رواية لا اصدق حصري روايات رولا
داليا… قميصى بيعمل ايه فى دولابك يا جميله.. انا بساعدك تخلى جوزك يحبك… اقوم الاقى قميصى عندك وسط هدومك.. وانا اقول ازاى اختفى من دولابى
جميله بتوتر… ده مش قميصك ده تلاقيه واحد زيو انا مش غبيه للدرجه دى عشان اسيبك تدورى فى هدومى وانا واخده حاجه من هدومك.. انا اصلا جيباكى تختاريلى حاجه تعجب جوزى وتخليه يجرى ورايا زى جوزك ما بيحبك….
بصتلها بعدم تصديق واخدت القميص وقالت…
جد ابقى انا خربطت اصل عندى واحد يشبهو قوى المهم البسيه هو اصل اللون الاسود بيبقى جميل وبيعجب الشباب.. بيقولو الاسود على الاسد بيمنع الحسد
ضحكت جميله وقالت… صح عندك حق انا عرفت انك هتفيدينى شكرا
داليا… العفو
داليا وجميله سلايف فى نفس العمار وازواجهم اخوات.. جوز جميله بيسافر وبيرجع بس جوز داليا مقيم معاها.. داليا طلعت من عندها وهى متاكده انها كدبت عليها لانها عارفه هدومها كويس بس قالت ما تبينش وتكتشف اللى حصل بنفسها… كانت فكراها بتسرق هدومها بس اللى طلعت بتسرقو اكبر بكتير… طلعت من عندها وراحت شقتها لقيت محمد جوزها وقال بصوت هادى…
حبيبة قلبى يا دودو كنتى فين انتى مش عارفه انى بحب اما ارجع الاقيكى مستنيانى اتاخرتى عليا قوى ووحشتنى اكتر
داليا.. على عينى والله بس كنت عند جميله اصلها بعتتلى الصبح عوزانى فى موضوع كدا.. المهم تعال اما اغديك انت كمان واحشنى قوى
محمد… ليه كنتى عند جميله خير فى حاجه عندها هى كويسه.. يعنى روحتى عادى
داليا مسكت دراعه وحطت دماغها على كتفه وقالت…
اه روحت لموضوع كدا بتقول عاوزه تستفيد من خبرتى وتخلى جوزها يحبها زى ما انت بتحبنى.. كل الناس هنا بتحسدنى عليك وبتتحاكى بقصه حبنا
محمد.. صح دا حب مش عادى… انا هخلدها فى التاريخ يا قلبى هكتب حبك فى قلبى حفر انا هلاقى زيك ولا ضفرك.. ده انا امى دعتلى فى صلاتها عشان اخدك
داليا.. تسلملى بقول ايه عايزه اروح عند امى بكره وهبات عندها بعد بكره الصبح هاجى مش هطول هناك
محمد.. ولوانك هتوحشينى وهمل من غيرك بس ما اقدرش اقولك لا انا احبك واحب اللى يحبك روحى وانا هستناكى وابقى كلمينى وانتى راجعه كمان قوليلى عشان استناكى..
