نادين 1
( الحلقه.. الاولي) ##في احدي المنازل المعاصرة الكلاسيكيه بأمريكا .. يجلس شاب ع طاوله صغيره داخل فراندا في يديه فنجان من القهوة .. ويتحدث هاتفيا …. عمار : انت حبيبي ياحج واللهي عبد الرحمن : متاخدنيش بالكلام ده يادكتور .. مش هتعرف تغلبني عمار : ههههههه حاضر .. واللهي هحاول اجي مصر ف اقرب وقت عبد الرحمن : اعتبر ده وعد يابني ؟ عمار بتنهيده : حاضر يابابا واللهي هحاول .. متنساش ان نادين لازم تيجي معايا
عبد الرحمن : اتصرف ياعمار.. انا عايز اشوفك واشوف حفيدتي اللي مشوفتهاش ولا مرة لحد دلوقتي عمار : حاضر ياحج انت تؤمرني .. اسيبك انا بقي عشان رايح المستشفي عبد الرحمن : طيب يابني ربنا معاك .. مع سلامة الله ———- نادين : ازاي عايزني اسافر .. طب والبنت والسفر ازاي مش هتستحمله عمار : ياحبيبتي انجلي عندها 8 شهور دلوقتي والدكاترة قالوا انها ينفع تسافر نادين تذفر ف ضيق : هوووف وبعدين بقي … ماتخلي باباك ييجي هو يقعد معانا يومين ويشوفها
عمار بضيق : حبيبتي مينفعش .. انا اصلا وحشتني مصر وعايز انزل ف اجازه .. ياريت منعملش مع بعض خناقه لاننا هنسافر يعني هنسافر نادين : ده امر ده ولا ايه يادكتور ؟ عمار : حاجه زي كده ياحبيبة الدكتور .. انا نازل عندي شغل .. مع السلامه نادين : ……. ————– امال : شريف .. قوم ياحبيبي اصحي كفايه نوم شريف بصوت ناعس : ايييه ياماما .. سيبيني نايم شويه والنبي امال : ماانت قولتلي اصحيك بدري .. قوم ياضنايا
شريف : طيب ياماما اديني قومت اهو… ( نظر شريف امامه ليجد احد ادراجه مفتوحه فقام سريعا لينظر واذا ب…….) شريف بضيق : ماما ….. ياماماااا امال بخضه : في ايه يابني شريف : كان في ف الدرج 300 جنيه .. شوفتيهم امال : لا ياحبيبي مشوفتهمش .. طب دور كويس شريف : لا ياماما انا حطيتهم ف الدرج امبارح قبل ما انام …. هو بابا فين ؟ امال بتنهيده : نزل من شويه شريف يذفر ف ضيق : يبقي هو اللي خدهم … ياااارب توب عليا بقي .. هو هيفضل بالحال ده لحد امتي انا تعبت
هنزل انا ازاي دلوقتي امال : انا هاديك ياحبيبي – معلش حقك عليا انا شريف : وانتي زنبك ايه انتي .. انا اللي ربنا ابتلاني بأب مش شايل مسؤلية بيته وخمورجي وكمان بتاع اومار انا لو فضلت بالحال ده عمري ما هتجوز ياماما امال : بعد الشر ياحبيبي .. ماانا عملالك جمعيات ان شاء الله تقبضها وترتب امورك عشان اخطبلك البت هايدي .. انا عارفه انتوا قد ايه بتحبوا بعض شريف بأبتسامه : حبيبتي ياأمي ربنا يخليكي ليا .. ويهديه بقي
