لو عدتي الكلام الفاضي دة تاني

​الشرطة نزلت الفيلا في التجمع الخامس. طارق حاول يستغل معارفه ويصل بيافطات ومحامين، بس التسجيل الصوتي والتقرير الطبي الموثق مع شهادة وفاء الناني السابقة، كانت أدلة أقوى من أي نفوذ. تم القبض عليه هو وشيرين من وسط فيلتهم، والتلفزيون اللي كان بيدافع عنه بالليل، بقى بيذيع خبر القبض عليه بتهمة التعدي على طفلته والتستر على جريمة.
​بعد محاكمة هزت الرأي العام، اتصدر حكم مشدد على طارق بالسجن المشدد، وصدر حكم تاني على شيرين بتهمة التستر والتواطؤ وتعريض حياة طفل للخطر.
​أحمد خد الحضانة الرسمية لنور بعد إجراءات قانونية وطبية طويلة.
​بعد ست شهور، أحمد كان قاعد في جنينة بيته في إسكندرية، ونور بتجري قدامه بتلعب وفرحانة، وشها رجعت فيه الروح والضحكة اللي اتسرقت منها.
​قربت منه، مسكت إيده الصغيرة وابتسمت:
—عمو أحمد.. الكرسي هنا مبيوجعش خالص.
​دمعة نزلت من عين أحمد، بس المرة دي كانت دمعة ارتياح. مسحها وابتسم لها وهو بيضمها:
—ولا عمره هيوجعك تاني يا فراشتي.. أوعدك.
تمت