جديدة 2

انتبهت لينا لرنين هاتفها لترفعه جهتها تجيب بلهفة ممزوجة بسعادة:

_ايوة يا روفان عاملة ايه؟

اجابتها روفان بقلق:

_انا الحمد لله، المهم سيبك مني، انا كنت عايزة منك طلب

همهمت لينا تتابع الصفحة امامها لتجد شقيقتها تجيبها بقلق:

_انا سمعت ان نتيجة الثانوية العامة بانت فكنت عايزاكي تجيبهالي

قضمت لينا شفتيها تجيبها بهدوء:

_انا قاعدة اصلا قدام الموقع بقالي اكتر من نص ساعة علشان اجبهالك بس هو بطئ ومش بيحمل، مصر كلها عليه يا بنتي

تنهدت روفان بقلق لتقول لينا بهدوء:

_اقولك روحي شمي شوية هوا ولا اشربى عصير او حاجة ولما تبان انا هكلمك

اومأت روفان براسها لتنتبه لجدتها تسالها بقلق:

_هاه؟

رفعت روفان عينيها جهتها تجيبها بتوتر:

_ لسة لينا بتجيبهالى

مسحت راوية على راسها بحنان وهي تجيبها برقة:

_متحلجيش يا بتي، ان شاء الله خير

ولكنهم انتفضو مرة واحدة حينما سمعو صوت جهورى يهتف باسمهم لتتحرك راوية تفتح الباب وهي تسال بتعجب:

_خير يا عتمان

ابتلع عتمان رمقه يجيبها بحرج:

_انا اسف يا ام عبد السلام بس يونس بيه بيحول انه عايز رقم چلوس الست روفان علشان يچيبلها النتيچة

خرجت روفان فى هذه اللحظة لتجيبه بحنق:

_قول للبيه بتاعك متشكرين مش عاوزين نتعبه فى حاجة تانى، كفاية مصايبنا عليه لحد كدة وقوله اهلها هيجيبوهالها، وياريت ينسى ان فيه بنت فى البلد اسمها روفان او انه قابلها ومتشكرين لتعبه

اتسعت عيني عتمان بصدمة من اجابة الصغيرة بينما غرقت راوية فى خجلها لتجيبها بحنق:

_اتحشمي يا جليلة الرباية، فيه حد يجول اكدة على كبيره؟

ابتلعت روفان غصتها لتجيبها بضيق:

انا مقولتش حاجة، قولت متشكرين مش عايزين نتعبه واختي هتجيبهالي

وقبل ان يرد عتمان عليها وجدت الهاتف يصدح رنينه لترفعه على اذنها تهمس بلهفة:

_هاه يا لينا؟

اجابتها لينا بابتسامة فرحة:

_بصي خلينا نكون واقعيين، انا مكنتش متوقعالك كدة بس انتِ كسرتي توقعاتي وجيبتي خمسة وتمانين فى المية

اتسعت عيني روفان بسعادة لتهمس بفرحة:

_انتِ بتتكلمي جد!!

ضحكت لينا بخفة لتهمس روفان بسعادة:

_بحبك يا ليو، بحبك يا احلى اخت فى الدنيا

انهت المكالمة مع شقيقتها تقول بسعادة:

_نجحت يا ستي، نجحت وجيبت ٨٥

ابتسمت راوية لسعادة صغيرتها بينما ابتسم عتمان يقول بفرحة:

_مبروك يا ست روفان