بتعيطي ليه
عدت الايام بسلام بس السلام دا ميمنعش ان كانت أم محمد عايزة تتدخل في كل حاجة بس الحمد لله محمد كان بيعرف يسيطر على الموقف ومكنش بيسمع ليها علشان لو كان سمع ليها مكنش كمل مع شيماء اصلا،بعد سنة من الخطوبة تم شيماء ومحمد اللي كان قبل رمضان بشهرين عدوا الشهرين بسلام وعلى خير و سعادة ///////////////// بعد شهرين من الجواز محمد: شوشو حضري نفسك عشان بأذن الله هنسافر الصعيد نفطر اول يوم في رمضان مع اهلى
شيماء: انت بتهزر يا محمد ولا اي؟ محمد: لا ولله بتكلم بجد يا حبيبتي بهزر ليه يعني؟ شيماء: يعني أنا اسافر من هنا لي الصعيد عشان افطر اول يوم مع اهلك دا اي الفرهدة دي محمد: معلش يا حبيبتي دي عادة عندنا و بعدين انا مش عايز امي تشيل منك شيماء: هي كده كده شايلة يا محمد،أمك مش موافقة عليا من أول يوم. محمد: مين قال كده بس، و بعدين انتي كان نفسك تسافري الصعيد من وقت ما اتجوزنا
شيماء: ايوا يا محمد عايزة اسافر فعلا بس مش اسافر في رمضان ، بس على العموم حاضر يا محمد لأجلك انت ولأجل معاملتك وحبك ليا انا اعمل اي حاجة عشانك يا حبيبي. محمد: تسلمي من كل شر يا شوشو. شيماء: و تسلم يا نن عيون شيماء ////////////////////// “اول يوم رمضان” الزينة في الشوارع وصوت الهوي مع صوت الزينة يغسل القلب، العيال و البومب والصواريخ والسلك، والقران اللي شغال في كل مكان ، بتاع الكنافة و. القطايف والنور والزينة اللي منورة الشوراع.
//////// وصل محمد و شيماء الصعيد قبل أذان المغرب بدقايق. محمد: السلام عليكم ورحمة الله وبركاته ،يا اهل البيت وحشتوني ،و وحشتني البلد اوي سليم اخ محمد : عليكم السلام ورحمة الله وبركاته سعاد أخت محمد: حمد لله على السلامه يا محمد. وجريوا عليه حــ,,ـــــضنوه. سعاد: حمد لله على السلامه يا شوشو شيماء بابتسامه: الله يسلمك. ابو محمد : اهلًا اهلًا بالعرايس الصعيد نورت يا شوشو شيماء: حبيبي يا عمو منورة بوجودكم. خرجت سعدية من المطبخ و قالت: اهلاً وسهلاً نورت بيتك يا قلب امك
محمد: الله يخليك يا امي بنورك و. باس ايديها و. دماغها كالعادة سعدية: اهلًا يا حبيبتي نورتي ما لسة بدري جايين على الفطار بالظبط؟ شيماء: ربنا يخليكي يا ماما بنورك، معلش ولله غصب عننا انتي عارفة المسافة بقا بعيدة ازاي سعدية: ولله انا عارفة من الاول يا حبيبتي، بس الغريبة ان انتي عارفة ولما انتي عارفة ان المسافة بعيدة بتاخديه من حــ,,ـــــضن امه ليه ردت شيماء ببرود: هو اصل كان بعيد من قبلي يا حماتي.
