فارس 4
__________________________
فـ المستشفى
هاجر رايحة المستشفى عشان تشوف حلم وجواها عايزة تشوف أمجد اصلا و اول ما وصلت شافت
أدهم::خارج من الطوارئ وشافها بتتلفت حواليها وسألها .. أنسة هاجر خير بتدورى ع حد
هاجر::بخضة .. دكتور أدهم
أدهم::ايه مالك اتخضيتى ليه كدا
هاجر::مين انا ؟ لالالا ماتخضيتش و لا حاجة انا بس .. و سكتت مش عارفة تقول ايه
أدهم::بس ايه يا أنسة فى ايه ليكى حد هنا فـ الطوارئ قولى
هاجر::بتوتر..ابداً ابداً انا بس كنت عايزة أطمن ع حلم ومش عارفة هى طلعت من العناية ولا فـ مكتبها ولا فين بالظبط
أدهم::حس بتوترها وفهم انها بتدور ع حد تانى وبمكر..ايه ده انتى ماتعرفيش انها خرجت من تانى يوم ع طول ورجعت المزرعة كمان
هاجر::بتمثيل الصدمة..بجد ماحدش قال يعنى
أدهم::برفعة حاجب وحاطط إيديه فـ جيب البالطو الطبى..تؤتؤتؤ مالهمش حق بصراحة ازاى مايقو… و قطـ ع كلامه لما شاف أمجد جاى عليهم وهى وشها احمر و بان عليها التوتر أكتر.. جواه اااااه هى الحكاية كدا بقى
أمجد::قرب منهم وعينه ع هاجر..دكتور أدهم أزيك وحشتنا والله
أدهم::ع نفس وضعه..وانت كمان يا حبيبى وحشتنى
أمجد::و عينه مازالت ع هاجر..الطوارئ نورت والله
هاجر::منورة بنورك يا دكتور أدهم
أدهم::بص لـ أمجد و هاجر بمكر وقال..أنسة هاجر كانت جاية تشوف استاذة حلم..ازاى يا أمجد ما بلغتهاش انها خرجت كدا تخليها تيجى المشوار ده كله ع الفاضى
أمجد::بذهول مصطنع..هى خرجت امتى!!
هاجر::انت ماتعرفش انها خرجت
أمجد::شالله اتكعبل أكتر مانا متكعبل لو كنت أعرف
أدهم::ضحك ع شكلهم الاتنين و قبل ما يمشى..بجدية..أمجد خلص وتعال المكتب عايزك وسابه ومشى
أمجد::حاضر يا دكتور..ولـ هاجر أخيرا حنيتى و جيتى
هاجر::بتوتر وخجل انا اصلا كنت جاية عشان حلم
أمجد::وحلم مش فـ المستشفى اصلا..تبقى جاية لمين بقى لو ماكنتيش جاية عشانى
هاجر::فتحت بوقها ببلاها هااا
أمجد::ها ايه..قولى جاية عشانى ولا عشان مين
هاجر::اتوترت أكتر و بتلف عشان تمشى
أمجد::مسكها من ايدها يمنعها تمشى..هاجر انا بحبك و عايز أكمل حياتى معاكى لأخر عمرى
(الله يسهل لعباده😂😂😂)
هاجر::عنوان بابا(…..)وطلعت تجرى برة المستشفى
__________________________
فـ شقة فارس
سلمى وهالة قاعدين وبيتكلموا مع بعض بهمس بيفكروا هيعملوا ايه بعد ما عرفوا ان الاربعة طاروا من ايديهم
