فلوس اخوك 2الاخير
في مكان آخر كان ماهر جالس في منزله ويأخذ زوجته في أحضانه ويقول بحزن ظهر على ملامح وجهه
مش قولتلك ياحبيبتي كفاية علينا آدم ليه تحطي نفسك في وضع خطر ماسمعتيش الدكتور قالنا ايه، انتي ليه بتعملي في نفسك وفينا كده
نظرت زوجته له بحب وهيا تريح برأسها على كتفيه لتقول بحزن حاولت أن تخفيه
انت كان نفسك في عزوه وعيال كتير وانا مااقدرش اشوف نفسك في حاجه وما اعملهاش
مش على حساب نفسك ولا على صحتك يابنتي
قالها ماهر بعصبيه وقلق
ابتسمت له وهيا تقول
سييها على الله ياحبيبي، ادعيلي بس وانت بتصلي وربنا موجود
اغمض عيناه وهو يقول بألم
انتي اغلى عندي من اي حاجه، مااقدرش اعيش من غيرك انا استكفيت بيكي وبآدم
ارتمت هند في أحضانه وبدأ القلق يتمكن من قلبها.
ماهر شخص محترم يعـ,,ــــشق زوجته وكذلك هند، هم أسرة صغيرة ارتبطوا بالحب والعطاء ولكن القدر له رأي آخر.
___________
في اليوم التالي
كانت تنزل من الطابق الخاص بها وهيا تدندن وتتوعد لملاك أن تهدم عشها الصغير لترتسم ابتسامة على جانب شفتيها وهيا تتخيل بأن خالد يدهس ملاك بقدميه وتظل هيا المدلله في هذا المنزل وقفت أمام منزل والدة زوجها
في الاسفل رأت هدى جالسة وتقوم بتقطيع الخضار جلست سمر بجانبها لتوسوس لها كالشيطان تقول بخبث مليئ بالحقد
– شوفتي ياماما ملاك بتقول ايه لخالد
تركت هدى مابيديها وقالت بتساؤل
:قالت ايه ياسمر وقالت فين وانتي عرفتي ازاي
ردت متصنعه الابتسامه
ماانتي عارفه ياماما أن اي صوت بيتسمع واحنا قاعدين في الصالة
عادت هدى لتتسائل بتوتر
ماقولتيش سمعتي ايه ياسمر
تمثلت الحزن لتغير ملامحها قائله
-مـ,,ــاتعرفيش أن ملاك مش بتخلف
ضر*بت هدى على صدرها بعصبيه لتقول بغضب
:انتي بتقولي ايه وجبتي الكلام دا منين انطقي
ابتعلت سمر ريقها بصعوبه وهيا تردف قائله
– مش بقولك ياماما سمعتها وهيا بتتكلم
انتفضت هدى واقفه في انفعال
قولي اللي سلمعتيه بالظبط
ردت سمر متصنعه الحزن
سمعتها امبارح وهيا بتقول لخالد تفتكر أن الجمـ,,ــــاعه هيسكتو على حاجه زي دي، وبتطلب منه أنه مايعرفش حد وأنها عاوزه تمشي من هنا عشان ماحدش يعرف انها ارض بور وعاوزه تأمن مستقبلها واللي يجيبه يحطه ليها في البنك
تغيرت ملامح وجهها كليا وهيا تستمع لحديث سمر الحاقد ليقع ماكان أمامها لتذهبت وتقف أمام باب المنزل وبصوت عال تقول انتي ياست انزليلي هنا يالي اسمك ملاك حد قالك انها سايبه ولا ايه، انزليلي ياهانم بدل ما أخلى الشارع كله يتفرج عليكي، ظلت تتحدث بعصبيه وصوت عال وسمر واقفه خلفها بسعادة منتظرة ماسيفعل نزلت ملاك وزوجها يركضون بقلق من هذا الصوت
