فارس 4

شروق::بحزن مصطنع .. فيها ايه زيادة عنى يا فارس .. ليه اخترتها هى مع انك لسة عارفها من فترة بسيطة وانا طول عمري قصادك و بحبك مافكرتش فيا

حلم::ع الموبايل و سامعة كل كلمة

فارس::بيرد ع شروق و من كتر عصبيته نسى ان المكالمة مفتوحة .. عاااايزة تعرفى لييه اختارتها و ليه هى مش انتى .. عشان هى صعبة .. صعبة اوى و بعيدة اوى ماوصلتلهاش بسهولة تعبت عشان اوصل .. و كمان عشان عارفة قيمة نفسها كويس ملكة ع عرشها اللى عايزها يروح لغاية عندها عشان ينول رضاها ..

هى مش زيك كلمة توديها و كلمة تجيبها هى غالية اوى

و اسمعي منى و أفهمي كويس مهما حاولتى ياشروق مش هتطولى اللى جاية عشانه

شروق::بغـ ـضـ ب .. هتشوف يا فارس .. هطوله و ساعتها هعرفك معنى كلامك ده كويس اوى.

فارس::ههههههههههههههههههه مسكينة يا بنت عمتى .. لو عرفتى تعملى حاجة أعمليها .. وسابها و نزل شقته

حلم::أطمنت أكتر لما سمعت رده ع شروق وقفلت المكالمة و نامت وهى فـ قمة السعادة

_________________________

فـ شركة عابد

قاعد بيفكر أزاى يخلص من سيلين بعد اللى عرفه وشافه من غير ما يشك فيه حماد الدمنهورى و أتصل بشخص مجهول

عابد::الووو

المجهول::أؤمرنى يا باشا

عابد::سيلين الدمنهورى

المجهول::مرات حضرتك ..مالها؟

عابد::عايزها فـ خبر كان

المجهول::بس ليه يا باشا

عابد::بغـ ـضـ ب.. من أمتى بتسأل يا بنى أدم انت .. أنت تنفذ و انت ساكت فاااااهم

المجهول::تحت أمرك يا باشا ..بس أعرف خط سيرها

عابد::هى حاليا فـ النادى و هترجع الڤيلا كمان ساعتين تقريبا

المجهول::قصد حضرتك ان…

عابد::بالظبط مافيش قدامك غير ساعتين بس و عايز أسمع خبرها .. وقفل المكالمة

وفعلا راح الشخص المجهول و أتأكد من وجود سيلين فـ النادى و عرف مكان عربيتها و من غير ما حد يشوفه زرع لها قنـ بلة مظبوطة ع وقت معين

وأختفى فـ الحال

سيلين::قاعدة فـ النادى مع شلتها و فجأة رن موبايلها و شافت أسم روڤى قامت بعيد عن الشلة و ردت بتوتر..أ أ ألووو روڤى

رأفت::بيبى وحشتينى

سيلين::و بعدين معاك يا رأفت مش هتسيبنى فـ حالى بقى

رأفت::نو بيبى عايزك تيجيلى الشقة ..أصلك وحشانى موووووت

سيلين::أرجوك رأفت بليز لو فعلا بتحبنى كفاية لغاية كدا .. بص هكتبلك شيك بالمبلغ اللى تحدده و أدينى الفيديوهات اللى عندك و سيبنى فـ حالى بلييييز