وصية المرحوم 3الاخير
ملك سمعت الكلام دا وقلبها اتقبــ,,ـض… يعني لو هي كمان مخلفتش ممكن عز يطلقها؟ رقيه بدموع: بس دي مش وصيه دا عڈاب ذنبي ايه انا اشوف جوزي مع وحده تانيه جليله: ذنبك انك ډخلتي بيت الجبالي… انا عارفه ان الموضوع كبير بس هو مش هيطلقك.. هو هيتجوز لفتره معينه ويخلف منها وانت تفضلي علي ذمته رقيه: صعب عليا… صعب اوي جليله: حاسه بيكي وعارفه ان صعب علي اي ست تشوف جوزها مع وحده تانيه بس هنعمل ايه يعني
ملك: طيب ليه يتجوز.. ممكن العلاج يجيب نتيجه رقيه: انا سمعت الدكتوره قالتله العلاج نسبته ضعيفه وهو مقليش جليله: خلاص… اغسلي وشك انتي ونشوف هنعمل ايه &&&&&&&&&&&&& في أوضه عز وملك ملك كانت بتجهز الشنطه وكلام جليله لسه في أذنها، وعز في الحمام بياخد شاور بعد دقايق عز طلع وهو بينشف شعره ليجدها سرحانه وبتطبق الهدوم ببطئ عز: ملك ملك:…. عز بصوت اعلي: ملللللك ملك: هاااااا ايه ياعز عز: في ايه مالك؟؟ ملك: مليش مد ايده ليها واخدها وقعدها علي الكنبه وهو قعد علي الترابيزه: في اية؟… مش علي بعضك ليه؟
ملك بتوتر: انتو ليه بتعملوا كدا… حرام بجد.. رقيه صعبانه عليا جدا عز تنهد: مش بإيدينا دي وصيه مېت ملك: وانت شايف ان دا صح يعني؟ عز: صح ولا غلط… ميهمنيش ملك دمعت: يعني لو انا مكانها… كنت هتتجوز؟! عز سكت حس انه اتجمد فجأه ومش عارف يرد ثم قال حط ايده علي وجهها: إن شاء الله مش هتبقي مكانها ملك بعدت عنه وبنبره مكسوره: انا عرفت اجابتك خلاص عز سحبها من دراعها: ساعتها مستعد اكسر ألف وصيه… ومتخلاش عنك دقيقه، مش وصيه الي تمشيني
ملك بصتله والدموع في عنيها: أنا بحبك أوي والنبي متسيبني والنبي ححح عز شدها ليه وبص في عنيها وبغزل: احلي والنبي اتقالتلي في حياتي ياناس ملك ضحكت ولسه الدموع في عنيها: وهي ماسكه هدومه: تعرف لو فكرت بس تعملها نفسي عز بضحك ثم شدها اكتر برومانسيه وعينه علي وجهها الي باصص في الارض ومحمر: طيب مش نفسك تبقي أم ولا ايه؟؟ ملك رفعت نظرها ليه وبكسوف: عزز سيبني اجهز الشنطه ورانا سفر عز: سيبك من الشنطه انا عيالي بينادوني
ملك: عيالك! خلتهم عيالك ياعز؟ هو واحد مفيش غيره عز: واحد؟! معنديش انا الكلام دا… مش هخلف أقل من 10 ملك پصدمه: 10؟!!! ليييييييية هتعمل فريق كره قدم؟ عز: متحاوليش… 10ياملك ملك: لا انت تتجوز احسن انا مش هقدر علي كل دا ياحبيبي عز بضحك: لا انتي الي هتجبيهوملي ملك: وانت هيضرك في ايه ماانت هيتقلك بابا علي الجاهز عز بضحك: معلش ملك: طيب متقوم تساعدني ياعز بيه بدل احلام اليقظه دي عز: والله لولا خاېف تم*وتي في ايدي لاقوملك واوريكي اذا كانت احلام يقظه ولا لا؟
