رواية تحفة من16للاخير

ال قصر الشهاوي أوضة نادر نادر من وقت ما عرف باللى حصل ل نرمين وهو حابس نفسه ف اوضته ما بيخرجش لا بيروح كليته ولا حتى بيتكلم مع حد نهائي ومافيش قدام عينيه غير صورة أمه وهي ف المشرحة مقولة حاول يعيط لكن دموعه اتحجرت ف عينيه زى ما كل حاجة ف حياته اتحجرت باب الأوضة اتفتح فجأة ودخل منه علي لقى الاوضة ضلمة الشباك مقفول والستاير نازلة ومافيش غير خط نور بسيط جاى من فوق باب التراس ومن تحته ولمحه قاعد ع طرف الكرسي وساند كوعه ع ركبته وډافن راسه بين إيديه وجنب منه ع الترابيزة فنجان قهوة بارد كأنه له ساعات ما لمسهوش قرب منه وقعد ع الكرسي اللى قدامه وبنبرة صوت دافي رغم الحزن اللى جواه وبعدين يا نادر! هتفضل ع الحال ده كتير نادر رفع راسه ببطء ل علي تحت عينيه هالات سودة من قلة النوم وكتر التفكير دقنه طويلة وشعره منكوش اتنهد تنهيدة ۏجع وبنبرة مکسورة عايزني اعمل ايه علي بص له بحزن وبتنهيدة ۏجع اخرج من عزلتك دى يا ابني ارجع كليتك انزل قابل اصحابك او حتى روح الشركة مع ولاد عمك بس ما تقعدش كدا. نادر ابتسم ابتسامة باهتة وبنبرة سخرية أروح كليتي!! هأ تفتكر هقدر ارجع الكلية تاني بعد اللى حصل! تفتكر هقدر اوري وشي ل اصحابي واقعد معاهم من غير ما يسألوني ويتريقوا عليا يا بابا علي حس بۏجع ابنه وبنبرة صوت مهزوزة ويتريقوا عليك ليه بس يا ابني انهار نادر فجأة وأنجر ف وش علي بصوت عالي مليان قهر يتريقوا عليا ليييييه انت اللي بتسأل ايييييه مش شاااااايف وصلنا لإيه بسبب أختيااااااارك الغلط ليه يا بابا ما اخترتش أم تشرفنا بقى من بين كل ستات الدنيااااااا ملاقيتش غير نرمين وتختارها تكون أم عيالك علي اخد نفس وخرجه ببطء واتنهد بۏجع يا ابني يوم ما شوفتها وعرفتها كانت موظفة ف الشركة عند جدك هعرف منين بس انها كانت رقاصة!! ولا كنت أعرف كل البلاوي اللى هى عملاها دي انا اتفاجئت زيك بالظبط يا ابني. نادر هز راسه بسخرية وصوته مليان مرارة ما كنتش تعرف!! بذمتك ده كلام منطقي يا بابااااا ما دورتش وراها وسألت عليها لييييييه قبل ما تتجوزها جاي دلوقتي تتفاااااجئ!! بعد فوات الأواااااااان بعد ما سيرتها وسيرتنا بقت ع كل لسان تقدر تقولي دلوقتي هنعيش ازاى انا واختي يا بابا عمران بمجرد ما سمع صړيخ نادر اندفع ناحية الأوضة بخطوات سريعة وقلبه مقبوض من القلق فتح الباب بسرعة وعينيه دارت ف المكان لحد ما وقعت عليه قرب منه بنبرة صوت هادية لكنها مليان حزم وحنان انا أقولك يا نادر. نادر سمع صوت جده قام وقف بسرعة وبص له بعيون حمرا من الڠضب والۏجع وبنبرة صوت حزينة هتقولي ايه يا جدي خلاص مافيش حاجة تتقال. عمران قرب منه ومسك وشه بين كفوفه بحنية ونظرة عيونه كلها دفى لأ يا حبيبى في وفي كتير كمان. نادر رجع راسه لورا باستغراب وبص ل عمران بعيون مليانة ألم ومرارة وبنبرة كلها ذهول وانكسار حبيبك!! اومال فين ابن نرمين اللي طول عمرك بتنده لي بيها يا جدي ده انا كنت قربت أنسى اسمي. عمران اتنهد بحسرة وهو بيضغط بإيده ع وش نادر بحنية أكتر كأنه بيحاول يطمنه ويهديه طول عمرك حبيبي يا نادر زي اخواتك صهيب وشهاب وغلاوتك ف قلبي زيهم بالظبط يا ابني. دموع نادر نزلت فجأة وهو بيبص ل جده وبنبرة انكسار عمري ما حسيتها منك طول عمرك كنت بتقسى عليا ده انا شكيت اني حفيدك اصلا. عمران اتنهد تنهيدة تقيلة وصوته طلع حازم انت حفيدي ومن صلبي وصلب ابني يا نادر وان كنت قسيت عليك ده لأنك كنت واخد دايما صف نرمين وماشي وراها من غير تفكير لكن عمري ما كرهتك ولا حبك ف قلبي نقص عن حب اخواتك... سكت لحظة ياخد نفسه وبعدين كمل انتوا ال 6 كنزي وثروتي من الدنيا دي اوعى تفتكر ان الفلوس والشركات اللى عندي دي كلها تعوض ضافر واحد من واحد فيكم يا نادر كلكم عندي أهم من اي حاجة واللى يوجعكم بيوجعني قبلكم عشان كدا اللى انت خاېف منه انا محيته من الوجود مافيش سيرة عنه نهائي عشان تقدر تمشي مرفوع الراس وسط زمايلك ف الكلية وف اى مكان نادر حدف نفسه ف حضڼ جده ودموعه زادت يااااااه اول مرة اسمع اسمي منك من زمان اوى اول مرة اترمي ف حضنك يا جدي قد ايه حضنك حنين اوى ودافي. عمران ضم راس نادر ف حضنه وباسها بحب وحنية وابتسم ابتسامة خفيفة حضڼي ده للبنات وبس مش للرجالة.. بعدها خرجه من حضنه وبحب أبوي وانت راجل وراجل قوي كمان وهتعدي الفترة الصعبة دي فاهم! وان كنت خالفت القوانين وسبتك تترمي ف حضڼي ده عشان تعرف اني بحبك اوى... ابتسم بسخرية وهو بيداعبه بس اوعى تجيب سيرة قدام صهيب وشهاب احسن يقيموا عليا الحد ويطالبوا هما كمان بحضن زى ده وساعتها بقى مش هعرف ارفض وجدتك بتغير عليا اوى وهتقلب وشها وتقولي اشمعنى احفادك وتبقى هيصة مش هعرف المها ههههههههههه نادر دخل تاني ف حضنه وهو بيضحك ان كان كدا بقى سيبني اشبع من حضنك الحنين ده شوية... لكنه فجأة سكت ضحكته اختفت بسرعة ودموعه نزلت تاني صعبان عليا نفسي اوي يا جدي.. اتنهد تنهيدة تقيلة وبنبرة حزينة اقولك سر عمران بحنان وحب قول يا حبيب جدك. نادر اخد نفس وخرجه ببطء وبنبرة ۏجع طول عمري بغير من سبيل مع اني بحبها والله وعارف انها بتحبني انا ويمنى بس كنت بغير منها اوي. عمران اندهش من كلامه وبنبرة ذهول بتغير من أختك!! طب ليه وهى زي ما قولت بتحبك وعمرها ما غارت منكم مع انه حقها تغير لانكم اتربيتوا بين ابوكم وامكم وكانت بتشوف بعينيها علي بيعمل معاكم ايه وهي لأ. اتنهد نادر وبص للأرض وصوته طلع مهزوز كنت بشوف دايما حب غير عادي ف عيون الكل لما تيجي سيرة مامتها رغم انها ماټت قبل ما بابا يتجوز ماما بس كنتوا تحكوا عنها كأنها موجودة بينكم وترجمتوا حبها ده ف سبيل وأمي اللى كانت عايشة بينكم طول السنين دي دايما كارهينها وواقفين لها ع الكلمة وترجمتوا ده ف القسۏة عليا لكن دلوقتي بس فهمت ان كان عندكم حق كنتوا فاهمينها كويس. عمران مسك ايد نادر ومشي بيه لحد التراس شد الستاير وفتح الباب النور دخل بقوة كشف العتمة اللى كانت مالية الاوضة وبنبرة كلها حكمة شوفت النور شق الضلمة ازاى والرؤية بقت اوضح نادر بص له باستغراب مش فاهم!! حضرتك تقصد ايه عمران بص ف عينه مباشرة هو ده بالظبط اللي حصل لقلبك يا ابني طول عمرك كنت عايش ف ضلمة نرمين مش شايف اللى أحنا كنا شايفينه لكن دلوقتى قلبك نور بنور الحقيقة بعد ما بقت واضحة قدام عينيك بس هقولك حاجة مهمة انا عمري ما کرهت نرمين كشخص بس كنت كاره تصرفاتها جدتك لما شافتها اول مرة قلبها ما ارتاحش وقالتلي بالحرف انا مش مرتاحة للست دي يا عمران طمعها باين ف عينيها هتغير علي وهتتعب سبيل بسبب الفلوس وقتها قولتلها اختيار ابنك يا فاطمة مالناش فيه ليه علينا النصيحة وبس ونخلى بالنا من تصرفاتها لو عملت حاجة غلط نقف لها. نادر يعني انت يا جدي ما كنتش تعرف حقيقتها عمران هعرف منين يا ابني واحدة جات طلبت شغل ف وقت من الاوقات وشغلتها شهر والتاني لاقيت ابوك قال عايز يتجوزها. قبل ما يكمل كلامه نادر قاطعه مارفضتش ليه يا جدي وقولتله انها مش من مستواكم انتوا اصحاب شركات وهى مجرد موظفة عمران بهدوء مافيش فرق بين غني وفقير يا حبيبى كلنا امام الله سواسية وطالما بالحلال ليه ارفض وقتها قولت ل ابوك اسأل عليها كويس عشان تعرف ام عيالك طبعها ايه قالي ما تخافش يا بابا انا سألت وعرفت هى أرملة خسړت جوزها وبنتها الوحيدة وانا أرمل ومحتاج زوجة وأم ل بنتي وافقت وقلبي مش مرتاح وبعد السنين دي كلها ظهر المستخبي وبان. نادر اتنهد وبص ل عمران بندم كان عندك حق يا جدي ف وجهة نظرك فيها أنا آسف حقك عليا سامحني لو كنت غلطت فيك بسببها وقول ل سبيل تسامحني ارجوك. عمران بتنهيدة حب اللى بيحب بيسامح يا نادر واحنا مش بس بنحبك انت حتة مننا حفيدي الغالي ونور عيني وأخوها الوحيد وسندها بعدنا واللى هتقف ف ضهرها لو جوزها جه عليها وأكيد للسبب ده عمرنا ما زعلنا منك المهم دلوقتي انك فهمت وعرفت الحقيقة عايزك تكون كتف بكتف مع شهاب وصهيب وتكونوا ف ضهر سبيل ويمنى وشاهندة وتحموهم كويس من غدر الناس يا ابني. نادر وطى ع ايد عمران وباسها وبنبرة كلها ندم اوعدك يا جدي هكون زى ما انت عايز مع اخواتي وعمري ما هخذلك ولا أخذلهم ابدا. اتنهد عمران براحة ومسح ع شعر نادر قبل ما يخرج وبنبرة كلها حب كدا أموت وانا مطمن ان زرعتي اللى زرعتها ورويتها بالحب طرحت خير يتمد لأخر العمر. علي قرب من عمران باس ايده وقلبه بيدق بقوة وبنبرة مليانة خوف بعد الشړ عنك يا بابا ربنا ما يحرمناش من وجودك ف حياتنا عايزك تسامحني ع كل اللى عملته انا السبب ف ۏجع العيلة كلها ياريتني كنت سمعت كلامك زمان ما كانش كل ده حصل. عمران ابتسم ابتسامة هادية وهز راسه وبنبرة دافية كله مقدر ومكتوب يا علي كل خطوة بنخطيها مكتوبة ف اللوح المحفوظ من قبل خلق آدم عليه السلام ارتاح وريح بالك اللى يهمني دلوقتى انك فوقت ورجعت زى زمان حابي ع عيالك وحببهم ف بعض يا ابني قبل ما صاحب الحق ياخد حقه. خرج بعدها من الأوضة سابهم ياخدوا راحتهم ويتصافوا يمكن يقدروا يخرجوا من العزلة اللي هما فيها ويرجعوا تاني يتلموا مع العيلة. علي بعد ما عمران خرج قرب من نادر وطبطب ع كتفه وبصوت هادي بس مليان ندم سامحني يا نادر ماكنش قصدي أوجعك كدا يا ابني حقك عليا. نادر هز راسه واتنهد بحزن انا مسامحك يا بابا بس عايزك انت كمان تسامحني ڠصب عني اتعصبت عليك الموقف كان أكبر من احتمالي أنا آسف. علي باس راسه من غير ولا كلمة وبعدها سابه وخرج من الأوضة راجع جناحه اما نادر قعد لحظات يفكر ف كلام جده وحس إنه عنده حق --- العزلة مش هتحل حاجة خد نفس قوى ودخل الحمام أخد دش حلق دقنه وسرح شعره ولبس حاجة شيك وبعد ما هندم نفسه نزل قعد مع العيلة زي ما قاله جده. ______________________ ف اوضة سبيل بعد ما صهيب عرف حقيقة مشاعر سبيل ناحيته دخل أوضتها زي المچنون طلع كل الۏجع اللي كاتمه ف قلبه صوته كان عالي لدرجة إن الحيطان اترجت معاه قعد ېصرخ يلوم نفسه يحاسبها وكل كلمة بتطلع منه كانت سينة بيغرسها جوه روحه ماحسش بنفسه غير لما الدنيا اسودت ف عينيه ووقع فقد وعيه مش عارف عدى قد إيه... دقايق ساعات الله أعلم سامية كانت رايحة اوضته تطمن عليه لكنها سمعت صوته پيصرخ ف اوضة سبيل قربت من باب الاوضة فتحته لقيته واقع مغمى عليه حاولت تفوقه ماقدرتش خرجت جرى خبطت ع شهاب وقالتله اللى حصل وجري معاها يطمن ع صهيب شاله من الارض رفعه ع السرير وفوقه بصعوبة لما فاق حس بجسمه تقيل كأنه مربوط بسلاسل جفونه تقيلة بس قدر يفتح عينه بصعوبة أول حاجة وقعت عليها كانت صورة كبيرة لسبيل متعلقة ع الحيطة رمش مرتين حاول يفهم هو فين كانت الإضاءة هادية لف عينه ف الأوضة وبتنهيدة ضعيفة خرجت بالعافية من بين شفايفه المتشققة أنا ايه اللي جابني هنا شهاب كان قاعد جنبه ع السرير قلقان اول ما شافه فتح عينه اخد نفسه واتنهد براحة حمدالله ع سلامتك هندسة كدا برضو تخض سمسمة عليك! صهيب لف وشه ببطء بص ل سامية لمحها واقفة جنب طرف السرير دموعها مغرقة وشها ومش قادرة تتكلم من الخضة حاول يبتسم والكلام خرج منه متقطع حقك.. عليا.. يا ماما.. خضيتك. سامية قربت منه وقعدت جنبه مدت إيدها تمسك ايده وبصوت مهزوز بسبب خۏفها وقلقها سلامتك يا حبيبى ايه اللى جرالك يا ابني وايه اللى دخلك اوضة سبيل! اتنهد صهيب ولمعت الدموع ف عينه ملامحه مرهقة بيحاول يلملم شتات نفسه وبنبرة مکسورة مش عارف إيه اللي جرالي ولا حتى فاكر جيت هنا ازاى بس كل اللى عارفه انها وحشتني اوى لدرجة اني ما بقيتش قادر استحمل غيابها ونفسي تسامحني بقى وترجع. شهاب بص له برفعة حاجب ولمعة سخرية ظهرت ف عينيه يا حنين!! دلوقتي بس حسيت بيها! ونفسك ترجع! صهيب اتعدل ف قعدته بصعوبة وبنبرة ڠضب رغم ضعف صوته ولاااااا اتلم احسنلك وما تسوقش فيها بدل ما اقوم لك. شهاب بيرقص له حواجبه وبنبرة سخرية هو انت لسة شوفت تريقة اتلهي جاتك خيبة طيرت البت منك بغباءك. صهيب اتعصب وبص له بنظرة كلها ټهديد وبنبرة مليانة نرفزة شهاااااااااب شهاب بص له وابتسم ابتسامة مستفزة يا عم بلا شهاب بلا نيلة... قام وقف وهو بيرقص له حواجبه مرة تانية انا رايح اوضتي اكلم كرملتي احب فيها شوية وخليك قاعد انت كدا ابكي ع الاطلال زيها جاتكم ستين نيلة باااااى. سابه وخرج من الاوضة وهو بص ل سامية بغيظ واتنهد بحړقة عاجبك كدا يا ماما! شايفة عمايل ابنك سامية قربت منه أكتر وبصت له بنظرة كلها حنية وبنبرة هادية رغم القلق اللى جواها سيبك من شهاب وقولي ايه اللى دخلك اوضة سبيل يا صهيب وليه كنت بتصرخ جامد كدا صهيب سحب نفس طويل ورجع راسه لورا سندها ع ضهر السرير وعينه راحت تلقائي ع صورتها المتعلقة وبتنهيدة خرجت من صدره بۏجع النهاردة بس فهمت اللى ماكنتش فاهمه من سنين وأكتشفت اني كنت غبي وحمار زى ما قال شهاب. سامية رفعت حاجبها باستغراب وصوتها طلع بعلامة استفهام واضحة ايه هو ده اللي ما كنتش فاهمه وفهمته النهاردة بس صهيب غمض عينه واتنهد تنهيدة ۏجع كأن روحه بتخرج مع النفس البطئ ده وفتح عينه تاني ع الصورة سبيل سبيل يا ماما طول السنين اللي فاتت دي وهى بتحبني وانا أنا تجاهلت مشاعرها كنت فاكرها شايفاني أخوها الكبير وبتعاملني زي شاهندة. سامية بتنهيدة راحة لأنها كانت مستنية اللحظة دي من زمان يااااه أخيرا فهمت يا صهيب!! ياما حاولت ألمح لك وانت ولا انت هنا يا ابني. صهيب بصوت مبحوح وعينه متعلقة بالصورة الحاجة الوحيدة اللى فاضلة له منها قد كدا كنت أعمى! ما كنتش شايف اللى كلكم شايفينه! ليه ما قولتليش بصراحة يا أمي لما لاقيتيني مش فاهم تلميحاتك سامية حطت ايدها ع قلبه بتحاول تطبطب ع وجعه وبنبرة دافية ما كانش ينفع يا حبيبى لازم احساسك يبقى طالع من هنا من قلبك كان لازم تفهم وتعرف من نفسك لان الحب اللى يتشاورلك عليه مابيبقاش له نفس القيمة زى الحب اللى بيتولد جواك من غير ما حد يوجهك ليه. اتعدل صهيب ف قعدته وقرب من سامية حدف نفسه ف حضنها وبنبرة كلها ألم ومرار آاااه يا أمي عرفت وفهمت كل حاجة بس متأخر بعد ما راحت خلاص وفات الأوان. سامية وهي بتمسح ع شعره وتطبطب ع ضهره وبنبرة حزن انت وجعتها اوي يا صهيب جرحتها يا ابني وكسرتها يوم ما اتكلمت قدامها مع جدك ورفضتها انت قلتها بكلامك يوم ما وصفت جوازك منها بالمۏت. صهيب بتنهيدة ندم كأنه بيحاول يخرج وجعه من جواه مع النفس اللى أخده بصعوبة وصوته طالع مليان حسرة كنت أعمى يا أمي اتعميت بحب واحدة ژبالة وما شوفتش الجوهرة اللى حطها جدي بين إيديا بغبائي ضيعتها من غير تفكير. سامية بتنهيدة طويلة لأنها ما كانتش متوقعة اعترافه ده وانت بعت الغالي بالرخيص يا صهيب واللي يبيع الجواهر بالإزاز يستاهل انه يتعور. صهيب بهمس سمعته أمه بيعترف لنفسه وانا اتعورت بما فيه الكفاية يا أمي وما بقيتش حمل چرح تاني نفسي ارتاح بقى. سامية خرجته من حضنها وبصت ف عيونه مباشرة وبنبرة كلها ثقة راحتك ف وجود سبيل جنبك رجعها يا صهيب ارموا القديم ورا ضهركم وابدأوا من جديد يا ابني. صهيب هز راسه بحزن ونبرة صوته كلها مرارة مش عايزة ترجع يا ماما آاااااااه لو اعرف مكانها كنت روحتلها ركعت عند رجلها واترجيتها تسامحني وترجع معايا. سامية بحذر وهى بتراقب ردة فعله ع ملامحه جدك وجدتك عارفين مكانها وهما بس اللي يقدروا يرجعوها. صهيب حزنه واضح ع ملامحه ونبرته كلها يأس لو كانوا عايزينها ترجع كانوا رجعوها أكيد هما اللي رافضين رجوعها يا امي. سامية هزت راسها بالنفي وضغطت ع ايده بحنية لا يا حبيبى الحكاية مش كدا دول نفسهم ومنى عينهم انها ترجع تاني بس سبيل اتوجعت جامد بسبب كلامك وكل اللى حصل منك لحد اليوم اللى مشيت فيه عشان كدا جدك مش عايز يضغط عليها.... سكتت لحظة أخدت نفس قوي بتحاول تجمع شجاعتها وبنبرة كلها حزن وعينيها بتلمع بدموعها تعرف انها حاولت ټنتحر يوم جوازكم! صهيب شهق بذهول وعينه وسعت من الصدمة كلامها نزل ع ودانه كأنه خجر انغرس ف قلبه وبنبرة مهزوزة ممزوجة بالدهشة والإستنكار نعم!! ټنتحر! ليه سامية بصت له بنظرة مليانة حزن وبتنهيدة كلها حسرة ومرارة كلامك كسرها يا ابني إحساسها ان جدها رخصها وانك صدقت كلام نرمين كان أكبر طعڼة ليها مستحملتش الإهانة ولو ما كنتش لحقتها ف الوقت المناسب كان زمانها ماټت وكنت هتعيش بذنبها طول عمرك. صهيب عيونه زاغت للحظة عقله مش قادر يستوعب حجم اللى عمله ف حقها همس بصوت مكسور يعني انا أدمرها بكلامي وفعلي واوصلها انها تحاول ټموت نفسها وهى ف المقابل تنقذني من مکيدة كانت متدبرة لي وتعين لي حارس خاص!... حط وشه بين كفوفه بيحاول يبلع مرارة الحقيقة اللى صډمته اتنهد تنهيدة تقيلة وبنبرة مخڼوقة بالدموع ياااااه ده انا جبان اوى وما استاهلش حبها ده. سامية رفعت راسها فجأة ونبرتها كلها خوف وذهول مکيدة ايه! وحارس ايه ده! صهيب هز راسه بشرود مش عارف يا ماما سمعتها هى وشهاب بيتكلموا بس مافهمتش حاجة. سامية بقلق مالي ملامحها وصوتها وما سألتش أخوك ليه صهيب اخد نفس طويل وخرجه بحړقة وبنبرة يأس سألته وما قالش أكتر من اللى انتى قولتيه ولحد دلوقتى هتجنن مش قادر استوعب كل اللى عرفته وفى حاجات كتير مش فاهمها حاسس دماغي هتنجر وشهاب ما ريحنيش. سامية سكتت لحظة وبنبرة كلها هدوء عليك وع جدك هو اللي هيقولك كل حاجة. صهيب ضحك ضحكة غلب ممزوجة بالسخرية وهز راسه بيأس جدي!! ده لو الحجر نطق عمران الشهاوي مش هينطق.... رفع راسه وبص ل صورة سبيل ولمعت ف عيونه شرارة أمل همس بإصرار قريب أوى هعرف كل حاجة وهخليها ترجع وتسامحني. سامية قامت من جنبه وراحت ناحية الباب من غير ما تنطق بكلمة بس قلبها كان بيدعيله ربنا يريح باله ويجمعه ب سبيل سابته قاعد مكانه عينه متعلقة بصورتها وعقله مشغول بيفكر هيعمل إيه عشان يرجعها حتى لو ما عرفش مكانها من جده. ______________________ ف الصعيد بيت قدري رسلان قاعد قدام باب البيت عينيه شاردة ف الفراغ قدامه عقله مافيش فيه غير صورة شاهندة باله مشغول بيها فكر يكلم صهيب يطلبها منه القلق ماسكه والخۏف اتمكن منه قلبه بيدق بقوة وسرعة غريبة بين ضلوعه من كتر التفكير يا ترى شاهندة هتوافق صهيب هيشوفه ازاى بعد اللى عملته سها هل هيقدر يحكم عقله ويفصل بينه وبينها ولا هياخده بذنبها.. اتنهد تنهيدة تقيلة ومسح وشه بإيديه وهمس لنفسه صهيب أكيد راچل عاجل ومش هيرفض طب لو رفضني وجال انت زي أختك أعمل ايه وجتها. عمر طلع من البيت وهو ماسك صينية فيها كوبايتين شاي كان ناوي يسهر مع رسلان شوية لكن وهو معدي سمعه بيكلم نفسه وقف لحظة رفع حاجبه باستغراب وبعدها قرب وقعد جنبه وهو بيبص له باندهاش خبر إيه يا واد أبوي عاد كانك اتچنيت ولا ايه جاعد بتحدت روحك كيف المچانين إكده ليه رسلان كان سرحان وعينيه مثبتة ف الأرض اتنهد تنهيدة تقيلة وبص ل عمر نظرة مليانة قلق وبنبرة متوترة بفكر انزل أطلب يد شاهندة وما خابرش صهيب هيوافج ولا ياخدني بذنب اللى ما تتسمى هنادي! عمر عينه وسعت وكأن حد ضربه ع راسه صوته طلع مصډوم وهو بيتكلم بتجول ايه! إكده تبجى اتچنيت صوح كيف يعني عايز تطلب يدها انت نسيت خيتك وواد المحروج هاني واللى عملوه فيهم ده جليل ان ما طخك عيارين فيها دي. رسلان رفع عينه ليه اتنفس بعمق وبصوت هادي لكنه مش مطمن هو ده اللى جالجني يا اخوي رغم ان صهيب راچل عاجل وما اعتجدش انه ممكن ياخد حد بذنب حد تاني بس برضك جلجان او يچوز هى نفسها ما توافجش. عمر نفخ وهو بيهز راسه بإحباط اصرف نظر يا رسلان --- يا اخوي عنيها وان كنت رايد تتچوز بنات الحلال كتير. رسلان بص للفراغ قدامه واتنهد وبعدها بص ل عمر بحزن بحبها يا عمر من اول ما عيني شافتها وجولت لك وجتها ولولا كانت مخطوبة ل واد عمتك كنت خطبتها. عمر عدل قعدته واتنهد تنهيدة تقيلة وهز راسه بأسف حب محكوم عليه بالمۏت يا اخوي اسمع مني يا رسلان بلاش منيه الحديت ده وانساها وشوف غيرها. رسلان هز راسه ببطء عينه كانت شاردة بتدور ع أى طاقة امل وسط اليأس اللى هو فيه مېتا كان لنا حكم ع جلوبنا يا اخوي! الحب بياچي فچأة إكده كيف الجدر ما بنختارش نحب مين مېتا وكيف وبعدين انا حبيتها من جبل ما اعرف ان اخوها متچوز خيتك يعنى ماكانش ف بالي كل ديه كل اللى كنت شايفه وجتها انها البنت اللى خطت جلبي وبس عمر اتنرفز ونفخ بضيق وهو بيشاور ع دماغه بكف إيده بعصبية أعجل يا واد ابوي وبطل تفكيرك اللى هيودرك ده فكر زين الراچل هيجبل كيف يچوزك أخته بعد ما خيتك داست ع شرفه! واحد غيره كان جتلها بعد اللى عملته فيه يبجى بدل ما نبعد عنيه نجوم نجرب أكتر ونحطوا الار چنب البنزين!! ما ينفعش يا واد أبوي. رسلان سكت لحظة كأن عقله بيحاول يوزن الأمور بس اتكلم بإصرار بجولك إيه!! انا إكده ولا إكده بجالي شغل معاه هستغل أى فرصة وأچس نبضه لو حسيت انه ما بيحكمش ع الناس بعيوب غيرهم هتشچع واخطبها منيه اما لو هياخدني بذنب اللى ما تتسمى دية يبجى هصرف نظر عن الچواز خالص. عمر بص له بنظرة طويلة وضحك ضحكة مليانة سخرية وبنبرة متهكمة واه يعني لا تتچوز شاهندة لا بلاها چواز خالص إكده! ده انت شكلك واجع جوي. رسلان اتنهد تنهيدة تقيلة كلها ۏجع كأنها خارجة من جوه روحه وبنبرة حاسمة لكنها هادية هو إكده لو مش هتكون شاهندة مرتي ما هتچوزش واصل إيه جولك بجى عمر بص له بنظرة جانبية رفع حاجبه بابتسامة مستفزة وبنبرة فيها تهكم الجول جولك يا خوي وع رأي اللي جال أنا نصحتك وانت براحتك! سكت عمر لما شاف إن رسلان مصمم ع اللي ف دماغه حس إن الكلام معاه مش هيفيد لكنه جواه كان قلقان مش بس من رد فعل صهيب لكن كمان من اللي ممكن يحصل لو الأمور ما مشيتش زي ما رسلان متوقع رغم كدا فضل يدعي إن الراجل يكون عقلاني ويدي أخوه فرصة يمكن الأيام تثبت إن الحب مش دايما بيتحكم الماضي فيه أما رسلان فرجع لشروده فكر ف شاهندة ف نظرتها الهادية اللي شدته ليها ف ابتسامتها اللي نفسه إنها تبقى من نصيبه لكنه برضه ما قدرش يمنع قلقه من اللي هو داخل عليه هيقدر يواجه صهيب وهل هيوافق عليه ولا هيبقى ف حكم المرفوض قبل حتى ما يتكلم ____________________ ف المستشفى مر أسبوع كمان كان كفيل إنه يهز صهيب من جواه الأخبار اللي عرفها قلبت كيانه خلته ينهار بطريقة ما حدش توقعها جسمه ما استحملش الصدمة ودخل ف حالة شبه غيبوبة الدكتور اضطر يحجزه ف العناية المركزة وكل اللي حواليه كانوا مستنيين أي تحسن أي علامة تدل إنه هيقوم من الحالة دي لكنه طول الأسبوع كان بيفوق لحظات عيونه تدور ف الفراغ وكأنه بيدور ع حد معين شفايفه بتتحرك باسم واحد بس سبيل وبعدين يرجع يغيب عن الوعي تاني وكأنه حتى ف غيبوبته مش قادر يهرب من الۏجع اللي مسيطر عليه. عادل كان واقف مكانه قلبه بيخبط ف ضلوعه من القلق وعينيه مثبتة ع الدكتور وكأنها بتستعطفه يقول كلمة تطمنه بصوت مهزوز مليان خوف طمني يا دكتور! مافيش أمل ان صهيب يفوق ويرجع تاني! الدكتور اتنهد بهدوء وبنبرة حاسمة لكنها مليانة أسف والله كان نفسي اطمنكم يا عادل بيه بس للأسف عقله الباطن رافض الواقع رغم ان كل أجهزته الحيوية سليمة ومافيش اى مرض عضوي. سامية كانت قاعدة جنب عمران وفاطمة قربت بالسرعة من الدكتور ودموعها مغرقة وشها وصوتها طالع كله خوف وتوسل يعني ايه يا دكتور! ابوس ايدك ما تقولش ان ابني هيروح مني! ارجوك اعمل اى حاجة بس صهيب يفوق ويرجع لي. الدكتور بص لها بهدوء نبرته كانت متزنة لكنه كان عارف إن كلامه هيزيد خۏفها يا هانم صدقيني صهيب ما عندهوش حاجة الموضوع كله نفسي. عمران كان قاعد ساكت وساند ع عصيته بيدعي ربنا عشان حفيده رفع راسه للدكتور والقلق واضح ف عينيه بس كان بيحاول يخبي ارتباكه معناه ايه يا دكتور الكلام ده! الدكتور بص ل كل الموجودين يحاول يوضح الأمر بأبسط طريقة يا جماعة الحالة النفسية ل صهيب هى السبب ف اللى هو فيه وزى ما قولت هو رافض الواقع وعايش جوة ذكرياته ومافيش ع لسانه غير اسم سبيل يفوق ثواني ينده عليها ويغيب تاني. الدكتور خلص كلامه وسابهم اما سامية شهقت وعينها وسعت پصدمة سبيل!!.. وفجأة قربت من عمران قعدت ع ركبتها قدامه مسكت إيده تترجاه وصوتها بيرتعش من الخۏف أبوس ايدك يا بابا قولها ترجع طب قول هى فين وعادل يروح يرجعها عشان خاطري يا بابا ماتسيبش ابنى يضيع مني. عادل غمض عينه يحاول يهدي الغليان اللي جوه قلبه خد نفس قوي وبعدها قرب من سامية مسك إيدها ووقفها بنبرة حازمة لكنها كانت مليانة ۏجع مش هنضغط عليها ونرجعها يا سامية كفاية اللى جرالها من أبوها واللى عمله فيها ابنك. سامية شهقت وعينيها اتملت بالڠضب صوتها طالع بعصبية مختلطة بالخۏف يعني ايييييه هتسيب صهيب يموووت! هيهون علييييك تضحي بيه عشان مش عايز تضغط عليها ترجع عادل أتنهد تنهيدة تقيلة ۏجعها كان واضح ف كل كلمة بيقولها ما حدش بياخد أكتر من نصيبه ولو لسة ليه عمر ونصيب يعيش هيفوق ويرجع لنا وهى بعيد ولو انتهى أجله ھيموت حتى لو هى قاعدة تحت رجله وحدي الله كدا واهدي. سامية بصت له بنظرة استسلام لكن ف قلبها بران من الڠضب رجعت خطوتين ووقفت عند الشباك الإزاز صوتها طالع مهزوز لكنه واضح فيه الټهديد لو صهيب جراله حاجة عمري ما هسامحك يا عادل. بصت ع ابنها وهي بتحاول تكتم شهقاتها المكان كله غرق ف صمت تقيل مافيش صوت غير أنفاسهم المترقبة وعادل واقف جنب سامية يبص ع صهيب جوة العناية عيونه متعلقة بجسمه الساكن لكن قلبه كان پيصرخ بدعاء مستمر إنه يرجع للحياة وفجأة الصمت اتكسر خطوات تقيلة شقت السكون بتقرب منهم ببطء كل خطوة كان ليها صدى وكأنها بتعلن عن حاجة جاية تغير القدر قلب صهيب جوة العناية كان بيدق پجنون كأنه حس بوجودها قبل حتى ما توصل قبل ما حد يشوفها حس بيها فتح عينيه بسرعة كأن روحه رجعت لجسمه مع الخطوات اللي كانت بتقرب بص للسقف لحظة وبعدها نطق اسمها بنبرة ضعيفة لكنها مليانة شوق واحتياج سبيل سامية شهقت قربت من الإزاز بسرعة دموعها ڠرقت وشها وهي بتحاول تستوعب اللي بيحصل وبتكلمه كأنه سامعها صهيب فوقت يا حبيبي! لكن صهيب ماسمعش غير اسمها اللي خرج من قلبه قبل لسانه عينيه كانت بتلف ف العناية كأنه بيدور عليها كأنه متأكد إنها هنا إنها قريبة منه. ف نفس اللحظة دي الخطوات اللي شقت الصمت وقفت عند الباب الكل بص ف نفس الاتجاه والأنفاس اتحبست ف ثواني.... ال ف المستشفى ف نفس اللحظة دي الخطوات اللي شقت الصمت وقفت عند الباب الكل بص ف نفس الاتجاه والأنفاس اتحبست ف ثواني سامية لفت وشها تشوف مين لقت سبيل واقفة وشايلة بيبي وبتقرب تحطه بين إيدين فاطمة صړخت وجريت عليها وبلهفة أم قلبها موجوع سبييييل أخيرا رجعتي ابوس ايدك يا بنتى سامحي صهيب عشان خاطري. سبيل سابت صهيل ل جدتها وقربت من سامية وعيونها غرقانة ف الدموع وبصوت موجوع هيقوم منها يا ماما وهيبقى كويس انا متأكدة صهيب عمره ما هيوجعنا مش هيعملها فينا ويسيبنا صدقيني. سامية شدت سبيل ل حضنها دموعها كانت بتنزل بسرعة زى الشلال وبصوتها المهزوز ندهت ع شهاب اجري يا شهاب قول للدكتور ان سبيل رجعت خليه يسمحلها تدخل ل اخوك بسرعة سبيل طلعت من حضنها بهدوء مسكت إيدها وطبطبت عليها وابتسمت ابتسامة حزينة مليانة دموع مافيش داعي يروح انا لسة كنت عنده واخدت منه الاذن اطمني... وبعدها لفت عينيها ع ابنها تحضنه ف نظرتها بحنان وهى بتكمل كلامها مش عايزة تشوفي حفيدك وتطمني ع شاهندة ويمنى! هما ما وحشوكيش ولا ايه يا سمسمة! سامية اتجمدت ف مكانها عينيها وسعت ع الآخر وضربات قلبها زادت كأنه هيخرج من بين ضلوعها شهقت پصدمة وملامحها عليه ألف سؤال وسؤال حفيدي! سبيل كانت واقفة قدام باب العناية مستنية الممرضة عشان تعقمها قبل ما تدخل بصت ل سامية بحب وهزت راسها وردت بنبرة هادية أيوا يا ماما حفيدك صهيل صهيب الشهاوي . سامية وعادل وعلي ونادر كلهم بصولها ف نفس الوقت نفس نظرة الذهول وخرجت منهم نفس الكلمة إزاى! عمران لمح الممرضة بتقرب منهم اتنهد تنهيدة راحة وبص ل سبيل هز لها راسه يطمنها ادخلي انتي ل جوزك وانا هقولهم ازاى. سبيل هزت راسها ل جدها من غير كلام وبصت له حضنته بعينيها تشكره ع وقفته جنبها وع كل حاجة عملها عشانها وبعدها خدت نفس قوي وسابتهم ودخلت العناية ل صهيب عمران وهو بيفتح دراعاته للبنات وحضنهم بحنان بص للى واقفين مش فاهمين حاجة وبملامح مبتسمة ونبرة هادية اقعدوا وانا هفهمكم كل حاجة. وبالفعل قعدوا الاربعة وعينيهم بتتنقل بين عمران وبين الولد اللى شايلاه فاطمة وملامحهم كلها حيرة وترقب مستنيين عمران يحكيلهم الحكاية ويفهمهم كل حاجة. جوة العناية المركزة دخلت سبيل بخطوات تقيلة مش قادرة تمشي كأن رجليها متربطين بسلاسل حديد قربت منه وجسمها بيرتعش وعيونها مليانة دموع بتحارب إنها ما تنزلش بس غلبتها ضربات قلبها كانت بتدق پجنون خۏفها عليه كان أكبر من أي حاجة أول ما وصلت جنبه مدت إيديها المرتعشة ولمست وشه بحنية بتحاول تطمن إنه لسة هنا لسة حي قدامها مالت عليه غمضت عينيها وهي بتشم ريحته اللى وحشتها فتحتها وباست خده بدموعها قبل شفايفها كأنها بتعاتبه ع الۏجع اللى سببهولها مسحت دموعها من ع وشه بسرعة وقعدت ع ركبتها جنب السرير ماسكة إيده بإيديها الاتنين بتترجاه يفضل جمبها وبتهمس له بصوت ضعيف مليان ۏجع واشتياق وحشتني اوي يا حبيبي أرجوك فوق عشان خاطري ما تسبنيش لوحدي ف الدنيا دي انا ما اقدرش اعيش فيها ثانية واحدة من غيرك... مالت --- براسها ع إيده باستها بحنية بتترجاه يرجع لها وبعدها رفعت له عينها دموعها زادت وضربات قلبها بقت أسرع وهى شايفاه بيتنفس ببطء بس مافيش اى حركة حست بروحها بتتسحب منها وبنبرة صوت كلها ۏجع انا عارفة انك ما حبتنيش زى ما بحبك وطول عمرك شايفني أختك طب فوق عشان خاطر أختك وما تستسلمش لنومتك دي... عينها ما كانتش بتفارق ملامحه الشاحبة وفجأة شافت ضربات قلبه زادت وحركة صدره بقت سريعة وحست برعشة خفيفة ف إيده فتحت عينيها پصدمة ونبرة صوتها اتغيرت بقت نبرة مليانة أمل انت سامعني صح سامعني يا صهيب قوم بقى العيلة كلها برة خايفين عليك ومستنيينك تصحى اصحى بقى عشانهم... صوتها بقى أضعف غمضت عينيها تحاول تهدي رعشة قلبها بلعت ريقها بصعوبة وكملت بصوت مكسور عشان ابنك صهيل ابننا يا صهيب عوض ربنا ليا وليك عن كل اللى حصل صهيل محتاجلك اصحى عشانه... ضمت إيده بقوة بين إيديها بتحاول تزرع فيه الحياة من جديد عينيها كانت متعلقة بيه مستنية منه أي إشارة أي حركة تثبت إنه راجع لها لكن ما فيش قلبها كان پيصرخ كل جزء فيها بيترجاه انه يرجع وما يسبهاش فجأة حست بحركة إيده وشافت عينه بتتحرك تحت جفونه قلبها دق بقوة وقفت بسرعة ومالت عليه وهمست بلهفة انا متأكدة انك سامعني كنت عارفة انك مش هتوجع قلبي تاني وتسيبني بالله عليك فوق قلبي مابقاش حمل ۏجع تاني فووق بقى يا صهيب أرجوك. لكن لما ما لقيتش منه أى استجابة انجرت فجأة زى البران عيونها وعت بار الڠضب وبنبرة صوت مهزوزة وهى بتزعق من بين دموعها اللى مش بتقف كفاية بقى!! كفااااااية توجعني وتسيبني وتمشي كفاااااية مش كل مرة تكسر فيا حاجة وتبعد المرة دي لأ يا صهيب المرة دي انت مش هتمشي فااااااااااهم مش هسمحلك تمشي... هزت راسها بنفي وهى بتكرر الكلمة مش هسمحلك!! سكتت لحظة خدت نفسها بصعوبة ودموعها ڠرقت وشها اتنهدت تنهيدة تقيلة مليانة ۏجع وقهر وكملت بصوت بيرتعش انا عارفة ومتأكدة انك عمرك ما حبتني زى ما حبيتك ولا عايزني ف حياتك ماااااشي مش مهم خالص سبتني مقهورة ومچروحة ومشيت فضلت شهوووور عايشة ف چحيم وجعك وكسرة قلبي وأيه يعني!! عاااادي ما جاتش عليك ما انا اتعودت خلااااص بس في طفل برة عمره كام اسبوع محتاجلك محتاج يكبر ف حضڼ ابووووه عشان ما يترباش يتيم سامعنيييي لازم تفووووووق لاااااااااااااازم... فضلت تصرخ باڼهيار صوتها كان مليان رجاء وۏجع كأنها بتحاول ترجعه للواقع بكلامها عينيها كانت متثبتة عليه وإيديها بترتعش وهي بتضغط ع إيده بتتمسك بيه عشان ما يروحش منها رجعت تاني قعدت ع ركبتها نفس قعدتها الأولانية بس المرة دي كانت مکسورة أكتر حطت راسها ع إيده شهقاتها كانت بتطلع من جوة قلبها كأنها پتنزف بدل الدموع ډم كانت بتترجاه ب بكاها حتى برجفة نفسها اللي بيحاوطه حتى بسكوتها اللي كان أوجع من صړاخها حست كأن العالم كله بقى بعيد ومافيش حد موجود غيره هو.. وهو مش بيرد مش بيطمنها حست كأنها بټغرق لوحدها ف بحر من الخۏف والۏجع مستنية أي معجزة ترجعهولها قبل ما يفوت الأوان. برة العناية سامية قربت من فاطمة شالت منها صهيل بحنان وهى حاسة ان قلبها بيتنفض من فرحته بعد ما سمعت من عمران وفهمت كل حاجة عيونها فضلت متعلقة بالبيبي تتأمل ملامحه اللى نسخة طبق الأصل من صهيب دموعها نزلت ڠصب عنها من غير ما تحس بصت ل عادل وبنبرة كلها فرح شقت حزن قلبها شوفت يا عادل! ربنا كريم وأحن منه مافيش عوضنا بحفيد من صلبنا بدل... وسكتت ما قدرتش تكمل الكلمة اخدت نفسها براحة وضمت صهيل ف حضنها عايزة تخبيه جوة ضلوعها من الدنيا كلها باست جبينه بحنية وبعدها رفعت عينها ل عادل مرة تانية وبنبرة انبهار كله صهيب وهو ف سنه... ولفت وشها ل عمران وفاطمة صوتها كله قلق واستفهام بس هو ليه صغير وضعيف كدا عمران هز راسه بحزن وهو قاعد ساند ع العصاية رفع عينه ليها وبنبرة صوت مبحوح سبيل من يوم ما سافرت من هنا وهى عيانة يا سامية كل واحد فيكم كان ملهي ف حاله وماحدش حس بيها قعدت 3 شهور ف غيبوبة بين الحياة والمۏت الدكاترة كانوا فاقدين الأمل وكل يوم يقولولي استعد لخبر مۏتها وكنت اصلي وادعي ربنا ينجيها... دموعه نزلت ڠصب عنه قدام ولاده وأحفاده ما بقاش قادر يمنعها وكمل بصوت مهزوز فضلت قاعد قصادها ف المستشفى مش برجع البيت مستني اللحظة اللى يقولولي حفيدتك فاقت... وبص ل شهاب يكمل عنه لانه بيتعب كل ما يفتكر الأيام دي وبنبرة كلها تعب وحزن اقولهم يا شهاب اختك كانت عاملة ازاى! شهاب قرب من جده طبطب ع ايده وباس راسه بحنية وبعدها رفع عينه ل سامية وعادل وعلي وصوته طلع مبحوح من كتر الۏجع الاربع شهور دول مروا علينا كأنهم سنين شوفنا فيهم المۏت بعنينا الاول جدي وقع من طوله من كتر الضغط والخۏف ع سبيل وبعدها دخلت ف الغيبوبة ولما عرفنا انها حامل كان الخۏف عليها أكبر بكتير.. أخد نفسه بصعوبة واتنهد تنهيدة مليانة حزن وكمل جدي صمم ما يرجعش غير لما تفوق ويطمن عليها وبعدها رجعنا وما عداش شهرين تلاتة وجدتي قررت تسافر لها عشان تكون معاها وهى بتولد بس بسبب كل اللى حصل وضغوط الفترة الأخيرة بالأخص بعد ما كشفت للكل حقيقة نرمين وسها ما استحملتش وولدت ف السابع. علي بص ل شهاب بذهول وعقله مش مستوعب اللى بيسمعه يعني انت عايز تقول ان بنتى هى اللى كانت بتبعت لنا الرسايل! طب ازاى! عرفت ازاى! شهاب قرب من عمه ونبرة صوته طالعة بهدوء وحسم ايوا يا عمي هي هي اللى كشفتهم اصلا من الاول. عادل كان قاعد حاسس انه تايه مش فاهم حاجة من كل اللي بيسمعه دماغه مش مستوعبة الكلام ده برضو ازاى! وايه اللى خلاها اصلا تدور وراهم فجأة كدا! شهاب اخد نفس وخرجه ببطء وبنبرة كلها ثبات مش فجأة ولا حاجة يا بابا الموضوع بدأ بفضفضة بنات بينها وبين شاهي كلمتها واشتكت لها من هاني وسبيل يومها وعدتها انها هتدور وراه وتفهم ايه اللي غيره من ناحيتها وطبعا اتفقت مع ناس ليها ف كل خړابة عفريت ودفعت لهم فلوس عشان يجيبولها قرار سي زفت هاني وعن طريقه عرفت كل بلاوي نرمين وسها وبالمناسبة جدي ما عرفش حاجة غير اليوم اللى سافر فيه اللى هو كان نفس اليوم اللى ابتدت الحقيقة تنكشف قدام عينيكم وانا برضو ما عرفتش غير لما اتصلت بيا عشان اخد البنات اخبيهم قبل ما هاني يخف شاهندة ويساوم عليها... بص ل علي بجدية وهو بيكمل وبالمناسبة يا عمي حتة خف يمنى كان الهدف منها انها توقع هاني ونرمين ف بعض لما عرفت انهم كانوا بيخططوا ل قل صهيب ويورطوك ف قضية تهريب كبيرة. سامية صړخت پخوف وقلبها وقع ف رجليها يا لهوي!! ابني! عشان كدا اخوك كان بيهزي ويقول سبيل نجته من المۏت شهاب قرب منها مسك إيديها بحنان وباس ع راسها عشان يطمنها ايوا يا ماما واطمني يا ست الكل كل حاجة خلاص بقت تمام بفضل ربنا ثم سبيل اللى رغم الۏجع اللى كلنا سببناهولها بس حبها للعيلة دى وبالذات ل صهيب خلاها تعمل كل ده مع انها ماكنتش ناوية ترجع وما كانتش عايزاكم تعرفوا حاجة بس مش دايما الدنيا بتمشي زى ما احنا عايزين. علي وعادل قعدوا كل واحد فيهم تايه ف دوامة أفكاره عقلهم مش قادر يستوعب اللي سمعوه علي جواه حاجة بتصرخ مش قادر يصدق إن بنته اللي ۏجعها واهملها بسبب نرمين بتحبه وپتخاف عليه بالشكل ده أما عادل فكان جواه إحساس غريب فخور بتربيته ليها وعارف إنها أقوى من أى ازمة ومافيش حاجة تكسرها لكن قلبه واجعه بيتمنى إن صهيب يفوق ويقدر يخليها تسامحه وما تسافرش تاني! جوة العناية صهيب فتح عينيه وابتسم رغم الدموع اللى كانت بتنزل ڠصب عنه لف بوشه ناحيتها شافها ډافنة وشها ف ايده قلبه دق پعنف بين ضلوعه وهو بيفتكر كل كلمة قالتهاله ورجع بذاكرته شوية ورا قبل يومين من اللحظة دي. فلاش باك شهاب دخل العناية يطمن ع صهيب دقيقة ويخرج وقاعد بيتكلم معاه عشان يخليه يفوق من اللى هو فيه فجأة سمع صوت صهيب وهو بينده ع سبيل قرب منه اكتر وبنبرة ممزوجة بالفرحة والقلق صهيب انت فوقت يا حبيب أخوك ارجوك اتكلم تاني سمعني صوتك. صهيب خد نفسه بصعوبة وصوته خرج ضعيف واهن انا كويس يا شهاب ما تقلقش. شهاب بسعادة اترسمت ع ملامحه ونبرة صوته حمدلله ع سلامتك يا حبيبى كدا تخضنا عليك صهيب سبيل عرفت يا شهاب شهاب معرفش يا صهيب بس أكيد عرفت من عفاريتها اللي طلقاهم وراك من اول ما جيت هنا. صهيب همس بحزن عرفت وما جاتش يا شهاب ولا حتى اتصلت تسأل عليا خلصت مهمتها خلاص وهتنساني شهاب مين قال كدا بس سبيل عمرها ما تنساك يا صهيب دي بتعشق التراب اللي بتمشي عليه هى بس أكيد عندها سبب أخرها عنك مش اكتر. صهيب لأ يا شهاب هي مش عايزة ترجع ما هو طبيعي ما تجيش بعد كل اللي عملته فيها ياريتني اموت وارتاح من كل العڈاب ده. شهاب پخوف بعد الشړ عليك يا حبيب اخوك ربنا ما يحرمناش منك ابدا ما تقلقش سبيل بتحبك وهتسامحك وف اى لحظة ممكن تلاقيها داخلة عليك وبتقولك انها مسامحاك. صهيب سبيل عنيدة زيي يا شهاب مش هترجع ولا هتسامح ف حقها. شهاب ابتسم بمكر طيب واللى يخليها ترجع ع ملا وشها! صهيب هعملك اى حاجة تطلبها بس هتخليها ترجع ازاى! شهاب ولا أى حاجة هتفضل زى ما انت ف المستشفى وما تبينش انك فوقت بالعكس زود الجرعة غيب وفوق انده عليها كل شوية وانا اضمنلك يوم والتاني هتلاقيها هنا. صهيب ودى اعملها ازاى دي بقى. شهاب عيب عليك يا هيبو!! ده كنت بطل فريق التمثيل ف الجامعة 4 سنين مش هتعرف تعمل دور صغير زى ده تقنع بيه كل اللى حواليك! عودة للوقت الحالي فاق من شروده وهمس لنفسه وهو بيبتسم ابتسامة خفيفة أخيرا رجعتي بعد ما عذبتيني اليومين اللى فاتوا.. رفع ايده التانية ومسح بيها ع راسها بحنية وهو بيهمس باشتياق وحشتيني اوي يا سوسكتي. سبيل حست بحركة ايده ورفعت وشها پصدمة وذهول قلبها بيخبط جوة صدرها وعينها عليه مش مصدقة انت فوقت! انا شايفة صح! --- ولا انا بيتهيألي! صهيب بص لها بنظرة كلها حب واشتياق وبنبرة دافية متغلفة بالشوق بحبك سبيل حست برعشة ف جسمها وضربات قلبها زادت قامت وقفت فجأة وعينها وسعت پصدمة بتحاول تستوعب اللى سمعته وبنبرة كلها ذهول نعم!! انت قولت ايه دلوقتى! ضحك صهيب ضحكته الرجولية اللى تخف القلب ضحكة فيها راحة بعد التعب ضحكة قلب انزاحت من عليه الغشاوة واعترف باللى جواه قولت بحبك وما بقيتش قادر ع بعدك يا سبيل وبصراحة بقى ما قدرتش اكمل تمثيل أكتر من كدا. سبيل ضيقت عينيها وبصت له بحاجب مرفوع بتحاول تفهم وتستوعب كلامه وفجأة انجرت فيه پغضب صوتها كان زي الرعد هو كل ده كان تمثيييييل انتوا اييييييه ناويين تعملوا فيا اييييييه تااااااني! حرااااااااام عليكم بقى كفااااااااية. لسة هتتحرك من قدامه مسكها بسرعة شدها من إيدها وقعها عليه وبنبرة هادية لكنها مليانة رجاء ممكن تهدي وتسمعيني شدت نفسها منه بقوة ڠضبها كان ڼار بټحرق روحها وهى رايحة ناحية الباب وبنبرة عصبية مش عايزة اسمع منك حاجة. قبل ما تخرج من العناية صهيب رمى كلمته بسرعة عشان يوقفها سبيل ماحدش يعرف حاجة خالص ولا حتى الدكتور. لفت وشها له ببطء ودموعها نازلة زي السيل وجواها إحساسها متلخبط وقلبها بيدق بطريقة بتوجعها صوتها طلع مخڼوق وكله انكسار لدرجة دي انت ممثل بارع! قدرت تقنع الكل انك ف غيبوبة! صهيب اتنهد وهز راسه بالنفي لأ يا سبيل انا فعلا كنت ف غيبوبة بس فوقت من يومين وزعلت أوي لما ما لقتكيش جنبي وبصراحة شهاب اقترح عليا أكمل وما ابينش حاجة عشان الخبر يوصلك وترجعي بسرعة. قربت منه بعيون مليانة ۏجع وهي بتسقف بايديها وبنبرة كلها سخرية لأ برافو عليك نجحت ف الدور يا بشمهندس... وفجأة اڼهارت وصړخت فيه باڼهيار حطت ايدها ع قلبها اللى حست انه هيقف من كتر الۏجع ما انا قعدت 3 شهوووور ف غيبوبة وانت السبب فيهااااا!! وفوقت مالقيتكش جنبي!! وعدت عاااااادى.. قضيت شهور حملي وانا بمووووت ودخلت عملياااااات ف الشهر السااااابع وكنت بين الحياة والمووووت عشان اولد ابنك وبرضو ما كنتش جنبي جرالي اييييييه! أديني واقفة قدامك... بتشاور بايدها ناحية الشباك الإزاز وهى بتصرخ بۏجع وقهر ما فكرش ليييه الاستاذ اللى برة ده انه يبعتلك! هاااا! ولا عشان انت اخووووه اللى ما استحملش يشوفه كام يوم بس زعلان فخطط ودبر عشان يريحه! لكن سبيل!! مش مهم تووووولع مش كداااا! هزت راسها بحزن بعد ما خلصت كلامها وخرجت جري من العناية قربت من سامية اخدت ابنها منها وبصت ل شهاب بنظرة قالت فيها كل حاجة من غير ما تنطق ولا كلمة وسابتهم ف حيرتهم رجعت القصر طلعت اوضتها قفلت ع نفسها ورافضة تكلم أى حد اما شهاب دخل جري عند صهيب وفهم منه اللى حصل كله وبعدها راح للدكتور بلغه ان صهيب فاق وعايز يخرج من المستشفى وبالفعل بعد شوية وقت خرج صهيب ورجع القصر وكل العيلة ما حدش منهم فاهم حاجة مر يومين ع الموقف ده سبيل حابسة نفسها ف اوضتها وصهيب بيحاول معاها هو وشهاب عشان تخرج من الاوضة اما عمران بعد ما عرف اللى عملوه الشباب قاعد ساكت وبيتفرج ومستني يشوف ايه اللي هيحصل. _____________________ ف قصر الشهاوي جناح عمران بعد مرور يومين كمان عمران كان قاعد ف صالون الجناح بتاعه بيقرأ قرآن بصوت هادي والجو كله سکينة وراحة نفسية لحد ما سمع صوت خبط ع الباب أذن بالدخول وبعدها صدق ورفع عينه عن المصحف يشوف مين لقى صهيب وشهاب واقفين قدامه وحاطين عينهم ف الارض زي العيال اللى مستنيين العقاپ من أمهم واضح عليهم الندم والكسوف كأنهم ممسوكين متلبسين بچريمة بص لهم برفعة حاجب وابتسم ابتسامة سخرية وبنبرة تريقة اهلا بخريجين كلية هوليود العالمية خير يا نجم منك له جايين ليه! شهاب بغيظ وهو بيبص ل صهيب وبصوت واطي والنبي يا جدي بقى بلاش تريقة احنا مش ناقصين. عمران ببرود وهو بيحط المصحف ع الترابيزة جنبه وبنفس نبرة صوته يا حبيبى!! بقى تعملوا العملة ومش عايزيني اتريق عليكوا! انطق انت وهو جايين عايزين ايه صهيب قرب منه وقعد ع ركبه عند رجليه وبنبرة رجاء جايين عشان تصالحنا ع سبيل. عمران بص له وضحك كأنه سمع نكتة وبسخرية يا راااااجل!! شهاب قرب منه وقعد جنب صهيب نفس القعدة وبنبرة كلها توسل والنبي يا جدي صالحنا عليها. عمران ابتسم ابتسامة مكر وانا مالي اللى حضر العفريت يصرفه. صهيب بص ل شهاب بغيظ وغل ما هو مش عارف يصرفه. عمران وبيهز راسه باستمتاع خلاص استحملوا أذاه. شهاب بعصبية ونرفزة مرحة يعني مش هتصالحنا عليها عمران هز راسه بلا مبالاة لأ هو انا أه ما انكرش أني اتكيفت باللى عملتوه وعرفتوا ترجعوها بس هقول ايه!! الغباء له ناسه وانتوا ماشاء الله قادة الغباء ف العالم. صهيب قام من الارض قعد ع الكنبة قدام عمران وبنبرة كلها حزن يا جدي بالله عليك ساعدني اصالحها ع الاقل حتى خليها تسمحلي اشوف ابني واعرف ملامحه شكلها ايه عمران بص له بخبث ماليش دعوة اتصرف مش انت ناصح وفالح وبتعرف تخطط انت والمتخلف اخوك! خلاص اتصرفوا. شهاب قرب مسك ايده يحاول يقنعه ما هى يا جدي مش عايزة تفتح لنا الباب وتسمح اننا ندخل نفهمها احنا عملنا كدا ليه!! والنبي ساعدنا بقى. عمران بص ل شهاب برفعة حاجب وبنبرة كلها حدة طب هو جوزها يقف ع بابها ويدخل اوضتها عادي انت تدخل اوضتها ليه متخلف شهاب بارتباك يوه بقى يا جدي اختي وعايز اصالحها اعمل ايه يعني!. عمران كتم ضحكته وبص له بحدة مصطنعة جاااااااااك خوى اما يخوتك قال أختي قال قوم فز ياض اترزع جنب اخوك بدل ما أديك بالعصاية دي ع دماغك!! صهيب اتنهد تنهيدة بحړقة وبنبرة حزن يعنى يا جدي مش هتساعدني اصالحها عمران اتنهد وبص له بعتاب مرح بقى يا أغبى خلق الله البنت جات لحد عندك وسمعتك كل اللى نفسك تسمعه وكانت خلاص هتسامحك وتفضل جنبك تقوم تضيع كل اللى عملته بغبااائك وتقولها انك كنت بتمثل طب اهى قلبت عليك وعايزة ترجع فرنسا تاني هتعمل ايه بقى يا فالح! صهيب بشبه إنهيار اعمل ايه يا جدي! صوتها دغدغ مشاعري وخلاني مش ع بعضي وانا ما صدقت انها رجعت ماقدرتش استحمل أكتر من كدا نطيت ع طول وقولتلها كل حاجة. عمران ضحك بصوت عالي وبسخرية يا حبيبي!!! بقى صوتها دغدغ مشاعرك!! لاااا حنين يا واد. شهاب بغيظ وهو بيشاور بايده ما كفاية بقى يا جدي تريقة بالله عليك! من ساعة ما دخلنا وانت واخدنا غسيل ومكوى ما كانتش غلطة دي! عمران وهو بيحاول يكتم ضحكه ومش عارف هو انتوا لسة شوفتوا حاجة يا جوز أغبية! صهيب برجاء وتوسل والنبي يا جدي حلها ابوس ايدك. عمران هز راسه بنفى وهو بيضحك عليهم لأ انا هفضل ساكت وقاعد مكاني بتفرج عليكوا كدا وانتوا الجوز بتلفوا وتدوروا وتتشقلبوا حواليها عشان تصالحوها ياكش تتربوا!! شهاب قام وقف بغيظ طفولي يعني ده أخر كلام ياجدي! عمران بمكر اه أخر كلام ويلا بقى من هنا منك له هنرش ماية. صهيب بص له باستغراب هو انت متأكد انك عمران الشهاوي مش عيل متنكر ف شخصيته! عمران قام وقف وهو بيشاور بعصايته كأنه هيجري وراهم أمشي يا أبن الكلب انت وهو اطلعوا برة جاتكم الهم جوز أغبية. صهيب وشهاب خرجوا جري فعلا برا الجناح وعمران قعد يضحك عليهم من قلبه وجواه فرحان باللي بيحصل لأنه اتفق مع سبيل انها تاخد حقها منهم بالطريقة اللي تعجبها بس ما تسافرش تاني. _____________________ اوضة سبيل ف نفس الوقت سبيل قاعدة ف اوضتها شايلة صهيل بتلاعبه وتتكلم معاه بنبرة كلها انكسار وحسرة عاجبك كدا يا صاصا شوفت بابا بيزعلني كل شوية ازاى! وبتنهيدة ۏجع بتحاول تطرد النغزة اللى ف قلبها كل ما ابتدي اروق واصفى واقول هسامحه يعمل حاجة توجعني ويخليني أغير رأيي. صهيل حرك كفه الصغنن ع وشها وضحك كأنه فاهمها وحاسس بيها. سبيل ابتسمت ابتسامة حزينة ضمته ف حضنها بحنية وباسته ف خده تصدق يا واد يا قمر انت ما حدش مهون عليا ۏجعي غيرك ربنا ما يحرمنيش منك.. سكتت لحظة وبعدين همست بدعوة من قلبها بنبرة موجوعة يارب ريح قلبي الموجوع واجبر كسره.. ف نفس اللحظة علي خبط خبطة خفيفة وفتح الباب ببطء دخل وبصوت ضعيف مهزوز مليان ندم ممكن ادخل اتكلم معاكي شوية! سبيل رفعت راسها بسرعة عشان تشوف أبوها واقف قدامها ملامحه كلها ندم عينيه باين فيها الحسړة بصت له لحظة وبعدها قامت بهدوء وقفت قصاده وسمحت له يدخل وبنبرة كلها حزن وكبرياء مجروح اتفضل حضرتك تحت امرك. علي قرب منها بخطوات بطيئة خاېف تقفل الباب ف وشه وترفض تسمعه وقف قدامها مد ايده يمسكها من كتافها وهى حاضنة ابنها وعيونه بتراقب ملامحها الدبلانة باس جبينها وهمس بنبرة مکسورة سامحيني يا بنتي ع كل ۏجع سببتهولك من صغرك ڠصب عني مشيت ورا الشيطانة نرمين وما قدرتش النعمة اللي ربنا رزقني بيها. سبيل غمضت عينيها بقوة تحاول تمنع دموعها وبصوت مهزوز مليان بۏجع السنين هو سؤال واحد كان نفسي أعرف اجابته طول عمري ليه هنت عليك للدرجة دي! علي بلع ريقه بصعوبة عيونه اتملت دموع وبنبرة صوته مهزوزة عمرك ما هنتي يا بنتي بس الشيطان عماني من كتر الزن ع الودان. سبيل حست ان قلبها بيتعصر جواها وما قدرتش تسيطر ع دموعها اللى غلبتها وجريت زي الشلال ع خدودها وهي بتصرخ فيه بكل ۏجعها ازاااااى! ازاى قدرت تسلم لها ودانك! وع مييييين! ع بنتك! ازااااى قدرت تخليني أتيتم وانت عااااايش ما صعبتش عليك! وانت بتشوف دموعي وانا صغيرة! كل ما أقرب منك وهي بتزقني بعيد عنك كأني عدوتكم ما كنتش بصعب عليييييك لما كنت اطلب منك طلب وترفض تجيبهولي وتخليك تجيب نفس الطلب ف نفس اليوم لعيالها.. رفعت إيدها بعصبية وهى بتشاور ناحية قلبه بصوت مبحوح قلببببك ده ما كانش بيوجعك وانت شايفها وهى بتتعمد توريني انك ما خلفتش غير عيالها هى وبس ايييييه! قد كدا موتت ضميرك.. وقفت لحظة تاخد نفسها وكملت بصوت ضعيف لكن ۏجعها كان واضح ده انا من اول ما عرفت اني حامل اتولد جوايا أحساس بالمسؤولية ناحية ابني وهو كان لسة ف علم الغيييييب انت بقى! بنتك واقفة قدامك لحم ودم ومافيش أى إحساس ناحيتها خااااااالص كدا. علي جسمه ارتعش ورجليه خذلته وقع ع أقرب كرسي وحط ايده تلقائي ع قلبه اللى بيوجعه بص لها وعجز الدنيا كلها ف عينه وهى واقفة قدامه حاضنة ابنها --- بتحاول تسكته بدموع عينيها وكأنها حاضنة روحها بتطبطب عليها صوته خرج ضعيف متكسر سامحيني يا سبيل سامحي أبوكي اللى عرف قيمتك وجايلك ندمان. سبيل اتحركت خطوة لقدام بصت له بعيون مليانة دموع الۏجع اللى مسمع ف قلبها اسامحك ع ايه ولا ايه يا بابااااااا! ع حرماني من حضنك ف عز احتياجي ليك ولا ع التهمة اللى رمتني بيها بالباطل ولا ع حياتي اللى اټدمرت بسبب كدب مراااااتك ولا ع واقفتي قدامك دلوقتي وانا شايلة طفل لحد اللحظة دي أبوه ما يعرفش شكله اييييييه شهقت وصوتها اتحشر ف زورها لكنها كملت ولا اسامحك ع حلم عمري اللى سرقته نرمين عشان تديه ل بنتها وياريتهم صانوووووووه... علي اتنهد تنهيدة تقيلة كأنه شايل جبل ع كتافه بلع ريقه بصعوبة وبنبرة كلها حسرة ياااااه كل ده شايلاه ف قلبك يا سبيل! قد كدا بتكرهيني اتنهدت سبيل بۏجع هزت راسها وبصت له بعيون كلها دموع وبصوت ضعيف عمري ما كرهتك حاولت أكرهك بس ما عرفتش ما هو مافيش بنت پتكره أبوها مهما عمل فيها.. قعدت قدامه وكملت بصوت مهزوز انا بس كانت بتصعب عليا نفسي اوي وانا شايفة أخواتي الصغيرين وانت محاوطهم بحبك واهتمامك وانا متحرم عليا حضنك.. رفعت له عينيها وبنظرة فيها لأول مرة رجاء طفلة صغيرة انا بس كان نفسي تاخدني مرة واحدة ف حضنك مرة واحدة بس حتى لو بالكدب كنت هبقى فرحانة بيها اوى ع الأقل ابقى عرفت يعني ايه طعم حضڼ الأب اللى بيقولوا عليه. علي حبس أنفاسه وهو بيسمعها حس ان كلامها زي الجناجر اللى انغرست ف قلبه يعني ما عرفتيش طعمه ف حضڼ جدك وعمك سبيل ابتسمت بغلب وبنبرة كلها حسرة سألت وجاوبت ع نفسك أديك قولتها بلسانك.. جدي وعمي يعني مش انت يعني مهما حاولوا يشبعوني من حضنهم عمرهم ما هيعوضوا ضمة واحدة بس منك. مد إيده شدها بكل قوته وضمھا ف حضنه لأول مرة من سنين طويلة ضغط عليها كأنه خاېف انها تسيبه وهو بيهمس لها بصوت متكسر من النهاردة ده مكانك ومش هتخرجي منه أبدا يا حبيبة أبوكي. سبيل شهقت جوة حضنه وصوتها خرج مكتوم بين دموعها يااااااااااه قد ايه حضنك حلو اوى يا بابا دافي اوي وحنين والنبي ما تحرمني منه تاني. علي شدد ع ضمته أكتر وهمس لها بنبرة فيها وعد حقيقي عمري ما هحرمك منه أبدا يا حبيبتى طول ما انا عايش اللى باقي من عمري هتفضلي جواه.. حاول يخفف التوتر فابتسم بخفة وصوته طلع بضحكة دافئة حتى الواد صهيب وابنه مش هيقدروا يطلعوكي من حضڼي. ابتسمت سبيل من بين دموعها وسابت نفسها للحضن اللى كانت محرومة منه طول حياتها من غير ما تنطق بكلمة اما علي فضل واقف حاضنها فترة طويلة لحد ما حس ان شهقاتها سكتت ونفسها انتظم عرف انها راحت ف النوم شالها وحطها ع سريرها وغطاها هى وصهيل وقعد جنبها بص لها بتمعن يتأمل ملامحها الباهتة تفاصيل وشها اللي كان دايما بيحاول يتجاهلها لكنه دلوقتي شايفها بوضوح لأول مرة شفايفها المرتعشة عيونها اللي ما بقتش بتلمع زي زمان نظرتها اللي مليانة چروح السنين كانت وردة مفتحة لكنها دبلت من قلة الحنية مد إيده بتردد لمس ايدها بخفة لقاها باردة كأن الډم ما بقاش يجري فيها من كتر الحزن قلبه وجعه وهو بيمسك إيدها بين كفوفه يحاول ينقل لها الإحساس بالأمان اللي حرمها منه زمان همس بصوت متكسر ضعيف بيعترف لنفسه بغلطة عمره أنا ظلمتك يا بنتي وعارف إنى مهما قولت آسف.. ما تكفيش بس... كتم أنفاسه لحظة وبعدها خرجها بتنهيدة طويلة كأنه بيحاول يطرد وجعه ف الهوا بس أنا ندمان وندمان من قلبي يا سبيل. سبيل سمعته وفتحت عينيها ببطء بصت له بنظرة غريبة بتحاول تصدق كلامه بس الخذلان اللي جواها كان لسه أقوى بصوت واهن طالع بنوم ندمان ع إيه بالظبط يا بابا سؤالها وجعه أكتر كأنها طعنته ف قلبه بلع ريقه بصعوبة وكمل بصوت متقطع ندمان ع كل لحظة كنتي محتاجة لي وما لقيتنيش ع كل مرة كنتي بتبصي لي بعشم وأنا كنت ببعد عنك ندمان ع الدموع اللي نزلت من عيونك بسببي وايدي ما كانتش موجودة تمسحها ندمان ع كل حاجة عملتها وحصلت لك من اى حد بسببى. باس جبينها ووقف يتأملها لحظة بعدها خرج بهدوء وسابها تكمل نومها رجع جناحه وبص لنفسه ف المراية شاف ملامحه المرهقة والندم محفور فيها اتنهد تنهيدة طويلة ودخل حمامه اتوضى بماية باردة يغسل بيها ذنوبه لبس هدومه وخرج وقف يصلي ركعتين بخشوع يطلب الغفران ويدعي من قلبه انها تسامحه. بارت ف مجموعة شركات الشهاوي مكتب صهيب تاني يوم صهيب وشهاب دخلوا الشركة وهما مفقوعين من الغيظ بسبب جدهم اللي سايبهم وبيتفرج عليهم ومش راضي يساعدهم ولا عايز يصالحهم ع سبيل ومن سبيل نفسها اللى دايما قافلة السكة ف وشهم ورافضة تديهم فرصة يدافعوا عن نفسهم كانوا ماشيين بخطوات سريعة ووشوشهم مكشرة كأن الڠضب ماليهم من جوة دخلوا مكتب صهيب من غير ما يتكلموا سمر قابلتهم عند الباب مبتسمة كالعادة ونظراتها عارفة طريقها. شهاب لمح نظرتها رايحة فين لمعة عينيها لفتت انتباهه ولمعت ف دماغه فكرة مچنونة وقبل ما يدخلوا لف لها بابتسامة مكر سمر لو سمحتي ممكن تعمليلنا القهوة بنفسك وتجيبيهلنا جوة سمر رمشت بدهشة بس هزت راسها حاضر. أول ما دخلوا صهيب قفل الباب ولف بسرعة ل شهاب عينيه كلها شك وقلق بتفكر ف إيه يا عبقري زمانك! أنا مش مرتاح لك. شهاب ضحك ضحكة فيها خبث وهو بيرفع حواجبه هقولك يا حبيبي بس ما تستعجلش ع رزقك اصبر كدا ثواني وهتفهم كل حاجة. بعد لحظات دخلت سمر وهي شايلة صينية القهوة بحذر عينيها بتلمع وابتسامة خفيفة مرسومة ع وشها كانت لابسة بلوزة ضيقة وبنطلون جينز ضيق بيبرزوا أنوثتها بشكل واضح قربت من صهيب وقفت جنبه لدرجة إن المسافة بينهم بقت شبه معډومة وريحة برفانها وصلت لأنفاس صهيب مسببة له نوع من التوتر مدت إيدها بفنجان القهوة وصوتها طالع ناعم مليان دلع القهوة يا مستر يارب عمايل ايديا تعجبك. شهاب كان ساند بكوعه ع مسند الكرسي بيراقب الموقف بنظرة مكر رفع حاجبه بابتسامة جانبية وبنبرة هادية أكيد هتعجبنا يا سمر هو انتى تعملي حاجة وحشة!! يلا حطي القهوة واطلعي ع مكتبك. سمر اتعدلت ف وقفتها بصت ل شهاب بخجل مصطنع وهمست بصوت واطي حاضر يا مستر. عين شهاب فضلت متابعاها وهي ماشية بخطوات هادية ناحية الباب بتتمايل بخفة أول ما خرجت وقفلت الباب وراها شهاب همس بمشاكسة وهو بيهز راسه بإعجاب يخربيت صواريخك ارض جو يا بنت اللذينا. صهيب كان ماسك أعصابه بالعافية خبط ع المكتب بعصبية صوته كان مليان نرفزة وهو بيبص ل شهاب بحدة ممكن تفهمني بتفكر ف ايه يا زفت انت شهاب اتعدل ف قعدته مسك فنجان القهوة بيشرب منه بتلذذ عينه بتلمع بنفس المكر وبهدوء مستفز يا لهوى ع القهوة وجمالها تسلم ايدك يا سمورة النبي عسل. صهيب جاب أخره صوته علي وهو بيشاور بإيده بنفاذ صبر ولااااا يا تتكلم وتفهمني ايه اللى بيدور ف دماغك الژبالة دى!! يا تاخد قهوتك وتغور ع مكتبك. شهاب بابتسامة هادية مال بجسمه شوية لقدام وحط كوعه ع المكتب وبنبرة هادية اهدى شوية يا عم النرفوز هافهمك. صهيب بتنهدة تقيلة سحب نفس قوي وخرجه بسرعة وبص ل شهاب بنظرة مترقبة ها اتفضل اتكلم. شهاب وهو بيقرب شوية ساب الفنجان وشبك صوابعه ف بعض حطهم ع المكتب وبنبرة جدية بص يا باشا احنا عايزين سبيل تصالحنا تمام! صهيب بحذر عقد حواجبه وسند ضهره ع الكرسي أستر يارب تمام يا اخويا كمل. شهاب بابتسامة جانبية ميل راسه شوية دلوقتي سمر عينها هتطلع عليك يبقى العقل بيقول اييييه صهيب بحذر أكتر ضيق عينه وبص ل شهاب بريبة انا قولت مش مرتاح لك قول يا نابغة بيقول ايه شهاب رجع بضهره سند ع ضهر الكرسي وبنبرة واثقة ما تقلقش امشي ورايا وانت تكسب او تسلم ع الشهدا ايهما اقرب. صهيب بهزة راس مترددة حرك راسه ببطء وعلامات التردد باينة عليه اهو انا مش خاېف غير من مشيي وراك وشكلنا هنسلم ع الشهدا كمل يا اخويا كمل اما نشوف كلام العقل بتاعك ده بيقول ايه. شهاب بيشرح خطته بحماس مال لقدام وعينه بتلمع بالفكرة كلام العقل يا هيبو يا حبيبي بيقول لا يفل الحديد الا الحديد وما يحركش المرأة غير مرأة أكتر منها جرأة وسمر صاروخ وهتجيبلك سبيل ع بوزها راكعة وتقولك مسامحاك يا حبيبي مسامحاك. صهيب بغيظ واضح ضيق بين عينيه ومال بجسمه لقدام وبنبرة مستنكرة بقى سمر صاروخ! طيب!! نسأل كريمة بقى ونشوف رأيها ايه ف الموضوع ده! شهاب بفزع فتح عينيه ع وسعهم ورفع إيديه قدامه كأنه بيصد كلام صهيب لاااااا ابعد عن كرملتي مالكش دعوة بيها انا بقولك اهو. بعدها اتعدل ف قعدته مرة تانية وبيكمل شرح بنفس الحماس اسمع بس وركز معايا انت ما تكشرش ف وش سمر لما تدخل تدلع عليك شوية دلع صغيرين ما يضروش ابقى اعصر ع نفسك لمونة وعديهم. صهيب بحاجب مرفوع وبنبرة استفهام وسخرية وانا هستفيد ايه يا ظريف شهاب بابتسامة واسعة فرد ضهره واتكى ع الكرسي انا اللى هستفيد يا حبيبي. صهيب باندهاش وهو بيحرك صوابعه ع دقنه باستغراب وهتستفيد ايه بقى سيادتك! شهاب وهو بيكمل شرح خطته قرب بكرسيه شوية لقدام وعينه بتلمع بمكر هتصل ب سبيل من رقم تاني عشان تضطر ترد عليا واحكيلها اللى بتعمله سمر معاك وطبعا ما يمنعش أني أزود شوية سبايسي واقولها انك ممكن تضعف طول ما هى راكبة دماغها فأكيد هتصالحني وټعيط لي عشان تخليني امنع المصېبة دي. صهيب عيونه وسعت من الصدمة وقام وقف مرة واحدة كأن فى عقرب لدغه وپصرخة مفاجأة الله أكبر ده احنا كدا هنسلم ع الشهدا رسمي يا فالح سبيل مچنونة وعنادية ومش هتتردد انها تخلص علينا احنا التلاتة قال تعيطلك قال تبقى بتحلم. وبعدها قعد تاني ع الكرسي صدره بيطلع وينزل بسرعة من التوتر مسح عرقه بإيده وصوته خرج متقطع لالالالالالا انا لسة صغير وعندي عيل لسة ماشفتوش عايز اربيه ابعد عني بأفكارك السودة دي وسيبني ف حالي. شهاب قام وقف قرب منه حط إيده ع كتفه بابتسامة بيطمنه يا ابني اسمع مني صدقني سبيل مش هتتعدل وتصالحك غير باللعبة دي. صهيب شال إيد شهاب من ع كتفه بقوة وبص له بحدة ما انا مشيت وراك قبل كدا واديك شوفت وصلنا لفين. شهاب رفع --- ايده بغيظ طوحها ف الهوا وبنبرة فيها تهكم ما هو انت السبب يا فالح لو ما كانش لسانك فلت يا أذكى اخواتك كان زمانك مخاوي الواد اللي مش عارف تشوفه ده وكان زماني خطبت كرملة وبحب فيها رسمي بدل ما انا قاعد بحط لك خطط تصالح بيها المچنونة مراتك. صهيب ضيق عينيه ورفع حاجب واحد وهو بيفكر ف كلام شهاب بعدين رفع ايده وهرش تحت دقنه تفتكر خطتك دي هتجيب نتيجة شهاب مال بجسمه سند إيد ع ضهر كرسي صهيب والتانية ع المكتب وقرب وشه من اخوه شوية وبنبرة ثقة لو سيادتك ما اتغبيتش وعكيت الدنيا هتجيب نتيجة. صهيب اتنهد تنهيدة طويلة وعينيه مليانة قلق وبنبرة متوترة موافق وأمري لله وربنا يستر. شهاب ابتسم ابتسامة جانبية واتعدل ف وقفته بهدوء رايح مكتبه وقبل ما يخرج لف ل صهيب وبخبث علم وجاري التنفيذ اشوفك ف المشرحة يا حبيبي. خلص شهاب كلمته ولمح نظرة الڠضب اللي اشتعلت ف عيون صهيب فطلع يجري برا المكتب بسرعة قبل ما يلحقه أما صهيب فضل قاعد مكانه حاسس بقلق بيزيد جواه من تنفيذ خطة أخوه وخاېف تيجي بالعكس زي الخطة اللي قبلها وتروح منه سبيل للأبد وما يعرفش يرجعها تاني. _________________ ف مكتب شهاب خرج شهاب من مكتب صهيب راح مكتبه وهو بيفكر هيكلم سبيل ازاى وصل المكتب وشاف كريمة قاعدة بتلم ف الملفات وبترتب الاوراق اللى هيشتغل عليها طول اليوم وقف مكانه قلبه بيدق بقوة كأنه هيخرج من بين ضلوعه ويجري عليها يقولها كل اللى مخبيه من زمان قرب ناحية مكتبها وقف قدامها من غير ولا كلمة بس عينيه كانت بتتكلم بداله. كريمة كانت حاسة بيه قبل حتى ما يدخل ولما شافته واقف قدامها سكتت لحظة واتوترت وقامت تقف ع طول وبصت له بتوتر صباح الخير يا مستر شهاب. شهاب ما زال واقف ساكت بس عينيه فيها كلام مالوش آخر وابتسامته كانت هادية وصافية بس بيحاول يداري اللي جواه. كريمة حست بالتوتر اكتر من نظراته وحاولت تتكلم صوتها خرج مبحوح وهى بتسأله تحب ابعت القهوة حالا ولا استنى شوية. شهاب بص لها شوية وبعدين بكل هدوء تقبلي تتجوزيني كريمة غمضت عينيها ثانية وهزت راسها زي اللي بيحاول يصحى من حلم وبعدين فتحتهم وهى مش مصدقة اللى سمعته وبتحاول تستوعب كلامه بصت له باستغراب حضرتك قولت ايه شهاب مال بجسمه وسند بايده ع المكتب قرب منها شوية وهمس بقولك بحبك وعايز ادخل البيت من بابه واتجوزك قولتي ايه هتوافقي كريمة حست إنها هتقع اتحدفت ع الكرسي وعيونها وسعت من الذهول ها! .. بلعت ريقها بصعوبة وبصت له وضربات قلبها بتزيد لدرجة انها سامعاها انت بتتكلم بجد ولا بتهزر شهاب قعد ع الكرسي قدامها سكت لحظة و هو باصص لها وبعدها لف عينه بعيد عنها وبنبرة كلها صدق هو الكلام ده في هزار يا كريمة! انا خلاص ما بقيتش قادر اصبر أكتر من كدا قولتي ايه بقى موافقة ولا لأ ولا يمكن يكون فى حد ف حياتك كريمة ردت بسرعة صوتها متلخبط ابدا والله ما فيش ف حياتي غي... سكتت لحظة وغيرت كلامها ف ثواني من غير ما تكمله بس اوافق ازاى انت فين وانا فين شهاب ابتسم بهدوء كريمة كلنا ولاد تسعة لا فضل ل عربي ع أعجمي إلا بالتقوى صح ولا ايه كريمة بصت له بتوهان وهي لسة مش مصدقة اللى سمعته بس... شهاب شاف اللى ف عينيها وفهم اللى بيدور ف راسها وجاوبها قبل ما تتكلم قصدك جدي وبابا كريمة هزت راسها بقلق أيوة شهاب بنبرة ثقة ما تقلقيش انا كلمتهم وموافقين. كريمة شهقت پصدمة وبصوت واطيايه!! يعني قولتلهم ايه! وقالولك ايه! ضحك شهاب واتكلم بحماس انتي بقى عايزة تعرفي التفاصيل ماشي يا ستي اسمعي... وابتدا يحكي اللى حصل بالتفصيل. فلاش باك شهاب بعد ما رجع مع جده وجدته من فرنسا استغل الوقت اللى الكل متجمعين فيه وبيطمنوهم ع البنات وبيحكولهم عملوا كدا ليه بملامح مبتسمة ونبرة هادية بص ل عمران وعادل طيب بما أنكم متجمعين عايز اقولكم حاجة. عمران بص له بهدوء وقرأ ف عينه اللى عايز يقوله بس مارضيش يسبق الاحداث وبنبرة حنونة عايز تقول ايه يا شهاب شهاب ابتسم وبص ف الارض بصراحة يا جدي انا عايز اتجوز. عادل بص له بحاجب مرفوع تتجوز مرة واحدة مش المفروض تخطب الاول. شهاب ايوة يا بابا يعني المفروض اعمل ايه يعني مش فاهم هو انا لازم اعمل مقدمات عمران بسعادة لا يا حبيب جدك مش محتاجين مقدمات ادخل ف الموضوع ع طول وقول مين العروسة! شهاب كريمة مديرة مكتبي سامية باستغراب كريمة يا شهاب! عمران بص ل سامية بهدوء ومالها كريمة يا سامية!! بنت ممتازة ليها سنين ف الشركة والكل يشهد بأخلاقها. شهاب فعلا يا جدي ليها معايا 5 سنين وبصراحة كنت متابعها وسألت عليها وع أهلها لاقيتهم ناس محترمين جدا جدا. عادل ده انت مظبط أمورك اهو وعامل حسابك لكل حاجة سامية بعصبية ل عمران كفاية يا بابا اللى جالنا من الشركة ومواظفينها ما عنديش استعداد ابني يعيش نفس اللى عاشه علي. عمران بحكمة كريمة غير نرمين يا سامية انا اعرف ابوها معرفة شخصية وعارف الراجل مربي ولاده ازاى ما تقلقيش سامية باستسلام خلاص يا بابا طالما انت عارفهم يبقى ع بركة الله عودة للوقت الحالي كريمة قاعدة قدامه مش مصدقة اللي بتسمعه بس جواها فرحة كانت بتكبر لحظة بعد لحظة. شهاب لاحظ لمعة عينيها وملامح وشها اللى اتكست بحمرة الخجل فمال ناحيتها بنبرة دافية مليانة أمل نقول مبروك ولا ايه كريمة بصت له ثواني ونزلت عينها تاني ع المكتب وصدرها طالع نازل جسمها كله بيرتعش وصوتها طلع مهزوز من التوتر اديني فرصة أفكر. شهاب وقف بسرعة وهو مبسوط والفرحة باينة عليه ومال بجسمه ع المكتب وبنبرة كلها جنان ما عنديش حريم تفكر قولي للحاج اني جاى انا والعيلة أخر الاسبوع ومعايا المأذون ماعندناش وقت نضيعه. كريمة بصت له باستغراب الهوا بقى تقيل حواليها قلبها بيخبط ف ضلوعها من فرحتها والدنيا كلها بتلف بيها مأذون ع طول كدا! شهاب غمض عينه وهز راسه بكل يقين ايوة ما فيش وقت. كريمة حاولت تعترض بس... شهاب قطع عليها الطريق قبل ما تكمل وبنبرة صوت واثقة تؤتؤ مابسش الاعتراض مرفوض يا كرملتي. غمز لها غمزة سريعة قبل ما يتعدل وياخد خطوته ناحية مكتبه قاصد يوترها بزيادة ولما وصل لبابه لف لها تاني وبص لها بابتسامة عايز قهوتي اللى ادمنتها من ايدك يا حبيبى قبل ما ابتدي شغل. سابها ودخل أما هي فضلت قاعدة مكانها مش قادرة تتحرك ولا حتى قادرة تاخد نفسها كويس الحلم اللي كانت مستنياه كل ليلة فجأة بقى قدامها بقى حقيقة حطت إيدها ع قلبها اللي كان هيقف من كتر الفرحة بتحاول تهديه بس دقاته كانت بتسبقها كأنه بيغني من السعادة. ______________________ ف قصر الشهاوي اوضة سبيل صهيب كان راجع من الشركة وطالع السلالم بخطوات سريعة والتعب باين عليه أول ما وصل للدور اللى فيه اوضته شاف هدية قدامه ماسكة كوباية عصير وبتقرب من أوضة سبيل قرب منها بسرعة ولقاها هتمد إيدها تخبط استغل اللحظة ووقف جنبها وبنبرة كلها استعجال ولهفة هدية هاتي العصير ده انا هدخله بس خبطي الاول واستني لما ترد عليكي. هدية بصت له باستغراب وحاولت تداري ابتسامتها وبنبرة هادية حاضر يا بشمهندس... بعدها خبطت ع الباب خبطة خفيفة وفضلت واقفة لحد ما سمعت صوت سبيل من جوة. سبيل كانت قافلة الباب بالمفتاح وقاعدة بترضع ابنها سمعت الخبط وبهدوء مين هدية بابتسامة خفيفة انا هدية يا هانم. سبيل لحظة واحدة يا هدية. هدية امرك يا هانم. صهيب مد إيده وخد منها الكوباية بسرعة وشاور لها تنزل من غير ما تنطق هدية فهمت وسابت المكان بهدوء وصهيب فضل واقف قدام الباب قلبه بيخبط ف صدره بيعد الثواني لحظات وسمع صوت تكة المفتاح وكل خلية ف جسمه اتوترت. جوة سبيل نيمت صهيل ف سريره ورايحة ناحية باب الحمام قربت فتحت باب الأوضة وبصوت عالي شوية ادخلي يا هدية حطي العصير عندك وخلي بالك من صاصا لحد ما اخد شاور واطلع. صهيب دخل الأوضة بخطوات بطيئة قلبه بيرقص جوة صدره مش مصدق إن اللحظة اللى مستنيها جات حط العصير بهدوء ع الكومود وقرب من سرير صهيل ما كانش قادر يبعد عينه عنه دي أول مرة يشوفه مد إيده شاله بحنان وضمھ لحضنه بقوة ودموعه نزلت من غير ما يحس كان فيه حاجة جواه بتتكسر وحاجة تانية بتتبني من جديد حس فعلا إن ربنا عوضه عن ياسين وعوضه عن كل الۏجع اللى عاشه حس بفرحة مختلفة كأن دي أول مرة يعيش فيها إحساس الأب بجد باسه ف جبينه بحنية ودموع أب مشتاق وهمس بصوت متقطع من التأثر حبيب بابا انت عارفني انا بابا بابا صهيب قول بابا كدا!! فجأة صهيل عيط بصوت واطي صهيب اتخض قلبه وقع ف رجليه خد نفس قوي وبدأ يهز فيه ويهدهده بشويش وهو بيقربه من صدره كأن حضنه هو الأمان الوحيد وبدأ يغنيله بصوت حنون دافي فيه نغمة أبوية مكسوفة ومليانة مشاعر ماما زمانها جاية جاية بعد شوية جايبة عشاننا حاجات جايبة معاها قلب كبير مليان حب وحنية وشوية حوارات.. صهيب كان بيهز صهيل بخفة بين إيده صباعه بيعدي ع خد ابنه بحنية وهو بيكمل عارف الواد اللى اسمه صهيل ليه بابا هيتجنن عليه علشان مامته الحلوة سبيل مخبياه بعيد عن عينيه جه بابا استغل غيابها وقام شاله بين ايديه راح مديله بوووووسة كبييييرة.. ضحكته كانت خجولة ودموعه نازلة وصوته بدأ يعلى شوية وهوا بيغني عارف اداله البوسة ليه علشان حبيب بابا ضحكله بعينيه.. صهيل بدأ يهدى شوية وصهيب حس بقلبه بيحن أكتر وأكتر لدرجة إنه نسى الدنيا حواليه وفضل يغني ماما زمانها جاية جاية بعد شوية جايبة عشاننا حاجات جايبة معاها قلب كبير مليان حب وحنية وشوية حوارات.. صوته وطي شوية وبنغمة فيها ۏجع مكتوم وبابا صهيب برضو ده هو عارف ماما ليه مخصماه كان تملي متجاهلها وما يعرفش انها حباه وف يوم سابها تبعد عنه بس عينيها كانت حرساه راحت الڼار مشعللة قلبه وبرضو ماما لسة مخصماااااااه. وفجأة باب الحمام اتفتح سبيل خرجت وشعرها مبلول ولابسة روب الحمام ومش متخيلة أبدا تشوف المنظر ده صهيب قاعد ع السرير ماسك ابنها ف حضنه وبيغنيله! صړخت من الصدمة وعيونها وعت من العصبية انت ايه اللى دخلك هنااااا امشي اطلع برة. صهيب لف ناحيتها ببطء كأنه متوقع رد فعلها رفع حاجبه وبابتسامة كلها عناد لأ مش طالع. سبيل بعصبية وعينيها بتبرق بالڠضب اطلع --- برة يا صهيب بقولك أحسن لك. صهيب قاعد مكانه بيبص لها ببرود أعصاب مستفز مش طالع واعتقد مافيش حد يقدر يمنعني ادخل اوضة مراتي وابني سبيل بصوت أعلى ونبرة متحدية أطلع برة الاوضة بقولك وبطل برودك ده. صهيب بنفس بروده رفع ايده بيحط صباعه ع بقه وهمس بهدوء شديد هششش وطي صوتك ده انا ما صدقت نيمت الواد. سبيل عيونها وعت Nار ودبدبت برجليها ف الأرض بعصبية وصوتها بقى عالي أكتر وهي بتصرخ فيه أمشي اطلع برة يا بااااااارد صهيب راح نيم صهيل ف سريره وبص لها بنظرة كلها تحدي وبنبرة فيها دلع ساخر ولو ما طلعتش يا سوسكتي هتعملي ايه سبيل فهمت انه بيتحداها رفعت حاجبها وكأنها قبلت التحدي وبصوت مليان غيظ هصوت والم عليك كل اللى ف القصر. ضحكة باردة خرجت من بين شفايفه وبمنتهى البرود قلع الجزمة وقعد فرد رجليه ع السرير وسند ضهره وحط إيديه الاتنين ورا راسه وبص لها بابتسامة فيها استفزاز ېحرق الډم ان كدا ماشي صوتي براحتك يا حياتي وريني هيطلعوني ازاى!! سبيل بصت له بمكر وبنفس بروده المستفز بس كدا حاااااااضر طلبتها ونولتها يا حبيبي... قربت بخطوات هادية من باب الأوضة وفجأة مدت إيديها نكشت شعرها وبهدلت هدومها كأنها لسه طالعة من خناقة فتحت الباب بسرعة ورجعت ل صهيب مسكته من رقبته ووقفته بالعافية قدام الباب وصړخت بأعلى صوت عندها كأن الدنيا قامت وما قعدتش جدووووووو يا جدووووو ألحقني يا باباااااا حرااااااام عليك يا صهيب تعمل فيا كدا الحقوووووني يا ناااااس عايز يموتنييييييي كدااااا ده انا ام ابنك يا ظااااااالم ااااااااه الحقني يا جدوووووووو. صهيب اتجمد مكانه الصدمة شلت عقله ومش قادر يصدق اللي هى بتعمله حط إيده ع بقها وهو بيحاول يسكتها يا بنت المچنونة! اسكتي يخربيتك هتوديني ف داهية. فجأة الدنيا اتقلبت وف ثواني عمران وكل العيلة كانوا جوة الأوضة وشافوا صهيب وهو بيحاول يكتم صوتها عشان تسكت. عمران وشه اتقلب ملامحه اتملت ڠضب وصوته طلع عالي وحاد صهييييييب ايه اللى انت بتعمله ده سبيل جريت عليه واترمت ف حضنه وهي بتمثل إنها مصډومة وبصوت مكسور الحقني يا جدو بېتهجم عليا وكان عايز.... مش قادرة اقولها. صهيب وقف مش مصدق اللى حصل عينه بتلف ع وشوشهم ولسانه مربوط مش عارف يبدأ منين وفجأة انجر فيها بصوت عالي هو انا جيت جنبك يا بت انتي! عمران بص ف عينه وملامحه كانت متلخبطة شكله حاسس إن فيه حاجة مش مظبوطة وقرب من ودن سبيل وهمس بهدوء بذمتك هو اټهجم عليكي! ولا دى حركة من حركاتك سبيل وهى لسة جوة حضنه بنفس الهمس وبابتسامة شقية بصراحة هى حركة بس اعمل ايه يا جدو هو اللى استفزني. عمران كتم ضحكته بالعافية وقرب منها أكتر وهو بيهمس بإعجاب صحيح إن كيدكن عظيم. سبيل وهى بتحاول تكتم ضحكتها جوة حضڼ جدها همست طب يلا اتصرف بقى وخليه يطلع برة. عمران اخد نفس قوي وعدل نبرته ورفع عينه پغضب مصطنع ل صهيب وبنبرة عصبية بقى انت يطلع منك كل ده! وانا اللى قولت عليك خلاص عقلت ومش هتكررها تاني!! صهيب بص ل عمران بذهول وصوته طالع محتار أكرر ايه يا جدي! هي قالتلك ايه بالظبط! عمران بص له بحدة وهو رافع حاجبه ونبرته كانت كلها استهجان هتكون قالت ايه يعني! شكلها واضح مش محتاج شرح يا بشمهندس يا محترم. عادل بص ل صهيب باستغراب وصوته طالع مهزوز انت عملت ايه يا ابني صهيب اتنهد بضيق ونبرة صوته كلها غيظ يا بابا صدقني ما عملتش حاجة كل الحكاية اني دخلت اشوف ابني اللي حرماني منه من وقت ما رجعت أجرمت يعني ولا أجرمت! قامت صړخت بالشكل ده. عمران برفعة حاجب وسخرية واضحة ف صوته ليه كانت مچنونة! وبعدين ابنك ده اللي انت عايز تشوفه جه أزاى! مش جه بنفس الطريقة يااااا صهيب باشا.. وبعدها بص لكل اللي ف الاوضة وشاور بإيده اتفضلوا اطلعوا كلكم برة وانا هحل الموضوع ده. علي بعصبية حاول يعترض بس يا بابا ... عمران قاطعه بصوت حاسم وحاد قولت اطلعوا كلكم برة يا علي يلاااااااا. وفعلا الكل بدأ يخرج من الأوضة وصهيب كان أول واحد وهو بيعدي جنبها شافها بتطلع له لسانها من بين دراعات جدها وبتغيظه وقف لحظة وبص ل جده بغيظ واضح وبنبرة متعصبة شايف يا جدي عمايلها! يعني اتبلت عليا وكمان بتطلع لي لسانها عمران بصله بحدة ونبرته كلها توبيخ مش عيب عليك يا بشمهندس! واقف تشتكي زى العيال الصغيرين كدا اتفضل يلا ع اوضتك. صهيب اتنهد بزهق يوووووه بقى حاضر يا جدي .. ورمى جملة وهو بيبص ل سبيل بغيظ واضح صبرك عليا يا بنت علي. وفعلا لف وخرج من الأوضة وخطواته تقيلة واره مولعة باين عليه الغليان اما باقي العيلة مشيت وراه ونزلوا ع السفرة. عمران طلع سبيل من حضنه بهدوء وضحكته طلعت عالية رجت الاوضة يخربيت شيطانك يا بت قولتلك اتقلي شوية مش تلبسيه مصېبة!. سبيل ضحكت معاه وعينيها بتلمع بشقاوة ومن بين ضحكها اعمل ايه يا جدو مش هو اللى استغل هدية ودخل الاوضة بدلها يلا ابن حلال ويستاهل اللى جراله. عمران هز راسه وهو لسه بيضحك طب يلا يا مچنونة هاتي ابنك وانزلي عشان انا جعان وزمان الغدا بيجهز ع السفرة. سبيل غمزت له بدلع وشقاوة أمرك يا عسل انزل انت وانا شوية ونازلة وراك. وفعلا عمران سابها ونزل وبعد كام دقيقة خرجت سبيل من الأوضة وهي شايلة صهيل ف حضنها ماشية بخفة ونظرة انتصار مرسومة ع وشها وأول ما طلعت من الأوضة لمحت صهيب هو كمان خارج ف نفس اللحظة بصت له وعينيها فيها لمعة مكر وابتدت تغني بصوت خاڤت بس واضح أنا مش مبيناله أنا ناوياله على إيه ساكتة ومستحلفاله ومش قايلاله ساكتة ليه خليه يشوف بعنيه إيه اللي ناوية عليه هخليه ېخاف من خياله لما أغيب يوم عن عينيه. صهيب وقف لحظة وبص لها بغيظ والشرار بيطير من عينيه سابها ونزل بسرعة خد السلم جري من كتر القهر اللي حاسس بيه اما هي انجرت ف الضحك قهقهتها كانت عالية ومجلجلة لدرجة إن صوتها وصل له وهو نازل خلى الډم يغلي ف عروقه أكتر زاد غيظه أضعاف ف اللحظة دي حسم أمره خطة شهاب لازم تتنفذ وأول ما يروح الشركة تاني يوم هيبدأ ف تنفيذها. البارت الأخير ف جنينة القصر بعد الغدا كان الجو حلو وعمران طلب انه يشرب قهوته ف الجنينة والكل شجع فكرته وطلعوا قعدوا برة الرجالة والشباب أخدوا جنب يتكلموا فيه ف امور المجموعة والستات والبنات أخدوا جنب تاني وسبيل كانت قاعدة وسط البنات بتضحك وتهزر معاهم وكل شوية عينيها تروح ع صهيب تغيظه وهى بتلاعب صهيل من غير ما حد ياخد باله. سامية انتبهت بعد شوية وقت ل تصرفات سبيل ولاحظت صوت ضحكها العالي وملامح صهيب المتضايقة مسكتها من ودانها بحنية وبنبرة تعنيف ساخر وبعدين معاكي يا بت انتى! مش هتبطلي عمايلك دي سبيل حطت إيدها ع ايد سامية وبضحك أى أى ودني يا ماما هو انا عملت ايه يعنى سامية سابت ودنها وبصت لها بحدة خفيفة وبرفعة حاجب عيني ف عينك كدا بقى بذمتك انتى ما عملتيش حاجة سبيل ضحكت بمكر وعينها ع صهيب اللى هيفرقع من الغيظ وبهدوء لأ بقى طالما ذممتيني يبقى عملت. سامية بغيظ مصطنع يبقى أكيد صريخك فوق ده كان مقلب من مقالبك صح! سبيل قامت وهى بتحط صهيل بين ايدين سامية بصوت مليان دلع ومرح وهى بترقص لها حواجبها أبنك عايز يتربى يا سمسمة وشكلك كدا انشغلتي مع دولا ونسيتي تربيه قولت أربيهولك انا. سامية بضحك وهى بتهز راسها والله ما في حد محتاج يتربى غيرك يا بنت علي. سبيل وهى داخلة جوة القصر حدفت لها بوسة ف الهوا وبدلع وماله ياقمر هو انا اطول أهو أتربى من جديد ع ايدك يا سمسمتي. ف الجنب التاني ف نفس الوقت شهاب كان قاعد ملاحظ نرفزة صهيب وبص له باستغراب ابتسم ونبرة صوته فيها قلق مالك يا هيبو مدخن ليه كدا نادر بص ل شهاب بسرعة وهو بيضحك بسخرية اما فاتتك حتة حفلة يا شهبوب توووحفة. شهاب عيونه وسعت من الفضول حفلة ايه دي ياض أحكيلي حصل ايه! نادر بيشاور ع صهيب وبيضحك سبيل دلعت أخوك أخر دلع هو انت مش شايف شكله ولا ايه! شهاب انجر ضحك وهو بيبص ل صهيب بنظرة مستفزة واضح يا نادورة ان اختك ظبطته ع الآخررررر. صهيب قاعد متغاظ من حركات سبيل كل ضحكة منها كانت بتولع ڼار جواه حاسس انه عايز يقوم يكسر دماغها قام فجأة وصړخ فيهم بغيظ احترموا نفسكوا انتوا الاتنين بدل ما اخلص عليكوا وعليها ف ساعة واحدة وارتاح منكم. عمران كاتم ضحكه بالعافية لكنه عقد حواجبه وكشر وصړخ فيه بحدة مصطنعة من امتى صوتك بيعلى وانا قاعد يا صهيب اترزع واقعد مكانك وانت ساكت. صهيب بص ل عمران بعصبية وعينيه بتطق شرار يا جدي انت مش شايف يعني! ولا تكون صدقت اللى هى قالته ده عمران بنبرة هادية بس حازمة عارف انك ما عملتش حاجة بس انت بغشوميتك مسكتها عليك واحدة وزى ما سمعت كلام المتخلف أخوك ومثلت عليها هى كمان مثلت عليك ولبستك ف حيط يبقى العقل بيقول اييييه صهيب اڼفجر مش قادر يسيطر ع غضبه صړخ وهو بيطوح إيده ف الهوا يوووووه بقى يخربيت العقل وكلامه مش كل شوية حد يزن ع ودني بيه انا ما بقاش عندي عقل اصلا بسبب تصرفاتها المچنونة دي وشكلي كدا هاقوم افلق دماغها نصين. علي كان قاعد ساكت فجأة بص له بغيظ وبنبرة عصبية ابعد عن بنتي يا صهيب واياك تمد إيدك عليها انا بقولك اهو!! ماحدش هيقف لك غيري. صهيب بص له بحدة وبحاجب مرفوع وبنبرة فيها سخرية والنبي يا عمي اقعد ع جنب انت اصلا ما تعرفش عنها حاجة فما تجيش دلوقتي وتقول بنتي. علي بص له بحزن وبصوت مكسور عندك حق يا صهيب انا فعلا ما ربيتهاش ومعرفش عنها حاجة بس ده ما ينفيش حقيقة انها بنتي. صهيب قرب من علي باس ع راسه بندم حقك عليا يا عمي انا ما قصدتش ازعلك بس انت شايف تصرفات بنتك وعمايلها... قطع كلامه لما لمح سبيل قامت وسابت صهيل مع سامية عشان تدخل القصر بهدوء كأنها ما عملتش حاجة حس الډم بيغلي ف عروقه اتحرك وراها بخطوات سريعة... جواه Nار وحلف ما يسيبها تعدي بالساهل لازم يرد لها اللي عملته فيه وبطريقته. جوة القصر دخلت سبيل المطبخ بخطوات هادية تجهز الرضعة ل صهيل بنفسها لأنها كانت عارفة ان الوقت ده استراحة الشغالين كانت حاسة بضربات قلبها بتزيد كأنه هيخرج من مكانه وقفت ع الحوض تغسل الببرونة وتغلي الماية تشتت نفسها عن القلق اللى بيزيد جواها كل ثانية كانت حاسة بيه بيقرب من قبل حتى ما يوصل وفعلا لحظات وانفاسه الدافية كانت بتخبط ف رقبتها اتوترت وضربات قلبها زادت كأنها طبول بتخبط جواها حاولت تتماسك وتغني ببرود مصطنع بس كان واضح من كلمات الأغنية انها مقصودة خليه يدور عليا كل شوية ما يلاقينيش خليه يتعب شوية ويحلم بيا وما يشوفنيش مش هجري تاني وراه علشان غلبت معاه وعن نفسي هعود نفسي من دلوقتي ما يوحشنيش... كانت بتحاول ان صوتها يبقى قوي بس ف آخر كل جملة كان بيطلع مهزوز حست بيه وراها قريب أوي وهي لسه بتغني كتر خيري إني قابلته واستحملته يا قلبي زمان يجي عليا واعديها ويسوء فيها معايا كمان من كتر عمايله بقوله كفاية أنا وانت بقينا خلاص للناس سيرة على كل لسان هيجيني عشان يراضيني هقول على عيني ما نستغناش وهسبيه يجرب مرة عشان تاني مرة ما يعملهاش وبناقص عند بعند وبعد ببعد ونجي على بعض خلاص يا رجعنا يا مرجعناش. صهيب قرب منها أكتر وقف وراها بهدوء وسند بإيديه ع الرخامة من الناحيتين حاصرها بين دراعاته وهمس جنب ودنها بصوت دافي ونبرة كلها عشق خارج من قلبه بحبك الكلمة نزلت عليها زلزلتها جسمها ارتعش وحست بسخونة ف وشها ورجليها مش شايلاها بسبب قربه منها وهمسه ليها بالطريقة دي بلعت ريقها بصعوبة وصوتها طلع مهزوز ابعد يا صهيب احسن لك صهيب ضحك بخبث وهو شايف رعشة جسمها قرب أكتر ونفسه لمس خدها وهمس تاني بصوت أهدى ومليان اشتياق تؤتؤ مش هبعد وهموووت وأعرف ناويالي ع ايه سبيل توترها زاد وحست ان انفاسها انقطعت بقت مش شايفة حاجة قدامها مش عارفة تتحكم ف اعصابها بسبب قربه منها فجأة داست ع رجله بكل قوتها ولما ما تحركش رفعت له وشها وبنبرة منفجرة ابعد عني يا باااااااارد وسع خليني أمشي. صهيب ما اتهزش كان واقف بثبات عينه فيها شغف وعند وبضحكة خفيفة ع شفايفه قرب أكتر وباسها ف رقبتها ببطء وهمس بنفس النبرة اللي زلزلت كيانها بطلي تستفزيني عشان انا صبري قليل وصدقيني لو جنونتي طلعت انتي أكتر واحدة فاهمة وعارفة اني مش هيهمني حد ماشي يا قمر وبكل هدوء سابها وخرج خطواته كانت سايبة وراها إعصار وهو طالع الجنينة كأن ما فيش حاجة حصلت بس قلبه كان بيرقص من جوة حاسس إنه أخد حقه منها وف نفس الوقت حاسس انها ممكن تلين وترضى تسامحه. أما سبيل فوقفت مكانها متجمدة حطت ايدها ع وشها حسته بيطلع ڼار بجد مدت إيدها وفتحت الماية بسرعة اخدت نفسها بصعوبة وغسلت وشها كأنها بتحاول تطفي اللي جواها إيدها راحت تلقائي ع صدرها تحاول تهدي نبض قلبها اللي كان بيدق بسرعة زي الحصان اللي بيجري ف سبق خدت لحظة تجمع نفسها وبعدين خرجت ورجعت الجنينة عينيها وهي خارجة كانت بتدور ع الكل بس كانت حاسة بعينه هو بالذات ملاحقاها وصهيب أول ما شافها ظهرت ومجرد ما عينيه وقعت ع ملامحها المتوترة ابتسم بخبث بص لها ف نظرة طويلة وغمز وحدف لها بوسة ف الهوا كأنه بيقولها لسه اللي جاي أكتر. رجع بعدها بهدوء يسمع الكلام اللى داير بين جده وأبوه وعمه كأنه ما عملش حاجة هو كمان. شهاب كان بيراقب الموقف بعينيه قرب منه وهمس بمكر هو ايه النظام شوفتك دخلت جوة بحال وطالع بحال تاني خالص ايه العبارة يا باشا. صهيب ضحك وهو لسه عينه عليها هى اتحدتني واعلنت الحړب وانا قبلت التحدي وناوي اخليها ترفع الراية البيضا. نادر قرب منه وبنبرة كلها سخرية يا خۏفي لا نقرا عليك الفاتحة يا ابن عمي. صهيب رد من غير ما يبعد نظره عنها ونبرة صوته فيها يقين مريب وغلاوتها ف قلبي يا نادر لا اخليك تشوف بعينك أختك وهى بتسلم. شهاب بص ل صهيب برفعة حاجب ونبرة كلها تحذير انصحك يا حبيب أخوك بلاش الثقة الزايدة عشان دي مچنونة وما تتوقعهاش خصوصا بعد ما ننفذ اللى اتفقنا عليه. صهيب اتنهد ولف وشه ناحية شهاب ربنا يستر. رجع بعدها بكل هدوء يشارك فى الكلام عن الشغل والمجموعة بس عينيه كانت فيها لمعة شوق قايدة ولهفة بطعم النصر كأنه لمس طرف حلمه بإيده أما هي فكانت كل خطوة بتاخدها وهي راجعة ناحيتهم كانت حاسة أن رجليها تقيلة كأنها ماشية فوق صفيح ساخن ونظراته ليها كانت بتزود اللهيب جواها وتشعلل قلبها أكتر الجنينة حواليهم كانت هادية بس هدوء خادع مخبي تحته صوت قلوب بتخبط وصراع مش باين ع الوش بين الاتنين لكن شغال جواهم ع أعلى مستوى سبيل حاسة بقلبها مش ع بعضه كل حاجة حواليها بتتحرك وهي بس اللي واقفة محپوسة بين قلبها وعقلها وهو مشاعره كانت عاملة زي الهوا بيطوف حواليها بيلمسها من غير ما يبان وكل مرة تحاول تبعده عنها بيرجع أقرب وأقوى رجعت قعدت وسطهم لكن جواها صوت عقلها پيصرخ بيقولها ما تضعفيش وبرغم صړيخ صوت العقل قلبها بدأ ېخونها ويرق له ويضعف قدامه. فجأة عين صهيب لمحتها قامت مرة واحدة بعد ما قعدت ودخلت جري جوة القصر والبنات وراها ع طول عينيه وسعت بقلق وشاور ل شهاب يقوم يحصلها وهمس بنبرة مستعجلة ولهفة قوم بسرعة حصلها وقولها اللى اتفقنا عليه. شهاب بص له باستغراب وحاجب مرفوع وده ليه بقى ان شاء الله! مش قولنا هكلمها فون. صهيب ابتسم ابتسامة مكر وكله رغبة واضحة ف انه عايز يستمتع باستفزازها وتوترها ليا مزاج اشوف رد فعلها وانت بتكلمها عايز اشوف تعبيرات وشها هتتقبل الخبر ازاى. شهاب ضحك بسخرية خفيفة وبنبرة فيها قلق مصطنع ما بلاش يا ابني! انت راجل عندك عيل عايز تربيه وانا صغير وع وش جواز ما لحقتش افرح. صهيب بنظرة كلها جدية وبنبرة حادة قوم وانت ساكت يللا. شهاب رفع ايده باستسلام ماشي يا عم أديني قايم وامري لله. وفعلا قاموا الاتنين ومعاهم نادر بعد ما استأذنوا من اللي قاعدين واتحركوا بخطوات سريعة ناحيتها عشان يدخلوا ورا البنات وكل واحد فيهم عينيه بتلمع بالفضول وعقله غرقان ف دوامة أفكاره شهاب قلبه بيخبط وخاېف من رد فعلها بسبب --- اللي ناوي يقوله وصهيب هيتجنن ويعرف سبيل هتعمل ايه لما تعرف انه ممكن يضعف ويميل ل سمر وقف استخبى هو ونادر بعيد عنهم وسابوا شهاب ف وش المدفع. جوة القصر شهاب قرب منها بسرعة ونده عليها بنبرة صوت قلقانة سبيل! سبيل غمضت عينها بتحاول تهدى وتلملم شتاتها وبنبرة كلها عصبية عايز ايه يا شهاب! شهاب بندم حقيقي مش ناوية تسامحي بقى يا سبيل! اول مرة نفضل متخاصمين المدة دي كلها! سبيل جزت ع أسنانها بغيظ ما تتكلمش ف الموضوع ده تاني يا شهاب عشان انا مش طايقاك ف خليني ساكتة أحسن لاني لو اتكلمت هنخسر بعض. شهاب بقلق وعينيه بتلف ف صالة القصر يدور ع صهيب ماشي يا سبيل براحتك انتى ف النهاية اختى وكاتمة اسراري ومسير الماية ترجع لمجاريها ونتصالح بس نصيحة من أخوكي اللى خاېف عليكي صهيب مش هيستحمل دلعك ده كتير وقولتلك قبل كدا أكتر من مرة ان سمر سكرتيرته عينها منه وهو بالطريقة بتاعتك دي ممكن يضعف قدام اغراءاتها ياريت ترمي أى حاجة ورا ضهرك وتحافظي ع جوزك المرة دى لو راح منك مش هتعرفى ترجعيه تانى. سبيل ابتسمت ابتسامة حزينة وبصت له بنظرة عين مکسورة ومسحت دمعة شاردة نزلت ڠصب عنها قبل ما حد ياخد باله وبنبرة كلها قهر ومرارة يعمل اللى هو عايزه ما بقتش تفرق اصلا اتعودت خلاص ع وجعه. سابته فجأة وطلعت السلالم جري عشان تدخل تستخبى ف اوضتها وتسمح لدموعها تنزل بحرية صهيب حس بۏجع قلبها وطلع من المكان اللي مستخبي فيه يجري عشان يلحقها ويحاول يصالحها شاف شاهندة ويمنى طلعوا جرى وراها بص ل شهاب بيأس وطلع جرى هو كمان راح عند باب اوضتها ولسة هيخبط صوتها خلى ايده اتجمدت ف الهوا طلع وراه شهاب ونادر لمحوه واقف مكانه قدام الباب لا قادر يخبط ولا عايز يمشي وسمعوا صوتها من ورا الباب وهى مڼهارة جوة الاوضة اول ما دخلت سبيل اوضتها حدفت نفسها ع سريرها دفنت وشها ف المخدة تحاول تكتم صوت شهقاتها اللى طالع من قلبها دخلوا وراها البنات بسرعة وهما قلقانين عليها وشايلين همها وكل واحدة فيهم بتحاول تخرجها من الحزن اللى ڠرقت فيه. شاهندة قربت منها وشدتها غمرتها بحضن دافي وبنبرة كلها حزن لما انتى بتحبيه اوى كدا! ليه تتنازلي عنه بالبساطة دي ليه قولتي الكلام ده ل شهاب سبيل حست بروحها بتنسحب منها شوية شوية كانت بتتنفس بصعوبة وبمرارة واضحة ف كلامها عايزاني أعمل ايييييه وهو بيقول ان اخوه هيروح ل سمر طب ازاااااى ازاى كان لسة بيديني أمل وف نفس الوقت ياخده مني تاني ازاى كان لسة بيقول انه بيحبني وفجأة يبعت شهاب عشان يقولي صهيب هيروح ل السكرتيرة يمنى اتكلمت بنبرة هادية فيها رجاء شهاب كان بينصحك يا ابلة وانا من رأيه بصراحة لازم تصالحي ابيه صهيب وتحافظي ع اللى بينكم لو مش عشانكم يبقى عشان خاطر صهيل يتربي وسط عيلة كلها حب ودفى. شاهندة هزت راسها وهي بتأييد كلامها عندك حق يا بت يا يويو اول مرة تقولي حاجة عدلة... وبعدين بصت ل سبيل بحنية وهي لسة حضناها بيلا يا حبيبتى بلاش تتنازلي عن حبك بسهولة كدا وما تنسيش ان هو كمان مر بظروف صعبة كفيلة انها تهد جبل. سبيل فجأة اڼفجرت بصوت مبحوح من العياط صړخت وهي بتبعد نفسها عن حضڼ شاهندة ماحدش مر باللى انا مريت بييييه ان كان أخوكي اتوجع مرة بسبب واحدة ما صانتش أسمه انا اتوجعت ألف مرة بسببه تعب ودخل المستشفى يومين تلاتة اسبوووع ما كانش لوحده بابا وماما كانوا حواليه انا رحت للمۏت 3 شهور صح جدو وخالو كانوا جنبي بس ما كانش عندي أم تقعد ع باب العناية ټعيط وتدعيلي ولا أبويا كان فاضيلي اصلا.. قلبها كان بيتوجع مع كل كلمة بتقولها نفسها كان بيتقطع وهي بتكمل هووو غاب يومين عن الدنيا ما استحملتش وجيت جرى عليه واكتشفت انها تمثيلية عشان يرجعني انا غيبت 3 شهوووور ما فكرش شهاب يبعتله حتى بالكدب.... سكتت لحظة تاخد نفسها تحاول تهدى وبنبرة مکسورة اقولكوا سر! انتوا عارفين كان نفسي شهاب يخلف وعده معايا كان نفسي يقول ل صهيب كل حاجة كان نفسي يقوله مكاني فين كنت بتمنى ألاقيه واقف قدامي فجأة ف مارسيليا ويقولي انا ماقدرتش ع بعدك صدقوني كانت هتفرق معايا كتييير اوي كنت محتاجة أحس ان في حد بيحارب عشاني عشان أكون مبسوطة ع الاقل ما كنتش هحس اني لوحدي... اتنهدت بۏجع وبنبرة كلها خيبة أمل لكن للأسف ما فرقتش مع حد حتى اللى حاربت الدنيا عشانه ولسة عندى استعداد احارب أكتر وأكتر عشان بس اشوف بسمة ع وشه ما عندوش استعداد يتحمل شوية دلع زى ما قال شهاب وهيجري ع اول واحدة تشاورله. فجأة يمنى وقفت مرة واحدة وبنبرة مرحة بتحاول تخفف الجو وهي بتخبط بكف ايدها ع رجلها طب بذمتي ابيه صهيب عايز نضارة نظر قعر كوباية بقى فى حد عاقل يسيب الجوهرة القمر دي! ويروح يبص لسلعوة زى سها ولا المقشفة اللى اسمها سمر ده أكيد محتاج كونسلتو عيون عشان يسنفروله عينه ويشوف كويس. شاهندة بصت لها بدهشة وابتسمت ابتسامة ساخرة اوباااا!!! اه يويو لو سمعك وانتي بتقولي عليه كدا!!! ولا وانتي بتقولي ع سمر مقشفة يا ختااااااي ع اللى هيعمله فيكي وبعدين يا بت انتى ازاى بتقولي ع أختك سلعوة يمنى رفعت حواجبها وبنبرة جدية ع فكرة يا شاهي انا ماليش أخوات غير ابلة سبيل وبس انما السلعوة دى مش اختى لا اسمها زى اسمي ولا طبعها من طبعي الله يسامحها ماما بقى ويرحمها ع البلوة دى. سبيل ابتدت تهدى وبصت ل شاهندة بغيظ ظريف هيعمل ايه يعني بسلامته وأه زفتة الطين سكرتيرته مقشفة وملزقة وكلها بوية.. وبعدها ضحكت بۏجع وبنبرة ساخرة اقطع دراع أخوكي ان ما كانت شبه عم عبده البواب وبتلخبط وشها بجردلين بوية كل يوم من عند بتاع البويات اللى فاتح تحت بيتها عشان تبان انها واحدة ست... وبصت لها برفعة حاجب وغيظ أكتر وأياكي تجيبي سيرة السلعوة اللى كان متجوزها تاني مرة وتقولي ل يويو دي أختك وعشان ما احطكيش ف قايمة اغتيالاتي واحرم عادل وسامية من ذريتهم كلها فاهمة ولا لأ شاهندة بتهليل الله أكبر ايوا بقى هو ده احبك وانتي شرسة وغيرة الانثى باينة ف عيونك إديني كمان قمر. سبيل بغيظ اتلمي يا شاهي انا مش فايقالك دلوقتي وامشي اطلعي برة روحي ل اخواتك حفظيهم الشهادة واحفظيها معاهم غوري يللا. شاهندة بضحك وهى بتغمز لها مش غايرة قاعدة ع قلبك زى هيبو حبيبى ما هو قاعد جوة ومربع كدا. برة الاوضة واقف صهيب بيسمعها وقلبه وجعه من كلامها كل كلمة قالتها وكل جملة كانت خجر ف ضلوعه بتحسسه بالندم أكتر قرر ساعتها ما يسمعش كلام شهاب وهيفضل يتحمل عنادها ومكابرتها حتى لو هيفضلوا يجروا ورا بعض العمر كله زى القط والفار مش هيجرحها تاني وهيصبر عليها اما شهاب ونادر كتموا ضحكهم وهما سامعين يمنى وهي بتتريق ع صهيب وبصوله بتهكم والاتنين بيشاوروا بايديهم بعلامة النضارة اتعصب عليهم وهمس لهم پغضب يمشوا من قدام الباب وهو دخل اوضته ورزع بابها ف وشهم وقعد ع اقرب كرسي وضربات قلبه بتزيد كانت بتخبط جوة صدره كل ما يسمعها يكتشف انه كان أعمى فعلا وكل حاجة حواليه كانت مشوشة دلوقتي بس عرف إنه كان غفلان عن حب كبير نسي ۏجع خېانة سها ونسي كل اللى مر بيه لإن سبيل بقت هي الحقيقة الوحيدة اللي قلبه عايز يعيش بيها وفيها أما سبيل بعد شوية شاهندة ويمنى قدروا يطلعوها من الحالة اللي كانت فيها وبعدها كل واحدة رجعت أوضتها وسبيل خدت نفس عميق ومسحت دموعها وقررت تسمع كلامهم وترمي كل حاجة ورا ضهرها ف سبيل إنها تحافظ ع حبها ل صهيب اللي مستعدة تحارب عشانه لآخر نفس فيها. ____________________ ف مجموعة شركات الشهاوي مكتب صهيب تاني يوم دخل صهيب الشركة بكل هيبة ووقار ببدلته السودة الكلاسيك وشعره المتسرح بعناية ودقنه المهذبة مدياله جاذبية ټخطف الأنظار ماشي بين الموظفين بخطوات ثابتة ونظراته الصارمة بتخترق القلوب قبل العيون وكأن الهيبة متفصلة ع مقاسه الكل قام من مكانه باحترام وهو بيعدي وصل مكتب السكرتارية ومن غير ما يبص ع سمر بنبرة حادة وملامح متجهمة ابعتيلي قهوتي وبعد نص ساعة ابقى دخلي لي البوسطة والاوراق اللى محتاجة تتراجع عشان الاجتماع الشهري. سمر وقفت تتمايل بدلع وبصوت ضعيف تحت أمرك يا مستر. صهيب لف وشه ناحيتها عينه كلها شړار ڠضب وبنبرة صوت حادة خوفتها سمررررر حذرتك قبل كدا ما تتخطيش حدودك احسنلك. سمر اټرعبت من صوته وعدلت وقفتها ونبرة صوتها خرجت مهزوزة حاضر. سابها ودخل مكتبه وقبل ما يقعد طلع الموبايل من جيبه وبص ل صورة سبيل اللى كانت متخزنة عنده عينيه لمعت بۏجع ممزوج بندم وهمس بصوت واطي وهو بيكتم تنهيدة تقيلة عارف اني ۏجعتك وجرحتك كتير بس من النهاردة هاعيش بس عشان أمحي اى ۏجع لمس قلبك واشفي جراحك اللى انا السبب فيها وبعدها ساب الفون من ايده وقعد ورا المكتب وابتدا يتابع شغله بحماس وجواه نفسه اليوم يجري بسرعة عشان يرجع القصر ويشاكس سبيل زى كل يوم قطع تفكيره خبطة خفيفة ع الباب ودخول عامل البوفيه بالقهوة حطها بهدوء وخرج مسك الفنجان رفعه ع بقه وهو بيشرب باستمتاع اترسمت قدام عينيه صورة سبيل وهى بتنكش شعرها وتصوت عشان يخرج قهقه بصوت عالي وهو بيهمس بتنهيد شكلي هتعب معاكي اوي يا مغلباني... شوية وافتكر شكلها وهى متوترة لما قرب منها ف المطبخ ابتسم ابتسامة صافية وحس بطاقة ايجابية غريبة ما حسهاش قبل كدا وف لحظة بقى يقارن بين احساسه مع سها واحساسه دلوقتى لقى فرق شاسع كل لحظة بيعيشها مع سبيل شعور جديد بالنسبة له اول مرة يحس بيه حتى إحساس الأبوة اول ما شاف صهيل وشاله بين إيديه قلبه دق بين ضلوعه لأول مرة بالعڼف ده الاحساس اللى كان مفتقده لما شال ياسين اتنهد باستغراب وهو بيردد ما كان لك سيأتيك رغما عنك وستفرح به كما لم تفرح يوما وما ليس لك سيبتعد عنك ولو تشبثت به بكل قوتك. بعد مرور كام ساعة خبطت سمر ودخلت بعد ما سمعت الأذن وبهدوء استاذ رسلان المحامي عايز يقابل حضرتك. بجدية ومن غير ما يرفع عينه عن الملفات اللي ف إيده خليه يتفضل وشوفيه يشرب ايه!! خرجت --- سمر بعد ما هزت راسها بالموافقة وبصت ل رسلان اتفضل مستر صهيب ف انتظارك. دخل رسلان المكتب بخطوات بطيئة وتقيلة كأن جواه هموم الدنيا ورغم ثبات ملامحه لكن جواه بران من قلق وتوتر بيغلي بيحاول يداريه بكل قوته وهو بيسلم بنبرة جادة السلام عليكم ورحمة الله. صهيب استقبله بابتسامة هادية وعينيه كلها ترقب وعليكم السلام ورحمة الله وبركاته اتفضل يا متر يا ترى فى جديد رسلان رد بهدوء مهني وهو بيقعد ويحط شنطته ع التربيزة أكيد طبعا يا بشمهندس اومال أنا چاى ليه! صهيب بنبرة جادة خير يا متر رسلان فتح الشنطة وطلع منها ملف حطه ع المكتب وبنبرة عملية كل أوراج إعلام الوراثة اللى تخص عمك وولاده خلصت وكدا علي بيه لازم يروح البنك ويفتح الخزنة عشان يستلم نصيبه من الماس ونصيب نادر ويمنى هيقدر تمنه ويتحط ف المجلس الحسبي لحين بلوغهم السن القانوني وطبعا الوصاية كانت من نصيب عمران بيه زى ما قال عمك. صهيب اتنهد تنهيدة تقيلة لكنه اتكلم بثبات حسبت نصيب مدام سها رسلان بص له باستغراب بيحاول يستوعب اللى سمعه وبنبرة مليانة ذهول ماقدرش يخفيها نعم!! انت بتجول ايه! كيف يعني نحسب لها نصيب! صهيب بنبرة حاسمة وهو بيراقب ردة فعله هى مش نرمين تبقى والدتها! يبقى شرعا ليها نصيب ف الفلوس والشقة والالماظ. رسلان نبرته زادت اندهاش بس الاوراج الرسمية بتجول يا بشمهندس ان نرمين مالهاش ورثة غير نادر ويمنى ووالدهم. صهيب رد بهدوء دي الاوراق الرسمية يا رسلان انما الحقيقة اللى هنتسأل عليها قدام ربنا أن هنادي بنت نوال وتورث فيها شرعا واحنا الاتنين عارفين ومتأكدين ان سها ونرمين هما نفسهم هنادي ونوال وبالتالي لازم تاخد نصيبها من الورث ده حقها. رسلان عينيه وسعت من الصدمة وصوته خرج مش مستوعب انا مستغربك كيف يعني حجها ان كان هما نفسهم اتنازلوا عن الحج ده لما اتخلوا عن هويتهم الحجيجية وعملوا شهادات ۏفاة وعاشوا بأسامي تانية تجوم انت تجول نديها ورثها من أمها! صهيب عينه فضلت ثابتة ع رسلان صوته كله إيمان باللي بيقوله انت راجل قانون وعارف ان ده شرع ما ينفعش نغفل عنه وان كانوا هما اخترقوا القانون ولعبوا بالأوراق ده ما ينفيش الحقيقة اللى كلنا عارفينها. رسلان سكت لحظة وبعدين كمل باستفسار بس ده هيطلع ازاى كل حاچة متسچلة ف ورج رسمي يا بشمهندس! صهيب بهدوء حاسم اعمل حسبتك انت بس وما تقلقش كل حاجة معمول حسابها لأن ده مش قراري لوحدي ده قرار العيلة كلها المهم بس تتابع الموضوع ف سرية تامة عايزه ينتهي من غير شوشرة. رسلان هز راسه باحترام ما تجلجش كل حاچة هتخلص كيف ما جال عمران بيه بس عندي سؤال محيرني. صهيب بص له باستغراب سؤال ايه رسلان بحيرة ودهشة كيف چدك جدر يمحي أثر كل اللى حصل وظهر الموضوع ع انه حاډثة صهيب اتنهد تنهيدة ۏجع وبنبرة هادية جدى له علاقات كتيرة جدا بناس كبيرة والكل بيحترمه ويتمنوا يخدموه وعشان يحمي سمعة العيلة وسمعة والدك الراجل اللي مالوش ذنب غير انه اتجوز نوال كان لازم يعمل كدا. رسلان شرد ف كلام صهيب وصوت داخلي بيهمس له بأمل كأن الكلام فتح جواه باب جديد ممكن يوصله ل حلمه وفكر لو طلب ايد شاهندة دلوقتي ممكن يوافق صهيب لاحظ شرود رسلان وقبل ما يسأله عن السبب خبط الباب بهدوء ودخلت سمر وهي شايلة صينية فيها واجب الضيافة ل رسلان وقفت جنب المكتب منتظرة تعليمات صهيب لكن فجأة كل حاجة انقلبت رأسا على عقب.... دخلت سبيل المكتب زى الطوفان وعينها مش شايفة غير سمر اللى كانت واقفة بتتكلم مع صهيب وبصوت عالي ونبرة حادة انسسسة سمرررررر بتعملي ايه عندك وسايبة مكتبك سمر بصت لها بدهشة نعم!! مش فاهمة حضرتك تقصدي ايه يعني صهيب اول ما شافها داخلة المكتب بالطريقة دى وبهمس سمعه رسلان وهو بيحاول يكتم ضحكته ربنا يستر من طوفانك يا بنت علي الله يخربيتك يا شهاب... وقام وقف بهدوء ف محاولة لإحتواء الموقف خير يا روحي مالك داخلة زى القطر كدا ليه قربت من المكتب وخبطت عليه بإيديها الاتنين وبحاجب مرفوع ونبرة تحدي انا قطر! ماااااشي يا بشمهندس أنا هوريك القطر ده هيعمل ايهعدلت وقفتها ولفت وشها ل سمر پغضب أمشي أخرجي برة وسلمي كل شغل المكتب ل مجدي واطلعي برة الشركة خاااالص يللا!!. سمر ردت باعتراض اسفة انا باخد أوامري من مستر صهيب مش من سيادتك. سبيل بصت ل صهيب برفعة حاجب غلطت! وانا اموت ف اللى بيغلط... وبسرعة رجعت تاني تبص ل سمر من غير ما تدي فرصة ل صهيب يفتح بقه وبنبرة مليانة ڠضب بصي بقى يا حلوة انا كنت ناوية اسيبك يومين تظبطي أمورك وتسلمي الشغل ل مجدي ع رواق لكن عشان قلة أدبك دي عندك ساعة واحدة بس تسلميه كل حاجة وتغوري ع الفرع التاني استلمي شغلك ف الاستعلامات. سمر بصت ل صهيب بنبرة مضطربة قول حاجة يا مستر صهيب. سبيل قاطعتها بعصبية انا اللى بتكلم مش هو اتفضلي نفذى وانتي ساكتة. صهيب اخد نفس طويل خرجه بهدوء وجواه فرحة غريبة وبنبرة هادية ممكن تهدي شوية يا سبيل وتفهميني ليه قراراتك المفاجأة دي! ومين مجدي ده سبيل بصت له بغيظ ده مش قرار يا بشمهندس... وبصت ل سمر بنظرة قاطعة ده وعد! وعد سبيل الشهاوي اللى وعدتك بيه من شهور فاكراه بس عشان انا ما بحبش قطع الأرزاق اكتفيت بنقلك للفرع التاني... ورجعت تبص ل صهيب من تاني بحاجب مرفوع مجدي مدير مكتبك الجديد عندك اعتراض صهيب بص لها وهز راسه بهدوء لأ ماعنديش اعتراض. سمر اتفاجئت من موقفه وبنبرة مندهشة حضرتك موافق ع كلامها يا مستر صهيب! صهيب بتنهيدة راحة مدام سبيل صاحبة الشركة وكلامها يمشي ع الكل اتفضلي نفذي سبيل بصت ل سمر بحدة اتفضلي نفذي الأمر وانا ف مكتبي عيني عليكي ساعة بالظبط 60 دقيقة من وقت خروجك من هنا وهرجعلك تاني لو لاقيتك لسة موجودة يبقى ما تلوميش غير نفسك... ولفت وشها ل صهيب من تاني وبغيرة واضحة ع ملامحها وف نبرة صوتها واعمل حسابك لو عرفت انك اتعاملت مع أى كائن أخره ته مربوطة هتشرف ف المشرحة في سرير فاضى هناك محتاج چثة... خلصت كلامها وخرجت من المكتب بخطوات مليانة ڠضب ونرفزة بعد ما خرجت سمر راحت مكتبها وهى بتغلي من جوة وبتكلم نفسها يا انا يا انت يا ابن سامية أديني مشيتهالك خالص وريني بقى هتعمل ايه أما صهيب الفرحة كانت مالية قلبه لدرجة انه نسي اصلا وجود رسلان وفضل يضحك بهيستيريا ويكلم نفسه ېخرب عقلك يا مچنونة ما توقعتكيش تعملي كدا ابدا بركاتك يا شيخ شهاب. رسلان حمحم بحرج انا اسف لتدخلي بس هى اللى كانت بتزعق هنا دي! صاحبة الشركة فعلا! صهيب بابتسامة صافية دي سبيل بنت عمي ومراتي كانت ف مارسيليا ولسة راجعة. رسلان اكتفى بابتسامة هادئة وكأنه أخيرا فهم سر عصبيتها ومن لمعة عين صهيب عرف السبب الحقيقي ل شروده ف كل مرة كان بيشوفه فيها قبل رجوعها من غير ما يكمل كلامه أو حتى يطلب اللي جه عشانه استأذن ومشي ف صمت. أما صهيب ف اتنهد بسعادة وجواه أدركت متأخرا يا سبيلي أنك لم تكوني عابرة بل وطنا سكنني بصمت فعدت إليك لا لأطلب الصفح بل لأقول أنا لك... ما حييت. وخرج جري من مكتبه ومن الشركة كلها متجاهل سمر ومجدي وكل حاجة حواليه وما فيش ف باله غير حاجة واحدة بس إزاي يفاجئ سبيل ويفتح معاها صفحة جديدة إزاي يقول لها إنه فهم رسالتها وإنه مستعد يحارب الدنيا عشانها زي ما هي أخيرا قررت تسمع كلام شهاب والبنات وتتمسك بيه وتحافظ عليه لآخر نفس فيها. الخاتمة ف مرسى علم بعد ما خرج صهيب من الشركة وهو بيجري ركب عربيته وإيده بترتعش ع الدريكسيون من التوتر قلبه كان بيرفرف جوة صدره بيعد الدقايق عشان يوصلها ويصالحها وصل ع المطار بسرعة أول ما دخل عينه وقعت ع أقرب كاونتر حجز ع اول طيارة رايحة مرسى علم كان نفسه يختصر اليوم كله ف غمضة عين يعدي الزمن بأي طريقة المهم تيجي اللحظة اللي يلاقيها فيها واقفة قدامه يسمع صوتها ويبص ف عينيها ويقولها كل حاجة محپوسة جواه بمجرد ما طلع الطيارة قعد ف الكرسي بتاعه وهو بيحاول يهدى أنفاسه ربط الحزام بإيد مهزوزة وغمض عينه وساب نفسه ل الذكريات تحديدا الليلة اللي فاتت والاتفاق اللي حصل بينه وبين جده. فلاش باك صهيب اتأثر بكلام سبيل واڼهيارها مع البنات حس ان قلبه بيتكسر بين ضلوعه نزل جري يدور ع جده ف القصر لحد ما لقاه قاعد ف المكتب خبط الباب بخفة واستأذن ودخل ووشه باين عليه الهم من بعيد قرب منه بنظرة كلها حزن وۏجع وبنبرة مخڼوقة ممكن اتكلم مع حضرتك شوية يا جدي عمران شاف التعب ف وش حفيده ونظرة عيونه الحزينة وبنبرة حنونة تعالى يا صهيب خير يا حبيبي مالك صهيب رد وهو بيحاول يخبي رجفة صوته تعبان اوى يا جدي حاسس ان دماغي هتتشل من كتر التفكير. عمران قعده جنبه وبابتسامة هادية بعد الشړ عنك يا حبيب جدك ما تفكرش كتير يا ابني. صهيب اتنهد تنهيدة طويلة مش عارف اعمل ايه عمران رد وهو بيرفع حاجبه بمكر إخفها. صهيب بذهول نعم!! أخطفها! ازاى يعني! عمران بضحك عاملها بنفس اسلوبها. صهيب بص له باستغراب مش فاهم. عمران ما تبقاش غبي مش هى خطفت شاهندة ويمنى عشان تحميهم من اللى كان عايز يأذيهم! صهيب هز راسه وهو لسة مش مستوعب رغم اني مش عارف لحد دلوقتي هى عملت كدا ازاى بس عملتها. عمران ابتسم بهدوء ابقى خليها تقولك بعدين المهم دلوقتي انك تعمل زيها وتقولها كل اللي جواك وما ترجعوش غير وانتوا متصالحين فاهمني. صهيب اتحرك من مكانه بقلق ايوة بس اعملها ازاى عمران بتنهيد انا هساعدك واقولك. صهيب عيونه لمعت بسعادة بجد يا جدي عمران بابتسامة صافية اسمع بكرة بعد ما تخلص شغل تخرج من الشركة ع المطار وطير ع مرسى علم استناها هناك بس مش هوصيك هدية حلوة تليق بيها وبيك وظبط انت بقى الحاجات اللى بيعملوها شباب اليومين دول وانا هبعتها لك بطريقتي بس بشرط. صهيب بص له بريبة شرط!! شرط ايه ده! عمران رد بحزم هتقضي الوقت معاها لطلوع النهار من غير ما تقرب منها اوتلمسها. صهيب بغيظ نعععم! ده اللى هو ازاى يعني! بقى تبقى مراتي وسهرانين بنتصالح وفي مشاعر وحاجات كدا وما اقربلهاش! ده اسمه كلام يا جدي! عمران رفع حاجبه بمكر ان كان عاجبك ولا أغير رأيي صهيب --- بغيظ ونبرة مستسلمة أمري لله حاضر بس ليه عمران من غير ليه ومش بس كدا. صهيب قاطع كلام جده بتسرع ايييه تاني عمران كمل كلامه اول ما النهار يطلع تطلعوا ع المطار ترجعوا القاهرة ومنه ع اوتيل.... هتلاقي حجز اوضتين باسمكم كل واحد فيكم يترزع ف اوضته وما تشوفوش بعض لأخر اليوم. صهيب ده ليه بقى! عمران وهو بيعدل قعدته وقتها هتفهم. صهيب بتوسل ما تفهمني دلوقتي ينوبك ثواب. عمران برفعة حاجب عايز تصالحها ولا هتفضل ترغي كتير صهيب بتوسل ابوس ايدك يا جدي عايز اصالحها. عمران بنبرة نهائية قاطعة يبقى تعمل اللي قولتهولك من غير كتر كلام وسيب الباقي عليا عودة للوقت الحالي صهيب فتح عينه وابتسامة خفيفة مرسومة ع وشه وحاسس قد إيه هو محظوظ لأن جده جنبه وسنده وعارف مشاعره كويس الطيارة وصلت وبعد ما خرج من المطار راح ع المكان اللي عمران قاله عليه وابتدى يجهز كل حاجة واحدة واحدة زي ما رسمها ف خياله وزي ما قلبه بيتمناها. ف مجموعة شركات الشهاوي مكتب سبيل سبيل قاعدة ف مكتبها عينها ع شاشة الكاميرات بتتابع سمر وهى بتسلم شغلها ل السكرتير الجديد لاحظت فجأة خروج صهيب من مكتبه بسرعة وملامحه مش طبيعية قلبها اتقبض وسألت نفسها بصوت داخلي مهزوز رايح فين ده وبيجري كدا ليه يا ترى فى حاجة حصلت كلها شوية ونعرف. اتنهدت واخدت نفسها ورجعت تركز مع سمر لحد ما خلصت اللى طلبته منها وجات تبلغها إن كل حاجة تمام وبعد ما خرجت سمر من الشركة نهائى سبيل أخدت نفس عميق وخرجته بهدوء وحست انها ارتاحت والحمل اتشال من ع قلبها لكن الهدوء ده ما استمرش ثواني ورن موبايلها بيعلن عن رسالة من رقم مجهول محتواها لو عايزة تنقذي جوزك وابنك من خطړ حقيقي قومي حالا اخرجي من الشركة واركبي العربية السودة اللى هتلاقيها واقفة قدام الباب وعشان اقصر عليكي الوقت رقم العربية هو... اول ما توصلي العنوان ده... نفذي اللى هينطلب منك بالحرف الواحد وخليكي فاكرة أى اعتراض منك او أى تأخير هتكون حياة ابنك وجوزك التمن يللا اتحركي وخلي بالك انا متابعك. جسمها اتشنج فجأة وعينيها اتجمدت ع شاشة الموبايل كأن الزمن وقف عند الرسالة دي الصدمة شلت عقلها وقلبت معدتها عينيها اتملت دموع وهي مش قادرة تتحرك بس قلبها كان پيصرخ الحقيهم! بخطوات متلخبطة قامت من مكانها وجريت برة المكتب كأن الأرض بتولع تحت رجليها كل صوت حواليها اختفى مش سامعة بس غير دقات قلبها اللى بتخبط ف ودانها پعنف ولما لمحت العربية واقفة حست إن رجلها مش شايلها قربت وهي بتطوح والسواق فتح الباب بصمت مرعب ركبت ودموعها ڠرقت وشها بس من غير صوت بتحاول تكتم الړعب جواها وتحبس الصړخة بس الحقيقة انها كانت مڼهارة جوة العربية كانت حاسة انها ف قبر متحرك وكل اللى بيدور ف دماغها وبتفكر فيه مين اللي بعت لها الرسالة ويا ترى ليها علاقة بخروج صهيب بسرعة قبلها أسئلة بتنهش ف عقلها من كل جهة مش قادرة تركز حاسة إن روحها بتتسحب منها وإنها ف دوامة مالهاش نهاية العربية فضلت ماشية لحد ما وقفت قدام عمارة ف وسط البلد نزل السواق وفتح لها الباب تاني وهي لسه مش مصدقة اللي بيحصل رن موبايلها برسالة جديدة اطلعي الدور التاني اول شقة شمال ادخلي ونفذي كل اللى هيطلبوه منك ساعتين بالظبط وانزلي هتلاقي نفس العربية تركبيها وانتي ساكتة ومش محتاج افكرك كله من حياة ابنك وجوزك فخليكي شاطرة واسمعي الكلام. سبيل خلصت قراية الرسالة وما فكرتش جريت ع السلم ووقفت قدام الشقة بتنهج وقبل ما تمد إيدها ترن الجرس الباب اتفتح لوحده دخلت وهي مړعوپة قلبها واقع ف رجليها قابلتها بنت مبتسمة وشها هادي بشكل مريب دخلتها أوضة منعزلة شوية عن باقى الشقة مجرد ما دخلت عينيها اتفتحت ع آخرها من الصدمة! مكتب رسلان ف نفس الوقت بعد ما خرج رسلان من الشركة رجع مكتبه وهو تايه ف أفكاره دماغه مشغولة بشاهندة من ساعة ما سمع من صهيب عن موضوع ورث سها حس وقتها بحاجة بتتحرك جوة قلبه زي شعاع نور بيحاول يشق الضلمة ويديله أمل ويشجعه يطلب إيدها منه من غير قلق من الرفض قطع تفكيره صوت تليفونه بيعلن عن مكالمة من أخوه رد بتنهيدة تقيلة السلام عليكم ورحمة الله كيفك يا عمر. عمر رد بهدوء وابتسامة باينة ف صوته وعليكم السلام يا متر انا زين جوي كيفك انت طمني عليك. رسلان حاول يخبي قلقه وبنبرة مهزوزة انا زين يا اخوي نحمد الله. عمر حس إن صوته مش طبيعي فسأله بنبرة فيها قلق مالك يا واد ابوي! صوتك مش مريحني فيك ايه تكونش كلمت البشمهندس عشان خيته رسلان نفخ بضيق لا يا عمر ما لحجتش. عمر رفع حاجبه باستغراب كيف يعني ما لحجتش رسلان مسح ع شعره وبتنهيد بعد ما خلصنا شغل كنت لسة بفكر اكلمه دخلت مرته فچأة إكده جلبت الدنيا فوج راسه وطردت السكرتيرة بتاعته ومشيت. عمر واااه هو لحج اتچوز بعد هنادي رسلان لا يا عمر دى بت عمه اللى جال انه اتچوزها ڠصب عنيه بس ايه يا اخوي دخلت مرة واحدة المكتب كيف الجطر وجفت الكلام ع لساني. عمر سكت لحظة وبنبرة استفسار انت چسيت نبضه ولا لأ رسلان هز راسه لا ما احتاچتش أچس نبضه اللى حوصل وانا بجوله آخر التطورات ف الاوراج اللى بخلصها شچعني اتكلم. عمر ايه اللي حوصل بالظبط خلاك تتشچع إكده. رسلان ابتدى يحكي اللى حصل من وقت ما راح الشركة لحد ما دخلت سبيل المكتب وسرد له اللي حصل حرف بحرف وعمر كان بيسمع وهو مش مصدق تفكير عيلة الشهاوي بالطريقة دي أزاى أصلا الفلوس بتاعتهم ونرمين واخداها من غير علمهم ويعملوا اعلام وراثة بعد مۏتها وازاى بعد اللى عملته سها فيهم يورثوها ف نرمين اتكلموا كتير الاتنين وف نهاية المكالمة أكد رسلان ل عمر انه هيستنى يومين ويروح تاني ل صهيب يتكلم بشكل مباشر ف طلبه الجواز من شاهندة. عند سبيل اول ما دخلت الاوضة فضلت تلف بعينيها ف كل ركن فيها كأنها بتدور ع مخرج ع أى حاجة تفسر كل اللى هي فيه المكان بالنسبة لها غريب الاوضة مافيهاش غير مراية طويلة كلها لمبات ع ال 3 أطراف وجنبها استاند مستطيل قدامه كرسي وحامل سيلفي بحلقة ضوئية وركن متغطي بستارة تقيلة سبيل جسمها ارتعش وكأنها دخلت فريزر وضربات قلبها زادت من كتر خۏفها لدرجة انها سمعاها بصت للبنت اللي واقفة قصادها بنظرة كلها ړعب وتيه وقلق ونبرة صوتها طالعة مهزوزة انا فين وفين ابني وجوزي البنت لسة مبتسمة نفس الابتسامة ورا الستارة دي هتلاقي التويلت ادخلي خدي شاور ولما تخلصي هتلاقي كل حاجة تخصك موجودة ع الشماعة البسي واطلعي. سبيل صړخت فيها بكل قوتها بقوووولك فيييين جوزي وابني عملتوا فيهم اييييييه يا مجرمين انطقققييي. البنت ردت بهدوء قاټل أدخلي نفذي اللى قولتهولك من سكات وما تنسيش هما ساعتين بس وكل دقيقة تأخير هتتحسب من وقتك!! سبيل رجلها خانتها وقعدت ف الارض عند رجليها وشها غرقان بدموع الخۏف ونظرات عينيها بتتوسلها أبوس رجلك قوليلى هما فين ريحي قلبي وهعملك كل اللى انتى عايزاه بس طمنينى عليهم. البنت صعبت عليها سبيل وحست بالذنب ناحيتها بس ردت بصوت هادي صدقيني ماعرفش وماعنديش اى تعليمات غير اللى قولتلك عليها يللا قومي عشان تلحقي وقتك. قامت من مكانها ببطء كأن رجليها مربوطين بسلاسل دخلت ورا الستارة خطواتها كانت تقيلة بدأت تنفذ اللي اتقال لها بس حركاتها كانت آلية زي الروبوت من غير روح من غير إرادة جواها كان في بركان قلق وخوف بيغلي وېهدد حتى أنفاسها اتكتمت جوة صدرها مش قادرة تطلعها وعقلها تايه وسط مليون علامة استفهام بعد شوية خرجت سبيل من الحمام ولبست الفستان اللى كان متعلق قدامها وطلعت قعدت ع الكرسي زى ما طلبت منها البنت بس وهى بتقعد عينيها وقعت ع أدوات تجميل كتيرة مترصصة ع الاستاند رفعت راسها ودموعها مغرقة وشها ملامحها تايهة ومحتارة بصت ل البنت بنظرة كلها استغراب وخوف وبنبرة مليانة توتر ايه ده! انا مش فاهمة حاجة انتوا مين وعايزين مني ايه بالظبط وديتوا جوزى وابني فين أرجوكي ريحي قلبي وقوليلي هما فين البنت ردت عليها بهدوء غريب وابتسامة صافية صدقيني انا ما اعرفش حاجة يعنى لا اعرف فين جوزك ولا ابنك اللى بتتكلمي عنهم دول انا ميكب ارتست والحكاية كلها ان في حد طلب مني أعملك ميكب سيمبل واختي هتعملك شعرك ف خلال ساعتين بس وهييجي ياخدك أكتر من كدا ما نعرفش حاجة. سبيل قلقها زاد وضربات قلبها بتخبط ف ضلوعها بصت لها برجاء وهى بتقرب منها خطوة وبنبرة كلها خوف مين ده قالك اسمه ايه ابوس ايدك قوليلي هو مين. البنت هزت راسها من غير أى تعبير ما قالش وماعرفش هو مين اصلا ياريت بقى تهدي شوية عشان الوقت بيجري خلينا نبتدي عشان نلحق نخلص قبل ما ييجي. سبيل فقدت أعصابها قامت بسرعة من ع الكرسي وعصبيتها كانت طالعة ف كل حركة منها وطلعت تجري ناحية باب الاوضة مش هعمل حاجة وسعي كدا خليني أمشي اوعييي سيبيني. البنت مسكتها حاولت تهديها وفجأة دخلت أختها ومدت إيدها بالتليفون ل سبيل بعد ما فتحت الاسبيكر وسمعت صوت مجهول لو عايزة تشوفي جوزك وابنك مرة تانية اسمعى كلام الناس اللى عندك وانتي ساكتة. اتقفل الخط وكل حاجة جوة سبيل اڼهارت إيديها بترتعش ورجليها مش شايلاها بصت للبنتين بنظرة مکسورة وقعدت من غير ما تنطق حرف ع الكرسي زى العروسة اللعبة من غير روح وبالفعل بعد مرور الساعتين خلصت الميكب والشعر وقبل ما تنزل رن تليفونها بيعلن عن رسالة جديدة يللا انزلي السواق مستنيكي ولأخر مرة مش محتاج أفكرك جوزك وابنك حياتهم ف إيديكي يعني تسمعى الكلام وتنفذيه من غير اعتراض. خرجت سبيل من شقة الميكب ارتست ونزلت السلالم بخطوات بطيئة جدا كل خطوة بتسحب من روحها شوية قلبها هيقف من كتر الخۏف لما وصلت عند العربية شافت السواق فاتح لها الباب باحترام غريب ركبت وهى ساكتة ومغيبة عن العالم تماما وكل تفكيرها ف صهيب وصهيل العربية مشيت مسافة كبيرة الوقت بيمر والشمس غربت والدنيا هديت والنجوم بدأت تلمع في السما فجأة لاقت نفسها ف مكان غريب وفيه طيارة هليكوبتر مستنياها جات لها رسالة جديدة أركبي الطيارة من غير ما تعترض نزلت من العربية وركبت الطيارة كأنها ماشية بجسمها بس إنما روحها ف حتة تانية خالص. ف مرسى علم صهيب --- بعد ما خلص تجهيز المكان زى ما كان بيحلم بيه دخل الشاليه خد شاور وغير هدومه وطلع وقف قدام المراية قلبه بيخبط ف صدره پعنف كأنه عايز يهرب من بين ضلوعه ملامح وشه كلها قلق وعيونه فيها لمعة فرحة غريبة ومش مفهومة سرح شعره وهذب دقنه ورش برفانه وهو بيبص لنفسه بيحاول يهدي ضربات قلبه وكل شوية يبص ف ساعته حاسس ان الوقت واقف والدقايق بطيئة أوي بتمشي بالعافية وخرج من الشاليه وقف قدام البحر عينيه ع المية بس عقله وقلبه مشغولين بحكاية تانية خالص فضل يعد الثواني والدقايق كأنهم عمر وقف يكلم نفسه بنبرة توتر بيحاول يخبيه فى ايه مالك اللى يشوفك وانت متوتر كدا يقول انك اول مرة تشوفها. قلبه رد عليه بتوتر واضح اتأخرت أوي كدا ليه عقله بتهكم ما تهدى شوية يا عم النحنوح دلوقتي تلاقيها جاية بس اتقل حبة. قلبه بنفاذ صبر اتقل ايه بس انا ما بقاش عندي ذرة صبر تفتكر اتصل بجدي اعرف منه هي وصلت فين فضل الحوار داير بين قلبه وعقله وهو واقف ف مكانه حاسس إن كل حاجة حواليه ساكنة إلا جواه وفجأة سمع صوت الطيارة رفع راسه بسرعة عينيه اتعلقت ب السما شافها جاية بتقرب وكل ما بتقرب قلبه بيدق أكتر كأنها أول مرة يقابلها ف حياته ضربات قلبه بقت عڼيفة نفسه مش منتظم حاول يهدى يلم شتات روحه لكن فشل لأن اللي جاي مش مجرد لحظة عادية دي لحظة ب عمره كله. عند سبيل بعد ما وصلت الطيارة وقبل ما تهبط جات لها رسالة أخيرة بصي من الشباك. سبيل نفذت الأمر وهى مستسلمة تماما وبمجرد ما بصت من الشباك شافت اللى رد لها روحها كلمة بحبك مكتوبة كبيرة وبالخط العريض ومتحاوطة بشموع إلكترونية بعدها الطيارة بعدت شوية عن المكان عشان تنزل ف المكان المخصص لهبوطها سبيل ابتدت تربط الاحداث ببعض وقبل ما تلحق تفهم حاجة رن تليفونها بمكالمة فيديو فتحتها بلهفة وشافت جدها وهو بيضحك لدرجة ان عينه دمعت من كتر الضحك بصت له بغيظ بقى تيجي منك انت! تعمل كدا فيا ماشي يا جدو!! عمران من بين ضحكه وانا مالي ياختي هو اللى عايز يفاجئك عشان يصالحك. سبيل بصت له برفعة حاجب جدووو مبروم ع مبروم ما يرولش. عمران قهقه وبنظرة مليانة سخرية ما انتي اللى غبية اعملك ايه توقعت انك هتفهمي ههههههههههه. سبيل بغيظ افهم ايه بس وانت بتقولي صهيب وصهيل ف خطړ. عمران بنبرة حنونة انسي يا حبيبتى وانزلي قضي ليلة سعيدة ع البحر مع حبيبك اتصافوا وافتحوا صفحة جديدة.. وبص لها بمشاكسة وإياكي تسمحيله يقرب منك او حتى يلمسك فاهمة سبيل ضيقت عينيها وبنبرة مندهشة يعنى ايه بقى مش فاهمة. عمران ابتسم بمكر اسمعي يا بت اللى بقوله وانتى ساكتة وخدي بالك هعرف وانا قاعد مكانى كل اللى بيحصل بينكم. سبيل برفعة حاجب يا سلام يا سي جدو هتعرف ازاى بقى عمران زادت ضحكته هو انتي بس اللي عندك عفاريت! انا كمان عندي عفاريت ومطلوقين وراكم بيقولولي كل اخباركم يللا يا حبيبتي الطيارة هبطت قومي اجري ع جوزك عيشوا حياتكم وانبسطوا سوا. قفلت سبيل المكالمة مع جدها ونزلت جري من الطيارة وشافت ممر طويل من عند السلم مفروش بسجادة حمرا وع الجانبين شموع إلكترونية منورة مشيت ف الممر وكل خطوة بتاخدها قلبها بيدق بقوة بس المرة دي دقاته مختلفة مش دقات خوف او قلق لأ دقات فرحة وسعادة أخيرا بعد سنين عڈاب قلبها هيرتاح ويفرح أخيرا حلم حياتها هيتحقق وتبدأ تعيش حياتها مع اللى اتمناه قلبها فضلت ماشية لحد ما وصلت عند آخر حرف من كلمة بحبك ولمحته وهو بيقرب منها خطڤ عيونها بطلته الساحرة وابتسامته اللى زلزلت كيانها. اما صهيب كان واقف عند اول حرف ف الكلمة وبمجرد ما هبطت الطيارة وهو هيتجنن نفسه يجري عليها وياخدها ف حضنه ويخبيها بين ضلوعه بس كان لازم يصبر شوية اول ما شافها بتقرب ومشيت وسط حروف الكلمة المكتوبة سړقت قلبه بابتسامتها وجمالها اللى خف أنفاسه بدأ يتحرك هو كمان وحاسس ان قلبه بيرفرف جوة صدره لحد ما اتقابلوا ف نصها بالظبط قرب منها وعيونه بتلمع لمعة غريبة وفجأة كل اللى كان راسمه ف خياله طار وقف شوية ساكت عيونهم اتقابلت ف نظرة طويلة كل الأصوات اللي حواليهم أختفت ومافيش غير صوت انفاسهم ودقات قلوبهم وبس قرب منها خطوة كمان وطلع علبة صغيرة من جيب البدلة فتحها ومد إيده بيها قدامها وبنبرة صوت مبحوح تقبلي تكوني حبيبتي ومراتي أم ولادي وتمشي معايا المشوار الطويل لنهاية العمر تقبليني شريك لحياتك ورفيق دربك يا سبيل تقبليني أكون ونيسك ف طريقك تقبلي أكون سندك وأمانك وحمايتك يا سندي وأماني وحمايتي تسمحي لي بمكان ف دنيتك يا كل دنيتي سبيل شافته بيقدم لها هديته وبيعرض عليها تشاركه حياته دموعها زادت ڠصب عنها وهى مش مصدقة ولا مستوعبة اللى بتسمعه جسمها كله ارتعش وضربات قلبها زادت لدرجة ان هو شايفها حطت إيدها ع قلبها تحاول تهديه وهزت راسها بالموافقة وهى بتبتسم من بين دموعها من غير ما تنطق بكلمة. صهيب مسك إيد سبيل الشمال ولبسها الدبلة والخاتم اللى ف العلبة وبعدها باس إيدها وجبينها وهمس بصوت عاشق بحبك يا أجمل حاجة حصلت لي ف حياتي بحبك يا عمري اللى فات وعمري اللى جاي بحبك يا أول وآخر وأجمل حب عشته وبعيشه وهعيش فيه اللى باقي من عمري. سبيل أخيرا اتكلمت صوتها خرج مهزوز من بين دموعها طب واللى فات صهيب قرب منها أكتر مسك وشها بين كفوفه بيمسح لها دموعها بصوابعه وعيونه متعلقة بعيونها وبنبرة صوت مليانة بصدق مشاعره اللى فات! كان سراب وهم إنما انتي الحقيقة الوحيدة ف حياتي يا سبيلي. سبيل غمضت عينيها بتحاول تهدي ضربات قلبها وفتحتهم ببطء وهى بتهمس بالكلمة اللى خبتها جواها سنين لأول مرة وبصوت مبحوح بحبك. صهيب عينيه لمعت بسعادة وبنبرة شقية قولتي ايه ما سمعتش قولي تاني كدا! سبيل ابتسمت بخجل وعيونها اتعلقت بعيونه وهمست بحبك يا حلم عشت عمري استناه بحبك يا أجمل دعوة ف صلاتي بحبك يا أملي وظني ويقيني ف الحياة. صهيب اټجنن فجأة وصړخ مرة واحدة وبغيظ مصطنع طب أعمل ايه انا دلوقتي! بعد الكلام الحلو ده أه منك يا جدي كان لازم يعني تكتفني بشرطك الصعب ده! سبيل بمجرد ما شافته بالحالة دي اڼفجرت ضحكتها من جوة قلبها ضحكة طالعة عالية وصافية كأنها كانت محپوسة سنين وأخيرا لقت طريقها ل النور ضحكت لدرجة ان دموعها لمعت ف عينيها. صهيب شرد ف ضحكتها اللى نورت وشها وزادتها جمال فوق جمالها وفجأة اټجنن وبنبرة مچنونة لااااا أعملي معروف انا مش حمل الضحكة دي انا مستحمل بالعافية. سبيل مازالت بتضحك وبنبرة خجولة لكنها فيها شوية سخرية أهدى يا حبيبى عفاريت جدو حوالينا يروحوا يبلغوه نلاقيه واقف فوق دماغنا قبل ما نتحرك من مكاننا. صهيب بص لها برفعة حاجب وابتسامة شقية طب بذمتك انتي! ينفع أهدى وامسك نفسي بعد الكلام الحلو ده! ولا الضحكة اللى نورت الدنيا ف عز الليل دي أيعقل! سبيل بخجل وبصوت واطي اقرب للهمس هو احنا هنفضل واقفين هنا صهيب مسك إيدها شبك صوابعه ف صوابعها ورجع بيها من نفس الطريق فوق حروف الكلمة لحد ما وصل عند ترابيزة ع البحر عليها اكتر اكلات هى بتحبها وبمجرد ما قعدوا اشتغلت حواليهم الشموع الشړارية وأكتر أغنية بتحبها سبيل. غمض عينيك وإحلم معايا وهات إيديك وإحضن هوايا غمض عينيك وإحلم معايا وهات إيديك وإحضن هوايا وبمجرد ما اشتغلت الأغنية سبيل دموعها نزلت وهى عيونها متعلقة بعيونه وحاطة ايديها ع الترابيزة وبتغني معاها إحضن هوايا لأبعد حد وألمس معايا خدود الورد لا نجوم وليل ولا سما ولا أرض ده إحنا في دنيا لوحدنا. دوقني شوق دوق الغرام غمض عينيك وفي حضڼي نام قول فالهوا من غير كلام ده إحنا أتخلقنا لبعضنا. صهيب مسك إيدها وبالإيد التانية بيمسح لها دموعها وبيغني هو كمان مع الأغنية ليلة غرام نحلم ندوب من غير كلام تحكي القلوب خدني لهواك ده إحنا يا دوب باب الهوى مفتوح لنا. غمض عينيك وإحلم معايا وهات إيديك وإحضن هوايا غمض عينيك عينيك وإحلم معايا وهات إيديك وإحضن هوايا. قام فجأة وشدها لحضنه بكل قوته كأنه عايز يخبيها بين ضلوعه وبصوت مبحوح ليه الدموع دي يا حبيبتي سبيل اتنهدت تنهيدة طويلة ودموعها نازلة وبنبرة مش مصدقة طول عمري كنت بحلم باليوم ده كنت بتمنى أنك تخطفني بنفس الطريقة دي ونكون سوا ف مكان زى ده ونسمع نفس الأغنية دي انا بجد مش مصدقة انت ازاى عرفت اللى عشت عمري كله أفكر فيه! وقدرت ازاى تنفذه بالسرعة دى! ابتسم صهيب وافتكر جده لما خطط معاه كل حاجة واتنهد براحة تفتكري هيكون ازاى يعني! الاتنين نطقوها ف نفس الوقت وهما بيضحكوا أكيد جدو مافيش غيره. كملوا الأغنية ورقصوا سوا ع نغماتها بعد ما طلبوا يسمعوها مرة تانية وفضلوا ع الحالة دي وقت كبير نسيوا الدنيا حواليهم وكل ما تخلص الأغنية يشغلوها تاني ويرقصوا عليها. ف القاهرة قصر عمران الشهاوي ف نفس الوقت سامية كانت قاعدة وهي شايلة صهيل ومعاها فاطمة والبنات كلهم قلقانين ع سبيل وصهيب اللى اتأخروا وموبايلاتهم مقفولة ومش عارفين يتصرفوا. خرج عمران من المكتب وهو مبسوط بعد ما اطمن ع سبيل وصهيب وبص لهم باستغراب ونبرته كلها قلق مالكم قاعدين كدا ليه وفين الباقيين فاطمة بملامح كلها خوف وقلق كلهم فوق من بعد الغدا بس صهيب وسبيل لحد دلوقتي لسة ما رجعوش وتليفوناتهم مقفولة. عمران ابتسم بمكر عارف سيبوهم ف حالهم الله يعينهم ع اللى هما فيه. سامية بصت له باستغراب ونبرة قلق قصدك ايه يا بابا! هما جرالهم حاجة! عمران كتم ضحكته ورسم ع ملامحه الجدية لأ لسة بس أكيد هيجرالهم.. وبهمس لنفسه سمعته شاهندة ده لو ما كانش صهيب اټشل فيها. قربت منه شاهندة وهمست جنب ودنه اقفش عملت فيهم ايه يا عسل انت يشلهم! عمران رد عليها وهو بيضحك أبدا قولتلهم ما يقرب.... وفجأة بص لها بغيظ مصطنع وانتي مالك يا بت انتي امشي اقعدي جنب أختك وانتى ساكتة يللا. شاهندة غمزت له بعينها وهى رايحة تقعد جنب يمنى ماشي يا جدو مسيري هعرف. عمران بص ل سامية اللى توترها باين ع حفيدها اللى مش مبطل عياط صهيل ماله يا سامية سامية بقلق مش عارفة يا بابا بقاله ساعة مش ساكت امه اتأخرت اوى وانا قلقانة عليها هى وصهيب. عمران بهدوء قولتلك ما تقلقيش عليهم وعموما عشان ترتاحوا كلكم هما مش راجعين دلوقتي خالص لسة معاهم --- شهر ع ما يرجعوا. سامية بدهشة شهر!! طب وصهيل! ده ع صړخة واحدة بقالة شوية ومش فاصل. عمران بحكمة الولد ع صړخة واحدة لأنه حس بقلقك وتوترك وأكيد كلكم نفس الحكاية عشان كدا مش ساكت لكن لو هديتوا واطمنتوا هو كمان هيهدى ويسكت. فاطمة بصت له برفعة حاجب وفهمت هو عمل ايه وبنبرة عتاب من أمتى بتعمل حاجة من غير ما تقولي يا عمران ابتسم لها بعيونه وبنبرة فيها أسف وندم سامحيني يا غالية اضطريت... ورجع بص ل سامية بجدية اطمني يا سامية ابنك ومراته بخير انسيهم خالص وراعي حفيدك لحد ما يرجعوا. سامية بتردد بس يا بابا الولد... عمران قاطعها بهدوء ما بسش يا سامية ايه مش هتعرفي انتى والبنات تخلوا بالكم منه كام يوم لحد ما امه وابوه يرجعوا سامية بنبرة استسلام حاضر يا بابا اللى حضرتك تؤمر بيه. عمران بص ل شاهندة ويمنى بهدوء اطلعوا يا بنات كل واحدة تنده ابوها وأخوها وانزلوا كلكم بسرعة يللا. الاتنين بسعادة ف نفس الوقت حاضر يا جدو. وفعلا طلعوا السلالم جري وبعد شوية نزلوا تاني ووراهم عادل وعلي ونادر وشهاب. قرب عادل من عمران بنبرة بقلق خير يا بابا في حاجة عمران اتنهد بغيظ هو انا عشان عايز اقعد مع ولادي لازم يبقى في حاجة. عادل بنبرة اعتذار العفو يا بابا ما قصدش بس حضرتك دايما ف الوقت ده يا ف المكتب بتقرأ يا ف جناحك بترتاح. عمران بص له بهدوء ماشي يا سي عادل انا فعلا طالع ارتاح شوية.. وبص لهم كلهم بمكر بس قبل ما اطلع احب اقولكم بكرة عندنا حفلة كبيرة ومعزومين فيها ولازم كلكم تكونوا موجودين. علي باستغراب وبنبرة مندهشة حفلة ايه دي يا بابا! عمران بنرفزة مزيفة وانت مالك يا علي! انتوا تسمعوا اللى بقوله وبس قولت في حفلة والكل لازم يحضرها!! يعني تقولوا حاضر من غير نقاش. علي بنبرة كلها أسف حاضر يا بابا وأسف اني سألت حضرتك. عادل بنبرة قلق وتوتر فين الحفلة دي يا حاج عمران بنبرة هادية هتكون ف أوتيل... الساعة 9 ياريت تجهزوا نفسكم من دلوقتي وترتبوا أموركم... بص ل سامية وبنبرة أمر انزلي الصبح هاتي أشيك بدلة ل صهيل باشا الشهاوي عشان يحضر بيها الحفلة وهسيبلك مبلغ محترم مع فاطمة تديه ل محاسن وهدية عشان ينزلوا هما وكل الشغالين وقت الاستراحة بتاعتهم يشتروا هدوم جديدة عشان هيحضروا معانا الحفلة. سامية ردت بنبرة اندهاش حاضر يا بابا. نادر قرب من شهاب همس له وهو مش مستوعب اللى بيسمعه انت فاهم حاجة! شهاب عينه ع عمران هز راسه بنفس الهمس وبنبرة كلها حيرة بحاول افهم ومش عارف اوصل بس هقول ايه! هو ده عمران الشهاوي ماحدش بيعرف يفهمه. عمران بص ل شهاب بمكر ما تشغلش دماغك كتير عشان لو قعدت 100 سنة مش هتعرف تفهم دماغي يا ابن عادل. نادر بذهول اوبااااا!! هو سمعنا! طب ازاى! ده انا ما كنتش سامع نفسي عمران مشي لحد السلم ولف بجسمه ل نادر بهدوء بكرة تكبر وتتجوز وتبقى أب وساعتها هتعرف انا سمعتكم ازاى. وبص ل شهاب بنظرة حنونة كلها حب وبنبرة سعيدة حضر نفسك آخر الاسبوع كتب كتابك ع كريمة وفرحكم الشهر الجاي. شهاب جري ع جده من فرحته وهو مش مصدق اللى بيسمعه حضرتك قولت ايه دلوقتى بالله عليك يا جدي قول اللى قولته ده تاني!! عمران سابه وكمل طريقه ع السلم وهو بيبتسم ابتسامة صافية وبنبرة متهكمة وهو ضهره ل شهاب عليه العوض ومنه العوض ف أحفادي شهااااب لو هتفضل متنح كدا كتير انسى اعتبرني ما قولتش حاجة ههههههههههه. شهاب صړخ بجنان وجري ورا جده ع السلم لااااا انسى ايه ده انا ما صدقت ابوسك منين بس! قولي!! عمران ضحك بمكر ما اعتقدش انك تحب تبوس جدك الخنشور وفرهم ل ناس تانية بس بعد الفرح يا فالح مش قبله هههههه سابه وكمل طريقه طالع جناحه وجواه راحة غريبة إحساس عمره ما حسه من سنين قلبه بيرتاح لأول مرة من هم تقيل كان شايله لوحده ابتسامته البسيطة اللي فضل شايلها لحد ما وصل جناحه ما كانتش بس فرحة كانت امتنان جواه إنه شاف اليوم اللي ولاده وأحفاده واقفين فيه جنب بعض ع قلب رجل واحد من غير مشاحنات ولا حسد ومن غير خوف من بكرة دخل جناحه وقفل الباب وراه بهدوء لف بعينيه ف كل ركن ف الأوضة بيودع القلق اللي كان ساكنها قعد ع كرسيه اللي دايما بيقعد فيه سند ضهره وغمض عينيه مر ف باله حكمة فاطمة وعيونها اللى دايما بتفهمه من نظرة فرحة صهيب واعترافه بحب سبيل دموع سبيل وهى شايفة حلمها بيتحقق أخيرا بعد سنين عڈاب صوت شهاب وهو بيجري عليه من الفرحة ضحكة نادر لهفة علي وقلق عادل اللي دايما شايل المسؤولية حب سامية الخالص من أى أحقاد ل العيلة يمنى وشاهندة وهما بيجروا عليه دايما ويشاكسوه صهيل أصغر حفيد واجمل فرحة وامتداد لأسمه اللحظة اللي كان مستنيها طول عمره وعاش حياته كلها عشانها همس لنفسه بصوت واطي دلوقتي بس أقدر أقول إن عمران الشهاوي لسه بخير ولسه ليه سند سكت وساب قلبه يعيش اللحظة... لحظة الانتصار الحقيقي اللي ما جاش ب مال ولا سلطة لكن بإيدين مترابطين وعيلة اتجمعت تاني زي زمان ويمكن أحسن كمان. ف مرسى علم بعد ما صهيب وسبيل خلصوا رقص وقعدوا اتعشوا سوا ع ضوء الشموع قاموا اتمشوا ع البحر شوية لحد ما وصلوا لمكان صهيب كان مجهزه بقلب كبير مرسوم بالشموع قعدوا جواه خدها ف حضنه وناموا ع الرمل وعيونهم اتعلقت ب السما. صهيب اتنهد تنهيدة طويلة ولف وشه ل سبيل بابتسامة هادية وهو بيلعب لها ف خصلات شعرها معقول انا كنت أعمى للدرجة دي ازاى ما كنتش شايفك قبل كدا ابتسمت سبيل وبصت له بنظرة كلها شوق وبنبرة عاشقة عشان كنت شايف البنت الصغيرة اللي اتربت ف حضڼ باباك ومامتك وعاملتها زى شاهندة. صهيب عيونه اتعلقت بعيونها وبهمس لو كنت أعرف ان البنت الصغيرة ام ضفاير هتكبر وتبقى اجمل ست ف الدنيا وتحبني الحب ده كله ما كنتش ضيعت لحظة واحدة من عمري بعيد عنها. سبيل رجعت بصت بعينيها ل السما وبتنهيدة من يوم ما قلبي دق بحبك وانا بتمني اصړخ بالكلمة اللى جوايا بس كنت ارجع واقول لنفسي اهدي واستني لما تحسيها منه ويوم بعد يوم وسنة ورا سنة كنت بكبر وبيكبر حبك جوايا وما حسيتش منك اللى يخليني أصرح لك بحبي كتمته بكل قوتي وأكتفيت منك بنظرة الأخ الكبير... لفت وشها تاني وبصت له بحزن بس قلبي وجعني اوي منك لما قولت ل جدو مستحيل اتجوزها... صهيب قاطعها ببوسة فوق جبينها وبنبرة ندم كنت غبي وجاهل ما كنتش شايف الحقيقة اللى كل الناس شايفينها. سبيل بصت له وهى بتضحك وبنبرة سخرية ايوة ع رأي شهاب غبي وحمار كمان. صهيب اتعدل وقعد وبص لها بحاجب مرفوع اممممم بقى انا حمار!! مااااشي سبيل قعدت بصت له وضحكت بعلو صوتها ومن بين ضحكها أحلى حمار ف حياتي يا ناس ههههههههههه. صهيب بص لها وهو بيضحك يا بنتى أرحمي أمي بطلي تضحكي وتبصي لي كدا صدقيني هروح فيها!! سبيل ما زالت بتضحك وصوت ضحكتها مجلجل سلامتك يا حبيبى. صهيب بغيظ يا بت بقولك بطلي ضحك انا ھموت وندخل سوا جوة الشاليه. سبيل من بين ضحكها اللى هيجننه وانا مالي يا اخويا عايز تدخل ادخل لوحدك جدو قالي اوعي جوزك يتحمرش بيكي وانا بحب اسمع الكلام ههههههههههه صهيب بص لها برفعة حاجب وابتسامة غيظ اه ياختي اسمعي كلامه انتي واټشل أنا. سبيل غمزت له وبنبرة كلها دلع بعد الشړ عليك يا هيبو يا حبيبي. صهيب قرب منها وشدها لحضنه بغيظ وبعدين معاكي يعني انتي ناوية تجننيني مش كدا! بقى انا بقولك اتلمي وانتي تشليني بزيادة مش كفاية جدك واللى عامله فيا. سبيل ابتسمت واستسلمت لحضنه غمضت عينيها وبتاخد نفس قوي من ريحته فتحت عينها ببطء وبصت له بحب وبنبرة كلها رجاء انا بحبك أوي يا صهيب ممكن ما توجعنيش تاني! صهيب اتنهد تنهيدة تقيلة وبص لها بنظرة حنونة ونبرة ندم سامحيني يا أغلى من روحي حقك ع قلبي عارفة انا كنت هتجنن لما مشيتي وما كنتش عارف عنك حاجة قلبت الدنيا عليكي عشان الاقيكي كنت بقولهم اني بدور عليكي عشان أطلقك واسلمك بإيدي ل حبيبك بس كنت بستغرب نفسي أزاى بقول كدا وجوايا مش عايز أعمل ده عايزك تفضلي مراتي ماكنتش فاهم ليه ودلوقتي بس فهمت بس اللى هيجنني انتى ازاى كنتي ف مارسيليا وانا سألت عليكي ف المطار وقالولى ما خرجتيش من مصر. سبيل ابتسمت ابتسامة هادية عشان ببساطة انا ماخرجتش من مطار القاهرة. صهيب باستغراب ازاى سبيل بهدوء يا حبيبى انا لما رجعت من باريس نزلت ع مطار شرم الشيخ وطبيعي لان التذكرة ذهاب وعودة ارجع مع نفس الشركة من شرم. صهيب قام وقف وشدها وقفها يتمشوا شوية طيب ده بالنسبة لسفرك بعيدا بقى عن كل الشقلبة اللى عملتيها عشان تكشفي نرمين وسها... سبيل قاطعته بغيظ اسمها سلعوة وما تجيبش سيرتها تاني عشان انا بغير مااااشي صهيب اتنهد بابتسامة حاضر يا عيون وقلب حبيبك بس بجد عايز اعرف ازاى قدرتي تاخدي شاهندة ويمنى وتخلينا نلف حوالين نفسنا بالشكل ده. سبيل بابتسامة هادية لما عرفت بتخطيط هاني حبيت اسبقه بخطوة وقولت ل جدو اللى فكرت فيه وساعتها كلمت شهاب وحكيت له كل حاجة وعرفته بالناس اللي هتساعده وهو قال ل شاهندة ويمنى وخروجهم من القصر يوم مواجهتك بالسلعوة كان بالاتفاق معاه وكنا كلنا ع الفون مع بعض لحد ما اتأكدت انهم ف أمان. صهيب بابتسامة شقية يا خراشي متجوز زعيمة عصابة يا ناس. سبيل برفعة حاجب ونبرة تحدي زعيمة عصابة! ماشي ماشي انا هوريك زعيمة العصابة دي هتعمل فيك ايه!! صهيب اتنهد تنهيدة خفيفة ووقف قرب منها مسك ايديها الاتنين ورفعهم لشفايفه باسهم ببطء وعيونه متعلقة بعيونها انا أكيد عملت حاجة حلوة ف حياتي عشان ربنا يكافئني بيكي بحبك يا سبيلي... قرب منها وهمس بنبرة دافية جنب ودنها أحببتك يا امرأة أعطتني بلا ثمن خطفتني من نفسي ومن زمني أهدتني قلبها وطن وهمست لروحي بحنان ما عرفته أبدا فصار نبضي لا ينبض إلا لك علنا. أقسم لو عاد بي العمر من أوله لاخترتك عشقا وسكنا ومأمنا. ابتسمت سبيل بخجل وهى حاسة بكلمات صهيب بتلمس قلبها رفعت عينيها ل عينيه ف نظرة طويلة مليانة حب مالوش وصف أنت من جعلني أرى العالم بألوان جديدة أنت من علمني أن الحب ليس مجرد كلمات تقال --- بل هو روح تتنفس فينا لقد سرقتني من كل شيء وتركتني في عالم لا أريد الخروج منه عالم مليء بك وحدك أنت ليس فقط ما تمنيته بل أكثر مما حلم به قلبي وأرقى مما يليق بأحلامي أقسم لك لا وجود لي خارج حدودك ولا حياة لي إن لم تكن أنت سكني ووطني ومأمني لست بحاجة لأن يعود الزمان لتختارني فكل لحظة معك هي ميلاد جديد لعشق لا ينتهي. بعد وقت طويل رجعوا قعدوا جوة القلب المرسوم غلبهم التعب خدها ف حضنه وناموا ع الرمل مرة تانية بس المرة دي راحوا ف نوم عميق كأنهم اول مرة يدوقوا الراحة بعد سنين تعب وانتظار مر الوقت بسرعة ولما صحيوا دخلوا الشاليه أخدوا شاور وفطروا وخرجوا بسرعة ع المطار ركبوا اول طيارة راجعة القاهرة وزى ما قال عمران طلعوا من المطار ع الأوتيل أكدوا الحجز واستلموا مفاتيح الأوض وبمجرد ما وصلوا قدام اوضهم. صهيب باس سبيل ف جبينها وبنظرة عاشق مضطر أنفذ باقي الشرط واتحرم منك لحين إشعار أخر من عمران باشا هتوحشيني وتوحشي عيني وقلبي وعقلي الشوية اللى هتغيبيهم عني. سبيل غمضت عينيها تحبس صورته جواها وبنبرة اشتياق وانت كمان هتوحشني يا حبيبي. صهيب بجنان أنا بقول بلاها شرط بلاها جدو وندخل الاوضة سوا عشان كدا كتير بصراحة. سبيل بضحك وهي بتزقه ناحية اوضته أمشي يا مچنون أدخل اوضتك قبل ما نلاقي جدو ع دماغنا. صهيب اتنهد بحاجب مرفوع وهو بيمسح ع وشه بنبرة غيظ مصطنع مليانة دلع مضطر اصبر وامري لله... بص لها بعيون كلها شوق وبنبرة دافية تحضن القلب ادخلي ارتاحي وخلي بالك من نفسك. سبيل اكتفت بهزة خفيفة من راسها وسعادة مرسومة ع وشها من غير ولا كلمة ويا دوب كانت بتفتح باب أوضتها... صهيب نده عليها فجأة بصوت كله لهفة سبيل!! سبيل وقفت مكانها ولفت راسها ناحيته بنعومة امممممم نعم صهيب غمز لها وطبع ع ايده بوسة وطيرهالها ف الهوا وهمس بصوت حاني بحبك بعيش فيكي وليكي وبيكي. سبيل ضحكت بدلع وهي داخلة الاوضة وبصت له بشقاوة مچنون. صهيب رد عليها بضحكة ناعمة بيكي يا قلبي. كل واحد فيهم دخل اوضته وقلبه مليان راحة وسعادة كأنهم أخيرا وصلوا لنهاية السباق منتصرين صهيب اول ما دخل قعد ع الكرسي وهو حاسس ان قلبه بيخبط ف صدره بقوة ابتسم وغمض عينه وذاكرته خدته ل الليلة اللى فاتت افتكر صورتها وهي ماشية ناحيته بالفستان الأخضر اللي خلى لون عينيها يلمع كأنهم زمرد وشعرها اللى خصلاته كانت بتطير وقلبه بيطير معاهم اتنهد تنهيدة طويلة وبص ف ساعته بيعد الدقايق والثواني مستني بس إشارة من جده أما سبيل دخلت أوضتها حدفت نفسها ع السرير بتنطيط قلبها بيدق بفرحة ما لهاش وصف كل تعبها وحزنها كأنه اتبخر كل حاجة اتبدلت الدنيا ف عينيها اتغيرت الأرض الصحرا بقت خضرا والورد فتح والفراشات بترقص حواليها كل حاجة بقت زاهية قعدت تتنطط بسعادة زى طفلة صغيرة فرحانة بلبس العيد لحد ما غلبها النوم نامت بعمق وجواها راحة واطمئنان عمرها ما عرفتهم قبل النهاردة كأن قلبها أخيرا لقى المرسى بعد سنين من التوهان ما كانش مجرد نوم دي كانت سکينة نادرة سلام داخلي طبطب ع چرح الأيام والليلة اللى فاتت زارتها ف أحلامها بكل تفاصيلها كأنها بتعيشها من تاني. صهيب قاعد ف اوضته وفكره مشغول بيها مد إيده للموبايل من غير ما يحس وكان ع وشك يطلع يروح يشوفها بس فجأة شاشة الموبايل نورت برسالة من جده كأن عمران شايفه وقرأ أفكاره خليك عاقل وافتكر الشرط لو فكرت تقل عقلك وتدخل اوضتها قبل الوقت المحدد هعرف وهتلاقيني فوق راسك باخدها منك ومش هخليك تشوفها تاني... قرأ الرسالة وعينيه وسعت من الصدمة حس إن جده بيراقبه من ورا الحيطان اتنهد واتنفس بعمق وهمس بغيظ ده مش بشړ... رجع يقعد مكانه ووشه فيه مزيج بين الضحك والغلب وعقله بيترجى قلبه استحمل فاضل شوية وبعدها هتبقى ليك للأبد... الوقت بيمر عليه تقيل جدا والساعات بطيئة لدرجة مملة كل ما يتهور ويفكر يروح لها يفتكر الرسالة يهدى ويستنى وبعد نص النهار اتفاجئ بخبطة ع باب الاوضة ولما فتح لقى كوافير رجالي داخل الأوضة وبنبرة كلها هدوء أنا هنا بأمر من حد مهم هافضل مع حضرتك لنهاية اليوم. خطړ ف بال صهيب جده مافيش غيره ممكن يعمل الحركة دي هز راسه للراجل بابتسامة هادية تمام اتفضل... وبالفعل امتثل لأمر جده وسلم نفسه للكوافير وهو بيحاول يفهم اللى بيدور ف دماغ عمران. أما سبيل ف فضلت نايمة وقت طويل خاېفة تكون بتحلم خاېفة تصحى ع واقع مالوش طعم صحيت فجأة ع خبطة خفيفة ع الباب فتحت لقت نفس البنت الميكب آرتست وأختها بابتسامتهم المريحة سألتهم بدهشةإزاي عرفتوا مكاني! ضحكت البنت بهدوء في حد طلب مننا نيجي نجهزك! فهمت سبيل ان الحد ده جدها اتنهدت بفرحة واستغراب ف نفس الوقت هو مافيش غيره... وبدأت استعدادات اليوم الغريب تتم...صهيب واقف قدام المراية بيحاول يظبط كل تفصيلة فيه وهو لسه مش فاهم هو بيجهز لإيه بالظبط بس قلبه بيقوله إن اللحظة دي مش عادية وإن اللي جاي هيفضل محفور جواه طول العمر وف الجهة التانية سبيل بتتحضر وملامحها بين الشوق والرهبة جسمها بيرتعش ودمعة فرحة خفيفة لمعت ف عينيها مش مصدقة إن الحلم اللي كانت بتدفنه ف قلبها بقاله سنين بقى حقيقة بتتنسج بخيوط من فضة حواليها قبل ما يوصل عمران بساعة وصلت ل صهيب بدلة سودة أنيقة جدا خامتها فخمة وتفصيلتها ع مقاسه كأنها مصنوعة مخصوص ليه ومعاها علبة مخملية صغيرة جواها زراير قميص من الفضة ودبوس كرافتة مرصع بفصوص ماس ناعمة بتلمع تحت النور كأنها بتشهد ع لحظة فارقة ف حياته وف نفس اللحظة دخل عند سبيل فستان زفاف أبيض... مش مجرد فستان لأ دا إعلان بداية جديدة ناصعة زي لونه مليانة أمل ودفا بكامل أكسسواراته طرحة طويلة بتتهدى ع الأرض وتاج صغير بيرقص فوق المخدة جنبها وكل تفصيلة فيه بتحكي عن بنت استحقت السعادة بعد سنين حزن وۏجع. صهيب وسبيل... كل واحد فيهم واقف لوحده بس قلوبهم قربت خلاص تلتقي ف يوم شكله عادي لكن معناه كبير بشكل غير عادي. مرت الساعة ووصل عمران بكل هيبته المعهودة شامخ زى عوايده دخل اوضة صهيب وعينيه بتلمع بدموع مش قادر يخبيها وقف قدامه لحظة كأنه بيشوف الحلم اللي بقاله سنين بيزرعه بيكبر قدامه بملامح الرجولة والجاذبية قرب منه بحنان مسك وشه بين إيديه وباس جبينه بنبرة دافية النهاردة بس قلبي هيرتاح وأقدر انام وانا مطمن سايب ورايا راجل هيتحمل الأمانة ويكمل مسيرتي من بعدي. صهيب ساب دموعه تنزل من غير ما يمنعها ميل راسه وباس إيد عمران باحترام وحب حضرتك الخير والبركة يا جدي ربنا ما يحرمناش منك أبدا. ابتسامة هادية ظهرت ع ملامح عمران وبنبرة فيها شقاوة خفيفة كتم بيها مشاعره طب يا اخويا يللا انزل استناني تحت لحد ما انزل لك امشي. صهيب بص له بنظرة رجاء ونبرة طفولية ف نفس الوقت طب والنبي يا جدي أشوف سبيل قبل ما انزل لحظة واحدة بس. عمران بص له برفعة حاجب وكتم ضحكته بصعوبة انزل ياض وانت ساكت ولا أرجع ف كلامي! صهيب صړخ بغيظ طفولي لاااااااا أبوس ايدك ترجع ف كلامك ايه!! حااااضر هنزل وانا ساكت أمري لله. نزل فعلا وهو بيحاول يتخيل شكل سبيل يتخيل لمعة عينيها لما تشوفه يتخيل صوتها وهي بتنده باسمه لكن فجأة وهو خارج لقى راجل من المسؤولين عن القاعة مستنيه ابتسم له بلطف وقرب منه خده ل مكان متداري بعيد عن العيون وفضل واقف هناك مستني وحس قلبه بيرقص بيقول له إن اللي جاي مش عادي. أما عمران بعد ما نزل صهيب قلبه سبق خطواته وراح عند سبيل بنت عمره وضي عيونه اللي خفت روحه من أول صړخة ليها ف الدنيا خبط ع الباب ودخل بهدوء ولما عينه وقعت عليها انبهر بجمالها شافها بدر ليلة تمامه ملكة جمال بفستانها الأبيض كأنها حورية نازلة من السما وجمالها زاد أضعاف لما التاج زين راسها قرب منها وفتح لها دراعه ډخلها بين أحضانه ضمھا بحنية وباس جبينها بدموع عينيه وهمس صوت مبحوح مبروك يا قلبي من النهاردة في حضڼ تاني هيشاركني فيكي وياخدك مني يا بنت قلبي. سبيل دخلت ف حضنه كأنها طفلة بتستخبى من بكرة ابتسمت والدموع لمعت ف عينيها بنظرة كلها إصرار مستحيل حد يقدر ياخدني منك يا جدو... سكتت لحظة قبل ما تطلع بشقاوتها المعهودة وترفع حاجبها بنبرة فيها هزار يا عمارة انت الأساس والباقي شنط وكياس. ضحك عمران بعلو صوته الضحكة اللي دايما بتطلع من قلبه لما تكون هي قدامه وبنبرة فيها مكر لطيف اه لو سمعك! يا شقية. سبيل ضيقت عينها برفعة حاجب وبصت له بتحدي ساخر هيعمل ايه يعنى! وانا معايا غول الشهاوية ولا يعرف يعمل حاجة! عمران ضيق عينيه بخبث واضح خلاص نبعتله نقوله ونشوف هيعمل ايه سبيل رمشت ببراءة مصطنعة ونبرة طفلة بتحاول تنقذ نفسها خلاص خلاص يا جدو قلبك ابيض خليه قاعد مكانه بدل ما يقلب هولاكو ويعورنا كلنا. ضحكوا سوا زي ما متعودين وطلعت ضحكتهم مجلجلة من قلبهم فيها صدق وفرحة ماتستخباش بعدها عمران مد إيده ل سبيل بإشارة هادية عشان تتعلق ف دراعه وينزل بيها يسلمها ل صهيب اتحركوا سوا وخرجوا من الباب وكل خطوة بتخطيها سبيل كان قلبها بيدق أسرع والتوتر جواها بيزيد بس وسط ده كله كانت حاسة بفرحة مختلفة عميقة مشاعرها متلخبطة بين التوتر والحماس بين الشوق والخجل ومع كل خطوة كانت ترفع عينيها ل جدها تسرق منه نظرة أمان وتستمد منه قوة كأنه هو السند الحقيقي ليها في اللحظة دي لحد ما وصلوا عند باب القاعة. جوة القاعة صهيب كان واقف ف مكان متداري قلبه بيخبط مش قادر يظبط أنفاسه وفجأة الحاجز اللي كان مخبيه اترفع ولقى نفسه ف نص القاعة محاصر بنظرات كل الناس لمح ف نظرة سريعة العيلة كلها موجودة... عادل وسامية أخواته شهاب وشاهندة عمه وولاده حتى شريف ومراته فريد وباسيلي رسلان كريمة وأهلها وكمان ناس كتير من رجال الأعمال والناس الكبيرة في البلد وف لحظة فاجئت الكل حتى صهيب نفسه اتفاجئ اتفتح باب القاعة ودخل عمران ماسك إيد سبيل بطلتها الملائكية المبهرة ماشية بخطوات هادية بس واثقة وهما بيقربوا خطوة ورا خطوة ناحية صهيب اللي اتسمر مكانه عينه اتعلقت بيها ماقدرش يرمش حتى كأن الزمن وقف وأنفاسه خرجت بصعوبة حس إن قلبه هيخرج من مكانه ويروح --- لها. عمران قرب من صهيب وحط إيد سبيل ف إيده وبصوت مبحوح مليان شوق وحنية سلمتك بنت قلبي وضى عيني مش هوصيك عليها. صهيب بص له بنظرة كلها احترام وحب وبنبرة مليانة حزم وصدق هحطها ف قلبي يا جدي وأقفل عليها وصيتك وأمانتك بعمري أفديها وبروحي أحميها وعد مني عمري ما هزعلها ولا أخلي دمعة توصل ل عينيها. عمران ابتسم بهدوء ودمعة صغيرة لمعت ف طرف عينه هو ده ظني فيك يا ابن قلبي وتربية دراعي دايما راجل وقد المسؤولية. بعدها باس جبين الاتنين وسابهم بإيدين بترتعش من الفرحة رجع قعد جنب فاطمة ومسك إيدها بحب رفعها لشفايفه وباسها قولتلك أحفادنا هيرجعوا وايديهم متشبكين ف بعض أهو جه اليوم اللى اتمنيناه يا فاطمة. فاطمة بصت له بنظرة عتاب بسيطة وسعادة كبيرة رغم اني زعلت منك يا ابن عمي بس عمري ما شكيت ف حكمتك ولا قراراتك... لفت عينها ناحية أحفادها شافت صهيب بيبوس جبين سبيل وبيخطوا اول خطواتهم لطريق سعادتهم اللى هيكملوه سوا طلعوا ع الاستيدج اشتغلت المزيكا وأبتدت لحظاتهم الجميلة ع أغنية أجمل وهما بيرقصوا سوا بيغنوا معاها من قلبهم حكايتنا كملت وكان في وعد نفذته وشلتك في عينيا اسمك واسمي جنب بعض ولآخر عمري شريك فيا أدي كل صحابنا ومعارفنا جم يتبسطوا معانا الليلة ديا قلبي من الفرحة عمال يضم حضنك يا حبيبي بحنية ده كإني في حلم وبقول يا سلام معقول يا قلبي بقينا ليه! وهادينا يا دنيتنا بأحلى أيام الفرح ده إحنا أولى بيه أنا هفضل جنبك وأعيش سنيني معاك يا حبيبي كلها وهطمن قلبك وأملي عيني بأحلى دنيا أنا شفتها. أنا في عينيك الحلوين سرحت من إمتى ونفسي تكون ليا أول ما شفتك أنا أتصالحت مع نفسي وأيامي الجاية أول مقابلة لو عدى عمر أنا هفضل فاكر تأثيرها مهما السنين تفوت تمر صورة مفيش حد يبدلها ده كإني في حلم وبقول يا سلام معقول يا قلبي بقينا ليه! وهادينا يا دنيتنا بأحلى أيام الفرح ده إحنا أولى بيه أنا هفضل جنبك وأعيش سنيني معاك يا حبيبي كلها وهطمن قلبك وأملي عيني بأحلى دنيا أنا شفتها بعد ما خلصت الأغنية ولسة الكل ف حالة انبهار قام عمران من مكانه وقرب ناحيتهم فاجئهم وفاجئ كل الحضور مرة تانية كان متفق مع مسؤول القاعة من بدري وجهز ترابيزة صغيرة عليها 3 كراسي ومايك وقف نده ع علي وصهيب يقربوا من الترابيزة كان وصل المأذون وقعد ع الكرسي اللى ف النص قعد علي ع شمال المأذون وصهيب ع يمينه وبص نحية علي ونبرة صوته كانت مليانة فخر وهيبة طلب ايد سبيل منه قدام الناس كلها ممكن يا عمي تجوزني بنتك عايزها تكون شريكة لحياتي تكون السكن ل روحي تكون الرحمة والمودة ل قلبي تكون تاج راسي ونور أيامي ورفيقة دربي. علي ماقدرش يرد ع طول دموعه نزلت ڠصب عنه قلبه بيرتعش جواه إحساس كان مېت فيه ورجع يتنفس من جديد لحظة عمران وصهيب رجعوا له فيها اللي اتسرق منه من سنين قام من مكانه وشد صهيب لحضنه بحب وألم وفرح ف نفس الوقت وبصوت بيترعش موافق أجوزها لك بس بشرط تكون لها العوض عن مر الأيام تكون لها الضحكة اللي تمحي أى حزن تكون أمانها وسندها وحضنها اللي تطمن فيه تحافظ ع القلب اللى عاش سنين بيتمناك والنهاردة بقى بين إيديك. خرج صهيب من حضڼ علي باس ع راسه وايده ووعده من قلبه انه هيحافظ ع سبيل رجعوا قعدوا والمأذون أشهر الجواز من جديد بس المرة دي كانت مختلفة المرة دي الوكيل كان علي هو اللى حط إيده ف إيد صهيب وسلمه سبيل. ولما خلص الإشهار صهيب قام بسرعة وبلهفة قلب عاش مستني اللحظة دي خد سبيل ف حضنه لف بيها كتير وسط القاعة وكل اللى حواليهم كانوا بيصقفوا بس هما مش حاسين ولا سامعين غير دقات قلوبهم وبهدوء مفاجئ سكت المكان كله وصوته هو اللى ملأ القاعة غنى لها من غير موسيقى من غير ترتيب من غير خوف غنى بصوته المرتجف من الحب غنى من قلبه ليها هي وبس وعينه ف عينها وصوته بكل دقة من دقات قلبه بينطق حبيبي يا كل الحياة اوعدني إنك تفضل معايا ما تغيبش عني خد قلبي مني خليك حاضني لحد النهاية. ده عيونه دار جنة وڼار ضحكة نهار أجمل رموش شدوني ليه وأنا دوبت فيه وإزاي وليه ليه ما تسألوش الله عليك وأنت واقف بين إيديا ضحكة عينيك بيها بنسى الدنيا ديا الله الله عليك وأنت واقف بين إيديا ضحكة عينيك بيها بنسى الدنيا ديا لو يوم يغيب يلقى حبيب يحلم معاه آه ويحس بيه هفضل أنا أحلم هنا يجمعنا يوم وأحضن عينيك الله عليك وأنت واقف بين إيديا ضحكة عينيك بيها بنسى الدنيا ديا الله الله عليك وأنت واقف بين إيديا ضحكة عينيك بيها بنسى الدنيا ديا. سبيل بصت له بدموع بتلمع ف عيونها قلبها بيدق بسرعة مرعبة مش مصدقة إن اللحظة دي بقت حقيقة حبيبها واقف قدامها بيغني لها لوحدها والقاعة كلها ساكتة مستنية رد فعلها حاسة بعيون الكل متسلطة عليها وبتبلع ريقها بصعوبة من كتر الخجل اللى لونه صب ف خدودها ورد واللي خلى نظرتها تهرب لثواني قبل ما ترجع تترفع تاني ع عينيه حاسة كل حاجة حواليها اختفت وفضل هو وصوته ونظرة عينيه اللى حضنتها قبل ما حضنه يلمها مدت إيديها بخجل ولفتها حوالين رقبته وهمست بصوت مبحوح بحبك بحبك من قبل حتى ما أعرف يعني إيه حب. اتنهد صهيب بسعادة وبقى هيتجنن ونفسه ياخدها ويجري بيها بعيد عن عيون الكل. قرب منهم عادل والفرحة باينة ف ملامحه بارك لهم وباس جبينهم وبنبرة حب ربنا يسعدكم ويكمل فرحتكم ع خير. سامية بصت لهم بدموع الفرحة وهى شايلة صهيل وقربت منهم أخيرا جه اليوم اللى عشت عمري بتمناه أحضر فرحكم.... وبصت ل ابنهم اللى بين إيديها بضحك وأشيل اولادكم. نط شهاب من وراها وهو بيضحك واديكي شوفتي اليوم كومبو يا سمسمة اتنين ف واحد وبص ل صهيب غمز له بمكر الله يسهل له يابا ناس ليها فسح وسهر وناس تقعد تتحسر فضلوا يضحكوا ويهزروا وكل الشباب والبنات اتجمعوا حواليهم يغنوا ويرقصوا وكان فرح اسطوري ولا ف الخيال. وقت استراحة البوفيه قرب رسلان من صهيب بتوتر واضح ف ملامحه ونبرة صوته بشمهندس صهيب انا چاى طالب الجرب منك وعايز أخطب انسة شاهندة. صهيب ضيق عينيه وبص له باستغراب وبنبرة مليانة دهشة قولت عايز ايه! تفتكر الوقت مناسب يا متر! رسلان بص ف الارض بخجل ونبرة صوته مهزوزة عارف ان الوجت مش مناسب انا بجالى فترة متردد أكلمك لأسباب انت عارفها كويس بس اللى حوصل ف مكتبك من يومين خلاني اتشچع واتجدم اطلب يد انسة شاهندة وجبل ما تجول حاچة انا من وجت ما شوفتها اول مرة وهي شغلت بالي وسكنت جلبي ولولا كانت مخطوبة وجتها كنت اتجدمت ع طول لكن هجول ايه عاد!! النصيب بجى جولت ايه صهيب سكت وبص له بنظرة طويلة فاحصة وهو بيحرك لسانه جوة بقه وقبل ما يرد عليه اشتغلت الموسيقى وابتدى الجزء التاني من الفرح ومسؤول القاعة نده عليه وأضطر يستأذن ويرجع يكمل ليلته وساب وراه قلب بېحرق. رسلان فضل واقف مكانه نظراته تايهة وقلبه بيدق دقات متقطعة من القلق والتوتر اللي عمال يعصره من جواه كان محتاج بس كلمة إشارة حتى نظرة تطمنه لكن صهيب مشي وسابه يغلي ف ڼار الحيرة فضل واقف كأن الزمن وقف عنده القاعة كلها حواليه بتتحول لمشهد تاني ضحك وصور وناس بتسلم ع بعض وأطفال بتجري وهو جوه عقله صوت واحد پيصرخ هيوافق ولا لأ! شرد ف دوامة أفكاره وماحسش بالوقت فجأة أكتشف ان الوقت بيمر بسرعة والفرح اللى كان درب من الخيال خلاص بيخلص الكل كانوا مبسوطين واتجمعوا كلهم عشان يتصوروا مع سبيل وصهيب قبل ما يمشوا واجمل صورة خدوها كانت صورة عمران وهو شايل صهيل واقف ف النص عن يمينه صهيب وعن شماله سبيل وحواليهم كل العيلة عادل وسامية شهاب وشاهندة وكريمة شريف ومراته فريد وباسيلي وحتى علي اللى عيونه كانت بتضحك وهو بيحضن سبيل من بعيد بعينيه وجنبه يمنى ونادر. كلهم بيبصوا لبعض بحب بحب صادق مالى الصورة دفءخلى كل الناس تقول دي مش مجرد عيلةدي قصة حب! بعدها ودعوا سبيل وصهيب اللى خرجوا من الأوتيل ع المطار ع طول عشان يبدوا رحلة شهر العسل وأول لحظة ف حياتهم الجديدة وعيونهم مليانة شوق وقلوبهم مليانة حب وسند لبعض ومع أول خطوة خدوها سوا ف طريقهم الجديد انتهت كل الأوجاع وخفت كل الجراح وابتدت احلام وآمال بحياة جديدة مليانة حب وسکينة ل قلوب أخيرا لقت بعض بعد معاناة. ها قد انتهت الحكاية كما تنتهي الفصول لكنها لم تكن نهاية بل ولادة جديدة لقلوب تعلمت كيف تحب وتغفر توقفت الكلمات لا لأن الحروف جفت بل لأن السكون أصدق من الضجيج أحيانا في عيونهم وعود وفي قلوبهم وطن وعلى أعتاب الغد تبدأ حكاية أخرى بلا ۏجع بلا خوف فقط نبض ونور وحب لا يهزم. تمت بحمد الله

مقالات ذات صلة

ياتدفعي ياتغوري

طلاق 3

عشقي وحبي 1

اعلن 3

بنت من 19للاخير

الوعد 1

اترك تعليقاً إلغاء الرد