ندي 4

-حطي القهوة و روحي انتِ يا ندى

وضعت القهوة أعلى المنضدة ثم خرجت فدخل علاء متجه نحوه واحتضنه ليبعد رحيم يده الممسكة بالسيجارة بعيدًا عنه واليد الأخرى وضعها على ظهره فقال :

-حمد الله على سلامتك

-الله يسلمك..

ثم ابتعد عنه وتناول رحيم علبة متوسطة الحجم واعطاها إليه قال :

-اتمنى تعجبك

أخذ العلبة وقام بفتحها ليجد ساعة رائعة يبدو عليها باهظة الثمن ثم اغلقها وقال بإعجاب :

-جميلة جدًا تسلم ايدك

أطفأ سيجارته في المطفأة الخاصة بها ثم عقد ذراعيه أمام صدره وقال بحنق :

-انكل مختار كلمني وقالي إنك رجعت تهمل الشغل من تاني

زم شفتيه يومئ برأسه تأكيدًا على حديثه ثم قال بوضوح :

-صح ..بص يا رحيم أنا زهقت من الشغل ..أنت عارف مليش في الشغل والكلام ده.. وكنت مستني ترجع من السفر علشان أقولك اني هرجع امريكا

تحدث بعصبية بالغة :

-جيت ليه من البداية ؟ ..ما كنت تخليك هناك

رفع حاجبيه وقال بحده :

-انت فاكرني اتغيرت يا رحيم ..أنا متغيرتش أنا لسه زي ما أنا علاء المستهتر اللي نهاره ليل وليلة نهاره

دفعه للخلف بحده وصاح بعصبية :

-عرفت وشفت الخمرة في اوضتك ..أنا بيتي ميدخلش فيه القذرات دي أنت فاهم..

ثم خرج من المكتب بينما خرج كلًا من ندى والسيدة وفيه من المطبخ على صوت رحيم العالي ..بينما صعد رحيم الدرج ولايزال يكمل حديثه بعصبية مفرطة :

-ناقص تجيب بنات من اللي بتعرفهم وتفتح البيت دعارة

ثم دخل الغرفة مغلقًا الباب خلفه بقوة وبعد لحظات خرج علاء وصعد هو الأخير إلى غرفته.. فلحقت السيدة وفيه به وصعدت ندى إلى غرفة رحيم ودخلت مغلقة الباب خلفها ..لتجده واقفا أمام الشرفة يدخن سيجارته بعصبية ..وقفت خلفه وضعت يدها على كتفه برقة ثم قالت بهدوء :

-رحيم أي اللي حصل علشان تزعقوا مع بعض

نفث دخان سيجارته في الهواء ثم قال بنفاذ صبر :

-ما صدقت أنه اتعدل وشال عني حمل المصنع

ابتسمت ابتسامة خفيفة ثم أحاطت خصره بيديها مستندة بوجنتها على ظهره وقالت بهدوء :

-اتكلم معا براحة دا مهما أن كان أخوك الكبير

أمسك بيدها وميل برأسه للخلف ليستند على رأسها وقال بحب :

-سيبك أنتِ من كل ده ..بحبك

اتسعت ابتسامتها وتنهدت بعمق قائلة :

-بحبك اوي

***يتبع

Post Views: 1٬949