فارس 4

هالة::هتعملى ايه ياسلمى كدا اللى بنفكر فيه خلاص مش نافع هنعمل ايه بقى

سلمى::بتفكير .. بصى احنا هنكمل اللى كنا هنعمله و نخلى ضحى و شروق يحاولوا مع أدهم و فارس زى ما كنا متفقين

هالة::ازاى بس ما انتى شوفتى بعينك كل واحد فيهم عامل ازاى ع البت اللى معاه

سلمى::بخبث .. فارس و أدهم ماخطبوش البلـ و تين دول لسة

هالة::و عرفتى ازاى

فـ اوضة نجوى

فارس:: قاعد مع أمه و شايفها قلقانة .. مالك يا حبيبتى فيكى ايه

نجوى:: قلقانة عليكم يا حبيبى

فارس::ماتقلقيش يا نوجة ..انا واقف لهم ماتخافيش

نجوى::ما أخافش ازاى بس ياحبيبى دول قدروا يعرفوا طريقنا و يوصلولنا

فارس::باس أيدها .. ياست الكل أدهم قالك قبل كدا أوسع ما فـ خيالهم يعملوه

نجوى::مش عارفة يا فارس انا كنت ما صدقت بعدت عنهم وعن مشاكلهم

فارس::يا قلب فارس أهدى و بلاش قلق و خليكى واثقة انى قدهم و قد مشاكلهم ماشى

نجوى::بقلق من ردة فعله .. بقولك ايه يا فارس ما تسيبلهم يابنى الارض اللى كتبهالكم جدك خليهم يغوروا من حياتنا

فارس::بعصبية .. مش هيحصل يا أمى لو كلفنى الأمر حياتى .. مش هيحصل انى أتنازل أبدا عن حقنا .. عن حقك و بهدلتك وسطهم من يوم مو ت أبويا و لا عن حق أبويا اللى كانوا سبب فـ مو ته و لا هتنازل

عن حقى و حق أخواتى اللى هما كلوه و صدقينى هخليهم يندموا ندم عمرهم ع كل اللى عملوه

نجوى::بصدمة .. انت عرفت الكلام ده ازاى

فارس::بغيظ .. كنتى فاكرة انى عيل و مش عارف كل حاجة .. و من بين أسنانه .. أنا عارف ان خالد ورا موت أبويا .. لما طمع فـ مكانه و مكانته عند جدى .. غمض عينيه و هو بيكمل .. خالد الغيرة عمت قلبه وعينيه وفكر ازاى يخلص من أبويا عشان ياخد مكانه وجاتله الفرصة و حط له سم فـ القهوة بيعمل مفعوله بالبطيء عشان ماحدش يشك فيه

نجوى::بدموع .. أسكت ماتتكملش مش عايزة حد من أخواتك يعرف اللى انت عرفته عشان خاطرى

فارس::أدهم كمان عارف يا أمى

نجوى::بخوف من اللى جاى .. عارفين من أمتى

فارس::من يوم موت أبويا .. كنت انا و أدهم راجعين من برة وسمعنا جدى بيتخانق مع خالد وبيقوله الكلام ده ومن وقتها و انا قررت أقف لهم بس كنت لازم ابقى أقوى منهم

نجوى::بوجع قلب..اااااااااه يابنى شايل انت و أخوك كل السنين دى و انا اللى كنت فاكرة انى بس اللى عارفة و خبيت و استحملت عشانكم .. ماجيتش قولتلى ليه يا فارس .. كنت خدتكم و مشيت من وقتها