الفصول من 1-9

مالك … وانت كمان وحشتني اوي اوي ( بص لامة ) مصحتنيش لية اول ما بابا جة يا مامام ؟ ليث … لوكا بابا لسة واصل وانا كنت هطلع اصحيك بس انت نزلت مالك … مين الناس دي ؟ ليث … دول ضيوفي انا تبع شغلي يعني وخلصنا خلاص وهيمشو مالك … تعالي معايا يا بابا افرجكك الفيلا هتعجبك اوي واوضتي كبيرة وحلوة اوي اوي يونس …. معلش يا حبيبي وقت تاني دلوقتي لازم اروح عشان اسلم ع جدك وعمك لاني ملحقتش اشوفهم

مالك … وهترجع تاني انا صاحي مش هنام هستناك يونس … احم ان شاء الله بس لازم امشي دلوقتي عن ازنكم حـ .ـضن مالك جامد و خرج و ليث وراة يونس… اظن اانا كدة نفذتلك كل طلباتك ياريت قاطعة ليث … تمام ع ماتوصل هيكونو هما كمان ف البيت انا مبرجعش ف كلامي يونس .. تمام عن ازنك ليث … اتفضل ليلي قربت من مالك وحـ .ـضنتة ولاول مرة من وقت ما عرفت بجواز يونس لحد اللحظة دي دموعها ينزلو ومكنتش قادرة تتحكم فيهم مالك اتفاجا بامة حـ .ـضناة وبتعيط بشدة

مالك بخضة … ماما مالك في اية.؟ بتعيطي كدة لية ؟ ليث دخل واتفاجا بيها منهارة وحـ .ـضنة مالك حـ .ـضنها جامد ليث بحنان …. هششششش بس بس اهدي خلاص الموضوع خلص اهدي عشان خاطري ليلي خرجت من حـ .ـضنة وسابت مالك وطلعت جري علي اوضتها طول عمرها مبتسمحش لاى حد يشوف دموعها جريت تستخبي وتعيط وتطلع لاول مرة كل اللي كتماة جواها مالك … في اية يا خالو ماما مالها في اية بيحصل متكدبش عليا لو سمحت

ليث … انا عمري كدبت عليك ؟ مالك … لا ليث … تمام تعالي نقعد وهفهمك انت كبرت وبقيت راجل ولازم تكون قوي وتاخد بالك من ماماتك انا مش هقدر اكون جمبها علي طول مالك … اتفضل قول يا خالو انا سمعك ليث … بختصار يا لوكا بابا اتجوز واحدة تانية وهو مسافر ومخلف منها بنتين كمان اصغر منك بكام سنة و مكنش قايل ل ماما وهو دلوقتي رجع وهيعيش معاهم في بيتكم القديم وانت وماما هتعيشو هنا

مالك بعدم فهم … يعني بابا مبقاش يحبنا؟ ليث بسرعه … لا لا طبعا بيحبك وبيحبك اوي كمان انت ابنة حبيبه في اب مش بيحب ابنة بردو كل موضوع انة مش هعيش هنا لكن هتتقابلو وتشوفو بعض عادي جدا مالك …. طب هو بيحب ماما ليث سكت مش عارف يقولو ايه ….. نطلع ل ليلي دخلت اوضتها و سمحت لنفسها اخيرا بالانهيار والذكريات بتهاجمها فلاش باااااك ليلي بفستان ابيض رقيق واقفة ومدية يونس ضهرها متوترة علي مكسوفة وهو قفل باب الاوضة وقرب حـ .ـضنها من ضهرها