ياسين 11-15
-عن اذنك بقا يا شريف بيه أنا رايح الشركة ..البيت بيتك خد راحتك تماماً ثم خرج من القصر … استقل عدي سيارته الفارهة وهو يستعد للإنطلاق …وضع نظارة الشمس علي عينيه وهو يبتسم بشرود لقد استطاع بث الرعب في قلب شريف …يعجبه الأمر ..فشريف يستحق تلك المعاملة وأكثر !!! ……. طرقات متتالية علي الباب أيقظتها من نومها …فتحت جواهر عينيها بصعوبة بالغة وهي تشعر أنها تنام علي شئ قاسي …نهضت لتجد نفسها تنام علي الأرض…حكت شعرها بحيرة وقالت:
-أنا نايمة علي الأرض ليه ..مش كنت نايمة علي السرير ايه اللي جابني هنا ..هو أنا بقيت بمشي وانا نايمة ولا ايه ؟! نهضت متجهة إلي الباب وتمتمت :
-اكيد ما دام عايشة مع المجنو ن ابن المجنو نة ده هتجيلي أمراض الدنيا … فتحت الباب لتتراجع الخادمة الصغيرة للوراء وهي تنظر لشعر سيدتها المنبعثر بقوة وكأنها خرجت من إحدي افلام الر عب… -مالك خوفتي ليه ؟! ابتلعت الخادمة ريقها وقالت: -م..مفيش حاجة يا هانم …بس شريف بيه مستنيكي تحت. .. -عشر دقايق ونازلة ولو سمحتي تعمليلي ساندويتشات كفتة أفطر بيهم ..
هزت الخادمة رأسها وذهبت من أمامها مسرعة …لتغلق جواهر الباب وتذهب كي تستحم وترى هذا الرجل صرخت فجأة وهي تنظر إلي إنعكاسها في المرآة …لا عجب أن الخادمة شعرت بالر عب…المسكــ,,ـــــينة لو فقدت القدرة علي الإنجاب بسببها لن تلومها!! …… بعد ثلث ساعة تقريبا … خرجت جواهر من غرفتها اقتربت منها الخادمة بطبق شطائر الكفتة فأخذته منها جواهر شاكرة وقالت: -شكرا يا بنتي .. ثم اقتربت بالطبق من شريف وهي تأكل وتقول: -خير عايز أيه ؟!
ثم جلست علي الأريكة بأريحية وهي تلتهم الطعام … ضغط شريف علي أسنانه بغضب ثم اقترب منها وهو يجذبها من يدها ويقول: -بت أنتِ اتلمي وانا بكلمك متعصبنيش عليكي …وسيبي الأكل ده من إيدك خلينا نتكلم كلمتين مع بعض عشان هنشوف نحل المشكلة دي ازاي ! نظرت إليه بحيرة وقالت: -هببت اي تاني ؟! تنهد وقال: -للاسف عدي مدنيش كل الشبكات …عدي خد عني ااداني نص الشبكات بس والباقي مرضيش يدهولي … ابتسمت جواهر بتشفي وقالت:
-من أعمالكم سُلط عليكم يا باشا …اهو شوف بعد التعب والروحة والجاية والتزو ير هتتحبـ س برضه …أنا بقول تقول ليه الحقيقة .. -بس أخر سي. ..هو قال هيديني باقي الشبكات بعد ما يجيله وريث منك…. -نعم يا روح أمك !! صرخت بها جواهر ليضع شريف كفه علي فمها ويقول: -بس أسكتي بطلي تبقي عر بجية انضفي شوية ده أنتِ بقيتي عايشة دلوقتي في قصر … أبعدت جواهر كفه بحدة وقالت: -وريث أيه اللي إجبهوله …أنسي أن العبيط ده يلمسني يا شريف فاهم !!!
