم الخوف والتردد : ممكن اميرة للكوافيرة : بصي حتعمليلها الاول تنضيف بشرة وكمان ماسك تفتيح ، وبعدين حتصبغ شعرها كله ، بصي حتعمل بني فاتح لكل شعرها وخصل صغيرة صفرا وغيري القصة ، بصي درجيه تمام كده شيرين : يا اميرة بس انا كده …يا اميرة ضحكت اميرة ونظرت لها : معرفكيش وقفت امام المرآة ونظرت لنفسها ثم تنهدت وهي تقول في نفسها : يعني الواحد مكنش عرف وسمع الكلام اللي بيقراه ده قبل سنة من دلوقتي ، سنة واحدة كانت ممكن تغير حاجات كتير ، علي الاقل كنت حاقدر اواجه اللي اسمها سوسن دي ، انما اعمل ايه دلوقتي انا يدوبك لسه باعرف الحاجات اللي ممكن تخلي علاء يتعلق بيا وفي واحدة سبقتني بخطوات وشغالة علي دماغ جوزي ، وطبعا شغالة الله ينور مش معقول تلاقي واحد يسمعلها وتسيبه زفرت بشدة ثم اكملت : انا خلاص تعبت واقربت اسلم ، بجد حاعمل ايه لو الجوازة تمت ، حاكمل معاه وارضي انه يتجوز عليا ولا حاطلب الطلاق واسيبه لست تانية خالص مخلص وطبعا هي مش عايزة اكتر من كده ، بدل ما يروحلها يوم يبقي عندها علي طول ، يا ربي اعمل ايه قامت من مكانها وفتحت دولابها وقررت ان ترتدي بنطلون جينز ضيق جدا ، اقرب لما كانت ترتديه سوسن يوم ما رأتها ،ثم بدي كارينا ضيق ووضعته في البنطلون ثم حزام ، ثم رفعت شعرها ووضعت عطرها وخرجت تجلس الي جانب بناتها الصغار ، سحبت العابهم في صمت وجلست تحاول الابتسام وهي تلعب معاهم كان علاء علي اللاب توب وطبعا علي الفيس بوك ، احيانا تدخل سوسن اون لاين وتتحدث واحيانا يتابع اي شئ ، حتي سمع صوت ضحك عالي يأتي من غرفة البنات وقفت ريم وامسكت كرة يدها وقذفتها لاروي : يلا يا اروي تقذف اروي الكرة : ماما خدي بثرعة ثم صوت جني تضحك عاليا علي ضحكهم كلما اقتربت الكرة منها ليقطعهم صوته : انتم بتلعبوا كرة اروي وهي تقذف الكرة باتجهه : تلعب معانا استلم علاء الكرة بيده ثم نظر مليا الي زوجته : طب مش ماما توافق نظرت ريم مبتسمة وخرجت من عيناها هذه المرة نظرة حب : اروي هي مديرة الفريق ، هي اللي تقول تلعب ولا لا لازال علاء علي نظراته لريم وسأل اروي : ممكن العب اروي فرحانة : طبعا ممكن بدأت المبارة والاجواء كانت كلها حماسية ، بين قذف الكرة وصوت الضحك بينهم ولم يخلو الجو من النظرات المتبادلة من ان الي اخر وبينما كانت المبارة علي اشدها، كانت المدام سوسن تبعث باشارة تفيد انها لاتزال اون لاين ولكن بات واضحا ان الاستاذ علاء ( busy ) عادت الي المنزل وهي تشعر بالسعادة وبداية جديدة ، ادرات المفتاح في الباب ودخلت وقد قررت ان تكون غير عباءة برد فعل احد اقترب ابنائها ونظروا الي عبائتها الجديدة والي لفة الطرحة والي كل شئ قد تغير بها وبدي عليهم الانبهار يحيي و قد اطلق صافرة اعجاب : واو ايه ده كله يا ام يحيي ، ولا اقول يا شوشو شيرين وهي تضع الاكياس من يدها : هه اتغدتوا يمني : كله تمام بس ايه الالوان الجامدة دي شيرين مبتسمة : اهو تغيير عن المعتاد لم تسأل علي عمرو ، وجلست قليلا علي احدي المقاعد لتهدأ ثم نظرت ليمني : ينفع اطلب الاكل يتسخن بس ولا صعبة يمني : من عنيا كان عمرو في غرفة مكتبه يبدي انهماكه في العمل ، توجهت شيرين الي غرفة النوم واغلقت عليها الباب واخرجت ترنج شتوي قطيفة لونه روز ، زفرت وهي تنظر له مليا وهي تعلم انها ستسمع الكثير من ابنائها امامه ولكنها ستنفذ مقولة اميرة ( ضعي القطن في اذنك ) ارتدت الترنج و صففت شعرها و فردته ووضعت عطر و خرجت لتجلس علي السفرة نظر لها يوسف مازحا : والله شكلك بتحب جديد اخترقت الجملة اذن عمرو الذي كان يخرج من الغرفة ، ليقع عينه علي شيرين التي شرعت في تناول الطعام نظر الابناء الاربعة الي ابيهم منتظرين اطرائه علي امهم ، طالت نظرات عمرو لشيرين ولكنه اثر الصمت ، ظل ابنائه بانتظار التعقيب الي ان خرج صوت عمرو بضيق : كنتي فين خرج صوت شيرين بهدوء : كنتي باشتري عباية جديدة ، و كام حاجة كده نظر عمرو مرة اخري لها متفحصا ما فعلت وقد امتلكه كل الضيق ، وتصنع انه ذاهبا الي النوم لم يكن حال عبير مختلفا كثيرا عن حال شيرين ، اليوم هي الاخري خرجت وتوجهت الي الكوافير وجلست لتملي الاتي : عايزة قصة جديدة ولون صبغة علي الموضة ولون جديد يناسب وشي ، وكمان مسك تنضيف لبشرتي ثم عادت الي منزلها لينظر لها ابنائها بكثير من التعجب ، الا انا طارق كان ظنه ان امه تريد ان تعيد اهتمام ابيه لها فشعر بكثير من الفرحة مما فعلت عندها كان مصطفي يمسك هاتفه ليتصل بسارة ، وهو لا يدرك ان عبد الرحمن من مكتبه يتابعه ويراقبه ، بل ويتصنت علي مكالمته مصطفي مبتسما : اقول مساء الفل علي حبيبة قلبي سارة مبتسمة : مساء الخير يا حبيبي ، ايه ناوي تيجي انهاردة شوية مصطفي وهو يتنهد : بصراحة … امم ناوي بشرط ، تعمليلي عشوة حلوة لاني ميت من الجوع سارة : بس كده ، احلي عشوة يا مصطفي ، انت بس اقول نفسك في ايه وانا عنيا ليك مصطفي وهو يمزح : والله لو تلفيلي سارة في سندوتش ، يبقي كتر خير تتعالت ضحكات سارة وهي ترد : يعني انتي عايزة سارة وبس مصطفي : ومش عايزة من الدنيا الا سارة ليضـ,ـرب عبد الرحمن المكتب بيده وهو يشعر بكل الغل يملئ صدره وهو يفكر لو ان بيده لتوجه الي مكتب مصطفي وضـ,ـربه ليخترق صوت ضحكات سارة اذنه وهي ترد : مستنايك يا حبي ، اوعي تتأخر عليا ، اممممممممممممممممممممممموة مؤقتا مصطفي مازحا : لا انا مينفعنيش المؤقتا ده ، انا جاي اشوف الموضوع ده بنفسي ليعلو صوت مصطفي بعد ما اغلق الهاتف : يا عبد الرحمن … يا عبد الرحمن يأتي عبد الرحمن ويقف قبلته : ايوة يا حاج مصطفي و هو يرتب اغراضه : انا ماشي دلوقتي يا عوبد ، والمعرض امانه بقي معاك عايز حاجة عبد الرحمن ببالغ غيظه : انتي مروح يا حاج مصطفي وهو يتجه للخروج : لا الاول عندي مشوار وبعدين حاروح ، انتي خاليك في المعرض وبعدين ابقي اقفل ولو في حاجة ابقي كلمني ، سلام يا ابني ليمر اليوم الطويل ولكنه لم يكن كعادة كل يوم ، انه ربما بداية جديدة لمستقبل يملأه امل وربما وقفة مع حاضر يمر وهو يحتاج اعادة نظر وربما اضطرار من البعض للغوص في الماضي عبد الرحمن وقد شرد وهو علي مكتبه ليقول في نفسه : بقي كده يا حاج مصطفي ، ماشي وانا اللي كنت حاسس الصبح بالذنب من فكرة ابراهيم ، لا انا حنفذها ومش بس كده ده انا حاخليك تبوس رجلي عشان ارضي اتجوز بنتك و انا كمان اللي مش حارضي وحاتشوف ، حاتشوف الفقير اللي سـ,ـرقت خطبته حيعمل ايه كريم وهو يتأمل هاتفه وينظر الي صورة علا عليه : عايزك تسامحيني لاني فعلا بحبك بس مضطر ، امشي اموري لحد ما جوازنا يتم ، خايف لو وجهت داليا دلوقتي تقلب الترابيزة وتقولك علي الحقيقة وساعتها اخسرك ، اديني بسيرها وربنا العالم انا بتعذب قد ايه من اللي باعمله في نفسه ، كفاية اني احس اني قرفان من نفسي بس ارجع واقول انا اللي عملت في كريم كده ، والله ما انا عارف انا غلطت يوم ما سيبت علاقتنا عايمة ولا يوم ما عرفت داليا ولا … ثم زفر بقوة واكمل : بس صدقني يعدي فرحنا بس وانا حانهي كل ده علي وقد قام من سريره وتوجه الي المطبخ ليشرب ، ثم عاد لينام ، تمدد الي جوار ميار وهو ينظر اليها وهي نائمة : عارفة ، انا عمري ما عرفت الحب الا لما عرفتك ومن يومها قلبي عمروا ما حس بالراحة الا معاكي ، انا من جوايا قلبي بيقولي لو الدنيا كلها خانتك ميار عمرها ما تعمل كده ، وانا مصدق انك اشرف ست في الدنيا ، بس غصب عني خايف ، وخايف اوي مجرد الفكرة دي تكون موجودة المـ,ـوت اهون عليا منها ، اعزورني يا حبيبتي بس نفسي ارتاح ومش عارف ومش قادر علاء وقد قام من مكانه وتوجه الي غرفة بناته ، للاطمئنان عليهم نظر الي بناته الاثنين مبتسما ثم قدم الغطاء عليهم ، ثم تنهد بخوف : نفسي اعرف التردد ده سببه ايه دلوقتي ، ما هو يا اما راضي بسوسن وعايز تكمل معاها بغض النظر انك ممكن تخسر ريم ، يا اما ريم واخسر سوسن ، لكن كده اخرتها ايه ، واجه يا علاء لاني خايف اوي من الندم خايف ، ابقي عايز اتجوز اتنين وفي الاخر اخسر الاتنين ، اول مرة احس اني بين نارين قلبي وعقلي بيقولولي ريم لكن حاجة جوايا مش قادرة تتخلي عن سوسن ليعود مصطفي وينظر الي ما فعلته عبير في نفسها ، لقد بدت مختلفة وجميلة ومهتمة ، شعر حينها يالقلق والتوتر ليقول في نفسه : معقولة يكون طارق قالها علي موضوع سارة عشان كده راحت للكوافير ، راحت عشان عايزة تهتم بيا من تاني ، معقولة عبير حتفوق لنفسها ، يا ريت يا عبير حاجة تفوقك بدل الغيبوبة اللي انتي فيها ، بس ربنا يستر ، ناوية علي ايه يا عبير حتسكتي ولا حتواجهي ، حتهتمي بيا ولا كالعادة لم يستطع النوم وشعر بكل ضيق الدنيا يلف صدره ، اراد ان يري شيئا من زيارة ماهر ، لكنه كان ينتظر ان يراه بالغد ، لكنه سرعان ما ظهر اليوم ، ليتجه عمرو الي الشرفة رغم برودة الجو ، ويقف شاردا يشعر باليأس وقد استقرت فكرة واحدة في رأسه تثبت منها اليوم : دلوقتي اهتمتي بنفسك يا شيرين ، دلوقتي صبغتي شعرك وبرفان وهدوم جديدة ، كل ده عشان ماهر جاي بكرة ، يا تري لسه بتفكري فيه ، ولا الماضي خلص ، عمري ما كنت اتخيل ان عمرو السويفي كوبري ، وطبعا حيعرف بموضوع الطلاق ، طب انا حاسيبك كده زي البيت الوقف ، طلاق مش حاطلق ، بس لو شكي طلع في محله ، حيكون التمن غالي ، عشان مش عمرو السويفي اللي ينضحك عليه الحلقة العشرين زفرت بشدة وهي تدخل من الباب واتجهت الي مكتبها ووضعت عليه اوراق رسالتها ثم زفرت مرة اخري ، التفتت سمية ونظرت لها : ايه يا علا الناس تدخل تقول صباح الخير وانتي دخلة شمال كده علا بضيق : ابدا ، صباح الخير سمية : صباح النور ، مالك يا بنتي علا : ابدا بس كان عندي امل الاقي دكتور جلال حسين في مكتبه عشان اوريله الشغل اللي عملته في الرسالة بتاعتي ، بس طلع اجازة لاخر الاسبوع عشان مسافر سمية مبتسمة : معلش يا عروسة بعد الجواز ابقي كملي شغل في الرسالة براحتك ولا حاسة انك مش حتعرفي علا وهي تزفر : و الله لسه مش عارفة يا سمية ، لسه ورايا مليون حاجة والاسبوعين الجايين كلهم نزول وطلبات وكمان ، الاجازات بتطلع بالعافية ، كنت عايزة احس اني انجزت في حاجة قبل الجواز ، الله المستعان سمية وهي تتجه للخروج من الغرفة : ان شاء الله ربنا حيعينك يا علا والف مبروك ، ولو عايزة حاجة يا ستي انا تحت امرك نظرت علا الي الاوراق في يدها ثم نظرت الي الساعة في يدها ، وقامت لتتحرك باتجه سكشن 4 بينما كانت تخرج ، استوقفها دخول احمد الي غرفة المعيدين وهو ينظر لها بضيق : صباح الخير يا دكتورة علا علا وقد عادت خطوة للخلف من اجل دخوله : صباح النور يا دكتور احمد احمد بضيق : يعني مش اجازة انهاردة يا دكتورة علا وهي تهم لتخرج : لا يا دكتور ، بس الفترة الجاية اكيد حاضطر اخد اجازات احمد بعصبية : وشغلك مين اللي حيقوملك به ، انتي المفروض معيدة وليكي شغلك يا دكتورة علا بضيق : انا عارفة شغلي كويس يا دكتور ومش مستنية حد يعرفني شغلي وعلي كل حال شكرا علي النصيحة خرجت وتركه وهو يزفر بشدة وهو يضع ادواته علي مكتبه ، وقد الفه الضيق من فكرة انها ستتزوج خلال ايام ….. علي غير الحال كان صباح شيرين السويفي وهي تتجول بين المحلات من اجل شراء حلويات وعصائر من اجل زيارة دكتور ماهر اليوم كان عمرو علي مكتبه في المستشفي ، يضـ,ـرب بقدمه احيانا او يده احيانا وهو شاردا في صورة شيرين بالامس ، لكم كان يتمني ان يري منها هذا التغيير من قبل ، ولكنها لم تفكر في هذه الخطوة الا عندنا علمت بزيارة صديقه عبير جلست تصفف شعرها مبتسمة امام المرآة ، وهي تتذكر ايامها الخوالي ليقطعها من شرودها سلمي : ماما عبير وهي لازالت تصفف شعرها بهدوء : ايوة يا سلمي سلمي مبتسمة : ايه حكايتك انهاردة ، مش ناوية تعملي غدا ولا حتتغدي انتي وبابا برة زفرت بشدة وهي تنظر لها : حاقوم دلوقتي ارتحتي يا سلمي قامت من مكانها واتجهت الي المطبخ اتجهت سلمي خلفها : ماما انا يوم الاربع عندي مراجعة كيمياء لنص المنهج الاولاني بس بالليل حينفع اروح عبير بضيق : هو مش الكيمياء يوم الخميس سلمي : لا دي مراجعة وحاجة استثناء كده من 8 الي 10 بالليل عبير بضيق : مش متأخر شوية سلمي : حنعمل ايه يا ست الحبايب ، المستر عايز كده عبير بضيق وقد خرجت من المود : طيب قولي لبابا وشوفي حيقولك ايه ….. عصرا وعلي اعتاب بيت السويفي اوقف سيارته ، ثم نظر الي زوجته واولاده سهيلة : هو ده بيت دكتور عمرو يا ماهر ماهر وهو يضع هاتفه ومفاتيحه في جيبه : ايوة يلا بينا ثم نظر الي ابنائه : يلا يا اسلام ، يلا يا مرام نزل الاربعة ليجدوا عمرو يفتح الباب بانتظارهم عمرو مبتسما : في ميعادك يا دكتور ماهر ماهر مازحا : انا طول عمري دقيق يا عمرو ماهر لعمرو وهو ينظر الي زوجته وابنائه : سهيلة مراتي ، ودي مرام وده اسلام نظر عمرو الي الثلاثة مصافحا : يا اهلا وسهلا يا جماعة اتفضلوا فتحت مديحة باب شقتها مستقبلة ضيوف عمرو وهي تنظر لماهر في محاولة منها لان تداري ما تشعر به : اهلا وسهلا يا ابني ازيك ماهر مبتسما وهو يسلم بترحاب : اهلا اهلا يا طنط مديحة ازي حضرتك ثم قرر المزاح : هما العشرين سنة معدوش عليكي والله ايه ، ده انا لو مكنش اعرف حضرتك كنت قلت اخت عمرو الصغيرة بدلته المزاح وبضحك ولكنها كانت متحفظة وسلمت علي زوجته وابنائه الذين بدأوا يشعروا بتأفف وهم ينظرون حولهم ، الي ان خرجت علا لتسلم علا مبتسمة : السلام عليكم ماهر باستغراب : دي مين بقي يا عمرو عمرو مبتسما : دي علا ماهر بانبهار : مش معقول ياه انا اخر مرة شوفتك كان عندك 3 سنين عمرو وهو ينظر لعلا : دي فرحها كمان اسبوعين وطبعا انتي مش محتاج عزومة ماهر وهو ينظر الي علا ومديحة : مبروك يا جماعة ربنا يتمم بخير صعدوا سويا باتجاه شقة عمرو ، عند هذه اللحظة فتحت عبير الباب وتصنعت انها ستنزل باتجاه شقة والدتها ، ليستوقفها عمرو وهو ينظر لها : انتي نازلة عند ماما نظرت عبير باتجاه ماهر للحظة ثم نظرت لعمرو : ايوة يا عمرو عايز حاجة عمرو : مش تسلمي طيب وانتي نازلة عبير بخوف وقد علت ضـ,ـربات قلبها : معلش مأخدش بالي صعد ماهر درجتين ووقف في مواجهة عبير ثم نظر لها بتفحص ورد : ازيك يا مدام عبير تلاشت عبير النظر في عينه وردت : ازيك يا دكتور ماهر ثم نظرت الي زوجته بكل غيرة وغيظ : اهلا ، نورتي يا مدام نظر ماهر لعبير ورد : سهيلة ثم نظر الي ابنائه : ودول اسلام ومرام نظر عبير باقتضاب : اهلا وسهلا التفتت وتركتهم ونزلت وقد شعرت بكل ضيق وحنق مما رأت عليه زوجته وابنائه ، عقدت مقارنة سريعة في عقلها بين مصطفي وماهر وبين ملابس زوجة ماهر ومظهرها ومظهر ابنائها ليزيد ما رأته من شعورها بالندم واليأس مما فعله ابوها بها عندما وضعها مع مصطفي ابو دبلوم او كما اعتادت ان تراه في شقة عمرو ، كان الترحاب علي اشده من عمرو وهو يدخلهم للجلوس في الصالون ، نظر يحيي باستغراب لانه توقع كعادة اي زيارة الا يجلسوا جميعا في مكان واحد ولكنه وجد انهم سيجلسوا سويا توجه الي المطبخ بهمس الي امه : هو احنا حنقعد كلنا مع بعض زفرت شيرين بضيق وردت : شاكلها كده يا يحيي يحيي بضيق : ايوة بس ده معاه ولد تقريبا قدي ، يمني ويارا حيقعدوا ازاي في الخارج ماهر مبتسما : ما شاء الله ده انت معاك عروسة يا عمرو يمني بخجل : لا لسه بدري اوي يا عمو ، انا لسه تانية ثانوي سهيلة وهي تنظر لها بعناية : وانتي علمي بقي ولا ادبي يمني وهي تجلس : عملي يا طنط ثم نظرت لمرام التي كانت تنظر لها باشمئزاز : ويا تري مرام في سنة كام مرام ببرود : انا تانية ثانوي بردوا بس ( IG ) تسمعي عنه يمني بضيق : اسمع ليدخل يحيي وهو حاملا صينية بيده وامه من خلفه تتحدث : يا اهلا وسهلا قام ماهر من مكانه مبتسما : اهلا اهلا ، ازيك يا مدام شيرين شيرين مبتسمة : اهلا ازيك يا دكتور ماهر نورت مصر ماهر وهو لايزال علي ابتسامته منورة باهلها ، سهيلة ومرام واسلام سلمت شيرين ثم جلست ونظرت الي الاطباق والعصير وقامت بالتقديم : اتفضلو يا جماعة انتم مش ضيوف دي حاجة علي ما قسوم ابتسم عمرو ساخرا منها : ايه ما قسوم دي ، انتي قاعدة فين ضحكت سهيلة ومرام واسلام علي عمرو بينما شعرت شيرين بالاحراج ، فاثرت الصمت نظرعمرو لسهيلة : مش حتاكي يا مدام سهيلة ده علي ما قسوم ضحكت سهيلة ورد : لا اعفوني يا جماعة ، انا اصلي عاملة دايت نظر عمرو لشيرين : دايت ، والله برافو عليكي ماهر : مع اني باقولها كده تمام بس هي مصممة سهيلة : لا انا شايفة ان الست لازم تحافظ علي نفسها طول الوقت ، ولازم تلعب رياضة مهما كان سنها ولا ايه يا مدام شيرين شيرين وهي تتصنع الابتسامة : ايوة طبعا رد عمرو ساخرا : ايوة طبعا ، علي اساس انك مؤمنة بالفكرة دي ثم نظر لماهر : دي بتأكل بينا احنا الخمسة ثم نظر لشيرين : ولا ايه نظر الابناء الاربعة باستغراب بالغ الي ابيهم الذي يتعمد احراج امهم من ان الي اخر ، اثرت شيرين الصمت ولم ترد ثم تصنعت الابتسامة وهي تنظر لهم : انا حاقوم اعمل شاي سهيلة : بس انا معايا انا ومرام السكر الدايت بتاعنا أومت شيرين برأسها وهي تنظر لهم : حاضر نظرت يمني الي يوسف ويارا الي يحيي وهو يشعرون بالضيق ، نظر اسلام الي يمني وابتسم : انتي في مدرسة ايه وقبل ان ترد يمني رد يحيي : انت بتسأل ليه اسلام : اهو تعارف مرام ليحيي : وانت مضايق من ايه يحيي وهو ينظر ليمني : لا ابدا مش مضايق ولا حاجة مرام : طب وانت في مدرسة ايه تصنع يوسف الضحك بطريقة مضحكة : ههههههههه فضحك هو واخواته ثم رد يحيي : كلية هندسة مرام ببعض الضيق : انت مهندس يحيي : ان شاء الله مرام : قسم ايه بقي يحيي : لسه التخصص مش دلوقتي عندها كانت شيرين تتجه بالبراد الي الفناجين لتصب الشاي ، وهي تحاول التماسك حتي لا تبكي وضعت الشاي امام الحاضرين ، وعادت الحوارات الجانبية والكل يتحدث الا شيرين التي اثرت الصمت ، حتي قاطعها صوت ماهر : تسلم ايدك يا مدام شيرين بجد تسلم ايدك نظر عمرو له بضيق ورد : علي ايه بس ماهر : لا ده انا كان نفسي في فنجان شاي مظبوط كده بقالي كتير مشربتش شاي مظبوط كده شيرين وقد احتارت في الرد خوفا من الاحراج : شكرا واخيرا انتهت الزيارة الثقيلة ، واتجه ماهر وابنائه و زوجته الي السيارة نظر لهم في انتظار التعقيب مرام : اعوذ بالله اللي اسمه يحيي ده خنيق خنيق يعني لا وايه ، اول مرة اشوف ولاد بتتكسف اسلام : وانتي فاكرة كل الناس زيك كده ثم الي امه : بس اللي اسمها يمني دي ملت دماغي اوي ، شكلها موزة مـ,ـوت زفرت سهيلة بضيق ثم نظرت : هو صاحبك ده كان يعرفك من 20 سنة ماهر بضيق وقد شرد بعيدا : هه ، انتي كنتي بتقولي حاجة سهيلة : كنت سرحان في ايه ماهر : لا ابدا متشغليش بالك …. مساء اليوم التالي : عملتي تحليل الحمل امتي ميار : من حوالي اسبوع دكتورة شاهندة : طب مبروك مقدما ، ودلوقني حاكشف بالسونار ، اتفضلي جلست ميار وجلست الي جوارها الطبيبة ، تفحص حملها ، ثم تتمتم : تمام تمام ، بقالنا شهر وعشرين يوم ميار : يعني الجنين كويس شاهندة : كويس ، بس بردوا لازم تخلي بالك ، وتخلي بالك جدا يا مدام ميار علي بتوتر : هو في حاجة شاهندة : امم يعني انا شايفة قدامي وضع الجنين مقلق شوية ميار بتوتر : ازاي يعني علي بتوتر مرة اخري : يعني الجنين وضعه ايه شاهندة : لسه مش حيبان دلوقتي ، بس انا حاديكي مثبت وكمان الراحة الفترة الجاية يا مدام ميار ، ممكن ميار بقلق : ممكن الي السيارة وقد ساد الصمت الا من بعض الدموع علي وقد شعر بالاشفاق عليها : حبيبتي ان شاء الله مفيش حاجة ميار وقد اخرجت من حقيبتها منديل لتجفف دموعها : ان شاء الله يا علي ان شاء الله …. صباح الاربعاء جلس علي مكتبه ورن هاتفه ليرد : صباح الخير بكل دلال والرقة ردت : صباح النور يا حبي ، اخبارك ايه علاء مبتسما : حد يسمع الصوت الحلو ده ع الصبح وميلاقيش احلي اخبار سوسن بضحك : طب انا فعلا عندي احلي اخبار ، اخويا وافق اننا نجوز الاسبوع الجاي ده علي طول وانا عن نفسي قولتله اي حاجة ناقصة الشقة تيجي علي مهلها علاء بتردد : الاسبوع الجاي علي طول كده سوسن بانزعاج : يعني ايه علي طول كده ، المفروض انك تفرح اكتر مني ، خلاص انا وانت حنبقي مع بعض و شوف بقي ده معناه ايه ثم صمتت ثانية وهمست برقة : انا متشوقة اوي للحظة اللي حنبقي فيها مع بعض ، انا وانت وبس اشعلت كلماتها الرغبة فيه دون ان يراها ورد : طب انا اول ما حقدر اخد اجازة الاسبوع الجاي نتمم الموضوع سوسن وهي لا تزال علي دلالها : تؤ تؤ ، اخويا واخد اجازة من السبت ليوم الاتنين وبعدين حيسافر ، ايه رايك تيجي السبت نكتب الكتاب ونعمل حاجة كده صغيرة في بيت اهلي وبعدين اروح معاك علي شقتنا علاء وقد امتلكه الخوف والتوتر : ايوة بس سوسن بصوت ناعم : علاء ، حبيبي ، بحبك اوي اوي اوي وبمـ,ـوت فيك ، حتوحشني لحد يوم السبت علاء باستسلام : انتي كمان حتوحشيني اوي ثم صمت للحظة ورد : لحد ما اشوفك يوم السبت عندها كان الثلاثة يضحكون وهم يتجولون بين المحلات علا بخجل : انا غلطانة اني نزلت معاكم ، عمليني افيتكم من الصبح ماشي ريم بمزاح : ما انتي يا علا بصراحة حاجة صعب ، مش عجبك الهوت شورت امال عايزة تلبسي ايه ، يا بنتي ميار بتجبلك من الاخر علا بمزاح : من الاخر ايه يا شيخة ده كان صغير اوي ميار وهي تضحك : يا بنتي كله بيفرد في الغسيل ريم مازحة : صدقتي ، فعلا كله بيفرد في الغسيل علا بضيق : ماشي صبرني يا رب وقف الثلاثة امام محل بيع ادوات التجميل فنظرت علا الي علب المكياج وسألت : اجيب دي و لا اجيب الاكبر ميار وهي تنظر لاختيارتها : ولا دي ولا الاكبر ريم : بجد اسوأ حاجة العلب الكبيرة دي انا جبتها وهي سنة واترمت في الزبالة ميار : بصي يا علا بدل العلب دي هاتي بس الالوان اللي تليق عليكي وهاتي علب صغيرة وماركات نضيفة ومتجبيش حاجات كتير علي الفاضي ، ومعلومة اكتر استيل تعمليه استيل (نو مكيب )، احسن استايل الرجالة بتحبوا في الميكب ، عشان بيبان طبيعي ريم : ميار هو البرفان اللي قولتي عليه ده ، يكون موجود هنا ميار وقد بدي عليها بعض التعب : البرفان اياه ده ، اه في محل هنا تعالي نشوف كده علا : المحل اللي قولتي عليه في الدور التالت علي فكرة ريم وهي تنظر لميار بقلق : طب ارتحي انتي يا ميار علي كرسي من اللي موجودين دول شوية واروح انا وعلا نسأل علي البرفان ونيجي ميار و هي تجلس : خلاص ماشي حاستناكم هنا جلست ميار في المول في مواجهة المصعد بانتظار ان يأتي علا وريم ، وقف علا وريم امام المصعد ثم استقاله باتجاه الصعود ، لحظات مرت بانتظارهم ، نظرت ميار الي ساعتها ثم الي المصعد ، ثم انفتح المصعد لتجد كريم يدخل ومعه داليا ، وقفت من مكانها بصدمة : كريم تسمر كريم في مكانه وهو ينظر لها : ميار نظرت الي من جاورته ثم له ولم تجد شيئا تقوله ، نظر كريم الي داليا بخجل : معلش اسبقيني وانا حاحصلك داليا وهي تنظر لهم : في حاجة كريم : لا انا جاي وراكي نظرت ميار بضيق وعقدت بين حاجبيها : مين دي وقبل ان يرد انفتح باب المصعد والتفت كريم ليجد علا وريم في مواجهته ريم مازحة وقد ملأها الاستغراب : ايه ده العريس كمان هنا نظر كريم بخجل وتصنع الابتسامة علي وجهه : انتم بتعملوا ايه هنا ريم : كنا بنجيب شوية حاجات كده نظر كريم الي علا وقد شعر بالخوف من ميار : ازيك يا علا علا وقد احمر وجهها خجلا من وجوده : ازيك يا كريم ، غريبة يعني بتعمل ايه هنا وقبل ان يرد رن هاتفه باتصال من داليا ، نظر الي هاتفه ثم الي علا واغلق المكالمة ثم رد : ابدا كنت بادور علي كام حاجة كده ريم : ماشي يا عريس مين قدك ، يعني خلصت تروحنا بدل ما نركب تاكسي ولا ايه كريم وهو ينظر بتردد : لو خلصتو اروحكم ماشي اعيد الاتصال بكريم مرة اخري ، نظرت له علا وشعرت به مضطرب فردت : لو معاك حد او وراك حاجة قول احنا ممكن نمشي نظر الي ميار ثم زفر بشدة ورد : لا انا لوحدي ، وبعدين خلاص احنا ممكن نمشي يلا بينا اتجهوا الاربعة الي سيارة كريم وركبوا معه ، واعيد الاتصال للمرة الثالثة استئذن كريم وتركهم بالسيارة واتجه للرد و هو يمشي بعيدا حتي لا يسمع صوته : ايوة يا بنتي عايزة ايه داليا بغيظ : عايزة ايه ، انت مش قلت حندخل سينما كريم بضيق : معلش مش حينفع ، التلاتة اللي شفتيهم معايا دول يبقوا اختي وعلا ومرات ابن عمي عايزني اوصلهم ، اقولهم ايه داليا بضيق :افهم من كده انك مش حتدخل معايا السينما زفر ببالغ ضيقه ورد : لا يا داليا ادخلي انتي وبعدين نبقي نتقابل يوم تاني ، سلام الي سيارته نظرت ريم له بمزاح : ايه يا عم المهم ، موبايلك مش مبطل رن ، خير كريم بضيق وهو ينظر من ان لاخر لميار بمرآة السيارة : لا ابدا ، ده واحد صاحبي كان عايزني بس ميار باستهجان : طب مش كنت شوفت صاحبك ليزعل منك كريم وقد فهم التلميح : لا ما صاحبي ده ميهمنيش ، انا اللي يهمني اني اوصلكم ، انتم عندي اولي من اي حد ابتسمت ريم لعلا وردت : اممم احنا كلنا ولا حد معين كريم وقد ابتسم لعلا : لا حد معين …. مساء الاربعاء نزلت من الميكروباص وكانت الساعة عندها الحادية عشر والربع ، هاتفها مغلق لانه قد فصل شحنه لحظات وبدأ المطر بالهطول و سلمي مضطرة ان تمشي علي الرصيف لتحتمي من المطر ، السائد علي الشارع الذي كانت تمشي فيه هو الظلام والمطر و الصمت ، شعرت باثنين يمشون خلفها ويحاولون الاقتراب منها ، اسرعت خطواتها فشعرت بهم يسرعون خطواتهم اكثر فاكثر ، اسرعت اكثر وقد ملأها الخوف ومن بعيد كان هناك من يراقب ، بانتظار لحظة معينة ثم يتدخل ، وقعت سلمي ارضا وتلطخت ملابسها ، لتجد عند هذه اللحظة ايادي تحاول التحـ,ـرش بها ، صرخت مستنجدة بمن حاولها فلم تجد احد ، عندها تصنع عبد الرحمن البطولة وارتدي ثوب الشرف وتوجه بخطوات مسرعة وبدأ يضـ,ـرب بالاثنين الذين حاولوا مضايقتها كانت سلمي تقف بعيدا ، تراقب من استمات في الدفاع عنها وقد بدأ يعلو ويهبط قلبها من الخوف ، قرر عبد الرحمن ان يبدي ان الامر ليس بالسهولة المتوقعة خصوصا عندما اخرج احدهما مطوة من جيبه وبدأ يلوح لعبد الرحمن بها وعبد الحمن يحاول ان يبتعد عنه ، ثم اشتبك مع الاخر حتي اتي من امسك المطوة من ظهره ، صرخت حينها سلمي : حاسب يا عبد الرحمن التفت عبد الرحمن لتأتيه المطوة في ذراعه ، وعندها هرب الاثنين واستند عبد الرحمن لاقرب سيارة وجلس ارضا ، تقدمت سلمي نحوه يملأها الرعب وهي تري الدم الذي سال وهو يدافع عنها ، انه عند هذه اللحظة البطل حتي وان كان البطل المزيف سلمي بخوف وقلق : انت كويس عبد الرحمن وهو يتصنع الالم : انا كويس المهم انتي تكوني كويسة سلمي بخوف : انا اسفة علي اللي حصلك ده بسببي عبد الرحمن وهو يضع يده مكان الجـ,ـرح ويتصنع الالم : فداكي دراعي يا ستي ، بس المفروض مكنتيش تمشي لوحدك في المعاد ده والشارع ده سلمي : طب انا ممكن اسندك بس لحد ما بابا يجيبلك دكتور استند عليها ولاحت ابتسامة علي وجهه : ما جوبتيش علي سؤالي علي فكرة سلمي وقد استند عليها وبدأوا في التحرك باتجاه المنزل : كان عندي درس والمستر اخارنا عبد الرحمن ولايزال علي تصنع المه : طب انا كنت جاي للحاج مصطفي واهي جت كده ، افرضي مكنتش موجود كان ايه اللي حصل علي الاقل كنتي خالتي طارق يستناكي سلمي : معلش قدر الله وماشاء فعل انا فعلا كنت حاقول لطارق بس ، موبايلي فصل شحن عندها كان طارق ينزل بضيق علي السلالم يتبعه يحيي بقلق وعصبية يحيي : انت ازاي متفكرش تستني اختك يا اخي طارق : انا قلت حتتصل بيا ، بس اظاهر موبايلها فصل الي باب المنزل فتح طارق الباب وكان من خلفه يحيي ليتسمر الاثنين في مكانهم وهم يرون عبد الرحمن وهو يدخل مستندا علي سلمي نظر طارق ويحيي الي سلمي بملابسها المبتلة والتي تلطخت من اثر اللطين واثار الدـ,ـم من جـ,ـرح عبد الرحمن ، وعبد الرحمن الذي كان غارقا في دمه ليقطع طارق لحظة الصمت وقد بدي عليه الانزعاج : ايه اللي حصل يا سلمي سلمي بخوف وقلق وهي تنظر الي يحيي وطارق ، قاطعها عبد الرحمن وهو ينظر لهم : الانسة سلمي كانت راجعة وكان في حرامي في الشارع وانا دفعت عنها كان عبد الرحمن قد استند علي الحائط ، فتقدم طارق وقرران يسنده الي شقتهم نظر يحيي الي سلمي ونظرت سلمي الي يحيي وساد الصمت ، لم تعرف سلمي كيف تبرر الموقف وتهرب من نظرات يحيي ، التفت وتركها في كل حيرة وهي لا تجد رد ليصعد الي شقته وهو لا يفكر الا في سوء الظن فيما قررت ان تقول الصدق ولكن ما اصعبها من لحظة ان يتخلي عنك من تحتاجه بسبب سوء الظن ويتركك وحدك فريسة لايادي الغدر الحلقة الحادية والعشرين كان بيت السويفي يعج بالكثير والكثير والوضع مقلوب رأسا علي عقب ، سويعات تفصل علا وكريم عن كتب الكتاب ، سيأتي المأذون بعد صلاة المغرب ، وعلي الجميع ان يتجهز في بيت عمرو كان عمرو امام المرآة يحكم رابطة عنقه ، بينما يرتدي الابناء الاربعة ملابسهم ويتجهزون ، وشيرين هي الاخري كانت تنتظر انتهائهم لكي تبدأ هي ، بدي ان هناك شجار بين يحيي ويمني يحيي بغيظ : روحي امسحي اللي علي وشك ده يمني بضيق : وانت مالك ، انا حرة وبعدين مفيش حد غريب كلهم محارم بالنسبة ليا يحيي بنفس الغيظ : لا طارق مش محرم ، وبعدين حتي بردوا لو كلهم محارم ميصحش تبقي لسه مفعوسة وتحطي مكياج ، امال في الكلية حتعملي ايه يوسف لكي يهدي النفوس : لا يحيي ، الستات متتعملش كده ايه مفعوسة دي يا اخي علا صوت يحيي مرة اخري ليأتيه صوت ابيه : ايه ايه ، في ايه يحيي : يرضيك يا بابا اللي هي حطاه في وشها ده نظر عمرو الي يمني التي بدت جميلة للغاية ، نظر لها يتفحصها بعناية ثم نظر الي يحيي في بدلته الانيقة وصمت وبدي انه شرد بعيد ، و كأنه يقول لنفسه لقد كبر ابنائك يا عمرو ، حتي قاطعه صوت شيرين التي كانت تقف الي جواره : يحيي معاه حق يا يمني ، روحي يا حبيبتي امسحي اللي علي وشك احنا مش لوحدنا في البيت ثم الي يحيي : وانت تاني مرة تتكلم مع اختك بطريقة احسن ، وصوتك ميعالش خصوصا في وجود بابا عيب كده يا يحيي التفت لها عمرو ولكنها تحركت الي غرفة النوم وتركت عمرو ينظر الي ابنائه الباقيين في اماكنهم بعد ما تحركت يمني بغيظ الي الحمام لتنفيذ الاوامر ، فتح يحيي باب الشقة واتجه واخواته الاربعة الي الاسفل ، بينما وقفت شيرين امام المرآة وقد بدأت في لف حجابها بالطريقة التي عرفتها من اميرة ، اخر توقعاتها ان عمرو وقف علي باب الغرفة يراقبها وهو يضع كلتا يديه في جيوبه ، انتظر ان تتحدث وتقول اي شئ ولكنها لم تفعل ، فقطع الصمت وهو لايزال ينظر اليها : مبروك لكريم لم تنظر واكملت لف حجابها ثم وقفت تنظر لنفسها وهي تلتفت لتري نفسها ، ثم ردت بهدوء : الله يبارك فيك ، مبروك لعلا يا دكتور عمرو حاول ان يجمع اي كلام في رأسه ليقوله ولكنه كان يشعر بالتردد ، لم يعرف هل يناقش امر الطلاق معها ام يصمت بديت اجمل بكثير من المعتاد بما ارتدت ، فشعر بخفقة في قلبه وهو ينظر لها ولكن سرعان ما تلاشت عندما تذكر ان ما فعلت لم يكن من اجله ، عاد شعور الغيظ ليملئ نفسه مرة اخري ،خصوصا وقد اقترب ميعاد فرح علا وكريم وربما تتمسك شيرين بالطلاق بعده مرة اخري قاطعها وهو ينظر لها ولكن بضيق : طبعا ، مستنية فرح علا وكريم بفارغ الصبر عشان الطلاق مش كده اتجهت الي مكان حقيبتها لتخرج مفاتحها الشخصية وهاتفها وردت وهي تنظر الي الحقيبة : تفتكر ده توقيت نناقش في موضوع طلاقنا وانت نازل كتب كتاب اختك عمرو بغيظ : عموما انا حسمت الموضوع بالنسبة لي وقررت ان الطلاق ده مش حيتم اصلا رفعت نظرها واتسعت عينها ثم بدي عليها الضيق : هو كلام عيال يا دكتور اتجه عمرو نحوها وبدي انها يتصنع اي سبب للشجار معها ، جذبها من ذراعها ، ثم نظر لها بحدة : احترمي نفسك يا شيرين ومش كل يوم والتاني تخليني اتنرفز عليكي ، كلام العيال ده ميطلعش من دكتور عنده خمسين سنة نظرت شيرين في عينه بهدوء بالغ : ما هو عشان كده يا دكتور عمرو ، الطلاق حيتم في ميعاده بدلها عمرو النظرة وغاص في عينيها ورد : ده بعدك يا شيرين ، مش حاطلقك ومش حيحصل ده ابدا ابتسمت شيرين وابعدت ذراعه بهدوء ثم ردت: خلاص اللي يريحك خرجت شيرين خارج الغرفة وتركت عمرو وقد زاده الغيظ بينما كان هذا الحال ،كانت عبير تكمل تأنقها امام المرآة ، ومصطفي ينهي ما وراءه ويتجه للنزول في منزل ميار كانت ريم وميار والعروس امام المرآة ، نظرت ريم الي اللمسات الاخيرة التي فعلتها ميار لعلا ابتسمت وردت : بسم الله ماشاء الله يا علا ، بارك الله لكما وبارك عليكم يا رب تنهدت ميار بمرارة ونظرت لعلا : مبروك يا لولو ربنا يسعدك علا وهي تنظر الي نفسها بسعادة : ربنا يخليكوا ليا بجد ، حاسة ان قلبي بيدق جامد اوي دق باب الغرفة ليطل علي برأسه : مبروك يا عروسة تقدم علي خطوة واقترب من علا وقبل جبينها بسعادة : الواد كريم ده محظوظ جامد علي فكرة ريم بمزاح : انا لسه واقفة علي فكرة ، والواد ده يبقي اخويا ميار رغم ضيقها : خلاص يا ستي الدكتور كريم ثم اتجه الاربعة الي شقة علا لتجلس علا في غرفتها لحظات وعلت الزغاريد في البيت لتعلن عن وصول المأذون ، في غرفة الصالون جلس كريم و جلس عمرو وجلس المأذون يتوسطهم لتبدأ مراسم كتب الكتاب ، ساد الصمت الا من صوت المأذون وهو يتحدث بالنص المعتاد ، وامامه يد كريم بيد عمرو لحظات و علت الزغاريد مرة اخري وكريم يمضي الاوراق ، ثم سحب علي الدفتر واتجه به الي غرفة علا لتمضي الاوراق واخيرا اتنهي المأذون وبدأ يدعو للعروسين امام الجميع وعلا صوته والجميع يردد خلفه ( بارك الله لكما وبارك عليكما وجمع بينكم في خير وعلي خير ان شاء الله ) مر تقريبا ساعة بين التهنئة ، المزاح والكلام والاتفاقات عما بقي من وقت امام الفرح ، الي هذه اللحظة لم يري كريم علا التي كان يتوق الي رؤيتها ، كان ينظر من ان الي اخر باتجاه غرفة علا بينما كان يجلس مع عمرو ومصطفي وعلاء وعلي واخيرا خطت علا باتجاه غرفة الصالون ، ووقفت علي الباب فقام عمرو واقترب منها وهو يحتضنها وينظر لها بفرح : مبروك يا علا ، الف مبروك يا حبيبتي خرج صوت علا مرتجف من الخجل : الله يبارك فيك يا ابيه ثم علاء بمزاح : مبروك يا لولو ، عايزك تربي الواد كريم ده ماشي ضحكت علا ليرد كريم : ايه واد دي يا عم اديني برستيجي شوية قدام المدام مصطفي لعلا : مبروك يا علا الف مبروك علا : ربنا يبارك فيك يا ابيه مصطفي علي للجميع : طب مش يلا بينا احنا ، ولا ايه نظر عمرو لهم ثم الي كريم : انا حاشرب شاي مع ماما بره ضحك الجميع بينما كريم يفرك يده من الضيق ، واخيرا ترك باب الصالون مفتوحا وجلست علا علي احدي المقاعد بينما كريم في المقعد المقابل ظل ينظر كريم باعجاب لعلا ثم قرر قطع الصمت : مبروك يا لولو كانت تشعر ببالغ الحرج وهي ترد : الله يبارك فيك كريم مبتسما بـصوت هامس : طب انتي حتفضلي قاعدة بعيد كده علا بخجل : كريم ، عمرو قاعد بره علي فكرة قام كريم من مكانه وجلس الي اقرب مقعد الي علا : خلاص اقعد انا في مكان تاني ، باقولك مبروك يا لولو علا وقد احمرت وجنتايها : خلاص يا كريم عرفت وانا اقولتلك الف مبروك كريم بصوت هامس : مبروك كده بس ، مفيش اي حاجة تانية علا بصوت هامس هي الاخري : لا مفيش ، وبعدين انت عايز ايه اصلا ابتسم كريم ونظر باستغراب : عايز ايه اصلا ، كلك نظر يا علا ، بما اننا اتجوزنا وانتي دلوقتي مراتي ممكن اعوز ايه وقفت علا بانزعاج : انا شكلي حاطلع اقعد معاهم وقف قبالتها وامسك بكلتا يديها ونظر الي عينيها ورد : واهون عليكي اقعد لوحدي شعرت باضطراب من جرئته وحاولت ان تخلص يدها ولكنه ابي وظل مبتسما امامها وظل علي نظراته ثم همس : بحبك زاد اضطرابها وعلت ضـ,ـربات قلبها بشدة ولكنها لم تستطع ان ترد ، فسحب يدها وقربها من شفتيه وقبلها بحب ثم اعاد كلمته : بحبك يا علا سحبت يدها ببعض القوة واخيرا خرج صوتها بصعوبة : ميصحش كده يا كريم كريم بابتسامة عريضة : نعم ، لا ده يصح ويصح اوي ده حقي ، انت دلوقتي مراتي ، وبعدي راعي يا علا شوية دي اول مرة امسك ايدك علا بخجل : طب خلاص بقي ، عشان عمرو قاعد برة كريم بضيق : علا بجد حاضايق ، عمرو عمرو ، انت دلوقتي مسئولة من كريم مش عمرو ، وتسمعي كلام كريم مش عمرو ومرات كريم مش عمرو ليقاطعه عمرو : في ايه يا كريم ، سمعك بتجيب في سيرتي ، خير تلعثم كريم وهو ينظر لعمرو : لا ابدا يا عمرو عمرو : طب يلا ماما حضرت العشا ، تعالوا اتعشوا علا وكريم وقد ملأهم الخجل : حاضر يا ابيه عمرو …. مرت ليلة كتب الكتاب وكل واحد يحمل مشاعر متضاربة بكل ما مر بها كانت علا في قمة السعادة وهي تعيد علي مسامعها كلام كريم لكن كريم كان يشعر بالقلق ، كلما اقترب موعد الزفاف وهو يخشي ان يحدث شئ يؤدي الي ان الفرح لا يتم وربما يخسر علا ميار كانت تشعر بالضيق من احساسها بالذنب لانها لم تحكي لعلا ما رأت ولم تفهم من كانت مع كريم ولماذا ، خشت ان تتحدث فتحدث مشكلة ويفهم الامر برمته خطأ علاء كان يشعر بضيق بالغ وهو ينظر الي ريم التي كانت نائمة الي جواره ، ماذا يقول لها وماذا سيحدث لو تزوج بالغد ، هل سيندم علي اتمام الزواج ام لا ، زفر بشدة وهو يفكر في اجراءات الطلاق ، لاول مرة يراوده شعور بالخوف من خسارة كل شئ عبير اقتربت من الكاسيت واخرجت شريط كاسيت قديم وقامت بتشغيله ، كان اغنية لام كلثوم تذكرها بذكريات معينة كم كانت تريد ان تتذكرها بغض النظر عن مصطفي الذي قد اولها ظهره ونام عمرو كان هناك شئ قد عزم الامر علي ان يفعله ، وهو قطع علاقته بزيزي ، زفر في الشرفة وهو يفكر بانه يشعر بالضيق ، ومن ان لاخر تطل صورة اسراء بقوة لتمحو صورة زيزي علا صوت اذان الفجر ليأتي السبت ويبدأ الروتين اليومي الصباحي لكل بيت وكعادة كل يوم الازواج في اشغالهم والنساء منهمكين في تحضير الغداء وترتيب المنزل ….. رن الهاتف فتقدمت خطوات باتجاه لترد : الو سلام عليكم : وعليكم السلام ورحمة الله وبركاته ، ازيك كانت تعرف ذلك الصوت جيدا ، فتسارعت دقات قلبها وردت بشوق : ماهر رد عليها ببالغ الرقة : لسه فاكرة صوتي عبير بخوف وتردد : انت جيبت رقم تليفون البيت منين ماهر بثقة : انتي متخيلة انها حاجة صعبة عبير بخوف وقد اخفضت صوتها : لا بس ، خير يا ماهر عايز ايه ماهر برقة : عايز اشوفك ، ممكن عبير وهي تنظر حولها خشية من سماع ابنائها : لا طبعا مش ممكن ، انت عارف انه خلاص مبقاش ينفع ماهر بضيق : ليه يا عبير ، احنا ممكن نقعد في اي مكان عام ، انا محتاج اتكلم معاكي ، ارجوكي يا عبير ولو مرة واحدة بس عبير بقلق: مقدرش يا ماهر مقدرش اعمل كده ، افرض مصطفي عرف او حد شافني ، ارجوك يا ماهر خلينا نقفل علي اللي فات ، عشان ولادك وولادي ماهر باصرار : لو خايفة حد يشوفك ، نتقابل في شقتي القديمة ، وكده محدش حيشوفك عبير بتوتر : انت اجننت يا ماهر شقتك ماهر بنفس الاصرار : انتي مش واثقة فيا يا عبير ، انا بس محتاج اتكلم معاكي ، ارجوكي يا عبير لو مش عايزة شقتي مكان عام المهم نتقابل عبير بعد الحاحه : طب ححاول يا ماهر بس مش حاقدر اوعدك دلوقتي ماهر وقد شعر بالراحة فزفر : اخيرا يا عبير ، عموما انا كفاية عليا انك حتحاولي وانا حاستني وحارجع اكلمك كمان يومين ، سلام اغلقت عبير الخط وهي غير مصدقة انها لم ترفض ، لماذا وعدت انها ستحاول ، جلست الي اقرب مقعد وبدأت تفرك يدها وقد شعرت بالبرد تري أكان هذا الاحساس نتيجة الخوف مما تفعل ام لانهم في فصل الشتاء …. دق هاتفه فاتجه الي الرد : الو سلام عليكم بكل انوثة ودلال خرجت ضحكاتها وردت : وعليكم السلام يا حبيب قلبي زفر بقلق ورد : ايه الاخبار يا سوسن خرج صوتها بنعومة وردت : حبيبي كله تمام ، مستنياك انهاردة الساعة ستة بالتمام والكمال ، وعدت علي الشقة و وظبت كل حاجة وكله تمام ، واخويا مستانيك ، اوعي تتأخر بكثير من القلق رد : لا اكيد مش حتأخر …. دخل الي مكتبه وبدي عليه بعض الضيق وهو يتحدث : يا اخي الناس مبقاش عندها ضمير ابتسم عبد الرحمن ورد : وده مين اللي عمل معاك كده يا ابراهيم ، ده انت اخر واحد تقول كده ابراهيم بضيق : ماشي يا عبد الرحمن دي غلطتي اني ساعدتك ، عموما الاتنين اللي اتفاقنا معاهم بيقولولك الفلوس اللي وصلتهم دي متنفعش ، عايزين كمان 100 جنية انزعج عبد الرحمن و وقف في مكانه ورد : كمان 100 جينة ليه ، دول عوروني ابراهيم وهو ينظر لجـ,ـرحه : ما هي التعويرة دي عملت معاك شغل حلو بردوا عبد الرحمن بضيق وهو يخرج النقود : يا ساتر علي الاقر ثم مد يده بالنقود : خد امسك ، حار ونار في جتيتهم …. هلا اتطلعتم علي الخريطة وارشدتموني الي المكان ، قولوا خريطة قولوا خريطة ، انتظر يا موزو : ممكن نوطي التلفزيون شوية يا اخت اروي اروي بضيق : عايثة اسوف دوووووووورا : ماشي شوفي دورا براحتك بس وطي التلفزيون شوية ثم التفتت لتجلس الي جوار ميار التي كانت تشرب الشاي بضيق : مالك يا ميار ميار وقد بدي عليها الشرود : هه مفيش ريم وقد سحبت الكوب الاخر لتشربه : مفيش ازاي يا بنتي ، باين عليكي اوي حتي يوم كتب كتاب علا بردوا كان باين عليكي ، ايه علي ولا ابن علي ميار بضيق و هي تزفر : ولا علي ولا ابن علي ريم باستغراب : امال مين ، طرف تالت ميار وقد ابتسمت بصعوبة : لا … كريم ريم باستغراب : كريم ، كريم مضايقك ، وده حيضايقك في ايه ميار بتوتر : انا حاحكيلك ،بس اوعديني تتصرفي صح ، ممكن ثم صمتت لحظة واكملت : فاكرة يوم ما خرجنا سوا وقابلنا كريم ، يومها كريم كان داخل سينما مع بنت ولما شافنا سابها ووصلنا ريم بقلق وانزعاج : بنت ، ودي مين دي ميار بضيق : مش عارفة بس انا مرديتش اقول لعلي او علا عشان بلاش اعمل مشكلة وانا مش عارفة هي مين ، انت اتكلمي مع كريم وافهمي منه وهو بقي يحكيلك او شوفي حيقولك ايه ريم وقد بدأت تفكر في علاء وكريم معا : حاكلموا …. ادار عمرو المفتاح في الباب ، ودخل بينما تتحدث شيرين في الهاتف شيرين : خلاص ، ان شاء الله يوم الاتنين الصبح نتقابل :… شيرين : لا مش حتأخر ، لا عارفة طبعا : …. شيرين : لا امتحانات الولاد حتبدأ بكرة ،ايوة امتحانات نص السنة ، خلاص وماله ، ان شاء الله ، مع السلامة اغلقت الهاتف والتفتت لتصتدم بعمرو وهو ينظر بحدة : كنتي بكلمي مين شيرين وقد فزعت : ايه ده يا عمرو ، بجد خضتني عمرو بغيظ : باقولك بتكلمي مين شيرين بهدوء : واحدة صاحبتي عمرو وهو لايزال علي نظراته : وانتي من امتي ليكي اصحاب يا شيرين شيرين بنفس الهدوء : من دلوقتي ، من هنا ورايح حيبقي ليا اصحاب واقرايب ، وناس ازورهم ويزوني ومش بس كده ، انا ناوية ارجع شغلي عمرو وقد قرر استفزازها : يا سلام ، اقرايب والصحاب وشغل ، وده مين بقي اللي حيسمحلك بكل ده شيرين مبتسمة : انا ، انا ناوية اسمح لشيرين بكل ده ثم اتجهت الي المطبخ لتحضير الغداء …. : مبارك ان شاء الله يا استاذ علاء ، الف الف مبروك ثم علا صوت الزغاريد ، مبروك يا سوسن ، الف الف مبروك يا علاء كان عماد يتابع من بعيد وهو يشعر بالضيق و القلق علي صديقه ، اقترب علاء من عماد ونظر له مبتسما : ايه يا عم مفيش مبروك عماد بضيق : يا ريت تكون مبسوط دلوقتي تصنع ابتسامة عريضة ورد : طبعا مبسوط مش عريس عماد وهو ينظر باتجاه سوسن : وهي دي اللي حتسعدك يا علاء ، ربنا يخيب ظني لم يسع عماد الا الانصراف ولحظات واتت احدي صديقات العروس توسطت الجالسين وقام اخو سوسن بتشغيل احدي الاغاني وبدأ الرقص وكأنها مسابقة رقص لاختيار افضل راقصة ، الكل يرقص ما عدا علاء وسوسن التي جلست الي جانبه ومن ان الي اخر تهمس في اذنه بكلمة : بحبك ، بمـ,ـوت فيك ، روحي قلبي و هكذا …. الي ان حان اوان المغادرة ….. رن هاتفها فاتجهت لترد : ايوة يا علاء ، ايه لسه مخلصتش شغل بتردد بالغ اتاها صوته : ايوة يا ريم ، لا خلصت بس في ظروف حصلت ويمكن معرفش اجي انهاردة ريم باستغراب : متعرفش تيجي ازاي مش فاهمة امال حتبات فين علاء بتوتر بينما سوسن تخلل يدها في شعره : انتي عارفة عماد صاحبي ، والده عمل حـ,ـادثة وهما اصلا مش من القاهرة ، فانا حاسافر معاه اشوف والده وارجع بكرة قبل ان ترد ريم التي لم تكن تعلم ان سوسن وعلاء بالسيارة ، استشعرت وكأن علاء سيضحك ، كانت سوسن تمرر اصابعه حول عنقه وهو يحاول ان يتماسك حتي لا يضحك ريم بشك : طب يا علاء ، الف سلامة علي بابا عماد علاء وهو لايزال يحاول ان يمسك ضحكاته : ماشي سلام يا ريم اغلق الهاتف ثم نظر لها بضيق : يعني خلاص حبكت يا سوسن سوسن بدلال : اه ، حبكت علاء وهو ينظر لها باعجاب : طب ولو كانت سمعت دلوقتي كانت حتقول ايه بس سوسن بمزاح : كنت حتقولها عماد جنبي تنهد ثم ضحك ثم اعاد النظر اليها : اه منك انتي …. شعرت بكثير من الشك يتسلل الي قلبها بعد انتهاء المكالمة ، تري هل من كانت بجواره كانت سوسن ، هي شعرت بذلك ، بدي من صوته المضطرب انها هي ، ولكن هل يبيت معها ام بالفعل سيسافر مع صديقه فتح باب الشقة ثم حملها وليدخلوا الي الداخل ، واغلق الباب بقدمه انزلها بدلال وهو يقول : مبروك يا سوسو الفت ذراعيها حول عنقه وبدأت خطة البرمجة التي تحفظها عن ظهر قلب ، همست في اذنيه برقة وردت : مبروك عليا يا حبيب سوسو ثم اردفت وهي لا تزال علي الصوت الهامس الناعم : انت متعرفش انا فرحانة قد ايه علاء ، انا عمري ما كنت اتخيل اني ارتبط براجل زيك ، فيه كل المواصفات اللي تتمناها اي ست ، بجد يا علاء انا باحسد نفسي عليكي اصابت هدف وبدأ ينسي شعوره بضيق الذي كان يتسلل بسبب التفكير في ريم ورد : يااااه كل ده ، ده انا كده حتغر في نفسي اعادت الاسطوانة مرة اخري : تؤ تؤ …. ده اقل بكتير اوي يا علاء من اللي انت تستاهل تسمعه ، وبعدين انا لا لسه قولت حاجة ولا لسه اتكلمت ولا لسه دلعت ، انت معايا يا علاء حتعرف الجواز اللي لسه معرفتوش كم كان يطوق وبشدة لان يعرف ، يعرف ما لم يعرفه وكأنه سوسن ستخترع شيئا جديدا ، نسي ان الزواج هو الزواج ولن يتغير الفرق الوحيد يكمن في امرأة تدرك اللعب علي تغيير القناعات حتي وان استخدمت الوهم كقناع لاخفاء الحقائق المهم ان الذي امامها مستعد عند هذه اللحظة ان يصدق انها اللعبة الجديدة او ان شاءنا انها الحرب الجديدة ، اللعب بالعقول ، و لن تربح اللعبة بسهولة الا عندما تتقن استراتيجيتها ما تمتلكه سوسن عند هذه اللحظة ليس جمالا لانها تعرف جيدا ان ريم هي الاجمل انما ذكاء ومعرفة ربما لم تصل بعد الي ريم ، اذا هذه هي الفرصة ان نتنافس علي برمجة عقل رجل وانا اعلم من فينا ستربح وقفت امام المرآة ونظرت لنفسها وهي تقول بهدوء : انتي المركز الاضعف ، انتي الزوجة الثانية ولكن انا اعلم ماذا افعل ، فتبدأ الخطة قبل ان تخرج من الغرفة وباتجه الغرفة التي يجلس فيها وضعت العطر بكمية كبيرة حتي يصل الي انفه من انفه الي المخ وصلت اشارة ترجمها العقل ( هناك امرأة ذات عطر مميز قادمة في الطريق ) بصوت ناعم اقتربت من الغرفة وطلبت : ممكن تغمض عينك الي اذنه هذه المرة ، اذا اشتغلت الحاسة الثانية ، و الرسالة المطلوبة اثارت العقل اكثر لانها لعبت علي الفضول من اجل ان تعمل الحاسة الثالثة واخيرا اتت ذات اللنجيري الابيض ولكنه كان مختلفا عن المعتاد بدي يشبه كثيرا الفساتين السوارية ، كان طويل وناعم ليفتح عيناه وقد اثارت الحاسة الثالثة ، بصره وهي بالتأكيد الحاسة الاهم ، انه يومها يوم اللعب بالحواس الخمس معسول الكلمات ، ارق اللمسات ، عطر قوي النفحات ، صورة فتاة تظن نفسها من الاميرات واخيرا ان يتذوق منها من لم يتذوقه من قبل حتي لو كان شئ سبق وان قدمته ريم فاليوم عنصر الابهار سيغير الطعم ، سيغير طعم كل شئ حتي ولو كان شيئا مكرر اذا انتهت من الشق الاول واعدت الصورة الكاملة ومن هنا اتي الشق الثاني وهو ان علاء مستعد نفسيا لتقبل اي شئ ، لسماع اي شئ و مدام هو علي هذا الحال لنتدارك الشق الثالث تغيير القناعات جلست الي جواره وابتسمت برقة : مش جعان علاء بانبهار : لا جعان ايه ، انا عطشان ضحكت بدلال بالغ لتقع ضحكته في عقله مرة اخري ويرد : طب والله ريقي ناشف ردت بنعومة : وبتحلف ليه ، انا مصدقاك ثم قامت تتحرك بخطوات ناعمة والتفتت قبل الخروج من الغرفة : حاجيبلك تشرب علاء وقد قام خلفها : يا سلام كتر خيرك ضـ,ـربت بيدها احدي قدميها ولاتزال علي توترها ، مر ساعاتين وانتصف ليل القاهرة وبناتها نائمتين وهي شريدة تلعب كل الافكار برأسها ، لم يكن امامها بد الا مشاهدة التلفزيون والملل امامه صوت الضحكات العالي هو المسيطر علي المشهد : تحب اقولك نكتة تانية وضع علاء يده علي صدره ثم زفر : لا يا سوسو بجد كفاية ، والله قلبي وجعني من كتر الضحك سوسن كماهي بنفس نعومتها : سلامة قلبك يا حبي ، اقوم انا احضر العشا بقي علاء وقد امسك بذراعيها : هو لازم عشا ابتسمت وردت : طبعا يا حبي ، ده حتي انا ناوية آكللك بايدي لقمة لقمة ابتسم ورد : براحة عليا شوية انا مش واخد علي الدلع ده كله : هو انا لسه دلعت يا شيري ، لا انا لسه يدوبك باعرفك ع الدلع اتجهت الي المطبخ لتسخين العشاء وفي طريقها لمحت هاتف علاء علي السفرة ، لحظة وسمعت صوت علاء قد توجه الي الحمام واغلق الباب ثم صوت الدش ، اذا سنحت الفرصة التي كانت تريدها سحبت هاتفه واغلقت باب المطبخ عليها لتتصل بالرقم الاخير اخيرا اتصل علاء مرة اخري هكذا ظنت ريم وهي تتوجه الي الرد ليأيها صوت مفعم بالانوثة والدلال ليرد : مفاجأة مش كده ، ازيك يا ريم وقع الصوت علي اذنيها وقد شعرت وكأن سـ,ـكين حاد صوب لها طعنة باتجاه قلبها ليخرج صوتها بخوف وقد تأكدت شكوكها : سوسن سوسن بهدوء : الله ينور عليكي ، وفرتي عليا اقول انا مين ، عموما قبل ما دماغك تروح لبعيد ، احب اقولك ان انا وعلاء اتجوزنا انهاردة انتظرت سوسن رد ولكن ريم لم تحتمل ما سمعت ، الجمها ان علاء قد فعلها بل وكذب عليها فاكملت سوسن ببالغ برودها : ده بدل ما تقوليلي مبروك من قلبك ، تصدقي زعلانة منك صمتت للحظة ثم ردت : بصي انا لاني دغري عايزكي تعرفي عشان من الاخر كده لو عايزة الطلاق ماشي براحتك طبعا ، مش عايزة وحنفضل ضراير ، فانا عايزة حقي في علاء انتي يوم وانا يوم ولا ايه الي قرب مقعد هوت لان قدمها لم تعد تحملها ، ليأتي صوت علاء العالي خارجا من الحمام لينادي سوسن : يا سوسن …. يا سوسن لتكمل سوسن : بصي مضطرة اقفل معاكي اصل علاء بينادي عليا ، سلام مؤقت بس احنا لسه لينا كلام مع بعض ، تصبحي علي خير يا ضرتي العزيزة سقط الهاتف من يدها ، انهمرت الدموع من عينيها ، واعادت علي مسامعها ذاك الخيار الاصعب ( الطلاق ) ام ( القبول بالامر الواقع ) الحلقة الثانية والعشرين علي اعتاب شركة المحمدي للانشاء والتعميير اجتذب ذراعها قبل الصعود الي الشركة وعلا صوته وهو ينظر بحدة : انا اللي ناوي اعملك فضيحة هنا يا … ثم ضحك ساخرا : يا انسة مي مي بحدة : اتفضل امشي وسبق واقولتلك اللي في دماغك ده تنساه ، رجوع مش رجعة ، واعلي ما خيلك اركبوا بدر بحدة اكبر وهو لايزال يجذبها اليه : ماشي يا مي ، بس عايزك تعرفي ان ابني حاخده، بالمحاكم حاخده بالعافية حاخده ، انا اللي حاربيه مي وهي لاتزال تحاول افلات يدها من يده : طب كنت دفعت مصاريفه الاول بدل اللي عمال تصرفوا علي القمار والرقصات ، مش حتقدر تعمل حاجة وانا مش بتهدد ركن سيارته ولايزال صوت الشجار واضح ، ونزل واتجه ناحية الشجار ثم نظر لمي : في ايه يا بشمهندسة مي بضيق من ظهور عليِ : ابدا مفيش حاجة يا بشمهندس ثم نظرت الي بدر وقد افلتت يدها اخيرا من قبضته : اتفضل امشي بقي و كفاية فضايح بدر وهو يتوعدها : انتي لسه شوفتي فضايح ، انا وراكي والزمن طويل يا بشمندسة ثم رمق علي بنظرة غيظ وانصرف وقفت تبكي ما حدث لها امام الشركة ، فلم يسع علي الا ان يخرج منديل من جيبه ليعيطه اليها : اتفضلي يا بشمهندسة نظرت مي للمنديل ثم الي علي ثم امسكت به تمسح دموعها ببالغ الضيق ، نظر علي باتجاه من انصرف ثم نظر اليها : انتي تعرفيه مي بضيق وهي لاتزال تبكي : ده طاليقي ، واقرفني في عشتي من يوم ما اطلقنا ، دي تالت وظيفة اروحها عشان بس اسلم من اذيته ، بس اعمل ايه هو عارف اني مليش حد عشان كده كل شوية بيتعرضلي شعر علي بكثير من الشفقة امام دموع عينها : طب ممكن تهدي ، بقية موظفين الشركة بيبصوا عليكي ، اغسلي وشك واطلعي علي مكتبك مي وهي تحاول التماسك : حاضر اتجهت الي مكتبها وبعد لحظة اتجه علي وقد شعر بالاستغراب من ان مي متزوجة وعلي حد ما سمع لديها طفل …. دارت بقلق في الشقة تفكر في مكالمة ماهر لها وفيما قاله وفي انه يريد رؤيتها ، هل تذهب لرؤيته وهي تعلم انه يريد النبش في الماضي حينها كانت سلمي تتجه للخروج من منزلها باتجاه احدي الدروس ، نزلت السلالم وطرقت الباب علي جدتها قبل الخروج سلمي الي جدتها : صباح الخير يا تيتة مديحة : علي فين العزم يا ست البنات سلمي : عندي مراجعة كيمياء مديحة : هي يمني مش معاكي سلمي : لا يا تيتة يمني اخدت احياء وانا كيمياء ، عايزة حاجة ثم اتجهت للخروج مديحة وهي تودعها : ربنا معاكي خرجت سلمي بينما تركت مديحة الباب مفتوحا ، لحظات وكان يحيي من يغلق باب شقته باتجاه الكلية ، وامام باب شقة جدته وقف ليلقي التحية : صباح الفل يا ام عمرو مديحة وهي تنظر شذرا رغم الابتسامة : ام عمرو كده عيني عينك ماشي يا ابن عمرو يحيي مازحا :خلاص يا قمر ، انا رايح الكلية اصور ورق ، اجيبلك حاجة معايا مديحة : لا يا سيدي روح الله يسهلك طريقك ، وينجحك امام موقف المكروباصات كانت تقف سلمي بانتظار مكروباص للذهاب ، لاحت ليحيي من بعيد فرأها كما اعتاد ان يراها دائما ، وجهها في الارض وتنظر من ان لاخر في الساعة ، قرب خطواته وهو لا يعرف هل يتحدث اليها ام يصمت ولكن قبل اقتربه استوقفه اخر ما كان يتوقع وقفت احدي سيارات الاجرة امام سلمي ليطل عبد الرحمن برأسه وهو يشير لها : انسة سلمي التفتت سلمي علي اثر الصوت واستغربت : عبد الرحمن ، قصدي … استاذ عبد الرحمن ابتسم عبد الرحمن ونزل من سيارة التاكسي ونظر لسلمي : اركبي طب الاول وبعدين نبقي نشوف استاذ ولا من غير توترت سلمي وهي تنظر الي التاكسي والي عبد الرحمن ولا تعرف ماذا تفعل انهت التردد وردت : لا اتفضل انت يا استاذ عبد الرحمن ، انا اصلي مش عايزة اعطلك عبد الرحمن بتصميم : لا تعطليني ايه انا حاوصلك وبعدين اروح مشوار الضرايب وقبل ان يأتيه رد شددمرة اخري عليها : اركبي بقي يا انسة سلمي مش معقول اسيبك في الشارع كده لم يسعها سوي الركوب الي جوار عبد الرحمن ، وليزيد عبد الرحمن من ثقتها وضع في المنتصف بينهم بعض الاوراق ، لانه اراد ان يثبت انه الشخص الذي يؤتمن نظرت الي الساعة مرة اخري فنظر باتجاهها ورد : انتي اتأخرتي علي الدرس سلمي بكثير من التوتر : لا ابدا ثم صمتت للحظة واكملت : مكنتش احب اني اعطلك معايا ابتسم عبد الرحمن ورد بود : ازاي بس تقولي كده ، يعني ينفع اسيبك واقفة قدام المكروباصات بردوا ، انا حبت بس اطمن عليكي ، مش معقول اسيبك تتعرضي لحد فيضايقك لحظات ووقفت سيارة الاجرة امام العنوان المطلوب ، نزلت سلمي واقترب عبد الرحمن من الباب ليودعها : عايزة حاجة ياانسة سلمي سلمي بخجل : لا يا استاذ عبد الرحمن شكرا عبد الرحمن مبتسما : علي فكرة عبد الرحمن من غير استاذ كانت منك احلي ثم انطلقت سيارة الاجرة ….. جلس امام مكتبه وكان منهمك بالعمل علي حاسوبه ، طرق باب مكتبه ودخل احد العمال وفي يده باقة ورد ونظر له : الورد ده وصل لحضرتك يا دكتور رفع كريم نظره باستغراب و رد : طب حطه عندك قام من مكانه واتجه الي الورد ليقرأ الكارت فوجد ( الف مبروك يا عريس… داليا ) زفر بشدة وشعر بالغيظ ، والي سلة القمامة الموجودة في مكتبه وقذف البوكيه ، ثم عاد جالسا الي مكتبه مرة اخري ليكمل عمله لحظات ورن هاتفه ، لم ينظر الي الاسم وببالغ ضيقه رد : ايوة ليأتيه صوتها ناعما وهادئا : صباح الخير ابتسم لان المتصل خالف توقعاته وخفق قلبه بسعادة ورد : صباح النور ، بس الساعة داخلة علي 3 العصر علا بضحك : معلش بقي عديهالي ولا انت ناوي تمسك علي واحدة من دلوقتي كريم وهو يبادلها الضحك : امال يا بنتي ، انتي لسه شوفتي حاجة ، ده انا ناوي اشتري قطة كبيرة وسطور صغير قبل العفش علا بمزاح : طب قطة كبيرة ماشي لكن سطور صغير ليه بقي كريم ولايزال علي مزاحه : اصلي مش عايز دم كتير ، خايف عليكي يا قطة علا بقلق وهي تمزح : خايف عليكي ويا قطة وقطة كبيرة ووسطور صغير كريم انت ناوي علي ايه بالظبط ، انت ناوي تدبح انهي قطة كريم وقد ضحك : والله لسه بافكر علي حسب يعني كلامي حيتسمع الي اي مدي ، اللي قدامي حيدلعني ولا حيطنشني كده قررت علا ان تقلب مسار الحوار فردت بهمس : واهون عليك خرجت ضحكة عالية منه لم يستطع السيطرة عليها ورد : صباح التثبيت ، انتي بتثبتيني يا علا ، لا بس الله ينور ، لعلمك بقي الراجل يحب يأكل البلوظة زي عينيه ، وماشاء الله انتي ابتديتي بدري اهو استمري استمري لم تستطع السيطرة هي الاخري علي ضحكاتها وردت : طب انا غلطانة يا كريم ، كده بردوا انت مش سهل خالص علي فكرة هدئ من ضحكاته ولكنه لا يزال مبتسم : لا خالص والله لعلمك بقي انا راجل كيك لتعلو ضحكاتها مرة اخري : كيك ، كيك ازاي يعني كريم مازحا : كيك يا علا يعني تاكليه – تهريسيه – تزوقيه ، براحتك خالص ، اطيب مما انت تتخيلي علا : لما نشوف ، حتطلع طيب بجد ومش حيهون عليك زعلي ولا حيطلع كل كلامك دلوقتي كلام في كلام ، والراجل الكيك يطلع عيش سن ابتسم و تنهد مفكرا في كلامها ثم نظر الي بوكيه الورد الملقي به في القمامة ورد ولكن بضيق و خوف حول المزاح الي جد : صدقني يا علا انت اخر حد ممكن افكر اني ازعله مني ، و اوعدك يا ستي اني مهما حصل مفكرش ابدا ازعلك علا مبتسمة : مهما حصل كريم وهو لايزال علي نظراته لبوكيه داليا : مهما حصل …. : واعراب كلمة جميلة نظر يوسف الي الورقة مرة اخري و رد : اه دي مضاف اليه يمني ليارا : وكتبتي افكار في التعبير ، كتبتي كام صفحة يارا : كتبت 8 صفحات يحيي وهو يلقي نظرة هو الاخر علي اوراق الامتحان : ايه ، 8 صفحات ايه بس ، ده انا في الثانوية العامة كنت كاتبت 16 صفحة في التعبير شيرين وقد امسكت بورقة يارا بعد يوسف : 16 يا مفتري ، انت كنت بتألف كتاب ثم نظرت الي الورق مرة اخري : كويس النص ده انا كنت قيلالك عليه ثم نظرت الي يوسف و يارا : كده خلاص عربي ودين ، بكرة في ايه يوسف :دراسات و كمبيوتر يارا : جبر و رسم شيرين : طب يلا بابا زمانه جاي احضر الغدا واتفضلوا علي مذكرتكم في نفس اللحظات كان عمرو يخرج من المستشفي باتجه سيارته ، ركبها وادار المحرك باتجه منزله الي ان قاطعه صوت الهاتف ، نظر عمرو الي الهاتف انه رقم غير مسجل ، واتجه الي الرد : الو سلام عليكم : وعليكم السلام ورحمة الله وبركاته ، رديت دلوقتي يا دكتور عمرو ، عشان شايفه مش رقمي مش كده زفر عمرو زفرة قوية ورد : ازيك يا زيزي ، عاملة ايه زيزي بعصبية : كويسة اوي يا دكتور عمرو ، المهم تكون انت اللي كويس عمرو بغيظ : كويس ، بس انتي عارفة فرح علا … وقبل ان يكمل قاطعته بعصبية : فرح علا ، انت عايز تقنعني ان عمرو السويفي يقدر يقعد من غير يوم الخميس ومن غير اللي بيحصل في عيادته كل خميس عمرو وقد تعصب : احترمي نفسك يا بتاعة انتي ، انتي فاكرة نفسك مين عشان تكلمني بالطريقة دي انتي …انتي اكيد اجننتي زيزي بضيق : هي الحقيقة بتوجع معلش شعرت انها تصرفت بطريقة خاطئة فتصنعت البكاء واكملت : انت خلاص نسيت اللي بينا يا عمرو ، انت ايه اللي جرالك بالظبط بقالك فترة متغير بس انا باقول لنفسي اكيد لا ، ممكن اعرف مالك يا عمرو اطلق عمرو ضحكة ساخرة ورد : المفروض ان انا صدقت الدموع دي مش كده ، زيزي انتي ليه مصدقة نفسك كده ، اسمعي يا زينات اظن انا وانتي بنفهم كويس اوي و فاهمين بعض كويس اوي ، لو علي الورقة العرفي فكل شئ وله تمن واظن مفيش يوم عدي بينا الا تمنه ادفع ولا ايه زيزي بعصبية مرة اخري : انا… انا يا عمرو بيتقالي الكلام ده دلوقتي ، اظاهر انك نسيت مين هي زيزي يا عمرو عمرو بهدوء : لا منستش بالعكس المرة دي اكتر مرة فاكر كويس ، بس انا عارف انك واعية وانك بتحطي مصلحتك قدامك ولا ايه ، انا حادفعلك مبلغ كويس وننهي الموضوع بهدوء ، قولتي ايه … عموما انا حاسيبك تفكري وتردي عليا صمت للحظة ثم اكمل : بقولك ايه زيزي ، لو حابة بقي انك تدخلي في مشاكل بحجة انك عايزة تفضحني يعني ، انا ساعتها حابلغ البوليس وحاقول انك بتتبلي عليا واني معرفكيش اصلا ، نصيحة مني اطلعي مستفيدة احسنلك ثم اغلق الهاتف ، لتقف زيزي من مكانها غير مستوعبة ما سمعت من عمرو السويفي ، غير مصدقة التغيير المفاجئ الذي حدث ضـ,ـربت يدها المضمومة في الحائط وردت : ماشي ماشي ، بقي دي اخرتها بس مش انا اللي يتلعب بها يا سي عمرو ، بكرة تشوف زينات حتعمل ايه …. اوقف السيارة امام بيت السويفي ، واتجه الي الصعود لكن رائحة العطر القوية التي كانت تملئ السيارة كانت تشعره بالضيق ، انه لا يريد لمي الدخول في حياته ويخشي علي حياته ماذا لو ان ميار تفهمه وتفهم تصرفاته بشكل خاطئ نظر الي سيارته وهو يغلقها والي المكان الذي كانت تجلس فيه مي منذ دقائق عندما قرر ان يوصلها الي منزلها والي اخر جملة قالتها قبل ان تنزل من السيارة : انا متشكرة اوي يا بشمهندس علي ، انا مش عارفة من غيرك كنت حاعمل ايه حول السفرة ساد الصمت وقد شعر بالتردد أيتكلم ام يصمت ، نظرت ميار اليه بهدوء وقررت كسر الصمت بابتسامتها ، وضعت يدها علي يده وسألت : مالك يا علي علي بضيق وهو ينظر لها : ابدا مفيش ميار وهي لاتزال علي ابتسامتها : انت متأكد علي وقد تصنع الابتسامة : الصراحة … لا ميار بهدوء : طب مالك بدأ علي يسرد كل ماحدث بينما ميار تتابعه بهدوء الي ان انتهي من سرد يومه بالعمل نظر الي عينها لعله يستشف رد فعلها : ايه مسمعتش ردك يعني رغم شعورها الشديد بالغيرة والقلق من كل كلمة الا انها حاولت الا تبدي ذلك ، تنهدت ثم ردت : علي انت بتثق فيا استغرب علي من السؤال ورد : انتي ليه بتسألي السؤال ده ميار بهدوء : ابدا يا علي ، عايزة اعرف لو انا اتصرفت بنفس الطريقة دي لو انا باشتغل كنت حتتفهم لو ركبت مع راجل عربيته مثلا علي بغيرة : وايه علاقة الثقة بالتصرفات الغلط ، انا باثق فيكي بس مينفعش تركبي عربية راجل … صمت وكأنه فهم فاكملت : انت كده جوبت علي نفسك يا علي ، علي انا باثق فيك جدا فوق ما انت تتخيل ، بس لما حاشوفك مع مي وهي راكبة جانبك ، مي اللي جيت قولتلي بتحط برفان عامل ازاي وبتلبس ازاي ، تفتكر ساعتها حارد اقولك ايه ، بص يا علي انا عارفة انك شهم وراجل اوي بس المهم اللي قدامك يفهم دي كويس ، يفهم انك بتتصرف كده شهامة منك مش حاجة تانية بس ارجع اقولك الغلط حيفضل غلط علي بقلق : قصدك ايه ميار مبتسمة : قصدي يا علي انه دقة بدقة وان زيدت لزاد السقا ، وانت بتتصرف مع مي افتكر دايما ان اي يتصرف ممكن يتردلك فيا مثلا او لا قدر الله في علا او بنات عمرو او بنات عبير افتكر دي كويس يا علي ….. مرة اخري بتوتر اكبر امسك الهاتف ليحاول الاتصال بها ولكن هاتفها لايزال مغلقا ، اتصل علي هاتف المنزل يأتيه الرنين ولا يجيب احدا اقتربت منه والفت يديها حول خصره ووضعت رأسه علي كتفه متنهدة : بتكلم مين علاء بضيق : باكلم ريم سوسن وقد اصتنعت الغيرة : هو انت خلاص يعني مش قادر علي نفسك ما انت شوية ومروح عندها علاء بقلق : انا من الصبح باتصل بيها تليفونها مقفول ، حتي تليفون البيت محدش بيرد شعرت سوسن بالقلق وهي تفكر فيما تنوي ريم فعله ، وماذا سيكون رد فعل علاء ولكنها مستعدة وتعلم جيدا ماذا ستفعل وضعت رأسها مرة اخري علي كتفه وردت : طب اتغدي وممكن تتصل باي حد من البيت يخبط عليها ويطمنك علاء مبتسما : تصدقي صح امسك الهاتف بيده وقرر الاتصال بعلي وطلب منه ان يطمئن علي ريم وبناته لحظات وكان هاتفه يرن مرة اخري علاء : ايوة يا علي ، ايه مش بترد ليه : … : ايه محدش فتح الباب ، خرجت يعني ولا ايه :… : يعني ايه محدش شافها من الصبح : … : طب يا علي انا حاتصل بكريم ، سلام التفت لميار وقد شعر بالقلق : انتي متأكده انك مشوفتيهاش انهاردة ميار : لا يا علي انهاردة حتي مسمعتش صوت البنات زي كل يوم يمكن راحت عند مامتها علي : يمكن : ايوة يا طنط سعاد ، يعني مجتش عندك : … : لا ابدا انا كنت مسافر ولسه اصلا موصلتش البيت : …. : طب يا طنط لو جت عندك ابقي قوليلي او اتصلي بيا : …. : سلام التفتت الي كريم ونظرت اليه : طب ممكن افهم هي ليه مش عايزاه يعرف انها هنا كريم باستغراب : مش عارف بس سبيها براحتها دلوقتي ، شكلها اتخنقت معاه ثم نظر باتجاه والدته : بس الخوف بقي يفضلوا زعلانين و انا خلاص كلها 10 ايام ويبقي فرحي ، يا رب يا رب يعدي علي خير سعاد بقلق : يا خوفي يا كريم ، ما انت مش بتعمل شوية ببالغ التوتر اتجه الي باب الشقة و لم ينظر اليها : انا نازل يا سوسن سوسن بضيق : انت رايح فين مش المفروض انك حتقعد معايا لبليل علاء وهو يضع مفاتيحه واغراضه في جيبه : حابقي اعوضهالك ولم ينتظر ان يسمع منها ردا واتجاه الي سيارته ، ادارها بغيظ وهو يحاول الاتصال مرة اخري بها وهو يتمتم في نفسه : راحت فين دي …… صباح الاثنين تأنقت شيرين امام المرآة تقريبا عند ال10 صباحا ، خرجت باتجاه الباب ، ونظرت الي يمني ويحيي اللذان كانا كل منهم بغرفته منهمكا بالمذاكرة شيرين وهي تتجه لفتح الباب : انا خارجة يا ولاد عايزين حاجة يمني وقد اتجهت اليها : حتتأخري طيب شيرين : لا ان شاء الله ارجع علي طول ، انا حضرت اغلب الحاجات للغدا ، لما يوسف ويارا يرجعوا من الامتحان ابقي رني عليا اكلمهم يحيي وقد اتجه اليها هو الاخر : طب متقلاقيش يا ماما زفر بشدة وهو يعتدل علي مكتبه ، شعر بالضيق من زيزي وشيرين ، ولولا بصيص الامل الذي بدأ يشع في حياته اسراء لما كان ليعرف لحياته طعم وقفت امام السكرتيرة تستلم عن ميعاد دخولها ، ثم جلست في اقرب مكان لها تطالع من حولها ، ثم نظرت الي المكتبة الصغيرة التي وضعتها اميرة في غرفة الاستقبال فتقدمت الي احدي الكتب ونظرت اليه وجلست تقرأ فيه حتي تحين لحظة دخولها : الو ايوة يا بابا عمرو بضيق : مامتك عندك يحيي : لا يا بابا دي خرجت ، وقالت حترجع قبل الغدا عمرو بضيق اكثر : قالتلكم رايحة فين يحيي : لا يا بابا قالت مشوار ومش حتتأخر زفر عمرو بضيق ورد : طب اقفل يا يحيي ولما ترجع ابقي رن عليا أطلت برأسها بعد فتح الباب ودخلت مبتسمة : صباح الخير ابتسمت اميرة وتحركت من مكانها مصافحة : صباح الفل شيرين وهي تجلس مبتسمة : وحشتني علي فكرة اميرة وهي تجلس علي مكتبها : وانتي كمان ، بس خلاص بقي العواطف حتنتهي دلوقتي وحنبدأ ضـ,ـرب النار شيرين بتردد : ضـ,ـرب نار ليه بس ، ده انا حتي غلبانة اميرة وقد بدأت تخرج بعض الاوراق : ما هو عشان كده ضـ,ـرب النار حيبدأ ، عشان محدش طلب منك تكوني غلبانة يا ست شيرين انتي اللي قررتي تغلبي نفسك شيرين وقد غابت ابتسامتها : وانا اللي قلت حتقولي عليا شاطرة عشان بقيت بارد عليه ضحتك اميرة وردت : عشان بتردي تبقي شاطرة ، لا ده انتي فعلا غلبانة ، يا حبيبتي احنا لسه لا عملنا حاجة ولا قولنا حاجة ، احنا من اول اللحظة دي حنرمي اللي فات ورا ضهرنا ونبدأ صفحة جديدة ، صفحة عنوانها ( إن الله لا يغير ما بقوما حتي يغيروا ما بأنفسهم ) وهو ده التغيير الحقيقي يا شيرين ، التغيير اللي من جوه مش من بره ، التغيير اللي قايم علي تغيير المبادئ الغلط لمبادئ صح مش تغيير رد فعلي علي المواقف وخلاص ، يعني التغيير في حد ذاته يكون سلوك شيرين مبتسمة : بالراحة عليا شوية انتي سخنة اوي انهاردة اميرة مبتسمة : انتي لسه شوفتي حاجة ثم تنهدت : اصل يا شيرين الموضوع مبقاش بالسهولة اللي ستات كتير شايفاه بها ، الفتنة اللي علي اعتاب بيوتنا او اللي يمكن كمان تكون جوه بيوتنا او حتي اوض نومنا مبقتش محتاجة اننا نعرفها ونعرف بوجودها وخلاص ، ازاي نواجه الفتنة دي اهم من اننا نعرف بوجودها ، خصوصا ان باطل طور اسلوبه اوي عشان يعرف ينتصر علي الحق ، والشيطان من ناحية تانية بيزين الطريق ده ، فتخيلي انك بدل ما تساعدي جوزي ونفسك بالعفة الحلال عشان يقدر يواجه اللي بقي موجود بيكي ، انك تكوني سبب يدفعه لانه يوقع في الغلط ويروح لحد الحرام برجله ، انا عارفة ان مفيش مبرر للغلط بس ارجع واقول ساعات باعزر ناس كتير مش فاهمة انها ضحية اللعب بالعقل ، تزييف الحقيقة في حاضرنا مبقاش باني اكذب عليكي و بس لا ، بقي بتغيير القناعات وبرمجة العقول ، لحد ما تبقي مصدقة كدب وبتدافعي عنه ، آن الاوان بردوا نتعلم نفس الاساليب بتاعة الباطل ده ونستخدمها بس نستخدمها عشان ينقلب السحر بيها علي الساحر ، فاهمني شيرين وقد شعرت بالخوف : تفتكري انا ممكن اعمل كده ، انا خلاص بقيت حاسة بيأس فظيع ، مبقتش شايفة ولو بصيص امل من بعيد ، رغم اني حاولت اتغير والكام يوم اللي عادوا كلهم في البيت لاحظوا ، الا اني دايما جوايا خوف من الفشل ، حاسة اني حافشل فعلا ومش حاقدر اعمل حاجة ،اوعي تكوني فاكراني قوية ثم بدأت تنساب دموعها واكملت : انا باحاول امثل القوة دي ، بس انا اضعف ما يمكن ، كل يوم باتقطع فيه الف مرة كل ما افتكر انه لاقي حضن تاني ، لما الاقي معاملته الجافة مع اني سمعت بوداني مغازلته لزيزي وكلامه لها اميرة وقد وضعت يدها فوق يد شيرين : مش حيفيد البكاء علي اللبن المدلوق ضحكت شيرين غصبا وردت : مدلوق ، انا اعرف انه كان مسكوب اميرة مازحة : لا دلوقتي بقي مدلوق، مش باقولك الباطل طور اساليبه يا شيرين ، مبقاش في حاجة زي زمان حتي اللبن المسكوب يا اختي ثم صمتت دقيقة تتأمل ابتسامتها : سبحان الله شيرين باستغراب : بتبصلي كده ليه اميرة بهدوء : شوفتي ازاي انك ضحكتي رغم انك من دقيقة واحدة كنتي بتعيطي ، شيرين مفيش حاجة صعبة علي حد بيحاول انه يعملها ، لازم نخاف واحنا بنحاول نتغير بس المهم اننا منستسلمش ابدا ونحاول ونسعي ، ممكن نخاف من الفشل بس لو خوفنا زاد عن اللازم يبقي حنفشل فعلا صمتت مرة اخري ثم تنهدت واكملت : بس حتي لو فشلنا يا شيرين مش نهاية العالم ، ممكن نحاول تاني وتالت وعاشر ، المهم نحاول ده ربنا قالنا ايه (وَأَن لَّيْسَ لِلْإِنسَانِ إِلَّا مَا سَعَى ) شيرين وهي تتنهد : خلاص يا اميرة اوعدك اني حافضل اسعي واحاول مهما حصل اميرة : ممتاز ، ودلوقتي بقي انا حاديكي الاختبارين دول عن الثقة بالنفس ، ودي اول مهارة حنسعي نكسبها اتفقنا شيرين وهي تنظر الي الاوراق : تمام انا حاحلهم دلوقتي اميرة وقد قامت من مكانها وجلست بالمقعد المقابل لشيرين : لا دول تحليهم مع نفسك و دلوقتي تقري الورقة دي بصوت عالي وانتي مركزة في كل كلمة مكتوبة فيها مدت شيرين يدها وامسكت بورقة وقرأت : ( ماذا يكسب الانسان إذا فاز بكل شئ وخسر نفسه ؟! بل كيف نسمي جسدا أنه حي إذا نزعت منه الروح ؟! وكيف تسير القاطرة بلا وقود ؟! القلب أم العقل طرح ذات يوم سؤال وهو متي يثبت طبيا ان الانسان قد مات ؟! انقسم فريقين علي الاجابة فريق قال : عند توقف القلب وفريق قال : عند توقف المخ ، لأنه ثبت في بعض الحالات انه حتي لو توقف القلب فقد يظل المخ يعمل !! ولكن هل بالمخ وحده يعيش الانسان ؟! ما تعارف عليه الناس أن توقف القلب معناه المـ,ـوت ، فقد انتهي مصدر الطاقة لذا خذ حذرك من أن يتوقف قلبك وأنت ما زلت حيا !! إن مصدر طاقتك في الحياة هو الثقة بالنفس ، وإن شئت سميها احترامك لذاتك او تقديرك لنفسك او اعتمادك عليها وهذه الثقة هي إيمان الانسان منا : بأهدافه و قراراته …بقدراته و إمكانياته) بكثير من التردد رفعت وجهها باتجاه اميرة ونظرت : مش فاهمة اميرة مبتسمة : افهمك ، الثقة بالنفس هي القلب بالنسبة للنفس يا شيرين ، زي القلب بالنسبة للجسم ، الثقة هي مصدر الطاقة لو افتقدنها يبقي بلاش نتكلم عن تغيير ، مفيش تغيير حقيقي ممكن يدخل حياتنا من غير ما يبقي عندنا ثقة في نفسنا ، ايمان حقيقي بذاتنا وتقدير كل واحدة مننا لنفسها ، انتي اول شخص لازم يقدرك ، فهمتني ابتسمت وردت : فهمت في الخارج وقفت امام السكرتيرة وقد بدي عليها الحزن : سلام عليكم السكرتيرة : وعليكم السلام ورحمة الله وبركاته ، ايوة يا فندم اي خدمة رفعت وجهها وحاولت الابتسام بصعوبة : لو سمحتي كان عندي ميعاد مع الدكتورة اميرة السكرتيرة : ايوة يا فندم ، طب ممكن تقوليلي الاسم لو سمحتي ردت ببعض القلق : ايوة … ريم ، ريم رشاد السويفي الحلقة الثالثة والعشرين جلست علي احدي المقاعد بانتظار خروج من كانت مع اميرة ، تأملت المكان بعيناها هي الاخري ثم ضمت يدها امام صدرها وحاولت جاهدة ان تحبس الدموع في عيناها ، ولكنها الي هذه اللحظة لا تستطيع ان تفعل ، لان صوت سوسن وهي تغلق الهاتف معاها لايزال في اذنيها ، الي هذه اللحظة تشعر بمرارة ما فعله بها زوجها و الخيار المرير الذي بات امامها ، اصعب ما في هذا الاختيار انها تري امامها ابتسامة الانتصار تعلو شفتاي سوسن ، اي اختيار من الاثنين مرير عليها و مبهج لضرتها ، فاما الاستغناء عن نصف علاء او الاستغناء عن علاء بالكلية ، اما الطلاق واما ان يعدل ولكن هل يوجد رجل يعرف معني العدل في التعدد ، ان اقصي شيئا سيفعل هو يوم لريم ويوم لسوسن ظنا منه انه بذلك قد حقق العدل انسابت دموعها دون توقف مرت نصف ساعة دون ان يخرج احدا ، عند هذه اللحظة سألت ريم عن مكان الحمام واتجهت اليه ، لتفتح شيرين الباب مودعة اميرة التي كانت تأكد : زي ما اتفقنا يا شيرين تعملي اللي طلبته منك الاسبوع ده ونتقابل زي انهاردة ، اتفقنا شيرين بابتسامة عريضة : اتفقنا اشارت اميرة لسكرتيرة باستقبال التالية بينما شيرين تتجه للخروج ، عندها نادت السكرتيرة علي الاسم : مدام ريم …مدام ريم رشاد السويفي ، قبل الخروج من باب العيادة وقفت شيرين عندما سمعت الاسم ، اكملت خروجها من العيادة والتفتت لتري صاحبة الاسم دون ان تراها ريم ، لتشعر بشئ من الحزن وهي تري امامها اختها الصغري تتوجه للدخول هي الاخري الي اميرة ، ظلت تتأمل لحظة دخول اختها وهي تشعر بالاسي علي ما كانت تفعل ، الي اليوم هي لا تعترف بريم او كريم كاخوة لها ، الي اليوم ربما لم يجمعها بيهم يوم او جلسة او مناسبة ، فكرت للحظة ان تنتظر ريم للتطمئن عليها ، لكن سرعان ما شعرت انه لن يكون مجديا ان تفعل نظرت الي المعلومات التي كانت تخص ريم وابتسمت : مدام ريم ريم وقد بدي عليها الكثير من الحزن : ايوة ابتسمت اميرة لها بهدوء وردت : انا حاطلبلك لمون ، وحاسمع منك كل حاجة بس يا ريت الاول تبطلي عياط ريم وهي تحاول التماسك : حاضر ، بس اعذريني اميرة : عذراكي طبعا ، واتفضلي كلي اذان صاغية … علاء بضيق : يعني يرضيكي يا طنط اللي عملته ده : … علاء : طب ده انا سافرت مع صاحبي ومكنتش اعرف انها تعبانة ، والله لو كنت اعرف انها حتتعب اليوم ده مكنتش سافرت :… علاء : طب بالله عليكي يا طنط ، انا جاي انهاردة قوللها تروح معايا وانا مستعد اخد اجازة من الشغل واقعد معاها : … علاء : طب ترد علي اتصالي بيها ، انا مش عارف عملت ايه عشان الزعل ده : … علاء : طب عشان خاطر علا وكريم وفرحهم ، مش معقول يبقي خلاص فرحهم كمان اسبوع واحنا كل واحد في حته : … علاء : خلاص يا طنط انا جاي بكرة ، مع اني كنت عايز انهاردة بس اللي يريحها حاضر ….. طرقت الباب لتدخل : يا تري حاعطل حضرتك ابتسم ابتسامة عريضة تنم عن بالغ سعادته ورد : اتفضلي عطليني زي ما انتي عايزة تقدمت خطوة وجلست علي الكرسي المقابل لمكتبه و ردت : الحقيقة كان في كام حاجة في المحاضرات كنت عايزة اسأل حضرتك عليهم ، حضرتك عارف امتحانات المي ترم علي الابواب تنهد ثم نظر مبتسما : بس في مشكلة دلوقتي حتخليني مقدرش اشرح ببعض القلق ردت : خير يا دكتور عمرو ابتسم وقد بدأت نظرات الاعجاب تنطلق من عينه : انا جعان يا اسراء ، ومش حاعرف اشرح طول ما انا جعان لم يسع اسراء سوي الضحك والرد : طب انزل اجيب لحضرتك سندوتشات ضحك عمرو ورد : لا سندوتشات ايه ، باقولك جعان ، اسمعي تتغدي معايا وقبل ان ترد قام من مكانه ليرتدي جاكيت بدلته وهو ينظر اليها : انا حاعرض عليكي عرض ، تتغدي معايا وتفتحي نفسي مقابل ان اشرحلك كل المحاضرات من تاني مش بس اللي انتي مش فاهماه ، قولتي ايه اسراء بتردد : ايوة بس …. ده عرض صعب اوي ، انا مضطرة… قبل ان تكمل الرد كان عمرو يتحرك نحوها بهدوء وقد سلط نظراته صوب عيناها : انا مش حاقبل منك اعذار ، انا حاروح المطعم دلوقتي وحاستني انك تيجي اتجه ليخرج من غرفة مكتبه والتفت عند الباب ونظر لها : يا ريت متتأخريش عشان انا واقع من الجوع خرج ليتركها وقد امتلكتها بالغ السعادة من ان عمرو السويفي الطبيب المرموق معجب بها هي …. كانت بالمطبخ حينما دوي رنين الهاتف ، توجهت لترد من كانت وحدها فلم يعد بعد اولادها او زوجها : الو ، سلام عليكم ابتسم ورد : وعليكم السلام ، ازيك يا عبير ، اديني اتصلت بعد يومين زي ما قلت تلعثمت وشعرت بكثير من التوتر : الموضوع مش بالسهولة دي يا ماهر ، حاقول لمصطفي ايه بس ، و الولاد كمان ماهر : يا عبير قوللهم خارجة وخلاص ، هو انتي لازم تحكي بالتفصيل يعني ، قوليلهم رايحة تجيبي حاجة عبير بخوف : ما هو لو حد شافنا حتبقي مصيبة ماهر : خلاص يا عبير نخليها في شقتي القديمة عبير وقد زاد خوفها : لا يا ماهر موضوع الشقة ده مينفعش خالص ماهر بعصبية : خلاص يا عبير ، انا اسف جدا اني فكرت اتصل بيكي ، اسف اني لما حسيت اني محتاج اتكلم مع حد كنتي اول واحدة افكر فيها و اوعدك اني مش حاتصل بيكي تاني عبير بتردد : لا استني بس ، انا كل اللي عايزاك تعرفوا اني بس خايفة مش اكتر ماهر بلين : طب خايفة من ايه بس ، انتي معندكيش ثقة فيا عبير رغم التردد : عندي بس … ماهر : خلاص استناكي امتي عبير بعد تفكير : يوم الخميس ، الخميس الساعة 7 ماهر مبتسما : خلاص مستنيكي بس اوعي تتأخري …: طب اهدي يا مدام ريم لم تستطع اسكات صوت بكائها الناحب : كنت فاكرة اني كل محاولاتي ممكن تجيب نتيجة وتخليه يفوق لبيته ، لكن ده زي ما يكون منوم مغناطيسيا ، زي ما يكون مسحور ومش شايف قدامه ، اعمل ايه يا دكتورة اسيبهولها وكأن خلاص كده مفيش حاجة ولا ارضي بالامر الواقع ، محدش حاسس بالمرار والجـ,ـرح اللي جوايا ، ليه يعمل فيا كده ، كان قالي علي اللي ناقصه وانا كنت ححاول اغير من نفسي ، لكن يذلني ويكسرني بالشكل ده اميرة وهي تضع يدها علي يد ريم : معلش يا مدام ريم ، اهدي كل مشكلة ولها حل ، بس الاول اهدي وفكري بعقلك ، عارفة انا عايزاكي تفرغي كل الجواكي عيطي ، عيطي وطلعي كل الجواكي لحد ما تهدي خالص ، وصدقني مهما حصل في حل حاولت ريم مسح دموعها وحاولت الهدوء ونظرت لاميرة : بجد اميرة مبتسمة : ايوة بجد ثم صمتت وسألت : عندك اولاد ريم وقد هدأت : ايوة عندي اروي وجني اميرة : ربنا يباركلك فيهم يا رب ، ويا تري بتحملي يبقوا ازاي لما يكبروا لم تجد اميرة سوي الصمت والاستغراب من ريم وعلمت حينها ان سؤالها ليس له رد فعادت لتسأل : طب واحلام ريم السويفي لنفسها ولا دي كمان مفيش لم تجد ريم رد ايضا علي هذا السؤال سوي ….التبرير نعم عليها ان تبرر لنفسها لماذا قررت بمحض ارادتها ان تتخلي هي نفسها عن ريم قبل ان يتخلي غيرها عنها ، لكن بماذا ستبرر او ما هو المبرر الذي عندما اضعه لنفسي افهم عندها لماذا قررت ان اترك دفة سفينة حياتي يتولي غيري قيادتها بغض النظر عن الطريق الذي سنمضي فيه ، ولماذا لا يكون لي رأي حتي لو انحرفت السفينة عن مسارها بل ربما حتي لو غرقت السفينة فلن احرك ساكنا … عليا التبرير ولكن بماذا … لا اجد صمتت مرة اخري وقد قررت ان يتولي مهمة التبرير شخصا غيرها فهي عند هذه اللحظة لن تبرر لنفسها …لن تبرر قاطعت اميرة الصمت : لدرجة دي اسألتي صعبة ريم بهدوء : لا ابدا بس انا فعلا معنديش رد ثم تابعت : عارفة ، مفيش ست يوم ما بتتجوز بتفكر في اليوم ده ، بتفكر انها ممكن تلاقي نفسها في الوضع ده ، بتوهم نفسها دايما ان جوزها غير اي راجل وانها غير اي ست وبتوقع في نفس الغلطات اللي كل ست بتقع فيها وجوزها بيتعرض لنفس الفتن اللي بيتعرضها اي راجل وفي الاخر تتعاد القصة المكررة وكأن مفيش حد بيتعلم من الغلط اميرة بهدوء : صح ، بس دي مش غلطة ريم لوحدها ولا غلطة اي ست لوحدها ، دي ثقافة مجتمع ثم تابعت: عارفة المختصر المفيد لتصرفاتنا الغلط ايه يا ريم حاجتين التسويف و التبرير لو كل بيت من بيوتنا قبلته مشكلة فواجهها من غير تسويف مفيش مشكلة حتكبر ولو كل واحد اعترف بغلطه من غير تبرير المشكلة ساعتها حتتحل لكن نقول ايه بقي ريم بضيق : طب انا كده مليش حل ، يعني علاء طبعا عمروا ما حيرجع اميرة وقد قامت من مكانها واتجهت نحوها ومالت الي اذنيها : المهم اننا نرجع ريم الاول ، وساعتها علاء حيرجع لوحده المهم ان ريم هي اللي ترجع ريم : قصدك ايه ، يعني اغير شكلي مثلا ولا اهتم بنفسي و لا اعمل ايه اميرة : تغيري شكلك تصبغي شعرك يعني ولا تغيري طريقة لبسك ولا تغيري شكلك ازاي ، ريم يا حبيبتي اخر حاجة هي تغير شكلك ولو ناوية تكملي مع علاء يبقي نصيحة اوعي تعملي التغير ده دلوقتي ، لان ده حيكون تفسره عند علاء انك معترفة بالتقصير وانك فعلا قصيرتي بدليل انك راجعة تهتمي ، انا عايزكي تغيري طريقة تفكيرك ، تغيري ردود افعالك المعتادة اتجاه المواقف ، تحبي ريم وتعمليها كويس، تهتمي بنفسك بس لريم اولا مش عشان حاجة تانية ، تكوني الطرف الاقوي في المعادلة دي ، تكوني انتي اللي بتبادري بالفعل وتسيبي لسوسن رد الفعل مش العكس ثم جلست بالكرسي المقابل : انا حاقولك تعملي ايه بالظبط بس بشرط ريم : ايه هو اميرة : توعدني انك تكوني ايجابية هما لاقتي من رد فعل اللي قدامك ومهما كان رد الفعل ميأثرش عليكي ، اتقفنا ريم : اتفقنا ….. التفوا حول السفرة وهم صامتين ولم يقطع الصمت حينها الا يوسف بضيق وهو ينطر الي يمني : يعني بابا قالك اتغدوا انتم ، تقعدينا كل ده يا مفترية ، الساعة داخلة علي ستة ونص يمني : انا مكنش مصدقة ان بابا حيتغدي برة ، حسبتوا بيقول كده بس حيتأخر شوية يارا : هو بابا بقت مواعيده غريبة اوي ، بقي بيتأخر بالليل وبالنهار يمني : ما هو دكتور وطبيعي ان مواعيده تكون كده ثم نظرت ليحيي الذي كان شاردا : يحيي …يحيي يحيي بانزعاج : هه في حاجة يوسف : مالك يا ابني ، انت لسه صغير ع الكلام ده ضحك اخواته الا يحيي الذي نظر لهم بضيق ورد : ما بس خفة بقي ، مش ناقصة استظراف شيرين ليحيي : في ايه يا ابني مالك ، اخواتك بيهزروا معاك يحيي بضيق : لا مفيش بس متوتر شوية عشان الامتحانات ثم قام من مكانه ليتجه الي غرفته فقاطعته شيرين : مش حتكمل اكل يحيي ولايزال علي ضيقه : شبعت حينها كان عمرو يوقف السيارة امام منزل اسراء و الابتسامة تعلو شفاتيه : يا تري فاهمتي المحاضرات ولا لسه في حاجة مش مفهومة اسراء مبتسمة : لا الحقيقة انا انهاردة مليت معدتي ومليت دماغي ، بجد المفروض ان انا اللي كنت ادفع تمن الغدا علي الشرح الوفي للمحاضرات عمرو مبتسما : ولا يهمك يا ستي ، كفاية انك فتحتي نفسي علي الاكل والشرح اتجهت اسراء لفتح باب السيارة من اجل النزول فاستوقفها عمرو بيده التي امسكت يدها : اسراء تسمرت علي كرسيها ولكنها التفتت لتقع عيناها في عينه لتجد نفسها امام سؤال منه : يا تري يا اسراء انتي بقتي شايفني ازاي دلوقتي اسراء وقد استسلمت امام نظرات العيون : مش فاهمة تقصد ايه يا دكتور عمرو عمرو وقد اقترب منها لينظر لها عن كسب : قصدي لسه شايفني عمرو المفتري علي الطلبة بتوعوا بردوا اسراء وقد قفزت الابتسامة الي وجهها بشدة : يهمك رأيي يا دكتور بقرب اكثر رد : لو مكنش يهمني مكنتش سألتك اسراء : لا اكيد دلوقتي غير قبل كده ، تقدر تقول ان الدفعة كانت ظالمة حضرتك وعند هذا الرد لم يمنع عمرو نفسه من ان يتلمس وجهها بيده ، ليجدها قد اغمضت عيناها واستسلمت للمسة يده ، ظنت انها وجدت الحب اخيرا عندما عرفت ذلك الرجل وبغض النظر عن اي شئ وجدته يقبلها علي جبينها ، شعرت به ففتحت عيناها و نظرت له ومن فرط الشعور بالخجل دفعت باب السيارة ونزلت منه تجري باتجاه بيتها اما عمرو فلم يسعه سوي ان يدير محرك السيارة ليعود بكل ضيق الي بيته …. رفعت رأسها بعد ما كانت قد اسندته علي كتفه ونظرت له لتجده شاردا وقد بدي عليه الضيق فسألت بقلق : مالك يا مصطفي مصطفي بضيق : مفيش حاجة يا سارة متشغليش بالك سارة ولاتزال علي قلقها : لا يا مصطفي انت بقالك كذا مرة بتيجي تقعد ساكت او تتكلم بالعافية وبعدين تمشي ، يا ريت تقولي مالك ولا انت مش عايز تشاركني همومك زفر بشدة ورد : يعني اليوم اللي باجي فيه حاقعد اكلمك كمان في مشاكلي سارة : طب لو مكنتش انا حاسمعك مين حيسمعك ، قولي طارق لسه مش بيكلمك مصطفي بضيق : لا طارق حاله عجبني ولا عبير ولا سلمي بنتي حتي عبد الرحمن اللي شغال عندي هو ابراهيم سارة بقلق خصوصا بعد ذكر اسم عبد الرحمن : ليه بس مالهم مصطفي وقد بدي عليه الهم : طارق بقي علي طول برة البيت ومش بيجي الا علي النوم ومفيش بيني وبينه اي كلام من يوم ما عرف ، وعبير مش عارف متغيرة اوي عمالة تهتم بنفسها بس مش عارف ده ليه دلوقتي يا تري طارق قالها ولا هي حاسة بالذنب ولا ايه بالظبط قاطعته قبل ان يكمل وقد شعرت بالغيرة : يمكن بتعمل كده عشان تحببك فيها من تاني الفها مصطفي بذراعه ورد : لا قلبي حاسس ان في سبب تاني ، ويمكن تكون عرفت بس مش فارق معاها اصلا سارة : طب والباقيين مصطفي : قصدك سلمي وعبد الرحمن وابراهيم ،سلمي دايما قافلة علي نفسها سرحانة وسي عبد الرحمن مبقاش بيقعد في المعرض قد ما بيستأذن ودايما سايب شغله لابراهيم وابراهيم ده انا طول عمري مش مرتاحله رغم اني مشوفتش منه حاجة في الشغل بس حاسس انه عايز يزيح عبد الرحمن وياخد مكانه بس انا مش عايز اقطع عيشه عشان عارف اهله ثم زفر بضيق : بجد مبقتش عارف اعمل ايه سارة رغم فرط القلق : طب اللي مخاوفك ده متتكلم مع عبد الرحمن فيه ، ولو علي سلمي هي بتسمع كلامك اقعد معاها وكلمها ، المهم يا مصطفي بلاش تشوفهم كده وتسكت ، انت قولتلي قبل كده ان سكوتك مع عبير اكتر حاجة انت ندمان عليها ، بلاش تكرر ده دلوقتي نظر باعجاب بالغ اليها ورد : انا مش عارف حياتي من غيرك كانت حتبقي ازاي يا سارة ، بجد ربنا يخليكي ليا ….. في صباح اليوم التالي جلس امام مكتبه ليتابع عمله ، ليجد من اقتربت لتجلس امام مكتبه وقد بادرت بفتح الحوار : صباح الخير يا بشمهندس علي رفعت عليً وجهه ثم خفضه مسرعا : صباح النور مي بتردد : هو انت زعلان مني في حاجة ، يا بشمهندس علي وهو ينظر الي اوراق عمله : ابدا يا بشمهندسة ، بس انتي عارفة وقت الشغل يدوبك مي : طب انا ممكن اطلب منك خدمة ولا صعب ، اصل انت عارف انا مليش حد ممكن يساعدني والحقيقة انا باثق فيك اضطر علي الي النظر اليها ورد بضيق : اتفضلي مي بتردد بعد ما رأت طريقته : ممكن تقولي علي سمسار شقق كويس ، اصلي بادور علي شقة ايجار بدل اللي انا فيها وكمان عايزة اغير عنواني عشان طليقي انت عارف مش عايزاه كل شوية يهددني علي وقد شعر بالشفقة عليها : طب يا بشمهندسة ، انا عارف سمسار كويس وحاكلمه يشوفلك الشقة اللي انتي عايزاها مي بفرحة وقد قامت لتتجه الي مكتابها : مش عارفة اشكرك ازاي بجد يا علي ثم تلعثمت : قصدي يا بشمهندس علي كانت شاردة وهي تشعر بالضيق ، تحتسي الشاي ولكن ربما لا تشعر بالزمن قاطعتها علا وهي تنظر لها : مالك يا ميار ، ايه حكايتكم انتي وريم ، هي مشيت وشكلها كده مشيت زعلانة وانتي علي طول سرحانة ومبوزة ، ينفع كده قبل فرحي ميار وقد حاولت ان تبتسم ولكنها حقا لم تستطع : معلش يا علا ، ما هو الجواز يوم كده ويوم كده ، ولا انتي فاكرة ايه علا باستغراب : انتي يا ميار اللي بتقولي كده ، انا كان دايما بيتهيقلي لو اي حد قال كده ممكن لكن انتي لا ميار وقد بدي عليها الهم : اظاهر الست مننا مهما عملت مفيش فايد ، اقولك اظاهر ان الحذر فعلا لا يمنع القدر علا بقلق : ايه يا ميورة مالك بجد ، علي عمل ايه ميار تنهدت بضيق ثم اكملت شرب الشاي ولم ترد ثم التفتت الي علا وقد قررت تغيير الموضوع : انتي يا عروستنا بقي فاضلك حاجة ولا خلاص كده علا وقد فهمت : لا خلاص ، انا تقريبا كل يوم لما باطلع من الشغل كنت باجيب شوية حاجات وتقريبا كده خلاص شردت ميار في كريم هذه المرة وفيما كانت معه ونظرت لعلا التي ابتسمت لمجرد الكلام عن يوم عرسها وبدت سعيدة لاقتراب ذلك اليوم : مش ممكن ، قولي انك بتكدب كريم بتوتر : لا مش باكدب ، انتي سألتني علي الحقيقة واديني قولتلك ريم بحزن : يعني انت فعلا تعرف بنت غير علا كريم مبررا : كنت يا ريم ، اقسم بالله انا ناوي اقطع علاقتي بيها نهائي بس مستني الفرح يعدي بس مش اكتر ، خايف تفكر تقابل علا وتعرفها ، عشان كده قلت انايمها لحد ما الفرح يعدي ريم وقد زاد حزنها او كأنها ادركت ان الزمن قد رد ما فعله كريم بعلا لها : تنيمها ، تعرف يا كريم ، انا مش حانصحك لانك اصلا اكبر مني ، انا بس حاقولك يوم ما تحس بالندم ابقي افتكرني ….. : طب بطلي عياط بقي يا بنتي لم تستطع اسكات دموعها بعد ما حدث ، التفت يحيي للحظة الي الخلف لينظر لها ثم نظر باتجاه السائق الذي سأل : حتنزلوا فين يحيي بضيق : اخر الشارع اللي جاي يمين اخيرا وقفت سيارة الاجرة لينزل منها يحيي ، ثم يمني وسلمي ، تقدم يحيي ليسبقهم بخطواته الي ان فتح الباب ودخل الي شقة جدته ، خلفه دخلت يمني التي كانت تحاول تهدئة سلمي التي كانت لاتزال تبكي وبمجرد ان جلس الثلاثة نظرت مديحة اليهم بقلق : مالكم ، ايه اللي حصل ثم نظرت الي يحيي : سلمي مالها قامت سلمي قبل ان يرد و وقفت امام يحيي : لو فاكر انك عشان ابن خالي اني حاسمحلك تتصرف معايا بالطريقة دي تبقي غلطان ، انت مش من حقك تزعقلي في الشارع ولا حتي تكلمي كده ولما يجي خالو عمرو انا حاقوله علي اللي حصل وقف يحيي و رد بهدوء : وماله ، انا اصلا عايز البيت كله يعرف ان سلمي بنت عمتي المصونة مدية عبد الرحمن موعدها بتاعة الدروس ، عشان يستناها بعد كل درس ، مش كده سلمي بعصبية : اخرس ، انت ازاي تقول عليا كده ، انا عمري ما كلمت عبد الرحمن من يوم ما وصلني يوم ما اضـ,ـرب بسببي يحيي بعصبية : كدابة ، انا شوفته وهو موصلك مراجعة الكيمياء ولحد باب البيت لما ركبتي معاه التاكسي ، عموما انا ميهمنيش تركبي معاه ولا لا انتي حرة في نفسك انما يوم ما يمني تكون معاكي لا ، فاهمة اجهشت سلمي بالبكاء الذي لم يحرك ساكنا في يحيي بينما يمني نظرت له بضيق : ليه كده بس يا يحيي ، انا متأكدة ان سلمي مكنتش تعرف انه جاي عند الدرس واصلا احنا عارفين سلمي كويس مديحة ليحيي : واد يا يحيي انت فاكر نفسك كبرت تكلم بنت عمتك كده ، الكلام ده لو عمامك هنا كان بقالهم معاك كلام تاني ، ازاي تقولها كده ومين عبد الرحمن ده كمان اللي سلمي حتديله مواعدها يحيي لجدته : امال كل يوم والتاني بينطلها ليه ، وعايز منها ايه ضـ,ـربت مديحة كفا بكف وردت : تقوم تسيب الحمار وتتشطر علي البردعة ، مادام بيغلس علي بنت عمتك توقفله هو راجل لراجل مش تمسك في بنت عمتك يمني لجدتها : ومين قالك انه معملش كده ، عبد الرحمن كان مستنينا تحت البيت خلصنا الدرس لقيناه ، مفيش خمس دقايق كان يحيي بيضـ,ـربوه والاتنين فرجوا علينا كل زميلنا والمستر كمان قبل ان تجيب مديحة كان هناك من يفتح الباب وهو يلقي السلام : سلام عليكم مديحة لعليً : وعليكم السلام يا علي كويس انك جيت ، تشوف العيال دي علي مازحا : مين اللي عيال ، الشحوتة دول بقوا عيال نظر عليً الي الثلاثة وسأل باستغراب : مالكم متخنقين ولا ايه ثم الي سلمي : مين اللي زعلك يا سمسمة سلمي وهي تمسح دموعها : مفيش يا خالو ، انا خلاص طالعة شقتنا عليً وقد اقترب من سلمي ووضع يده علي كتفها : لا مش طالعة غير لما افهم ايه اللي حصل نظر يحيي ليمني : طب يلا بينا احنا اتجه يحيي ليخرج ولكن قبل خروجه شعر بالذنب من طريقته وعاد ووقف امام سلمي : سلمي ، انا بجد مش قصدي ازعلك ، بس اللي اسمه عبد الرحمن ده زودها اوي ، وانتي يمكن بتتعاملي بسلامة نية بس في الاخر لازم تعرفي ان كده مينفعش ، هو ممكن يستغل كده ويضايقك اكتر وانا بجد خايف عليكي زي ما انا خايف علي يمني علي باعجاب : لا راجل يا يحيي ولا كبرت يا عم يحيي فين لما كنت بتتعلق في بنطلوني عايز مصاصة ، الله يرحم ضحكت سلمي ويمني و شعر يحيي بالاحراج ورد : بقي كده الكسفة دي ، طب انا عايز مصاصة بقي وما اشوف حتجيب ولا لا علي مازحا : لو سلمي قالت عفونا عنك اجيبلك ، ها يا سمسمة المسامح كريم كانت علا تدخل عندها فردت : مين اللي جايب في سيرة كريم دلوقتي مديحة لعلي : اهو كل واحد بيدور علي حاله ، اهي مصدقت هي كمان ، اما اروح اشوف اللي علي النار علي وقد نظر للجميع : اروح انا كمان اشوف ميورتي علا وقد مطت شفتايها : ميورتك ، طب اتوصي بميورتك شوية خصوصا انها حامل يا علي ، بجد الستات لازم تتعامل بطريقة حلوة ايام الحمل لان مودهم بيبقي وحش من غير حاجة ، خالي بالك منها يا علي علي لعلا بعدما صعد يحيي ويمني وسلمي : ايه يا لولو مالها ميار علا : مفيش بس حسيتها زعلانة انهاردة علي وقد فهم : طب انا حاطلع اشوفها ….. فتح الباب مبتسما ثم مزح : ايه ده حلويات ، مش ممكن انت متأكد انك علاء ، عادي دخل علاء الي الداخل وهو يرد : لا انا شبيهه يا عم الخفيف ، ده بدل ما تقولي اتفضل كريم : وانتي مستني حد يقولك ادخل ما انت دخلت اهو علاء وهو ينظر حوله : امال ريم والبنات فين كريم : ادخل بس يا عم ، ريم في المطبخ و اروي بتلعب علي الكمبيوتر و جني نايمة ثم يتجه عند باب غرفته : اروي تعالي بابا جه اروي وهي تجري ضاحكة : بابا جه ، هيه علاء وهو يحتضنها : وحشتني يا رورو ثم التفت علي صوت ريم ، التي كانت جميلة كعادتها وبدت هادئة ولم تحاول ان ترتدي شيئا مميزا فقط بنطلون جينز وتي شيرت ضيق وقد اسدلت شعرها : ازيك يا علاء علاء بلهفة : ازيك يا ريم كريم لاروي : وريني كده وصلتي لفين في اللعبة اروي : انت بتوزعني كريم ضاحكا وهو يدخل بها الي غرفته : طب يلا علاء وهو ينظر لها : كده بردوا يا ريم ، انتي متعرفيش انا قلقت عليكي قد ايه ريم بهدوء وقد جلست امامه : معلش يا علاء ، احنا حنتكلم مع بعض بس بلاش هنا و بلاش انهاردة حتي ، خلينا نروح وبعدين نتكلم زي ما انت عايز علاء متنهدا : اللي يريحك يا ريم ، انا بس عايزك تعرفي اني لو كنت اعرف انك تعبانة مكنتش سافرت ابتسمت بامتعاض وردت : جايز ….. جلست شيرين بعد نوم ابنائها ، الي هذه اللحظة لم يأت عمرو بعد ، شردت في كلمات اميرة ونصائها في كلامها عن ادارة الذات ، في الخطوات العشر التي يجب عليها تذكرهم اذا ارادت ان تستعيد قيادة الدفة 1- وضوح الهدف 2- التفكير الجاد في الهدف 3- التفكير الايجابي المنطقي 4- التخطيط 5- الثقة بالنفس 6- اتخاذ النموذج المناسب 7- التعلم 8- الصبر والثبات 9- المثابرة 10- القدرة علي الاستمتاع بالوقت ثم اعادت التفكيرفي كلمات اميرة لها : شيرين ، عايزكي الاسبوع ده تتعاملي مع عمرو بطريقة مختلفة شوية ، عايزكي تهتمي او ترخي بعد ما شدتي ، بس حافظي علي هدوئك وثقتك ، كمان عايزكي من هنا ورايح تتكلمي عن نفسك بايجابية قدامك ولادك وتحاولي تشركي عمرو في البيت و تشغليه بولاده شوية ،بس بردوا بطريقة ايجابية يعني مش حل مشاكل لا ، انتو داخلين علي اجازة نص السنة ، فكري انك تحطي برنامج مثلا للاجازة مش شرط تروحوا حته بس حاولي تغيري نمط حياتكم علي قد ما تقدري ، ممكن سحبت اوراق الاختبارات و قررت ان تقوم بحلها في الورقة الاولي كان عنوان الاختبار اعرف نفسك …هل انت عضو في نادي الاحساس بالنقص ؟ اجب عن الاسئلة الاتية بـ ( نعم او احيانا او نادرا او لا ) 1- هل يتهمك الناس بالتفاخر ؟ 2- هل تجتهد في تجاهل العرف والتقاليد ؟ 3- هل يصيبك الارتباك حين تقدم للغرباء ؟ 4- هل تحاول التأثير علي الاخرين بارتفاع الصوت ؟ 5- هل تقاطع محدثك باستمرار لتتحدث أنت ؟ 6- هل تشعر في نفسك بالحزن لنجاح الاخرين ؟ 7- هل تري ان الوضع الاجتماعي حولك كله أخطاء ؟ 8- هل تجتهد في لفت الانظار إليك و إن كان بتصرفات غير لائقة ؟ 9- هل ترغب في الملابس الشاذة والعادات الشاذة بدعوي الموضة ؟ 10-هل تغضب إذا سمعت نكتة تمس شخصك ؟ 11-هل تحب ان تقول اشياء تؤذي مشاعر الاخرين ؟ 12-هل ترضيك المجاملة اكثر ما يرضيك إنجاز العمل ؟ 13-هل تجتهد ان تحجب كل من عداك في شلة الاصدقاء ؟ 14-هل ترفض المقترحات التي تهدف الي مساعدتك ؟ 15- هل تشك في قدراتك علي اجتذاب الاخرين ؟ ثم رفعت الورقة الثانية والتي كانت تحوي الاختبار الثاني اعرف نفسك ( مولدات طاقة الثقة بالنفس ) اجب عن الاسئلة الاتية بـ ( نعم او احيانا او نادرا او لا ) 1- هل تسير رافع الرأس ثابت الخطوات ؟ 2- هل تتكلم بصوت واضح ؟ 3- هل انت مقتنع بإمكانية زيادة مقدرتك في مجال ما ؟ 4- هل تركن لحكمك علي الاشياء ؟ 5- هل تركن لحكم غيرك علي الاشياء ؟ 6- هل تري ان في وسعك ان تجعل العالم مكانا أفضل للعيش ؟ 7- هل تحتفظ ببشاشتك واتزانك في الوقت الذي يفقد فيه كل من حولك ذلك ؟ 8- هل تتقدم باقتراحات لتحسين العمل الذي تضطلع بجانب منه ؟ 9- هل تعتني بمظهرك وهندامك ؟ 10- هل تسيطر علي الانغماس في احلام اليقظة ؟ 11- هل تقدم علي حل المشكلات الخاصة بالعمل كلما طرأت؟ 12- هل تعتقد ان في استطاعتك ان تبذل مجهودا اكثر مما تبذل الآن ؟ 13- هل تفعل شيئا لإزالة مخاوفك واسباب قلقك ؟ 14 – هل تسير علي برنامج يهدف الي تحسين مستقبلك ؟ 15 – هل تعلمت ان تحتفظ بهدوئك طوال الوقت ؟ 16 – هل تواصل المضي في طريقك غير مستسلم للإخفاق إذا صادفك مرة ؟ انهت قراءة الاختباران وامسكت في يدها قلم وداعبت نفسها وقد شرعت بالحل : حنرجع تلامذة تاني ولا ايه يا شيرين وقبل ان تبدأ بالاجابة قاطعها صوت رنين الهاتف فقامت من مكانها وهي تنظر الي الساعة التي كانت علي مشارف منتصف الليل شيرين باستغراب : الو سلام عليكم ليأتيها الصوت الساخر الذي كادت تنسها : وعليكم السلام ورحمة الله وبركاته ، ازيك يا شيرين بكثير من القلق والخوف ردت : انت تاني ، انا مش سبق وقولتك… قاطعها قبل ان تكمل : سبق وقولتلي متصلش بيكي ، بس دي حاجة مش بمزاجك يا شيرين ، انا اتصل وقت ما اعوز ، والمرة دي لازم تسمعني كويس ، فاهمة شيرين بعصبية : لا مش فاهمة ، اسمع انا مش خايفة منك ، عايزك تعرف انك متقدرش تهددني بحاجة ، واللي عندك اعمله تعالات ضحكاته الساخرة ليرد ببرود : ياااااااه دي اميرة سويدان كان لها تأثير السحر عليكي ، لا والله برافو يا شيرين ، بس يا تري عمرو يستاهل كل ده شيرين بخوف : انت مراقبني بقي بنفس الهدوء رد : لا بلاش المسميات دي ، ليه متقوليش اني مهتم بامرك ، ليه متقوليش اني بخاف عليكي ، ليه متقوليش اني حاسس قد ايه انتي محتاجلي ، محتاجة لراجل يكون جانبك بدل عمرو بكل تصرفاته الخيبة ، عمرو اللي فاكر نفسه لسه مراهق و رايح يحب بنت في سن ولاده ، تحبي تعرفي هي مين ساد الصمت وشعر ان شيرين لن ترد فاكمل : اوعي تلومني ان بافتح عنيكي وعايزك تشوفي الحقيقة ، شيرين …شيرين لم ترد ولن ترد لانها الي هذه اللحظة قد تسمرت في مكانها لا مما سمعت ، بل مما رأت ، من عمرو الذي احتفظ بسماعة الهاتف علي اذنه ليسمع هو ما كان يقال لها رواية بيدي لا بيد عمرو. بقلم /رانيا الطنوبي. Post Views: 2٬263 فيسبوك ‫X مقالات ذات صلة رواية ح.ب كان وهم احبك من 1-14 رواية ودادي كاملة رواية زهرتي الجميلة ج1 أترك تعليق جميع الحقوق محفوظة | أبراج نيوز ©2026 - ©2016

مقالات ذات صلة

بعد الانفاق

روتبة جديدة ج3

فخ في بيت العائلة

امي وبنتي حصري لصفحة روايات رولا

من سنين

جوزي ضربني بالقلم وسط الفرح

اترك تعليقاً إلغاء الرد