الطريق

الاول الصوت العالي والزغاريط اللي مالية الشارع كانت بتدخل من الشباك زي السكاكين مريم كانت واقفة قدام المراية بتسرح شعرها ومبتسمة ومستنية تليفون من مراد يقولها إنه جاي ياخدها يخرجوا زي ما وعدها بقالهم شهرين مخطوبين وقبلها سنين حب من طرفها هي وهو كان دايما يطمنها إنها هتبقى مراته فجأة الباب اتفتح ودخلت صاحبتها هند ووشها أصفر ومخطوفة مريم لفت ليها وهي بتضحك وتقول مالك يا بنتي شكلك عامل زي اللي شاف عفريت ليه كدة هند مكنتش قادرة تتكلم ودموعها نزلت وقالت مريم إنتي لازم تشوفي ده وأليت تليفونها ووريتها لايف من صفحة واحد صاحبهم مراد لابس بدلة عريس وماسك إيد بنت تانية والكل بيرقص حواليهم وفيه يافطة مكتوب عليها فرح مراد السلحدار مريم فضلت باصة للشاشة ومش مستوعبة الكلام حست إن الدنيا بتلف بيها وصوت الزغاريط بدأ يعلو في ودنها لدرجة الهلوسة وقالت لهند بصوت مرعوب ده أكيد مقلب أو حد شبهه مراد قالي الصبح إنه مسافر تبع الشغل هند مسكت إيدها وقالت يا حبيبتي مراد بيتجوز دلوقتي في القاعة الكبيرة اللي على أول الشارع مريم حست بقلبها بيتقطع مية حتة والنور بدأ يختفي من عيونها تدريجي ورجلها مابقيتش شايلاها ووقعت على السجادة فاقدة الوعي تماما وأمها الحاجة هدى دخلت على الصرخة وشافت بنتها الكبيرة ملقية في الأرض وصاحبتها بتعيط فوق راسها البيت اتقلب في ثواني وأختها الصغيرة سارة جابت برفان وفضلوا يفوقوا فيها وبعد وقت طويل مريم فتحت عينها وهي بتترعش ودموعها نازلة من غير صوت أمها كانت بتعيط وبتحضنها وبتقول حسبي الله ونعم الوكيل فيهم كسروا بخاطرك يا بنتي مريم مكنتش قادرة تنطق الكلمة واقفة في زورها والوجع مالي كيانها كله إزاي حبيب عمرها وابن عمها يعمل فيها كدة ومن غير ما يقولها أو يمهد ليها بعد ساعات طويلة والفجر بيأذن والشارع هدي تماما وصوت الفرح خلص الباب خبط بقوة سارة جريت فتحت ولقيت مراد واقف وشه تعبان والبدلة متبهدلة مراد دخل الشقة وعيونه في الأرض هدى وقفت قدامه وبصتله بكل غل وقالت جاي ليه يا مىاد جاي تتفرج على كسرتنا بعد ما فضحتنا وفضحت بنتي في المنطقة كلها مراد اتنهد بتعب وبص لهدى وقال يا مرات عمي اسمعيني بس والله العظيم أنا مكنتش عايز كدة ومريم دي روحي هدى زعقت وقالت روحك اللي دبحها في وسط الناس وطلعت تتجوز عليها وهي خطيبتك مراد قعد على الكرسي وحط راسه بين إيديه وقال اخويا وائل وائل هرب وساب مصيبة وائل غلط مع البنت دي وهي دلوقتي حامل في الشهر التاني وأبوها عرف وكان هيــــق/تلها ويقتــ/ـــلنا كلنا هدى برقت من الصدمة وقالت وإنت ذنبك إيه تشيل شيلة اخوك مراد قال عمي اللي هو أبويا أجبرني قالي اخوك هرب وفضحنا والبت حامل في حفيدنا ومش هنرمي لحمنا في الشارع ولو متجوزتهاش وداريت الفضيحة لا إنت ابني ولا أعرفك وكان هيتبرى مني مريم كانت سامعة كل الكلام ده من ورا ستارة أوضتها ودموعها مش راضية تقف وائل الهربان الخاين يدمر حياتها مراد كمل كلامه وقال لمرات عمه أنا متجوزها على الورق وبس عشان الفضيحة لكن قلبي مع مريم وأنا مستعد أكتب كتابي على مريم الأسبوع الجاي وأعيشها في شقة لوحدها ومحدش هيلبس الدبلة دي غيرها هدى بصتله باحتقار وقالت إنت اتجننت يا مراد عايز بنتي تتجوز واحد متجوز وكمان يدخل عليها ليلة فرحه على واحدة تانية اطلع برة يا مراد ومترجعش هنا تاني مراد حاول يتكلم ويقنعها لكن هدى زقته لحد الباب وقفلته في وشه ورجعت تجري على أوضة مريم لقتها قاعدة في الأرض وضامة رجلها لبطنها وبتعيط بكسرة قهر ملوش مثيل سارة أختها قعدت جنبها وبكت معاها والبيت كله بقى عبارة عن مأتم حقيقي بعد ما كان مليان أمل الصبح طلع والشمس نورت الأوضة لكن قلب مريم كان ضلمة تماما هدى لبست عبايتها السمرة وقالت لبناتها أنا رايحة لعمكم الحاج توفيق هو كبير العيلة وهو اللي لازم يحط حد للمهزلة دي مريم مسكت في عباية أمها وقالت بلاش يا أمي عمي مش بيحبنا وعمره ما هيجيب حقنا هدى نفضت إيدها وقالت لازم يعرف إننا مش حيطة مايلة وراحت على بيت الكبير وهي نيتها تجيب حق بنتها المكسورة وصلت هدى لبيت الحاج توفيق ودخلت لقت البيت هادي وعمهم قاعد في المندرة بيشرب الشاي ببرود شديد هدى وقفت قدامه وصوتها بيرتعش وقالت ينفع اللي حصل ده يا حاج توفيق ينفع ابنك مراد يكسر بخاطر بنتي اليتيمة ويتجوز في السر ومن غير ما نعرف ويوم فرحه بنتي يغمى عليها وتموت من القهر الحاج توفيق حط كوباية الشاي وبص ليها بنظرات جامدة وخالية من أي تعاطف وقال ببرود يهد الجبال وإحنا نرمي لحمنا يعني يا هدى حفيدنا نرميه في الشارع عشان خاطر مشاعر بنتك اللي حصل حصل وبنتك هتلاقي نصيبها مع واحد تاني هدى اتصدمت من الرد وقالت مشاعر بنتي اللي هي بنت اخوك الله يرحمه يا حاج توفيق مراد كان خطيبها وبتحبه توفيق وقف وقال اخوها وائل غلط وغلطه كان هيجيب رقابنا والبت حامل وعيب في حق عيلة السلحدار نسيب البنت تفضحنا مراد راجل وشال شيلة اخوه وستر على العيلة وبنتك مريم لسة صغيرة وألف مين يتمناها لكن مراد خلاص بقا متجوز وموضوعه مع بنتك اتقفل هدى حست إن الدنيا اسودت ودموع حسرتها نزلت وقالت حسبي الله ونعم الوكيل فيكم ربنا المنتقم وجريت برة البيت وهي مش شايفة قدامها رجعت هدى البيت لقت مريم قاعدة زي ما هي وسارة جنبها أول ما مريم شافت أمها داخلة بتعيط عرفت الرد من غير ما تتكلم هدى اترمت في حضن بنتها وقالت عمك باعنا يا مريم قال لحمنا ومش هنرميه وبنتك تلاقي نصيبها مع غيره مريم ضحكت ضحكة وجع وقالت أنا كنت عارفة يا أمي عمي من يوم ما أبويا مات وهو بيعاملنا بالمعروف عشان كلام الناس بس لكن عمره ما حبنا مراد ضاع مني يا أمي ضاع بسبب غلطة غيره وأنا اللي دفعت التمن في نفس الوقت مراد كان قاعد في شقته الجديدة مع البنت اللي اتجوزها وكان بيبص ليها بكرة شديد البنت كانت بتعيط وخايفة منه وهو قالها بصوت جهوري إنتي هنا خدامة وبس اسمعي كويس وائل الهرب ده أنا هجيبه ومريم دي هتبقى مراتي لو الدنيا كلها وقفت قدامي البنت هزت راسها برعب ومراد ساب الشقة ونزل الشارع وهو مش عارف يعمل إيه عشان يصالح مريم ويرجعها ليه تاني وهو بيفكر لقى تليفونه بيرن ورقم غريب فتح وسمع صوت خلى دمه يتجمد في عروقه التاني مراد كان واقف في وسط الشارع والدم هرب من وشه لما سمع الصوت اللي طالع من التليفون الصوت ده مكنش غريب عليه أبدًا ده صوت وائل أخوه الهربان اللي ساب وراه دمار وخرب بيوت مراد مسك التليفون بقوة لدرجة إن صوابعه ابيضت وقال بعصبية وصوت مكتوم إنت فين يا خاين إنت عارف إنت عملت فينا إيه وائل ضحك ضحكة باردة ومستفزة وطلعت من الخط تفكير مراد كله وقاله مبروك عليك يا مغفل البس الشيلة بقا يا حبة عيني أنا سافرت برة البلد ومش راجع والعروسة الحلوة والابن اللي في بطنها بقوا من نصيبك اشبع بيهم يا أخويا يا كبير انت فاكر انا هربت ليه علشان خاطر المسؤلية تبقي غلطان الابن دا مش ابني اصلا لبس بقي مراد صرخ في التليفون وقال وائل والله العظيم ما هسيبك هجيبك لو كنت في آخر الدنيا لكن الخط قطع ووائل قفل السكة تماما مراد فضل باصص للتليفون بنظرات كلها غل وفشل حس إن أخوه دمره ودمر البنت اللي بيحبها من صغره مريم اللي ملهاش أي ذنب في كل القذارة دي مراد ركب عربيته وساق بأقصى سرعة وهو مش شايف قدامه غير وائل وكلام أبوه الحاج توفيق القاسي البارد مراد كان حاسس بالنار قايدة في صدره ومش هتهدى غير لما يشوف مريم ويشرح ليها الحقيقة ويخليها تسامحه هو مش هيقدر يعيش من غيرها ومستحيل يسيبها تضيع من بين إيديه عشان غلطة حد تاني في البيت عند مريم الدنيا كانت هادية هدوء مخيف مريم كانت قاعدة في سريرها وعيونها باصة للسقف ودموعها جفت خلاص حست إن قلبها مات في الليلة دي ومبقاش فيه أي مكان للأمل أمها هدى دخلت الأوضة وبصت ليها بقلب مكسور وحطت صينية الأكل جنبها وقالت كلي لقمة يا بنتي عشان تقدري تقفي على رجلك إنتي من إمبارح محطيتيش لقمة في بقك مريم مردتش وفضلت باصة لفوق سارة أختها الصغيرة قعدت جنبها ومسكت إيدها وقالت مريم مراد كلمني على تليفوني ودموعه كانت نازلة وبيحلف إنه مظلوم وإنه بيحبك إنتي وبس مريم أول ما سمعت اسم مراد حست بس/كينة اتغرست في قلبها ولفت وشها لسارة وقالت ببرود غريب هاتي التليفون يا سارة سارة فرحت واشترت إن مريم هتحن وتكلمه واديتها التليفون مريم مسكت الجهاز وفتحت صفحة مراد على موقع التواصل الاجتماعي وبصت لصورته الشخصية اللي كانت مجمعاهم سوا زمان ودخلت على قايمة الأصدقاء وعملتله بلوك من كل حته وبعدها مسكت شريحة التليفون بتاعتها وشالتها من الموبايل وكسرتها نصين بايدها هدى وسارة بقوا باصين ليها بذهول وصدمة مريم رمت حتت الشريحة في الأرض وقالت بصوت قوي ومفيش فيه أي رعشة مراد السلحدار مات بالنسبالي من إمبارح أنا ماليش خطيب ولا ليا ابن عم الاسم ده ميتنطقش في البيت ده تاني أبدًا يا أمي ويا سارة لو شوفتيه بيكلمك أو بيقرب منك اعملي بلوك وإلا مش هتبقى لي اخت هدى خدت بنتها في حضنها وطبطبت عليها وقالت جرحك كبير يا بنتي وعارفة إنك شيلتي فوق طاقتك بس الجدع ده مش هيسيبنا في حالنا وأبوه الحاج توفيق مش هيسكت مريم رفعت راسها وقالت وعمي توفيق ده خلاص ميبقاش عمي اللي يبيع بنات اخوه عشان كلام الناس ملوش كلمة عليا أنا هقوم وأعيش حياتي وأكمل دراستي وهنزل أدور على شغل عشان أصرف عليكي وعلى أختي ومش هنحتاج لقرش واحد من عيلة السلحدار دي تاني أبدًا سارة دمعت وقالت وأنا معاكي يا مريم ومش هسيبك أبدًا والبيت ده هيفضل مقفول في وش أي حد تبعهم مراد في الوقت ده كان واقف تحت البيت عندهم في العربية وعيونه مش بتفارق الشباك بتاع أوضتها حاول يتصل بيها لقى الخط مقفول تماما دخل على الشات عشان يبعت رسالة لقى صورته اختفت وعرف إنها عملتله بلوك مسح على وشه بضيق وعصبية وضرب الدريكسيون بايده بكل قوته وقال مش هسيبك يا مريم مش هسيبك تروحي مني أنا عارف إنك مجروحة بس أنا ماليش ذنب أنا هفضل وراكي لحد ما تفهمي إنك دنيتي كلها مراد نزل من العربية وطلع السلم بسرعة وفضل يخبط على الباب بقوة هدى راحت ورا الباب وقالت بلهجة شديدة مين بيخبط مراد قال افتحي يا مرات عمي أنا مراد عايز أكلم مريم كلمة واحدة بس والله العظيم وائل اتصل بيا وشمت فيا والقصة كلها لعبة أنا ماليش ذنب فيها هدى زعقت من ورا الباب وقالت امشي من هنا يا مراد بنتي مش عايزة تشوف وشك وتليفونها اتكسر ومبقاش ليك مكان وسطنا روح لمرتك اللي سترت عليها وعيش حياتك وسيبنا في حالنا مراد فضل يخبط ويقول يا مرات عمي اسمعيني بس مريم مش هتضيع مني أنا بحبها ومقدرش أعيش من غيرها مريم كانت قاعدة جوة وسامعة صوته وهو بيتوسل لكن قلبها كان زي الحجر مفيش أي مشاعر هزتها حست إن الحب اللي عاشت بيه سنين اتمسح بكلمة واحدة من عمه الحاج توفيق لما قال مشاعر بنتك متسواش حاجة جنب حفيدنا مراد لما لقى مفيش فايدة والباب مش هيتفتح والجيران بدأوا يبصوا عليه من الشبابيك نزل وهو هيموت من الغيظ ركب عربيته وراح لبيت أبوه الحاج توفيق دخل البيت زي الإعصار ولقى أبوه قاعد مع أمه مراد زعق وقال عاجبك كدة يا أبويا عاجبك خربان البيوت ده وائل اتصل بيا دلوقتي وبيضحك عليا وبيقولي مبروك عليك المغفل وائل سافر برة البلد وساب المصيبة فوق راسي وأنا خسرت مريم وخسرت حياتي كلها بسببكم١ الحاج توفيق وقف بكل هيبة وضرم بعصايته في الأرض وقال صوتك ميعلاش عليا يا ولد وائل حسابي معاه بعدين لما يرجع لكن إنت عملت الصح وسترت على عرض عيلتك ومريم دي اقطع خبرها من دماغك خالص البنات كتير وهجوزك ست ستها لما تطلق البنت دي بعد ما تولد مراد بص لأبوه بنظرات غريبة وقاله مستحيل مستحيل اقطع خبر مريم مريم دي هتبقى مراتي لو الدنيا كلها وقفت قدامي وإنت يا أبويا لو وقفت في طريقي أنا هسيبلك البيت والبلد كلها ومش هتشوف وشي تاني الحاج توفيق اتمالك نفسه وبصله ببرود وقال أعلى ما في خيلك اركبه يا مراد بس افتكر إنك لو خرجت عن طوعي لا إنت ابني ولا اعرفك ومالي كله هيتحرم عليك مراد ساب أبوه ومشي من غير ما يرد وطلع على شقته اللي فيها البنت الجديدة دخل ورزع الباب وراه البنت جريت عليه وهي خايفة وقالت فيه إيه يا مراد مراد بص ليها بكرة وقال غوري من قدامي مش عايز أشوف وشك البنت دخلت أوضتها وهي بتعيط ومراد قعد في الصالة بيفكر في طريقة يوصل بيها لمريم البيوت بدأت تهدى تدريجي مع دخول الليل ومريم كانت قاعدة مع أمها وأختها بيرتبوا حياتهم الجديدة مريم قالت لأمها أنا من بكرة هقدم على وظيفة في الشركة الكبيرة اللي في وسط البلد والشهادة بتاعتي كويسة وأكيد هلاقي مكان وسارة هتركز في كليتها ومش عايزة أي سيرة لمراد أو عيلته تدخل البيت ده تاني هدى هزت راسها وقالت ربنا يقويكي يا بنتي ويعوضك خير عن كل الوجع ده مريم ابتسمت ابتسامة خفيفة مليانة تحدي وقالت الوجع بيقوي يا أمي ومريم القديمة ماتت خلاص والجديدة مش هتنكسر لأي راجل في الدنيا في اليوم التالي الصبح مريم لبست فستان شيك وهادي ولمت شعرها ونزلت بكل ثقة وهي رايحة على الشركة عشان المقابلة أول ما نزلت الشارع لقت عربية مراد واقفة على جنب ومراد نزل منها بسرعة وجري عليها ووقف قدامها وشه كان شاحب وعيونه حمرا من قلة النوم مراد مسك إيدها وقال مريم ارجوكي اسمعيني بس متضيعيش حبنا مريم نفضت إيدها بقوة وبصتله بعيون خالية من أي لمعة وقالت إيدك دي متلمسنيش تاني يا مراد إنت مين أصلا عشان تمسك إيدي مراد اتصدم من برودها وقال أنا مراد حبيبك وابن عمك يا مريم إنتي نسيتي كل اللي كان بينا مريم ضحكت بسخرية وقالت مراد حبيب أخته مات من إمبارح إنت دلوقتي جوز الست اللي شايلة حفيد عيلة السلحدار روح لبيتك يا مراد وسيبني في حالي عشان أنا ورايا مستقبلي ومش فاضية للمسرحيات دي مراد حس إن الكلام نزل عليه زي الصاعقة البرود اللي في عيون مريم خلوه يخاف بجد خاف إنها تكون راحت منه للأبد ومبقاش ليها أي خط رجوع مريم سابته واقف في مكانه مذهول ومشيت بكل ثقة وركبت تاكسي وراحت على الشركة مراد فضل باصص ورا التاكسي وهو دمه بيغلي وقرر في نفسه إنه مش هيستسلم وهيراقب كل خطوة بتعملها ومش هيسمح لأي راجل تاني يقرب منها مهما حصل التالت مريم دخلت مبنى الشركة الكبيرة اللي في وسط البلد وهي بتتنفس وعيونها مليانة إصرار وتحدي للدينيا كلها طلعت الدور الرابع ودخلت قاعة الانتظار عشان تقعد مع الناس اللي مستنيين المقابلة كانت قاعدة ماسكة ورقها وبتبص فيه بتركيز شديد وفجأة سمعت صوت راجل من وراها بيقول مريم مش معقول إنتي بتقدمي هنا برضه مريم لفت وشها وبصت للشاب اللي واقف قدامها كان طويل ولابس بدلة شيك جداً وملامحه مريحة وبصاله بابتسامة وفرحة واضحة في عيونه مريم فضلت باصة للشاب بذهول وقالت بحرج أهلاً وسهلاً بحضرتك بس أنا متأسفة جداً مش واخدة بالي الشاب ابتسم ابتسامة خفيفة وظهر في عيونه زعل صغير لكن اتداركه بسرعة وقال أنا طارق يا مريم كنا مع بعض في نفس الكلية ونفس الدفعة وساعات كنا بنقعد في نفس المدرج مريم هزت راسها بأسف وقالت معلش يا طارق بجد متأسفة جداً أصل أنا في الكلية مكنتش بركز مع حد خالص ومكنش ليا اختلاط كبير طارق هز راسه بتفهم وقال ولا يهمك يا مريم أنا عارف إنك كنتي علطول في حالك ومن المحاضرة للبيت بس بجد مفاجأة حلوة جداً إني أشوفك هنا ويارب نتقبل إحنا الاتنين ونشتغل سوا مريم ابتسمت ابتسامة هادية وسكتت وهي بتفتكر إنها مكنتش بتشوف حد في الكلية لأن عقلها وقلبها وعيونها مكنوش شايفين غير مراد وبس مراد اللي كان مالي دنيتها ومكنتش بتسمح لأي شاب يكلمها بسببه طارق كان معجب بمريم من أول سنة في الكلية وكان دايماً يراقبها من بعيد لبعيد ويحترم أدبها وهدوئها لكن عمره ما اتجرأ يتكلم لأنه عرف إنها قريبة ابن عمها ومخطوبة ليه بالبلدي لكن أول ما شافها النهاردة وعرف من كلام أصحابهم المشتركين إنها فركشت وخطوبتها باظت حس إن الأمل رجعله تاني وقرر إنه مش هيسيب الفرصة دي تضيع من إيده أبدًا المقابلة بدأت ودخلت مريم ووراها طارق وبعد ساعة ورا النص خرجوا والاتنين اتقبلوا في الشغل بسبب تقديراتهم العالية وشطارتهم طارق عرض على مريم يشربوا حاجة بمناسبة القبول لكن مريم اعتذرت بذوق وقالت إنها لازم ترجع البيت تفرح أمها وأختها طارق احترم رغبتها جداً وقالها نتقابل بكرة في أول يوم شغل يا زميلتي العزيزة مريم رجعت البيت وفرحت هدى وسارة وحست إن ربنا بيبدأ يعوضها عن كسر الخاطر اللي عاشته وبدأت تركز في لبسها وشغلها الجديد ونست مراد تماما أو تناسته عشان تقدر تعيش تاني يوم مريم راحت الشغل واستلمت مكتبها في قسم العلاقات العامة وكان مكتب طارق جنبها بالظبط طارق كان بيحاول بكل الطرق يساعدها ويسهل عليها الشغل ومكنش بيسيب فرصة غير لما يتكلم معاها ويضحكها عشان يخفف عنها أي ضغط مريم بدأت ترتاح لطارق وتحس إنه إنسان محترم جداً وراقي في تعامله معاها ومفيش يومين ومراد بدأ ينقط في الشركة مراد مكنش سايب مريم في حالها وعرف مكان شغلها الجديد وجاء ودخل الشركة بصفته ابن عمها وفضل واقف قدام مكتبها مريم أول ما شافته وقفت وقالت بعصبية إنت إيه اللي جابك هنا يا مراد اخرج برة مراد بص ليها بلهفة وقال مش هخرج يا مريم أنا هفضل وراكي في كل مكان ومستحيل أسيبك لغيري طارق كان واقف وسامع وشايف كل حاجة بس مكنش عايز يتدخل عشان ميكبرش الموضوع ومريم تتبهدل في أول أيام شغل ليها مريم زعقت لمراد وقالتله اخرج برة وإلا هطلب الأمن مراد مشي وهو بيبص ليها بنظرات كلها تملك وعناد والموضوع ده اتكرر كذا مرة مراد كان بييجي كل يومين يقف قدام المكتب ويبص لمريم ويحاول يكلمها والكل في الشركة بدأ يلاحظ الموضوع ده وويتكلم ومريم كانت بتموت من الإحراج والضيق وحاسة إن مراد بيخنقها ويدمر مستواها الجديد في يوم مراد جاء ودخل المكتب بكل ثقة وقعد على الكرسي قدام مريم وقالها بصي بقا يا مريم الشغل ده مش هينفع والمسخرة دي لازم تنتهي إنتي هتسيب الشغل ده وهتيجي معايا عشان نكتب كتابنا والبت اللي في البيت دي أنا هطلقها أول ما تولد ومش عايز اسمع كلام تاني مريم لسة هترد وتزعق طارق دخل المكتب فجأة وبكل قوة وقفل الباب وراه طارق وقف قدام مراد وبصله بعيون حادة وقوية جداً وقال بصوت جهوري هز الأوضة إنت مين وإزاي تدخل هنا وتتكلم بالطريقة دي مع آنسة محترمة في مكان أكل عيشها مراد وقف وبصله بعصبية وقال إنت اللي مين يا جدع إنت وتتدخل ليه دي بنت عمي وخطيبتي طارق ضحك بسخرية وقاله كانت خطيبتك يا شاطر دلوقتي هي موظفة في الشركة دي وليها احترامها وإنت بني آدم معندكش دم وبتيجي تعمل شوشرة هنا بقالك كام يوم وبنت عمك دي مش عايزة تشوف وشك وأعتقد سمعتك بودني وهي بتقولك اخرج برة مراد اتنرفز وقرب من طارق وقال إنت هتعلمني الصح والغلط ولا إيه الزم حدودك بدل ما أقسمك نصين طارق متهزش ولا خاف بالمرة ووقف زي الجبل وقاله أعلى ما في خيلك اركبه يا مراد ولو راجل فكر تمد إيدك أو تعلي صوتك هنا وأنا هخلي الأمن يرميك برة الشركة زي الكلب و هعملك محضر عدم تعرض باللي عملته دلوقت مراد بص لطارق بغل وبص لمريم لقاها واقفة ورا طارق وباصة لطارق بنظرات كلها إعجاب وتقدير للأول مرة مراد حس بنار الغيرة بتاكل قلبه وعرف إن طارق مش مجرد زميل عادي ده راجل بجد وواقف بيحمي مريم منه مراد شاور لطارق بصباعه وقال الحساب بينا برة يا روح أمك وساب المكتب ورزع الباب وراه بكل قوته طارق التفت لمريم وبص ليها باهتمام وقالك إنتي كويسة يا مريم عملك حاجة مريم كانت باصة لطارق وعيونها بتلمع حست لأول مرة إن فيه راجل بجد وقف وحماها وجاب لها0د حقها من غير خوف مراد طول عمره كان بيخاف من أبوه ومن كلام الناس لكن طارق وقف قدام مراد بكل شجاعة مريم اتنفست براحة وقالت أنا متشكورة جداً يا طارق بجد مش عارفة أقولك إيه لولاك مكنتش عرفت هعمل إيه مع البني آدم ده طارق ابتسم بحنان وقال مفيش شكر بين الصحاب يا مريم وأنا مستحيل أسمح لأي حد يضايقك طول ما أنا موجود جنبك مريم حست بدقات قلبها بتزيد لأول مرة من فترة طويلة وحست إن نظرتها لطارق بدأت تتغير تماماً ومبقتش شايفاه مجرد زميل كلية قديم بالعكس بدأت تشوف فيه الراجل اللي بجد يستاهل يدخل حياتها ويحافظ عليها مراد نزل الشارع وهو هيموت من الغيظ ودمه بيغلي ركب عربيت ومبقاش شايف قدامه فضل يلف في الشوارع وهو بيفكر إزاي يخلص من طارق ده ويرجع مريم لحضنه تاني وحس إن مريم بتضيع من إيده بجد والمرة دي بسبب راجل تاني دخل حياتها وفي وسط تفكيره لقى تليفونه بيرن وكان أبوه الحاج توفيق بيرد عليه وبيقوله الحقني يا مراد بيت عمك اتقلب والناس بتتكلم برة مراد استغرب ونزل بسرعة ورايح على بيت أبوه عشان يشوف المصيبة الجديدة اللي حصلت في العيلة الاخير الخبر انتشر في العيلة وزي أي سر في الدنيا لازم يخرج للنور في يوم من الأيام هند صاحبة مريم عرفت بالموضوع من قرايب عيلة السلحدار وجريت بسرعة على بيت مريم عشان تقولها مريم كانت قاعدة في الصالة مع أمها هدى وأختها سارة وبيشربوا الشاي لما هند دخلت ووشها مخطوف وقالت مريم إنتي عرفتي اللي حصل في بيت عمك الحاج توفيق مريم بصت ليها ببرود وقالت ماليش دعوة بيهم يا هند ومبقتش عايزة أعرف عنهم حاجة هند قعدت جنبها وقالت بس الموضوع يخصك ويخص مراد وائل رجع وكشف كل حاجة وطلع إن البنت اللي مراد اتجوزها حامل من مراد نفسه مش من وائل هدى برقت عيونها وصوتت وقالت يا لهوي يعني مراد كان بيغفلنا وكان مقضيها مع البت دي وجاي يلبسها لأخوه مريم حست بصدمة خفيفة خلت إيدها تترعش وهي ماسكة كوباية الشاي وسألت هند إزاي ده حصل وهو كان خاطبني هند حكت ليها كل التفاصيل اللي وائل قالها والكاميرات وإزاي مراد راح هناك وهو سكران وزعلان وافتكر البنت دي مريم ريم سكتت خالص وفضلت باصة للفراغ لعدة دقايق الدموع لمعت في عيونها للحظة واحدة بس مش عشان هي عايزة مراد لاء عشان افتكرت السنين اللي ضاعت من عمرها وهي بتحب إنسان مكنش عنده أي وعي ولا مسؤولية وحمى نفسه وشهوته وضيع حياتهم في لحظة طيش هدى قعدت تعيط وتقول حسبي الله ونعم الوكيل فيه الحمد لله إن ربنا نجاكي منه يا بنتي ده طلع بني آدم قذر وميسواش مريم أخدت نفس طويل وهديت خالص ومسحت دمعة هربت من عينها وبصت لأمها وأختها وقالت بابتسامة صافية الحمد لله يا أمي أنا مش زعلانة بالعكس أنا فرحانة إن الحقيقة ظهرت عشان أتأكد إن ربنا نجاني من مصيبة كانت هتدخل بيتي ده مكنش حب ده كان درس ليا عشان أتعلم ومأمنش لأي حد لمجرد إنه قريب أو من دمي كل شيء نصيب والحمد لله إن الحساب جه من عنده ومن غير ما أتدخل سارة حضنت أختها وقالت إنتي بطلة يا مريم وربنا هيعوضك بالأحسن مريم بصت لهند وقالت والموضوع ده خلاص اتقفل بالنسبالي ومش عايزة أسمع اسم مراد في البيت ده تاني والصفحة دي اتمسحت ورميتها في الزبالة في نفس اليوم بالليل طارق اتصل بمريم وطلب يقابلها في مكان هادي على النيل مريم راحت ولقته مستنيها وباصص ليها بقلق لأنه عرف باللي حصل في العيلة وخاف تكون مريم لسة بتحن لمراد أو زعلانة عليه طارق وقف واستقبلها وقال مريم أنا عرفت كل حاجة وإنتي كويسة مريم قعدت وبصتله بعيون مليانة راحة وقالت أنا كبيرة وكويسة جداً يا طارق وعايزاك تطمن خالص الموضوع ده ميهمنيش في أي حاجة بالعكس ده خلاني أشوف طريقي صح طارق مسك إيدها بحنان وقال وطريقك ده أنا موجود فيه يا مريم مريم ابتسمت بكسوف وهزت راسها وقالت أيوة يا طارق موجود فيه وأنا موافقة عليك موافقة أبدأ معاك دنيتي الجديدة اللي فيها راجل بجد بيحترمني وبيصوني طارق مكنش سايعاه الفرحة وقام وقف وقال أنا بكرة هكون عندك في البيت ومعايا أهلي عشان نحدد معاد الفرح ومستحيل أضيع يوم واحد من غير ما تكوني مراتي مريم ضحكت من قلبها وحست إن الوجع كله اتبخر وبقى مكانه أمل وفرحة حقيقية مع إنسان يستاهل قلبها النضيف في الناحية التانية مراد كان قاعد في شقته الضلمة لوحده البنت كانت جوة في الأوضة بتعيط وهو قاعد برة وماسك صورة مريم القديمة اللي كانت في محفظته دموعه كانت نازلة بحرقة وصوت عياطه كان مالي المكان عرف من أبوه إن طارق رايح يتقدم لمريم بكرة بصفة رسمية وإن مريم وافقت ومبسوطة جداً مراد كان بيبكي ويقول ضيعتك يا مريم ضيعتك بغبائي وطيشي أنا اللي دمرت بإيدي كل حاجة حلوة وبقيت عايش في سجن مع واحدة مش بحبها بسبب غلطة ليلة واحدة مراد حس إن قلبه بيتخلع من مكانه وهو بيتخيل مريم بالفستان الأبيض لراجل تاني غيره وعارف إنه مستحيل يقدر يرجعها أو يطلب منها السماح اليوم التالي جه وبيت مريم كان مليان زغاريط وفرحة حقيقية طارق جه ومعاه أبوه وأمه وطلبوا إيد مريم رسمياً من الحاجة هدى اللي كانت بتعيط من الفرحة وتدعي ليهم بالخير وسارة كانت بتنط من الفرحة وتم تحديد معاد الفرح بعد شهر واحد بس مريم كانت واقفة ولابسة فستان بينك رقيق جداً ووشها منور وزي القمر طارق بص ليها وقالها بوعدك قدام الكل إني هعوضك عن كل ثانية زعل شوفتيها في حياتك وهتكوني ملكة في بيتي مريم بصتله بثقة وقالت وأنا مطمنة معاك يا طارق وعارفة إن ربنا بعتك ليا نجدة وعوضمراد في وقت الفرح كان واقف من بعيد في الشارع لابس نظارة سودا وعيونه حمرا ومش قادر يقف على رجله شاف مريم وهي خارجة من بيتها وماسكة في إيد طارق ولابسة الفستان الأبيض اللي كان بيحلم يشوفها بيه مريم كانت بتضحك وسعيدة جداً ومبصتش وراها ولا لحظة طارق ركبها العربية وساقوا والزفة بدت تتحرك مراد انهار وعيط بصوت مسموع في الشارع ووقع على ركبه وهو حاسس بالندم القاتل اللي هيعيش معاه طول عمره وشاف حبيبته بتضيع وتروح لراجل صانها وحماها وعرف إن الدنيا سلف ودين وإن اللي يكسر بخاطر يتيمة لازم يشرب من نفس الكاس ومريم مشيت في طريقها الجديد وسابت الماضي ورا ضهرها للأبد الخاتمة الشهور مرت وجيهان ولدت طفل صغير زي القمر سموه يوسف مراد أول ما مسك ابنه بين إيديه حس إن فيه حاجة اتغيرت في قلبه النظرة البريئة للطفل غسلت جواه كل الغل والندم القديم وبص لجيهان اللي كانت تعبانة من الولادة ووشها أصفر وحس إن البنت دي ملهاش ذنب في اللعبة دي كلها وإنها ضحية زيها زيه ومالت عليه باستسلام ورضا مراد مسك إيد جيهان وقالها أنا متأسف يا جيهان على كل يوم قسيت فيه عليكي إنتي ويوسف ملكمش ذنب وإحنا من النهاردة هنبدأ صفحة جديدة وهكون ليكي زوج صالح وأب حقيقي لجيهان دمعت من الفرحة وحضنت ابنها وحست إن صبرها مجاش الأرض وإن مراد بدأ يحبها ويحن عليها فعلاً بعد سنتين مريم كانت عايشة في تبات ونبات مع طارق وربنا رزقها ببنت صغيرة سمتها هدى على اسم أمها وطارق كان شايلها على كفوف الراحة ومستقرين في حياتهم وشغلهم جداً وفي يوم مريم كانت ماشية في المول الكهير بتشتري حاجات لبنتها ولمحت من بعيد مراد واقف وماسك إيد مراته جيهان وبيضحك معاها وشايل ابنه يوسف على كتفه وبيشتري ليهم لبس مريم وقفت ثواني وبصت ليهم وحست براحة نفسية حقيقية وابتسمت من قلبها ودعت ليهم بالسر والتوفيق في سرها ولفت وشها ورجعت لطارق اللي كان مستنيها ومسك إيدها بحب الدنيا دارت وكل واحد أخد نصيبه وعوضه اللي يستاهله والكل عاش في سلام وأمان تمت ا

مقالات ذات صلة

سليم 3

رواية رومانسية 2الاخير

حكاية من 21-25

حمزة ج1

خلفت بنت

رانيا ج ٤

اترك تعليقاً إلغاء الرد