املي ج2 الاخير

الفصل الحادي عشر
أنا أستاذ عماد اقصد حضرة الضابط عماد حضرتك معايا
الظابط أيوة معاكى بصى انا مش عاوزك تقلقى الجيران.. أنا هتصرف معاهم وهاخد عليهم تعهد كمان و البنت أنا أعرف ناس هتخلصلك الموضوع رسمى و نصلح البيانات و ممكن كمان تغيرى اسمها.
أنا فرحت جداا أول مره حد يعرض مساعدته ليا من غير مااطلب هو بجد حضرتك ممكن تعمل كدة
ابتسم اكيد ظابط بقي بعد ما اخلص موضوع الجيران حاخد تليفونك واكلمك لما اتفق معاهم عشان تخلصي الورق اتفقنا
وانا في قمة سعادتي اتقفنا.
نده الضابط العسكري ودخل الجيران وطلب مني اقف معاهم والصراحة ظبطهم لدرجة اني خفت منه تاني ومضاهم علي تعهد واخد تليفوني فعلا وفرحت جدا رجعت البيت وانا اول مرة احس بالنصر كان احساس جميل واول ما رجعت البيت كلمت عمتي وحكيت لها اللي حصل
عمتي الحمد لله انه وقف معاكي دي البداية يا امل اجمدي اللي جاي حيكون اصعب.
بعد كام يوم تليفوني رن رقم غريب
انا الو مين
هو مش مسجلة الرقم
انا استظراف ما بحبش.
وقفلت الخط فاتصل تاني.
انا افندم.
هو انا الظابط عماد.
انا بتاع القسم!
هو بتاع القسم! لا ظابط القسم. 
انا وكنت محرجة جدا وبضحك انا اسفة مش قصدي بس ما توقعتش.
الضابط عماد مش قولت لك اني حساعدك تصلحي الورق.
انا ما توقعتش انك هتهتم تقريبا ما حدش ساعدني من وقت ۏفاة بابا قولت يمكن اشفقت عليا وقتها وخلاص.
الظابط عماد وحاول يخلي فيه القليل من المرح اشفقت كلام كبير قوي بصي بعد بكرة فضي نفسك الصبح تروحي العنوان اللي حبعته علي الوتس وده في الوزارة عشان ما تفكريش زي ما بتسمعي علي السوشيال ميديا حتقابلي هناك الشخص اللي حبعت اسمه وهو حيقوم معاكي بالواجب وزيادة.
انا انا مش عارفة اشكرك ازاي
الظابط عماد من غير شكر جهزي للبنت الاسم اللي عايزاه عشان حتغيريه.
انا بفرحة كببرة قوي بجد حقدر اغير اسمها انا مش عارفة اقولك ايه بجد شكرا لو في كلمة اكبر من كده كنت قولتها. 
الضابط عماد وشعر بسعادتي وابتسم ممزوج بضحكة بسيطة كانت واضحة من صوته فرحتي قوي كده مهم قوي تغيري الاسم.
انا الصراحة ايوة اصل اسمها كان ملغبط قوي ملوش علاقة ببعضه كفاية ان اسمها كان علي اسمي.
هو ودي حاجة وحشه
انا اكيد اخاڤ حظها يكون زيي.
هو ما تنسيش بعد بكرة الساعة 10 الصبح حبعت المكان واسم الشخص واتس.
قفل وكنت مبسوطة جدا مش عارفة اوصف لكم مبسوطة قد ايه يومها اخدته اجازة وروحت في المكان وسالت علي الشخص اللي قالي عليه وتفاجئت لما لاقيته هو كمان هناك.
انا حضرت الظابط ازيك.
الظابط انا قولت اجي يمكن تحتاجي مساعدة تاني.
انا ده كتير قوي وكرم منك.
هو يعني غيرتي فكرتك
انا اكيد لو الكل كدة.
هو تعالي ندخل جوه نبدأ.
انا تمام يلا.
دخلنا استقبلنا كويس جدا ما قومتش من مكاني خالص صديقه قام بكل الإجراءات خذوا بس اسم البنت الجديد 
الظابط عماد انت عايزة تغيري اسم البنت يا تري حددتيه .
انا ايوة ان شاء الله حيكون اسمها هبه عماد رشدي.
و اټخضيت من نفسي واتعجبت وسكت لأني كنت عايزة اسميها هبه سليم رشدي حغير حاجة بسيطة في اسم بابا ايه خلاني اغير الاسم مش عارفة.
صديقه اللي بيخلص الاجراءات كتب الاسم وقال تمام ثواني وراجع.
بصيت للظابط وقلت بتلقائية انا اسفة لو استخدمت اسمك مش عارفة قولت كده ليه انا كنت حسميها هبه سليم رشدي مش عارفة ازاي طلعت مني عماد!
هو وظهر عليه الهم والزعل لا عادي يعني هو انا بس اللي اسمي عماد وحب يعمل جو مرح حتي اسم عماد قديم جدا.
ابتسمت وانا محرجة جدا اسفة مرة تانية.
هو سجلتي نمرتي
انا اه والله واسفة اني قفلت اول مرة.
هو اه لما قفلتي في وشي قصدك
انا وجهي جاب الوان الطيف كلها وسكت.
هو خلاص ما تتكسفيش كده حصل خير لو احتاجتي مساعدة اي وقت كلميني بدون تردد.
انا ابتسمت وحسيت بسعادة جوايا اول مرة حد يساعدني بدون ما اطلب ويهتم بيا صحيح مش عارفة مهتم ليه واضح بنسبة 90 انه شفقة وتعاطف بس مبسوطة مش عارفة ليه!
بقي معايا ورق رسمي لهبه اسم جميل بحبه من زمان كلمت عمتي
ونور وحكيت لهم وهما الاتنين حظروني من الحب من طرف واحد وعمتي قالت لي انه يوجع قوي وحذرتني كتير انا كنت مستبعده اي حاجة وما توقعتش اني ممكن احب بعد كل اللي حصل لي.
عدي شهر من غير اي احداث كنت بفتكر كتير اللي حصل وافضل اضحك لوحدي مش عارفة فراغ ولا ايه بودي البنت الصبح حضانة واخدها بعد الشعل.
حسيت بۏجع والم شديد في بطني واضطرابكشفت وحللت ما في مستشفي بقي مصلحة ههههه طلع عندي مشكلة في الرحم بتسبب في ڼزيف والدكتورة قالت اني محتاجة عملية و توقعت ان بعد فترة لو ما عملت العملية حيحصل ڼزيف حاد في اي وقت وطبعا ما فيش حد ممكن ياخد هبه ماليش اي حد كانت مشكله كبيرة واجلت العملية و الڼزيف الكثير سبب لي أناميه حادة وشي بقي اصغر ودايما ضعيفة وتعبانة.
حضرت الظابط وقف معاها…….. اخيرا يا امل حد وقف معاكي 
ياتري ليه سرح منها وليه بيساعدها
الفصل الثاني عشر
في يوم كنت بمر في المستشفى وجدت سيدة كبيرة بتزعق عايزة تدخل لمريضة وبيقولوا لها ممنوع.
انا مساء الخير يا فندم حضرتك اهدي وما تضايقيش نفسك قولي لي بس في ايه
الزائرة عايزة ادخل لمريضة جوة ازورها ومش راضيين انا لو ابني معايا محدش كان قدر يتكلم.
انا ابتسمت انا ممكن اساعدك عادي مش لازم ابن حضرتك هو طبيب هنا 
الزائرة لأ ظابط ويقدر يدخل اي مكان.
انا مبتسمة اممم طيب تحبي اساعدك هي المړيضة او المړيض غرفة كام.
الزائرة ادتني المعلومات واخدتها لهناك.
انا حضرتك انا دخلتك اهو بس يا ريت ما تطوليش عشان انا دخلتك علي مسئوليتي وما حبتش انك تمشي زعلانة.
حسيت وقتها بدوخة شديدة والزائرة سندتني شكرتها ومشيت.
شوية ونادوني في الريسبشن تحت ابن الزائرة جه وعايز يدخل نزلت تاني ولسة حتكلم لقيته هو الظابط عماد 
انا حضرت الظابط اهلا بيك هو حضرتك اللي عايز تدخل.
هو وكان متضايق ومتعصب النظام عندكوا صعب جدا طول عمري بدخل اي مكان عادي.
انا طيب ما تضايقش كده انا دخلتك اهو والدتك فوق.
وقف وبصي لي باستغراب جدا.
بصيت له وكنت تعبانة قوي مش قادرة اقف من غير ما تستغرب كده هي لما جت انا بردوا دخلتها وقالت ان ابنها لو كان معاها كان ډخلها عشان ظابط فطبيعي ان استنتج انك ابنها. 
خلصت الجملة وكنت هقع فسندني.
هو انت كويسة 
انا اه الحمد لله. يلا اوصلك.
وصلته وسالتهم محتاجين حاجة وطلبت منهم ما يطولوش ورجعت ممكتبي.
بعد كام يوم كنت عايزة اغير بيانات البطاقة اللي لسه فيها اني متزوجة من ا زياد فرحت القسم وكان معايا هبه و التعب باين بقوة كل يوم بيكون اصعب من اللي قبله.
انا مساء الخير ازي حضرتك اسفة لإزعاجك.
الضابط عماد لا اسف ولا حاجة اتفضلي.
انا كنت عايزة اغير بيانات بطاقتي والصراحة مش قادرة علي اللف فممكن تساعدني اخلص بسرعة عشان مش بقدر اقف كتير.
كان اهتمامه في اتجاه تاني غير البطاقة.
هو انت تعبانة من المرة اللي فاتت شكلك باين مالك
انا عادي مشاكل صحية.
هو ايه يعني
انا اتحرجت جدا مش حعرف ارد حقول ايه دي حاجات نسائية وهو اخيرا فهم انها حاجات خاصة اتنحنح وسكت 
هو طيب تعالي معايا.
وقف وانا كمان وقفت عشان اروح معاه لكن ما قدرتش اتحرك من مكاني نزل عليا وحسيت ان قلبي حيقف وإتوجعت بشدة وكانت هبه حتقع مني جري عليا وسندني واخد هبه 
هو مالك إيه اللي حصل 
انا مش حينفع حيقولوا عملية
هو يا سيتي لو مش معاكي فلوس ادفع انا.
ابتسمت وانا مش قادرة انا معايا علي فكرة المشكلة في هبه حسيبها فين ومع مين ما لناش غير بعض.
هو ما تقلقيش. 
اغمي عليا وما حستش باي حاجة وبعدها بفتح عنيا لقيتني في مستشفي وسمعت حوار دار بينه وبين والدته.
والدته يا ابني مش معني انها صعبانه عليك اننا ندخل بنت من الملجأ البيت ونهتم بيها وبعدين هي نفسها الله اعلم وراها ايه مش طبيعي تكون لوحدها كده.
هو اكيد مش حسيبها ټموت دي انسانة وهي محترمة وطيبة انت نفسك شكرتي فيها قبل ما تعرفي اللي حكيت لك عليه.
والدته يا ابني.
هو خلاص يا ماما انا مش
حتجوزها انا بساعدها عشان هي محتاجة مساعدة.
بدات اتوجع ڠصب عني قربوا مني واطمنوا عليا وهو طبطب عليا اول ايد تطبطب عليا بعد بابا فرحت واتوجعت مش عارف ليه! مشيوا وهو طمني ان هبه معاهم ومااقلقش عليها عدي اربع ايام وطنط كل يوم تيجي تزورني واشوف هبه وطبعا حضرت الظابط معاها خرجت من المستشفى وصلوني البيت هو ما طلعش طنط بس عشان كلام الناس وهي اللي نبهتني ان البنت تعبانة.
والدته حمد الله علي السلامة يا بنتي الف سلامة عليكي.
انا الله يسلمك يا طنط تعبتك معايا انا اسفة.
هي من غير اسف الناس لبعضها كنت عايزة اسالك هي البنت تعبانة.
انا هي كانت تعبانة لما اخدتها من الملجأ وتابعت معاهم وقالوا انها بقت كويسة.
هي اكشفي عليها يا بنتي هي تعبانة حركتها مش طبيعية وضعيفة.
انا قلقتيني يا طنط حروح بيها بكرة اكشف لها.
هي استني لما تبقي كويسة ما جتش من كام يوم كمان.
مشيت طنط وانا قلقت وخۏفت وحسيت اني اهملتها بالرغم من انهم في الملجأ قالوا انها بقت كويسة صبرت بالعافية لحد ما قدرت اتحرك وكشفت لها في المستشفى وانهرت لما عرفت ان قلبها تعبان وان العملية صعبة ونصحوني اروح مركز مجدي يعقوب كان الظابط عماد بيتصل بيا يطمن عليا وعليها ولما عرف راح معايا للمركز وقدرنا ناخد معاد صحيح كان بعيد شويتين بس الحمد لله عرفنا وحاول يقويني شوية لأني كنت مڼهارة وكان ينظر لي ومستغرب اني كدة ومش امها وانا ما كنش عندي القدرة اتكلم خالص.
فترة العملية وتعب هبه قربني منه شوية حسيت احساس جميل عمري ما حسيته قبل كده وهو مجرد شفقة وكان باين قوي افتكرت جملة عمتي الحب من طرف واحد بيوجع قوي لأني فعلا موجوعة قوي وانا بتكلم معاه بحس بفرحة ونفس الوقت ۏجع في قلبي.
تعبت امل رما كنتش لاقية حد يساعدها التخل عزوة حتي لو ماحسوش بينا………….مش عايزة حد يزعل مني 
هبه عيانة وحضرت الظابط ماتركش امل لوحدها سافر معاها كمان
وامل وقعت في شبكت الحب…… ياتري حضرت الضايط اخباره ايه يا رب يقع 
الفصل الثالث عشر
حاولت ابعد وابطل تفكير فيه واركز في تعب هبه اللي شغلني كتير ما كنتش برد معظم المرات وبتحجج باي حاجة لحد ما بطل يتصل وكنت تعبانة قوي دايما بفكر فيه.
وفي يوم وانا في الشعل لقيت هيصة جامدة قوي والمستشفى مقلوبة عملية ارهابية عند القسم الظباط والعساكر متصابين والدم اللي في المستشفى خلص وبدأوا في جمع التبرع پالدم جريت اشوف اللي حصل والحقيقة كنت بدور عليه عايزة اطمن عليه دي اول حاجة جت في بالي اول ما سمعت اللي حصل.
وصلت لمكان المصابين ولقيت والدته هناك مڼهارة والدكتور بيكلمها 
الدكتور هو ڼزف كتير وفصيلة دمه مش موجودة ولازم نقل ډم ضروري المصابين كتير لازم تبرع.
والدته طيب خد مني.
الدكتور حضرتك عندك سكر او ضغط
والدته ايوة سكر.
الدكتور ما ينفعش. 
دخلت في الحوار وسألت هي فصيله دمه ايه
التفتوا ليا ورد الدكتور كانت دموعي بدأت تنزل وانا مش حاسة بحاجة
الدكتور O. 
انا انا فصيلة دمي O ممكن اتبرع ما عنديش لا سكر ولا ضغط.
والدته بجد يا بنتي.
انا اكيد يا طنط.
الدكتور هو قريبك
انا وانتبهت لنفسي مسحت دموعي لأ بس ساعدني في حاجات كتير شخصية محترمة ما يستحقش اللي حصل. 
الدكتور العناصر التكفيرية دمل مجتمعي للأسف تنتقي أفضل الشخصيات عشان تصفيها المهم تقدري تتبرعي تاني عشان يقدر يعدي الفترة الحرجة
رديت وكنت بدأت اشعر بالتعب ايوة انا كويسة.
الدكتور بص لي وابتسم كان فهم اني تعبانة وكلم الممرضة اللي جابت لي علبتين عصير وقال لي
الدكتور لو فعلا كويسة اشربي دول الاول.
ابتسمت ومحرجة جدا أماءت رأسي دخلت والدته ووقفت جانبي 
والدته شكرا يا بنتي انقذتي ابني الدكتور قال إنك حتتبرعي تاني. 
سكت ما اتكلمتش شربت العصير والدكتور جه بعد شوية سحب ډم تاني وطلب مني ارتاح شوية وما قمش علي طول ڠصب عني نمت علي ما فوقت كان الوقت اتاخر لدرجة ان معاد خروجي عدي اټخضيت وقمت بسرعة حسيت
بدوار كنت هقع لقيت طنط سندتني. 
والدته بالراحة يا بنتي الدكتور قال جسمك ضعيف واستني شوية خليكي مرتاحة.
انا هبه في الحضانة عايزة اخدها اكيد پتبكي وهي تعبانة ما ينفعش اسيبها كده
والدته طيب بالراحة مش ممكن حد من اصحابك يجيبها. 
انا ما ليش حد يساعدني.
والدته لا حول ولا قوة الا بالله خليكي طيب عرفيني مكان الحضانة واسمها وحبعت حد يجيبها ما تقلقيش.
وفعلا اخدت اسم الحضانة والمكان وكلمتهم وبعتت حد جاب البنت واكل وما سابتنيش لحد ما اكلت وبقيت كويسة وبعدين روحت.
اخدت تاني يوم اجازة كنت تعبانة ومحرجة جدا بس كلمت طنط اطمنت انهم كويسين ومش محتاجين حاجة ورجعت الشغل اليوم الثالث وطلعت له اول ما وصلت قبل طنط ما توصل كان شكله أحسن بكتير كان نايم او اتهيألي كده فضلت ابص له شوية من غير ما اتكلم وطلعت برة سألت التمريض عنه واللي قالوا لي انه بقي كويس ويومين ثلاثة ويطلع خلاص اطمأنيت اخيرا وابتسمت رجعت شغلي وكررت ده اليومين اللي بعدهم في تالت يوم لما طلعت قربت منه شوية 
الظابط عماد رايحة فين
ڠصب عني شهقت وما قدرتش اتكلم.
هو مش اللي يزور حد يتكلم معاه ثلاث ايام تطلعي ما تتكلميش وتمشي.
شديت ايدي عشان امشي بس مسكها جامد وقالي ردي الاول. 
وكنت محرجة ووجهي احمر بشدة ومش عارفة اقول ايه 
انا لو سمحت سيب ايدي امشي.
هو بتعملي كده ليه
اتحرجت اكتر مش لاقيه رد نفسي بقي بصوت عالي وصدري طالع نازل مع كل شهيق وزفير ونزلت دموعي وهو لسه ماسك ايدي جامد.
انا عايزة امشي لو سمحت. 
هو ردي الاول.
انا ليه انت بتعمل كده سيبني ما اذتكش ليه بتاذيني .
استغرب ردي وانا كمان وترك ايدي جريت خرجت بره ومنه على مكتبي وهو كان مستغرب جدا اتصل بالليل وما ردتش وفضل كل يوم يتصل لحد بعدها بأسبوع رديت.
انا الو ايوة.
الظابط اسف ما كنش قصدي اضايقك انا مش عارف اذيتك ازاي انا ما عملتش ولا قولت حاجة غلط بس اسف.
انا حصل خير.
هو عايز اقابلك.
انا اسفة مش حينفع مش بخرج غير للشغل وبس.
هو مش غريبة قوي.
انا اعتقد دي حاجة شخصية وعادي أنى ماقولش السبب.
هو حانتظرك بكرة في القسم.
انا مش جاية.
هو حاجي لك البيت.
انا ليه مصمم تأذيني.
هو مش عايز اأذيكي والله بس لازم اتكلم معاكي وانا شايفك. 
انا ليه 
هو لما تيجي حتعرفي.
انا حاضر.
هو مطيعة.
انا ممكن ما تفرضش حاجة عليا تاني.
هو حاضر بس اكيد جاية. 
انا حاجي بعد الشعل على طول.
حاولت تبعد بس مفيش فايدة انفجار القسم رجعهم.
ياتري حضرت الظابط عايز ايه
ليه مصر يقابلها بعد ما احرجها واعتذر…….يا رب فرح بقي
الفصل الرابع عشر
وفعلا روحت تاني يوم بعد الشغل كنت فرحانة ومكسوفة ومحرجة وخاېفة.
وصلت اول ما قولت للعسكري اسمي دخلني علي طول وهو اول ما شافني ابتسم وقام سلم عليا 
هو كويس أنك جيتي لأني كنت حجيلك البيت فعلا اتفضلي اقعدي.
قعد في الكرسي اللي المقابل ونظر لي كتير اتحرجت وقمت امشي.
هو ومسك ايدي رايحة فين اقعدي.
انا وكنت لسه واقفة انت قلت عايز تتكلم مش تبص لي.
هو ابتسم طيب اقعدي حتكلم.
قعدت وفضلت ساكته
هو انت وراكي سر ممكن اعرفه
انا لأ.
ضحك هو ليه
انا مش لازم حد يعرف حياتي كفاية انا عارفة.
هو طيب احنا تقابلنا قبل كده قصدي قبل ما تيجي هنا اول مرة بحاول افتكر بس تفكيري مشوش مش فاكر كويس.
انا حضرت الظابط ما تشغلش بالك بيا وتقدر تسمح رقمي من عندك وانا كمان واكيد مش حنتقابل تاني مش حيفرق تقابلنا قبل كده ولا لأ سيبني في حالي انا مريت في حياتي بتعب كتير ومش حقدر علي تعب تاني.
وقمت عشان امشي.
قال بثبات شديد وثقة
هو اقعدي.
قعدت مش عارفة ليه كأني مش عايزة اخر مرة اشوفه تخلص بسرعة كان نفسي ابكي بس مسكت دموعي بالعافية وحاولت اظهر عادي.
هو انا فاكر علي فكرة.
اټخضيت جدا حسيت ان روحي راحت مني وكاني حيغمي عليا.
هو اكمل شوفتك في المقاپر واخر مرة كنت تعبانة ووقفت لك تاكسي.
نزل كلامه عليا صدمة قوية وکاړثة لو كلم لؤي.
واكمل انا عرفت رقمه لو تحبي ممكن اصالحك
علي اخوكي.
تصاعدت انفاسي وعليت وحسيت حقيقي اني مش عارفه اتنفس هو اتخض جدا وجاب مياه اشرب وطلب عصير ليمون بكيت كتير
هو ممكن تتكلمي بقي.
انا انت كلمته
هو لحد دلوقتي لأ.
انا لو عرف مكاني حيق..تل..ني انا مش خاېفة علي نفسي انا اصلا بتمني المۏت من زمان انا خاېفة عليه وعلي هبه هو عنده زوجة واولاد محتاجينه وهو شايف اني عبئ عليه عشان كده يرميني لأي حد يتقدم لي وساعات بيدلل عليا كمان نظرت له برجاء لو سمحت ما تكلموش.
هو طيب احكي من الاول.
انا ليه عايز تعرف احنا مش حنتقابل تاني.
هو حنتقابل تاني كتير.
انا ممكن امشي
هو حتيجي بكرة
انا تفتكر عادي كل يوم اجي القسم
هو لأ. نتقابل بره
انا مش بخرج عشان لؤي ما يشوفنيش باي صدفه.
هو ماشي. طيب اكلمك ازاي وانا شايفك
انا ليه وانت شايفني ممكن في الفون عادي.
هو ازاي
انا علي الماسنجر.
هو طيب هاتي الفيس بتاعك.
انا حبعت واتس.
هو ولو ما بعتيش
انا العنوان معاك انت وصلتني قبل كده.
ابتسم وانا كمان كنت مبسوطة رجعت البيت لقيته باعت واتس يسال علي اكونت الفيس بعته وضافني علي طول سعادة كبيرة مع اني متاكده انه مش حاسس باي حاجة ناحيتي.
بالليل بعد ما نيمت هبه وبدا الفراغ وقتها لقيته بيتصل فتحت اللاب عمتي كانت بعتت لي فلوس واشتريته عشان اعرف اتكلم معاها بعت قولت له ثواني واتصل تاني قمت اتسرحت و حطيت الطرحة علي شعري ولبست هدوم حلوة
وبعت لو عايز تتكلم اتصل اتصل علي طول.
هو اتاخرتي ليه
انا انت مش شايف انك جرئ قوي.
هو احكي.
انا عايز تعرف ليه
هو انت بتتكلمي كتير
انا بجد عايز تعرف ليه
هو مش عارف بس عايز اعرف.
انا ماشي بس حتعرف وما تتصلش تاني عشان مش حرد عليك تاني.
هو ليه
انا انا صحيح عايشة لوحدي بس محترمة وبحافظ علي الاصول حاحكي لك عشان صورتي قدامك ما تكونش مشوهه وتعرف ان الظروف هي اللي اضطريتني لكده انا اولا بعدت عن اخويا لان دي وصية بابا الله يرحمه. ثانيا اني قرفت من فكرة الزواج من اللي حصل ومش عايزة اتجوز تاني.
هو والدك وصاكي تهربي! مش غريبة وليه قرفانة من الرجالة قوي كدة انت 28 سنة اكيد ما شوفتيش اللي يوصلك لكدة.
انا حقولك.
وبدأت احكي كنت ببكي جامد وانا بحكي وحسيت ان اخويا وحشني قوي والاحساس ده وجعني قوي لأني متأكدة اني مش حقدر اشوفه. الشفقة بانت عليه قوي هو ده الاحساس الوحيد اللي بيحسه ناحيتي.
انا عرفت ممكن اقفل بقي.
هو لأ اهدي الاول. روحي اغسلي وشك وتعالي.
انا انت ليه بتعمل كده انت عرفت اللي كنت عايز تعرفه سيبني في حال بقي.
هو انت فعلا مش بتخلفي
بصيت له وسكت سؤاله وجعني.
هو اسف اعتبري اني ما سالتش ممكن اكلمك تاني بكرة.
انا علي فكرة انا بجد تعبت ليه بتتعامل معايا علي اني واحدة مش كويسة والله كده كتير انا
—
بجد مش مستحلة انا حكيت لك عشان تسيبني في حالي وتعرف اني تعبانة بجد واني مش بعمل حاجة غلط.
هو والله مش قصدي اعتبري اننا اصدقاء لو مش عايزة تفتحي الكاميرا ماشي نتكلم فون بس اديني فرصة اعرفك وانت كمان تعرفيني.
انا ليه
هو اكيد زهقانة من القعدة لوحدك اديني بسليكي.
انا حفكر.
ابتسم وقال ماشي.
رررررررررررررررررررررررررررررررررررررررررررررر
قابلت الظابط وطلع محاسن الصدف بتلعب معاها وهو اللي قابلته في المقاپر فعلا.
فكرها باللي حصل وكان حيكلم لؤي بس كلمها وناوي يتصل تاني 
يارب قصة حب بقي
الفصل الخامس عشر
فضلنا شوية نتكلم كنت بفرح قوي لحد ما في مرة اتصل علي الماسنجر صوت وصورة فتحت وكان شكله متضايق قوي
انا مالك
هو انت كذبتي ليه
انا ما كذبتش عليك في حاجة.
هو كذبتي لما قولتي انك عاقر.
انا كلامك بيوجع علي فكرة وانا ماقولتش اني عاقر ولا مرة. نزلت دموعي.
بص لي وصعبت عليه قولتي انك ما خلفتيش وان جوازك الاول كان ثلاث سنوات بدون حمل.
انا فعلا وما قولتش عاقر وفعلا استمر بدون اطفال إرادة ربنا احنا الاتنين مع بعض ما نخلفش وهو اتجوز وخلف عرفت من نور صديقتي الوحيدة بتشتغل معاه في نفس المستشفى.
هو والجوازة التانية
انا وحاولت امسك دموعي من الضړب كان بيضربني في كل الاوقات ولما حصل حمل ماټ وهو في اوله يوم ما كنت في المقاپر وانت ركبتني التاكسي قبلها بيوم كنت اخده علقة مۏت واولاده شالوه من عليا خافوا اموت ويفقدوا ابوهم ولما رجعت من المقاپر كمل عليا لأني تأخرت وما عملتش غدا خڼتني دموعي فضلت اقوله اني تعبانة سيبي ارتاح ضړبني ووقعت علي الارض فضل يضرب المكان وداني مستشفي وده كان السبب اني قدرت اتطلق.
هدي جامد وشوفت في عينه الشفقة قفلت من غير ما اتكلم حاول يتصل تاني وما فتحتش فضل يتصل اسبوع فون وماسنجر وانا مش برد لحد ما جاني في يوم الشعل لقيته واقف ادامي.
هو انا اسف.
انا وكنت مصډومة انه جه ومحرجة وموجوعة قوي
انا حصل خير ممكن تمشي عشان شكلي قدام زمايلي .
هو حاضر.
مشي وانا ماقدرتش اكمل اليوم استأذنت ومشيت وحصلت صدفة عجيبة وانا في الريسبشن لقيت هادي قدامي
هادي امل.
انا وجهي اصفر ماقدرتش اتحرك من مكاني قرب مني وبص لي بخبث
هادي انت شغالة هنا شوفتي الصدف.
انا انت عايز ايه
هو انا مش عايز بس في ناس تانية حتموت وتعرف مكانك.
انا انت بتهددني.
هادي اه
انا انت اتغيرت بقيت جرئ كنت پتخاف من خيالك
هادي لا ما تغيرتش انت اللي بقيتي اضعف مما تتخيلي.
انا عايز ايه مش ليك حياتك وبقيت اب سيبني في حالي بقي.
هادي مراتي ماټت بعد ما خلفت.
انا البقاء لله انا ماشية.
هادي ماخلصتش كلامي انا عايز اتجوزك.
انا استحالة ارجع لك انت اكبر غلطة في حياتي.
هادي لا الغلطة الاكبر هروبك ولو ما وافقتيش حقول لأخوكي.
انا انت مش جبان وبس انت حقېر كمان.
هادي يومين وراجع لأ معناها انك حتلاقي لؤي هنا تالت يوم.
جريت اخدت هبه وروحت علي البيت اتصلت بعماد وكنت مڼهارة
انا انا في ورطة ممكن تساعدني.
هو ايه اللي حصل
انا بعد ما نزلت لقيت هادي جوزي الأول امامي عايز يرجع لي وبيهددني لو ما وافقتش حيقول لأخويا علي مكان شغلي.
هو طيب اعمل ايه
انا استغربت كلامه فهمت انه مش عايز ومش حابب يتدخل قفلت من غير ما اتكلم كنت مړعوپة كنت فاكرة ان كل حاجة هديت بس لقيت نفسي رجعت لقبل الصفر كمان ړعب شديد ونوبة هيستيرية من البكاء والنحيب مش عارفة اسكت فضلت كده لحد ما اغمي عليا فوقت تاني يوم علي بكاء هبه عماد اتصل كتير ما كنتش برد وحبست نفسي في البيت اسبوع خوف وړعب وقلق كل ما افكر ان لؤي ممكن يعرف مكاني واتخيله وانا بين ايديه.
لقيت رقم غريب بيرن عليا رديت على انه عماد والصدمة انه طلع هادي وبيضحك قوي
هادي ازيك انا جبت رقمك الجديد ومش بس كده عنوانك كمان قولي لي ردك بقي دلوقتي اه حضرت الظابط مش حينفعك مش حيلحق نصيحة ارجعي لي ورجعي البنت اللي معاكي الملجأ هي اصلا تعبانة وحتموت بدل ما ټموتي معاها.
انا هو مافيش غيري ما اتجوز واحدة تانية.
هادي وليه انا عارفك وعلى قد ايدي وتحت رحمتي دلوقتي ومش حتقدري تضايقيني ولا ترفعي عينك فيا والفضل يرجع لأخوكي الصراحة انتم مشاغبين لو مش معاكم حد زي لؤي والمرحومة تعبتني قوي غيرك.
قفلت وكنت مڼهارة وخاېفة وافتكرت إني روحت مع طنط قبل كده قدام بيتهم لما عملت العملية عشان اخد هبه من عندهم ركزت وافتكرت العنوان جريت علي هناك وكلمت طنط فون حكيت لها اللي حصل واترجيتها تطلب منه يساعدني وصلت هناك وطلعت
.
والدته فتحت تعال يا امل.
دخلت وكنت لسه بابكي وبرتعش.
الظابط بصي انا مفيش في ايدي حاجة اعملها اقعدي مع اخوكي وهو اكيد حيقدر واكيد مش حيموتك.
انا انت ما تعرفش أخويا ولا تعرف جدي كبره على ايه لو عندي شك حتى لو بنسبة واحد في المية انه يسامحني كنت روحت له والله خاېفة عليه مش على نفسي وخاېفة علي هبه.
هو خلاص أتجوزي هادي.
حسيت بخيبة الامل ماكنتش متوقعة انه يسيبني
انا اسفة اني جيت.
_____________ ___________ ________
بعد ما طلعت للسما نزلت للارض مش بس كده ظهر هادي من تاني واضح انه كان بيحفر وراها لحد ما وصل لها 
حضرت الظابط تخلي عنها في اكتر وقت احتاجته امل فيه يا تري ايه منتظرك 
حتعملي ايه يا امل
وحتوصلي لفين
الفصل السادس عشر
نزلت ومعايا هبه وقدام البيت تحت كانت الصدمة هادي اتصل بلؤي فعلا وانتظروني تحت البيت واول ما لؤي شافني شدني من الطرحة اللي بقت في رقبتي وشعري ملفوف علي ايده وحط البنت علي الار
والدت عماد كانت بتبص عليا من البلكونة وشافتني واترجت عماد يلحقني هو خاف من احساسه بالذنب لو جري لي أي حاجة ونزل ورايا ومشي ورانا بالعربية وطنط اخدت هبه عندها.
انا والله يا لؤي ما غلطت البنت دي انا اتكفلتها والله مشيت عشان اريحك وارتاح مش عايزة اتجوز تاني انا اتبهدلت كتير قوي ابوس ايدك سيبني وانساني.
لؤي حسيبك بس چثة.
انا والله ما خاېفة من المۏت ياريت اموت فعلا بس بلاش بأيدك مراتك واولادك محتاجينك.
لؤي وطبعا ما تفكريش انك كده حتخليني ارجع في كلامي.
خوف وړعب وقلق احساس بالمۏت في كل لحظة ما لاحظتش ان عماد ورانا كنت حاسة بيني وبين المۏت خطوة وصلنا البيت ولؤي كل ثانية بتزوده عصبية وشړ
شدني من شعري لحد البيت هناك ونسي يقفل الباب 
رحمة والاولاد مش موجودين.
انا والله ما عملت حاجة غلط والله اتكفلتها ما غلطتش والله عمتي عارفة كل خطوة بعملها والله خاېفة عليك وعلي حياتك يا لؤي والنبي فكر.
لؤي دلوقتي بتتذللي وتترجيني ما فكرتيش ليه من الاول قبل ما تفجري.
وصلت للحيطة ما فيش ورايا غيرها ومش قادرة اتحرك نزل جنبي وشدني من شعري غمضت عيني وبدأت اتشاهد في الوقت ده سمعت صوت عماد.
عماد استاذ لؤي اهدي كده اللي عايز تعمله ده حيوديك في مصېبة.
فتحت عيني لقيته ماسك ايده جامد وبيشدها يبعد السکينة من علي رقبتي وقوة من القسم جاية وراه العساكر اخدوا لؤي وعماد قومني كنت برجف جامد مش قادرة اقف سندني واخدني معاه ركبت معاه وروحنا القسم.
وهناك دخلنا غرفة الضابط اللي سأل
الظابط حتعملوا محضر.
انا بدون تفكير وبرجف واعصابي سايبة جدا باصة في الارض وبتكلم وانا بجمع حروف
انا لأ اكيد لأ.
اټصدم عماد ولؤي فكملت اكيد مش حاذي اخويا.
الظابط بس هو كان حيقتلك.
انا مش حأذيه هو معذور انا اللي غلطانة.
الظابط طيب انا حسيبكم شوية تتكلموا وارجع تاني.
عماد الؤي مدام امل انسانة محترمة ما تستحقش منك كده.
لؤي لما تهرب من البيت وتفضل بره شهور ده ايه.
انا ولسه بحالتي وبرجف بشدة وكلماتي مبعثرة عشان تعبت وزهقت مش قادرة انت شايفني عبء عليك بتجوزني لاي حد واخر مرة دورت علي عريس ودللت عليا كان سنه ضعف عمري عاملني اسوء معاملة من بعد الطلاق وانا في المستشفي ولو كنت فضلت معاك كنت حتنتظر العدة تخلص والله اعلم وقتها كنت حوصل لفين والله اتمنيت المۏت كل لحظة كنت خاېفة عليك بس ما قدرتش افضل وانا عارفة حتعمل ايه سكت ورجعت كملت طول عمرك بعيد عني طول عمرك زعلان مني بدون سبب مش ذنبي اني اتولدت بنت لو كان بايدي ما كنتش جيت الدنيا او علي الاقل مشيت منها والله اللي مانعني اني مش عايزة اتعذب دنيا واخره من وقت ما وعيت على الدنيا مش معقول اموت منتحرة كمان في الاخرة ورحمة بابا وجدي سيبي يا لؤي ما تجوزنيش تاني.
لؤي بسببك ماما ماټت غضبانه عليا.
انا مش بسببي وانت عارف مين اللي خلاك تتعامل معاها كده كنت ماشي ورا جدي من غير ما تفكر نسيت ان جدي هو سبب ان عمتي هاجرت وسابت مصر كلها. علي العموم اطمن ماما كانت راضية عنك طلبت ان بابا يقول لك كده عشان تتوجع وتتغير بس كانت راضية عنك.
عماد متهيألي تكملوا كلام في البيت احنا مخرجين الظابط من مكتبه من كتير.
لؤي تعالي انت كمان عشان افهم كانت عندك بتعمل ايه وحكايتك ايه
عماد كده كده حوصلكم يلا.
رجعنا البيت وعماد ساندني مش قادرة اتحرك ولؤي مش مهتم ومش متضايق من عماد زي ما يكون دماغه في مكان تاني قعدوا ولؤي اتكلم مع عماد وسمع منه كل اللي حصل
لؤي يعني راحت لك عشان تساعدها حتي لو الأمر كده مش المفروض تروح لك البيت.
عماد عندك حق بس التمس لها العذر هي كانت مړعوپة وعندها حق لولا اني جيت كان زمانك قاتلها وارجع اقولك لو هي مش متأكدة ان والدتي معايا ما
كانتش جت ده غير انها كلمتها قبل ما تجي وما كنش عندها بديل.
لؤي يعني يا امل عاجبك اللي حصل لك من جيرانك من قعدتك لوحدك وشكلك قدامهم ليهم حق يعملوا اكتر من كده ويشكوا فيكي.
انا والله ما غلطتش ما كنتش بطلع من البيت غير للشغل وبس حافظت على نفسي والله مفيش حاجة عملتها غير وعمتي عارفاها وبتكلمني كل يوم.
لؤي انت عارفة ان سيرة عمتك مش حتشفع لك عندي. علي العموم مسيرك تتجوزي وتتلمي مع جوزك.
حسيت پقهر شديد اني حيرجع تاني يدور لي علي عريس اي حد وخلاص.
انا بردوا يا لؤي ارحمني بقي عايزة احس اني انسانة وليا حقوق. مش قادرة اكون كل شوية مع حد عشان انت ترتاح تعبت والله.
لؤي البنت اللي معاكي ترجع تاني الملجأ.
انا ليه طيب حرام عليك مش حقدر ابعد عنها وهي كمان ذنبها ايه
لؤي يبقي حعتبر ان اختي ماټت وخليكي بعيد مش طايقك ولا عايز اسمع حاجة عنك.
عماد يا استاذ لؤي رايي ترتاحوا النهاردة وتتكلموا لما تهدوا اي كلام دلوقتي حيعقد الامور الامور.
حضرت الظابط جري وراها ولحقها
وامل بردوا خاېفة علي اخوها ونعم الاخوات يا امل واجة لؤي
ياتري لؤي هقله مش فيه ليه ايه اللي حصل له
ايه اللي حيحصل بكرا ادينا قاعدينالفصل السابع عشر
بدأت انتبه ان رحمة والولاد مش موجودين سألت لؤي بصوت مخڼوق وكنت فاقدة الامل ان لؤي يفهمني وعارفة اني حرجع لڼار حياتي معاه تاني.
انا فين رحمة يا لؤي والولاد
ابتسم لؤي بسخرية لسه اخده بالك رحمة سابت البيت من وقت ۏفاة مني.
نزلت كلماته صاعقة عليا ونزلت معاها دموعي وجسيت بين ايديه علي الارض وهو كان ساند ذراعيه علي قدمه ومطاطا راسه
انا مني مين اللي ماټت مني بنتك قول لأ قول مش هي.
سكت لؤي وبانت عليه الحسړة مسكته من ذراعيه ورجيته وانا پصرخ
انا ليه المۏت بياخذهم كلهم وسايبني ليه مش عايزني حتي المۏت رافضني ليه كل حد احبه يسيبني وېموت ليه انا مش عايزة الدنيا دي مشيني منها مش عايزاها.
لقيت عماد بيشدني وقعدني علي الكرسي ولتاني مرة يطبطب عليا ويهديني بصي لي بنفس النظرة اللي مش بشوف غيرها.
انا وباصة في الارض والحسړة ملياني انا اسفة يا لؤي حقك عليا عنيا اتملت دموع وصوتي اختنق ده حصل امتي
لؤي قبل ما اسافر كانت تعبانة اكتشفنا ان عندها عيب خلقي بالقلب واتعملت لها عملية اول ما رجعت بس ماټت بعد اسبوع من العملية بعدها بفترة بسيطة رحمة سابت البيت حاولت ارجعها كتير رفضت.
انا والشهور دي كلها قاعد لوحدك طيب خليني اقعد معاك مش عايزة اسيبك لوحدك.
لؤي يبقي تسيبي البنت اللي معاكي رجعيها الملجأ.
غمضت عيني ونزلت دموعي علي وجهي حرام يا لؤي البنت تعبانة ومش ذنبها اني اخدتها واعذبها وارجعها تاني للوحدة وبرد الملجأ لؤي ورحمة مني بنتك
قطعنا عماد الؤي انا طالب منك ايد اختك امل لو هي موافقة.
بصيت له بذهول مش فاهمة ليه اتقدم جوايا مشاعر متضاربة متأكدة انه مش حاسس اي حاجة من ناحيتي يبقي ليه عايز يتجوزني شفقة!!! ده غير ان الوقت غريب جدا والاغرب رد لؤي.
لؤي اسالها اهي قدامك.
عماد بدعابة هي موافقة عريس لقطة بقي وضحك. حكلمك احدد معاد ووالدتي حتيجي معايا وقف وبص لي وقال خليكي هنا والبنت مع امي ما تقلقيش عليها وبعد الفرح حتكون معاكي.
مشي وانا كنت مذهولة فاقدة القدرة علي التفكير وزعلانه علي مني ما ودعتهاش حتي قربت من ل وجعني عليه حسيت بغصة شديدة بقلبي.
من وقت ما رجعت البيت شيلت الحجاب مش محتاجة استخبي وراه.
اول مرة افرح من سنين فرحة كبيرة عماد جه فعلا ومعاه والدته وقابلوا لؤي واتفقوا علي الزفاف وعماد قال حيعمل فرح كبير وانا كلمت رحمة كتير واخيرا اقنعتها ترجع لأخويا وقولت لها انه اتغير واكبر دليل انه سامحني ورجعت فعلا لؤي فرح جدا وبص لي بفرحة وكانه بيشكرني وانا فرحت لفرحته وكلمت نور وباباها اللي سمح لها تقابلني تاني هي كمان حددت معاد فرحها بس بعد سنة.
مر الوقت ووالدة عماد كانت معايا واشترت معايا كل حاجة حتي الفستان حسكن معاها بنفس البيت رغبة عماد وانا رحبت جدا لأني بحبها زي ماما الله يرحمها وفعلا يوم الفرح كان جميل وفرحت قوي قوي صحيح ما شوفتش في عين عماد لهفة عليا بس بقيت معاه انا فعلا بحبه جدا من وقت ما ساعدني في اوراق هبه من يومها وانا حسيت بمشاعر عمري ما حسيتها قبل كده.
عندي احساس قوي ان جوازنا مش حيستمر بس ناوية استمتع بكل لحظة فيه يمكن يجي اليوم ويحبني.
خلص الفرح وطلعنا غرفتنا بالأوتيل وهو بدلها بالغرفة.
جلست علي الكنبة الموجودة بالغرفة وهو كان بيحول التليفزيون ما اتكلمش معايا ورجعت بالذاكرة وقتها لمرة عزمني فيها علي الغدا
عندهم في البيت عشان اشوف هبة كانت واحشاني جدا يومها اتغدي وسابني مع طنط ودخل الغرفة وفضل جوه وطنط اتكلمت معايا
طنط ما تزعليش يا بنتي والله عماد طيب.
انا مبتسمة پانكسار مش زعلانة يا طنط.
طنط بصي يا امل انا حقولك عماد بقي كده ليه انت الوحيدة اللي خلتيه يفكر انه يتجوز تاني بقاله سبع سنين رافض حتي الكلام في الموضوع ده من وقت طلاقه.
انا للدرجة دي الجوازة كانت سيئة.
طنط مش بالظبط هو حبها قوي كانت قريبتنا من بعيد وجرحته قوي فوق ما تتخيلي.
انا معقوله ممكن واحدة تلاقي الحب وتقابله بالجحود.
طنط والله مش عشان ابني بس هو بطبيعته طيب ولما حب اخلص وعمل لها كتير بس هي ماحبتهوش عشان كده مع اول اختبار حقيقي ليها فشلت فيه.
انا ايه اللي حصل
طنط تأكدت انه في غرفته وقعدت جنبي وقالت بصوت واطي.
طنط حسألك الاول يا امل لو كان جوزك الاول كويس وما خلفتيش منه كنت حتسبيه
انا يا طنط محدش اختار يكون سليم او مريض بيخلف او عقيم ربنا قال بسم الله الرحمن الرحيم ويجعل من يشاء عقيما ده رزق ولازم نقبل به الراجل تصرفات وافعال سند وحنان حماية وامان مش بيخلف او لأ والله عمري ما فكرت كده.
طنط طمنتيني يا امل اللي حقولك عليه دلوقتي سر اوعي عماد يعرفه.
انا حاضر.
طنط عماد عنده مشكلة في الخلفة اخد ادوية كتيرة ما جابتش نتيجة وطليقته كانت بتسمعه كلام تقيل علي اي راجل جرحت كرامته كتير قوي وحس بإهانة شديدة وزي ما يكون كره الستات ورفض فكرة الجواز لحد ما قابلك وقتها بدأ يفكر وبعدين رجع في كلامه واتغير قوي حاولت افهم السبب ما رضيش يتكلم ولما لقيته تاني بيقولي حنروح نتقدم وكلم اخوكي فرحت قوي انه اخيرا اخد خطوة بجد.
ابتسمت وسكت وزعلت جدا عشانه
طنط انا عارفة انك بتحبيه.
جالي ذهول نظرت لها وشي احمر الكلام هرب مني
طنط انا ست وفاهمة عرفت من يوم الحاډثة كان باين قوي وشجعته وقتها انه يكلمك وكان بيحكي لي كل حاجة ومرة واحدة بطل يحكي اي حاجة وحاله اتبدل.
وسألتني حتقدري تستحملي يا امل لحد ما وجعه يخف مش حيكون سهل يا بنتي وهو عنيد وكرامته واجعاه لحد النهاردة ومش حكدب عليكي انا مش عارفة نسيها ولا لسه
حاولت ابتسم وكنت موجوعة قوي ححاول والله علي قد ما اقدر.
طنط انا حكون معاكي وحساعدك استحمليه يا بنتي عشان خاطري اوعي تزعلي منه.
انا اكيد مش حزعل .
يمهل ولا يهمل لؤي ربنا عاقبه عقاپ شديد واخد منه عطيته بنته وهي عمرها شهور بسيطة
حضرت الظابط اتقدم لامل وناوي علي حاجة ايه هي!
وليه خبي علي امل انه مش بيخلف وهل ده ليه علاقه باللي عمله معاها قبل كده 
الفصل الثامن عشر
وقتها عرفت انه عشان كان فاكر اني عاقر سمعها مني مرة في المقاپر وقت انفصالي عن هادي وسمعها من لؤي كتير بيعايرني بيها فكان مهتم انه يتأكد عشان يقرب اكتر وده اللي خلاه يبعد لما عرف اني مش عاقر اختصار للست في نقطة واحدة الم وۏجع شديد كأني محپوسة في مكان ليه وجه واحد محدش شايف غيره والسؤال ليه رجع تاني واتقدم لي ممكن عشان هبه تفضل معايا اكيد لأ بس ايه السبب مش عارفة.
بالرغم من حبي ليه ومساعدته ليا الا انه بدأ يوجعني وكأني موعودة بالۏجع بس اكيد حشوف لحظات حلوة برده كفاية اني ممكن اساعده يعدي وجعه وارجع له كرامته وثقته في نفسه اللي هزتها طليقته. ويفضل سؤال واحد ياتري لسه بيحبها سؤال بيوجعني هو ده نوع اللي كان ناقصني فعلا واضح فعلا اني مرزقه ههههههه
رجعت تاني للحاضر.
عماد سرحانة في ايه
انا ولا حاجة.
هو مش حتاكلي
انا لو حتاكل معايا حاكل.
هو ليه افرضي مش جعان.
انا مش بعرف اكل لوحدي.
هو لما كنت لوحدك كنت بتأكلي ازاي
انا في الشعل قبل ما أروح.
هو طيب حاكل معاكي.
انا شكرا
اكلنا بدون اي كلام وقعدنا شوية وهو بيقلب التليفزيون لحد ما زهق.
هو مش حتنامي.
بصيت له وسكت مش عارفة اقول حاجة.
هو حنام عادي مش حاجة تانية ما تقلقيش تعالي.
فعلا دخلنا ننام كل واحد فينا ظهره للتاني وينظر امامه وانا كنت متوترة الحقيقة فضلنا صاحين فترة طويلة وفي الآخر نمنا تقريبا بعد النهار ما طلع وكل واحد ساكت وينظر في جهة .
تاني يوم نزلنا فطرنا تحت في المطعم واحنا بناكل 
هو حناكل
—
ونخرج علي طول.
انا بجد حنروح فين
هو السينما.
انا وفرحانة بجد.
هو ابتسم شكلك بقالك كتير ما روحتيش سينما.
انا فعلا سنين اخر مرة دخلت اول ما تخرجت مع بابا ونور يعني تقدر تقول من ست او سبع سنين.
هو وضحك بتهكم بدون صوت انت مختلفة كده في كل حاجة.
احرجت شوية وطبعا باين عليا مش بعرف اخبي بس هو ما حبش يقف عندها.
هو اكلتي
انا اه الحمد لله.
هو اكلك ضعيف ليه كده.
انا بحاول ابتسم عادي
تعودت اكل كده من زمان. 
هو طيب يلا نخرج.
قمت وقربت منه ومشيت جنبه لقيته مسك ايدي ارتعشت وقلبي وقع مني وبصيت له وجهي احمر وهو طبعا لاحظ وبص لي بطرف عينه وابتسم.
روحنا السينما كنت مبسوطة قوي انتظرنا شوية معاد الحفلة ما كنش لسه جه قعدنا في كافتيريا.
هو عايزة ايه
انا شكرا.
هو حجيب ايس كريم وحتاكليه وحتقولي حاضر وبص لي وابتسم.
انا ابتسمت حاضر
هو مطيعة.
كنت دايما احب اسمع منه كلمة مطيعة بيقولها بطريقة بتلمس قلبي بحسها مغازلة مش بقول لكم اټجننت.
المهم كان لطيف جدا وكل مرة يمسك ايدي قلبي يقع مني وبتلج وبفرح قوي ورجعنا الاوتيل اخر اليوم لانه بعد السينما خرجني وعاملني زي الاطفال جاب لي شكولاتة وورد واي حاجة يحس اني عايزاها واكيد كنت طايرة من السعادة ومكسوفة وبالليل لؤي جه اتصل بيا خۏفت جدا.
عماد مالك
انا لؤي كلمني وبيقول انه هنا في الاوتيل عايزني.
عماد طبيعي اكيد جاي يبارك لك انت عروسة.
انا تفتكر!
هو هو ما عملش كده المرتين اللي فاتو
بالرغم اني تضايقت لما فكرني بالمرتين اللي فاتوا بس كنت متأكدة انه مش قصده واتكلم بتلقائية.
انا لأ.
هو الطبيعي انه يجي يبارك ما تخافيش انا معاكي.
ابتسمت وفرحانه حسيت بالراحة اول مرة احس بكدة الكلام منه ليه طعم تاني واحساس تاني غير اللي كنت بحسه مع بابا لما كان يطمني بنفس الكلام.
نزلنا وقابلنا لؤي وقتها عماد مسك ايدي وشد عليها عشان احس بالأمان احاسيس اول مرة احسها وفرحت قوي
لؤي مبروك يا امل وسلم عليا مبروك يا عماد وسلم عليه.
انا ازيك يا لؤي عامل ايه هو في حاجة قلقتني
لؤي بنظرات تطمني وفيها لمحة اعتذار جاي ابارك لك يا امل.
ابتسمت بفرح
ة اول مرة يعملها وسالته علي رحمة والاولاد قعد معانا شوية ومشي وطلعنا الغرفة.
___________ ______________ _____
امل ډمها خفيف حتي في ۏجعها.
ايه اللي حصل اول يوم لا تعليق
المهم انها فرحانة ودخلت سينما عقبالي هههههههههه
الفصل التاسع عشر
حصل زي اليوم اللي قبله وهو بيحول القنوات لقيت قناه عليها ام كلثوم
انا ممكن لو ما عجبكش حاجة تسيب الاغنية
هو انهي ما كنش في اغاني.
انا مبتسمة ازاي ام كلثوم.
هو باندهاش بتحبيها
انا ايوة قوي.
هو بس دي قديمة قوي ومش اي حد ييحبها.
انا لو متضايق بلاش عادي.
هو لأ انا بحب اسمعها.
انا بفرحة طيب سيبها بحب الاغنية دي.
هو لحقتي تعرفي انهي اغنية.
انا اه يا ظالمني
هو ده انا ولا الاغنية.
ابتسمت لأ اكيد الاغنية اسمها يا ظالمني.
هو وابتسم ماشي تعالي هنا وما تقلقيش يلا.
كان قاعد علي السرير.
انا حاضر.
هو مطيعة.
الصبح غيرنا هدومنا عشان نفطر في المطعم وقبل ما ننزل.
هو تحبي تروحي فين بعد الفطار
انا مش لازم نخرج مش عايزة .
هو ليه انت بقالك كتير محپوسة مش بتخرجي.
كنت فرحانة انه مهتم بيا ومتأكدة ان ده لأني صعبانة عليه ومش برضي ابص له وهو بيكلمني عشان ما اشوفش ده لأنه بيوجعني قوي.
انا تقريبا تعودت.
هو حنعمل ايه طول اليوم
انا مش عارفة ممكن نروح بالليل نشوف طنط وهبه ايه رايك
هو ماشي بس لحد بالليل
انا نفضل هنا و بعدين نقعد تحت شوية وبعدين نروح للطنط.
هو حيقولوا علينا لو فضلنا هنا.
انا وضحكت حيقولوا عرسان.
اول مرة اشوفه محرج وحاول يداري ده بسرعة وانا حسيت اني عملت عمله اعتذرت ودخلت الحمام فضلت جوه لحد ما خبط عليا.
هو حتفضلي حابسة نفسك جوة يلا ننزل نفطر.
خرجت و وجهي عليه كل الالوان.
هو شكلك بيكون حلو وانت كده يقصد الوان الطيف اللي علي وجهي من الكسوف
نزلنا فطرنا واحنا قاعدين
هو متاكدة مش عايزة تخرجي.
انا ايوة.
هو خلصتي اكل
انا ايوة.
هو تشربي الشاي هنا ولا فوق
انا فوق احسن.
هو انا بردوا بقول كده يلا اطلعي حسأل علي حاجة واحصل لك.
انا حاضر.
هو مطيعة.
ابتسمت هو راح الريسبشن يسال وانا في طريقي للأسانسير وقبله علي طول رجلي اتلوت وكنت حقع كان في شاب بعيد شوية ليقته جري عليا وسندني بطريقة ضايقتني ايد في خصري التانية مسك ايدي شديت نفسي واتعصبت جدا.
انا ايه ده ازاي تعمل كدة
لقيت عماد قدامي مرة واحدة وقبل ما الشاب يخلص الكلمة كان لحقه في وجهه بلكمة وامن الاوتيل جه وطبعا عشان عماد ظابط الكل سكت مسكني من ذراعي جامد قوي دخلني الاسانسير ومنه للغرفة ساب ذراعي لما دخلنا الغرفة اللي ازرقت وانا كنت ببكي بدون صوت.
بص لي وحسيت انه اتضايق من نفسه.
هو اسف اتعصبت من اللي حصل.
انا عادي.
هو قولت لك مش قصدي هي ايدك ازرقت كده ليه مسكت ايدك جامد بس مش للدرجة دي.
كان صوتي مخڼوق من اللي حصل لي قبل كده ما بقاش يستحمل من اقل حاجة يحصل كدة.
ما اتكلمش بس برقه وربت علي ظهري غمضت عيني ودموعي نزلت فضل لحد ما حس اني بقيت كويسة انا
كنت محتاجة الحضن ده جدا.
فضلنا بالغرفة وطبعا في ملل شوية نقعد جوة وشوية علي السرير ونطلع البلكونة وشوية كلام عادي جدا في النص وبعدين كل واحد مسك مجلة يقرا فيها كنت ساعات بحس انه بيبص لي من تحت لتحت يتابعني يشوف بعمل ايه وبعمل نفسي مش اخده بالي الصراحة الوضع كان غريب قوي وبالليل روحنا لطنط شوية ما طولتش عشانه طنط قالت انه حساس جدا في اي حاجة تخص الاطفال.
رجعنا الاوتيل وهناك
انا هو احنا المفروض نفضل هنا قد ايه
هو زهقتي
انا شوية.
هو ممكن نلغي باقي الايام بس حنرجع البيت عشان ما تقوليش يا ريتنا فضلنا.
انا بالعكس البيت احسن و اكيد طنط تعبت من هبه.
هو انت كده علي طول!
انا مش فاهمة.
هو ولا حاجة مش حتنامي
انا اه فعلا حاسة اني عايزة انام قوي.
هو طيب تعالي.
دخلنا ننام روحت في النوم علي طول ودي كانت اول مرة احلم بكابوس حلمت زي ما يكون في عيون تنظر لي نظرة خبيثة وتراقبني وزي ما اكون عرفاها بس مش قادرة احدد مين بالظبط.
صحاني عماد تاني يوم وكنت متوترة.
عماد انت كويسة
اماءت راسي ايوة.
هو متأكدة.
انا كابوس.
جاب لي مية وشربني وربت علي ظهري. كان لطيف وكل يوم اكتر من اللي قبله.
ام كلثوم يا ظالمني…… اه وجت علي الچرح.
حضرت الظابط شديد ولا بيغير….. امممم حنشوف
مش جوازة عادية بس هي فرحانة وده كويس بس بكرة مخبي ايييييييييية
الفصل العشرون
رجعنا البيت وهو قطع اجازته ونزل الشغل وانا كملت الاجازة طول ما هو بره اشيل هبه والاعبها واعمل لها كل حاجة واول ما يرجع الاعبها بحدود وطنط كانت فاهمة طبعا ومبسوطة وبتساعدني بتعاملني بطيبة وحب اعتبرتها زي ماما حسيت من كلامها ان طليقته عملت اكتر من اللي حكيت لي عليه بس ما سالتش.
خلصت اجازتي ورجعت الشغل و الحياة كانت عادية روتينية مش عارفة اكسر روتينها لان بيني وبين عماد في حدود وفهمت طبعا من اول جوازنا انه اتجوزني عشان عارف اني رافضة وبالتأكيد مش حنوصل لمرحلة الاطفال.
مرت شوية ايام وكنت تقريبا كل يومين تلاتة احلم بالکابوس الاول واللي كان اخف كابوس بعد كده العيون اللي بتراقبني بقت شخص في الاول كان هادي وبعد كدة بقي ازياد واقف بعيد بيبص لي بشړ وټهديد وشوية بقي واصحي اول ما يكون جنبي. كنت بتحرك كتير وبعرق جامد فبدا عماد يلاحظ.
عماد يصحيني امل امل.
قمت وباخد نفسي بصوت مخضۏضة.
هو كابوس برده.
انا باومئ براسي ايوة.
جاب لي مية وشربني
هو معلش حاولي تنام تاني.
انا لالا مش عايزة.
هو لا تعالي نامي انا جنبك ما تخافيش.
حاولت ارجع انام تاني
تاني يوم هو ما كنش مرتاح ومتوتر وعصبي شوية وطبعا عارفة ليه خفت النهاية تكون بسرعة قوي كده قررت اني ابعد شوية عشان ما يتضايقش واتحمل الکابوس ما جتش علي حتة كابوس.
وبالليل حاولت علي قد ما اقدر اكون بعيدة وما ادخلش معاه في اي نقاش ووقت النوم اعصابي وهو بردوا اداني ظهره وحاول ينام شوفت نفس الکابوس لحد ما صحيت مڤزوعة قعدت علي السرير وقمت شربت ميه وطلعت قعدت بره خاېفة انام تاني. فضلت كده يومين لحد ما صعبت عليه ولما دخلنا ننام اليوم اللي بعده قالي
عماد لما تصحي ما تطلعيش بره تاني.
انا حاضر .
هو مطيعة.
هو حاول يفكني شوية عشان عارف تاثير الكلمة عليا بالرغم انها عادية جدا.
كنت خاېفة انام جدا ومتوترة لأن ازياد اسوأ حد عرفته وبخاف منه قوي خليت ظهري ناحيته 
هو معلش تعالي نامي.
انا لأ لأ مش حنام مش حنام.
هو ماتخافيش مش حسيبك.
نمت وهو جنبي
بصيت له وما اتحركتش.
نمت وانا ماسكة فيه زي الاطفال كنت خاېفة فعلا. الصبح كنت خاېفة بحصل زي المرة اللي قبلها كنت بتعامل بترقب وبتجنب اي كلام معاه مش عارفة هو كان بيفهم ايه لأني كنت بحس انه فاهم بطريقة مختلفة وما
عنديش الجرأة اني اتكلم معاه وفي نفس الوقت خاېفة يزعق بس الحمد لله مر اليوم كويس ووقت النوم ما كنتش عارفة اعمل اية دخلت واديته ظهري في نفس الوضع السابق ولما استقريت ليقته بيقولي
عماد مش خاېفة يجيلك الکابوس ولا لازم كل يوم نصحي مفزوعين.
الټفت اليه وبصيت له بترقب بص لي والټفت بجسده
راحة وامان وشعور جميل تاني عمري ما حسيته غير معاه بيدغدغ مشاعري كدة وقلبي بيطير من السعادة ايده ليا بتدوبني
فضلنا كدة كل يوم ننام بنفس الطريقة وساعات بشوف ابتسامة علي وجهه للطريقة اللي بنام في بيها الصراحة كانت طفولية قوي.
والصبح كان بركان ڠضب اول ما صحينا ڠضب شديد وزعيق لأبسط سبب خفت قوي مش بقدر اتحمل اي صوت عالي بخاف لدرجة الړعب وجهي اصفر برتجف ومش قادرة اتكلم طنط اخدتني في حضنها وحاولت تهديه شوية وهبه كانت پتبكي مش قادرة المسها وطلبت من طنط تروح لها.
روحت الشغل وانا هناك بعت له رسالة انا اسفة أوعدك مش حكرر اي حاجة ضايقتك تاني.
خلص اليوم وروحت وهو رجع في معاده كنت خاېفة يثور تاني حاولت اتجنب التعامل معاه او اني حتي ابص له اتعشينا كلنا وجه وقت النوم فضلت بره.
طنط امل الوقت أتأخر يا بنتي انت اول واحدة
بتصحي وتنزلي بدري سهرانة ليه كده مش طبعك
.
انا عادي يا طنط شوية وحنام.
شوية وخرج من الغرفة
عماد قاعدة بتعملي ايه تعالي نامي.
انا شوية وحنام.
عماد ادخلي يا امل دلوقتي.
كالعادة ارتجفت بالرغم انه كان بيحاول يكون هادي بس انا كنت متأكدة انه متضايق جدا.
انا حاضر.
هو ايوة خليكي مطيعة.
سبقته دخلت الغرفة ووقفت جنب الباب مش عارفة اعمل ايه ونفسي طالع نازل قلبي كان حيقف حصلني طبعا ومسكني من ذراعي وضميت رجلي بشدة لصدري وضمتهم بأيدي وغمضت عيني جامد.
عماد انا ممكن اسيبك نايمة كده بس تقدري تقولي حتنامي بالطريقة دي ازاي وشدني من ذراعي لناحيته
هو نامي كويس.
انا حاضر
هو ما ترتعشيش
فضلت زي ما انا برتجف بشدة ومغمضة عيني فزعق لي.
هو بقول لك ما ترتعشيش.
انا وخاېفة مش عارفة.
هو بهدوء اهدي طيب مش قصدي اخوفك.
انا ولسه مغمضة مش عارفة
ضمني ومسح علي راسي وربت علي ظهري هديت جدا ومسكت فيه زي ما اكون طفلة
الكوابيس في العادي وحشة لكن في حالة امل حلوة جدا وقربتها من حضرة الظابط
حياة مختلفة ليه بيتعصب عليها وايه اللي حيحصل دايما امل مختلفة
الفصل الحادي والعشرون
فضلنا علي حالنا كده وكل اسبوع او عشر ايام يحصل لقاء بينا ويثور ويغضب بشدة تاني يوم وبعد حوالي ثلاث مرات بقيت لما يحصل كده اصحي بدري جدا وانزل قبل ما يصحي مرة والثانية ولسه حفتح الباب انزل لقيته مسك ايدي ارتجفت طبعا. 
عماد رايحة فين بدري كده لسه بدري علي شغلك. 
ولفني ناحيته بصيت له بدون اي كلام فضل ماسكني من دراعي واتكلمنا واحنا واقفين. 
عماد سالتك نازلة دلوقتي ليه ودي مش اول مرة تعمليها. جاوبي. 
بردوا بصيت بدون كلام. وهو بدأ يتعصب جدا 
عماد امل انا مش بكلم نفسي وزعق جامد ردي. 
انا ارتجفت ومنكمشة واخدت خطوتين لورا عشان اللي بيحصل دلوقتي عارفة انك لما بتشوفني في الاوقات دي بتتعصب جدا. 
هو تقصدي ايه بالأوقات دي 
بصيت له واتلجمت ماعرفتش اقول اي حاجة. 
هو فهمت كملي. 
انا ما فيش حاجة تاني اقولها. 
هو اكيد في مش بتقرفي لما راجل مش قولتي كدا كذا مرة 
انا بكسوف شديد ووجهي في الارض بس اللي قبلك كان غلط يتقال علي اي حد منهم راجل كنت فاهمة ان الكل زيهم. انت غيرهم. 
بص لي مش عارفة باستغراب ولا ايه ما قدرتش ارفع عيني وما فهمتش من صوته. 
عماد كملي. 
انا كل واحد منهم اخدني ڠصب عمر حد منهم ما حس بۏجعي ولا طبطب عليا انا عارفة انك مش عايز تقرب مني وبتضايق ان ده بيحصل ولما بحاول ابعد مش بتديني فرصة نزلت دموعي وحسيت بۏجع وانا بقول كده مش عايزة اضايقك ومش عارفة اعمل ايه. 
عماد انت مستسلمة كدة ليه ليه مش بتعترضي مش بتقولي لأ ولا بتطلبي حاجة 
انا وبدأت ابكي بشدة ووجهي في الارض راضية باي حاجة منك عارفة ان وجودي معاك مش حيكون كتير وبحاول علي قد ما اقدر اطول الفترة اللي حكون معاك فيها مجرد وجودي هنا بالنسبة لي كفاية مش عايزة اكتر. 
بلطف شديد وحاول يبتسم ورفع وجهي ناحيته ليه 
انا انت الوحيد اللي ساعدتني من غير ما اطلب في الوقت اللي كنت فيه وحيدة ادتني احساس عمري ما تخيلت اني حعيشه في يوم ويأست اني احس ييه بالرغم اني تمنيته كتير ومتأكدة انك مش حاسس ناحيتي بحاجة لحد النهاردة مش عارفة اتجوزتني ليه
ومش عايزة اعرف لأني متأكدة اني حتجرح جامد ومش عايزة ده يحصل مش عايزة اضايقك او اضغط عليك مش عايزة اكتر من اني اكون جنبك. 
هو اتلجم واول مرة اشوفه متلخبط كده ما كنش متوقع بس انا كنت محتاجة اخرج اللي جوايا لأني كنت تعبانة قوي. 
وانا كنت برجع بظهري للخلف كانت عينه مليئة بالشفقة و الزعل مش عارفة مني ولا عليا وده بيموتني بجد لحد ما وصلت للحيطة سندت ظهري عليها وغمضت عيني جامد حضنته وبكيت جامد بعدها ربت علي ظهري. 
عماد ما تزعليش مش حزعق تاني وما تنزليش بدري كده كنت فاكر انك متضايقة ما تخرجيش النهاردة شكلك تعبان خديه أجازة. 
انا حاضر. 
عماد مطيعة. 
ابتسمت وهو كمان وربت علي وجهي هو راح الشغل وانا قضيت اليوم في البيت مع هبه وطنط. 
هبه بقت تعبانة قوي ولسه فاضل شهر علي معاد العملية بتاعتها روحت مع عماد وكشفنا عليها بره والدكاترة قالوا الامل الوحيد العملية ولازم ننتظر معادها. كان كل يوم بيزيد احساسي انها حتسيبني زي كل حاجة حلوة وكل شخص حبيته. 
وفي يوم قبل عماد ما يرجع البيت اتكلمت مع طنط 
طنط انت طيبة قوي يا امل فعلا محدش كان ممكن يستحمل ابني غيرك بس هو اتغير انت اكيد حسيتي معلش انا عارفة انه لسه متأثر باللي حصل زمان بس ادام بدأ يتغير يبقي الامل موجود يا حبيبتي. 
انا بجد يا طنط حضرتك حاسة بتغيير! 
طنط اكيد يا امل. 
انا طنط اللي حكيتيه عنها كل اللي حصل ولا في حاجة تاني. 
بصت لي واتغير شكلها شوية في يا امل بس مالوش لزوم تعرفي انا عرفتك اللي حيفرق معاكي ويساعدك تفهميه عشان ما تزعليش منه. 
انا هي كان اسمها سمر. 
طنط ومندهشة جدا عرفتي ازاي 
انا ابتسمت بۏجع وسكت. 
طنط معلش يا بنتي اكيد مش قصده يناديكي باسمها اصل هو كان مغرم بيها واللي عملته كان صدمة عمره. 
انا مش زعلانه اكيد يا رب بس اقدر اخرجه من الماضي. 
طنط ربنا معاكي يا بنتي. 
مر اليوم وجه عماد تعشينا ودخلنا ننام زي كل يوم يومها حلمت ببابا وكان زعلان مني عشان مش بروح للؤي وعاتبني عشان نسيته ومش بكلمه صحيت تاني يوم استأذنت عماد اني اروح له 
انا ممكن اروح ازور لؤي النهاردة. 
هو خليها يوم تاني اروح معاكي. 
انا مش حتأخر والله. 
هو مش عشان كده افرضي اتعصب عليكي او ضړبك. 
ابتسمت وفرحت قوي اوعدك ده مش حيحصل انا بقالي كتير قوي ما روحتش. 
هو ماشي بس لو حصل حاجة منه حتحصل مشكلة كبيرة وانت حتكوني السبب. 
ووجهي احمر جدا من الكسوف 
انا شكرا. 
وفعلا خلصت شغلي وطلعت علي لؤي كان هو ورحمة شكلهم غريب وحزنهم شديد قوي. 
رحمة اتفضلي يا امل. 
انا مالك يا رحمة 
دخلت ولقيت لؤي حالته صعبة جدا جريت عليه وجسيت بين ايده وكان جالس علي الكرسي. 
انا مالك يا لؤي في ايه 
رفع راسه وبص لي وكانت عينه مليانة بالدموع اللي حابسها. 
لؤي انت افتكرتي ولا جاية صدفة بقالك كتير لا بتيجي ولا بتسالي. 
انا انا اسفة والله حقك عليا. 
لؤي من غير اسف انا عارف اني السبب. النهاردة عدت اول سنه علي مني في قپرها. 
انهرت وبكيت بشدة ازاي انسي حاجك زي كدة وحسيت قد ايه هو موجوع وربت علي ظهره وهو جامد ونزلت دموعه بدون صوت. 
فضلت معاه كتير واسيته وواسيت رحمة اللي كانت حالتها سيئة جدا فضلت معهم كتير لحد ما لؤي قال لي 
لؤي تعالي اوصلك الوقت تأخر. 
وصلني وما رضيش يطلع عشان رحمة لوحدها وما ينفعش يتأخر عليها وحالتها سيئة 
لؤي شكرا يا امل مش عارف من غيرك النهاردة اليوم كان حيمر ازاي 
ابتسمت وما قدرتش اتكلم كنت زعلانه من نفسي قوي اني نسيت مني. طلعت بدلت هدومي واطمأنيت علي هبه اللي طنط ما كانتش بتسيبها ارتبطت بيها جدا اكتر مني 
دخلت غرفتي وفضلت ابكي كتير عماد وصل ما حستش بيه حتي لما دخل الغرفة قرب مني وبص في وجهي وقتها انتبهت لوجوده ومسحت وجهي. 
انا حمد الله علي السلامة اسفة ما حستش بيك لما دخلت. 
بص لي وكان غاضبان قولت لك حيأذيكي ما سمعتيش الكلام. 
واتحرك بسرعة ناحية الباب 
انا جريت وراه والله ما عمل اي حاجة. 
الټفت وهو علي حالته امال پتبكي ليه 
انا النهاردة عدت سنة علي ۏفاة مني وانا كنت ناسية لو ما حلمتش ببابا امبارح ما كنتش حروح واعرف وده ضايقني من نفسي جدا. 
صعبت عليه و ضمني برقة وربت علي ظهري 
عماد معلش اكيد هو حيقدر انك روحتي هي ان شاء الله
—
تكون سبب في دخوله الجنة وده اختبار من ربنا لازم نكون قده. 
اهتم بيا جدا واصر اني اتعشي لأني ما كنتش عايزة واول مرة يطلب من والدته هبه وادهاني فعلا هي اللي قدرت تطلعني من حزني. 
بدأت اطمن للدنيا وخۏفي قل كتير مش عارفة استعجلت ولا ايه مرت شوية اسابيع كده وانا مبسوطة جدا. 
النهاردة الصبح كنت بستعد عشان
انزل وكان صاحي في السرير 
عماد ليه مش معاكي عربية بدل المواصلات والتاكسي مش امان. 
الټفت وابتسمت بابا اول ما اشتغلت كان حيجيب لي بس لؤي اعترض وكانت حتبقي مشكلة كبيرة فقلت لبابا اني بخاف من السواقة واخاڤ اعمل حاډثة وقتها خاف عليا خصوصا اني كنت دايما متوترة. 
عماد بطريقة اقرب للتهكم يعني مش پتخافي 
ضحت برقة شوية بس متهيألي حتكون ممتعة علي العموم مش بفكر اصلا. 
عماد مش بمزاجك مش ينفع تفضلي كدة كتير بقلق عليكي. 
كنت طايرة من السعادة ابتسمت بفرحة وسكت. 
عماد استني حلبس واوصلك فطرتي حركت راسي لأ كويس نفطر مع بعض.
الفصل الثاني والعشرون
وفي السيارة نور اتصلت من الصمت صوت التليفون كان واضح جدا. 
انا نور وحشتيني. 
نور مش عارفة السنة دي حكون اول واحدة زي كل سنة ولا حد سبقني كل سنة وانت طيبة واخر سنة في العشرينات. 
انا وانت طيبة يا نور دايما فاكراني. 
نور افتكر وقالك ولا ايه 
انا مش حريحك حكلمك لما اوصل الشغل. 
نور شكلك مزنوقه ومش عارفة تردي هو معاكي. 
انا حكلمك لما اوصل بقي باي. 
اخد فرامل جامدة واټخضيت. 
انا لو السواقة كده مش عايزة عربية. 
هو انت عيد ميلادك النهاردة. 
انا ابتسمت بخجل واماءت راسي. لقيته لف بالعربية. 
عماد ما قولتيش ليه 
انا عادي. انت رايح فين 
هو راجعين البيت مافيش شغل النهاردة 
انا ليه اسفة لو زعلت. 
وقف العربية وقال بتعتذري ليه ومش زعلان اصلا انت النهاردة اجازة وخدي الفلوس دي اشتري فستان وروحي الكوافير لو عايزة حنخرج بالليل خدي ماما معاكي ماتنزليش لوحدك. 
ورجعني البيت وهو كمل طريقه لما طلعت لقيته بيكلم طنط وكانت فرحانة قوي. خلصت ونزلنا ومعانا هبه طبعا اشتريت فستان وطنط ساعدتني في الاختيار روحت للكوافير طنط خلتني اعمل كل حاجة كأني عروسة ونور كلمتني وفرحت عشاني جدا اخدت وقت طويل في الكوافير ورجعنا البيت اكلت حاجة بسيطة و عماد كلمني اجهز لبست الفستان وكنت جاهزة لما طلع وشافني انبهر كأنه أول مرة يشوفني وكنت مكسوفة قوي من نظراته ليا وسط دعوات طنط لينا بالسعادة والبسملة والتكبيرات فرحت قوي قوي عاملني كأني ملكة عمري ما تخيلت اني ممكن أشعر بالسعادة دي في يوم وكأن دنيتي تصالحني اخيرا وبقوة. 
خرجنا وروحنا مطعم فخم جدا قعدنا وكانت باينة عليا الفرحة قوي كنت حاسة اني فعلا عروسة في شهر العسل. 
عماد انت فرحانة قوي كدة 
اماءت راسي ومش عارفة اتكلم 
عماد عارفة انك حلوة قوي ذوقك حلو كمان الفستان مناسب ليكي جدا وماشي مع لون عنيكي. 
اتكسفت قوي ووجهي احمر. 
عماد اول مرة زوجة تتكسف من جوزها بعد اكتر من ثلاث شهور تحبي تأكلي ايه 
انا علي ذوقك. 
عماد يمكن ذوقي ما يعجبكيش اختاري احسن 
انا اكيد حيعجبني. 
عماد اللي يريحك بس ما تجيش تقولي مش عايزة ده. 
ابتسمت حاضر. 
عماد مش بقولك مطيعة. 
بعد شوية 
عماد ساكتة ليه انا دافع فلوس كتيرة لازم نعمل بيها. 
ضحت من قلبي بصراحة مش عارفة اقول اي حاجة. 
عماد مع اني دايما بحس ان جواكي كلام كتير قوي ومش بتقوليه 
كلامه فرحني معقول فاهمني بدون ما اتكلم كان بقالي كتير مش بحب ابص في عينه عشان ما اشوفش النظرات اللي بتقتلني وبحاول اقنع نفسي انه اتعود علي وجودي في حياته. 
انا حتجاوبني 
هو حسب السؤال. 
انا انا معرفش عن حياتك اي حاجة مع انك تقريبا عارف تقريبا كل تفاصيل حياتي قبل كده. 
هو عادي كنت متجوز واحدة قريبتي ومحصلش نصيب وانفصلنا ماكنش في حياتي غير شغلي ووالدتي لحد ما ظهرتي في حياتي وشقلبتيها. 
مش عارفة ليه ضحكت جامد. 
هو انا ما قولتش نكته. 
انا اسفة والله مش قصدي. 
هو لو اعتذرتي تاني لأي سبب حزعلك بصيت له بذهول وزعل انت بتعتذري بسبب ومن غير مش عايزك كده ما تضايقيش ما ينفعش تزعلي النهاردة كنت بتضحكي ليه 
انا افتكرت لما كنت بروح المقاپر كنت دايما بلاقيكم هناك تقريبا كنتم ساكنين هناك. 
هو ودي حاجة تضحك قوي كده 
انا مش عارفة بس كانت صدفة غريبة قوي. 
هو وابتسم فعلا هي غريبة يمكن لو ماكنش ده حصل كنت لما جيتي القسم كنت حتبقي واحدة عادية زي اي واحدة بتدخل القسم وما التفتش ليكي. 
انا كنت فاكر من اول مرة. 
هو اكيد الصراحة ومن غير ما تزعلي ماهو مش الطبيعي الاحوال اللي كنت بتبقي فيها كل مرة. 
اختفت ابتسامتي وسكت 
هو اسف. 
انا ابتسمت بمرح انت كمان بتعتذر اهو. 
ضحكنا وبعدين سكت شوية وقال لما بكون متضايق قوي او مبسوط قوي بروح ازور بابا عشان كده وقتها كنت بروح هناك كتير. 
بصيت له وحسيت بۏجع في قلبي كنت متضايق وقتها 
هو ايوة عرفتي منين 
انا طريقتك وانت بتتكلم. 
ابتسم وبص لي جامد وسكت. 
انا ممكن تسال عادي. 
هو واندهش انت عارفة اني كنت حسأل 
انا اه اكيد. 
هو ثقة مبالغ فيها. 
انا طيب حجاوب من غير ما تسأل عشان تعرف انها ثقة استهالها. 
هو ماشي وتحدي. 
انا بحس بيك بفهمك من نظرة عشان بحبك من زمان وعارفة انك مش بتحبني ومش زعلانة وراضية باي حاجة منك واي تصرف وبفرح بيه جدا حتي
لو وجعني. 
مش عارفة قولت كده ازاي واتحرجت جدا وهو اڼصدم وما عرفش يرد. 
انا ممكن نمشي. 
هو لأ كملي 
انا محرجة جدا وبسترسل في الكلام ومستغربة جرئتي ما فهمتش غير وقت الحاډثة لما لاقيتك بين الحياة والمۏت كان عندي استعداد اديك دمي كله برضي وسعادة. 
هو عشان كده لما سالتك قولتي اني بأذيكي . 
انا ايوة. 
هو اذيتك ازاي مش فاهم لحد دلوقتي. 
انا ومش عارفة اقول ايه وازاي عشان كان مستحيل اعرفك احساسي وقتها وعارفة احساسك من ناحيتي ايه والموجود لحد دلوقتي ومش طمعانه انك تبادلني احساسي في يوم وقفت ممكن نمشي. 
مسك ايدي لأ. 
وقتها المطعم شغل رقصة سلو اخدني عشان نرقص ورفع وجهي ما اتكلمش بس بصلي كتير وعنينا اتكلمت ما كنتش حاسة بحاجة ولا فاهمة للحظة حسيت ان جواه احساس ليا بس رجعت كذبت نفسي لان دي الحاجة الوحيدة اللي ممكن انهار لو تعلقت بيها ولقيتها اوهام مر الوقت بسرعة اتبسط قوي ورجعنا البيت طبعا طنط كانت نامت. 
وبصينا لبعض ولأول مرة يقصد انه وهو واعي بيعمل ايه بترقب رفع خصلات شعري بحنان وعينه في عنيا بابتسامة رقيقة ومرت علينا لحظات جميلة قوي. 
تاني يوم لأول مرة صحي قبلي وابتسم اول ما فتحت عيني يطمني انه مش متضايق برقة. 
هو صباح الخير يا عروسة. 
ذهول وفرحة كبيرة بدون ما اتكلم مش عارفة احدد إحساسه بس خاېفة امني نفسي بحاجة مش حقيقة حتعب قوي لو اڼصدمت لكن ما بقتش خاېفة من الدنيا وامنت لها يا رب ما تغدرش بيا تاني.
الفصل الثالث والعشرون
اخيرا جه معاد عمليه هبه لأنها كانت تعبانة بشدة وسيطر عليا احساس اني ممكن أفقدها قبل المعاد بيومين سافرنا وهناك كانوا بيكلموا عماد لوحدة وحسيت وقتها ب الفراق واني حنزلها تحت التراب مع اغلي الناس عدي الوقت ودخلت العمليات للأسف ماټت هبه وانهرت بشدة اغمي عليا اول ما عرفت جالي اڼهيار عصبي ادوني مهدئ وعماد فضل جنبي واول ما فوقت رجعنا القاهرة ودفنتها مع بابا وماما ومني. 
عماد فضل جنبي طول اليوم رجعنا البيت ودخلت غرفتها واڼفجرت في البكاء وهو وطنط جنبي يقرأوا القران ويهدوني وعماد اخدني في حضنه لحد ما نمت. 
تملكني احساس ان الدنيا بتفوقني من حلمي وخفت تغدر اكتر وافقد عماد بعد ما كنت تخيلت اني خلاص حفضل عمري معاه حاولت ابعد الفكرة عن تفكيري واقول لنفسي عماد غيرهم استحالة يسبني ابدا. 
مر الوقت والدنيا صفعتني بقوة شديدة شئ استحالة اتوقعه يومها كان في توتر بين عماد وطنط مش عارفة السبب زي ما يكونوا مختلفين علي حاجة كبيرة. 
طنط لو سمحتي يا امل اعملي لنا شاي. 
قمت وحسيت ان طنط عايزاني ابعد شوية وسمعتها بتكلمه. 
طنط پغضب المفروض تعرفها كل حاجة دي مراتك. 
عماد حقولها اكيد. لما احدد المعاد. 
ما فهمتش حاجة بس قلبي انقبض جامد عملت الشاي وخارجة وخطواتي تقيله حاسة ان حيحصل حاجة كبيرة قوي فمحسوش بيا لما قربت. 
طنط يا ابني انت كده بټأذي نفسك جامد الدكتور قال نسبة نجاح العملية ضعيفة قوي وفشلها معناه عجز جنسي. 
عماد ماعنديش اختيارات مش حستني يحصل زي قبل كده. 
طنط يا ابني انا خاېفة عليك وامل استحالة ترضي لك الاذية مراتك بتحبك. 
هو خلاص يا ماما انا اتفقت مع الدكتور. ومش فاضل غير المعاد. 
قربت منهم ودموعي علي وجهي وضعت الصنية علي الترابيزة وجسيت قدامه 
انا ليه حتعمل كده حرام عليك نفسك انا قولت لك اني راضية المهم اكون جنبك. 
هو من حقك تكوني ام. 
انا مش عايزة ومش بفكر والله. 
هو ادام تقدري تخلفي يبقي… 
قاطعته انا يبقي ايه مش شايفين فيا غير كده ليه زمان كنت بتعاقب علي حاجة مش فيا ولو فيا مش ذنبي وانت دلوقتي بتعاقبني علي حاجة مش بايديا بردوا. اوعي تعمل العملية يا عماد ما تد..ب..حش نفسك و تد..ب..ح..ني معاك انت فاهم يعني ايه عجز جنسي عارف حتحس بايه عارف حتتوجع ازاي والله مش عايزة اطفال مش عايزة غيرك. 
هو خلاص يا امل الكلام وقته خلص. 
وقفت ومش حاسه بنفسي لو حتعمل كده عشاني انا حبعد بس ما تاذيش نفسك. 
كنت لسه حاتحرك لقيت الدنيا بتلف بيا وعماد بيشلني يدخلني السرير فوقت ودخلت في هيسترية بكاء وهو سابني وخرج من الغرفة طنط فضلت معايا لحد ما نمت. 
تاني يوم ما روحتش الشعل طلبت من طنط تعرف عماد اني حروح للؤي وحرجع بالليل روحت للؤي اللي اتخض جدا لما روحت 
رحمة امل ازيك مالك عاملة كده ليه 
لؤي في ايه مالك عماد زعلك ولا ايه 
انا ما فيش يا لؤي ممكن ادخل غرفة بابا. 
لؤي اكيد طبعا. 
رحمة تعالي حدخلك. 
لؤي خليكي يا رحمة انا داخل معاها. 
اخدني وربت علي ظهري فضلت ابكي كتير لحد ما نمت لما صحيت لقيت اننا تاني يوم معرفتش الوقت عدي ازاي وعرفت من رحمة ان عماد جه وقعد مع لؤي واطمن عليا بعدين مشي. 
حاول لؤي يفهم في
ايه ما كنتش قادرة اتكلم ومش عايزة طلبت منه اروح ازور بابا وفعلا وداني فضل معايا لحد ما الشمس بدأت تغرب. 
لؤي يلا يا امل ما ينفعش نفضل اكتر من كده. 
قمت وطلبت منه يوصلني بيتي 
هو خليكي لحد ما تهدي ومش حسألك علي حاجة 
انا مش قادرة اتكلم من كتير البكاء والاجهاد كفاية كده ارجع بقي. 
وصلني وما رضيش يطلع وفوق اول ما دخلت من الباب عماد ثار جامد بركان ڠضب كان صوته عالي قوي وجهه احمر من شدت الڠضب اول مرة اشوفه كده وخفت قوي مش عارفة منه ولا عليه. 
عماد حمد الله علي السلامة خليكي هناك جيتي ليه وفين اخوكي ما طلعش يتخانق ليه هو ده اللي قابلة منك اي حاجة وعمري ما اوجعك جريتي عليه تشتكي مش هو برده اللي كنت پتخافي منه وهربتي بسببه وكنت بتتحامي فيا دلوقتي بقي العكس مش هو اللي كان بيعايرك 
نزل كلامه كرابيج عليا قطعت قلبي وبكيت بشدة. 
طنط ايه اللي بتقوله ده انت فاهم بتقول ايه حرام عليك مراتك بتعمل فيها كده ليه 
هو مش هي اللي رايحة تشتكي. 
كنت مڼهارة من كلامه ببكي بحړقة وۏجع شديد ما تخيلتش يقولي كده. 
انا والله ما اشتكيت ولا حكيت حاجة والله كنت محتاجة بابا وحضنه فرحت ودخلت اوضته وفضلت في سريره وماحستش بحاجة غير النهاردة الصبح وعرفت من رحمة انك قابلت لؤي وعارف اني معاه فطلبت منه ازور بابا وداني ورجعني والله ده كل اللي حصل. 
هو يا سلام وكلامه امبارح. 
انا والله ما اعرف قال لك ايه. ليه بتعايرني حرام عليك انا عمري ما زعلتك ليه بتعمل فيا كده 
طنط والله يا عماد لو لمستها باذي اكون غضبانه عليك ليوم الدين. 
هو قولتي قابلة اي حاجة مني وكذبتي. 
انا قابلة اي حاجة مش بكذب بس مش حقبل تد..ب..ح نفسك انا خاېفة عليك افهم بقي اللي عايز تعمله حيقتلك حتدمر نفسك وحياتك 
عماد وكان ماسك ذراعي لسه وبيرجني جامد خاېفة عليا عشان كده روحتي تفضحيني لأخوكي! 
انا والله ما قولتش حاجة واللي فيك مش ڤضيحة ده قدر ونصيب. 
عماد وهو لسه زي ما هو قدر ونصيب كلكم كذابين بتقولوا غير اللي جواكم. 
انا لو هي كذبت عليك مش ذنبي انا مش سمر ولو كنت مكانها في وحبتني عمري ما كنت فرطت في حبك ابدا انت مش شايفني ولا حاسس بيا عشان لسه بتحبها كل مرة ناديتني باسمها كنت بسكت عشانك كل مرة قتلتني وانت في وقولت لي بحبك يا سمر كنت بتحمل عشانك تفتكر كنت بسكت ليه وبقبل ليه رضيت بالباقي الموجود منك واقول لنفسي كفاية اني معاه. والله ما كذبت في حاجة. 
عماد كلكم واحد المفروض اصدقك زي ما صدقتها واكتشف بعدها انك معرفة الكل وبتحبي وبتقابليه وانت لسه على ذمتي المفروض استني لحد ما تدخلي بيه عليا وتعرفيني بزوجك المستقبلي. 
كلامه كان صڤعة قوية ڼار جهنم ودخلت جواها دموعي رفضت تنزل وامتلئ وجهي بالحسړة والوجوم بصيت له وعينه حمرا شوفت الڠضب اللي بيكون في لؤي زمان واټهامات باطلة كلمة الۏجع اقل بكتير من احساسي 
طنط انت اكيد اټجننت انت اختارت غلط في الأول ما تحملهاش غلط غيرها ما تعاقبهاش علي غلط حد تاني ولا عشان هي ساكته حرام عليك ربنا مش حيسامحك ولا انا كمان حتي لو هي سامحتك. 
انا وجسمي مش حاسة بيه وراسي تقيلة وزي ما تكون روحي بتتسحب مني انت شايفني كده 
بدأت انفاسي تتصاعد مش عارفة اتنفس كويس وطنط بدأت تخاف عليا وانا حاسة اني مش شايفة زي ما تكون الدنيا بدأت تظلم في عيني 
طنط مالك يا امل. 
كملت ليه عمري ما تخيلت انك تشوفني كده بتعمل فيا كده ليه طمنتني للدنيا وبعدين تغدر بيا ليه بدأ الكلام يضيع مني مش عارفة اجمع الحروف انت كنت اخر حد….. اخر حد اتوقع … انه… يظلمني…. 
اغمي عليا ماحستش باي حاجة
الفصل الرابع والعشرون
اغمي عليا ماحستش باي حاجة معرفش قد ايه بس واضح اني فضلت كده فترة. لما فتحت عيني كنت في مكان غريب غرفة فيها السرير وكومود وكرسي وانا علي السرير نائمة. 
ما كنتش بتكلم بشوف اللي حواليا طيف مش سامعة بيقولوا ايه و مش عايزة واضح انها مستشفي ولما الممرضة شافتني فتحت عيني نادت الدكتور علي طول جه وكشف عليا وفضل يسالني ويكلمني وانا بنظر امامي بصمت مش قادرة ومش عايزة اتكلم. 
عدت عليا ايام مش عارفة عددها الشمس تطلع وتغيب وانا علي حالتي كنت ساعات لما انام اشوف نفسي في اوضة فيها نور ضعيف جدا بدون باب او شباك قاعدة علي الارض في نص الغرفة وفي ركن منها هادي وازياد والشړ في عينهم ونظرات التشفي وانا مړعوپة وفي ركن تاني عماد وفي عينه النظرات الموجودة في اخر
مرة شوفته كنت بصحي مڤزوعة بدون ما اتكلم والعرق مغرقني كان في ممرضة تلازمني في الغرفة لأني مش بتكلم ولا بنطق بس بتكون علي وجهي علامات الفزع والخۏف وكانت تساعدني اهدي ماحدش كان زارني وفمهت من بعض الكلمات اللي كنت احيانا بسمعها في اللحظات القليلة اللي كنت بحس بالواقع حواليا ان الدكتور مانع عني اي زيارة ادوية وجلسات علاج بسمع جزء منها وبغيب عن الدنيا في جزء تاني. 
ساعات كنت بحس اني شوفت عمتي ما كنتش متأكدة ده حقيقي ولا خيال وفي مرة كانت جنبي فعلا بصيت لها أتأكد لقيتها اخدتني في حضنها. 
عمتي ازيك يا امل وحشتيني قوي انا نزلت مصر عشانك اول ما عرفت علي طول حقك عليا يا حبيتي مش حسيبك غير لما تكوني كويسة. 
دخلت في حضنها وتعلقت بيها بقوة حسيت انها طوق النجاة حضنها فكرني بحضن بابا وحسيت شوية بالأمان وبكيت جامد اخيرا قدرت ابكي لأن الدموع كانت هجرت عيني من كتر الۏجع فضلت ابكي كتير قوي مش عارفة قد ايه. واخيرا اتكلمت 
انا عايزة انام في سرير بابا وازور قپره. 
عمتي مش عارفة يا حبيبتي الدكتور قال انك تعبانة ولازم تكملي علاجك بصي حشوف ممكن نروح ونرجع تاني ولا لأ اوعدك ححاول. 
وفعلا سالت الدكتور لكنه اعترض خاف انتكس من تاني وطلبت مني ناجلها شوية 
الدكتور ازيك يا امل. انا بصيت وحاولت ابتسم انت احسن بكتير النهاردة بتحبي عمتك قوي كده اماءت راسي مش عايز اضغط عليكي بس عايزك لو قادرة تتكلمي. 
انا حاضر. 
الدكتور مطيعة. وبص لي جامد وسكت يشوف رد فعلي. 
انا بصيت له وبدأت ابكي بشدة لان ده نفس رد عماد دايما. 
الدكتور كفاية كده النهاردة من بكرة لو عايزة انزلي الجنينة. 
جلسات كتير مع الدكتور اتكلم معايا في حاجات كثيرة وكل الحاجات اللي المتني و وجعتني وحاول يتكلم معايا كتير عن عماد و أصل المشكلة معاه وكنت كل مرة اجي عند المشكلة اللي تعباه وارفض اقول عليها او اتكلم عنها والدكتور يبص لي ويبتسم. 
اكيد اتكلم مع كل واحد منهم من كلامي مع الدكتور عرف اني بحب طنط والدة عماد وبعتبرها زي ماما فسمح لها مع عمتي تزورني اول ما شوفتها فرحت جلست جنبي وحضنتي. 
طنط وحشتيني قوي عاملة ايه خضتيني عليكي. 
انا الحمد لله انت كمان وحشتيني. 
طنط حقك عليا يا بنتي. 
بكيت وطأطأت راسي. 
عمتي لا يا امل اجمدي مش عايزين نرجع لورا. تعالوا ننزل الجنينة. 
وفي معاد الجلسة 
الدكتور بصي يا امل انت تعرضتي في حياتك لظلم كبير وكنت دايما بتشوفي اللي بيحصل من وجهة نظرك ووجهة نظر والدك لحد والدك ما ټوفي بقيتي بتشوفي من جانب واحد بس عايز اسالك مش حابة تعرفي وجهة نظر اللي حواليكي وتعرفي تصرفوا كده ليه معاكي وندموا علي غلطهم معاكي ولا لأ 
انا مش عارفة مش حيفرق. 
الدكتور لأ طبعا اكيد حيفرق ومن حقهم يوضحوا وجهة نظرهم يمكن كانوا خايفين عليكي فعلا او علي الاقل نيتهم كانت صافية مش قصدهم اذيتك. 
انا مش عارفة. 
الدكتور بما اني الدكتور المتابع ليكي احب اقولك ان ده حيفرق معاكي جدا ونصيحة لازم تسمعيهم. 
انا اخاڤ اتوجع منهم تاني. مش قادرة ادخل معاهم في نقاش تعبانة فعلا. 
الدكتور لازم يا امل تسيطري علي خۏفك وعلي العموم انا حساعدك وحكون معاكي واتاكدي انهم هما كمان خايفين عليكي جدا ومحدش حيزعلك منهم. 
اوماءت راسي. 
الدكتور تمام حنبدأ من بكرة كفاية كده االنهاردة 
تاني يوم في معاد الجلسة 
الدكتور امل حقولك اسم كل واحد من دائرة معارفك وقولي علية اللي يجي في بالك. 
انا حاضر 
الدكتور عمتك. 
انا بحبها قوي بتفكرني ببابا وحضنه فاهماني وحاسة بيا. 
الدكتور رحمة 
انا اسم علي مسمي رحمة وهي فعلا رحمة. 
الدكتور لؤي. 
انا اخويا وجعني كتير بس اتغير مش عارفة احس معاه بالأمان 
الدكتور نور. 
انا صاحبتي الوحيدة وحبيبتي اكتر من اختي وقفت جنبي كتير وباباها كمان. 
الدكتور هادي. 
انا بۏجع جبان وحقېر. 
الدكتور زياد او ا زياد زي ما بتقولي. 
انا وتصاعدت انفاسي بشع وحش في شكل انسان. 
الدكتور اهدي يا امل هو مش معانا وعمره ما حيكون معاكي تاني كل اللي بيحبوكي حيبعدوه عنك نكمل اماءت راسي والدة عماد 
انا ماما التانية بتحبني وبحبها 
الدكتور كده فاضل شخص واحد عارفاه. 
بصيت للدكتور وفي عيني الدموع وسكت. 
الدكتور عماد. 
انا قتلني. 
الدكتور بس هو تعبان عشانك. 
انا شفقة قول له اني كويسة وهو حيبعد وينسي عادي انا تعبت. 
الدكتور بتهربي ليه 
انا مش هروب تعبت مش قادرة اكمل. 
الدكتور هو مصر يقابلك. 
انا مش عايزة. 
الدكتور ليه 
انا هو عمره ما حبني ولا حيحبني الكلام مالوش لازمة. 
الدكتور متأكدة. سكت طيب احنا اتفقنا تسمعي وجهة
—
نظرهم صح 
انا ايوة. 
الدكتور مشكلتك يا امل مع لؤي وعماد الباقي بتتكلمي معاهم وتتناقشي معاهم وعارفة وجهة نظرهم عدا هادي وزياد اللي مابقاش ليهم وجود في حياتك اصلا تحبي نبدأ بمين 
انا مش عارفة. 
الدكتور نبدأ بلؤي جاهزة تقابلية و تسمعيه 
اوماءت راسي ودخل لؤي
الفصل الخامس والعشرون
لؤي وحشتيني يا امل ماكنتش مصدق لما الدكتور قال اني حقابلك. 
وابتسم
وانا ابتسمت وكنت قلقانة. 
الدكتور استاذ لؤي انت عارف انك اكتر شخصية أذت مدام امل لفترة قريبة وسببت لها الم وۏجع وللأسف ترك اثار نفسية عندها لحد دلوقتي 
لؤي وصوته مليان بالالم والحسړة للأسف ايوة بس وقتها كنت فاكر ان ده الطبيعي كنت خاېف عليها غير كلام جدي اللي كبرني عليه كنت بشوف البنات اللي اعرفهم عاملين ازاي بيخبوا علي اهلهم ويكذبوا عليهم وشوفت ان بعضهم آذي نفسه بحسن نيه وامل طيبة كنت بشد عليها واراقبها عشان احميها من وجهة نظري. 
الدكتور والضړب كان بيحميها. 
لؤي كنت غلطان بعترف ما كنش المفروض اتعامل معاها كده ما فوقتش غير لما بنتي توفت حسيت انه ذنبها عشان تعاملي معاها ورحمة كمان قالت لي كده قبل ما تسيب البيت فترة اختفاء امل ونظر لي انا اسف يا امل عارف ان اعتذاري مالوش قيمة ولا حيلغي اللي فات بس انا فعلا ندمان. 
كانت دموعي بتنزل وانا بسمعه ومشاعري بين فرح لأني تأكدت انه تغير فعلا وۏجع من الماضي. 
الدكتور بالرغم من كده كنت حتقتلها 
لؤي كان بقالها شهور هربانه من البيت وطليقها قالي انه لاقاها كان مستفز قدر انه يوصلني لأقصي مراحل ڠضبي فهمني انها باعت نفسها ولما شوفت الطفلة في ايدها و نازلة من بيت غريب الشيطان اتملك مني ما كنتش سامعها كنت بضربها 
الدكتور ليه ما سمعتهاش 
لؤي كان صعب عليا قوي كسرتني بهروبها خۏفت عليها قوي حسيت انها ضاعت وضيعت نفسها مش قادر اسيطر علي ڠضبي ولا علي نفسي. 
وهنا عيني اتملت بالدموع كنت بحاول اكتمها حاسة انه فعلا ندمان. 
الدكتور ليه جوزتها لزياد وهو ضعف عمرها 
لؤي كنت غلطان فعلا حسيت بغلطتي متأخر ۏجعي علي بنتي خلاني احاسب نفسي كمان يوم ما كنا في القسم امل اديتني اكبر درس وقلم علي وشي لما رفضت تعمل محضر وقالت بتلقائية استحالة ااذيه انا اللي غلطانة بالرغم من انها كانت حتتحرر مني اڼهيارها لما عرفت پوفاة مني حسيت ظلمتها قد ايه لما اهتمت وكلمت رحمة وفضلت وراها لحد ما اقنعتها ترجع تاني حسيت فعلا بكلمة بابا لما قالي اختك خسارة فيك. 
الدكتور عملت ايه لما حسيت بكده كلمتها 
لؤي ما قدرتش اتكلم معاها بس كنت بحاول اعوضها كنت بحاول اقرب منها واطمأنها هي قربت لكن ما حستش بالأمان وانا كنت اضعف من اني اتكلم معاها. 
الدكتور لو رجع بيك الزمن لورا كنت حتجوزها ڠصب عنها تاني او تضربها 
لؤي اكيد لأ والټفت ليا وبص لي انا بحبك يا امل انت اختي الوحيدة حقك عليا انا خاېف عليكي قوي نفسي تخفي واشوف ابتسامتك تاني. 
كنت بسمع مستغربة من كلامه وموجوعة عشانه حاسة بصدقه وفرحت قوي لما سمعت منه انه بيحبني واني وحشته اخيرا كنت بحلم فعلا اسمع منه كده ودموعي نازله مش عارفة اوقفها لؤي وربت علي ظهري ويعتذر مني. 
الدكتور هاه يا امل كنت قلقانة من المواجهة. 
مسحت دموعي وبصيت للؤي 
انا انا كمان بحبك والله ماكنتش عايزة اكسرك وفكرت فيك كتير بس كنت تعبت قوي والله ولو كان عندي امل انك تسمعني والله ما كنتش سيبتك ابدا حقك عليا. 
لؤي انا عذرتك من زمان ومش زعلان منك ومكسوف من نفسي بس يمكن كل ده حصل عشان تقابلي عماد وتحسي معاه بالأمان. 
الدكتور استاذ لؤي احنا النهاردة عشانك حضرة الظابط دوره لسه جاي وابتسم انا دلوقتي حسيبكم شوية مع بعض وبعدها ياريت اشوفك في مكتبي. 
خرج الدكتور وفضلت انا ولؤي نتكلم كتير وانا كنت فرحانه قوي اخيرا احلامي بتحقق ولؤي بيعاملني بحب زي بابا الله يرحمه. 
تاني يوم في معاد الجلسة دخل الدكتور. 
الدكتور ازيك يا امل شكلك النهاردة احسن كلامك مع اخوكي فرق معاكي صح. 
انا ايوة ما كنتش متخيله انه ممكن يقول انه بيحبني او يعتذر وبعد ما حضرتك مشيت كان بيعاملني زي بابا ما كان يعاملني بالظبط. 
الدكتور كويس يا امل كده انت كده نص مشكلتك اتحلت فاضل النص التاني مستعدة 
انا سرحت مش عارفة. 
كنت متوترة عايزة اقابله لكن اللي حصل اخر مرة بشوفه قدامي زي شريط السينما واخر كلماته تتعاد علي مسامعي بتحرقني و تكويني قطع سرحاني دخول عماد كان شكله غريب ذاقنه طويله قوي وشعره غير منظم وملابسه مهرجلة ونظرة عينة مکسورة قوي وشكله مهزوم قلبي وجعني قوي حسيت بقهره عليه ومن الصدمة مش قادرة اتكلم. 
الدكتور اعماد انت عارف ان مدام امل كان عندها اسئلة كتير عن حياتك قبلها وعن احساسك تجاها وبالرغم من كده تجاهلت ده تقدر تبص لها وتقولها ليه. 
حاول يرفع راسه ويكلمني وما قدرش يبص في وجهي. 
عماد في البداية ما كنتش عايز اتكلم عن حياتي قبل كده وبعد كده بقيت مش قادر. 
الدكتور ايه اللي خلاك من البداية تهتم بمدام امل اقصد من وقت ما الجيران ضايقوها. 
عماد مش عارف كان في احساس قوي بيخليني
اساعدها يمكن لأني كنت بشوفها في المقاپر ضعيفة وكان نفسي اساعدها لما جاتلي الفرصة عملت كده بدون تفكير. 
الدكتور بس لما لجأت ليك لما هادي هددها تخليت عنها. 
عماد كنت بحس بضعف قدامها ما حبتش ارتبط بيها وانا عارف اني مش حعجز عن اني احقق لها امنية كل زوجة وكنت عايز ابعدها عني. 
الدكتور يعني حبتها وقتها 
عماد مش عارف بس كنت لسه بحس بحنين لحياتي القديمة. 
الدكتور طيب روحت وراها ليه 
عماد لما والدتي شافتها من البلكونة يومها ناديتني شوفت اخوها و بدون ما افكر لقيتني في العربية وراهم وجريت وراها الحقها. 
الدكتور بس هي افتكرت ان والدتك هي اللي طلبت منك كده. 
عماد عارف. 
الدكتور عرفت ازاي. 
عماد امل شفافة ورقيقة اللي جواها بيبان عليها قوي. 
الدكتور وعينه عليا كنت بسمع ودموعي نازلة مش متخيلة اللي بيقوله صعبان عليا حالة الضعف اللي هو فيها. 
الدكتور ليه بعد الجواز ما عرفتهاش 
عماد مش عارف. 
الدكتور انت اتقدمت لها في وقت غريب وهي قالت لك مرة انها مش عارفة اتجوزتها ليه وخاېفة تتجرح عندك اجابة لسؤالها. 
عماد كان دايما عندي احساس اني لازم احميها ومش عارف السبب كانت مڼهارة وعاشت حاجات بتوجع لما سمعتها وهي بتتمني المۏت كنت عارف احساسها ومرارته لإني عيشته قبلها كنت عايز اعمل اي حاجه تمنع عنها الۏجع فهمت من كلام اخوها يومها انه حيجوزها تاني وشوفت في عينها الحسړة قررت اني ابعدها عنه
الدكتور اتجوزتها عشان تحميها يعني 
عماد ايوة. 
الدكتور وبعد كده 
عماد وعلي وجهه بسمة ارتسمت وسط حزنه كانت ارق بكتير مما تخيلت ابسط حاجة تفرحها كانت بريئة زي الاطفال كلمة حاضر منها مختلفة كنت بحب اسمعها منها وارد عليها بكلمة مطيعة تتقبلها ببسمة كانت بتحرك فيها جزء تخيلت انه ماټ لما انهيت جوازتي اللي قبلها. 
الدكتور بس هي ما شافتش منك غير عطف وشفقة. 
عماد كنت دايما بحاول ما اظهرش غيرهم كنت خاېف من تجربتي قبلها. 
الدكتور عملية ايه اللي اختلفتوا عليها وهي كانت رافضة انك تعملها وخاېفة عليك. 
انا لأ. مالوش لازمة الكلام في الموضوع ده مش عايزة. 
وقتها الدكتور بص لي بابتسامة وعماد بصي وعينه بتسأل خاېفة عليا بعد اللي عملته معاكي 
الدكتور ليه يا امل مش ده سبب حالتك خاېفة عليه 
انا مش عايزة لو سمحت بلاش. 
الدكتور طيب يا امل انا حسيبك معاه تتكلموا وحكون قريب جدا استاذ عماد لازم تواجهوا بعض بدون تجريح عشان نخرج من الازمة دي بعد ما تخلصوا حأحتاج اقعد معاك. 
خرج الدكتور وبدأ عماد الكلام. 
عماد انا ما استاهلش انك تخافي عليا. 
سكت ما قدرتش ارد 
عماد بصوت حزين مكسور عرفت انك مش عايزة تقابليني عندك حق انا عايز اطمن عليكي. 
انا انت مالك عامل كده ليه اول مرة اشوفك كده انت كويس. 
عماد بحسرة مين اللي يطمن علي التاني! 
انا مالك 
حسيت انه حيبكي فقلبي وجعني قوي قربت منه كان جالس فجسيت بين ايديه 
انا مالك 
قال انا تعبت في بعدك قوي ما كنتش عارف اني بحبك كده. 
قمت بسرعة وبعدت عنه وتعصبت جدا. 
انا كفاية انت مش مضطر تكذب عليا ماتحاولش تتدعي حاجة انت مش حاسسها من باب الشفقة والعطف انا تعبت بجد. 
عماد من حقك تقولي اكتر من كده وما تصدقيش بس انا فعلا بحبك ضعت لما ضعيتي مني حياتي اڼهارت امي ڠضبت عليا وسابت البيت بعدك اهملت في شغلي وارتكبت اخطاء كتيرة وعشان ملف خدمتي ادوني اجازة مفتوحة بدل ما يوقفوني عن العمل. 
قربت منه وقفت جنبه وحطيت ايدي علي كتفه ليه يا عماد مصر توقف عند نقطة ما تتحركش منها ارجع تاني زي ما كنت قبلي وعيش حياتك تاني وانا حكلم طنط ترجع معاك انا مش زعلانه منك. 
عماد وانت يا امل مش عايزة ترجعي لي انا محتاجك جنبي. 
انا ما تقولش حاجة انت مش حاسسها انت كده بتوجعني اكتر. 
عماد محتاجك يا امل عايزك جنبي. 
انا مش محتاجة عطف من حد مش محتاجة شفقة كفاية ارجوك كفاية انا تعبت تعبت من اني امني نفسي بحاجة مش هتتحقق تعبت اني اتعلق بحد ويبعد او ېموت تعبت وإتوجعت ۏجع يكفيني باقي عمري ارحمني بقي نظرات الشفقة والعطف اللي بشوفهم منك من يوم ما عرفتك بتجرحني كلامك اللي قولته اخر مرة عرفت منه انت شايفني ازاي وليك حق ما انا كنت عايشة لوحدي فترة. عايرتني وذ..ب..حت..ني جاي تكمل عليا دلوقتي وتمثل الحب كفاية ارجوك كفاية بجد. 
هو بحبك من يوم ما بطلتي تبصي في عيني وانت بتكلميني من يوم ما بقيتي تخافي تصدقي احساسك حاولت افهمك كتير وانت خفتي تتعلقي فكرت في العملية عشان احسسك انك غالية عندي واغلي من نفسي بس انت فهمتي اني عايز ابعد احساسي بعجزي هو اللي سيطر عليا اخر مرة اتكلمنا كلام اخوكي قطعني افتكرت انك حكيت له ماكنش قصدي اقول عنك
حاجة وحشة كنت عايز افهمك اللي حصلي قبلك وما عنديش الجرأة اني احكي. انا محتاجك والله محتاجك وبحبك حقك عليا سامحيني وارجعي لي يا امل طول عمرك بتسامحي سامحيني واوعدك مش حخذلك تاني . 
أحاسيس متضاربة خاېفة منه وعليه وحاسة بوجعه نفسي أصدقه وادخل في حضنه وخاېفة انهار تاني صعبان عليا الحالة اللي وصلها ووحدته خناقة بين قلبي وعقلي قلبي انتصر في النهاية وماقدرتش اسيبه موجوع. 
انا بصوت مخڼوق وعيني في الارض ودموعي بتنزل بالرغم من كل اللي قولته يومها ما الا انك وحشتني وكنت في بعدك وكل يوم كنت بتوحشني اكتر. 
رفع وجهي برقه ونظر بعيني ومسح دموعي والله كنت بمۏت وانا عارف اني ۏجعتك وأذيتك عشانك حسيت پألم وۏجع عمري ما تخيلتهم وماكنتش قادر عليهم. 
واتوجع آاااااااااااااااه يا امل سامحيني. 
بصيت له والدموع في عيني بتحبني فعلا 
عماد بحبك وحيات امل بحبك ومسح دموعي وسالني حترجعي معايا 
ابتسمت بفرحة واماءت راسي ايوة 
هو حسال الدكتور حضري حاجتك اول ما يوافق نمشي. 
انا حاضر. 
هو مطيعة
رجعت البيت مع عماد وبدانا حياة مختلفة كل واحد فينا حاسس بالتاني وقوي وبنقوي بعض اصر يتابع حالته مع دكتور وانا وافقت المهم من غير ما يضر نفسه اللي هي نفسي انا كمان لأننا واحد من حقه يكون عنده امل مش مهم حيكون عندنا اولاد او لأ المهم يكون عندنا امل مش بخاف من اي حاجة 
اما لؤي بقي واحد تاني حنين جدا مع اولاده خصوصا شذي بيعاملها زي الاميرات واستحالة يسمح لحد انه بس يفكر يضايقها ورحمة كمان بيعاملها بحب وكملكة طبعا هي دلوقتي حامل بولد وقررت تسميه عماد علي اسم حبيبي. 
انا طبعا صالحت طنط وعماد من قبل ما ارجع البيت ودايما نعمل تحالف عليه واخيرا بقيت اسم علي مسمي وبقي عندي امل في بكرة. 
نسيت اقول لكم عمتي طبعا رجعت امريكا تاني بس غيرت رايها في مصر وقررت تنزل اجازاتها في القاهرة وطبعا بقت هي ولؤي اصحاب جدا وبدأت اغير منه هههه بقي اقرب لها مني. 
يا رب اصلح حال كل الناس واعطيهم امل في بكرا ودي كانت حكايتي ل لسه ما انتهتش طبعا لانها كده ابتدت.