مازن 2

نهايه الفلاش بااااااااك..

بصدمه..

يقف متسمر بمكانه من فعلتها..

تتقئ هى بعنف وصوتا مسموع..

فاق من صدمته على صوت تأوهها..

فاسرع لداخل الحمام وواحتضانها من ظهرها ويده تربط برفق على معدتها ويهمس بأذنها..

مازن:اهدى يا مياده..مسح بالماء على وجهها..ليه كل دا..

بعدته عنها بعنف وخطت لخارج الحمام بوهن..

اسندها هو رغم اعتراضها..

جلست على اقرب مقعد وتحدثت بصرامه..

مياده:طلقنى يا مازن..نظرت له بأسف..

انا مش طايقه لمستك..اغمضت عيونها بعنف..مش هعرف اتقبلك تانى بعد ماعرفت انك لمست غيرى..

اقترب منها بحذر وجلس بجانبها وتحدث بهدوء..

مازن:انا اتجبرت على الجوازه دى يا مياده..

لا تنظر له..مبتعده بوجهها عنه..اقترب منها اكثر وجلس امامها على ركبتيه..انتى عارفه ان حالتى انا واهلى كانت على قدها اوى اوى..وشغلى كان يدوب بيكفى مصاريفى انا واهلى بالعافيه..صمت قليلا يحاول التحكم بدموعه..

لما عرفتك وحبينا بعض..قولت لازم اتعب واجتهد اكتر من كده علشان اقدر اتجوزك واكون جدير بيكى..

فكرت فى السفر..اسافر فى اى حته او اى مكان اقدر اجمع منه قرش..

تنهد بألم.. بيعت ابويا وامى كل اللى حيلتنا وسكنتهم فى اوضه ايجار فوق السطوح وسافرت..

امسك يدها..وسبتك هنا وانا واثق انك هتستنينى..

اول ما سافرت..شوفت ايام سوده..

ما انا مسافر برشوت من غير عقد..

ابتسم من بين دموعه..اتبهدلت ونمت فى الشارع وكلت من الزباله..ضاقت بيا الدنيا اوى وبقيت اجرى من الحكومه اللى عايزه ترحلنى لانى يعتبر هجره غير شرعيه..

رفع يدها على فمه قبلها بعمق..ولو كنت رجعت وقتها كنت هبدأ من تحت الصفر..واحتمال كبير مكنتش اقدر اتجوزك..

قولت مش هرجع وهكمل حتى لو مت هنا..

اتعرفت على واحد من لبنان..صعبت عليه و قالى انا هساعدك..عدا يوم ولقيته جايلى الجنينه اللى كنت بنام فيها..وقالى يله بسرعه شوفتلك مكان هتقعد فيه..

روحت معاه زى الغريق اللى متعلق بقشايه..

ولما وصلت للمكان لقيته عباره عن بيت لواحده ست من البلد شكلها داخله على ال40سنه..

صمت قليلا بأحراج..فنظرت هى له تحثه على استكمال حديثه..بكى بنحيب واكمل من بين شهقاته بصعوبه..

قالى اكتب عليها علشان تاخد الجنسيه وهيبقى جواز على ورق بس ولما تستقر وتشتغل كل واحد هيروح لحاله..

مال براسه على قدمها..انا كنت ضايع ساعتها..مليش بيت ولا مأوه..وممعيش فلوس حتى ارجع بلدى..وافقت وكتبت عليها..وفضلت فتره عندها..رفع راسه سريعا ونظر لها بلهفه..