فارس 4

أدهم::جه جرى و شاف فارس و حور .. أهدى يا فارس لو سمحت و سيبها خلينى ألحقها .. لـ عاليا هاتى شنطتى من اوضتى بسرعة يا عاليا

عاليا::بخوف .. حاضر يا أدهم و جريت جابت الشنطة و رجعت

سلمى::بسخرية .. بنات أخر زمن زى ما تكون مافيش غيرها اللى امها ما تت بلا مياصة و دلع بنات فارغ😏

هالة::عندك حق يا سلمى ياختى ما انا امى ما تت ما عملتش كدا ولا حتى اخواتى الصغيرين عملوا كدا بلا وكسة😏

فارس::بعصبية لـ سلمى .. عمتتتتتييي ولا حرف زيادة لو سمحتى

سلمى::لـ نجوى بغيظ و الله و عرفتى تربى يا مرات أخويا

فارس::بنفس عصبيته عمتى .. أمى مربيانا كويس اوى و لو سمحتى بقى كفاية لغاية كدا

سلمى::جرالك ايه يا ابن أخويا مالك متعصب ليه كل ده عشان قولت ع الغندورة بتاعتك انها بتدلع ابقى غلطت فيها

فارس::حور مابتدلعش ولا بتتمايص يا عمتى فهمانى

هالة::و هى عمتك كانت غلطت فـ البخارى يعنى يافارس عشان تزعق كدا

فارس:: مرااات عمى حور خطيبتى و مش هسمح لـ حد أبدا انه يغلط فيها و اللى غلط فيها كأنه غلط فيا بالظبط اظن كلامى واضح

أدهم::خلاص يا فارس أهدى حور كويسة هى بس ضغطها وطي شوية و بص بغيظ لـ شروق .. تلاقيها بس حد ضايقها بكلمة

حلم::بتعب .. فارس خلاص أهدى انا كويسة و شوية كدا و همشى

نجوى::هتمشى فين يا حور يابنتى وانتى تعبانة كدا

حلم::هروح المزرعة يا خالتو شغلى متعطل لازم أرجع

نجوى::بقلق عليها .. ممكن تستنى كام يوم يابنتى لغاية ما تبقى كويسة

حلم::بأبتسامة وجع .. صدقينى انا كويسة و لما ارجع شغلى هكون احسن ولـ عاليا و ياسمين ليكم كتير قاعدين ولا مش ناويين ترجعوا المصنع

ياسمين::أكيد هنرجع طبعا بس بعد أذن فارس

فارس::بهزار .. عاليا اه انتى لأ

ياسمين::بتذمر طفولى .. ليه بقى

فارس:: غلااااسة

حلم::فهمت قصده .. اممممم غلاسة برضوا ولا غيرة ؟

فارس::بهمس تحت نظرات شروق اللى هتفـ ر قع من الغيظ

لو ع الغيرة همنعكم كلكم واخبيكم فـ حضنى

حلم::بنفس الهمس و بتجمعنى معاهم ليه

فارس::بجد مش عارفة ليه ؟ و قرب أكتر انا ماحبيتش ولا هحب غيرك انتى و زى ما بغير ع أخواتى بغير ع حبيبتى

حلم::بأبتسامة صافية .. و انا بعشق غيرتك عليا .. بس لازم ارجع شغلى ولا ايه

وفعلا بعد إصرار حلم انها ترجع المزرعة وافق فارس وراح وصلها بنفسه هى وياسمين وعاليا واطمن عليهم ورجع تانى