رواية جديدة 4

البارت التاسع عشر

بعد بحث طويل جدآ من سليم ومنصور على رضوى دون جدوى رجع سليم بالسياره مسرعآ بعد أن نبه منصور لزوجته الاخرى رانيا وبعد وقت وصلوا وصعد سليم الغرفه الخاصه برانيا وفتح الباب ونظر لها وقال بتسأل

سليم :- فين رضوى يا رانيا

رانيا :- وقفت وقالت ايه واحشتك

سليم :- مسك شعرها وقال انطقى فين رضوى

رانيا :- وانا مالى بتسألنى ليه

سليم :- مفيش غيرك اللى عايز يأذيها

رانيا :- ليه حد قالك عليا مجرمه

سليم :- ررررررانيا اتكلمى أنا متأكد أنك تعرفى مكانها وبدليل انك كنتى بتتكلمى امبارح بثقه

رانيا :- امممم طيب كويس انك فاكر كلامى امبارح والاجابه بقى فى كلام امبارح

سليم :- مش فاهم اتكلمى علطول فين رضوى

رانيا :- اقتربت منه وأحاطت رقابته بذراعيها وقالت ممكن تلاقيها مع حبيبها

سليم :- حبيبها انتى بتستعبطى انطقى فين رضوى

رانيا :- زى ما بقولك كده دور عليها هتلاقيها مع حبيبها اللى بتستغفلك معاه

سليم :- مسك ذراعها وقال بتحذير اقسم بالله لو متكلمتيش علطول يا رانيا لكون دفنك مكانك

رانيا :- بألم ااااه دراعى سيب دراعى يا سليم

سليم :- فين رضوى

رانيا :- قولتلك معرفش فين اللى يقدر يوصلك ليها شادى

سليم :- شادى مين

رانيا :- شادى عاشقها اللى شغال معاكم فى الشركه

سليم :- نظر لها بأشمئزاز وقال لعبه واطيه منك انا مستحيل اشك فى مراتى، رضوى اشرف منك مليون مره

رانيا :- واللى يثبتلك كلامى

سليم :- برضه مش هصدقه انا بثق فى رضوى اكتر من نفسى

رانيا :- أعطته صور وقالت اتفضل الدليل اهو الهانم يوم ما قعدت طول النهار بره ومحدش يعرف مكانها فين كانت معاه طول النهار

سليم :- اخذ الصور ونظر فيها وقال كدابه مستحيل ده يحصل مش رضوى اللى تعمل كده وألقى الصور فى الارض وقال الصور دى متفركه لعبه رخيصه زيك

رانيا :- اخذت صوره من على الأرض وقالت مش ده الطقم اللى كانت لابسه يومها دى منظر صور متفركه الصوره واضحه جدآ وهو ماسك ايديها وهى سعيده معاه

سليم :- كدابه مستحيل ده يحصل هتقولى فين رضوى بالذوق ولا اخليكى تقولى بطريقتى

رانيا :- قولتلك معرفش واللى متأكده منه اكيد هى معاه دلوقتى. اعرف عنوانه من ملف الشركه وروح ليه واتأكد لو لاقيتها يبقى كلامى كله صح ملاقتهاش يبقى انا بضحك عليك واعمل فيا اللى انت عايزه انا ناس كتير عرفت بالعلاقه اللى ما بينهم وقالوا ليا عليها بس مكنتش عارفه اجى اقولك عليها ازاى من غير دليل علشان مكنتش هتصدق وهتفتكر أن انا بقول كده علشان انتقم منها وأبعدها عنك بس انا مش كده انا عمرى ما اظلم حد انا بحبك و اهم حاجه عندى مصلحتك انا خليت ناس تراقبها وصورتها وهى معاه يوم ما اختفت بس للاسف أنا مرضتش اكمل فى مراقبتها علشان مصدومه ومتوقعتش أن دى يطلع منها كده روح أتأكد واعرف مين اللى بتحبك بجد ومين اللى بتستغفلك وبتستخدمك كبرى علشان تعمل اللى هى عايزاه