الفصول من 1-9
سليم بشك … والله ؟ غيرت رايك يعني .؟ خير ؟ مروان … ابدا بس اكيد الفضيحة مش ف صالحنا سلمي اكدتلي انك تقدر تفضحنا فعلا وانا ابن ناس بردو ليها سمعتها وكدة سليم بسخرية … يا حنين صعبت عليا تصدق جتكم الارف انتم الاتنين انا خارج برة مش طايق ابص ف وشكم (بناءا علي طلب نانا قبل ما يخرج تف عليهم وخرج ) _________________________________________________________________ في نفس الوقت دا كان يونس واخد الماذون و وصل الفيلا عند ليث وليلي وليث اللي فتح
ليث … اتفضلو يونس دخل وهو متوتر بيحاول يشجع نفسة علي انة هيشوف ليلي تخيل كل يوم اول لقاء بينهم بعد ما يرجع تخيل سينـ .ـاريوهات كتير الا دا عمرة ما جة علي بالة ولا فكر فية قطع سرحانة نزول ليلي علي السلم كانت لابسة كعب عالي عامل صوت بتنزل بكل هدوء وثبات وقوة رفع وشو وبص عليها جميلة وساحرة كعادتها تخطف القلب قبل العين واتقابلت عيونهم هو بنظرة كلها شوق وحب وهي بنظرة باردة خاليية من اي مشاعر
ليث … يلا يا مولانا لو سمحت ابدء الماذون … ارمي اليمين يا استاذ يونس يونس عيونة متعلقة ب ليلي ولسانة مربوط مش قادر ينطق ليث … ياريت نخلص يا يونس لسة المحامي وانا لما صدقت مالك نايم بلاش يصحي ويحضر حاجة من دي ف ياريت بسرعة لو سمحت يونس وهو باصص ل ليلي بصوت ضعيف … مش قااادر مش قادر انطقها ليث هيتكلم قاطعتة ليلي …. ممكن نخلص ؟ قالك مالك نايم ياريت لمرة واحدة تفكر ف ابنك ونفسيتة وبلاش يشوف وضع زي دا من فضلك خلصني بقا
يونس خد نفس طوييييل وقال بصوت ضعيف … ا ا انتي طالق ليلي بثبات … بالتلاتة يا يونس يونس بحب … مش هقدر ارجوكي ليلي بأصرار … بالتلاتة يا يونس لو سمحت يونس بضعف … طالق ططالق طاالق ووطي راسة عشان محدش يلاحظ الدموع اللي في عينية الماذون خلص اجراءاتة و يونس مضي علي تنازل عن حضانة مالك ومضي وثيقة الطلاق ليث … تمام يحيي وابوك هيروحو انهاردة زي ما قلتلك وبكرة الصبح نتقابل عشان نوثق التنازل ف المحكمة واوعي تفكر متجيش بتلفون صغير مني ابوك واخوك رجعو تاني مكان ماكانو تمام ؟
يونس مقدرش ينطق اكتفي بانة هز راسة وهو لسة وطي وشة ليلي … بالنسبة لحقوقي ف انا متنازلة عنها ومضيت بكدة ودا طبعا لان ال كنت هاخدة منك يعتبر خدتة لما كتبت الفيلا دا باسمي يونس بردو هز راسة وسكت بس اتصدم لماا سمع صوت مالك مالك بدهشة … بابا جري علية وحـ .ـضنة وباسة مالك بفرحة … بابا انت جيت امتي اية المفاجاة الحلوة دي انا مبسوط اوي يونس بصوت ضعيف … لسة واصل ياحبيبي انت وحشتني اوي يا لوكا عامل اية يا حبيبي؟
