قصة جديدة
عاوزني اصدق انك تجوز عليها.
وانت ياعلى يوم ما رحت تتقدم لأخت ام هنا جيت تقول اي عليها
على بتفكرني ليه ياهاني انا لحد دلوقتي متحصر انه محصلش نصيب الله يسمحها ماما لما عرفت انها اكبر مني بسنه رفضت والبنت لما حست ان ماما رفضه عشان موضوع فرق السن بكل ذؤق بعتت الشبكة والهدايا مع عادل والله ياهاني امي نفسها ندمت ودلوقتي بتقول ياريت كنت كملت معها.
عادل انت فاكرني ناكر كل دا بالعكس انا عند رايي رحاب ست مفيش زيها حنينه وكريمة وام شاطرة وطباخة مفيش زيها وكمان مدبرة باقل فلوس تقدر تمشي البيت شهر كامل بس عاديه اوي مفيش تغير ولا تجديد نفس لبسها من ايام ما كانت بتشتغل لا بتعمل شعرها وتقريبا مدخلتش كوافير من فرحنا غير مرة مرتين ايام فرحة اخواتها وياريت كانت بتعمل حاجه دي بتروح تساعد اختها في لبسها نفسي في يوم تقول نخرج نتفسح على طول قعده في البيت وفسحتها هي والعيال يا عند امي يا امها وفي الحالتين مش بتخرج من المطبخ تروق لامي البيت والمطبخ تغسل لها فرش تغسل هدوم تكوي لابويا هدومه وترجع مهدوده وتنام انا فين من دا كله معرفش يا اخي.
هاني انت صاحي اللي بتقوله دا مش مبرر انك تتجوز عليها اي راجل يتمني ان مراته تبقي كدا يا اخي دا انا امي ساكنه تحت مني مراتي بتقعد بالشهور مش بتدخل عندها وانت بينك وبين امك موصلتين وكل اسبوع بتروحلها وتعمل اللي بتقول عليه وزعلان.
انت ليه مش فهمني يا هاني انا راجل ليا متطلبات عاوز زوجه يكون بنا حوار اكون اول اولوياتها مش الاخيرة دايما لبسه حلو مزوقه عشاني كل فترة تغير من نفسها ولبسها عاوز ست فاهم ياعني اي ست.
قصدك عاوز عروسه مولد نصيحة من واحد مجرب بلاش تمشي في السكة دى وتتبتر على النعمة ارجع عن اللي في دماغك قبل ما يفوت الاوان وتقول ياريت اللي جرا مكان ولا اي رايك ياعلى.
وعلي ماله يا هاني انا راجل مقتدر واقدر افتح البيتين واعدل ما بنهم ومش هقصر مع وحده فيهم وخصوصا رحاب والولاد.
اتمني يا عادل تبقي قد كلامك انا همشي اللحق اجيب طلبات البيت مش ناقص ۏجع دماغ.
عادل انا كمان ماشي جاي يا على.
هقعد ليه مدام هتمشوا اروح انام احسن.
وصل عادل البيت دخل لقي البيت هدوء مشي ناحية اوضة النوم فتح الباب تفاجئ بالإضاءة وتزين الاوضه بص بعينه في الأوضه باستغراب وراح قايد النور وقال.
