ريم 1
غدير/ هتقدري تتخيلي رحيم مع واحده تانيه؟
او انتي بتحسي بإلاحساس ال حساه مع رحيم مع حد تاني؟
ولما بنتكلم عن الحب مين اول واحد بيجي في بالك؟
واخيرا لو رحيم بعد عنك هتقدري تعيشي من غيرو؟
غدير/ فكري براحه ولما تجاوبي هتوصلي لكل حاجه انتي عايزاها يلا سلام
ريم/ انتي راحه فين
غدير/ همشي بقه هبقي اتصل بيكي بليل سلام
غدير مشيت وسابت ريم غرقانه في تفكيرها
********************************
غدير سابت ريم ونزلت راحت كافيه علي البحر متعوده تقعد في بقالها سنه
بتقعد تطلب قهوتها وبتقعد علي نفس ترابيزتها ونظرها بيبقي متعلق بشاب بتشوفو كل مره تيجي فيها الكافيه ده وبتفضل متابعه كل تصرفاتو وبقت تيجي الكافيه ده علشان تشوفو يكفيها أنها تشوفو بس
غدير شربت قهوتها وقامت مشيت ومانت بتفكر مع نفسها
غدير/انا مش عارفه آخره ال انا بعملو ده ايه بقالي سنه بروح الكافيه ده بس علشان اشوفو انا اتعلقت بيه ده انا حتي معرفش اسمو أنتي اتجننتي اوي ياغدير انا خلاص قررت مش هروح الكافيه ده تاني خالص
******************************
عدي أسبوع ورحيم بعيد تماماً عن ريم ومش بيرجع البيت خالص وحتي مش بيكلمها وريم كانت مش بتخرج خالص وعلي طول في ؤضتها
رحيم/ بقالها اسبوع مش بتروك الكليه ومقولتليش ليه
السواق/ يافندم حضرتك علي طول مش فاضي
رحيم/ طيب خلاص روح انت
عز/في ايه يارحيم
رحيم/ انا لازم اروح البيت ياعز وهرجع علي طول
عز/ طب عايزك في حاجه
رحيم/ لما ارجع ابقي قولي يااخي قولتلك مش هتأخر
رحيم ساب عز وخرج
*******************************
سحر/ انتي هتفضلي رافضه الجواز كده لامته حضرتك
رغد/ دي حياتي وانا المسؤوله عنها
سحر/ بس انا امك وليا حق عليكي
رغد / وانا قولتلك انا مش هتجوز
سحر بزعيق/ بقولك ايه يابت انتي انا دلعتك كتير اوي بس من النهارده مفيش غير كلامي انا بس ال هيمشي النهارده بليل جايلك عريس هتشوفيه وهتقغدي معاه وهتوافقي عليه
رغد/ نجوم السما اقربلك
سحر/ انتي بقيتي عديمه الادب اعملي حسابك ان ال انا بقولو هو ال هيتنفذ
سحر خرجت وسابت رغد واقفه وهي في قمه غضبها وعيطت جااامد وكسرت كل حاجه قدامها
رغد/ دي مستحيل تكووون ام لااااااااا دي السبب في كل حاجه هي ال فرقت عيلتي وعمرها محسستني انها امي انا مش بحبهااااااااا انا بكرهاااااااااا
