اية من1-10

الاول
تبكى ف الهاتف وهى تتحدث مع زوجها السابق
آية. 28 سنة جميلة ومرحة وطيبة القلب يعشقها كل من يراها لها عينان بنية ساحرة وشعر اسود طويل يزينه حجابها مع اجمل ابتسامة قد تراها
آية بحزن_يا احمد بالله عليك تخلينى اشوفهم ولو مرة بس ….. حرام عليك والله العظيم مظلومة
احمد بقرف_لااااء انا محبش ان اسمهم يرتبط بيكى كدة احسن ليهم ابعدي عنهم وانسي ان ليكى بنتين اسمهم سما وهنا واغلق الخط …
ظلت تبكى وهى ممسكة صورة طفلتيها وتدعو الله ان يردهم اليها ويكشف الحقيقة
فهى ارتبط بزوجها احمد بدون علاقة حب فقط معرفة اما هو فكان يحبها ولما لا فهى اسم على مسمى …..
انجبت منه فتاتين خلال فترة 5 سنين جواز كانت طوال هذة الفترة تحترمه وتعامله معاملة حسنه .ولكن تاتى الرياح بما لا تشتهى السفن
فقد كانت زوجه اخيه الاكبر عفاف تكرهها وتحقد عليها وتغار منها بسبب حب الناس وزوجها لها وجمالها وكانت تتمنى ان تبعدها عن طريقها باى شكل وفعلا كان لها هذا فدبرت لها مکيدة مع اخوها لكى يشك بها زوجها ويطلقها ….
فقد ذهبت اليها ذات يوم مصطنعة الود والسؤال وظلت تتحدث مع ف امور عديدة الا ان ذهبت آية المطبخ تحضر ضيافة اسرعت هذه الخبيثة واخذت مفتاح شقتها الذي كان معلق بجانب الباب وطبعته على قطعة صابون واخفتها سريعا داخل حقيبتها وكل هذا وهى تتحدث مع آية بصوت مرتفع كي لا تشك بها هذه المسكينة ….
قضي اليوم وف اليوم التالى بعدما نسخت نسخة من مفتاح شقة آية بمساعدة اخيها سعد القذر الذي كان دائما ما ينظر الى آية نظرات اڠراء والذي انتظر هذه اللحظة على احر من الجمر لكى يرضي رغباته الحيوانية …
اتفقت معه ان يذهب الى شقه سلفها اثناء غيابه فزوج آية كان موظف فى شركة الكهرباء ومناوبته ليلية ولا ياتى الا فجرا …..
ومن عادات آية انها كانت تنام مبكرا هى وطفلتيها ….
ذهب هذا الحيوان البشري الى الشقة وفتحها بالنسخة التى معه وتسحب حتى وصل الى الحمام فخلع ثيابه وبقى بملابسه الداخلية ونظر ف ساعته فعلم ان موعد حضور احمد بعد نصف ساعة ….
ظل ف الحمام حتى سمع صوت سيارة احمد فخرج من الحمام ف نفس توقيت فتح باب الشقة فنظر له احمد پصدمة وتصنم مكانه وذهل وصړخ پغضب
احمد_انت بتعمل ايه هنا يا حيوان ….
رد الثانى متلعثما فقد احس بالخۏف من منظر الاخر فقال _ان..ان اناااااا ..اسال اية ….
فى هذه الاثناء استيقظت اية على صړاخ احمد وذهبت مصرعة الى الصالة لترى ماذا يحدث ففوجئت بهذا القذر فعادت سريعا الى غرفتها واحضرت حجابها وعادت وقالت …
اية بعيون متسعة _فيه ايه وانت دخلت هنا ازاى …فيه ايه يا احمد..
رد التانى كما خطط هو وشقيقته _ايه يا يويو مانتى اللى طلبتى منى اجى بعد ما البنات يناموا وقلتيلي ان جوزك جاى الصبح والمفروض ان كنت امشي بس محستش بالوقت معاكى وغمز بعينه لها ….
شل تفكيرها وصدمت ماذا يتفوه هذا القذر واى كلام يقوله وكان احد سكب عليها دلو ماء مثلج ولم تستطع على التفوه بحرف واحد ….
بينما احمد لم يفهم ما يحدث وعندما افاق من الصدمة وجد الاخر قد رحل مسرعا ونظر اليها فقد كانت جلست على الارض تضم ركبتيها ولا تنطق بشئ…
فنطق بعد فترة بهدوء ممېت _لمى هدومك واخرجى من هنا ومشفش وشك تانى واحمدى ربنا انى هسيبك عايشة وان بناتك مصحوش وشافو قذارتك
جرت عليه تتمسك بيه وتصرخ _احمد احمد محصلش حاجة انا كنت نايمة ومعرفش اصلا دخل ازاى انت مش مصدقه صح انا آية يا احمد بصلي مستحيل اعمل كدة…
رد عليا بهدوء ممېت _ انتى طالق …
يتبع …
الجزء الثانى
افاقت من شرودها على صوت والدتها
الام _آية يا آية مش كفاية بكا بقى حرام عليكى نفسك يابنتى كدة بټعذبي نفسك بقالك سنة على الوضع ده …….فوضي امرك لله يا حبيبتى هو موجود هيظهر الحقيقة والبنات هيرجعولك …
آية_امتى يا ماما امتى بقالى سنه مشفتهش …..سنة يا ماما مش عارفه عنهم اى حاجة اكلهم نومهم لبسهم …..ھموت يا ماما انا فعلا مېته بتحرك هما روحى يا ماما اعمل ايه انا ممكن ابوس جذمة كل واحد منهم علشان يرجعولى بناتى …..انا حتى مش قادرة ادخل البلد دى بعد اللى اهله والجيران عملوه معايا انا مش طالبة غير انى اشوفهم واحضنهم وبس..
الام بحزن لحال ابنتها _هييجي يوم يرضي….. قولى ياااارب يا حبيبتى وهو قادر يرجعلك حقك….
احتضتنها وظلت تربط على كتفيها بحنان فهى اكثر من يعلم كم عانت آية وتعذبت وذاقت من المر كاسات عديدة خلال هذه الفترة البسيطة
انتفضت اية بعد فترة ونظرت لوالدتها وقالت _عندك حق يا ماما انا ضيعت سنة من عمرى ف البكا والقهر والزعل على حد ميستاهلش وصدق ورمانى …..انا لازم اقف على رجلى انا هنزل ادور على شغل….. انا كنت لاغية الفكرة بس ده اكتر وقت محتاجة فيه انى اثبت نفسي احنا من ساعة ما اتنقلنا هنا واحنا بنصرف من معاش بابا الله يرحمه والحمد لله بس يادوب على الاد بالضبط لازم استقوى بشغلى واقدر ارفع عليهم قضية رد شرف واعين محامى يجبلى حقى
الام _ايوة يا اية هو ده اللى انا عيزاه منك لازم تقفى على رجلك وتثبتى نفسك وتتحدى اى حد قال عنك كلمة وحشة وترفعى راسك قدام الكل واولهم بناتك وسيبي حمولك على ربنا …
____________
فى اليوم الثانى فى مدينه الاسكندرية عروس البحر المتوسط نعم فعندما خرجت اية من مدينتها اللتى كانت تقطن بها مع زوجها بعد معامله الكل لها على انها خائڼة …
لم تجد مكان ولا مأوى فقررت السفر مع والدتها وشقيقتها التى تصغرها ب 9 اعوام رهف الى مدينة الاسكندرية لسببين اولهما انها تعشق الاسكندرية والتانى ان لها صديقة مدرسة رياض اطفال تعرفت عليها من خلال موقع التواصل الاجتماعى فيس بوك تدعى رضوى ….
ساعدتها ف العثور على شقة ايجار فى حى شعبي ولكن احبها جيرانها هى وامها واختها لطيبتها وحسن اخلاقهم وبالرغم من تحفظها على حياتها السابقة الا انها كانت تخشى ان يعلموا بما حدث لها ويكرهوها لذلك كانت تتجنبهم
ذهبت مع صديقتها رضوى الى الحضانة التى كانت تعمل بها
رضوى 30 عاما حسنة المظهر متزوجه ولديها 3 اطفال ولكن زوجها يعمل ف بلد عربي وهى تعمل مدرسة رياض اطفال
كانت الحضانة جميلة ويبدو من شكلها العام انها لاطفال المرفهين والاثرياء
دخلا الا المسؤولة مس سمية
تحدثت رضوى موجهة الحديث الى المسئولة قائلة _مدام سمية دى آية اللى حكتلك عنها بتعشق الاطفال وعندها خبرة ف صناعة الوسائل التعليمية اللى بنستوردها هى تقدر تنفذها واحسن كمان….
نظرت سمية الى آية نظرة اعجاب وقالت _اهلا يا اية نورتى الحضانة ..
آية بتوتر واضح _اهلا بحضرتك ..
مس سمية _طبعا يا اية انا مش بعين اى حد هنا ف الحضانة الا لازم يكون حد عنده شهادات وخبره هنا اهالى الاطفال بيدققوا اوى ع الامور دى ودول اطفال امانة عندنا ولازم نحافظ عليهم بس لما رضوى حكتلى عن ظروفك وعن موهبتك انا قبلت ….
آية موضحة _حضرتك انا فعلا مكملتش بعد الثانوى العام لظروف مرض والدى الله يرحمه بس انا قرات كتير اوى ف المجال ده لانى كنت بحبه وانا طبعا محبش احط حضرتك ف موقف محرج مع اهالى الاطفال …
قاطعتها المسئولة قائلة _لاء يا حبيبتى انا متاكدة انك على خلق وثقافة وده باين جدا عليكى وانتى مرحب بيكى وسطنا وتقدرى تبتدى من بكرة……. ودلوقتى تعالى معايا اعرفك على الاطفال .
ذهبت آية برفقة رضوي و مس سمية الى الحديقة التى كان يتجمع بها الاطفال وتعرفت عليهم واحبتهم جدااا واحبوها بمرحها الذي عاد اليها بعد رؤية الاطفال …
__________
عادت ايه الى المنزل بعد فترة ودخلت وجدت امها واختها رهف يجلسون يتابعون التليفزيون فقالت بفرحة عارمة _بركولى انا اتقبلت ف الحضانة ومن بكرا هبدا ….انا مش مصدقة يا ماما انا مبسوطة اوى يمكن الاطفال دول يعوضونى عن غياب سما وهنا شوية
قالت الام بفرحة _ياااارب يسعدك يا بنت قلبي ويفرحك ويعوضك خير …
وقالت رهف اختها وهى ټحتضنها _مبروك يا يويو كدة بقا هتقدميلي ف الجامعة انا اخرت سنة بسبب نقلنا اسكندرية وظروفنا…
آية ماكدة كلام اختها _طبعا يا روفة هقدملك ف الجامعة السنادى واعوضك انتى وماما عن كل اللى اتحرمتوا منو طول السنة دى…
عانقت امها وتناولت وجبة العذاء معهم وذهبت لغرفتها تعد وسيلة تعليمية عبارة عن شخصيات كرتونية لتاخدها غدا معها لكى تستقبل بها الاطفال
انتهت منها وذهبت وتوضات وادت فرضها وقرات سورة الملك التى تقراها يوميا عند نومها وغفت لاول مرة منذ سنة على فرحة لبداية جديدة لحياة جديدة ستبدا بها لم تكن تخطط لها على الاطلاق
ترا ماذا سيحدث …
يتبع …
الثالث والرابع
استيقظت اية على صوت المنبه يعلمها انها السابعة صباحا…..
قامت واغلقته وذهبت الى الحمام وتوضأت وادت فرضها ودعت الله ان يوفقها ف حياتها الجديدة وان يرد اليها طفلتيها …….
قامت وابدلت ثيابها الى دريس رقيق من اللونين الاحمر والابيض مع حجاب اوف وايت ذادها اشراقا وحذاء رياضي رقيق وخرجت من غرفتها وجدت اختها رهف مستيقظة ….
سالتها باستغراب _ايه يا روف صاحية بدرى ليه ..
رهف بتثاوب _قولى ايه اللى لسة مصحيكى لحد الوقتى وضحكت ….
فتحت آية عينها من هذه الرهف التى لم تكف عن السهر والنوم طول النهار وقالت معنفه اياها _اومال عايزة تروحى الجامعةازاى …..
اعملى حسابك مافيش لسيادتك جامعة مسائية كلهم للاسف بيبداو بدرى ممكن اعرف هتعملى ايه .قالتها وهى تشبك يداها مع بعضهم وتنتظر من اختها الاجابة …
فقالت رهف محاولة ف امتصاص ڠضب اختها _جرا ايه يا يوية ده ماما معملتهاش وبعدين يا قلبي قدمى انتى بس ف الجامعة وانتى هتلقينى وربنا نايمة من المغرب يا صين ….
رفعت اية حاجبها باستغراب على اختها اللا مبالية تمام وحركت راسها يمينا ويسارا دليل على عدم اقتناعها ….
تركتها ودخلت الى غرفة والدتها فوجدتها ما زالت نائمة قبلتها وخرجت متوجهة الى المكان الذي سوف تبدا منه حكايتها مع حب حياتها عوضها عن سنين عڈابها …
ننتقل الى مكان اخر لم نتكلم عنه من اول روايتنا مكان فى نفس المدينة الرائعة ولكن ف ارقى احيائها …..
فى فيلا سليم الهوارى
سليم شاب ف اواخر التلاتينات وسيم جدااا ذو طول فارع وجسد رياضي يحب زوجته سمر كثيرا لديه شركات الهوارى جروب للاستراد والتصدير ذو شخصية
—
جادة وصارمة
يستيقظ على انين زوجته سمر….
سمر زوجة سليم فى ال من عمرها تحب سليم ذو جمال غربي وشعر اشقر وطول وجسد مثل عارضات الازياء ولكنها جادة وصارمة ايضا
سليم محدثا اياها بقلق _سمر مالك فيه ايه تانى لاء المرة دى لازم نروح للدكتور …
سمر سريعا _لاء يا سليم شوية برد متشغلش بالك انت
سليم باستغراب_مشغلش بالى ازاى يعنى يا سمر انتى بقالك فترة مش عجبانى لو مخبية عنى حاجة …
قاطعته سمر _انت عارف انى مش بعرف اخبي عنك حاجة
كاد ان يرد عليها الا ان دخول آسر والين منعه من استكمال كلامه …
آسر والين هما توأم سليم وسمر ذو 4 سنوات
اسر والين _بابا ماما يالا دادا سعاد حضرت الفطار وقالت نطلع ننادى عليكوا …
حمل سليم الين وقبلها وكذلك آسر وقال لهم _مش اتفقنا نقول صباح الخير الاول يالا روحو صبحوا على ماما ..
جروا التوأم على والدتهم يحتضنوها ويقبلوها
اسر والين _صباح الخير يا مامى…
سمر _صباح الهنا ويالا ننزل نفطر علشان انا اللى هوديكو الحضانة النهاردة
سليم باستغراب _اشمعنى يا سمر ما دايما السواق بيوصلهم
سمر برجاء_علشان خاطرى يا سليم سيبنى اوديهم واهو اتعرف ع المسات بتاعتهم
سليم _عادى يا حبيبى انا مش ممانع بس استغربت
سمر _لاء انا اللى هوديهم كل يوم
سليم مهاودا _اعملى اللى يريح بس يالا علشان نفطر
نزلوا الى غرفة الجلوس واجتمعوا على طاولة الطعام بعدما القوا التحية على دادا سعاد…
بعد دقائق نهض سليم وقال _الحمد لله انا شبعت يالا بقا سلام هروح الشركة …
سمر _مع السلامة يا حبيبى
بعد انتهاء فطارهم ذهبوا وابدلوا ملابسهم وانطلقوا بالسيارة الى الحضانة
فى الحضانة تأقلمت آية سريعا مع المسات والاطفال كذلك
آية بمرح _ها مين عليه الدور يا حلوين
الاطفال بحماس _انتى يا مس
آية مدعية الصدمة _انا لاااااااا مستحيل وظلت تركض وهم ورائها لكى يقوموا برسم الالوان على وجهها ……
بعد قليل وصلت سمر اللى الحضانة وتعرفت على مس سمية واعجبت بالحضانة فهى اول مرة تراها
ركضا التوأم على الكلاس وتفاجؤا بالمس الجديدة وهى تلعب مع الاطفال وكذلك آيه التى اتجهت ناحيتهم وقالت مرحبه _مين اللى قال للشمس والقمر يطلعوا مع بعض …
ابتسم لها التوأم فقالت بجدية مصتنعة مادا يدها اليهم _اعرفكم بنفسي انا مس آية الجديدة مع تحريك عينيها بشكل كوميدي ..
ضحك عليها التوأم
فقالت _انتو مين بقا
جاءت من وراءهم سمر وقالت _صباح الخير حضرتك جديدة هنا ..
تحدثت ايه _صباح الخير يا فندم ايوة انا اتعينت النهاردة واول مرة اشوف العسلات دول حضرتك اكيد والدتهم …
هزت سمر راسها ماكدة وقالت _انا كمان اول مرة اوصلهم هنا .سعيدة بمعرفتك يا مس اية ودول اولادى آسر والين…
آية بحب _ماشاءلله ربنا يبارك فيهم شكلهم بيتكسفوا
سمر موضحة _فعلا هما مش اجتماعيين خالص…
ايه بثقة_لاء دى بقا سبيها عليا ومتقلقيش
سمر بابتسامة مجاملة _تسلمى ده شئ يسعدنى ممكن اخد رقمك…
اية برحب_اه طبعا ثوانى ….
املتها اية رقمها وكذلك فعلت سمر على امل ان تبلغها باخبار توأمها اذا حدث جديد ….
ودعت سمر التوام ومس آية وانطلقت بسيارتها لاصطحاب صديقتها سها بعد مهاتفتها الى عيادة دكتور شريف لمعرفة نتائج الفحوصات التى اجرتها منذ يومين ….
اما ف الحضانة كانت اية مستمتعة جداا مع الاطفال وخصوصا التوأم التى احبتهم واحبوها كثيرا
دخلت عليها رضوى وقالت _ايه يا يويو الاخبار
آية بامتنان _تمام الحمد لله بجد يا رضوى مهما شكرتك قليل عليكى ….
رضوي بعتب _متقوليش كدة يا اية انتى تستاهلى كل خير وتعالى يالا وقتك معاهم انتهى..
اية بتفاجأ _بالسرعة دى لاء سبينى معاهم شوية ..
ضحكت رضوي قائلة _ايه يا يويو ده احنا بنعد اللحظة اللى نخرج من عندهم وبنبقى خارجين مصدعين ..
آية بدموع _يمكن كنت محتاجة دوشتهم علشان سما وهنا وحشونى ..
رضوى بحنان وهى تربت على كتفها _معلش يا آية اكيد الحقيقة هتبان وهترجعى تشوفيهم والاهم حقك هيرجعلك
اية بتنمى _ياااااارب..
فى مكان اخر فى شركة الهوارى جروب وتحديدا عند مكتب سليم يدخل عليه صديقه مهاب مهاب 36 سنة يعمل معه منذ بداية فتح الشركة متزوج ولديه طفل طويل نسبيا بجسد رياضي ايضا وشعر مموج ملامح شرقية
مهاب موجها حديثه الى سليم _صباح الخير يا سليم ايه اخبارك ..
سليم _صباح النور كله تمام بس طمنى ايه اخبار شحنة المعدات الطبية ..
مهاب _كله تمام بس فيه جماعة بيحبوا يلعبوا من تحت الترابيزة وده مش كويس لينا..
سليم بثقة_ميقدروش هما عارفين سليم الهوارى يقدر يعمل معاهم ايه …
مهاب باعجاب _ماشي ياعم الواثق ربنا بس يعديها على خير ..
سليم بشرود _يااارب..
مهاب بعدما لاحظ شرود سليم ساله _مالك سا سليم فيك ايه..
سليم _ابدا يا مهاب بس سمر حالتها مش عجبانى حاسس انها مخبية عنى حاجة …
مهاب بقلق _حاجة ايه لاء طبعا يا اخى سمر مستحيل تخبي عنك حاجة …
سليم _حالتها الصحية مش عجبانى وكل ما قولها نروح للدكتور ترفض وانت عارف انها عنيدة ..
مهاب _لاء كدة انت قلقتنى طيب هتعمل ايه …
سليم بحيرة _مش عارف بس اكيد لو فيه حاجة هعرفها ده حتى طلبت تروح تودى آسر والين الحضانة ودى اول مرة تعملها …
مهاب بهدوء _متقلقش يا سليم انشاءلله خير …
_________
انا عند سمر فكانت قد وصلت المشفى مع صديقتها وترجلت من السيارة ودخلت وصعدت الى غرفة دكتور شريف
فى الداخل بعد الترحيب سالته متوجسة _خير يا دكتور طمنى
دكتور اشرف بارتباك _للاسف يا مدام سمر التحاليل بتاكد ان عندك کانسر ……
الجزء الرابع