حازم 2

رفضت تعمل العملية، أول ما سمعت الخبر اغمى عليها. جري حازم عليها و هو يصرخ : _أمل, أمل. خرج بسرعه لبره يجيب الدكتور. الدكتور فحص أمل و قال إن الاغماء بسبب الحاله النفسية خرج الدكتور بعد شويه. و حازم قاعد جنبها و حزين عليها ،اللي يحصل معها في الفترة دي فوق طاقة اي بشر. بعد وقت فاقت أمل، بصت عليه و قالت بصوت متعب: _حازم. : نعم يا حبيبتي. = عايزة امشي من هنا. : مينفعش =عايزة أمشي يا حازم. : علشان خاطري لو لي خاطر عندك اعملي العملية. قامت قعدت ،مسك أيدها و ساعدها تقعد، و قال: _ حاسة بتعب. نزلت دموعها و قالت: ـ مقدرش اعمل كده، ازاي أشيل حتة من جسمي، عارف ده معناه ايه، أني لا يمكن أكون أم، قول للدكتور أخد كيمياوي تأني ،حتي لو تعبت بس أحسن من كده،مقدرش أعمل كده. باس ايدها و قال بهدوء: _ الدكتور قال ده الحل الوحيد، لازم كده علشان صحتك. هزت راسها بالرفض و صرخت : _ بقولك لا عايزة أمشي من هنا، عايزة أمشي من هنا. : بلاش تعملي في نفسك كده، علشان خاطري. = علشان خاطري عايزة أمشي. : لو بتحبني أعملي العملية = و بعدين قعد جنبها و مسك و أيدها و بقي يعد على أصابعها: و بعدين, نخرج من هنا بالسلامة، و نجهز للفرح و نسافر شهر العسل و نعيش في حب و سعادة. باس ايدها،و حـ,ـضن وجهها بين كفوف أيده: _و نقول الحمد لله على كل شيء ، نرضا بأمر الله يا امولة. قالت من غير مقدمات: _ طلقني. بص بصدمة و قال : _ بتقولي ايه. = أعمل العملية بس بشرط طلقني. : بطلي هبل و عبط ده نصيبي و نصيبك. = لا مش نصيبك ده نصيبي أنا، و بلاش اظلمك معي. : بطلي يا أمل علشان كلامك يزعل = أنت من حقك تتجوز و تخلف، أنا قدري الحرمان من الامومة. باس رأسها و قال بحب: قدري هو قدرك. = أنت بتعمل ليه كده. : علشان بحبك. ابتسمت و قالت: _ أنا بحبك اوي يا حازم : أنا بعشقك يا قلب حازم. بلغ حازم الدكتور بالموافقة على العملية، و كمان بلغ سمر علشان تكون موجودة كانت أمل خائفة أنه يبعد عنها، رغم أنها طلبت منه البعد لكن نفسه ترفض البعد، فرحانة أنه متمسك بيها، هو بالنسبة ليها الامان و القوة دلوقتي ليلة العملية سمر قاعدة جنب أمل على السرير و حازم قاعد على الكرسي، قالت أمل: _ وحشتني يا حبيبتي. : أنتِ أكتر يا أمولة، عاملة ايه؟ = الحمد لله. : بلاش تزعلي كله خير. = الحمد لله ،وجودك أنتِ و حازم عندي بالدنيا. : ربنا يعوضك و يكرمك على صبرك يا قلبي. أبتسمت بهدوء، و قضوا الليلة هما الثلاثة يتكلموا و الصبح كانت تستعد أمل للعملية. بصت للحازم و قالت : _ لول وجودك معي في المرحلة اللي عدت، كانت تبقي صعبة عليا ، شكرا على وجودك في حياتي. باس راسها و قال: ـ شكرا زعلان منك. : بحبك = لا زعلان. كانت تتحرك من قدمه،شدها في حضـ,ـنه و قال بخوف: _ بحبك، بحبك،و مستني خروجك أوعي تأخري عليا. : أن شاء الله. بعدت عن حازم ورحت عند سمر اللي مش عارفة تسيطر على دموعها, حضـ,ـنتها و قالت: أن شاء الله خير ، عندي ثقة في ربنا أني أخرج عايشة. زعقت بصوت عالي: _ اسكتي بطلي الكلام ده، أن شاء الله تخرجي و افرح بيكِ. دخلت أمل اوضة العمليات علشان تشيل جزء منها و معه يضيع كل أحلامها. كانوا برة على أعصابهم و الدقائق بتمر ساعات و الساعة تمر سنين. قال محمد : _ أن شاء الله تعدي على خير حازم و سمر: يارب، يارب. حازم: سمر أنا رجعة على طول. هزت راسها بنعم محمد : أجاي معك. : شكرا اتحرك بره المستشفى ، رن على عماد، اللي أول ما فتح: حمد لله على السلامه كل ده غايب عننا، اخيرا افتكرت اهلك. قال بسرعة: عماد ابعتلي فلوس. سأل بخوف: في حاجة أنت كويس : ابعت يا عماد = عايز كام. : اللي معك. بعت عماد فلوس، سحبها حازم، و مشي حوالينا المستشفى كل جامع أو صندوق مكتوب عليها تبرعات يتبرع فيه لو شاف حد غلبان يتبرع له بفلوس لحد ما كل الفلوس خلصت. و بعدين دخلت الجامع صلى ركعتين قضاء الحاجة بنية خروج امل من العمليات بالسلامة. خرجت أمل بعد ساعات طويلة و طبعا الحالة النفسية سيئة جدا، لكن دعم حازم و سمر كانت قادرة على المواجهة ، و اللي خلها تحب الرجوع للحياة ،فاطمة بنت سمر، اللي محمد قرر يسمي بنته فاطمة على اسم حماته. و بعد فترة أخيرا تخرج أمل و حازم من المستشفى اللي قعدوا فيها وقت طويل اول خطوة بعيد عن المستشفى ،سجد حازم سجدة شكرا. بصت عليه بسعادة و حب. في المقابر أول مكان قالت تروح عنده. : وحشتني اوي يا ماما، زعلانة أنك مشيتي من غير ودع، و حاسة بالذنب ، أكيد بسبب زعلك عليا ،حقك عليا يا ماما. الحمد لله أنا خفت صحيح لازم طول العمر امشي بعلاج و فقدت أني اكون ام، بس الحمد لله ،أنتِ عارفة حازم طلع رجل اوي معي، رفض يمشي بعد كل ده، الحمد لله اخترت صح، ربنا يرحمك يا ماما. أمل تكلم في سرها، و حازم واقف ساكت. قال: خلصتي. = عايز ايه. بص على قبر فاطمة و قال: _ بصي يا ماما يعلم ربنا أني زعلان عليكِ و أن الموضوع اللي اتكلم فيه مش وقته، بس ده ضروري. بصت امل عليه باستغراب، كمل هو: _ لازم نعمل الفرح على طول، امولة تستهل يتعمل لها احسن فرح، ممكن حد يقول ليه الاستعجال أمل محتاجة فترة راحة، الكلام ده يكون معي، اكيد مش نخلي أمل تعيش في البيت لوحدها أو تروح بيت سمر أو سمر تسيب بيتها و تعيش معها، يبقي الحل نتجوز بسرعة. سكت ثانية و قال: الله يبارك فيكِ، حاضر أمل في عيني. بصت له باستغراب ، و سألت: هو ايه ده. مسك أيدها و مشي و هو يقول: يلا الفرح الخميس الجاي مفيش وقت. بصت بذهول: أنت مجنون. : أيوة. بعد ما اتفق مع محمد و سمر على كل حاجة و كالعادة في البداية أمل مش موافقة و هو يقنعها يدخل البيت كان عماد و سماح و صباح قاعدين على السفرة . : السلام عليكم ورحمه الله وبركاته. قامت صباح من على السفرة بعصبية و قالت: حمد لله على السلامه ،لسه فاكر تجي، كنت خليك قاعد باقي عمرك في المستشفى جنب المحروسة، لحد ما تمرض زيها. قام عماد و قال: اهدي يا ماما مش كده. ردت سماح: اسكت أنت يا عماد ، خليها تتكلم ،أصل حازم نسي أهله علشان الست أمل. عماد: احترمي نفسك يا سماح حازم اخوكِ الكبير. صباح بصوت عالي: محدش يتكلم ،اي يا حازم معندكش كلام. رد بهدوء: ازاي طبعا عندي، فرحي على الست أمل الخميس الجاي. قال عماد بحماس: الف مبروك : الله يبارك فيك . = أنت جري ليك ايه تجوز واحد مريضة ليه ناقصك ايد أو رجل. رد بهدوء: قصدك اكيد فيا حاجة زيادة عن باقي البشر علشان أمل تقبل الجوز مني. و دخل اوضته و عماد وراه. : أنتِ تقبلي كده =لا طبعا على جـ,ـثتي يتجوز أمل، مش هو عايز يعمل فرح و ماله نخلي الكل يتكلم على العروسة. : ناوية على ايه = كل خير في الاسبوع ده كان حازم و أمل يجهزوا للفرح مع عماد و سمر و محمد. رفضت سماح و صباح المشاركة في أي حاجة. يوم الفرح رفضت نوار الحضور لأنها كانت منهارة بسبب أن حازم يتجوز. حازم و أمل كانوا طايرين من الفرحة. حازم حتي بينه وبين نفسه مفيش مرة فكر أن أمل تكون ناقصة حاجة ،كان كل اللي شاغل باله أنها تكون سعيدة.. أما أمل رغم حزنها على نفسها و على حازم إلا أنها كانت مبسوطة أن حازم متمسك بيها و قررت تفرح زي اي بنت في ليلة العمر… على جانب آخر الكل مبسوط و سعيد و صباح و سماح يلفوا على المعازيم و يتكلموا عن أمل بالسوء انها بنت مش محترمة و حازم كان قاعد معها قبل الجواز و أنها مريضة في ناس فاهمه و تخاف ربنا قالت إنها ملهش ذنب و دي حاجة بايد ربنا. و في ناس بدأت تنهش في شرف أمل. سمعت سمر واحدة بتقول: و هي أمل عاملة فيها محترمة و هي عايشة معه قبل الجواز دي طلعت قليلة ادب. ضـ,ـرب،تها سمر بال،قلم مسكتها من شعرها و هي تصرخ: أخرسي قطع لسانك. التاسع♥️❤️❤️ كانت سمر ماسكة شعر البنت الي اتكلمت على أمل و قالت بعصبية: _أنت واحده مش محترمة، علشان تكلمي عن اختي بالباطل ،منك لله يا شيخة. . زقت سمر و قالت: _ أنتِ عايزه، ايه ابعدي عني يا مجنونة. الكل خد باله منهم ، جري حازم و محمد على سمر. سال محمد: _ في ايه يا سمر مش عايزة تقول اللي حصل علشان أمل، بصت عليها لقيتها تبص عليها بخوف و حست انها مش قادرة اتحركت ابتسمت لها بهدوء و هزت راسها أن مفيش حاجة. حازم: مالك يا سمر ،حد زعلك. عرفت سمر أن الكلام اللي منتشر اكيد صباح السبب، بصت علي صباح و بعدين حازم و قالت بهدوء: لا مفيش حاجة روح شوف أمل. مجرد ما قالت كده، جري على أمل بخوف، و كان ده هدف سمر، وفقت قدم صباح و سماح و قالت: شوفتي اول ما نطقت شوف أمل جري عليها ازاي، بيمـ,ـوت فيها، يعشقها عشق زي الافلام بالضبط، مـ,ـوتي بغيظك يا صبوحة، و خدي دعوة كمان مني، ربنا قادر زي ما امي اتحرمت تشوف فرح أمل ،ربنا يحرمك تشوفي فرح الشيطانية بنتك، بس خدي بالك، الموضوع يختلف، أصل وصلت معكم الكلام في العرض و الشرف، حسبي الله ونعم الوكيل فيكم. و مشيت سمر و نجحت أنها تخلي صباح و سماح زي جمرة مولعة من الغيظ. كان حـ,ـضن أيدها اللي ترتعش و يقول بهدوء: ـ خايفة من ايه. سألت بحزن: اللي حصل. باس ايدها و قال بحب: ـ مفيش حاجة يا قلبي ،كبري دماغك، وسمر جت تقولك. قام حازم من مكانه و خلي سمر تقعد، و رح لعماد: حاسس أن المشكلة اللي حصلت ،أمك ليها يد. قال بمزح: حاسس مش متأكد ، أكيد أمك : شوف الموضوع ايه و قولي. رد بتوتر : أنا عارف : قول. حكي له اللي سمعه من الناس و قال بغضب: تصدق أنا جبت اخري من امك. قال كده و أتحرك من قدمه، مشي وراءه و هو. يقول: _يارب الليلة تعدي على خير. : في ايه يا سمر = مفيش حاجه يا قلبي، عادي خبطنا في بعض و كانت مش محترمة : بجد = ايوة، المهم مبسوطة. تهلل وجهه بابتسامة عريضة و قالت: مبسوطة اوي اوي ، شايفة حازم عمل كل حاجة علشاني. = كلمة حق حازم راجل و زي الابطال ،حافظي عليه. : أن شاء الله. كانوا في مكان بعيد عن الناس سألت صباح : في ايه انفجر بعصبية: أنتِ بجد بتسالي في ايه، بقولك ايه تعالي نقلب الوضع، يوم فرح سماح. قال عماد : _الله يكون في عون اللي يرضي بيها. قالت سماح بعصبية : _ليه يا عماد هو أنا مالي. حازم : بس مش وقته ، نرجع لكلامنا ، و حماتها عملت زيك، ماشية على الضيوف تقول أنها مريضة و دي حاجة بتاعت ربنا، يعني ممكن تكوني أنت أو سماح. ضـ,ـربت على صدرها و قالت _يالهوي تتمني ل أمك و أختك المرض. : أنا بقول ممكن، المرض حاجة بتاعت ربنا، و ياريت بس كده، لا دي تتكلم في شرفها، يعني شرف أبنها ،تبقي مبسوطة لو ده حصل. مردتش ، كمل هو : أمل مراتي بفكرك اللي يزعل مراتي يزعلني، عيب عليكِ، المفروض تفرحي بينا، و تفقي معها لأنها يتيمة. ابتسمت بسخرية و قالت: مش كفاية أنت. : عندك حق اصل في ناس محرومين من نعمة اسمها العطاء ،و أنتِ منهم. سماح بعصبية: تغلط في أمك قبل ما تجوز الله ينور عليك. : اخرسي أنتِ خالص، المفروض أنك بنت تقبلي حد يتكلم عليك كده و في يوم زي ده ردت بغرور: _ معلش يا حازم بلاش مقارنة بيني وبين مراتك الفرق كبير. عماد و حازم مع بعض:. عندك حق، الفرق كبير اوي. و مشي حازم و عماد حازم راجع ل أمل، بعد ما طلب من مشغل الموسيقى الأغنية اللي أمل اختارتها علشان ترقص عليها سلو. لف أيده حول خصرها، و هي لفت أيدها على عنقه ، و قالت بحب: _ بحبك يا حازم : مش اكتر مني. = لا أنا اكتر : أنا اكتر و بلاش نتكلم كتير. = طيب شكرا أنك موجود في حياتي. : أنا اللي المفروض اشكرك لأنك في حياتك. قالت بعصبية: بطل بقا أنا عايزة اقول حاجة حصري لي مش لازم تعلي عليا. باس جبينها بحنان و قال : _علشان دي الحقيقه يا أمولة ،أنتِ اجمل حاجه في حياتي ، من غيرك حياتي تكون ظلمة و ملهاش طعم، فاهمة يا قلبي. أبتسمت بسعادة لدرجة عيونها دمعت، قال بسرعة: _ لا لا مش عايز اشوف دموع، حتي لو الدموع الفرح. هزت راسها بنعم، و سألت: _ مش. حط أيده على فمها علشان يمنعها من الكلام، و كأنه كان عارف هتقول ايه: _ مش أندم على قرري، لأنه أحسن قرار خدته في حياتي كلها. الليلة كانت سعيدة عليهم و تعيسة على صباح و سماح. بعد ما الفرح خلص، سافروا شرم الشيخ زي ما أمل قالت. كان شهر زي الاحلام، السعادة سببت الكل و جت عندهم فكرت أمل بعد شهر العسل زي معظم الناس الحياة تتغير و تظهر المشاكل. مر شهر ثلاثة عشر شهور لحد ما مر خمس سنين و عايشين اجمل قصة حب بلا نهاية العلاقة بين أمل و صباح و سماح مقطوعة تماما، لم كانت تروح مع حازم كانت ترجع حزينة ،فقرر حازم أن امل ملهاش علاقة بيهم. وهو لأجل صلة الرحم بيروح كل جمعة يقضي اليوم هناك و أمل تقضي اليوم في بيت سمر و تكون مبسوطة مع ولاد سمر فاطمة و أمل و الصغير أحمد. عكس حازم اللي تكون زيارة تقيلة على قلبه لدرجة سأل شيخ لو اكتفي بالاطمئنان عليهم بالتلفيون يشيل ذنب ، قال إن لازم يستمر في الزيارة ليهم. في شقة صباح رجع عماد و حازم من صلاة الجمعة ، قال عماد: عايزة اكلمك في موضوع مهم. : أقول يا عمدة. = أنت عارف كل السنين اللي فاتت كنت بكون نفسي علشان اكون جاهز. : اوعي تقول ناوي تخطب. حرك رأسه بنعم ، سأل حازم: و مين العروسة؟ = نو. قبل ما يكمل الاسم جت صباح و قالت بالسخرية المعتادة: اهل بالحيلة شاور على نفسه. قال : أكيد انا. صرخ بغضب: طبعا أنت في غيرك وجع قلبي، ايه خمس سنين متجوز و مش عارف تخلف حتة عيل. بص باستغراب لكلامها و قال: أنا عارف أني مش أخلف و ده مش حاجة جديدة. شاورت بايدها و قالت: من خبيتك روحت اتجوزت واحدة ناقصة. الكلمة جـ,ـرحت قلبه و فكر لو أمل سمعت كلمة زي دي يكون موقفها ايه، صرخ بغـ,ـضب شديد : ايه الكلمة دي أمل كاملة و ست الستات و اللي حصل مش بايد حد ، ده أمر الله و احنا رضينا ، ايه اللي مزعلك. ابتسمت بسخرية و قالت: ايه اللي مزعلني ،نفسي اشوف حتة عيل. : و أنا مبسوط و الحمد لله رضي، كفاية كلام في الموضوع ده بقيت أكره اجي هنا. = لا و أنت الصادق ده مراتك اللي عايزة كده. قالتها سماح ،رد عماد بعصبية: أنا اكبر منك و ساكت علشان عيب نتدخل بين أمك و اخوكي الكبير ،احترمي نفسك شوية يا سماح. قالت صباح : _ براحة على نفسك يا عماد حتي أنت مش تتحمل كلمة عليها مش كفاية اخوك مسح جبينه و قال: يا امي كفاية كلام في الموضوع ده ،بجد كفاية بقا. نزلت دمعتين و قالت: اخس عليك يا حازم نفسي أشيل عيالك. قال بهدوء: معلش الحمد لله على كل حال = يعني انت مش نفسك تكون أب. سكت هو مين مش عايز يكون أب ، اكيد نفسه في حتة منه تكون شبه ، بس هو كان قدمه خيارين يا اما يكون أب أو يختار امل، و اختار أمل و مش ندمان و لو لحظة حاس بالندم، لدرجة في كل صلاة يشكر ربنا على الزوجة الصالحة لكن صباح تشتغل على نقطة ضعف و كل مرة تنهي الكلام بنفس الجملة. و ماشية بأسلوب الذان على الودن أمر من السحر مشي حازم من البيت كالعادة و هو حزين من امه و أنها تدوس عليه. زفر بضيق و قال: كل مرة يمشي زعلان مبسوطة كده. ابتسمت بسعادة و هي حاسة كلامها يأثر فيه. في شقة سمر كانت أمل قاعدة و في حـ,ـضنها أحمد عمره خمس شهور. محمد : أهل يا امولة = ازيك يا محمد معلش بقا كل جمعة بجي عندكم. : اه الصراحة زهقنا منك. بقولك حازم جاي خرجت سمر من المطبخ و هي معها أطباق و تقول: اكيد مش يتحمل يقعد مع صباح. قالت بحزن: يصعب عليا اوي ،كل ده بسببي. محمد : محدش ضـ,ـربه على أيده ،اختار بمزجه و الحمد لله انتوا عايشين مبسوطين. :الحمدلله خبط الباب ،جريت فتحت أمل عمرها ثلاث سنين و هي تقول : عمو حازم جه. اول ما فتحت ، شلها و قال: قلب عمو حازم امولة الصغيرة شبه امولة الكبيرة. الابتسامة منورة وشه عكس و هو في بيت صباح. قام محمد سالم عليه: منور يا حازم. : بنورك يا ابو أحمد. قالت سمر: تظبط معادك على الاكل = علشان مراتي بتحبني. نزل أمل الصغيرة ورح عندها قعد جنبها ،باس رأسها و قال: وحشتني اوي.. = و أنت كمان يا حبيبي. بص ل احمد وقال: ما شاء الله ايه الحلاوة دي = شفت جميل ازاي. كانت عيونهم فيها دموع حزن و سعادة. عوض ربنا ليهم في ولاد سمر ، فاطمة و أمل بيحبوهم جدا ، و احمد الصغير يعيشوا معه مرحلة الطفولة. مبسوطين مش عايزين حاجة من الدنيا غير بعض بس في ناس عندها هواية تخرب البيوت حتي لو بيت تقرب الناس ليهم. اجتمعوا على السفرة وسط كلام و ضحك و هزار و القعدة جميلة و الجو هادي. مسكت أمل الملعقة و لسه هتاكل, قال: استني خدتي العلاج. هزت راسها لا. قام بعصبية و قال: اصل أنتِ عيلة صغيرة لازم أفكرك ، مية مرة قولت فكري في صحتك و نفسك دي اهم حاجة. : و أنت. = اولع مش مهم أنا ،عجبك كده يا سمر قالت سمر: ليه كده يا أمل. فتح الشنطة و طلع شريط البرشام،بص ليها بغضب، و قال: احنا بنلعب بقا. انفجرت من الضحك عليه و قالت: بحب اشوف خوف عليك. حازم مش حافظ مواعيد العلاج، ده عارف عدد البرشام اللي في العلبة ،لما شاف العلبة عرف أنها خدت قبل الاكل. قعد جنبه وقال: لو كده احنا تحت الأمر تعالي كل يوم شوفي خوفي عليكِ. أبتسمت سمر و قالت: أنت بطل يا حازم ،محترم اوي بجد ربنا يسعدكم يارب. محمد : اللهم امين نأكل بقا. قضوا اليوم عند سمر و بعدين رجعوا البيت. اليوم التالي حازم في الشغل و هي قاعدة على التلفيون،تشوف الرسائل اللي وصلت من جروب( قادرين) خاص بكل ست او بنت خضعت لسرطان الرحم و اللي تم استئصال الرحم وصلت رسالة من واحدة اسمها ريم: بنات حد موجود. ردت أمل: أنا ،حمد لله على السلامه كنتي فين ياريم كل ده. : عندي خبر يجنن. = خير أن شاء الله : أنا خلفت و مع الرسالة دي جت كل البنات في الشات و كل عمل على الرسالة 😮 كتبت امل: ازاي يا ريم أنتِ كويسة، خائفة تكوني مجنونة . كتبت اشرح ليكم في فويس. الكل مستني يعرف ازاي خلفت معقول الطب اتقدم و في حل. مجرد أن واحدة شبيه ليهم قدرت تكون ام صحي الحلم اللي لسه عايش. حطت أمل أيدها على بطنها و قالت: هو أنا ممكن أكون ام. و صل الفويس اللي الكل متشوق يسمعه، و محتواه: براحة بس يا بنات تمام ،افهموا الموضوع ، أنا بقت ام عندي بنوتة جميلة اسمها سهر، طبعا السؤال ازاي و احنا من غير رحم الحل هو تأجير الأرحام، عارفة أن في كتير ممكن يقول حرام لكن ربنا رحمن رحيم بالناس اللي زينا. انتهي الفويس، الرسائل على الجروب ملهاش عدد بين معارضة و تقول حرام و بين واحدة شافت إنها فرصة و تسال ازاي يتم الأمر. بعت فويس تاني: الموضوع ممنوع في مصر ،فلازم السفر برة في بعض الدول مصرحة بتأجير الأرحام بعت خديجة و قالت و هي تزعق: استغفر الله العظيم يارب ،ايه ده يا ريم حرام عليكي الموضوع حرام شرعاً و كمان قانوناً مصر منع العمليات دي، ازاي تعملي كده. بعت واحدة تانية: براحة عليها يا خديجة، احنا ربنا عالم بينا. ردت عليها: بقينا نتحيل على الدين و القانون و حياتنا بايظة و نقول ليه يحصل كده في المجتمع استغفر الله العظيم و اتوب اليه، احنا كده نعترض علي حكمة ربنا ، قال الله تعالى بسم الله الرحمن الرحيم ﴿لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاء يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ ، أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَن يَشَاء عَقِيمًا إِنَّهُ عَلِيمٌ قَدِيرٌ. صدق الله العظيم دار الإفتاء حرمت الموضوع ده لان كده يكون في اختلاط انساب ،البنت مش بنتك يا ريم بنت اللي حملت فيها، معلش يا بنات أنا اقفل دلوقتي. و قفلت خديجة و كل اللي نفس رأيها. و اللي زي ريم بقت تسأل عن التفاصيل و أمل في زيها تائهين مش عارفين يعملوا ايه. تاجير الارحام حرام شرعاً ، بس في حتة جوه بتقول وماله. قفلت أمل و بحثت على جوجل و عرفت أن الموضوع حرام شرعاً و القانون لم يتعرف بهذه العمليات. كانت أمل تكلم نفسها و كأنها بتكلم حد تاني مش هي. : أنا بعمل ايه، أنا متأكدة أن الموضوع ده حرام ،ليه ابحث و ادور = بس كلام ريم صح ربنا رحمن رحيم و احنا معذروين. : ده بقا نفس كلام الشيطان اللي يهمس بيه العبد لحد ما يفعل الذنب. = طيب ما ريم عملت كده و كتير سألها عن التفاصيل : في الزمن ده قليل جدا اللي ماشي وراء الحق، للاسف وصلنا للمرحلة الكل ماشي و راء الباطل. = يعني ايه عمري ما أكون أم. : ارضي يا أمل بقضاء الله = حازم صعبان عليا و أمه مش هتفضل وراءه لحد ما يبعد عني علشان يتجوز و يخلف. : سيبك من أمه هو عامل ايه، رجل بيفهم و حنين و شيلك في عينه. = خالص ادخل اشوف التفاصيل بس. دخلت شفت باقي كلام ريم مع البنات ، و اللي زود حياتها لما ريم بعت صورة البنت الصغيرة. في نفس الوقت صباح تكلم حازم في التلفيون على نفس الموضوع. في المساء رجع حازم من الشغل، و أمل قالت بدون مقدمات : حازم لقيت حل علشان نخلف : بجد هو ايه خليني اريح أمي تأجير أرحام : ايه ال10 سيطر الشيطان على تفكير أمل، أنها تمشي في موضوع تأجير الأرحام ، رجع حازم من برة و هو مش طايق نفسه، بسب ذن أمه على نفس الموضوع. جريت عليه و قالت: _ حازم أنا لقيت حل علشان أخلف. : بجد ايه خليني اريح أمي. = تاجير أرحام. : ايه. مسك أيدها و قال بهدوء: _ تعالي نقعد نتكلم بهدوء. مشيت معه، و سأل بهدوء: _ ايه الموضوع يا امولة. = أنت عارف الجروب اللي انا فيه اللي حالتهم زي. حرك رأسه بنعم و كملت هي: في واحدة خلفت بنوتة بسبب الموضوع ده. : مين خلفت؟ = ست ظروفها زي. : يعني حملت تسع شهور و بعدين الولادة،يارب تكون الولادة طبيعي. قالت بعصبية: طبيعي ايه هي تحمل ازاي اصلا و مفيش رحم. : بجد مفيش رحم. حست أنه يتكلم باستهزاء و قامت من مكانها، لكن مسك أيدها و قال: _ اقعدي نكمل كلامنا. شدت أيدها و قالت بغضب: _ كلام ايه حضرتك، و أنت تتريق عليا أنا و اللي زي. :أنتِ اللي تتريقي مش انا. زفرت بضيق وقبل ما تتكلم قال هو : _ أنتِ مش عارفه أن تاجير الارحام حرام شرعاً و قانونا مفيش تصريح بالعمليات دي. = أيوة عارفة، بس ربنا رحيم بالناس اللي زي و اكيد يسامحنا ،علشان احنا معذروين. : صح ، و كمان الشاب اللي مش قادر يتجوز علشان ظروفه صعبة يبقي حلال في حالته الز،،،،،نا. و اللي محتاج علاج أو فلوس لانه فقير يبقي السر،،قة حلال في حالته، الست اللي تتعرض من إهمال أو عنف من جوزها، يبقي الخي،،انة حلال في حالتها، اه و نسيت الناس اللي تحجج بالفقر و غلاء الأسعار و الدنيا صعبة ، تعمل ايه بقا تخطف عيال و تحر،ق قلب أهليهم عليهم و اخرت العيال دي تجارة أعض،اء أو تسول ،يبقي حلال في حالتهم برضو ، و اللي يقول مش اصلي، ليه بس، يا عم ، يقولك أنا طول النهار مشغولة و مش فاضي، يعني الطالب فاضي يروح مدرسة و الدروس و يقعد مع صحابه ،ده غير الموبايل، و ست البيت فاضية تعمل كل الشغل لكن الصلاة لا و الرجل اللي يروح شغله فاضي لكل حاجه الا الصلاة لو فضلت اعد ليكي كم الجر،ائم المخالفة للشريعة الإسلامية و القانون تحت بند اني معذور مش هنخلص من هنا لسنين جاية. كلام حازم فوقها أنها غلط هي متأكدة من أنها غلط لكن ضعفت . كمل بهدوء: _ للاسف يا أمل بقينا نغلط علشان شهوات النفس ،،مثلا أنتِ علشان ترضي غريزة الأمومة عندك، حتي لو الطريقة غلط ،مش مشكلة ربنا رحيم بيكي صح. قال الله تعالى في الآية الكريمة بسم الله الرحمن الرحيم {زُيِّنَ لِلنَّاسِ حُبُّ الشَّهَوَاتِ مِنَ النِّسَاءِ وَالْبَنِينَ وَالْقَنَاطِيرِ الْمُقَنْطَرَةِ مِنَ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالْأَنْعَامِ وَالْحَرْثِ ذَلِكَ مَتَاعُ الْحَيَاةِ الدُّنْيَا وَاللَّهُ عِنْدَهُ حُسْنُ الْمَآبِ}. {سورة آل عمران} صدق الله العظيم و على فكرة يا حبيبتي الطفل اللي يتولد هو مش إبنك اصلا ابن الست اللي حملت فيا،و نقطة تانية ، ممكن يحصل اختلاط انتساب و شغلانة كبيرة كل ده ليه. نزلت دموعها و قالت: _ استغفر الله العظيم يارب، أنا لما سمعت كده حست بأمل. كملت : يبقي موضوع التبني. رد بهدوء: _ أنا رافض الموضوع ده، مش متقبل فكرة أنا اربي طفل مش مننا، اللي يعمل كده ربنا يجزيه خير، بس أنا فكرت كتير و مش قادر اعمل كده. اتعصبت و قالت بصوت عالي: _ كل حاجة لا لا ايه القر،ف ده. مردش عليها هو عارف انها عصبية ، الأمر مختلفة بينهم ديما هو هادي و هي عصبية. مسحت دموعها و قالت: _ طيب عندي حل تاني، اتجوز يا حازم، اتجوز و أنا أكون خادمة ل إبنك و مراتك ، أنا بحبك و اكيد احب ولادك اكتر من نفسي، هترفض برضو. بص لها بغضب و مردش عليها و قام دخل الاوضة. قالت بصوت عالي: _ زعلت ليه دلوقتي. دخلت وراءه، وفقت على الباب و قالت: _ زعلان ليه يا حزومي. مردش عليها ،فتح الدولاب أخذ هدوم و كان يدخل الحمام، هي عارفة نقطة ضعفه، قالت بتمثيل الدموع: _ حازم. هي دي نقطة ضعفه تقول أسمه و صوته بيان عليها الحزن، هو متأكد أنها بتمثل ،بس حتي لو تمثيل يجري عليها، ساب الهدوم على السرير و رح عندها، مسك أيدها و باسها ،بيعمل الحركة دي كل ثانية،و حط أيده على خدها و قال بنبرة حنونة: _ قلب حازم ،ممكن بلاش طريق الكلام دي. ردت بحزن حقيقي: _ أنت زعلان مني. : أيوة زعلان و مخصمك كمان. = آسفة. وضع قبلة على جبينها و قال بحب: _ بحبك و مقدرش أحب غيرك و مبسوط معكِ، ليه تقولي كده. كادت أن تجيب، قال : _ استني تعالي اقعدي علشان زمانك تعبانة. = أنا كويسة، أنت صعبان عليا ، أنا قدري كده بس أنت. : تاني يا أمل قدري هو قدرك، كفاية بقي، يا حبيبتي ده نصيب بلاش نعترض علي أمر ربنا. = أنا الحمد لله راضية بس نفسي. حط أيده على فمها و قال : _ شوفتي نفسي، و النفس إمارة بالسوء. = استغفر الله العظيم و اتوب اليه. : قومي اتوضي و صلي ركعتين توبة من الذنب. حركت رأسها بنعم، و مشيت. وصلت رسالة من امه، و فيها كلامه يجـ,ـرح اي راجل: _ ايه يا جوز الست ،فكرت في كلامي، البت دي عاملة ليك سحر اسود ، علشان تقعد جنبها و تخيب خبيتها، و تخليك خاتم في اصبعها،قلبي غضبنا عليك. زفر بضيق و قفل التلفيون من غير رد. و قام دخل حمام تاني و غير هدومه. كانوا قاعدين قدم التلفاز وقدمهم كل ما لذا و طاب، العشق ظاهر عليهم، ، الضحكة من القلب،حاسين بطعم السعادة،كل السنين اللي فاتت خلت الحب يكبر اكتر و اكتر. هي أضعف منه، بس هو يقدر يحتويها، يقدر يقنعها برأيه. أخذت قطعة تفاح و أكلته في فمه، و هي تقول ؛ _ أنا بحب الفيلم ده قوي. نظر لها بحب وقال: و أنا بحبك أنتِ = ربنا عوضه كبير، لما ياخد مننا حاجة يعوضنا، أنا يتيمة أب و أم ،و محرومة أني أكون أم ، و عوضي كان أنت. باس ايدها و قال: _ بحبك يا أمولة، بحبك و مش عايز اي حاجه من الدنيا غيرك، مش فارق معي اي حاجه غيرك أنتِ. ابتسمت بسعادة. في اليوم التالي رنت صباح على حازم اكتر من مرة و اخيرا رد، كان صوت سماح: مش بترد ليه ،الحقني أمك بتمـ,ـوت. مجرد ما قال كده، قام من على مكتبه و جري على برة وصل البيت و هو مرعوب يحصل ل أمه حاجة ، دخل بالمفتاح ، قال: سماح خرجت من اوضة صباح و قالت: _ تعال يا حازم. دخل الاوضة ،كانت نائمة على السرير ،قعد جنبها باس راسها و قال: _ الف سلامة عليكي يا ماما، مالك يا حبيبتي. ردت بصوت متعب: _ همـ,ـوت يا حازم، همـ,ـوت و قلبي مش راضي عنك. سأل بحزن : _ ليه كده يا أمي. قالت سماح: _ أمك نفسها تشوف عيل لك ،عملت جر،يمة يا حازم. : الحمد لله أنا راضي. قالت بدموع: _ و أنا مش راضية ، لو فضلت على رأيك، يبقي لحد ما مـ,ـوت مش عايزة اشوف وشك، و لا اكلمك ، و اشهدي يا سماح ،لا يقف على غسلي و لا ياخد العزا فيا و لا يشيل كفني، فاهمة يا سماح. سماح: _ متقولش كده يا ماما حازم بيحبك و يسمع كلامك. : ليه بتعملي كده ، ليه يا أمي، عايزني أسمع كلامك في دمار بيتي و سعادتي. اتحركت سماح و قعدت قدمه، و همست : _ دمار سعادتك ،احنا ندور على سعادتك يا حبيبي ،مش نفسك تشيل حتة عيل ، و حد يقولك يا بابا. رد الرد اللي خلهم متغاظين من أمل اكتر: _ أمل عندي بالدنيا. قامت صباح اتعدلت، و بقا حازم في وسطهم: _ يا بني يا حبيبي الواحد لما يكبر محتاج أبن يكون جنبه، دلوقتي أنت شباب و بصحتك ،لما تكبر محتاج حد ينسدك. : السند ربنا، و أنا و أمل نسد بعض. قالت سماح بهدوء شديد: _ و نعم بالله بس تفتكر لو اتجوزت أمل تزعل ابدا. و كملت صباح: دي تفرح أمل بنت اصول و تفرح ليك، و كمان ولادك يكونوا ولادها. افتكر حازم كم مرة أمل طلبت منه يتجوز و يخلف. ابتسمت صباح و قالت: و العروسة موجودة و بنتنا و مقدرة ظروف أمل بص لها و قال : _ عروسة ردت : أيوة يا حبيبي نوار بنت خالتك بنت اصول. : نوار مين دي اختي. قالت سماح : أنا بس اللي اختك يا حزومي، اسمع كلامنا ,اتجوز نوار و تجيب عيل يفرح قلب أمل. : أمل تفرح و أنا متجوز عليها. قالت صباح: طبعا علشان تفرح قلبها بحتة عيل. كانوا عاملين بالضبط زي الشياطين اللي يوسوس للإنسان. قاعد في وسطهم زي الغرقان ،اختاروا الكلام بعناية، كل كلمة منهم صبت قلبه، محدش يقدر ينكر أنه اكيد نفسه يكون أب ،لكن رغم خبثهم كان حب أمل ملئ قلبه و عينه، قام من مكانه و قال: _ واضح انك بخير يا امي أنا ماشي. صرخت : و موضوعنا. مردش عليها و مشي حازم ،قالت سماح بغضب: _برضو رفض ابتسمت صباح و قالت: هو يرفض و احنا ننفذ اللي في دماغنا. : في دماغك حاجة يا ماما. ورسمت صباح و سماح الخطة . حازم أول ما نزل من العمارة ،رن على نوار، اللي اول ما شفت اسمه فرحت جدا،و قالت: _ حازم ازيك عاملة ايه وحشتني اوي. : الحمد لله عاملة ايه يا نوار = كويسة علشان سمعت صوتك. : ممكن طلب. = أنت تؤمر طبعا. : أنتِ طبعا عارفة أن أمل متقدرش تخلف، و خالتك و مش عجبها الموضوع ، و النهاردة بتقول ايه ، اتجوز نوار. ضحك بصوت عالى و كمل: _ مش عارفه أننا اخوات. زعلت من الكلمة دي وهمست لنفسها: أنت مش اخوي أنت حبيبي كمل حازم: فأنا بطلب منك لو اتكلمت معاكي في الموضوع ده ارفضي الموضوع و أني زي اخوكي. استنا منها رد ،قال : ردي يا نوار. = ماشي. : شكرا يا نوار. و قفل حازم و هو مطمن أن الموضوع اتفقل. أما نوار لبست و رحت عند خالته و قالت على مكالمة حازم. و رسموا التلاتة خطة علشان حازم يتجوز نوار سألت سماح : ازاي يا ماما نعمل كده. ردت عليها: هو مش هيجي غير كده نحطه قدم الأمر الواقع. سألت نوار: يعني نجهز كل حاجة و هو مش عارف تفكتري يقبل يتجوزني اصل. : هيقبل = و امي. : لا أمك مش هتعرف حاجة ، أنا أخد سماح و نروح نكلم أمك في موضوع الجواز و طبعا تسأل فين حازم ،نقول مش عايز يظهر في الصورة علشان مشاعر أمل. = تفكري الموضوع يمشي. : اه. صابرين: لا طبعا مش موافقة بنتي تكون زوجة تانية، و تكسر قلب ست زيها. صباح: أنتِ عارفة ظروف أمل و هي موافقة. : و ليه مجتش معاكي علشان اعرف انها موافقة،حتي حازم مش موجود . = نوجع قلبها ليه بس و حازم مجش علشان مشاعرها. قالت بسخرية: ايه الحنية دي يا صباح ،أنتِ بتكرهي أمل و نفسك حازم يطلقها. = اخس عليكي يا صابرين أنا برضو. : أنا مليش دعوة بحياتك أنت ولادك ،أنا مش موافقة خرجت نوار من أوضتها و قالت : أنا موافقة و بحب حازم و ده اليوم اللي بحلم بيه. زعقت و قالت: اخرسي و ادخلي اوضتك مفيش جواز. ردت بصوت عالي: أنا حرة و القرار قرري. بصت بصدمة و قالت: تعلي صوتك عليا ، طيب اقولك مش اعترض و خليكي فاكرة الظلم ظلمات و أنتِ كده تشاركي في ظلم أمل، و حاجة كمان حازم يعشق أمل. قامت صابرين دخلت الاوضة محدش أهتم بكلامها سوء صباح أو نوار شايفين أن ده حقهم. بدوا بجهزوا الشقة اللي المفروض كانت بتاعت أمل من غير ما حازم و عماد يعرفوا حاجة عماد يروح الشغل الصبح يرجع بليل كانوا يختاروا الوقت اللى عماد مش موجود لأنهم متأكدين أنه يبلغ حازم. يوم الفرح ، اللي العريس مش عارف عنه حاجة. و بلغوا عماد قبله بساعة و رفض يحضر. في بيت حازم كان حازم و أمل يعملوا الاكل سوء و المطبخ متبهدل و كأن في حرب، مع صوت اغنية الست أم كلثوم ، و أصوات الخبط و صوت الضحكه اللي تطلع من جوة القلب. مبسوطين قوي ،اكتر ما حد يتخيل أن ناس في ظروفهم تكون كده. : بقولك يا حزومي، تفتكر اللي أنتِ تعملوا ده يتأكل. قال بغرور: بعد الاكل ده بفكر افتح مطعم. : لا بلاش كفاية أنا ، نظلم الناس معنا ليه. = قصدك ايه مش بعرف اطبخ. : لا ازاي = بصي نعمل حسابنا و نطلب الإسعاف : بقول كده برضو. خلصوا الاكل و كلوا بسعادة رغم أن الأكلة مش حلوة و حازم فشل في تنفيذ وصفة الأكلة ، بس كان طعمها حلو لانها ممزوجة بطعم الحب و السعادة. بعد الاكل ، غسلت الاطباق و هو عمل عصير ، و شربوا العصير في البلكونة صوت الست ، مع الجو الجميل و سعادتهم. قاطع كل ده رنة الموبايل ، شاف الاسم تغير ملامحه للحزن، قالت بابتسامة: رد يا حبيبي. قال بحزن: مش عايز ارد عليها. : معلش رد. فتح الخط ،قالت صباح بسرعة: حازم تعال بسرعة عايزك. رد بتوتر: في حاجة. صرخت بصوت عالي: تعال بس. قفل معها ،سالت بتوتر: في حاجة قال و هو يقوم : مش عارف اروح اشوف في ايه. : ماشي يا حبيبي لبس و قبل ما يخرج باس راسها و قال : آسف. ابتسمت و قالت: على ايه ، روح شوف طنط عايزة ايه. مشي حازم على العنوان اللي استغرب أنه قاعة فرح، لكن توقع أن صباح تحضر فرح حد. كانت سماح مستنية على باب القاعة ،مسكت أيده و مشيت على اوضة خاصة بالعريس ،استغرب أن نوار بفستان فرح، سأل : هو فرحك النهاردة وازاي معرفش مش انا اخوكي. ردت صباح : فرح نوار و أنت العريس. عقد حاجبيه بتعجب و سأل بصدمة: مش فاهم. قالت بتهديد: من غير كلام كتير، اتجوز نوار حالا أو . قال بصوت عالي: أو ايه أنتِ جرا لمخك ايه بجد، اتجوز مين ،ازاي عملتوا كل ده من غير ما أعرف. و كان ماشي لكن قالت: مفيش وقت للكلام ،الناس برة و مش عايزين فضايح، أهل نوار فاهمين أن الجوزة طبيعي ، اتجوز نوار أو اقرا الفاتحة على أمل. لف و سأل: بتقولي ايه. بصت لسماح اللي فتحت الموبايل و في اتنين بيان عليهم بلطج،ية قدم العمارة، قالت بشر: قول لا، الاتنين دول يخلصونا منها، و للأسف محدش يحلق ينقذها لأنها لوحدها و على ما ترجع البيت ، يكون كل شيء انتهى. كملت سماح: دلوقتي تقول في أمن للعمارة، طيب بص كده. كان الأمن نائم متخدر. حس أنه مش قادر يقف ،هي دي ام بجد ، دي إنسانة عندها قلب زي باقي الناس، هي عارفة أن نقطة ضعفها هي، سأل بحزن: _ ليه يا أمي ليه. : علشان مصلحتك = مصلحتي مع أمل. : من حقي اشوف لك حتة عيل. = مش من حقك، مش من حقك، لو فاكرة بكده اني أوفق أنتِ بتحلمي. ابتسمت و قالت: حلو اوي كده. خدت سماح الإشارة منها و قالت: نفذوا. كان الموبايل متوجه في وش حازم، فعلا بدوا يتحركوا ،صرخ و قال: لا لا بلاش يا امي، لو بتحبني بلاش. قالت بجنون: أنا قولت معمولك سحر اسود منها و هي اختها و امها ، اختار يا حازم علشان أنا مش أقبل أنك تعيش و تمـ,ـوت من غير اولاد. بص لها و قال: أنتِ مجنونة و مش طبيعيه. اول مرة يغلط فيها، لكن الموقف كان صادم. بصت بصدمة و قالت: تغلط في أمك علشان أمل. كان وصل البلطجية قدم باب الشقة، صرخ : موافق ،موافق. قالت سماح: خالص يا رجالة ،استنوا تحت. قال بضعف و ذل: _أبـ,ـوس ايدك يا أمي، علشان خاطري بلاش ،بلاش يا أمي، لو أمل عرفت تبعد عني و أنا مقدرش ابعد عنها امـ,ـوت من غيرها. كان يبكي و يتكلم بضعف و رجاء ،مرقش قلب أنه أو أخته علشانه. و رغم أن نوار شايفة أنه عاشق ل أمل الا حطت كرامتها على جنب و قبلت على نفسها بكده.. قالت ببرود: _ أنا بعمل كده لمصلحتك. : أنا عمري ما اسامحك. تم الجواز ، و شرط حازم أن امل متعرفش ،قبلت نوار على نفسها أنه تاخد واحد مش شايف غير مراته. و نسيوا التلاتة أن الظلم ظلمات و هما مش بس ظلموا أمل كمان ظلموا حازم. الشر تملك منهما لدرجة تخوف ، وصلوا أنهم ممكن يقتـ,ـلوا علشان مصلحتهم. عودة للحاضر كانت لسه تبكي و هي في حـ,ـضن سمر. أما حازم قاعد يعيط زي الطفل قدم باب الشقة. خبط على الباب ،فتحت سمر و قال: لو سمحتي يا سمر لازم اتكلم معها. صعب عليها شكله ، هي متأكدة أن في سبب قوي علشان يعمل كده. كمل بدموع و رجاء : سمر عايز اشوفها. هزت راسها و دخلت بلغت أمل: لازم تكلموا يا حبيبتي ، علشان تعرفي تحطي النقط على الحروف. : ماشي = تحبي استنا أو أمشي. : معلش يا سمر، بس عايزة نكون لوحدنا. مشيت سمر، و هي خرجت ،كان الاتنين شكلهم ضعيف و حزين كانا مر سنين مش يومين،كان واقف يبص في الأرض بحزن و خجل. : ليه؟ كان أول سؤال من أمل. هز رأسه و كان منهار كأنه طفل صغير ،يبكي على أمه، هي فعلا أمه و أخته و كل حياته. سألت بهدوء: ليه يا حازم قولي ليه عملت فيا كده؟ قربت منه و قالت بنفس النبرة الهادئة و هي تشاور على نفسها : _مش أنا طلبت منك اكتر من مرة و اقولك اتجوز تقول لا بحبك ،مش عايز غيرك أنتِ، يبقي ليه تعمل كده ، رد عليا قولي ليه؟ معندوش كلام يتقال مش عارف يقول إنه خاف على حياتها و سمع كلام امه أو يسكت. سالت تاني : رد عليا و قولي. و هنا ارتفعت نبرة صوتها و هى تقول: ليه، ليه عملت كده؟ =أنا آسف. ابتسمت بسخرية و قالت: آسف لا خالص حصل خير، طالما آسف مفيش مشكلة، عارف لو مقولتش آسف كنت زعلت منك، صحيح كنت ناوي تقولي أمت ، لما تخلف صح، تجي تقولي يا أمل أنا اتجوزت و خلفت. أنا مش عايزة غير اعرف حاجه واحدة ليه كدبت عليا، أنا كنت عايشة كدبة كبيرة معك، كل ده طلع وهم، وهم ، أنت ضحكت عليا و رسمت صورة حلوة ليك و أنا نايمة في العسل و الاستاذ يخطط علشان يتجوز . كان بنفس الحالة يبص في الأرض من غير رد. و هنا انفجرت ،مسكت صورة ليهم محطوطة على التربيزة و هي تسأل : ليه؟ ورسمت الصورة اتكسرت بص عليها و قال: آسف . حطت أيدها الاتنين على أذنها و تصرخ : متقولش اسف، اسكت ،اسكت. و انفجرت صرخات متتالية و هو يعيط بانهيار. بقت تبص حواليها و قالت: أنا عايزة امشي من هنا، طلقني، طلقني. رد عليه: أنا اللي امشي، ده بيتك. صرخت : أيوة لازم تمشي ،امشي امشي من هنا. كان يتحرك للخارج ،بس قالت : استنا طلقني، طلقني ،طلقني . و بقت تكسر كل حاجة تقدر تكسرها و هي تصرخ طلقني. و فجأة لحظة صمت و سكون، مفيش صوت ،كان الدنيا فاضية و الصوت الظاهر صوت دقات القلب. قال حازم ووووووو نكمل المواجهه الفصل الجاي و للحديث بقية ال11❤️ لحظه صمت وسكون لما بصت امل لقيت في عين حازم دموع قربت منه اكتر حطيت ايديها على وشه رفعت راسه وسالت بنبره هاديه: _ليه الدموع يا حبيبي؟ قول لي يا حازم قول لي في ايه؟ انا حاسه أن كل ده حلم لا لا ده كابوس ،أنت عمرك ما تعمل فيا كده،انا واثقه ان في حاجه قولي وأنا اصدقك، زي ما طول عمري بصدقك ،اقنعني زي ما كل مره بتقنعني ، في ايه ليه عملت كده ليه؟؟ لما لقت مفيش رد منه ولسه ساكت زي ما هو هنا صرخت بصوت عالي: اتكلم حرام عليه عملت كده ليه. برده هو ساكت مش لاقي رد مش عارف يقول ايه خايف يقول لها أن امه مش انسانه دي شيطانه،قعدت تصرخ بصوت عالي،مش قادره تصدق اللي حصل حاسه أن هي في كابوس كثير طلبت منه يتجوز ،ليه يعمل كده ويخبي المشكله انه كذب وهي واخده منه على الصراحه و الحقيقه. لما شاف حاله الانهيار اللي هي فيها زعق بصوت عالي: _ كفاية يا أمل أنا ما استاهلش كل ده أنا واطي و خاين وكذاب واستاهل المـ,ـوت، كفاية علشان خاطري. هديت مره ثانية و قربت منه وقالت بصوت هادي : _لا تستاهل يا حبيبي، تستاهل كل حاجه حلوة ،عارف يا حازم أنا من وقت ما عرفت،وأنا ارجع في كل ذكرياتنا مع بعض افتكر مره يمكن زعلتني ما لقيتش، أو جـ,ـرحتني بكلمه ما مفيش، طيب ممكن اللسان يكذب ، لكن العيون عمرها ما تكذب أنا طول عمري شايفة نفسي في عينك حلوة،حتى وأنا في فتره العلاج كنت بشوف لمعه في عينك تحسسني أن أنا جميلة،واليوم اللي المفروض كان فرحك فيه كنا مبسوطين ، في حاجات كتير مش عارفة أصدقها مش عارفه أنت كنت شاطر قوي،او انا اللي غبيه ما كنتش عارفه اشوف كويس كنت عاميه ،حازم انا مش عارفه أعمل ايه،مش قادره أقرب مش قادره أبعد عنك أنت كل حياتي وأنت عارف كده قول لي اعمل ايه. قالت كده من غير كسوف من غير حرج لأن وقت فتره العلاج خليتهم قريبين من بعض لدرجه ما فيش حرج بينهم ممكن لو ست ثانيه تتكسف تقول لك،بس هي لا. قالت كلام كتير و هو ساكت مش عارف يقول حاجة، هو كمان مش مكسوف أن دموعه تنزل قدمها. قال بصعوبة: آسف. : امشي ، أمشي. خرج حازم من البيت من غير متاقشة، هي وقعت على الأرض، و هو قعد قدم الشقة على السلم… عند عماد كان ساب القاهرة و سافر الاسكندريه،علشان يبدأ بداية جديدة، لازم يبعد الفترة دي علشان يتخطى الامر، أن اللي كان يحلم تكون مراته بقت مراته أخوه. و البلد دي مخبي لي كتير. أما طارق ابو الطفلة بسمة. سأل بهدوء: قولي يا بسمة اللي حصل. مسحت دموعها و قالت: عملت فيهم مقلب، واحدة صاحبتي جربته و قررت اعمل زيه. سأل بهدوء: و ايه المقلب. = خدت تلفيونك، و عملت صور بالذكاء الاصطناعي ، و بعتها ليها. فلاش باك كانت في العربية مع أبنها الصغير ذو الخمس سنين ( سيف) بصت له و قالت: كل سنة و انت طيب. رد بابتسامة: و أنتِ طيبة يا مامي، يلا بسرعة علشان نروح نحتفل مع بابا و بسمة ابتسمت و تحركت بالعربية، كانت قربت توصل للبيت ،رن التلفيون ، ردت : ايوه يا حبيبي أنا خالص قربت أوصل كان صوت بسمة و هي ترد بخوف: ده أنا يا ماما. سألت بفزع: مالك يا بسمة. ارسلت لها صور على الواتس، وقالت: شوفي الواتس بسرعة. ركنت العربية على جنب و فتحت التي، كانت صور لست شكلها غريب. سألت: مين دي يا حبيبتي؟ ردت عليها: بابا خرج من البيت و أنا لوحدي و الست دي قالت إنها صاحبتك و هي قاعدة معي دلوقتي. صرخت في التلفيون : فين بابا رح فين؟ و ازاي تخلي حد يدخل البيت و محدش موجود، سبيي البيت و انزلي بسرعة. و أتحركت بالعربية بسرعة جنونية ، و هي تقول: ماما أنا خائفة. قالت بدموع: متخافيش أنا قربت اوصل. و هي تتكلم في التلفيون، ظهر قدمهم شاحنة كبيرة و خبطت فيهم. خلصت كلامها و هي تحكي بدموع و ندم: أنا آسفة يا بابا، أنا كنت بهزر. كان غضبان جدا منها، و في نفس الوقت خايف يقول اي كلمة تأثر في نفسيتها، بعد تفكير قال بهدوء: غلط يا بسمة ،اللي حصل غلط مش لازم تمشي وراء تريند لأن مش كل حاجه تكون تريند تبقي صح… كان يتكلم بحذر مهما كان هي طفلة، قرر أن لازم استشارة طبيب نفسي. كانت ترتعش و تبكي بصمت و خوف، فكرة أنها قـ,ـتلت أمها و اخوها علشان تقلد صاحبها تقضي عليها، كبرت قبل الأوان. كان في حيرة ياخدها في حضـ,ـنه و يهديها أو لا، بالنهاية ضمها في حـ,ـضنه و هي انفـ,ـجرت من البكاء. كانت صابرين تحاول معها تسيب البيت و تبعد عن حازم. : يا بنتي اسمعي كلامي وتعالي معي. ردت بحزن: أنا بحب حازم و هو جوزي. : و هو فين جوزك ،اختار مراته الاولى، مش عارفه طالما يحبها اوي كده طلب ايدك ليه. بلعت ريقها بتوتر و سكتت. كملت صابرين: محدش يخاف عليكِ قدي حتي خالتك،اسمعي الكلام يمكن لما تمشي يعرف قيمتك. هي عارفة أن ملهاش قيمة عنده، لأن باختصار مغصوب على الجواز و ده اللي صابرين مش عارفه عنه حاجة ، لو مشت تبقي خسرت كل حاجة ، علشان كده قالت: ده بيتي و أنا أفضل هنا. قامت بعصبية و قالت : براحتك. مشيت صابرين و نزلت نوار عند صباح و اجتمع ثلاثي الشر زفرت بضيق و قالت: وبعدين يا خالتي ،هو ده حال عروسة. : منها لله أمل. = و الحل يا ماما. ابتسمت بخبث و قالت: الحل عندي ،علشان افرح بحفيدي عن قريب. بصوا بانتباه و سألت سماح: ازاي يا ماما. ردت بهدوء: الممرضة اللي جنبنا طلبت منها دواء مخدر تخلي الواحد مش حاسس بحاجة ،يبقي زي التايه. نوار: قصدك ايه يا خالتي. ردت بخبث: حازم يجي هنا، ويشرب حاجة فيها الدواء ده و بعدين نقول الف مبروك يا عروسة ،صباحية مباركة. ابتسمت بسعادة و سألت : بجد يا خالتي. هزت راسها بنعم و قالت سماح: حازم اكيد يرفض يجي هنا. : عاملة حسابي، اطلبي عماد يا سماح سألت باستغراب: ليه. : أنا أقولك. كان عماد يرتب الاوضة رن التلفيون : ازيك يا سماح. = الحمد لله يا حبيبي ،عامل ايه؟ : الحمد لله بخير ،اخبارك و اخبار ماما؟ = الحمد لله ، استنا أنا في اوضتي، اخرج لماما علشان تكلمك. دقائق صمت، كانت سماح قاعدة جنب نوار و صباح و فجأة صرخت و هي تقول: ماما سأل بخوف: في ايه؟ = الحقني يا عماد ،لقيت ماما واقعة من طولها. =ايه اللي حصل يا سماح و أنتِ كنتي فين؟ عيطت دموع مزيفة و قالت: كنت بذكر اتصرف. :طيب افقلي و أنا اكلم حازم. قفلت التلفيون و انفجروا ضحك بصوت عالي لنجاح اول خطوة في الخطة. رن تلفيون سماح بصت الاسم بتوتر و دخلت الاوضة: تصل ليه دلوقتي؟ : ايه كل الغيبة دي ،وحشتني يا حبيبتي. ابتسمت و قالت : و أنت كمان بس مش وقته. صاح بغضب: مش استنا تاني، بكرة نتقابل في الشقة. = حاضر ،مع السلامة. حازم لسه قاعد قدم الشقة، رن التلفيون رد لانه عماد: حازم روح شوف ماما. رد بحزن: أنا مليش دعوة بيها. صاح بعصبية: أمك واقعة على الأرض و سماح لوحدها. : ده كدب كالعادة = أنا كنت بتكلم مع سماح بظروفها. قام من مكانه و سأل: هي تعبانة بجد. : أيوة. جري حازم على بيت صباح علشان يطمن عليها. وصل و في وقت قياسية. دخل و هو يقول: سماح ،سماح خرجت سماح و قالت بدموع: ما بدري يا اخوي. حط أيده على قلبه اللي يدق بسرعة و قال: ماما عاملة ايه ؟ خدت كوبية المياة اللي فيها الدواء و قالت بهدوء: خد اشرب و خد نفسك. شرب الكوب كله :فين ماما كانت تبسم عليه بخبث ،ردت ماما فوق مع نوار. للاسف الدواء مفعوله سريع جدا ، و كمان يسرح بالعقل الباطن و الاحلام اللي نفسك تحققه و مترسخة فيه. حط أيده على دماغه و قال : فوق فين؟ مسكت أيده و هي تطلع شقة نوار و همست: عارف مين فوق أمل. حتي لو مش في كامل عقله بس قلبه يدق باسمها رد و قال: بجد أمل فوق. : أيوة. طلع معها لحد شقة نوار ، اول ما الباب اتفتح ، ظهرت و هي مرتدية ثوب جميل و مثيرة مع ادوات التجميل. مش بس كده، من ضمن خطة صباح أن نوار تعطر نفسها و الشقة برائحة أمل علشان هو يحس أنها أمل مش نوار و عادي وافقت و قبلت بدافع الحب، الحب بري من اللي زيك. مسكت أيده و قالت: تعالي يا حبيبي رائحة العطر دخلت قلبه، قال بهمس: أمل أنا بحبك اوي. ردت عليها نوار : و أنا بعشقك من زمان و نفسي تحس بي. ابتسمت سماح و قالت: مبروك يا حبيبتي. و نزلت سماح و قفلت الباب و هي تقول: تعالي. قال بصوت مرتفع: أمل أنا بحبك اوي أنا اسف، أمل. كانت في نوم عميق على الأرض مكانها، و كأنها سمعت صوت حد يقول اسمها ، قامت من مكانها و قالت: نعم وللحديث بقية ال12❤️❤️❤️ فتح عينه ببطء حط ايده على دماغه كان حاسس بصداع رهيب يحاول يفتكر اللي حصل بيبص جنبه اتصدم لما لقى نورا قام اتعدل بفزع،خبط على دماغه وقول ازاي ده حصل امت وازاي وبدا يفتكر امبارح اول ما وصل سماح جابت له ميه ،وبعدها مش فاكر حاجه تاني بدا يجمع الخيوط وعرف ان اتفقوا عليه للمره الثانيه عشان يحصل ده قام بهدوء دخل الحمام خرج واقف قدام باب الاوضه وقال بصوت عالي :نورا ،نورا. كانت شايفه ان بكده خلاص سيطرت على حازم، و مش هيقدر يبعد عنها بعد اللي حصل. كانت مهوسه انها تحصل على حازم حتى لو بطريقه غلط حتى لو هو مش عايز، فكره مسيطره عليها أن من حقها تعمل اي حاجه طالما بتحبه. قامت اتعدلت بدلع وقالت: نعم يا حبيبي. رد بصوت هادي: قومي اجهزي عشان ننزل ل أمي نفرحها باللي حصل. قامت و هي طايرة من الفرح و قالت لنفسها كده الخطه نجحت. دخلت تاخد حمام عشان تنزل تفرح خالتها. اما في شقه صباح كانت لازم تحرق قلب امل بالخبر ده رنت عليها كانت أمل من وقت ما قلقت بليل و هي مش عارفة تنام. رغم زعلها منها لكن ردت عشان هي أم حازم: الو يا طنط ازيك. :أزيك يا حبيبه طنط لكي خبر حلو يا امل انا عارفه انك هتفرحي بيه. حطت ايدها على قلبها هي قلبها مقبوض من امبارح،ايه اللي ممكن يكون حصل خصوصا ما لقيتش حازم قدام باب الشقه،سالت بهدوء: خير ان شاء الله. ردت عليها بصوت فرحان: اسكتي مش دخله حازم ونورا كانت امبارح. حست بنغزه في قلبها،ازاي هو يقدر يعمل فيها كده,بس ردت رد مش متوقع و قالت بهدوء : _ الف مبروك ،عقبال ما تفرحي ب اولادهم. اتغاظت صباح من ردها جدا و قالت بعصبية: فعلا فرحانة و نفسك في ده يحصل. ردت عليها: طبعا يا حماتي. أمل حاسة أن في حاجة في الموضوع، لا يمكن حازم يعمل كده ،لو كان عايز يتجوز علشان يخلف ، كان طلب منها و هو متأكد أنها توافق. و كملت بابتسامة: لازم افرح ليكي علشان خطتك نجحت. سألت: أنتِ عارفة. : اومال حازم مش يخبئ عليا حاجة. = بكرة حازم ينسي أن في واحدة في حياته أسمها أمل بعد ما يخلف. قاطع كلامهم دق الباب ، رحت تفتح و لسه الخط مفتوح. فتحت و لما لقت الابتسامة اللي وش نوار ،زغرطت و قالت بابتسامة: الف مبروك ،صباحية مباركة. ردت يكسوف:الله يبارك فيكي يا خالتي. جت صباح تحضـ,ـن حازم بعد عنها و قال: تعالوا نتكلم جوة. دخل حازم و نوار و صباح اللي نسيت التلفيون مفتوح. بص لسماح و سأل بهدوء: عايزة اعرف المياة كان فيها ايه؟ بلعت ريقها بتوتر و مردتش. سأل تاني: ردي يا سماح. مردتش برضو، قرب منها و لف أيده على رقبتها بغضب و عنف، و صاح بغضب: انطقي عملتي فيا ايه، المياة كان فيها ايه؟ قربت صباح عليه : بتعمل ايه يا مجنون اختك هتمـ,ـوت. ضغط اكتر و سأل نفس السؤال. شاورت بعينها أنها هتكلم، فك قبضتها و قال: انطقي. خوفاً على صحتها حكت خطتهم. كان يسمع بذهول ،ازاي يعملوا فيه كده. بص لصباح و قال: أنتِ بجد أمي، قولي الحقيقة لو أنا مش ابنك ، اصل مفيش أم تعمل كده في ابنها الا لو مجنونة زيك كده. شاورت على نفسها و قالت: أنا مجنونة. صرخ بغضب: مجنونة و شيطانة ،معندكيش قلب ، مفيش واحدة تهدد تقـ,ـتل مرات ابنها علشان ابنها يقبل يجوز واحدة تانية غير لو ابليس، و دلوقتي حطيت دواء كمان مـ,ـوت و ارتاح منكم و من شركم. بص على سماح : ليه يا سماح أنا عملت فيكي ايه، أو أمل عملت ايه علشان تستهل كده منك. و بص ل نوار و قال: فاكرة أن كده أقبل بيكي كزوجة، أنتِ بتحلمي صح. بص لها بقوة و قال: _أنت طالق. صرخت صباح و سماح. و نوار بصت بصدمه تحاول تتكلم مش عارفه، كان ماشي مسكت في ايده و قالت برجاء: بلاش تمشي ،أنا مليش غيرك، انا عملت كل حاجه علشانك، أنا بحبك بلاش تمشي يا حازم ، لو لفت الدنيا مش هتلاقي حد يحبك قدي. شد ايده منها بقوه وكان ماشي نزلت على الارض مسكت في رجله و صرخت: لا لا بلاش تعمل فيا كده، أنا ممكن امـ,ـوت من بعدك حرام عليك ليه كده. انحني لحد ما كان وجهه مقابل وجهها و قال بصرخة: _ و أنا بكرهك،فاهمة بكرهك، و عمري ما حبيتك ،و أنتِ عارفة كده و رغم كده قبلتي الجواز مني ، أنا اتكلمت معكِ و قولتلك أنك اختي و محتاجك تقفي جنبي، لما أمي تطلب ايدك ارفضي، لاني بحب مراتي و و مقدرش ابص لاي ست غيرها، عملتي ايه، انطقي، وافقتي على الجواز رغم أنك عارفة أني مش بحبك، مستنية مني ايه يا نوار ، يكون جوازنا طبيعي، و علشان توصلي لحاجة في دماغك عملتي خطة معهم ،كده فاكرين أنكم كسبتوا لا. بص لسماح : من النهاردة مليش أخت. و بعدين على صباح و قال : من النهاردة أنا يتيم الأب و الأم ،انسي أن ليكي أبن، و أن شاء الله ربنا يسامحني. و مشي حازم و هو مقرر يقطع علاقته بيهم. لكن صرخت صباح: احرق قلبك عليك ،قبل ما توصل البيت هتكون هي ميتة. تحركت خطوتين وقف قدمها و قال بتهديد: أنا خوفت قبل كده من التهديد ده و النتيجة اني نتجوز بنت ابليس ، افتكري من دقايق قطعت علاقتي بيكم ،لو حد فكر يقرب من أمل اقـ,ـتله فاهمين حتي لو كان مين اخلص الدنيا من شره. خرج من البيت و كل تفكيره يقول ل أمل ايه. كانت أمل لسه على الخط، و من رحمة ربنا صباح متصله علشان تحرق قلبها لكن بردت قلبها غصب عنها. و مقدرتش تنكر أنها زعلانة من اللي حصل بين نوار و حازم، بس فرحانة أن الجواز و أنه قرب منها كله خارج ارداته. كانت محتارة و مش عارفة تعمل ايه ، فرحانة و زعلانة قلبها يوجعها ، هربت للصلاة لعل تلاقي راحة البال. كان ماشي في الشارع زي التايه يفكر يقولها الحقيقة أو يخبئ عليها. أما عماد كان يرن على الكل و قلقان على صباح ،رن على حازم و اخيرا رد: الو عماد بخوف: في ايه يا حازم ليه محدش يرد عليا، اخبار أمك ايه. رد بنبرة مكسورة و حزينة: امي ماتت. افتكر عماد أن صباح ماتت ،قال بذعر: ماتت ازاي ،ليه محدش كلمني. رد بنفس النبرة: صباح لسه عايشة ،اللي زي دي لا يمكن تمـ,ـوت بسهولة بس بالنسبة ليا ماتت. سأل باستغراب: ايه اللي حصل يا حازم. و حكي حازم كل حاجة من يوم الفرح ، يمكن يا عماد يتوقع من امه و سماح كده لكن نوار لا يمكن طول عمره شايف أنها ملاك بريئة ،من أمت بقت كده، أو هي كده و هو كان اعمي لأنه يحبها. رد بحزن: و أنت تعمل ايه يا حازم؟ : مش عارف ، أقول ايه ل أمل. = قول الحقيقة يا حازم ،و أن شاء الله هتفهم كل حاجة. : يارب. في بيت سمر من وقت ما عرفت أن حازم اتجوز و هي تعيط من زعلها على اختها. قال محمد: اهدي يا حبيبتي. : مش قادرة يا محمد ،أمل منهارة. = أنا شايف أن في حاجة غلط في الموضوع، حازم لو عايز يتجوز كان عمل كده من غير ما يخبئ لأن حقه. : أنا بقول كده ،تفتكر صباح السبب في كده. = ممكن مش بعيد على صباح دي شيطانية. عند طارق كان قاعد على اعصابه،الدكتور بلغه ان مراته حياتها في خطر كان رايح جاي من هنا لهنا،وبسمه قاعده بتعيط بصمت، مرعوبه ان امها تمـ,ـوت زي ما اخوها عمل وتبقى لوحدها وتعيش بذنب انها قـ,ـتلت امها واخوها وهي بتقلد اصحابها. دقائق وخرج الدكتور وقال بحزن للاسف البقاء لله صرخت بسمه وفقدت الوعي……. عند أمل خلصت صلاة و مستني حازم يرجع من بره هي عارفه انه خايف يتكلم مسكت الموبايل و رنت عليه رد من اول رنه وقال بصوت باكي: _أيوة يا حبيبتي. قالت بصوت هادي تعال يا حازم احنا لازم نتكلم. رد عليها: حاضر. أما نوار كانت تبكي و تقول: و بعدين يا خالتي كده خلصت. ردت بعصبية: أعمل ايه تاني يا نوار قالت: أنتِ ديما تقولي أمل عمل سحر لحازم. ردت بغضب: أنا متأكدة من ده اتكلمت بشر و خبث: يبقي نقلب السحر عليها، نعمل عمل للمحبة لي و عمل بالكراهية فيها وعمل تاني بالمرض ابتسمت بسخرية و قالت: و هي ناقصة مرض. قالت بغل: ياريت تمـ,ـوت و ارتاح حازم لي غصب عنه و عنها.. خرجت سماح من اوضتها، سألت صباح :على فين؟ ردت بهدوء: مشوار كده : طيب مع السلامة مشيت سماح و قالت صباح: عارفة نفسي نخلص منها خالص. : هيحصل متخافيش. وصل حازم البيت ،كانت قاعدة على الكنبه ،قعد جنبها بصمت ، سألت هي: نعمل ايه دلوقتي ؟ بص لها و سأل: قصدك ايه ؟ : آخر علاقتنا ايه. = ملهاش آخر. : كنت فاكرة كده. أخذت نفس عميق و قالت……… عند سماح وصلت شقة في العمارة و اللي بيان أن الجيران عرفينها كويس، لحد ما وصلت لشقة في الدور الرابع، خرجت المفتاح و فتحت الشقة و دخلت، كان قاعد قدم التليفزيون، قعدت جنبه و قالت بابتسامة: وحشتني على فكرة مردش عليها ، قالت بهدوء: صدقني غصب عني كان في مشاكل كتير في البيت، أنا أقوم دلوقتي اعملك أكلة تاكل صوابعك وراءها. أبتسم و قال: هي اكيد حلوة لأنها من ايدك قامت غيرت هدومها و دخلت المطبخ. و هي في المطبخ قالت بسخرية: تصدق الجيران يتعاملوا معي على أني مراتك. رد عليها: مش احنا عملنا نمرة قدم العمارة و شوية من أصحابنا عملوا هيصة و قولنا أنك مراتي بس مفيش إمكانيات نعمل فرح سألت بدلع: و أمت بقا نتجوز بجد. رد عليها: لما نتأكد أننا ننفع لبعض ، ما هو ده هدف المساكنة يا حبيبتي. طفت الغاز و خرجت و قالت: عمري ما كنت اصدق اعمل الجنان ده، حياتنا شبه المتجوزين مع فرق بسيط مفيش عقد شرعي أو قانوني ، بس أنت عرفت تقنعني. : حبيبتي ده الصح علشان نعرف بعض كويس، و العقد و كلام الفارغ ده ملوش لازمة. ابتسمت بدلع و قالت: عندك حق الدنيا تتطورت. و قربت منه، من غير تفكير في حلال أو حرام. عايشة مع راجل غريب عنها و مثل الأزواج في كل حاجة ، إلا أن يكون في زواج شرعي ، تحت بند المساكنة اللي الشباب شاف إنها حل كويس ليهم.. أما نوار و صباح وصلوا إلى دجال لعمل سحر ل أمل.. و للحديث بقية رايكم يا حلوين ♥️ ♥️ تفتكروا أمل تقول ايه ل حازم و قرارها ايه و المفروض تزعل أو تفرح بللي سمعتها. بالنسبة لسماح و اللي مش عارف المساكنة دي حاجة جديدة في ناس عايزين يقلدوا العرب فيها و هي حرام و تشبه الز،،انا تفتكروا شر نوار و صباح خاص على كده. اللي يقول نورا قبلت ازاي على كرامتها، نورا مش طبيعية دي مريضة نفسية وال13❤️❤️ :أنا مستعدة أدفع لك اي حاجه بس مقابل أنها تمـ,ـوت. قالتها نورا وهي قاعده وهي وصباح مع الدجال في مكان غريب ومخـ,ـيف بس دول مفيش خوف في قلبهم من ربنا وكان الدنيا باقيه مش فانيه. رد عليها وقال: هتدفعي كتير. قالت صباح: اللي أنت عايزه بس احنا عايزين نشيلها من طريق ابني، عشان يشوف حياته. : ماشي أسبوع وعدوا عليا. ردت نورا بسرعة: لا لا أسبوع كثير ،عايزين نخلص في أقرب وقت. : يومين وعدوا عليا يكون العمل جاهز. قامت صباح ونورا بعد ما حطوا قدام الراجل فلوس كتير وخرجوا الاثنين وهم مطمئنين أن يخلصوا كده من امل. سالت نور: بقولك يا خالتي أنا أقول ل أمي اني أتطلقت ولا أعمل ايه؟مش المفروض كده ارجع البيت. ردت صباح: كده كده حازم مش هيجي البيت غضبان علينا المحروس خليه ماشي وراها،وعماد مسافر مفيش غيري أنا وسماح، أمك لو عرفت موضوع الطلاق مش هتسكت،خليكي معانا على ما نشوف الشيخ هيعمل ايه يمكن على آخر الاسبوع نخلص منها ويرجع لكي. قالت بامل: يارب يا خالتي يارب. عند عماد كان يتمشى في شوارع أسكندرية في الليل الجميل مع نسمه البرد اللي تنعش القلب ،و يحمد ربنا انه نجاه من نورا ويسال نفسه ازاي ما قدرش يشوفها على حقيقتها ، فعلا مرايا الحب عمي، يدعو الله أن حياة حازم وأمل تستقر ويبعد عنهم شر صباح ونورا وسماح. قاعد على الكورنيش بص على البحر، و هو سرحان بيفكر في حاجات كتير فجاه سمع صوت عياط بس حواليه كانت بنت قاعده قدام البحر بتعيط بقى محتار يسالها مالها او يمشي لكن العياط كان بيزيد و هي تبص للبحر. قرر يقرب يسالها يمكن محتاجه مساعده قرب منها وسال: _خير يا انسة في حاجه؟ واتحولت من البنت اللي كانت بتعيط من شويه لبنت نظرتها كلها غضب رفعت عيونها بصيت له وقالت بصوت عالي: وأنت مالك كان حد طلب منك مساعده او حد سالك امشي أنا عايز أقعد لوحدي. اتصدم منها ولسه هيتكلم،قالت هي: خلاص انا عارفه أنت هتقول ايه، انا كنت جاي اساعدك وأنا غلطان والمفروض تشكريني حافظة الافلام دي يلا مع السلامه طريقك اخضر. قال بصوت عالي: تصدقي أنا غلطان يا شيخة يارب تعيطي لحد ما تمـ,ـوتي. ردت باستهزاء: اوعي ما تجيش في العزا ازعل منك طريقك اخضر. مشي عماد من قدامها وهو مستغرب طريقه البنت دي،ازاي من شوية كانت منهارة من العياط ودلوقتي بتتكلم كده. الغريبه أن أول ما مشي هي رجعت عيطت تاني وهي تبص للبحر وكانها مستنيه حد يطلع منه او حاجه تظهر لها. عند حازم وأمل كانوا قاعدين جنب بعض كل واحد يبص قدامه زي ما يكون خايفين يبصوا في عيون بعض قرر يتكلم،اخذ نفس عميق وقال : أمل عايزه أقول لك حاجه. بصت له وقالت: بحبك. بص لها باستغراب وسال : بتقولي ايه؟ أبتسمت قالت: ايه يا حازم غريبه ولا ايه اوعى تكون أول مرة تعرف أني…. و سكتت، سأل بهدوء: أنك ايه امل. سالت هي : قولي أنت يا حازم انا ايه؟ بص في عيونها وقال بحب: أنت حبيبتي، أنت كل حياتي، أنت أمي وأختي وكل عائلتي ، مقدرش استغنى عنك، عندي استعداد اتخلي عن العالم كله إلا أنتِ. همست حب وخجل: بحبك اوي ، بحبك اكتر ما حد في الدنيا يتخيل. حضـ,ـن وجهها بين كفوف يده و صوب عيونه على عينها و قال بهدوء: اسمعيني الاول يا أمل في حاجه لازم تعرفيها. : عارفه كل حاجه لاني سمعت كل حاجه. =سمعتي ايه مش فاهم : الحقيقه سمعت الحقيقه عرفت ليه اتجوزت نورا. عقد حاجبه باستغراب وسال: عرفت ازاي مين قالك ؟ عماد. هزت رأسها بالنفي،وحكت له عن مكالمه صباح. رد بحزن و ندم: أنا اسف على كل حاجه. : بجد آسف على ايه لأنك انقذت حياتي من المـ,ـوت، رغم انك بسببي محـ,ـروم تكون أب ، أنك مصمم تفضل معايا ،قطعت علاقتك مع اهلك علشاني،انا اللي اسفه ،أنا اسفه يا حازم على كل كلمه قلتها لك ، بس كنت مصدومة. شكرا انك موجود في حياتي و آسفه اني سبب عذابك شكرا لانك حبتني و آسفة أن حبك ليا سبب حزنك.. رد عليها وقال :سبب حزني حبك سبب حزني, حبك سعادتي من يوم ما شفتك والدنيا حلوة في عينه ازاي بتقولي كده، أنت الامل اللي نور حياتي. همست بحب و نبرة حنونة: و أنت حياتي كلها. :قلب حياتك يا امولة، بصي بقى كفايه زعل وكفايه وحـ,ـزن،لازم نفرح من حقنا نفرح. قالت بحماس: و أنا موافقة حد يكره الفرح. قام من مقعده و شدها و قال: يلا غيري هدومك و نخرج شوية مشت أيدها على كتفها دليل على برودة الجو ،و قالت: نخرج في البرد ده خلينا هنا احسن نقعد في البلكونه دفية شويه. حرك راسه بالرفض و قال: لا يلا الشتاء هو ليل العاشقين، يلا بسرعة يا امولة. :ماشي, بس هقولك حاجه أخيرة، من حقك تكون أب ، لو في يوم عايز تجوز علشان الحق ده أنا موافقة و متخافش مش اطلب الطلاق. =صدقيني أنا اتجوزت نورا عشان انقذ حياتك ومش حاسس أن انا ناقصني حاجه ،او محروم لانك بنتي مش مراتي وأنت عارفه كده لو أنا ناقصني حاجه مش عارف أقول ايه، شايف أن مفيش حاجة ناقصة في حياتنا، حبيت قلبي ده قدر و أمر الله ،ربنا له حكمة في كده، فأكيد ده خير لنا، و اه لينا يا أمل لأني من اليوم خطوبة و أنتِ قدري و نصيبي. : هو سؤال صغير واخير، أحبك اكتر من كده ايه. رد بابتسامة : الي ما لا نهاية ،حب حازم و أمل لا يوجد له نهاية. وضمها إلى حـ,ـضنه بسعادة و حب ، و ضمته أكتر و قالت : طيب فكر بس تحب حد أو تجوز و أنا اقـ,ـتلك و اقتـ,ـلها. ضحك بصوت عالي و قال: و حقي و كلامك العاقل الحلو ده. = حق مين يا حبيبي ، أنت حقي أنا، عوض ربنا لي، عمري ما فرط فيك. ضمتها أكتر و قال: بحبك يا أجمل شيء في حياتي. رجعت صباح و نوار من عند الدجال بعد ما طلب منهم شويه حاجات غريبه وعجيبه وقروا يعملوها رغم أنهم عارفين حجم الذنب اللي يمشي ورا الكلام ده سألت نورا: هي سماح لسه بره؟ ردت صباح: الظاهر كده، خليها تفك عن نفسها شويه كفاية الغمه اللي عايشين فيه بسبب البومه اللي دخلت حياتنا. ابتسمت بحزن وقالت: بس ابنك بيحب البومه دي يا خالتي ومش شايف غيرها. :ما قلتلك يا نورا،ابني معمول له سحر وقوي كمان أنت مش شايفه بنفسك ،حتى عماد فجاة كده قرر يسافر مع أن شغله هنا كويس ،يبقى ده كله ليه، هي أمل عاملة سحر علشان محدش يعيش مبسوط فينا. =أنا عمري ما كرهت حد زي ما كرهت أمل دي : اصبري أنت بس ،وبكره يجي اليوم اللي يطلقها فيه ويبقى بتاعك أنت و تجيبوا الحفيد اللي بحلم بيه. عند سماح بعد ما قضيت ساعات طويله معه : أنا لازم امشي بقى. أتكلم بعصبيه: مش المفروض نقضي معظم الوقت مع بعض،عشان نعرف ناخد خطوه الجواز ولا لا. ردت بهدوء: فاهمك طبعا يا حبيبي، بس قول لي بقى أقول ل اهلي ايه هم أكيد مش يفهموا دماغنا،ولا يفهموا ان اللي بنعمله ده صح بدل ما نتجوز ونرجع نتطلق،عشان كده مش لازم يشكوا فيا لحد ما ناخذ قرار، :الاهم خدي بالك ليحصل حمل أو حاجه لاني أنا متفق معاكي واكد عليكِ تاني الفتره دي فتره إختبار يعني أخد الخطوه يا اما لا. كان هو زي اي شاب عايز يقضي وقت مع بنت سهله و رخصت نفسها ، و لما انتشر موضوع المساكنة لقي أنها حجة جديدة و تاكل بعقل البنات اللي تنادي بالحرية،حريه في اللبس وأن الحجاب مش فرض، حريه في العلاقات و أن البنت من حقها زي الشاب تكون لها علاقات سابقة،ولازم المجتمع يتقدم و يقبل أن مش شرط ان البنت تكون عذراء،كل ده ليس انفتاح ولا تقدم بل نشر الفساد والابتعاد عن الدين والقيم والاخلاق،وصلنا إلى المرحله ناخد من الغرب كل شيء سيء،و نقلد من غير فهم و أننا لنا عادات وتقاليد و ملتزمين بالدين. و للأسف بقا الصح قليل و المعظم ماشي وراء الباطل يبطل له بدون واعي و فهم…. قربت منه بدلع و قالت: عاملة حسابي يا حبيبي ،بس لو حصل تعمل ايه. رد عليها رد واضح و صريح: مش ملتزم بأي حاجة أنتِ قبلتي بكامل إرادتك أننا نخوض التجربة، أنا كنت صريح معكِ. = اهدي كده أنا عاملة حسابي. مر شهر عليهم. قرر طارق أن تذهب بسمة إلى طبيبة نفسية لمساعدتها في هذه المرحلة. وسماح مازلت على علاقه مع الشاب تحت بند التجربه. أما عماد فهو بالصدفه اكتشف أن البنت اللي شافها قاعده على البحر و بتعيط، بتيجي كل يوم في نفس الميعاد و تقعد عدد ساعات معين وبعدين تمشي. ولو حد فكر يقرب يسألها زي ما هو عمل فجاه تتكلم بشراسه و بمجرد ما الشخص يمشي ترجع تعيط تاني مستغرب التركيبة الغريبه دي. عايز يعرف ايه حكايتها مش بدفع اي حاجه غير الفضول وهو مش عارف ان ده أول طريق الحب وهو الحب ايه يا عمده غير شويه فضول على شويه حاجات فوق بعض.. اما امل وحازم رجعت علاقتهم زي الاول ،علاقه قوية مبنيه على الحب مش على اي حاجه تانيه و وعلاقة حازم مع محمد وسمر بقت زي الاول بعد ما عرفوا سبب الجواز. لكن الجديد أن أمل قررت زياره طبيبه نفسيه لانها مش قادره تتخطى أن هي هتكمل حياتها وهي محرومه أنها تكون ام وحازم كالعاده داعم ليها هو و سمر ومحمد اللي بيعامل أمل كانها اخته الصغيره وعيال سمر اللي يحسسوا امل و حازم في كل وقت بالحنان. نورا وصباح وسماح لسه شغالين يفكروا ازاي يفرقوا بين حازم وأمل ،عملوا سحر وأعمال ولكن كل ده ما جابش نتيجه من آخر مره كان حازم فيها وطلق نورا و هو مقاطعهم زي ما قال و ل حتي بالتلفيون. و أم نورا لحد دلوقتي مش عارفه ان حازم طلق نورا لان زيارتها قليله ونورا بطلت تتكلم مع أمها ،حتي نسيت أن ليها ام،وصابرين لانها مش موافقه على أفعال نوار بطلت تسأل عنها و تكاد العلاقه بينهم مقطوعه. دخلت أمل عيادة الطبيبه النفسيه،بصت على مكان السكرتيره، لقيته فاضي، قعدت في الاستراحه على ما تيجي بصيت جنبها كانت بسمة، افتكرت أنها شافتها في المستشفى و كانت تعيط، كلمت نفسها: ليه البنت الصغيره ،باين عليها الحزن كده و الزعل كأن عمرها 100 سنة حزينة و مهمومة مش بتضحك تبص على الارض دايما وكانها خايفه تبص لعيون الناس، يا ترى ايه حكايتك يا جميله؟ سبحان الله بنت في جمالك وتبقى حزينه كده، وهي لسه طفلة صغيرة، ربنا يهون عليك ِ. خرجت السكرتيره من غرفة الدكتوره وقالت بابتسامه: اتفضلي يا بسمة. قامت من مكانها وبيان عليها أنها حتى مش قادرة تمشي و مش النفسيه بس اللي تعبانه ده الجسد كمان تعبان اتحسرت عليها،وعندها فضول تعرف ايه حكايه البنوته دي. قالت السكرتيرة وهي بتبص على امل: اتفضلي يا مدام. قامت من مكانها وراحت عند المكتب وقالت: السلام عليكم ورحمه الله وبركاته. ردت: وعليكم السلام ورحمه الله وبركاته اتفضلي حضرتك. :لو سمحتي كنت عايزه احجز كشف عند الدكتوره. =لازم حجز مسبق علشان خاطر سريه المرضى، كان المفروض تتصلي بالتليفون الاول. : أنا أسفه ما كنتش اعرف كده ،طب ممكن حضرتك تحجزي لي ميعاد. =حصل خير يا مدام حضرتك هتسيبي بياناتك ولما أثبت الحجز ابلغ حضرتك. : تمام ،شكرا لحضرتك ،و ياريت الميعاد يكون قريب. ==ان شاء الله… مشيت أمل من العياده وهي عايزه تعرف ايه سبب حزن البنوته؟ و كمان إسمها بسمة، أسم جميل لكن إسمها ملوش علاقة بيها فهي حزينة ومش بتضحك في غرفه الطبيبه تحاول مع بسمة من وقت ما دخلت أنها تتكلم،دي الجلسه الخامسه بينهم ولا جلسه قررت تتكلم وكل مره الدكتوره هي اللي تتكلم وتحاول تعرفها ان اللي حصل كان غلط ولكن هي طفله مش فاهمه ده ، و كمان أن المـ,ـوت بايد ربنا ،صحيح في أسباب وبسمه كانت سبب مـ,ـوت أمها و اخوها ،لكن يشفع لها انها طفله وبسمه لم تتحرك او تتحدث مع احد ،منذ وفـ,ـاة والدتها كان آخر شيء فعلته هو صرخه ومنذ هذا الوقت وهي لم تتحدث شهر كامل ترفض الحديث.. كان حازم مستني قدام العماره لأن أمل رفضت انه يطلع معها، حبت تاخد التجربه دي لوحدها، حتي رفضت أن سمر تجي معها ركبت جنبه في العربية،سال: عملت ايه يا حبيبتي؟ ردت عليه قالوا لي لازم أخذ ميعاد الأول. اتحرك بالعربيه وقال : خير ان شاء الله. قالت بسرعة: فاكر البنوتة في المستشفى ،وكانت بتعيط وأنا سالتها مالك بس مردتش عليا. فكر كده شويه وبعدين قال: اه افتكرت. وبعدين سال: و دي بتعمل ايه هناك ؟ليه تروح عند الدكتور نفسية؟ دي لسه صغيره جدا. قالت أمل بحزن :مش عارفه بس بجد صعبانة عليا قوي ،البنت صغيره جدا وشكلها حزين قوي كانها عندها 100 سنه مش عارفه ايه اللي ممكن يخليها تبقى حالتها كده. تنهد بحزن وقال : هي الدنيا كده، الكل تعبان فيها محدش مرتاح ربنا يهون على الجميع. : اللهم امين. عند نورا وصباح اللي كانوا زي المجانين ، أن مفيش أي حاجة جايبه مفعول و مش عارفين يفرقوا بينهم قالت نورا : مفيش غير حل واحد. ردت صباح بانتباه :ايه هو.. ابتسمت بخبث و قالت: الحل ده يفرق بينهم إلى الابد. عندما عماد كان بيراقب البنت اللي كل يوم في نفس الميعاد من الساعه 10:00 للساعه 12:00 و هي قاعده قدام البحر وتبص عليه وتعيط بقى عنده فضول يعرف مالها عايز يسالها مالها لكن كل مرة يفكر يقرب و بعدين يبعد. وفجاه قامت جريت ناحية البحر و عايزة ترمي نفسها فيه. و للحديث بقية رايكم يا حلوين ♥️ رايكم نورا هتعمل ايه في امل عشان تفرق بينها وبين حازم ايه حكايه البنت اللي لسه عماد مش عارف اسمها،ليه عنده فضول يعرف حكايتها ممكن يبقى ل أمل دور في علاج بسمة و العكس صحيح.

مقالات ذات صلة

رفضوا 1

ابن الاغنياء12

دفعت تمن الاقامة حصري لصفحة روايات رولا

جوزي عزم مديره

رواية رهيبة 3

“حماتي عدت الخط الاحمر

اترك تعليقاً إلغاء الرد