وصية المرحوم 3الاخير
سليم: انا كنت مسجلها خدي اسمعي رضوي بصتله بعنيها الي مليانه دموع: فاكرني مش هصدقك ياسليم؟ سليم بعد نظره عنها: مش كدا بس اكيد صعب انك تصدقي علي اقرب حد ليكي حاجه ذي كدا رضوي قامت وكانت هتمشي بس سليم مسكها وسحبها لحضــ,,ـنه وهو بيمشي ايده علي شعرها وهي ردتله الحضــ,,ـن وهي بټعيط بصوت عالي وسليم فضل ثابت هو عارف كويس انها محتاجاه في الوقت ده صوتها وهي بتقول”انا حاسه اني لوحدي”قطع قلبه &&&&&&&&&&&& بعد نص الليل في تمام الساعه 2:30
ملك بتتقلب علي السرير ومش عارفه تنام، بتبص علي عز وهي ندمانه انها خلته ينام علي الكنبه، ابتسمت وهي بتبصله ومركزه علي ملامحه ثم قالت لنفسها: بايلني عاقبت نفسي بالغلط لما بعدتك عني ثم قامت واتجهتت ناحيه قدة قدامه مسحت بأصابعها الناعمه علي شعره ثم قالت بصوت ناعم طفولي: عز؟! عز فتح عينه ببطئ: اية؟ هتطرديني برا الاوضه؟ ملك ابتسمت وترددت: لا… بس مش عارفه أنام عز ببرود مصطنع: فاكره هيجيلك نوم وانتي عامله فيا كدا؟
ملك بخجل وبصوت خاڤت: كنت فاكره هينفع… بس شكلي عاقبت نفسي عز رفع حاجبه وهو بيقول بسخريه هاديه: أقوم اهزلك السرير طيب.. عشان تعرفي تنامي؟ ملك بخجل اكتر: لا بس كنت فاكره انك ممكن… يعني عز وهو بيحاول يخليها تعترف: اني ايه؟ انا خلاص عجبتني النومه علي الكنبه ملك: طيب لو قولتلك اني ندمانه… واني مش عارفه انام من غيرك عز بصلها للحظه من غير ميتكلم.. سابها تتحايل شويه ثم قال بهدوء وهو يفتح زراعه ويبعد الغطا قليلا: تعالي
ملك مفكرتش طلعت علي الكنبه، راسها علي ص.دره، وهو لف دراعه عليها، وسحب الغطا عليهم عز: تمام كدا؟! ملك: تمام أووووي عز بوعيد: الجنان دا كله هطلعه علي جتتك استني عليا بس ملك ضحكت ودفــ,,ـنت راسها في رقبته ……. تاني يوم في تمام الساعه الرابعه عصرا ملك قامت من نومها بس عز مكانش جنبها، كان في الحمام بياخد شاور كانت نعسانه وعايزه تنام تاني، عينها بتقفل لوحدها ومفيش دقايق وعز خرج عاري الص.در لتقع عينه عليها وهي تايهه: صباح الخير
ملك وهي نعسانه: ربنا يخليك عز ضحك: ربنا يخليك؟! انتي صحيتي ولا لسه نايمه؟ ملك قامت وهي بتتطوح يمين وشمال، بتفرك في عينها: صاحيه… صاحيه عز: ادخلي خدي شاور واجهزي عشان نمشي ملك مره وحده فاقت: هنسافر؟ في مينت تلاقيني جاهزه عز ضحك علي حماسها المفاجأه وملك دخلت تاخد شاور سريع وبعد شويه ملك خرجت ولبست هدومها، كانت لابسه دريس لاڤندر عليه طرحه أوڤويت وميكب هادي وخفيف وعز كان لابس تيشرت لاڤندر برضو علي بنطلون أبيض: إية جو الغيره دا؟
