رواية روعة 2الاخير
بعدها على طول استعادت ثباتها المعتاد ورجع لوشها نضارته ولمعانه ،بقى كده يا راجل تعملها فيا ؟
دخلت وقفلت الباب، شوشو كان متشيكة ومتزوقه واندهشت ازاى بقدر تحافظ على اناقتها طول الوقت
رغم انى مديتهاش خبر بوصولى وقبل ما اسأل كأن قلبها حس، اصل قلب العاشقين موصول بينهم وبين بعض
قالت كنت متأكده انك هتعملى مفاجأه بظهورك المحبب
المفاجيء ،اصلك متصلتش ولا بعت إى رساله وانا فاهمه دماغك اوى، ضحكت بشراهه وضحكت شوشو
اخدتها فى حضنى وقلت وحشتينى يا مراتى يا حبيبتى
ايه الحلاوة دى كلها؟
قالت شوشو بزعل انا على طول جميله يا زيزو متخلنيش ازعل منك؟
قلتلها لا وعلى ايه انا مش حمل زعلك، كنت عارف إن وقتى ضيق عشان كده بدأت.
عملت ايه فى موضوع امل يا زكريا؟
همست شوشو ودماغها على صدرى وعيونها الواسعه بتاكل وشى
قلت هنتظر لما تخرج من المستشفى ،حالتها الصحيه مش احسن حاجه ولازم اكون حريص لما اضرب ضربتى ان كل حاجه تمام
ثم مستعجله ليه؟ بتبع نصايحك يا ستى على الرايق عشان مضيعش نفسى وكمان لازم افكر هعمل ايه مع العيال
دا موضوع كبير ومش سهل.
رن تليفون شوشو، بصت فى الشاشه ورجعت قفلته
بقلها مين ؟
قالت دا بتاع الدليفرى شكله وصل على الباب
قلتلها خليكى مستريحه انا هقوم استلم الطلب
شوشو قالت لا انت أميرى وسيدى تقعد معزز مكرم
وانا الى اعمل كل حاجه، لبست شوشو هدومها المحتشمه
وخرجت من الغرفه وانا ولعت سيجاره وانا نايم على السرير
تأخرت شوشو دقيقه بسألها فيه حاجه ؟
قالت لا، وبعد دقيقه رجعت قالت الراجل جاب الطلب غلط
رفضت استلمه واصريت يرجع المطعم يجيب الطلب بتاعنا
وكمان مش هدفع تمن الدليفرى هما يغلطو واحنا ندفع ؟
قلتلها شاطره والله يا شوشو لو انا كنت استلمت الطلب وخلاص
قالت عشان انت على نياتك يا زكريا لكن لازم انتبه لكل حاجه
هعمل قهوه اعملك معايا ؟
ماشي
اخدت شوشو تليفونها وقالت هكلم المطعم وهبهدلهم
قلتلها حرام كفايه الى عملتيه فى الراجل حالآ ؟
قالت لا، لازم يهتمو شويه دا احنا بنطلب منهم طول الشهر
مرضتش اكتر مع شوشو وسبتها تعمل إلى هى عايزاه
لكن المكالمه طولت اكتر من الأزم وسمعت صوت شوشو
ارتفع وخفت يكون الموظف قل أدبه معاها طلعت من الغرفه ومشيت على المطبخ وقلتلها فيه ايه ؟
قالت الراجل بيعك معايا لكن على مين؟ دا انا شوشو
قلتلها ادينى التليفون انا هطلع ميتين ا_مه
شديت التليفون من ايد شوشو بالعافيه وحطيته على ودنى
العاشرة
