الفصول من 1-9
ـــــــــــــــــــــــــــــــــــــــــ#بقلم_مني ــــــــــــــــــــــــــــــــــــــــــــــــ
يونس اتجنن لما شاف رسالة ليث حاول يتصل ب ليلي كان تلفونها مغلق اتصل ب ليث بردو مغلق ملاقاش قدامة حل غير انة اتصل علي تلفون ماماتة ناهد بنوم … الو يونس … معلش يا امي لو قلقتك ممكن اكلم بابا او يحيي عشان تلفونتهم مقفولة ناهد بضيق … معرفش هما فين خرجو من بدري جدا ومرجعوش لحد دلوقتي يونس … معقول لحد دلوقتي وانتي نايمة كدة عادي مش قلقانة عليهم ناهد … دول يتقلق منهم مش عليهم بس انا بقول ل مين قعدت اقول مربتيش غير يونس يا ناهد طلعت اوسـ . ـخ منهم يلا غور عايزة انام
يونس … ماشي يا ماما انا مش هرد علي حضرتك دلوقتي لما ارجع هنتكلم ناهد … ولا نتكلم ولا نتهبب يلا من غير سلام يونس لسة هيرد كانت قفلت السكة في وشة اتنفس بغضب نـ .ـاريمان دخلت علية نـ .ـاريمان … مالك يا حبيبي في اية ؟ يونس …. انا لازم انزل مصر فورا وانتم خلصو ورقكم و حاجتكم وحصلوني نـ .ـاريمان … لية بس اية حصل تاني ؟ يونس قالها كل ال حصل لغاية رسالة ليث له
نـ .ـاريمان بتفكير … معني كلامك دا ان ليلي اللي مقويها اخوها بيتهالي لو مكنش نزل مكنش رد الفعل بقا عنيف اوي كدة يونس … مش عارف بس ليلي مش ضعيفة بردو وكنت عارف ان رد فعلها هيكون قوي بس مش للدرجة دي ولا تخيلت ان اخوها ينزل دا مبيعملهاش ابدا نـ .ـاريمان بمكر …. طب اللي يحلهالك يونس … ازاي بس يانـ .ـاري
نـ .ـاريمان … سهله يا حبيبي انت هتنزل وتطلقها زي ماهو عايز هتاطي للريح لحد ما تعدي هو مش هيفضل لازق جمب السنيورة اكيد مسيرة هيسافر وهتبقي لوحدها و ابنك ديما هيكون بينكم خلية يغور بس في داهية وبعدين كل حاجة هترجع لطبيعتها يونس بشك …. انتي في حاجة معينة في دماغك ؟ نـ .ـاريمان … اكيد متقلقش انت انزل بس طلع ابوك واخوك و طلقها و وافق علي كل طلبات البية و وعد مني اول ما يسافر اسبوع بالكتير وليلي تكون في شقتها هي وابنك تاني واحنا هنكون في الفيلا وكل حاجة هتمشي زي ما انت عايز ياقلبي
يونس … غريبة انا توقعت انك ماهتصدقي اني اطلقها و هتصري كمان ان يكون طلاق نهائي مش انك تحاولي بعد ما اخوها يمشي اننا نرجع لبعض ؟ نـ .ـاريمان … حبيبي اي حاجة فيها راحتك هتسعدني انا متجوزاك وانا عارفة كل ظروفك وقبلتها وموافقة عليها المهم راحتك انت يونس … ربنا يخليكي ليا ياروحي نـ .ـاريمان … ويخليك ليا يا حبيبي يونس … طيب انا هتصل احجز في اول طيارة ل مصر واروح الشركة اخلص شوية ورق ياريت تحضريلي الشنطة ممكن ؟
