خيانة
_جوزك بيخونك وعلشان تشوفي بعنيكي وتصدقي تعالي اللوكيشن ده بكره بعد المغرب.
رسالة اتبعتتلي علي واتساب شلتني عن الحركة، كان عقلي مشتت مصدوم وفي نفس الوقت رافض ومش مصدق اللي مكتوب.
أتصلت بالرقم كذا مرة لكني لقيته مقفول، حطيت إيدي علي راسي وكنت حرفيًا هتجنن.
رنيت علي أدهم جوزي وفي ثواني رد فــ اتكلمت بنبرة حادة:-
_أدهم انت فين؟!
رد عليً وهو مستغرب نبرتي الحادة:-
_في ايه يا عائشة يا حبيبي، ما انتِ عارفة أنا في الشغل.
_طب ممكن تصورلي المكتب؟!
وولقيته سكت شوية واتنهد بعدين قال:-
_ اه غيرة بقي وكده، متقلقيش يا عائشة أنا مش قاعد مع بنات، الكلام اللي كنت بقولهولك إن حواليا بنات كتير في الشغل ده كلام عبيط علشان تغيري مش أكتر.
_ماشي يا حبيبي، طب صورلي بس.
_حاضر يا ستي هصورلك.
قفلت معاه واتنهدت وأنا حاطة إيدي علي راسي ومستنية الصورة.
لحد لما بعتلي صورة، فتحتها ولقيتها صورة سيلفي لأدهم وهو متصور في المكتب ومحاك بورق كتير بتاع الشغل.
رجعت راسي للسرير، بالرغم من إنه حاول يطمني بالصورة إلا إني مطمنتش وفضلت متوترة وجوايا شكوك وريبة، وخوف إن الرسالة ديه تكون حقيقية.
وبعد ساعات أدهم وصل دخل الأوضة يغير هدومه
وروحت المطبخ أحضرله العشاء، لكني استغربت ملامحة
اللي كانت مليانة توتر.
_حبيبي انت كويس؟! مالك قلقان ليه؟!
سألته وأنا بحط العشاء علي السفرة فقالي وهو بيدخل الأوضة:-
_مفيش يا عائشة مجرد مشاكل في الشغل، عيني الأكل مليش نفس أنا عايز أنام.
بصتله وأنا عاقدة حاجبي وأخدت العصير اللي علي السفرة ودخلت وراه:-
_طب مش لازم تاكل إشرب العصير بس حتي.
أدهم بص علي العصير بخوف وقلق وزقه بعيد فوقع علي الأرض، الكوباية اتكسرت والعصير غرق جزء من الأرض.
_ايه يا أدهم في ايه، أعصابك تعبانة ليه؟!
_انتِ حطالي سـ.ـم في العصير يا عائشة، إعترفي، قولي الحقيقة.
كلامه وقع عليَُ صدمني كإن حد كب عليَّ مياه متلجة في عز التلج.
_ايه الجنان اللي انت بتقول عليه ده؟! سـ.ـم ايه االي هحطهولك، هبقي عايزة أقتـ.ـلك ليه يا أدهم؟!
_إسألي نفسك يا مدام عايزة تقتـ.ـليني ليه؟!اتفضلي روحي نامي في أوضة الأطفال.
بصيت علي كوباية العصير اللي مكسورة، وأخدت قطعة مكسورة فيها قطرات من العصير لسه وفضلت أنزل قطراته
في بؤي وأنا بتلذذ عصير الموز بالفراولة وضحكت وأنا بقول بسخرية:-
