الفصل الأول: ترررن..ترررن..ترن..ترن.. فاق من نومه علي صوت المنبه..كالعاده هو اللي بيصحيه..اتعدل علي السرير و بيحاول يفوق.. و الباب اتفتح و دخلت هي منه و لابسه لبس رياضي.. يحي بسخريه:مش بدري اوي ده الساعه لسه ٤.. فريده بتجري ف مكانها:معلش بقي لازم اصحي بدري اجهز نفسي.. يحي قام وقف و راح لها:فريده مش عاوز مشاكل.. وقفت هي كمان:مش انا اللي بعمل المشاكل و انت عارف ده.. و راحت للدولاب عشان تحضر هدوم ليها.. يحي بهدوء:عارف بس طنشي ي فريده مش كل مره نتجمع تحصل حاجه زي دي.. كانت خلاص جهزت كل هدومها ف اخدتهم و بصتله:هحاول… و دخلت الحمام و اتكلمت بصوت عالي:عندك الحمام التاني بقي.. سكت يحي و راح اخد هدومه من الدولاب و راح الحمام التاني.. (يحي صباح ٣٢ سنه رجل اعمال من اسره متوسطه بس بقت غنيه بعد ما بقي رجل اعمال..تجارته ف الاغذيه..و ف سن صغير قدر يحقق كيان خاص بيه و ضم كتير من الناس لصالحه) كانت فريده قاعده ف الحمام بتفكر هتعمل اي لو حصلت مشكله و بالتأكيد هيحصل.. فريده بكبرياء:لو حاجه حصلت مش هسكت..مش هسمح لحد فيهم يجـ,ـرحني..و بدأت تجهز نفسها… (فريده نصر ٢٨ سنه بنت اللواء أنور نصر..خريجه هندسه و عندها المكتب الخاص بيها و ليها اسمها وسط شركات المعمار) ……………………………….. محمد بجديه: إسعاد..مش عاوزين كل عزومه تقلب بنكد و ابنك يتغم ف الآخر.. إسعاد بحده:بتقول اي ي محمد..يعني انا اللي بغم الولا مش بت مروه!! محمد بهدوء:استغفر الله العظيم… إسعاد احنا ف عيد..بالله عليكي متخليهوش عيد اسود… إسعاد بصوت عالي:استغفر الله ليه تسود اليوم بس ..ي ساتر عليك راجل انا قايمه البس عبايتي عشان الصلاه… ……………………………………….. الله أكبر الله أكبر الله أكبر …لا إله إلا الله..الله أكبر الله أكبر..و لله الحمد..الله أكبر كبيراً..و الحمد لله كثيراً..و سبحان الله و بحمده بكرة و أصيلا…لا إله إلا الله..وحده..صدق وعده..و نصر عبده..و أعز جنده و هزم الاحزاب وحده..لا إله إلا الله..و لا نعبد إلا إياه..مخلصين له الدين و لو كره الكافرون..اللهم صلي علي سيدنا محمد..و علي آل سيدنا محمد..و علي أصحاب سيدنا محمد..و علي أنصار سيدنا محمد.. و علي ذريه سيدنا محمد و سلم تسليماً كثيراً.. خلصوا صلاه العيد و الكل اتجمع ف فيلا الحاج محمد صباح..النهارده العيد يعني لازم العيله كلها تتجمع كبير و صغير..و تجمع كبير يعني مشاكل كتير… كانوا كلهم قاعدين ف الجنينه ف الشمس..و بيفطروا مع بعض… محمد بفرح:كل سنه و انتوا طيبين ي ولاد.. الكل:و انت طيب ي حاج.. إسعاد فرحانه بلمه ولادها حواليها و بدعاء:يارب ما تقطعها عاده يارب… كنزي بطفوله:نناه..عاوزه مايه.. إسعاد باست ايد كنزي اللي علي حجرها:عيون نناه.. دنيا:خلاص بقي ي كوكي متتعبيش تيتا معاكي.. إسعاد باست كنزي:بس ي بت انتي تعب ايه… دنيا بضحك:هههه الحق عليا ي ماما..دلعك ده هيودينا ف داهيه.. إسعاد بفرحه:و ماله تدلع اومال لو متدلعتش مين يدلع يعني… شريف:تعيشي و تدلعيها ي حاجه… إسعاد:تسلملي يبني… و بصت ليحي:كل يبني كويس و بطل التليفون اللي عمال تبص فيه ده… يحي بصلها و ابتسم… محمد:سبيه معادش عيل صغير ي ام يحي.. إسعاد:ف نظري انا صغير…كل يبني…و بقت تحطله اكل ف طبقه. يحي بابتسامه:تسلميلي ي أمي.. كل ده بيحصل و فريده قاعده ساكته… إسعاد لهجتها اتغيرت:مالها مراتك ساكته ليه.. يحي بص لفريده… فريده بهدوء:ابدا ي طنت مركزه ف الاكل بس… محمد:الف هنا يبنتي! إسعاد:هي فين شمس..قالت دقيقه وجايه بقالها ساعه.. و بنداء:شمس..ي شمس.. شمس:انا اهو ي ماما… إسعاد:تعالي افطري..و خطيبك فين… شمس:نادر هيجي علي الغدا بأذن الله.. إسعاد:بأذن الله…يلا اقعدي.. محمد:بعد الفطار ندخل جوا الا الشمس بدأت تزيد اها.. ……………………………………….. خلصوا فطار و كله دخل جوا الفيلا…و بدأت إسعاد تجهز ف الاكل…معهاش حد يساعدها..مش بتسمح اصلا لحد أنه يعمل حاجه…. شمس طلعت ليهم ف الصالون:ي بابا شوف حل مع ماما مينفعش تفضل واقفه ف المطبخ كتير كده.. محمد:و الله ي بنتي غلبت معاها..بس انتي عارفه امك بقي لما تنشف دماغها… دنيا:انا هقوم اساعد ماما يلا ي شمس معايا..اهو نعمل اي حاجه… و قاموا كلهم و فضلت فريده هي اللي قاعده مع يحي و محمد و شريف… محمد:ابوك و امك فين يبني!! شريف:جايين ف السكه ي حاج… محمد:ابراهيم من يومه و مواعيده بايظه… و قعدوا يضحكوا مع بعض…. …………………………………………… دنيا بصوت واطي:ي ماما بس ارجوكي كفايه مش عاوزين مشاكل… إسعاد بعصبيه:مشاااكل..ده المشاكل لسه جايه أما تقوموا تساعدوني و هي قاعده حاطه رجل علي رجل زي البرنسيسه ليه علي أيدها نقش الحنه… شمس:ي ماما منقدرش نطلب منها كده هي لو عاوزه كانت قامت لوحدها… إسعاد علت صوتها:و تقوم غصب عنها…شغل المرقعه ده مش عندي…صحيح اه معنديش حد يساعدني لكن هي مرات ابني.. دنيا برجاء:ي ماما يرضيكي يحي يزعل و يمشي من دلوقتي..اهدي بس بالله عليكي مش عاوزين مشاكل..و خلاص الاكل خلص… إسعاد بدأت تهدي:اما نشوف اخرتها معاكي ي بت مروه. ……………………………………………. جه الحاج ابراهيم اخو الحاج محمد و مراته الحاجه زينب..و نادر خطيب شمس..و معاد الغدا جه….و زينب قامت ساعدت ف غرف الاكل…و فريده برضه لسه قاعده جمب يحي…و إسعاد ماسكه نفسها بالعافيه..عشان ابنها… و الكل اتلم ع السفره و بدأوا يتغدوا.. و الاكل فريده مكانتش بتحبه و تقيل علي معدتها…ف مش عارفه تأكل… يحي حاسس ب اللي بيحصل مع فريده بس مش عارف يعمل ايه..بيحاول يعدي الساعتين دول و خلاص… إسعاد:ايه الاكل مش عاجب مراتك ي يحي.. دنيا بلمت لجوزها و بصت لابوها بسرعه تنبهه للي هيحصل.. فريده بصت ليحي…و بعدين لإسعاد:ابدا ي طنت بس انا مش بحب الاكل ده..و كمان تقيل علي معدتي… إسعاد:و ماله ي حبيبتي كنتي قومي اعملي الاكل اللي انتي عاوزاه.. يحي:خلاص ي جماعه حصل خير..انا هطلب لها دليفري… فريده:خلاص انا اكلت… شمس بتحاول تخفف الجو:غلطتي دي ي ديدا معلش زودت ف السمنه بتاعه الرز… فريده بابتسامه:و لا يهمك ي شمس.. إسعاد:و تطلب دليفري ليه..المطبخ عندها اهو و الاكل جوه تقوم تعمل اللي عاوزاه ده من الصبح قاعده… الكل سكت و خلاص عرفوا أن فيه خناقه هتحصل… و فريده فضلت ساكته مش عارفه ترد ب ايه..و بصت ليحي و بعدين لإسعاد:و علي ايه ي طنت…اروح اطبخ ف بيتي…. و قامت وقفت و الكل قام… زينب:ي جماعه استهدوا بالله.. إسعاد:شايفين عمايلها..شايف عمايل مراتك ي يحي… دنيا قامت مسكت ف فريده:فريده استني بس.. فريده:و الله ابدا..وسعي ي دنيا… محمد بحده:اي اللي انتي هببتيه ده… إسعاد بعصبيه و صوت عالي وصل لفريده ونيا بره:عملت اي ي حاج..انا برضه..و الا سكوت ابنك ليها واحد غيره كان اداها قلمين يفوقوها..لكن سكوته ده هيخليها تركب و تدلدل رجليها… شمس أتصدمت و انحرجت جدا ادام خطيبها من اللي حصل بس نادر عارف ان لازم ده يحصل..و كل تجمع بينهم بينتهي ب ده… محمد بعصبية: إسعاد زودتيها اووي… ابراهيم:بس ي محمد خلاص و انت ي يحي ي ابني اطلع شوف مراتك… خرج يحي و كانت فريده واقفه علي اخرها مع دنيا اللي بتحاول تدخلها… و صوت إسعاد محمد علي هو كمان و اكنهم بيتخانقوا… فريده:انا ف بيت بابا.. دنيا:لالا..بس بقي ي فريده كده انتي بتستهبلي ما تتكلم ي يحي.. يحي بصوت عالي:اتنيل اقول انا ايه دلوقتي..أطلقها يعني علشان امك ترتاح و الا اقاطع امك و امشي و هي ترتاح…انا اتخنقت اقسم بالله وسعوا… و مشي يحي و الكل خرج من الفيلا علي صوته…و فريده هي كمان طلبت اوبر و راحت علي بيت أبوها… . الفصل الثاني: إسعاد بعصبيه: عجبكم كده اهو البت خليته يمشي.. محمد بحده: البنت برده ولا انت روحي الهي منك لله ست ما بتحبش الا النكد.. ……………………………….. دنيا بجديه:ي فريده رايحه فين بس…كفايه هو كمان مشي مش عارفين راح فين… و بنداء:شررريف ي شررريف تعالي بالله عليك الحقه قبل ما يبعد.. و شريف طلع فعلا يلحقه… فريده بجديه:دنيا سيبيني خليني اروح بيت اهلي..انا مش هيبقي و لا دقيقه هنا… دنيا علت صوتها شويه:ما تستني نعرف هو فين… فريده بعصبيه:يوووه..سيبيني بقي…هلاقيها منك و الا من والدتك… و زقت ايد دنيا و خرجت من الفيلا ماشيه علي رجلها و مستنيه الاوبر يوصل.. ………………………………………. ابراهيم بجديه:ي جماعه اهدوا شويه بلاش كده. إسعاد بعصبيه:لا يهدي ازاي..انا سيبهاله مخدره…يقعد فيها هو بقي… و مشت علي اوضتها.. شمس بصوت عالي:يالهوي..ي ماما… و طلعت اجري وراها و كذلك زينب… و دخلت من بره دنيا…. دنيا:اومال فين ماما؟ ابراهيم:الحقيها يبنتي بتلم هدومها… دنيا بجديه:و الله انا تعبت بقي كل ما نتجمع ده يحصل.. محمد بعصبيه:عشان امك ترتاح… شريف دخل من بره:ملقيتهوش ي جماعه…و قافل تليفونه… محمد:و مراته راحت فين.. دنيا:زعقت و مشيت..بتقول رايحه لبيت ابوها… و سمعوا صوت إسعاد و هي بتزعق و شمس و زينب بيحاولوا يسكتوها….لحد ما نزلوا لعندهم.. إسعاد:اقعد فيها انت بقي ي محمد..انا سيبهالك و ماشيه… محمد قام وقف و بحده:يلا و ورقتك هتجيلك… نادر:ي عمي اهدي..اهدوا ي جماعه مش كده..متخلوش الشيطان يلعب بيكم اكتر… إسعاد بعصبيه:انا رايحه عند اختي… شريف بيحاول يهدي الدنيا:خلاص ي عمي انا هاخد حماتي و اوديها يومين اهو ترتاح شويه من اللي حصل عشان ضغطها… محمد قعد مكانه: تروح!!ده راحه ليا انا.. ……………………………………. فريده راحت علي بيتها هي و يحي…و زي ما اتوقعت مكانش هناك…و طلعت علي أوضتهم..و بدأت تلم ف هدومها….و مسكت تليفونها..و اتصلت علي ابوها…و فتحت الاسبيكر عشان تتكلم و هي بتلم هدومها… نصر:الو ايوا ي ديدا… فريده:الو ي بابا..بقولك انا اقل من نص ساعه و هكون عندكم… أنور سكت شويه و بعدين اتكلم:حصل حاجه؟! فريده بملل:العادي… أنور:طب خليكي عندك و انا هاجي اخدك.. فريده قفلت الشنطه:انا خلاص خلصت و العربيه مستنياني تحت مش هغيب.. باي.. و قفلت مع ابوها…و شالت الشنطه و نزلت… …………………………………….. شمس هاتفياً:معلش ي نادر مش عارفه اقولك اي و الله..انا محرجه منك اوي.. نادر:بس يبت بطلي هبل..بس فعلا خناقه المرادي جامده اوي و خصوصا أن يحي مشي..صحيح عرفتها هو فين… شمس بحزن:لا و شريف و بابا و عمي لسه بيدورا عليه.. نادر:الصراحه الله يكون في عونه..أمه و مراته.. شمس:مش عارفه ماما كويسه مع الكل و بتيجي مع فريده و تقلب… نادر:عشان مامتك بتغير علي يحي.. شمس:يمكن ليه لا..و سكتت شويه و كملت:بس مش للدرجادي لو كان كده كانت جابته قعد معانا هنا ف البيت… نادر:ما انتي بتقولي أنها طلبت ده فعلا قبل كده..و يحي رفض.. شمس:دي ماما و انا عارفاها لما بتعوز تعمل حاجه بتعملها… و بحزن اتنهدت :يا تري انت فين ي يحي؟!! ……………………………………….. رن جرس الباب… أنور:استني انتي ي مروه انا اللي هفتح… و قام…و راح فتح الباب..و كانت فريده..دخلت سلمت عليه عادي و لا أكن فيه خناقه أو حاجه… أنور:حبيبة بابا عامله ايه؟ فريده:الحمد لله ي بابا بخير. و دخلوا لمكان مروه.. مروه بخضه:اي يبنتي هو انتي اتخانقتي تاني مع حماتك… فريده قعدت جمبها:و يحي مشي و مش عارفين راح فين… مروه بخضه:يالهوي حصل ايه لكل ده… فريده اتاوبت:العادي ي ماما..ما انتي عارفاها مش بتطيقني.. مروه بجديه:ايوا مش بتطيقك اه لكن دي اول مره يحي يمشي..و ده الغريب.. فريده:كل حاجه هتبان بكره.. أنور:كلتي يبنتي.. فريده ضحكت بسخريه:اه الحمد لله اكلتني فته مليانه توم و سمنه و لحمه محمره ف السمنه!!تقريبا كانت عاوزه تمـ,ـوتني… مروه:بعد الشر..خمس دقائق و تأكلي..عامله رقاق و كوسه بالبشاميل عارفه انك بتحبيها.. فريده:لا ي ماما بجد مليش نفس.. أنور:يلا ي مروه حضري الاكل.. و لفريده:بت انتي انا لسه راجع من بره و مامتك مكالتش برضه..ف هتقعدي تأكلي معانا.. ماشي؟ فريده ضحكت؛ماشي! ……………………………………….. دنيا بغيظ:يعني ي شريف ملقتش الا خالتي دولت اللي تقول عليها.. شريف بجديه: اعمل اي يعني ف اللي كنتي شايفاه.. دنيا بتطبق هدوم:كنت قول تيجي عندنا..لكن خالتي دولت هتشعلل الدنيا..ما انت عارف.. شريف بغيظ:و مقولتيش كده ليه ي اذكي اخواتك.. دنيا اتنهدت:انا كنت علي اخري اصلا بسبب اللي حصل و اللي فريده عملته… و قامت تحط الهدوم ف الدولاب.. شريف:عملت ايه فريده! دنيا مركزه ف ترتيب الهدوم:اتعصبنا علي بعض و زقتني و مشيت… و راحت قعدت جمب شريف علي السرير:انا مش مضايقه منها اوي..كفايه اللي امي عملته..انا بس اللي صعبان عليا ف الليله دي كلها يحي.. شريف بجديه:ربنا يعينه. الفصل الثالث: دولت ضـ,ـربت علي صدرها: يالهوووي..بقي عملت كل ده و يحي ابنك مقالش حاجه.. إسعاد بقهر:لا و لا اي حاجه..و ف الآخر مشي و مش عارفين راح فين.. دولت:الا تكون سحراله.. إسعاد بغل:ما هي فعلا سحراله بت مروه..ده ولا الخاتم ف صباعها.. دولت بخبث:و لا تقلقي بعد الغدا اخدك و نروح لشيخ كويس اعرفه يخليه يبطل السحر اللي المنيله دي عملتهوله.. إسعاد بخبث:ده انت هخليه يسود عيشتها..و يصبحها بعلقه و يمسيها بعلقه.. دولت بتبخ سمها:متخافيش الشيخ مسعد هيعملك كل اللي انتي عاوزاه..ده ليه خدامه..اللهم احفظنا.. إسعاد بفرحه:حقه لو حصلت ي دولت يختي لأحلي بوءك.. ……………………………………………. شمس هاتفياً:لا ي نادر ملهوش أثر دوروا عليه ف كل مكان تبعنا..مش لاقينه..و بدأت تعيط.. نادر اتنهد بحزن:طب بالله عليكي بلاش عياط..و بعدين ما ممكن يكون سافر مكان تاني و الا نزل ف فندق.. شمس هدت شويه:احتمال فعلا… نادر:متخافيش هو أول ما يهدي هيرجع..بس حاولوا بس تهدوا فريده عشان لما يرجع ميلاقيش مشاكل.. شمس:بابا و دنيا هيروحولها النهارده..عشان ترجع.. …………………………………………….. كانت فريده بتساعد مامتها ف المطبخ..و بتجهز السلطه…و مروه أمها جات و قعدت جمبها علي ترابيزه ف نص المطبخ..عشان تقطف الملوخيه.. مروه بابتسامه حزينه:معرفوش اي حاجه عن يحي.. فريده ببرود:معرفش و الله ي ماما.. مروه سابت عود الملوخيه بصدمه:يبنتي حرام عليكي ده جوزك.. فريده بصتلها:طب اعمل اي ي ماما ما انا مكلمتش حد منهم من ساعه اللي حصل.. مروه بجديه:اه ف تقومي مطنشه جوزك و متتصليش حتي تشوفي فتح تليفونه و الا لا.. و رجعت تكمل تقطيف:انا هكلم ابوكي يتصرف.. و سابت العود تاني من ايديها:انتي يبنت طالعه بارده لمين كده.. فريده بعدت السلطه اللي خلصتها و اخدت من اعواد الملوخيه تقطفها و بهدوء:مين قال اني بارده بس..كل الموضوع ان مفيش وسيله اقدر اعرف بيها ايه اللي حصل أو هو فين.. مروه بجديه:يعني ابوكي اللوا أنور نصر..و بتقولي مفيش حاجه تقدر توصلني ليه.. فريده:ما اتعودش اطلب حاجه من بابا.. مروه:ما تطلبيش ي حبيبتي بس انا هطلب. فريده بجديه:ي ماما بل…. أنور قاطع كلامهم بدخوله للمطبخ:اي ي جماعه أتاخرتوا ليه كده ف الاكل..انا جعان.. فريده بابتسامه:نص ساعه و الاكل هيكون جاهز.. أنور: أما نشوف.. و جه يخرج بس وقف لانه افتكر حاجه:اه صحيح ي ديدا الحاج محمد و دنيا جايين النهارده بعد المغرب.. فريده:ليه! مروه بحده:هو ايه اللي ليه؟ أنور ببرود:هنشوف لما يجوا.. مروه بجديه:يارب صبرني هتجنن منهم . أنور ابتسم بخبث و خرج من المطبخ.. …………………………………………………. دنيا قاعده ع السفره مع جوزها و ادامهم الاكل.. دنيا بجديه:يلا ي كنزي خلصي اكلك عشان تروحي تقعدي مع خالتو شمس.. كنزي بفرحه: شموسه. شريف: الصراحه شايف أن مرواحكم ملوش لازمه.. دنيا:اومال نعمل ايه ي شريف..نفضل سايبنها هناك كده..اهو حتي نحل اللي حصل.. شريف بجديه:مش هترجع ي دنيا.. كنزي:مامي عاوزه مايه.. دنيا بتحط لبنتها مايه:ليه بس حرام عليك.. شريف: مجرد توقع و كمان ابوها مش هيسمح بعد اللي حصل.. دنيا:ما بيحصل كل مره ي شريف.. شريف بهدوء:و لازم حل نهائي ل ده.. دنيا سابت المعلقه و بصتله:قصدك ايه!!! شريف بجديه:اللي فهمتيه.. و قام:الحمد لله انا شبعت..و راح ع الحمام..و دنيا حطت أيدها علي خدها..بتفكر ف كلامه… ……………………………………………………. كان يحي ف مرسي مطروح قاعد علي الكورنيش و الشمس ادامه بتغرب… بيفكر ف اللي كل اللي حصل من ساعه جوازهم..لحد اللحظه اللي هو قاعد فيها..بيراجع كل حدث..كل ذكري..سواء سعيده أو حزينه..و فضل كده سرحان ف تفكيره لحد ما فاق علي صوت موجه قويه وصله منها نقط مايه و الدنيا بقت ليل… ………………………………………………………….. كانت شمس قاعده بتلعب مع كنزي… كنزي:شموسه عاوزه تتجوزي عمو نادر ليه.. شمس استغربت سؤال كنزي بس قررت انها ترد عليها:عشان بحبه ي كوكي..و بعدين ايه مش نفسك لما تكبري تلبسي الفستان الابيض المنفوش… شمس:عاوزه البس الفستان بس مش عاوزه اتجوز و مش عاوزاكي انتي كمان تتجوزي ي شموسه.. شمس باستغراب:ليه ي كوكي.. كنزي ببراءه: عشان طنت سحر مامت عمو نادر هتعاملك وحش زي ما تيتا بتعامل طنت فريده مرات خالو يحي.. شمس أتصدمت من اللي كنزي قالته..و بلعت ريقها…و مبقتش عارفه ترد عليها تقول ايه.. شمس بتحاول تغير الموضوع:تيجي معايا نعمل كيكه شوكولاته عشان لما يجوا نقعد نأكلها.. كنزي سقفت بفرحه:هيييه..يلا ي شموسه…. الفصل الرابع: إسعاد هاتفياً بخضه:يعني ايه جايين؟! دنيا اتنهدت:يعني بابا و انا هنيجي عشان ترجعي البيت ي ماما.. إسعاد بتوتر:لالا..ان..انا لسه ناري مبردتش من اللي حصل.. دنيا بجديه:ماما بالله عليكي بلاش كده بابا و الله حالف يمين طلاق..ابقي تعالي و كمان يومين خالتو تيجي عندنا.. إسعاد بنفاذ صبر:و مقولتيش ليه امبارح! دنيا:بابا اصلا قرر ده بليل علي الساعه ١١..هعرفك امتي بقي و انتوا بتناموا بدري.. إسعاد بقله حيله:هتيجوا امتي؟! دنيا:علي ١ ونص ٢ كده… إسعاد:ماشي سلام… و قفلت…و بصوت عالي:دولت..دولت…. دولت من بره:نعم ي إسعاد… إسعاد قعدت و بقهر:تعالي الحقي الخيبه اللي اختك فيها… دولت جات من بره بسرعه و قعدت جمب إسعاد علي السرير:فيه ايه خيبه ايه بس.. إسعاد:محمد و دنيا جايين النهارده علشان يرجعوني..لا و ايه الساعه ١ونص او ٢..و حالف يمين طلاق.. دولت بتفكير:طب خلاص..هكلم الشيخ مسعد يجيلنا بدري شويه… ………………………………………………………. كان يحي ف الفندق بيجهز لنزوله القاهره..و هينزل ف باص مش بالعربيه بتاعته لانه سابها ف القاهره ف فيلا ابوه من ساعه اللي حصل…و باقي ساعه علي الباص… …………………………………………………………….. قاعدين بيفطروا سوا…و خرجت أميره و هي لابسه و مستعجله.. دولت:ي بنتي تعالي كلي لقمه هتنزلي و انتي كده علي لحم بطنك.. أميره:معلش ي ماما..حصلت مشكله ف فرع الصيدليه ف المهندسين..يلا باي.. دولت بصوت عالي:ابقي طمنينا… و لإسعاد:حياتها كده..كل شويه مشكله ف فرع المهندسين.. إسعاد بابتسامه: أميره يعتمد عليها ي أم أميره متخافيش عليها دي ب ١٠٠ راجل.. و اتنهدت:ي بخت اللي هيكون من نصيبها.. دولت بخبث:مش لو كان ابنك يختي مفسخش الخطوبه و كسر بقلب البت كان زمانك مرتاحه دلوقتي.. إسعاد:بت مروه سحراله ي دولت يختي..و انتي عارفه ده…و يجي بس الشيخ النهارده..هو اتاخر ليه كده.. دولت:و لا تقلقي نكون خلصنا فطار و نلاقيه ادامنا. ……………………………………………………………….. كان الشيخ مسعد قاعد علي الكنبه ف النص بين إسعاد و دولت و التانين مش سايبينه.. إسعاد بغل:سحراله ي شيخنا..و تعمل كل بلوه و التانيه و ميقولهاش بم حتي..راجل ف مكانه يرزعها قلمين و يطلقها بعد اللي عملته..لكن بيفضل ساكت.. دولت بنفس الطريقه:و بتعامله بطريقه وحشه اوي ي شيخنا..ممكن تكسفه و احنا قاعدين أو تتجاهله و ميعملهاش اي حاجه.. إسعاد اتكلمت:ده غير أنها كل شويه تدب معاه خناقه أو تسيب البيت من غير سبب..و تروح تقعد عند ابوها…ده خلته ي شيخنا يسيب بنت خالته اللي زي الورد دكتوره كبيره و ليها اسمها… دولت بفخر:بنتي أميره ست البنات.. إسعاد:ده غير أن المخفيه فريده دي متجوزه ابني من ٣ سنين و غابت سنه ف حملها و اول ما حملت سقطت تحمل تسقط تحمل تسقط..أصلها يخويا بتلبس كعب عالي اد كدهو ده غير أنها مهندسه و سقالات و الشغل بتاعهم ده و طلوع و نزول ف ضهرها خفيف مش شايل حته اللحمه ف بتسقط و سقطت ٣ مرات.. الشيخ مسعد بسخريه:فيه حاجه لسه مقولتوهاش.. إسعاد:عاوزاك تبطل السحر اللي هي عملته للواد و تخليه يطلقها..بس يرنها علقه مـ,ـوت الاول و يرميها زي الكلبه… الشيخ مسعد:تمام..توكلنا علي الله. (ده ربنا هيولع فيكوا ي عالم واطيه 🙄) و بدأ يطلع ورق و يكتب عليه كلام و حروف غريبه و يرسم صليب مقلوب و اشكال غريبه…و يولع بخور..و إسعاد و دولت كمشانين علي نفسهم من الخوف.. و فضل كده لمده ساعه..و بعدين سمعوا الجرس بيرن… دولت بهدوء لإسعاد:اهدي تلاقيه الواد البواب. و خرجت..بس بصت من العين السحريه لقت دنيا.. دولت ضـ,ـربت علي صدرها..و شتمت ف سرها و جرت علي الأوضه اللي هما فيها… دولت بتوتر:دي دنيا بنتك.. إسعاد بخوف:هنهبب ايه.. دولت لمسعد:بقيلك اد ايه ي شيخنا.. الشيخ مسعد:ربع ساعه و اخلص.. دولت:طب تعالي ي شيخنا معايا..الا دي بنتها و مش عاوزينها تعرف.. و ده كله و دنيا عماله تخبط ع الباب و ترن الجرس.. و خلاص دولت دخلت الشيخ مسعد اوضه تانيه…. إسعاد:حاضر حاضر..ما تستني ي اللي ع الباب.. و فتحت و بحده:اي ي بت الخبط ده كله.. دنيا بخوف:حرام عليكي ي ماما..ده انا كنت هنادي حارس العماره يكسر باب الشقه… دولت خرجت:تعالي ي دنيا واقفه ليه بره.. دنيا:معلش بقي جيت بدري بس قولت اتكلم مع ماما الاول.. دولت:تأنسي و تنوري ي دوده ها فطرتي؟ دنيا:اه الحمد لله فطرت.. ولإسعاد بجديه:ماما بالله عليكي تسمعي اللي بابا هيقول عليه مش ناقصين مشاكل اكتر.. دولت بفضول:و ابوكي طالب ايه؟ دنيا بصت لامها:تروحي تصالحي فريده ف بيت اهلها.. إسعاد بحده:نعممممم ي روح امك..انتي بتقولي ايه يبت..تبقي هي اللي غلطانه و انا اللي اروحلها.. دنيا بجديه: ي ماما يحي لو رجع و لقي الحوار لسه زي ما هو هتحصل مشكله اكبر و كمان عمي أنور رافض أنها ترجع الا لما يكون فيه حل نهائي. إسعاد بغضب:يبقي يخليها عنده بقي لكن مرواح مش رايحه..اهو ده اللي ناقص.. دولت لدنيا:ما تقومي كده ي دوده تعمليلنا عصير علي ما اتفاهم مع امك.. دنيا اتنهدت: حاضر استنت دولت دنيا اما دخلت المطبخ و بصوت واطي:لازم تروحي! إسعاد بغل: اروح فين ي دولت..ده عاوزني أبوس راس البت… دولت بذكاء:لازم تروحي و تبيني أن نيتك كويسه عشان لما يطلقها بعد اللي هيحصل يكون الكل معاه ف ده.. إسعاد سكتت شويه بتفكر.. دولت بخبث:انتي هتروحي و تصالحيها و تبيني انك خلاص صافيه من ناحيتها لكن اللي هيحصل بسبب العمل ده هيبينها وحشه ادام الكل… و قامت وقفت:فكري يختي علي ما اشوف اللي جوا ده عمل ايه.. ……………………………………………….. قاعد ف الباص و سمع صوت تليفونه..و لقي أنه أنور.. يحي بضحك:كنت عارف انك اول واحد هتعرف. أنور بجديه:عيب عليك يلا مفيش حاجه تخبي عن الكينج..اي الغيبه دي كلها.. يحي بهدوء:قرفت! أنور بسخريه:تصدق و الله انا كمان قرفت..مروه مش رحماني في البيت و فريده متغيره خالص.. يحي بجمود:دي مش فريده.. أنور سكت و اتأثر فعلا ب كلام يحي.. يحي بحزن:مش دي فريده اللي عرفتها من ٤ سنين..دي حد غريب..كل يوم بقوم من النوم بلاقي شخصيه مختلفه عن اللي قبلها…كل يوم بنام جمبها و انا عارف اني هصحي علي وش تاني.. أنور فضل ساكت هو كمان..مش عارف يقول ايه و حزين جدا علي حال بنته.. ……………………………………………….. محمد بجديه:هتيجي معايا و علي بليل هنروح عشان تصالحيها… إسعاد بهدوء:حاضر يا أبو يحي..اللي تشوفه. محمد بهدوء:يلا ي دنيا جهزي شنطه أمك.. دولت:لاا لازم تتغدوا معايا الاول.. محمد:مش هينفع ي أم أميره مفيش وقت…يلا ي دنيا و انا مستنيكم تحت.. و قام و مشي.. دولت بجديه:ينفع اللي ابوكي عمله ده ي دنيا.. دنيا اتنهدت:معلش ي طنت..بس بابا من ساعه اللي حصل و هو كده مع الكل..يلا ي ماما هقوم احضر الشنطه.. إسعاد:جاهزه من وقت ما عرفت انكم جايين عملتها..هقوم البس عبايتي و جايه… …………………………………………………. كان يحي خلاص وصل القاهره و نزل و طلب اوبر و طلع علي بيت ابوه..و شمس كانت هناك و معاها كنزي… شمس اول ما شافته حـ,ـضنته و بدموع:يحي انت كويس..كنت فين ي يحي؟! يحي ضحك علشان يطمنها:كنت زهقان و بغير جو..روحت مطروح فاتتك ي شموسه الجو هناك تحفه… و كنزي جات تجري من جوا و بفرحه:هيييه هييييه خالو يحي جه… يحي شال كنزي و رفعها علي كتفه..و بقي يلعب معاها.. شمس بفرح:طب تعالي اكيد جعان.. يحي:جدا…عاملين أكل ايه؟! شمس:حظك عملااكم كريب النهارده..هقوم احضرلك اهو…و قامت شمس دخلت المطبخ..و يحي فضل قاعد مع كنزي…و بعد شويه دخل ورا شمس.. يحي باستغراب:فين الباقي؟ شمس:بيجيبوا ماما من عند خالتو دولت..عشان بليل هتروح تصالح فريده.. يحي بجديه:نعممم..تصالح مين!!!! شمس بصتله:فريده يا يحي.. يحي:انتي تحكيلي كل اللي حصل و انا مش هنا.. ………………………………………. يحي بغضب مكتوم:يعني بابا و دنيا راحوا و مرضيتش تيجي.. شمس:مش هي لوحدها.. عمي أنور كمان رفض.. يحي بهدوء:خلاص يخليها عنده بقي.. شمس بتوتر:يحي استهدي بالله كده..متخليش الشيطان يدخل بينكم.. يحي بحده:ابويا بجلاله قدره راحلها ف تقوم ترفض هي و أبوها اللي ليا كلام تاني معاه..ف يقوم أبوكي عاوز امك تبوس علي دماغها..ده انا هكسرلها دماغها!! شمس مستغربه تغير يحي..و مش عارفه تقول ايه.. سمعوا صوت باب الفيلا بيتقفل….ف قاموا… اول ما شافوا يحي طلعوا يجروا عليه و إسعاد خدته ف حضـ,ـنها..و بقت تعيط: معلش يبني سامحني..انا اللي السبب ف ده.. يحي باس ايديها:لا يا أمي مش انتي السبب… و بص لمحمد:بعد إذنك ي حاج..أمي مش هتروح تصالح حد… إسعاد اتصدمت من كلام يحي بس قالت أن ده اكيد عمل الشيخ.. محمد بجديه:انت بتقول ايه.. دنيا راحت تشيل بنتها اللي نايمه ع الكنبه ادام التليفزيون عشان صوتهم… يحي بجديه:حضرتك يا حاج روحت عشان تصالحها يقوم أبوها يرفض و هي كمان ترفض..يبقي خلاص تخليها هناك بقي..لحد ما تتعلم الأدب.. و بهدوء: و بصراحه بقي انا هكون مرتاح ده احنا لو قعدنا مع بعض في البيت ٥ دقايق لازم نتخانق.. إسعاد بدموع:لا يبني انا هروح اصالحها دي مهما كانت مراتك برضه و انت الغالي.. يحي بجديه:لو انا الغالي فعلا يبقي محدش يروح..انا غلطت ف صبري عليها و تهاوني معاها..لكن خلاص فوقت الحمد لله… محمد مستغررب طريقه يحي الجديده في تعامله مع فريده ف قال يسكت و ميزودش النار: خلاص يبني اللي تشوفه.. يحي بمرح:طب يلا بقي نتغدي الا انا مكلتش من الصبح و البت شمس عامله كريب ريحته تدوخ… ……………………………………………………… *بعد أسبوع* كانوا قاعدين علي السفره و بيتغدوا.. مروه:أنور..من فضلك حاول تعرف يحي فين.. اهو تبرد نـ,ـار اهله لما يعرفوا مكانه.. فريده سابت الأكل:ماما انا قولتلك متطلبيش ده..لما يعرفوا أن بابا سأل علي مكانه هيقولوا اني مستنيه أنه يرجعني.. أنور بهدوء:يحي موجود في القاهره من أسبوع.. فريده بصت لأبوها و بعدين رجعت تكمل أكلها… مروه بحده:برضه هتفضلي بارده كده! فريده:اعمل ايه يعني انا اللي اروح اصالحه.. مروه:و ليه لا؟! فريده بهدوء:عشان انا الست و هو الراجل..هو اللي دوره ياخد الخطوه دي مش انا… و كملت أكلها بمنتهي الهدوء و البرود…. ………………………………………………….. محمد فضل كتير يحاول مع يحي أنه يرجع فريده تاني لبيته بس يحي كان بيرفض و بيقفل اي نقاش معاهم ………………………………………………… كانت قاعده علي سريرها و بتتفرج علي صورهم علي اللابتوب..و بتشوف فيديوهات بينهم..دموعها بتنزل في صمت..مش مصدقه أنها هانت عليه..مش مستوعبه ازاي عمل كده…و في نفس الوقت..كان يحي نايم علي كنبه ف بيته هو و فريده..و بيتفرج علي نفس الفيديوهات و نفس الصور..دموعه هو كمان بتنزل..علي حب عمره اللي ضاع..علي كل الظروف اللي بيمروا بيها و بتبعد قلوبهم عن بعض..علي عقابه ليها بأنه يسيبها ف بيت اهلها..و هو مشتاق لوجودها.. …………………………………………………… صحي تاني يوم علي صوت حركه جوا البيت…و عرف أنه هي…اتنهد بهدوء و قام..و رسم البرود علي ملامح وشه…و طلع الاوضه….كانت بتدور علي حاجات ف الاوضه…فتح الدولاب و اخد هدوم ليه..و دخل الحمام..و فريده برغم انها مدياله ضهرها لكن مركزه مع كل حركه ليه..و اتقهرت اكتر لما تجاهلها.. فريده لنفسها بتأنيب:ما كنت بعتت السواق هو اللي جاب الورق!!ازاي تغلطي غلطه زي دي ي فريده..اه اكيد امه عاوزه ترجعه لحبيبه القلب..بس ده بعده… كان يحي خرج من الحمام و بدأ يجهز نفسه.. فريده قامت و معاها الورق و بتحطه ف شنطتها و بهدوء:متنساش بقي تعزمني علي الفرح.. يحي ببرود:فرح ايه!! فريده ضحكت بسخريه:هههه..فرحك انت و حبيبه القلب… يحي بجديه:رجعنا بقي للهبل بتاع زمان… فريده بصوت عالي:انت مفكرني عبيطه و الا برياله.. يحي بحده:فرريده!!صوتك ميعلاش..كفايه اللي عملتيه… فريده بسخريه:اللي انا عملته!!عملت ايه إن شاء الله..ده انا اللي اتهانت في بيتكم ي يحي..و مجبتليش حقي.. يحي مسك دراعها:اجيب حقك من امي!!! فريده بجديه:و الله علي عيني و راسي أنها امك بس امك هي اللي بدأت و هي اللي عملت مشاكل..و كل مره كده..و اخيرا منعاك انك حتي تيجي ترجعني و مش بعيد تجوزك انت و بنت اختها.. يحي زقها بعصبيه ع السرير و بصوت عالي:انتي عاوزه ايه هاا؟؟؟ فريده ببرود بصتله:طلقني! يحي رفع حواجبه بسخريه و كلمها بصوت واطي اكنه سر: متأكده انك عاوزه ده ي فريده! و بجديه:انتي بتحبيني و متقدريش تعيشي من غيري..بس تهاوني معاكي خلاكي تزيدي فيها!! فريده بهدوء:اي الثقه دي كلها..و بعدين انا بحب يحي..لكن اللي ادامي حاليا مش يحي.. يحي بتساؤل:يعني اللي ادامي فريده.. وطي عليها و سند ايديه جمبها و بيبص ف عينيها و بجديه:انتي مش فريده..فريده مكانتش بتعمل كده..عمرها ما عملت مشكله..و حتي لو حصل كانت بتتجاهلها.. فريده بتحاول متعيطش لكن يحي شايف الدموع جوه عينيها….قلبه بيقوله حرام هتكون انت و الدنيا عليها…. فريده بخفوت:طلقني..احنا حياتنا مع بعض مش نافعه ي يحي.. يحي حس أنه فتح جـ,ـرح قديم..ف قعد جنبها:قولتلك قبل كده وجود طفل في حياتنا مش هو اللي هيحدد إذا كنا نكمل و الا لا… فريده بصتله و بدموع:لا هو يا يحي اللي هيحدد..لو كان جه فعلا مكانتش مامتك كل ما تشوفني تتخانق معايا و تحسسني بالنقص..مكنتش هحس بأنك ف يوم من الايام هتزهق و تمشي.. و بقهر:مكانش كل ده حصل يا يحي.. و قامت فريده عشان تمشي…و يحي قام وراها عشان يمنعها… فريده: يحي انا ورايا شغل..مينفعش كده.. يحي بجديه:تخلصي شغلك و تيجي.. فريده مردتش عليه بس دموعها هي اللي ردت..يحي لما لقاها كده قرر يسيبها و ميضغطش عليها و علي أعصابها اكتر.. …………………………………………………….. كانت سايقه عربيتها و هي لسه بتعيط..علي حب حياتها اللي بيضيع..علي كسـ,ـرتها ١٠٠ مره ادام الناس و ادام نفسها..علي احساسها بالنقص..علي نفسها اللي ضاعت و مش لاقياها…فاقت علي وجع و احساسها بأنها بتتخنق..ف وقفت العربيه..لكن الوجع بيزيد و مش عارفه تعمل ايه…وشها و جسمها كله مايه..فتحت باب العربيه و بتحاول تنزل لأن حاسه ان روحها بتتسحب و هتمـ,ـوت…و قعت علي الأرض و مكانش فيه اي حد علي الطريق.. . الفصل الخامس: مروه بتجري و هي بتتكلم في التليفون و بتعيط:ايوا ي أنور الحقني فريده ف المستشفي..الناس لاقوها واقعه علي الطريق… أنور اتفزع و قام يجري هو كمان:مستشفي ايه؟!!! ……………………………………………………… يحي كان اول واحد في المستشفي..و هو اللي بلغ مروه و أهله….كان واقف ادام العمليات كالعاده..ابتسم بسخرية علي حاله..طول ال٣ سنين بيقف..و هو عارف ان ابنه مات..مفيش مره منهم تخرج ممرضه و شايله ابنه.. يحي بخفوت:الحمد لله.. لمح امه و ابوه جايين عليه…. محمد بيواسيه:ربنا يعوضك يبني.. إسعاد بحزن:ايه اللي حصل ي حبيبي.. محمد بحزم:مش وقته ي إسعاد نطمن علي فريده بس.. إسعاد بصت بعيد:ربنا يقومها بالسلامه.. و راحت قعدت علي كراسي الانتظار… و بعد ٥ دقايق دخلت مروه و معاها أنور…. مروه بتعيط:بنتي ي يحي..ايه اللي حصل… إسعاد بنبره سخريه:تعالي ي أم فريده اقعدي جمبي و هي شويه و تطلع… أنور راح أخد مروه و قعد بيها علي كراسي تانيه… إسعاد لنفسها بحقد:الهي ما تطلع ي بعيده..و لو طلعت يطلقها..انا ليا كلام معاه…ما انا خلاص مبقتش قادره استحمل… …………………………………………………….. فتحت فريده عينيها لقت يحي قاعد جمبها و واخدها ف حـ,ـضنه… فريده:انت لسه مطلقتنيش! يحي اتنهد و بصلها:طلاق ايه بس يا فريده!! مروه:طلاق ايه بس يا بنتي اللي بتقولي عليه ده.. محمد:استغفر الله العظيم… فريده بانكسار:يطلقني يا ماما خلاص..انا مش عارفه اجيبله ابن! يحي قام وقف و بحده:ما تعقلي بقي..و الله العظيم لولا أنك لسه طالعه من العمـ,ـليات كان تصرفي مش هيعجبك يا فريده..و طلاق مش هطلق..و اللي عندي قولته…و هتخرجي من هنا علي بيتنا… و خرج يحي من الاوضه و هو متعصب و رزع الباب وراه..و إسعاد قامت وراه… محمد:استهدي بالله يا بنتي يحي بيحبك و شاريكي و ميهموش عيال… مروه:حرام عليكي يا بنتي اما توجعي قلبي كده… فريده بحزن:بوجع قلبك!اومال انا ابقي ايه..لما كل كام شهر اجي هنا و ابني ينزل.. أنور اتكلم اخيرا:سيبونا لوحدنا شويه بعد اذنكم. …………………………………………………….. كانت إسعاد واقفه مع ابنها ادام شباك ف المستشفي.. إسعاد بإنكسار:بص يبني انا عارفه انك أكيد مكسور علي اللي كل شويه يروح..و ف نفس الوقت مش عاوز تسيبها..ف اتجوز ي يحي..اتجوز يبني..مش عيب يكون فيه اتنين علي ذمتك.. أنور لفريده:و هترتاحي لما يطلقك… فريده بجمود:لا بس اكون صونت كرامتي اللي اتبهدلت..و بصت لأنور:كفايه لحد كده.. يحي: بس… قاطعته إسعاد و بتعيط:و الله ي يحي يبني لو رفضت ليكون قلبي غضـ,ـبان عليك..و تكون خسرتني انا..انا مش قادره استحمل اني اشوفك كل شويه كده و كل يوم و انت مش سعيد مع مراتك..انت بتنطفي يبني.. أنور بجديه:يحي لو سابك هتندمي ي فريده..و بعدين انتي كرامتك محفوظه مفيش حد يقدر يمسها.. فريده عيطت..و أنور حضـ,ـنها و هو بيفكر يعمل ايه.. إسعاد بتبخ سمها:طب اخطب حتي و جرب ارتحت ارتحت..و اهو اديك بتربيها برضه علي كلامها.. يحي بص لأمه و بدأ يفكر في كلامها.. ……………………………………………………….. خرجت فريده من المستشفي تاني يوم..و يحي اخدها علي بيتهم..بعد رفض كبير منها..بس مقدرتش تمنع ده.. اول ما دخلت البيت قعدت علي كرسي عشان تستريح..و هو طلع شنطتها لاوضتهم..و نزل.. يحي:هجهز الغدا علي ما ترتاحي شويه.. و دخل المطبخ.. ………………………………………………………. مروه بعصبية:ازاي تسيبه ياخدها كده ي أنور!! أنور بهدوء:لانه جوزها.. مروه:و البنت مكانتش عاوزه تروح معاه..و سكوتك ده كسـ,ـرها.. أنور بجديه:لو كنت قولت لا كان الموضوع هيكبر ي مروه و بعدين ده جوزها يعني مش هياكلها.. و اتنهد:ده الاحسن خليهم يواجهوا بعض! ………………………………………………………… طلعت غيرت هدومها و نزلت..كان هو خلص الاكل و حضر السفره..و نزلت قعدت عشان تأكل.. فريده ببرود:ليه صممت اني ارجع؟ يحي بنفس الطريقه:عشان ده بيتك.. فريده بصتله:بس انا مكنتش عاوزه ارجع! يحي تجاهلها و كمل اكله..و هي قامت و طلعت اوضتها.. يحي بجمود:اهو تشوفي شويه من اللي شوفته… …………………………………………………………. إسعاد هاتفيا بفرح:اديني دخلت الكلام ف دماغه..و ده ابني و انا عارفاه..الاسبوع الجاي لما اقوله تاني..هيوافق.. دولت بخبث:دي تمـ,ـوت فيها ي إسعاد… إسعاد بحده:تمـ,ـوت و الا تولع بجاز..مليش دعوه بيها..انا ليا دعوه باللي تبسط ابني..و تجيبله عيل.. دولت بغل:حقه لو ده حصل لتمـ,ـوت بقهرتها.. ……………………………………………………………. المأذون:بارك الله لكما و بارك عليكما و جم…. فريده بصوت عالي قاطعته:و كمان جايبها ف بيتي ده انت يوم ابوك اسود… و هجمت علي يحي و بدأت تضـ,ـرب فيه… فريده بحده:انا هوريك ازاي تتجوز عليا انا ي عره الرجاله… إسعاد بعصبيه: عره مين ي عنيا..ابني سيد الرجاله..الدور و الباقي عليكي… فريده بصوت عالي: تصدقي لولا أنك ست كبيره اد امي لكنت مديت ايدي عليكي… يحي ضـ,ـرب فريده بالقلم لما قالت كده… فريده بحده:انت بتتشطر عليا ي حيلتها…طب تعالي.. و هجمت عليه…رغم أن حجمها صغير جدا بالنسبه لحجم يحي الا أنها قدرت تضـ,ـربه… جرت عليه بفستانها الأبيض عشان تحوش:اووعي كده ي متوحشه..ملكيش دعوه ب جوزي… فريده بصتلها اكنها لسه شيفاها و بسخرية:اهلا..جيتي لقضاكي.. و راحت موقعها ع الأرض..و قالعه جزمتها و نزلت عليها ضـ,ـرب.. و الكل بيحاول يحوش فريده عنها بس مش عارفين..و اخيرا قدر يحي أنه يشيل فريده بس هي عضته و ف كتفه..و نزلت تضـ,ـرب ف العروسه..و المأذون… يحي بحده:يووووه… و جابها من شعرها…و طلع بيها علي اوضتهم… فريده بصراخ:اوووعي…و عضته ف نزلها..و بقت تضـ,ـرب فيه..و هو بيحاول يكتفها…. فريده بتعيط و هي بتصرخ:حرام عليك..قصرت معاك ف ايه عشان تعمل ده معاااياااااااا… فاقت فريده من الكابوس اللي كانت بتحلمه و هي بتصرخ..و يحي اتفـ,ـزع هو كمان..و حضـ,ـنت يحي..و بقت تعيط.. فريده ببكاء:يحي… يحي ضمها لحـ,ـضنه..و ملاحظ انها مش واعيه لسه عقلها نايم… يحي بحنان همسلها:هششش..اهدي يا فريده انا جمبك مش هسيبك..اهدي ي حبيبتي… و بدأ عياط فريده يهدي و يقل لحد ما نامت تاني… ………………………………………………………. و عدي كام يوم..و راح يحي زياره لأهله…و إسعاد طبعا لازم تستغل ده.. إسعاد:يبني هو حرام…ربنا يهديك يبني انت لازم تجيبلك عيل.. يحي بهدوء:و مين قالك ي ماما اني مش هخلف… إسعاد بقرف:مراتك ي يح… يحي قاطعها بجديه: ماما فريده مفيهاش اي عيب و لا انا..كل اللي بيحصل اراده ربنا و نصيبنا… إسعاد:حرام عليك لما تفضل كده..مراتك يبني ضهرها خفيف مش مستحمل حمل..اتجوز واحده تجيبلك ضنا…اقولك أخطب حتي و أو لقيت نفسك مش مرتاح سيبها..بس جرب… يحي بقله حيله:و مين بقي سعيده الحظ… إسعاد بابتسامه: أميره! يحي بعدم استيعاب: أميره مين؟؟ إسعاد علي نفس ابتسامتها:خطيبتك الاولانيه..بنت خالتك يبني.. يحي بجديه:ماما انا لسه ده كله واخد الموضوع أنه اي كلام.. إسعاد بعصبيه:اي كلام…اني عاوزاك تفرح يبقي اي كلام..روح روح و انا قلبي غضبان عليك… و قامت تمشي بس وقعت في الأرض… يحي بخضه:ماما… و جري عليها شالها.. و بنداء:شمس..ي شمس… و بعدين شال أمه تاني…و طلع بيها ع المستشفي… ❤❤ الفصل السادس: كانت فريده قاعده في بيتهم..بتتفرج علي فرحهم و علي وشها ابتسامه حنين..و بدأت دمعه تنزل من عينيها..و من وراها شلال دموع…. خرجت مروه تجري من المطبخ لما سمعت صوت بنتها بتعيط..و جرت عليها طفت التليفزيون و حـ,ـضنتها.. مروه بخوف:مالك ي حبيبتي اهدي كده… فريده ببكاء: يحي هيسيبني ي ماما… مروه بحزن:اهدي بس يسيبك فين..يحي لسه معاكي… فريده خرجت من حـ,ـضنها و بقهر:هيسيبني..و انا اللي غلطانه..انا اللي ضيعته بغبائي..انا اللي ضيعته… و بدأت تنهار:انا اللي ضيعته…انا اللي ضيعته… مروه شدتها لحـ,ـضنها و بقت تحاول تهدي فيها… بس فريده مكانتش بتهدي..ف قامت تجري بسرعه علي التليفون تتصل ب يحي… مروه بسرعه:يحي..الحقني فريده منهاره هنا تعالي بسرعه… يحي كان فعلا ف طريقه للبيت و بخضه:حاضر حاضر..دقيقه و اكون عندكم… و قفل و سرع بالعربيه…و فعلا بعد دقيقه كان وصل..و نزل بسرعه يجري من عربيته..و فتح الباب و دخل بسرعه… يحي:فررريده…و راح ع المكان اللي هما فيه…و كانت فريده نايمه ع الكنبه ف ركن صغير و بتعيط..و امها بتحاول تسكتها…يحي جري عليها و شدها لحـ,ـضنه… و بخضه:فيه ايه ي طنت… مروه بتعيط:كانت بتشوف فرحكم و كانت قاعده هاديه و مره واحده بدأت تعيط و تصرخ بأنها ضيعتك..و فجاءه نامت كده و مش عارفه افرد جسمها… يحي قام و هو شايل فريده..و طلع بيها علي اوضتهم..و دخل ع الحمام الخاص بيهم..و حطها في البانيو و شغل عليها المايه…و خرج يجيبلها فوط عشان لما تخرج…و مروه كانت بتطلع لها هدوم… و فضل سايبها تحت المايه عشر دقايق و فريده لسه بتعيط..و هو واقف جمبها…و مروه قاعده ع السرير و بتعيط…و قفل يحي المايه…و لف فريده بالفوط و لف شعرها و شالها و حطها ع السرير…و بدأت مروه تغير لها هدومها…و فريده هديت جدا بس دموعها لسه بتنزل بهدوء… يحي كان قاعد وهي ف حـ,ـضنه و بحنان:فريده انا جمبك بلاش عياط.. مروه قعدت هي كمان:اهدي بقي يبنتي..يحي مش هيسيبك… فريده بخفوت:ضيعتك بغبائي..ضيعتك بغبائي… يحي بصلها:عمري ما اضيع منك..من فضلك اهدي عشان غلط عليكي كده… …………………………………………………… أنور:اهدي بقي ي مروه انتي كمان..يحي معاها… مروه بصدمه:نفسي اعرف جايب البرود ده كله منين.. أنور اتنهد:مش برود و الله ي حبيبتي..بس هي مع جوزها اللي هو حبيبها..يعني اكتر حد هيعرف يتصرف معاها ف الجو ده.. مروه بحزن:عندك حق..يارب تكون هديت… …………………………………………………………. *فلاش باك* يحي شال أمه و طلع يجري بيها علي عربيته و طار بيها ع المستشفي..و الكل طلع وراه..و هناك عرف أن جالها هبوط ف ضغط الدم.. يحي بيبوس ايديها:حرام عليكي ي ماما تخضيني عليكي كده. إسعاد بتعيط:و انت حارق قلبي عليك بقالك ٣ سنين..بمـ,ـوت كل مره لما مراتك بتسقط و بشوف كسـ,ـرتك…شوف حالك يبني..لما تكبر و ميكونش عندك عيل سند ليك..ضهرك هيكون مكسور… يحي:يا ماما فريده مفيهاش عيب و لا انا..ده كله أمر الله… إسعاد بجمود:انا قولتلك اللي عندي يا يحي..يا تتجوز يا ملكش ام..و ربنا ياخدني يبني عشان ترتاح… *باك* كان يحي مازال قاعد علي السرير و فريده نايمه ف حـ,ـضنه…و بيفكر ف كلام والدته….و بيلعـ,ـن الظروف اللي حطته ف الاختيار ده..بين امه و حب عمره..و استسلم يحي لنومه اهو يهرب شويه من الواقع.. ………………………………………………………… فاق علي صوت خبط الباب..و صوت عالي تحت..ف نزل بسرعه عشان فريده متصحاش…و فتح الباب.. يحي بحده:فيه ايه؟! الحارس:يبشاا الراجل ده عاوز يقابل حضرتك و عمال يقول كلام غريب.. يحي بجديه:انت مين؟! الشيخ مسعد بابتسامه:اللي جاي ينجدك من البلوه اللي انت فيها!!! ……………………………………………………………. يحي استغرب كلام مسعد ف مشي الحرس…و قعد بيه بره ف الجنينه…. يحي بجديه:انت مين..و عارف لو كنت جاي تقول اي هبل اقسم بالله…. الشيخ مسعد قاطعه:امك إسعاد. يحي سكت و استغرب.. الشيخ مسعد:و خالتك دولت…. يحي باستغراب:مالهم! الشيخ مسعد:كلموني من اقل من شهر عشان اعملهم سحر ليك انت و مراتك..و أبطل السحر اللي معمولك… يحي بحده:انت جاي تأكل بعقلي حلاوه!! الشيخ مسعد طلع جهاز تسجيل صغير و شغله…و سمع يحي كل كلام امه و خالته…و بقي قاعد مصدوم و مش قادر يستوعب… يحي بهدوء:عاوز ايه! الشيخ مسعد بطريقه مريبه:مش عاوز حاجه..بس لما طلبوا مني كده و قالوا أن مراتك عملتلك سحر..لقيت أن مفيش سحر معمولك أو حاجه..و كمان اديك شوفت اللي هما طالبينه… يحي فهم أن مسعد عاوز فلوس….بس مقدرش يسيب مسعد و يطلع يجيب دفتر الشيكات بتاعه..يمكن يعمل حاجه ف وقت غيابه.. يحي افتكر بالصدفه ان تليفونه ف جيبه..ف طلعه…و اتصل علي حد من الحرس..و جه الحارس فعلا.. يحي بجديه:خليك هنا و انا دقيقه و راجع… و طلع بسرعه جاب دفتر الشيكات و كتب فيه مبلغ ٢٠ الف جنيه….و نزل….و اداه لمسعد… الشيخ مسعد:امك و خالتك هيطلبوني علي بكره..و هعرفك ايه حصل..سلام عليكم…و ساب التسجيل يحي فضل واقف مكانه شويه يستوعب اللي مسعد قاله..و اخد جهاز التسجيل و خفاه…. . الفصل السابع: طلع يحي اوضته هو و فريده و نام جمبها…راحت فريده حضـ,ـنته و بصتله… فريده بخفوت:اسفه. يحي ضمها لحـ,ـضنه و بهدوء:هششش..متتكلميش يا ديدا… فريده بدأت تعيط:لا هتكلم…انا غبيه اني عملت كده. يحي فريده صعبت عليه لما لقاها كده.. يحي بحب بصلها:انا بعشقك يا فريده..و مهما كنتي هتعملي مكنتش هسيبك..فيه حد يسيب روحه يا مجنونه..و ابتسم لها و باس دماغها… يحي بحزن:مهما عملت ي ديدا اعرفي أنه هيكون لمصلحتنا…اوعي في يوم تحسي اني مش بحبك.. ماشي؟! فريده هزت دماغها ب أه… يحي ابتسم:يلا ارتاحي يا حبيبتي.. ……………………………… دولت كانت عند إسعاد في البيت عشان تزورها بعد تعبها… دولت بحزن مصطنع:يختي ليه كده بس..و ف الآخر منابكيش غير حـ,ـرقه دـ,ـمك… إسعاد بغضب:انا يا هي..و اتصليلي ع الشيخ اللي اسمه مسعد ده… دولت:ليه يختي… إسعاد:اشوفه هبب ايه..يلا قبل ما حد يجي… و سمعوا صوت باب الفيلا بيتقفل… دولت بصوت واطي:هيبقي أكلمه بكره و الا بعده دلوقتي مش نافع… و كانت شمس اللي جات…و سلمت علي دولت و فضلت قاعده معاهم… …………………………………… أميره بتتكلم ف التليفون بحده:يعني ايه…انا طلبت ١٠٠ ألف..ازاي يتحط ف الحساب ٨٠ بس.. الطرف التاني:…………………. أميره بعصبيه:مش مشكلتي..و اوعي تكون فاكر اني مش هعرف اخد حقي..ف بالذوق كده يا شاطر تبعت بقيه الفلوس..بدل ما تدخلوا ف حوارات انتوا مش قدها…اووف.. و قفلت ف وش اللي بتكلمه… و حطت ايديها علي دماغها..و غمضت عينيها…. ………………………………………. كانت فريده في المطبخ قاعده بتتفرج علي يحي و هو بيطبخ…و بتبتسم و بتحمد ربنا أنه لسه معاها.. يحي بهدوء:دوقي كده ي ديدا… و دوقها شوربه المشروم اللي عاملها… فريده بتلذذ: اممم..تسلم ايدك.. يحي بابتسامه:هخلص المكرونه اهو و نتغدي علي طول… فريده:نفسي اعرف ليه مش عاوزني اساعدك.. يحي بهدوء:عشان انتي لسه تعبانه.. و راح وقف أدامها و خبطها علي دماغها بالراحه:كمان انا بعرف اعمل شوربه المشروم احسن منك… فريده بابتسامه:ماشي يا سيدي مقبوله منك… يحي:نخلص غدا و نروح عند عمو و طنت… فريده:ماشي… و فجأه صرخت:الحق يا يحي الاكل… يحي طلع يجري و شال المكرونه اللي اتحـ,ـرقت من علي النار…و بالغلط حله الشوربه وقعت علي الارض.. و فريده ده كله قاعده مبلمه علي اللي حصل في المطبخ..يحي سكت شويه بيبص للارض و اللي عليها و بعدين بص لفريده و ببرود:تأكلي ماك؟! فريده ضحكت و كذلك هو و راح قعد جمبها يشوفوا هيعملوا ايه..و لقوا الباب بيخبط.. ف قام يحي علشان يفتح لقي مروه..و الحارس وراها شايل علي اكل… يحي بيضحك:حماتي الغاليه..دايما بتيجي ف الوقت الصح.. فريده لما سمعت كدا قامت وقفت و لقت امها داخله مع يحي و هو شايل علب اكل.. مروه سلمت علي فريده و اول ما شافت المطبخ ضحكت و لفريده:ايه ده..ازاي سمحتيله ب كده يبنتي.. يحي:و الله الاكل كان يجنن بس ف دقيقه اتحرق و اللي اتكب اتكب.. مروه بتحط العلب:حصل خير…أنور هيحصلني اهو..و نتغدي سوا..عملالكم محشي… فريده:و الله كنا لسه هنتغدي و نيجي.. مروه بابتسامه:اديني سبقتكم…يلا نجهز الاكل أنور جاي ف السكه.. و قضوا اليوم سوا..و باتوا عندهم.. …………………………………….. يحي تاني يوم راح لأمه و قعد معاها بعيد عن الكل.. إسعاد:ها قررت ايه.. يحي اتنهد:موافق يا امي..بس خطوبه الاول..مش جواز علي طول..و كمان فريده مش هتعرف… إسعاد فرحت لما قال إنه موافق و مركزتش ف الباقي المهم عندها أنه وافق… إسعاد بفرحه حضـ,ـنتنه:شاله يخليك يبني و يباركلي فيك..و افرح بولادك..و متقلقش عندي اللي هتصونك.. يحي بحزن:مين؟! إسعاد:اميره بنت خالتك ي ضنايا..انت اصلا كنت خاطبها قبل كده بس سيبتها لما فريده ظهرت ف حياتك..و كمان مفيش انسب من اميره..بنت جدعه و مؤدبه و دكتوره ليها اسمها.. يحي:اللي تشوفيه يا امي.. إسعاد بفرحه:خلاص لو كده انا هكلم خالتك علي بليل نحدد معاد نروح نقرا الفاتحه فيه..و انت اقعد مع ابوك عرفه.. يحي:بأذن الله… الفصل الثامن: محمد باستغراب:انت متاكد يبني من اللي بتقوله ده.. يحي بهدوء:ايوا يا بابا..فعلا لازم اتجوز..مش هينفع افضل كده من غير طفل.. محمد استغرب اكتر و بتساؤل:و مين العروسه إن شاء الله.. يحي:أميره يا بابا.. محمد بجديه:قول كده بقي.. و بعصبيه:يبقي امك هي اللي ورا ده…يا إسعااااد.. يحي بجديه:لا يا بابا ماما مقالتش اي حاجه..و متنساش اني كنت مرتبط ب أميره قبل ما اعرف فريده اصلا..و من فضلك اعمل حسابك اننا هنروح بكره نطلب ايديها..و هنعمل خطوبه الاول لحد ما امهد الدنيا لفريده.. محمد:ليه و انت مش هتعرفها.. يحي:اه يا بابا.. محمد اتنهد:ربنا يهديلك الحال يبني.. ……………………………………………….. فتحت اميره باب الشقه و دخلت..و راحت قعدت ادام التليفزيون مع امها.. أميره:ازيك يا ماما… دولت بفرح:الحمد لله يا عروستنا.. أميره باستغراب: عروستنا..فيه ايه؟! دولت بصتلها و بسعاده:يحي ابن خالتك جاي يطلب ايدك بكره. أميره ببرود:مرفوض قبل ما يجي..و قامت خدت شنطتها و دخلت علي اوضتها… دولت قامت وراها و بجديه:يا خايبه تسيبي كوم الفلوس ده كله..ده انتي هتبقي ام ابنه..يعني معاكي كل حاجه.. أميره:مش هكون رقم اتنين ف حياته.. دولت بخبث:يبت ده انتي رقم واحد عرفك قبل اللي ما تتسمي..و دلوقتي رجعلك اهو..و هتكوني ام ابنه..و معاكي كل حاجه انتي و ابنك..و فضلت بقي تزن علي اميره..و تغريها بالجواز من يحي.. أميره بخبث:افكر ……………………………………………… رجعت من شغلها..و غيرت هدومها بسرعه و نزلت المطبخ تجهز عشا ليهم هما الاتنين..و الاكل بيطيب علي النار بدأت تجهز السفره للعشاء..و جهزت الاطباق و الشموع الحمراء و شغلت الفواحه عشان ريحه الجو تكون حلوه..و طفت علي الاكل و طلعت تجهز..اخدت شاور سريع و لبست فستان قصير لونه احمر فوق الركبه و ضهرها مكشوف..و لبست سلسله سمبل جدا باسم يحي و و جمعت شعرها علي كتفها..و لبست كعب عالي اسود و حطت مكياج بسيط و البرفان الخاص بيها..و نزلت و حطت الاكل في الأطباق…و شغلت موسيقي هاديه..و قعدت تستني يحي.. و بعد شويه فتح يحي الباب و ابتسم لما لقي فريده قاعده و عملاله مفاجئه…يحي راح و حـ,ـضنها و بصلها… يحي بابتسامه:ايه الجمال ده؟! فريده بحب:اعتذار لحبيبي عن اللي عملته… يحي ابتسملها و خدها ف حـ,ـضنه….. فريده بخفوت:رقصني.. بدأ يرقص بيها بهدوء و هي لسه ف حـ,ـضنه… يحي بهمس:بحبك يا فريده… فريده بصتله و بحب:و انا كمان يا يحي… و رفعت أيدها علي كتفه تضمه…. و قضوا ليله رومانسيه و كل الخلافات بينهم اتمحت.. ………………………………………………………. إسعاد بفرح:لولولولي..لولولولي… لولولولولي…. دولت بتوزع عليهم حاجه ساقعه:اتفضلوا اتفضلوا..اتفضل يا حااج..اتفضل يا يحي يبني… إسعاد:اومال فين عروستنا… دولت قعدت:جايه يا ام يحي.. أميره يا أميره.. و ضحكت:ما انتي عارفه بقي كسوف اميره الزايد… أميره خرجت و سلمت عليهم و هي وشها في الأرض.. إسعاد:تعالي ي ميرو اقعدي جمبي انا و عمك محمد… أميره راحت و قعدت جمبهم.. محمد بهدوء:طبعا انتي عارفه احنا جايين ليه يا حاجه دولت…طالبين أميره بنتك لابننا يحي… دولت بفرح:ماشي و نعرف رأي العروسه ايه الاول.. أميره بدلع:ماما… و حطت وشها في الأرض تاني من الكسوف… و يحي كان قاعد مش طايق الجو ده..و عمال يفرك مكانه… محمد:طلباتك ايه يا أم أميره؟ دولت بهدوء:و الله أميره بنتي هي اللي طلعت بيها من الدنيا..و هي اغلي ما في حياتي..عشان كده اهم حاجه أن يحي يصونها.. يحي اتنهد:في عنيا يا طنت.. دولت بفرح:و طلباتنا مش صعبه علي يحي.. محمد:ايه هي؟! دولت اتنهدت و اتكلمت بتكبر:شبكه تليق بمقام بنتي..و فيلا تقعد فيها اه اصل انا بنتي متدخلش علي حاجه غيرها..و مهرها مليون جنيه..و المؤخر زيهم..و الخطوبه زي ما هما يحددوا..و يتعمل لبنتي حفله خطوبه و فرح كمان.. إسعاد بابتسامه:ده غير هديتي لست البنات.. محمد كان لسه هيعترض بس يحي قاطعه و بهدوء:موافق يا طنت… إسعاد بهدوء:مش يلا بقي يا جماعه نسيب العروسه و العريس مع بعضهم.. و قاموا كلهم و سابوا أميره و يحي… يحي: مبروك.. أميره بخجل مصطنع:الله يبارك فيك يا يحي.. يحي:اخبارك شغلك ايه..سمعت ان عندك كذا فرع لصيدلياتك.. أميره:الحمد لله..ربنا اداني علي قد تعبي.. و بصت ليحي و ابتسمت بخجل و بصت في الارض تاني.. ……………………………………………………. رجع يحي علي بيته و دخل لقي فريده نايمه ادام التليفزيون ف اخدها ف حـ,ـضنه و فضل سرحان لحد ما نام هو كمان…و فاق تاني يوم علي صوت خبط علي الباب..و فريده كمان صحت…و قام فتح الباب…و اتصدم من اللي شافه… فريده سمعت صوت بيتكلم بجديه:انت يحي صباح؟!! يا تري ده مين؟!! اللهم حقق لي احلامي❤️و اكفني شر خلقك❤️صلوا علي النبي بنيه تحقيق الاحلام و رفع البلاء❤️ بسم الله الرحمن الرحيم. الفصل التاسع: فتح يحي الباب و لقي ادامه ظابط و ٥ عساكر… الظابط بجديه:انت يحي صباح؟! يحي:ايوا انا.. الظابط:طب اتفضل معانا. يحي بجديه:ممكن افهم فيه ايه؟! الظابط:هتفهم هناك يا يحي بيه..اتفضل… فريده خرجت و بحده:يتفضل فين… و مسكت دراع يحي بخوف:يحي.. يحي بيطمنها:اهدي يا حبيبتي هروح معاهم اشوف بس فيه ايه اكيد سوء تفاهم.. فريده بخنقه و خلاص هتعيط:انا هكلمك بابا و اجي معاه…. و مشي يحي معاهم..و فريده طلعت تلبس بسرعه و اتصلت علي ابوها و هي بتعيط و فتحت الاسبيكر و بدأت تلبس بسرعه…. فريده ببكاء :الحقني يا بابا..اخدوا يحي… أنور كان لسه صاحي ف مجالوش الخبر من قبلها:اهدي بس يا فريده..اكيد فيه سوء تفاهم..انا هلبس بسرعه اهو و اروح.. فريده بخوف:سوء تفاهم ايه بس يا بابا..انا هسبقك ع القسم.. أنور بجديه:مينفعش يا فريده.. فريده اخدت شنطتها و نزلت:مش هقدر يا بابا… و قفلت معاه…و ركبت عربيتها و طلعت بسرعه ع القسم…. أنور قام بسرعه غسل وشه و طلع يلبس و مروه بتحاول تفهم منه ايه اللي حصل… أنور:قبضوا علي يحي.. مروه بخضه:يا نهار اسود…لييه…و ازاي معرفتش من قبلها… أنور بجديه:معرفش يا مروه..انا فوقت علي تليفون البنت و هي بتعيط… مروه:و محدش بلغ اهله؟! أنور:لا.. مروه:طب بلغهم يا أنور مش ناقصين امه تقول حاجه… أنور:هتصل بالحاج محمد و انا ف الطريق..سلام.. ………………………………………………… إسعاد بخضه لطمت علي وشها:يالهوووي…ابني..ابني.. شمس بقت بتمنعها أنها تلطم..و محمد بيتصل علي شريف عشان يتصل بمحامي الشركه و يحصلوه علي القسم..و قفل مع شريف و زعق في إسعاد:ممكن تبطلي بقي انا مش ناقص..انزل استني شريف يعني علي ما يجي ياخدني في الشارع… إسعاد بحده:روح الهي منك لله..هلاقيها منك و الا من خوفي علي ابني.. شمس:يا ماما اهدي بقي مش كده… إسعاد بتعيط و بقت تعدد:كانت دخلتها عليك يبني دخله السواد و الندامه..مشوفتش يوم حلو من ساعه ما اتجوزتها… محمد قام وقف:انا ماشي عشان ما امسكش ف خناقك..ست ناقصه عقل و ايمان.. إسعاد بصوت عالي:مع السلامه يخويا و القلب داعيلك.. شمس بقله حيله:يا ماما بابا عنده حق اللي بتعمليه ده مش نافع… إسعاد زعقتلها:ما انتي بنت ابوكي من يومك…اجري هاتيلي التليفون اعرف خطيبته… شمس برفض:لا يا ماما..بابا هيزعق لما يعرف.. إسعاد بعصبية:وسعي انا غلطانه اني طلبت منك حاجه…و قامت اتصلت علي اختها… دولت بخضه:يالهووي…ده حصل ازاي ده.. إسعاد بتعيط:اه يختي حصل..هو من ساعه ما اتجوزها و قدمها عليه نحس.. دولت:اهدي بس يا إسعاد يختي عشان ضغطك ميعلاش… و بكدب:ده أميره من اول ما النهار طلع يقلب امها نزلت عشان شغلها..لو كانت هنا و عرفت كان زمانها جريت علي القسم تشوف فيه ايه… و بخبث:و بعدين فين ابوها يختي ازاي يتقبض علي جوز بنته من غير ما يعرف مش بتقولوا واصل ف الداخليه… إسعاد بغضب:و الله ما عارفه..مش بعيد تلاقيه هو اللي وراها..اه يبني اه يا حبيبي… دولت:اهدي بس يختي..و قومي خدي الدوا بتاعك..و انا هلبس و اجيلك… و قفلت مع إسعاد..و قامت…كانت أميره نايمه في اوضتها و دخلت دولت عليها.. دولت:يعيني يقلب امك..حتي الراجل اللي كان هيهنيكي اتحبس… و بدأت تنادي عليها تصحيها: أميره.. أميره..اصحي يبنتي.. أميره بنوم:يا ماما سبيني انام شويه انا ما صدقت قولت اخد النهارده اجازه.. دولت:قومي يبت يحي اتقبض عليه.. أميره فاقت و قامت قعدت ع السرير:ليه؟! دولت:مش عارفه لسه واخدينه من بيته من قيمه ساعه..و انا هقوم البس و اروح لخالتك..و خلي بالك قولتلها انك نازله من اول ما الشمس طلعت عشان شغلك…و لو لقيت الجو طالب انك تيجي هبعتلك رساله.. أميره نامت تاني:طيب يا ماما… و كملت نومها بمنتهي البرود…و دولت قامت لبست و نزلت تروح لأختها… ………………………………………………… كانوا كلهم واقفين بره اوضه التحقيق و أنور جوه مع يحي…و فريده واقفه و بتحاول أنها متعيطش… محمد بحنان:اقعدي يا فريده يا بنتي.. فريده سمعت كلام محمد و قعدت علي كرسي عشان مفيهاش قوه انها تناقش حد أو تتكلم..لأنها لو اتكلمت هتعيط…و جوه كان أنور و يحي قاعدين و كيل النيابه بيحقق مع يحي…و معاهم محامي الشركه.. يحي بجديه:ايوا فعلا الشركه عندنا طلبت الشحنه دي عشان بنجهز لمنتج جديد..بس اكيد طبعا المواد هتكون صالحه للاستخدام مش منتهيه الصلاحيه.. المحامي حط ملف ع المكتب:و ادي الورق يا فندم اللي يثبت ده.. وكيل النيابه اخد الورق و بدأ يقرأ فيه… أنور بجديه:بالعقل يعني يا حسين باشا مش هيكون محضر لمنتج جديد و يجيب مواد فاسده يصنعه بيها..كمان اخلاق يحي بيه معروفه في السوق… وكيل النيابه:تمام يا أنور بيه..اكتب يبني.. ………………………………………………. صحت علي صوت رن الجرس…ف قامت تشوف مين.. أميره بنوم:يووه يا ماما كل مره تنسي حاجه كده… و فتحت الباب.. أميره بخوف:جاسم!! جاسم بوقفه مسرحيه و سخـ,ـريه:بونجور يا ست البنات.. و مسكها من شعرها… جاسم بهدوء:هو انا مش قولتلك يا ميرو لو الخطوبه دي تمت هندمك… و بحده :قولت و الا مقولتش… أميره بخوف علت صوتها:اهدي بس يا جاسم هفهمك.. جاسم شد شعرها اكتر ف اميره صرخت… جاسم بحده:مسمعش نفسك..ده انتي يومك معايا اسود… و زقها علي الارض… أميره بتعيط و بخوف:افهم بس..و الله ما كان هينفع ارفض..ماما كانت مصممه و الله…و كمان انا مكنتش هخلي الموضوع يتم… جاسم ضـ,ـربها برجله و مسكها من شعرها: مفكرره هيدخل عليا الكلام ده يا بنت الكلب.. و ضـ,ـربها بالقلم… أميره بصراخ:اااه..اهدي اهدي بس و اللي هتقول عليه هعمله… جاسم رفع وشها ليه و بجديه:اللي حصل النهارده ليه و ليكي قرصه ودن صغيره.. أميره بخوف:اهدي يا جاسم و الله هعمل كل اللي هتقولي عليه…. جاسم خبط دماغها ف الارض و قام و نزل… أميره قامت بسرعه عشان تروح عند دولت و إسعاد..لأنها خايفه الا جاسم يرجع…دخلت تغير لبسها بسرعه و دارت أثر خبطه دماغها ف الارض بالميكب..و نزلت بسرعه ركبت عربيتها و طارت علي بيت دولت…و من وراها عربيه مراقبه تبع جاسم.. …………………………………………………… خرج أنور و معاه يحي و المحامي و فريده جرت علي يحي اول ما خرج..و بقت تعيط… أنور بيضحك:يبت بطلي عياط بقي.. المحامي:متقلقوش يا جماعه يحي بيه هيدفع كفاله و خلاص… شريف: كام يا متر عشان اجيبهم.. المحامي:٢٠٠ الف… شريف لمحمد:هغيب نص ساعه يا حاج و ارجع…و مشي.. أنور:يلا بينا يا جماعه.. محمد باستغراب:مش المفروض ندفع الفلوس الاول.. أنور:وكيل النيابه كان طالب ليا..و بعدين سمعه يحي معروفه..ف ملوش لازمه قعده هنا..يلا يا حاج… محمد كان هيتكلم و بعدين سكت… أنور كان فاهم ف قال لفريده:ديدا بقولك ايه يا حبيبتي تعالي يلا معايا هوصلك البيت عند ماما و يحي هيروح مع حاج محمد و يجي يتغدي معانا… فريده طبعا مينفعش تعترض ف وافقت:حاضر يا بابا.. و خرجوا كلهم و راح يحي مع ابوه بعربيه فريده..و فريده ركبت مع أنور ف عربيته… …………………………………………………….. دولت استغربت أن بنتها جات من غير ما تقولها… أميره بخوف مصطنع:اول ما عرفت من ماما يا خالتو جيت جري..الا مفيش جديد! إسعاد:لا و الله يا بنتي لسه..جيب العواقب سليمه يارب… دولت:قومي يا أميره حضري فطار لخالتو عشان تاخد دواها… أميره:حاضر يا ماما… و قامت دخلت المطبخ و بدأت تجهز ف الفطار… شمس نزلت من اوضتها و بفرح:ماما..ماما..يحي خرج يا ماما و راجع مع بابا اهو… إسعاد بفرح:لولولولولي..لولولولي..الحمد لله يااارب… دولت:ربنا يطمن قلبك عليهم دايما يختي… أميره جات من المطبخ علي صوت الزغاريط… أميره:خير يا جماعه.. إسعاد شدت اميره بحـ,ـضنها و بفرح:يحي خرج يا أميره..من يومك قدم السعد يبت… أميره ابتسمت بخجل مصطنع و بفرح:خلاص هروح اعمل حسابهم معانا ف الفطار… و جرت بسرعه علي المطبخ… صلوا علي النبي بنيه رفع البلاء و فك الكروب❤️ بسم الله الرحمن الرحيم . الفصل 10 وصلوا الفيلا و نزل يحي و محمد و دخلوا…و اول ما إسعاد شافت ابنها بقت بتزرغط و جرت عليه تاخده ف حـ,ـضنها و بقت تعيط…محمد ما اتكلمش معاها و راح قعد… إسعاد بدموع:ربنا يبعدك يبني عن اي شر و اي حد وحش…منهم لله يا حبيبي.. يحي خرج من حضـ,ـنها:خلاص يا امي اهدي بالله عليكي عشان ضغطك.. دولت:حمد لله ع السلامه يا يحي.. يحي:الله يسلمك يا طنت… أميره جات من المطبخ هي و شمس..و شمس اول ما شافت يحي جرت عليه تحـ,ـضنه اما أميره ابتسمت بخجل مصطنع:حمد لله ع السلامه يا يحي… يحي ببرود:الله يسلمك يا أميره… أميره:انا جهزت الفطار دقيقه و هيكون علي السفره.. و مشت بسرعه علي المطبخ… يحي لشمس اللي لسه ف حـ,ـضنه:يبت كفايه بقي أحضان تعالي نقعد طيب… شمس بتضحك:انا غلطانه يعني اني خوفت عليك… يحي بطريقه مضحكه:لا ياستي مش غلطانه..بس تعالي نقعد ريقي ناشف يبت…الله يكون في عون نادر… الكل ضحك عليهم…و كانت أميره خلاص جهزت السفره…. أميره بصوت عالي:يلا يا جماعه الاكل جهز.. دولت بفخر:هتفطروا بقي فطار انما ايه ملوش حل… إسعاد:تسلم ايديها ست البنات… و قعدوا..و كانت لسه شمس هتقعد جمب يحي.. إسعاد بتذكر مصطنع:اه يا شمس..بالله عليكي هاتيلي الدوا يا بنتي… شمس:حاضر يا ماما… و كانت أميره خلاص حطت اخر حاجه ع السفره..و قعدت جمب يحي….بعد ما أمها غمزتلها…و طبعا ده كله مخطط منها هي و إسعاد… أميره ليحي:ممكن طبقك احطلك من البطاطس.. يحي أداها طبقه بصمت…و هي حطتله من الاكل و رجعت الطبق تاني.. و بابتسامه خجوله:بالهنا و الشفا… يحي بابتسامه عاديه:الله يهنيكي… و كانت إسعاد بتابع اللي بيحصل و هي بترقص من جواها و الحال عند دولت مختلفش كتير… إسعاد بمدح:تسلم إيدك يا ميرو ايه الاكل الجميل ده. أميره بخجل مصطنع:حبيبتي يا خالتو تسلميلي. و أخدت من البيض اللي قدامها و حطت ليحي في طبقه… أميره بدلع:كل يا يحي كويس… يحي بصلها و ابتسم ببرود و رجع يكمل اكله.. ……………………………………………….. كانت مروه قاعده ادام التليفزيون و بتشرب شاي و سمعت الباب بيخبط…قامت فتحت الباب لقت فريده في وشها…سلموا علي بعض…و دخلت فريده… مروه:تعالي يا حبيبتي اقعدي..استني هجيبلك فطار و اجي.. فريده قعدت و بتعب:لا يا ماما..مليش نفس اكل حاجه.. مروه بقله حيله:طب هجيبلك عصير… و دخلت المطبخ جابت عصير تفاح لفريده… فريده:شكرا يا ماما.. مروه:ايه اللي حصل بقي… فريده هزت رأسها بأنها متعرفش حاجه:و لا اعرف..الصبح البوليس جه اخده و طلع بكفاله… مروه بهدوء:بصراحه يا فريده حاسه ان اللي حصل ده تلفيق ليحي.. فريده اتنهدت و بتفكير:بس من مين..يحي ف حاله.. مروه:اكيد هو عارف يبنتي..كل واحد بيكون عارف مين أعدائه.. فريده:عندك حق… ………………………………………………. خلصوا فطار و قعدوا شويه… دولت:حمد لله علي سلامتك يا يحي يبني..يلا بينا يا أميره… إسعاد:يلا فين..هتقعدوا تتغدوا معانا..اديكوا سمعتوا دنيا بتجيب الاكل و جايه اهو.. دولت:مره تانيه بقي يا ام يحي… أميره:و انا يا طنت بعتولي أنهم محتاجني في فرع يادوب اروح اغير هدومي و اروحلهم… إسعاد بقله حيله:اللي تشوفوه… يحي قام:طب استأذن انا بقي و اهو اوصلهم ف سكتي.. إسعاد:نعم!يعني مش هتتغدي معانا.. يحي:للاسف لا يا أمي عاوز ارتاح..و بعدين لسه فاطر من ساعتين…يلا يا جماعه.. و سلم علي امه و ابوه و شمس.. و خرج و دولت و أميره خرجوا وراه…و كان يحي اتصل علي شريف يكلمه عشان يمنع دولت أو أميره يفتحوا اي حوار معاه…و أميره اضايقت جدا من ده… و صلوا بعد نص ساعه و دولت شكرت يحي و طلعوا… أميره دخلت علي اوضتها و بدأت تغير… دولت باستغراب:ايه يبنتي رايحه فين.. أميره: مطلوبه في فرع يا ماما… دولت بهدوء:و الله حسبتك بتقولي كده عشان نمشي.. أميره:لا هما فعلا طلبوني..و احتمال كبير ابات هناك يا ماما..فيه طلبيه ادويه جات و لسه بقي هتتوزع و تترتب و تتسعر ف متستننيش.. دولت:طب كلي الاول.. أميره بتلف حجابها:مش هلحق..لازم اروح بسرعه عشان استلمها.. و اخدت شنطتها و تممت أن كل حاجتها معاها.. أميره:باي يا ماما.. …………………………………………… كان يحي وصل تحت بيت فريده و ركن عربيته و طلع…فتحتله فريده الباب و اول ما شافته اترمت ف حـ,ـضنه… فريده بخفوت: معرفتش احـ,ـضنك الصبح.. يحي حاوطها بدراعه:عارف…وحشتيني اوي.. فريده:و انت كمان… أنور بحده:اثبت مكانك.. يحي و فريده اتفزعوا…و بعدوا عن بعض… أنور بيضحك:ههههههههههه..يالهووي عليكم…تعالي يا مروه شوفي… مروه جات و بسخريه:حقهم..ده انا اتفزعت و انا ف المطبخ و الطاسه كانت هتقع مني. يحي و فريده ضحكوا عليهم… مروه:تعال يا يحي اقعد يبني..حمد لله علي سلامتك… يحي بابتسامه:الله يسلمك يا طنت.. مروه بمرح:عملتلك ورقه اللحمه اللي بتحبها… يحي بفرح:بجد!!تسلم ايديك.. أنور بشغب:يا بختك يعم حماتك بتحبك مش زي حماتي.. مروه باستنكار:نعممم…ليه و انا ماما مكانتش بتحبك و الا ايه يا استاذ أنور… أنور بسخريه:طبعا يا حبيبتي كانت بتحبني..ده من كتر حبها فيا خلتني خطبتك ٣ سنين و غلبتنا علي ما عملنا الفرح… فريده قامت وقفت:اسمحولي بس اقفل صفحه الماضي اللي فتحتوها و يلا ناكل… ………………………………………………. وصلت و طلعت البيت و كانت شايله اكل…و دخلت و بدأت تجهز نفسها.. ………………………………………………… بليل كانت قاعده مستنياه و لابسه قميص نوم اسود و مجهزه الاكل علي السفره…سمعت صوت الباب بيتقفل…و دخل.. أميره قامت بهدوء حضـ,ـنته: وحشتني… جاسم تجاهلها و دخل و قلع جاكت البدله اللي لابسها… أميره حـ,ـضنته من ضهره و بدلع:ايه يا حبيبي هتفضل زعلان مني كتير كده… جاسم بهدوء:اللي عملتيه ميتغفرش بسهوله… أميره بدلع:و أنا جايه اعتذرلك اهو يا جاسم…و اللي هتطلبه مني هنفذه… جاسم بصلها و ابتسم بخبث… الحاد. الفصل الحادي عشر: حست فريده بحركه علي وشها ف فتحت عينيها..لقت يحي بيبصلها و هو مبتسم.. يحي بابتسامه:صباح الورد.. فريده بادلته الابتسامه:صباح النور. و بصت حواليها:هي الساعه كام.. يحي بخفوت:١٢… فريده اتفزعت:نعمم!!كاام..انا اتأخرت ع الشغل.. و لسه هتقوم بس يحي منعها.. فريده:يا يحي عندي شغل.. يحي:تؤ..اجازه..هاخدك النهارده نغير جو… فريده بتساؤل:و الشغل.. يحي بيضحك:ما يولع… فريده باستغراب:بتكلم بجد يا يحي… يحي: اه و قومي البسي يلا عشان انا جعان و عاوز أفطر…يلا بدل ما اغير رأيي.. و ضحك و فريده ضحكت هي كمان و قامت تجهز.. ………………………………… صحي جاسم من النوم و قام لقي أميره واقفه ف المطبخ بتحضر الفطار…. أميره بابتسامه:صباح الخير.. جاسم باسها علي خدها و سند دماغه علي كتفها و بنوم:انتي صحيتي ليه يا ميرو… أميره:بحضرلك الفطار.. جاسم:لا بصي فيه اهم من الفطار… أميره ضحكت بقله حيله…و جاسم شالها و دخل بيها علي اوضه النوم…. …………………………………. دولت هاتفيا:الو ايوه يا إسعاد يختي..بقولك ما تجيلي النهارده..اهو نتغدا سوا جايبه شويه فسيخ انما ايه يستاهلوا بوءك… إسعاد:خلاص يختي جيالك هلبس و اجي الحاج هيتغدي بره ف الشغل و شمس خطيبها مخرجها النهارده..و اهو بالمره اشوف ست البنات… دولت:لا ياختي اميره مش هنا..أميره ف المنصوره بتراجع حاجات هناك و هترجع علي بكره كده .. إسعاد:و دي تيجي يختي تسافر من غير إذن يحي… دولت حست انها غلطت:يختي ما هي قالت امبارح قدام يحي.. إسعاد بتذكر:اه يختي صحيح..معلش عقلي مش دفتر.. دولت حمدت ربنا ف سرها:طب يلا بقي تعالي متتأخريش و انا هوضب الحاجه علي ما تيجي.. …………………………………. كان يحي قاعد مع فريده علي مركب ف نص النيل.. يحي بغناء:و انا الليله ديه كل ده في ايديا يمكن في الدنيا دي اكون انا الوحيد.. فريده بترد عليه:و الله كل حاجه فيا بتناديلك…ايوا كل حاجه فيا بتناديك.. و ضحكت و حضـ,ـنت يحي… فريده بابتسامه:ايه الرومانسيه دي كلها يا استاذ يحي.. يحي بسخريه:شايف مزه تانيه.. فريده بصتله بسرعه و بفخر:علي فكره متقدرش تعيش من غيري… يحي خبط دماغه ف دماغها بالراحه:عارف. فريده سندت ايديها علي صدره و بحب:يحي اللي اعرفه ميعملش كده… يحي ابتسملها و باس دماغها:اكيد..ده انا امـ,ـوت قبل ما اعمل كده يا ديدا… فريده بحده:بعد الشر… يحي:بتخافي عليا.. فريده بسـ,ـخريه:لا اخاف علي ابن الجيران… و سندت عليه:يلا كمل غنا… …………………………………. بعد كام يوم اضطر يحي أنه يعزم أميره علي الغدا و أمه مش بتبطل زن عليه ب ده..ف اخدها و راح بيها علي مطعم..و طول القعده أميره عامله نفسها مكسوفه..و يحي قاعد بيتكلم معاها بهدوء… يحي:بعد اذنك.. أميره:اتفضل.. و قام يحي يروح الحمام و ساب تليفونه… ……………………………….. كانت فريده ف شغلها و كانت هتطلب غدا دليفري عشان مش هتلحق تطبخ..ف قررت تتصل علي يحي تسأله هيأكل ايه..و مسكت تليفونها و اتصلت عليه بس مفيش رد..و فضلت ترن تاني و تالت… ………………………………. أميره كانت قاعده و شايفه تليفون يحي عمال يرن..فضلت قاعده تراقب التليفون بعين ضيقه و بخبث..و اتنهدت و مسكت التليفون و ردت.. فريده:ايوا يا حبيبي.. أميره:ايوا مين! فريده نزلت التليفون من علي ودنها و بصتله و بعدين رجعته تاني:تليفون يحي! أميره:ايوا.. فريده بشك:انتي مين.. أميره ببرود:أميره خطيبته..يا ديدا… يحي من ورا أميره بغضب: أميررررررره!!! بسم الله الرحمن الرحيم. . الفصل الثاني عشر: يحي من ورا أميره بغضب:أميررره… كل اللي في المطعم بصوا علي يحي و أميره بصت ليحي ببرود اكنها معملتش حاجه و بدلع:فريده بتكلمك يا حيياااتشي… فريده بصوت عالي وصل ليحي:حيااااتشي…ده انا هسود حياااتشك… و قفلت السكه… يحي راح شد أميره من دراعها و بحده:انتي اتجننتي ازاي تعملي كده.. أميره بصدمه مصطنعه:فيه ايه يا يحي..و ازاي تمسك ايدي كده.. و بصت علي ايده اللي ماسكها دراعها جامد:من فضلك سيب ايدي.. يحي ساب دراعها و بيحاول يهدي:أميره انتي عملتيلي دلوقتي مشكله كبيره مع فريده… أميره بدموع زائفه:سوري يا يحي مكنتش اعرف اني هعمل كده..انا فكرتك معرفها اننا مخطوبين.. يحي بيمسح وشه ف محاوله أنه يهدأ:خلاص يا ميرا محصلش حاجه..اتفضلي يلا عشان اوديكي لوالدتك… أميره بخضوع:حاضر… ………………………………. فريده اول ما قفلت مع أميره وقعت كل اللي علي مكتبها بعصبيه… فريده بغيظ:انا كنت عارفه انا كنت عارفه أمه الحربايه بتنخور ورا ايه..يا قـ,ـذره يا بنت الكلب يا قـ,ـذره يا بنت الكلب.. و اخدت شنطتها و نزلت تجري..و كل اللي ف المكتب كانوا عمالين يبصوا علي مكتبها بسبب الصوت و اول ما خرجت ديروا وشهم…نزلت تجري علي عربيتها…و طلعت علي بيت أبو يحي… ……………………………….. كانت إسعاد و دولت قاعدين ف الجنينه و بيتكلموا مع مسعد فيديو… إسعاد:ايه يا شيخنا أتأخر ف الطلاق ليه.. الشيخ مسعد:و الله يا حاجه دولت العمل المعمول لابنك صعب يتفك بسهوله و انا بحاول افكه… دولت:بص يا شيخ مسعد عاوزاك تعمل لاميره بنتي حجاب يحصنها اكيد المخفيه دي هتأذيها… الشيخ مسعد:بأذن الله…… و لقوا عربيه دخله الفيلا و نزلت منها فريده…دولت اول ما شافت كده قفلت ف وش مسعد…و فريده راحت عليهم و بصوت عالي:مش عيب برضه يا حماتي أما تعلمي ابنك الرمرمه و أنه يعرف ستات علي مراته… إسعاد و هي لسه قاعده:لا و انتي الصادقه ده انا بعلمه يستنضف… فريده شهقت:تصدقي انك ست قليله الادب… دولت:بقولك ايه يا بنت انتي اتفضلي يلا من غير مطـ,ـرود انا اختي صاحبه مرض مش هستني أما واحده حماره زيك تضيعها… فريده ببرود:حماره…طب تمام اوي.. و حطت شنطتها علي كرسي جمبها و شمرت كمام الجاكت اللي لابساه.. و بحده:تعالي بقي يا حيلتها و انا اعرفك… و هجمت علي دولت و بدأت تضـ,ـرب فيها بكل قوتها و دولت بقت بتضـ,ـربها هي كمان و إسعاد عماله تصوت…و شمس طلعت من الفيلا و محمد و راحوا يحوشوا… فريده بصراخ:انا هعرفكم يا شويه رمم ازاي تاخدوا جوزي مني…و قلعت جزمتها و بقت نازله ضـ,ـرب علي دولت…و إسعاد بتعض ف فريده عشان تسيب اختها…بس فريده بتزق فيها..و شمس مصدومه من المنظر و محمد مش عارف يتدخل…. شمس بتحاول تبعد فريده:يا فريده بس علشان خاطري…مينفعش كده يبنتي… و فريده ماسكه ف دولت و بتضـ,ـربها…و بتعضها كمان… لحد ما وقعتها ف الارض. فريده:اتفو…و عدلت هدومها و بتوعد:انتي اللي بدأتي انتي و هي يا عالم يا غجر استحملوا بقي و قله ادب بقله ادب…يا شويه رمم… و اخدت شنطتها و لسه هتمشي لقت عربيه يحي داخله الفيلا…. فريده بصوت عالي:نورت يا حياتشي..مش كنت تقول كنت جيت رقصتلك ف الخطوبه…بس احنا لسه فيها…لولولولولولولولولي… يحي كان واقف مصدوم و مش عارف يقول حاجه…و أميره فضلت قاعده ف العربيه خايفه تنزل…. يحي بتوتر:يا ديدا..افهمي… فريده بتقلع الجزمه بتاعتها و بترقب:اه افهم… و هجمت علي يحي و بقت نازله فيه ضـ,ـرب… إسعاد بتزق شمس و بتلطم:يالهووي الحقي اخوكي من بنت الكلب دي… و فريده اتشعلقت علي ضهر يحي و بقت نازله ضـ,ـرب فيه و عض..و يحي بيحاول ينزلها من علي ضهره بس مش عارفه لدرجه انه وقع بيها…و فريده فضلت تضـ,ـرب فيه…و بعدين قامت و راحت عند أميره ف العربيه… فريده بسخريه:ستش العرايس سامحيني معرفتش اباركلك ف وقتها…و راحت نازله عليها ضـ,ـرب بالجزمه… دولت بتلطم:يالهوي..يالهووي هتمـ,ـوتلي البت… أميره بقت بتزق فريده و بتضـ,ـربها و بصـ,ـراخ:الحقني يا يحي…. فريده:محدش هيلحقك مني… و يحي و شمس بيحاولوا يبعدوا فريده بس مش عارفين… فريده بحده ليحي:اووعي يا رمرام يا قذر… و حدفته بالجزمه ف وشه…و مسكت أميره بايديها الاتنين من شعرها و نزلتها من العربيه…و جرجرتها لحد ما وقعتها ف حمام السباحه…. إسعاد و دولت كانوا بيصوتوا…و شمس واقفه مبلمه ع اللي فريده عملته… فريده بتعدل هدومها ببرود:الف مبروك و عقبال علقه الفرح… أميره كانت بتصرخ عشان مش بتعرف تعوم و بدأت تغرق… محمد ليحي بحده:انزل هات البت… و فريده اخدت شنطتها و لبست جزمتها و ركبت عربيتها و مشيت… و يحي نزل جاب أميره من حمام السباحه و فضلت تعيط..و كذلك دولت… دولت:لا يا أبو يحي لازم يحي يجبلي حقي انا و بنتي من المتوحشه دي… شمس بسخريه:و النبي يا طنت تسكتي يحي مش عارف ياخد نفسه من الضـ,ـرب اللي خده… محمد:طب و الله بت جدعه و بميت راجل… و ليحي:شوف هتتصرف معاها ازاي هي و أبوها يا سبع البرومبه… يحي كان قاعد ع الأرض و حاطت ايده علي دماغه…و أميره نايمه بتحاول تتنفس من العلقه اللي خدتها…. ……………………………….. روح يحي بليل و اول ما دخل الفيلا كان الجو هادي..ف طلع اوضته هو و فريده بس لقي فريده وقفاله و لماله هدومه… فريده:اللي كنت عندهم بقي روحلهم… و راحت حادفه شنطه الهدوم عليه رغم تقلها الا أنها قدرت تحدفها عليه… و زقته:يلا يا شورتها..يلا يا اخويا و عاملي فيها راجل..اتاريك كنت بتعمل نفسك راجل عليا انا بس… و لسه هتقفل الباب يحي سده برجليه و بتوسل:يا فريده بالله عليكي كده مينفعش… فريده:لا ينفع يقلب إسعاد… و زقت الباب جامد ف يحي صرخ من زنقه الباب علي رجله و بعدها… فريده من جوا:سنينك سودا معايا.. الثالث عشر . الفصل الثالث عشر: فضل يحي يترجي فريده انها تفتح بس فريده تجاهلته و مردتش…ف شال شنطه هدومه و نزل ركب عربيته و طلع علي بيت ابوه.. …………………………. أميره قاعده بتعيط:يرضيكي كده يا خالتو اللي حصل و الله لوديها ف داهيه الحيوانه دي.. دولت بجديه:العيب علي جوزها اللي معرفش يلمها… إسعاد:ما تسكتي بقي يا دولت يختي ما تقومين البت… و لأميره:و الله لاخليه يردلها العلقه دي و يرميها ف الشارع اهدي بقي… أميره فضلت تعيط برضه و دولت كل شويه تقومها اكتر… ………………………. دنيا هاتفيا بانبهار:فريده عملت كده!! شمس: اه و الله دي اتحولت يا دنيا..ده حتي يحي مقدرش عليها من اللي عملته… دنيا اتنهدت:حقها..و اكيد خالتك و امك برضه سخنوها.. شمس:ده الاكيد.. دنيا:و انتي الأوضاع عندك ايه… شمس بقله حيله:قالبينها مناحه و امك مسكت فيهم يباتوا عندنا..و مش مبطلين لحد ما زهقت انا و بابا و كل واحد طلع علي اوضته..و كمان ساعه كده هنزل اجهز العشا.. دنيا بتضحك:هههههههه يقلب امك امتي تتجوزي بقي و ترتاحي من اللي عندك ده… شمس:شكلها مفيهاش جواز بالوضع ده يا دنيا…و سمعت صوت عربيه داخله… شمس:بت استني… و قامت دخلت البلكونه لقت أن دي عربيه يحي و يحي نزل منها و فتح الباب اللي ورا و نزل شنطته… شمس بصدمه:الحقي يا دنيا يحي جاي بشنطه هدومه.. دنيا شهقت:يا فريده يا قادره! ………………………….. رن يحي الجرس و إسعاد قامت فتحتله و اول ما شافت شنطه هدومه صوتت.. إسعاد بحده:كرشتك من البيت… يحي بكدب:لا انا اللي سيبته… و دخل و قفل الباب و راح قعد علي كرسي جمب كرسي دولت… دولت بخبث:قادره و تعملها… يحي بجديه:من فضلك يا طنت انا مش مستحمل و لا كلمه بدل ما اروح اقـ,ـتلها…و انا اللي سيبت البيت مش هي… إسعاد بتوبيخ:و تسيبه ليه يا موكوس يا ابن الهبله..اه ابوها أداها التعليمات ازاي تتصرف…تلاقيها غيرت كالون الباب.. أميره صرخت فيهم:ما تغيره و الا تولع دي مدت ايديها عليا و الاستاذ مجابش حقي… يحي بحده:ينفع تخرسي انتي كمان… أميره قامت وقفت و بتزعق:هو انت مقدرتش علي الحمار هتقدر علي البردعه… يحي هو كمان قام و بحده:صوتك ميعلاش انتي فاهمه… محمد نزل علي صوتهم و بزعيق:ما تتلم انت و هي مش كفايه اللي هببتوه.. دولت:شايف ابنك يا حاج.. محمد بجديه:ابني مغلطش دلوقتي يا أم أميره بنتك اللي غلطت… أميره بصدمه:بعد ده كله انا اللي غلطانه… و اخدت شنطتها:ماما انا مروحه..عاوزه تيجي تعالي… و مشت و إسعاد حاولت تمسك فيها بس مش عارفه و دولت قامت ورا بنتها… إسعاد:يا دولت اسمعي بقي عقلي البت مينفعش اللي حصل ده… دولت بحده:هي برضه اللي مينفعش اللي حصل و الا اللي مرات ابنك عملته.. و مشت و إسعاد معرفتش توقفها…و لسه هتتكلم محمد قاطعها و بجديه:مسمعش نفسك الليله دي لو عاوزاها تعدي علي خير.. …………………………. مروه تاني يوم راحت لابنتها… مروه:انا بجد مش مصدقه أن يحي يعمل كده… فريده بحزن:عمل يا ماما..يحي لسه بيحبها! و عيطت بقهر… مروه حضـ,ـنتها و بحزن:اهدي يا فريده اهدي يا حبيبتي مش كده..هو ميعرفش ابوكي هيعمل ايه… فريده بنحيب:مبقاش يهمه يا ماما خلاص… و لقوا الجرس بيرن…ف مروه كانت هتقوم بس فريده منعتها و مسحت دموعها و قامت:خليكي ده النجار… مروه ردت بهمس:نجار!! فريده فتحت الباب:اتفضل…بص عاوزاك تغيري الكالون بتاع الباب.. النجار:حاضر يا استاذه… مروه بصدمه:استني عندك… و قامت راحت لفريده:ايه اللي انتي بتعمليه ده.. فريده بتحاول تكون قويه:هو اللي بدأ…اتفضل شوف شغلك… و بدأ النجار يغير ف الكالون….و مروه مش عاجبها تصرف فريده.. …………………………. أميره هاتفياً:الو.. يحي:الو.. أميره بهدوء:اسفه.. يحي سكت و مردش… أميره بحزن مصطنع:شكلك لسه زعلان. يحي بهدوء:لا… أميره بدلع:طب لو مش زعلان بجد تقبل عزومتي ليك بكره علي العشاء.. يحي اتنهد:حاضر يا أميره.. قفلت أميره مع يحي و ابتسم بخبث ………………………… جه معاد العشا و راح يحي اخد أميره من بيتها و كانت لابسه فستان شيك اوف وايت و كانت بتبتسم بخجل طول الطريق..و يحي ساكت مركز ف الطريق…و وصلوا عند المطعم اللي كانت أميره مختاراه…و نزل يحي فتح لأميره الباب… أميره بابتسامه خجوله: ميرسي يا حبيبي.. و مسكت ايد يحي و دخلوا..قعدوا علي ترابيزه ف ركن هادي و جه الويتر بالمنيو… أميره بخجل:ممكن اختارلك انا.. يحي قفل المنيو و ابتسم بسخريه:طبعا اتفضلي يا ميرو.. أميره اختارت الاكل و الويتر اخد الطلب و مشي.. أميره:هيعجبك المطعم هنا..عرفته اول مره لما كنت ف عشا مع دكتور…….. و فضلت أميره ترغي ف مواضيع تافهه و يحي قاعد ساكت مش مركز ف كلامها بس علي وشه ابتسامه دبلوماسيه..و أنقذه من رغي أميره الويتر و هو بيقدم العصير و الاكل ليهم… ……………………….. كانت فريده قاعده في بيتها و دموعها لسه منشفتش و كل ما تفتكر الموقف تعيط…سمعت صوت تليفونها بيرن بوصول رساله…ف مسحت دموعها و مسكت الفون فتحته…بلمت للتليفون شويه… و بحده:ده انت يوم ابوك اسووود… ………………………… محمد بزعيق: إسعاااااااد… إسعاد بخضه طلعت من اوضتها:ايه يا حااج… محمد بسخرية و صوت عالي:انزلي الحقي يختي اللي ابنك هببه… شمس خرجت من اوضتها:ايه يا بابا!! ………………………… فريده وصلت بعربيتها و نزلت جرت و طلعت فتحت الباب بالمفتاح اللي معاها..و سابت الباب مفتوح و طلعت تجري علي اوضه النوم…و اول ما دخلت لقت يحي نايم علي السرير و أميره جمبه… فريده هجمت علي يحي و بقت تضـ,ـرب فيه:قووم.. قووم يا رمرام يا قذر يا ابن ستين الكلب.. و بقت تصوت و تضـ,ـرب فيه..و يحي قام و بقي يبعدها عنه.. فريده و صوتها اتنبح من الصريخ:ده انا هفضحك يا وسخ يا ابن الكلب… و بقت تضـ,ـرب فيه و يحي زقها بعيد ف اتخبطت ف الباب.. فريده:ااه…و الله ما انا سايباك الا بفضيحه.. و قلعت جزمتها و بقت نازله ضـ,ـرب عليه… دخل محمد و إسعاد و دولت ف الوقت ده و من وراهم أنور أبو فريده..و فريده بقت تحدف يحي بكل حاجه ف الأوضه… و دولت و إسعاد جروا علي أميره اللي شبه مغمي عليها و بيحاولوا يفوقوها…و أنور بقي يبعد فريده عن يحي… أنور بصوت عالي:بس يا فريده..باااس خلااااص…. فريده بصراخ:اوووعي يااا بابا اوووعيييي…مـ,ـوته علي ايدي ابن الكـ,ـلب ده… و بقت تضـ,ـرب يحي برجليها..و أنور شالها و بعدها عنه… محمد راح ليحي و ببرود:انا ربيتك علي كده… و راح ضاربه بالقلم… و بحده:انا ربيتك علي ده يا حيوان…ربيتك علي انك تغت**بنت…يا حيوان… و فريده صوتها عالي من بره:همـ,ـوته و ديني لامـ,ـوته.. و بقت عماله تكسر ف كل حاجه… دولت بصراخ:يالهوووووي يالهووووي..بنتي يا ناس الحقوووني البت مش بترد عليااا…. إسعاد:الحقنااا يا محمددد… بسم الله الرحمن الرحيم. . الفصل الرابع عشر: رمت الفازه علي الحيط اتكـ,ـسرت و بقت تكـ,ـسر ف اي حاجه تشوفهاا… مروه بخوف:يالهوي يا أنور الحقها…. أنور كان بيحاول يكتف فريده بس مش عارف…فريده ف حاله غضب..وجع..كسر..قلبها و روحها اتكسروا اول ما شافتها ف حضـ,ـنه حست أن روحها اتسحبت منها..و من وقتها بتكسر ف اي حاجه و ف نوبه غضب و محدش عارف يسكتها حتي أبوها..كان خايف عليها لتأذي نفسها ف نوبه الغضب اللي هي فيها…. أنور كتف فريده و قعد بيها ف ركن و فريده بقت تصرخ و تفرك عشان يسيبها.. أنور بحده:ممكن تهدي..اسكتي… وقتها فريده سكتت و بقت تتنفس بسرعه و بتحاول تهدي..و مروه كانت واقفه ادامهم… أنور:هاتي عصير ليمون يا مروه… فريده بتتنفس بسرعه:مش عاوزه حاجه.. أنور بجديه:مسمعش كلمه و لا نفس و اهدي… …………… يحي بحده:انا جيت جمبك يبت انتي… كانت أميره قاعده علي السرير و متغطيه و قاعده تعيط و امها حضـ,ـناها و إسعاد قاعده جمبها… إسعاد بعصبية:انت ليك عين تتكلم… محمد علي اخره بس بيحاول يكون هادي علشان أميره متخـ,ـافش اكتر:ايه اللي حصل يا أميره ايه اللي حصل.. أميره كل ما تتكلم تنهار اكتر… دولت بحده:يعني مش عارف عمل فيها ايه يا حاج محمد…ابنك ضيع بنتي…يالهووووووي… إسعاد بصوت عالي:بس بقي فرجتوا علينا الناس يقولوا ايه… محمد:ربنا ياخدك يا يحي… يحي بحده:يوووه.انت هتصدق البت دي…و هجم عليه أميره جابها من شعرها.. أميره صوتت:ابعد عني يا حيوان..اووعي.. دولت ضـ,ـربت يحي:مش مكفيك اللي عملته…يا مجرم… محمد نزل ضـ,ـرب ف يحي و إسعاد بقت تحوش.. إسعاد بتصوت:بس بقي يا محمد بس… يحي زق ابوه:انا مش عيل صغير علشان تضـ,ـربني كده… و صرخ ف امه:وسعي.. و لأميره:حسابك معايا…. أميره كانت ف حضـ,ـن أمها بتعيط و بتتشنج من الخوف… ……………… هدت فريده شويه و نامت و أنور شالها علي اوضتها و حطها علي سريرها و غطاها كويس و باس دماغها بحزن و خرج و قفل الباب وراه.. مروه كانت قاعده خافيه وشها بين كفوفها و عماله بتعيط….و أنور راح قعد جمبها و اخدها ف حـ,ـضنه.. مروه بتعيط:خايفه عليها يا أنور..فريده هتتجنن بسبب يحي.. و بصت لأنور و برجاء:أنا عارفه إن أنت معلم فريده من صغرها ازاي تعتمد علي نفسها..بس أرجوك أتدخل بنتنا بتضيع يا أنور.. أنور بصلها شويه و غمض عينيه و سند خده علي دماغها:حاضر يا مروه..ممكن تهدي بقي… و رفعها كفها و باسه…و ضمها أكتر لحـ,ـضنه.. ……………… الليل راح و الشمس بدأت تشرق و هو سايق عربيته و بيلف ف الشوارع و هو زهقان و مخنوق..مش عارف ازاي ده حصل..و لا فاهم…و وقف عربيته و سند علي الدركسيون و نزلت دمعه من عينه..دمعه ندم..حزن..قهر..ندم علي اللي هو عمله..حزن علي اتهام اهله ليه..قهر علي حب عمره اللي كسره..و اتفزع علي صوت فتح باب العربيه و لقي ادامه اخر حد ممكن يتوقعه.. ……………….. فاقت من النوم لقت نفسها لسه بلبسها..و كأن اللبس فكرها باللي حصل ليله امبارح ف فضلت تعيط…و خلاص مبقاش فيها قوه انها تكسر حاجه او تصرخ حتي..خلاص كل قوتها استنزفت في علاقتها مع يحي…ضحكت بسخريه علي حالها..و علي الوعود اللي يحي قدمها ليها… فلاش باك.. علي شط البحر كان فرحهم معمول و فريده لابسه فستان ابيض بسيط جدا و طرحتها بتطير حواليها هي و يحي و سايبها شعرها حر..و هو واخدها ف حـ,ـضنه بيرقص معاها..و الأجواء حواليهم هاديه الكل بيراقب بابتسامه بسيطه و المصورين بيتحركوا حواليهم عشان يسجلوا اللحظات السعيده دي..اللي لما بنشوفها بعد مرور سنين بنبتسم اننا افتكرناها..و نحس اكننا لسه في نفس الموقف..و بيكون للذكريات دي سحرها ف محو اي خلاف أو زعل….. يحي بحنان:ديدا.. فريده بخفوت:امم.. يحي حركها بدلع:بحبك.. فريده ضحكت بدلع و فرحه:و انت بمـ,ـوت فيك.. و بخوف:اوعدني يا يحي… يحي استغرب خوفها:بأيه يا قلبي.. فريده بخوف من اللي جاي:توعدني انك متسبنيش..متبعدش عني..متجـ,ـرحنيش ف يوم او تكسـ,ـرني… يحي بصلها و ابتسم:عمر ما ده يحصل يا فريده لان قبل ما اعمل كده هكون متت..و مع ذلك اوعدك اني هصونك و احفظك و عمري ما اوجعك بكلمه او موقف… فريده ابتسمتله بحب و حضـ,ـنته و هو شالها و لف بيها… باك.. ابتسمت بحزن علي الذكري دي.. و بإنكسار:ياريتني كنت مـ,ـوتت قبل ما ده يحصل… و بسخريه و ضيق من نفسها:حتي ف وجعك منه مش بتتمنيله الشر…لا تتمنيه لنفسك انتي… و بجمود:يحي سحر..و لعنته صابت قلبك.. و انهارت تاني و مبقتش قادره تسيطر علي دموعها… فريده بحزن:حرام عليك يا يحي.. و مسحت دموعها و قامت…فتحت باب اوضتها و خرجت… مروه كانت قاعده و اول ما شافت بنتها قامت حضـ,ـنتها.. مروه بخوف:حبيبتي انتي كويسه؟! فريده اتنهدت:ايوا يا ماما.. و خرجت من حـ,ـضنها:انا هروح.. مروه بعدم فهم ضمت حواجبها:تروحي!!! فريده هزت دماغها بأه و اتنهدت:ايوا..هروح بيتي… مروه لسه هتتكلم فريده قاطعتها برجاء:ماما من فضلك سبيني علي راحتي…. مروه بضيق:اسيبك علي راحتك ازاي..فين أنور يجي يشوف هبلك… و دخلت تجيب تليفونها من الأوضاع بتاعتها هي و أنور و خرجت و بحده:بتستهبل…… سكتت مروه لما ملقتش فريده موجوده..ف عرفت انها مشيت… مروه بصت ف الارض و بحزن دموعها نزلت… ………………….. نزلت فريده بسرعه و ركبت عربيتها..و طلعت علي بيتها هي و يحي و طول الطريق سرحانه و كانت كذا مره هتعمل حـ,ـادثه بس بتفوق علي اخر لحظه…لحد ما وصلت بيتها..نزلت من عربيتها و اخدت شنطتها…و دخلت البيت…و طلعت بهدوء علي اوضتهم…دخلت علي الحمام..و قلعت هدومها و رمتها ف الباسكت لأنها بتفكرها باللي شافته و كسره قلبها…و نزلت تحت المايه..و للمره الالف تعيط…كانت متوقعه أنها لما تاخد شاور هتهدي بس للاسف كانت غلط..و خلصت بعد وقت محسبتهوش..و خرجت لبست البرنص بتاعها و لفت شعرها بفوطه..و خرجت من الحمام…بس اتفاجئت بيه.. فريده بصوت عالي:انت بتعمل ايه هنا..دخلت ازاي اصلا… يحي كان قاعد علي السرير بإنكسـ,ـار و وشه احمر و عينه مليانه دموع… يحي بإنكسار:فريده… فريده بقرف:اخرس..مش عاوزه اسمع اسمي علي لسانك…و اتفضل يلا برا… يحي بيعيط:انا…. فريده قاطعته:انت ايه..انت ايه…حرام عليك.. و عيطت:عملت ايه معاك..قصرت معاك في ايه عشان تعمل كده..تخـ,ـوني..تخـ,ـوني انا… و صرخـ,ـت بقـ,ـهر:انا يا يحي…. يحي:……
