بسبب البطاطس بوريه

​وبصيت في عين جوزي مباشرة.
​وقولت الحجة الوحيدة اللي محدش فيهم كان متوقعها:
​”أنت بتهين الشخص الوحيد اللي حايط بين عيلتك وبين الفلس والخراب.”
​سكوت تام.
​ابتسامة طنط عافية اختفت.
​ورامي بَص لكريم ببطء وذهول.
​وكريم فضّل بَاصص لي ومنطقش بكلمة.
​وبعدها لفيت ومشيت.
​بعد بضع ثواني، سمعت باب الشقة ببيتفتح ورصعة خطوات ورايا.
​”سارة.. استني!”
​كريم جرى ورايا على السلم ونزل الجاردن.
​فضلت ماشية لغاية عربيتي.
​”أنتِ بجد بتكبري الموضوع وأوفر قوي!”
​الجملة دي خلتني أقف.
​لفيت وبصيت له:
​”لا يا كريم.”
​بصيت في عينه بثبات:
​”أنا شايفة إني بقالي 13 يوم بتعامل بمنتهى الهدوء وعكس كده تماماً.”
​ملامحه اتغيرت.
​ولأول مرة في الليلة دي، الضيق والعصبية اختفوا من وشة.
​وحَل محلهم حاجة شبه الخوف والقلق.
​عشان كان في حقيقة عيلة كريم يا إما مش فاهمينها، يا إما طنشوها ونسيوها ببراعة.
​أنا مكنتش متجوزة ابن إمبراطورية مقاولات وشركات ناجحة.
​أنا كنت متجوزة ابن شركة بتتخنق وبتطلع في الروح.
​شركة “الشرقاوي للتطوير العقاري” كان شكلها فخم وناجح من بره في التجمع.
​بس من جوه، الأرقام والحسابات كانت بتقول قصة تانية خالص.
​وأنا بالذات كنت عارفة الأرقام دي أكثر من أي حد تاني.
​أنا شغالة استشارية إعادة هيكلة وتطوير بشركة استثمار كبيرة، ومتخصصة في الشركات اللي على وشك الإفلاس.
​قبل ما أتجوز كريم بست شهور، شركة “الشرقاوي” جت لشركتنا بالراحة ومن تحت لتحت تتوسل لينا.
​الشركة كانت خسرت مشروعين كبار في العاصمة الإدارية.
​السيولة عندهم كانت تحت الصفر.
​الموردين بدأوا يرفعوا قضايا ويسحبوا بضايعهم.
​والبنوك رفضت تدهم أي قروض أو تسهيلات زيادة.
​وكان عليهم ديون ومستحقات معدية الـ 150 مليون جنيه.
​من غير سيولة وضخ أموال جديد، كان في احتمال كبير جداً إن شركة “الشرقاوي” تقفل أبوابها وتفلس.
​الشركة عندنا وافقت تدرس تمويل طارئ للشركة دي.
​وكان في سبب رئيسي واحد بس هو اللي خلي الموضوع يوصل للمراحل دي ويكون فيه أمل.
​أنا.
​أنا اللي راجعت ورقهم وحساباتهم.
​وأنا اللي درست فرص النجاة وإعادة الهيكلة.
​وأنا اللي دافعت إن الشركة لسه فيها أصول وروح وتستاهل فرصة فرصة ثانية.
​تقاريري وتوصيتي كانت السبب الوحيد اللي خلي مجموعة الاستثمار بتاعتي تكمل كلام وتفاوض بدل ما يقفلوا الملف في وشهم.
​بس كان في تفصيلة صغيرة عيلة كريم شكلهم نسوها وهم بيعلموني إزاي أخدم وأغرف البطاطس.
​الاستثمار والصفقة لسه متمتش.
​ولا جنيه واحد اتحول لحسابهم.