رواية رهيبة 4

البارت 7 ف شقة هاني هاني كان قاعد ف اوضته ماسك موبايله بيكلم شاهندة وبيشد معاها عشان تأجيل معاد الجواز وقبل مايقفل المكالمة سمع جرس الباب وقام يفتح كانت هنادي بنت خاله شاور لها ماتتكلمش وقال ل خطيبته ان البواب جايب له طلباته وقفل معاها بسرعة ورجع ل بنت خاله اللى قعدت وملامحها كلها غيظ هنادي بغيظ واضح ع ملامحها وبصوت كله غل وبعدين معاك يا سي هاني احنا مش هنخلص من ست بتاعة دي بقى ولا ايه هاني بابتسامة مستفزة وهو بيحاول يخفف التوتر ايه ده القمر بيغير عليا وانا مش واخد بالي ولا ايه هنادي پغضب وهى هتنجر من الغيرة أيوا بغير وكل ما افتكر ان معاد فرحك عليها قرب ببقى عايزة أخنقك انت وهى قبل ما تتجوزوا. هاني اتنهد بضيق وغيظ فرح إيه بس اللى قرب الهانم حزينة عشان سي صهيب أخوها ومراته التانية ومش عايزة تحدد المعاد قال ايه ما ينفعش تفرح والبيت كله حزين عليهم. هنادي بصت له بنظرة شك وانت متضايق ليه بقى ان شاء الله تكونش بتحبها هاني بنبرة ثقة أحب مين يا قلبي ده مافيش ف القلب غيرك حبيب قاعد ساكن ومربع انما هى جوازة مش أكتر. هنادي بصت له بقلق ونبرة كلها توتر انا خاېفة اوى يا هاني حد يعرف حاجة ساعتها مش هيسموا علينا أنت عارف عيلة الشهاوي دول مش بيرحموا واللى بيجي ع سكتهم بيفرموه. هاني قلق من كلامها لكنه حاول يهديها انتي هتقلقينى ليه يا هنا وبعدين يا حبيبى هيعرفوا منين بس اللى بيننا. هنادي بتوسل ورجاء ما بلاش منها الجوازة دي يا هاني!! هاني بإصرار وطمع واضح واسيب السبوبة تروح من إيدي! دي مليارات يا هنادي عارفة يعني ايه مليارات! يعني نعيش اللى باقى من عمرنا اسياد الأرض من غير ما نشتغل ولا نتعب. هنادي بعدت عنه بغيظ بس بقى ما تقولش هنادي دي تاني انا ما صدقت نسيت الأسم ده مش عايزة افتكره وافتكر أيامه السودة. هاني بضحكة مستفزة وماله يا قلبي ننسى هنادي خاااااالص وخلينا ف سو سو ونفتكر الدلع والعز اللى هنعيش فيه طول عمرنا. هنادي بقلق زايد جواها بس انا خاېفة وقلبي مش مطمن وحاسة ان في حاجة هتحصل هاني بغمزة وضحكة وقحة تعالي معايا جوة وانا اخليكي تنسي نفسك مش تنسي خۏفك بس وتفتكري اييييه! هنادي ضحكت بوقاحة وبدلع العز يا عمري. هاني وهو بيوطي يشيلها عشان يدخل بيها اوضة النوم وبضحكة جريئة أموووووت أنا ف الضحكة دي ههههههههههههه هنادي بدلع يالهووووي عليك يا هنووووش بتدوبني بكلامك دوب كدا ههههههههههه وبالفعل دخلوا الأوضة مع بعض مستسلمين لملذاتهم غرقانين ف شهوات الدنيا مش شايفين المصاېب اللي مستنياهم لو أمرهم انكشف ولا فاهمين إن طريقهم ده آخرته خړاب. ______________________ ف شقة صهيب مرت الليلة وهو مرمي ع الأرض مغمي عليه من كتر انهياره وما فيش حد حس بيه الشمس طلعت وفاق ع صوت موبايله اللى مش مبطل رن بعد محاولات كتير فتح المكالمة بصعوبة وسمع صوت. عادل بقلق واضح ف نبرة صوته انت فين يا صهيب من امبارح طمني عليك يا ابني. صهيب بتعب وصوت مبحوح وهو لسة واقع ع الأرض انا ف شقتي يا بابا ما تقلقش. عادل دقات قلبه زادت لما سمع صوت ابنه مال صوتك يا صهيب مالك يا ابني فيك ايه صهيب بيحاول يتعدل عشان يقوم من مكانه ما قدرش مافيش يا بابا انا بس مرهق شوية ومش قادر اتكلم. عادل قفل المكالمة وهو مش عارف يسيطر ع توتره وخوفه ع ابنه خرج بسرعة من اوضته نزل السلم جري خرج من القصر من غير ما حد ياخد باله ركب عربيته وهو ف طريقه لشقة صهيب اتصل بالدكتور عشان يروح يطمنه عليه وصل عادل عند صهيب ورن جرس الباب لكن مافيش أى رد وقف يفكر لحظة لغاية ما افتكر المفتاح الاحتياطي اللى معاه فتح بيه الباب بسرعة واول ما دخل شافه واقع ع الارض. جري عليه وهو مخضوض وعيونه كلها ړعب صهيييب!! مالك يا حبيبى إيه اللى عمل فيك كدا! حاول عادل يساعده يقوم لكن جسمه كان مرهق جدا وماقدرش يتحرك ف نفس اللحظة وصل الدكتور وكان باب الشقة مفتوح رن الجرس وسمع صوت بيأذن له يدخل الدكتور دخل بالفعل وبمهنية مساء الخير عادل بيحاول يرفع صهيب وبصوت مخڼوق ل الدكتور ارجوك ساعدني بسرعة صهيب واقع ع الارض ومش قادر أرفعه لوحدي. الدكتور قرب من عادل وساعده انهم يرفعوا صهيب من الارض يدخلوه أوضته نيموه ف سريره بعد ما كشف عليه وبنبرة هادية الحمدلله مافيش اى تعب عضوي. عادل كان واقف قلقان وقلبه مقبوض وخاېف يكون ابنه فيه حاجة متأكد يا دكتور الدكتور بثقة وهدوء أكتر صدقني يا عادل بيه كل اللى هو فيه ده بسبب حالته النفسية والضغوط اللى بيعاني منها ف الفترة الأخيرة هو بس محتاج يرتاح شوية ويبطل تفكير انا هكتبله مهدئ ياخده قبل النوم عشان يقدر ينام كويس ويقوم مرتاح المهم بلاش تضغطوا عليه الفترة دي. عادل خرج مع الدكتور بعد ما أخد منه الروشتة وشكره ورجع قعد جنب صهيب ع السرير وملامحه كلها خوف وقلق مسح ع جبينه وشعره وبحزن ايه اللي جرالك يا ابني! طول عمرك كنت جبل ليه وصلت نفسك لكدا! صهيب حاول يتعدل ف قعدته رفع نفسه ببطء وسند ع ضهر السرير بتعب ودموعه بتلمع ف عينيه تعبت يا بابا مش قادر استحمل لوم جدي وعتابه وغضبه عليا وكلام شهاب ليا إحساسي بالذنب هيوتني أنا ضيعت بنت عمي دمرتها سبيل ما تستاهلش مني كدا أنا فرطت ف الأمانة اللى ف رقبتي يا بابا. عادل ضم صهيب ف حضنه بيحاول يطمنه ويهديه هون ع نفسك يا ابني ده مقدر ومكتوب حاول تهدى عشان تعرف تدور عليها وترجعها ولو مش عايز تكمل معاها أبقى طلقها وبرضو خليك ف ضهرها سند ليها بعد مننا وما تسمحش لعمك ومراته يأذوها. صهيب خرج من حضڼ أبوه وبإصرار لا يا بابا مش هطلقها انا صحيح بحبها زى شاهندة وكنت اتمني اسلمها بإيدي للى يستحقها ويصونها لكن خلاص جدي حكم علينا اننا نكون مع بعض هى هتفضل مراتي بس هعاملها زى ما بعامل أختي بالظبط عادل وقف بعصبية واتنرفز من كلامه انت واعي للى بتقوله ده! الكلام ده ما يرضيش ربنا يا صهيب ماينفعش تبقى انت متجوز وعايش حياتك وتوقف حياتها هى ما ينفعش تسيبها متعلقة يا ترجعها وتكمل معاها وتعيشوا حياة زوجية كاملة يا إما تطلقها وتسيبها تعيش حياتها مع حد يحبها ويعوضها عن اللى حصل لها وبرضو خليك سند وأخ ليها. صهيب بتنهيدة حزن وإحساس بالذنب بس ترجع الأول يا بابا واللى هى عايزاه انا هعمله. عادل قعد مكانه بحزن وطبطب ع كتف صهيب وبتنهيدة ۏجع ربنا يطمنك يا ابني طمنتني. شرد بفكره ف حال صهيب وجواه اه لو كنت تعرف يا ابني انك هتخسر قلبها اللى كان بيتمنالك الرضا بسبب عملتك دي ما كنتش اتهورت وعملتها. صهيب لاحظ شرود عادل وهو بيكلمه ومش سامعه هز جسمه باستغراب بابا!! رحت فين! سرحت ف ايه كدا! عادل انتبه لصوت أبنه وفاق من شروده ها ابدا يا صهيب ما سرحتش ف حاجة المهم قوم بينا يلا نرجع القصر زمان أمك وجدتك قلقانين عليك. صهيب بتعب وهو حاسس أن جسمه متك سر بسبب الأغماء اللى حصله معلش يا بابا سيبني لوحدي وارجع حضرتك طمنهم وانا لما ابقى كويس هرجع. عادل رفض يسيبه لوحده لأفكاره واحساس الذنب اللى هيوته وصمم انه ياخده معاه وبالفعل بعد محاولات ومحايلات قدر يقنعه يرجع القصر يقعد مع مراته وابنه وعيلته عشان يفوق ويخرج من اللى هو فيه. ___________________ ف الصعيد بعد مرور كام يوم قرر رسلان وعمر ينزلوا القاهرة يدوروا ع أختهم عشان خاطر أبوهم اللى بيتعب كل يوم عن اليوم اللى قبله بسبب حزنه عليها وقبل ما يسافروا سأل. رسلان بهدوء وهو بيقرب من قدري دلني يا بوي ع عنوان او نمرة تلفون الست ام هنادي عشان نوصلولها بسهولة. قدري بتنهيدة حزن وعيون مدمعة ما خابرش يا ولدي عنوانها ولا تلفونها عمر باندهاش كيف ديه يا بوي!! أومال هنادي راحت عنديها كيف يعني! قدري بحزن واضح ع ملامحه ونبرة انك سار يا ولدي ما خابرش هى چابت تلفوني كيف واتصلت بي بحچة انها عايزة تعرف بتها وتطمن عليها وابتدى يحكي من حوالي 5 سنين........ فلاش باك قدري قاعد ف المندرة بيراجع حسابات أرضه وفجأة رن موبايله برقم غريب ورد السلام عليكم مين معاي. نوال بهدوء انا نوال يا قدري عامل ايه وحشتني ووحشتني أيامنا سوا. قدري پغضب ونبرة صوت كلها غيظ وحش أما يلهفك چيبتي نمرتي منين يا مرا أنتي! نوال بابتسامة استفزاز اللى يسأل يوصل يا عينيا. قدري بغيظ أكبر ونبرة صوت عالية وعايزة ايه ف يومك المغفلج ديه يا نوال! ايه اللي فكرك بي عاد نوال بحزن عايزة بنتي يا قدري نفسي اشوفها اعرفها وتعرفني وحشتني اوي ونفسي أعرف شكلها ايه!! قدري نبرته كلها ڠضب ودقات قلبه زادت من شدة عصبيته دلوكيت أفتكرتي ان عنديكي بت! ما فكرتيش فيها ليه جبل ما تسيبيها وهى كانت لستها حتة لحمة حمرا ومحتاچالك! نوال بنبرة حزينة غلطت يا قدري والدنيا خدتني ودلوقتي محتاجة بنتي أرجوك يا قدري خليني أكلمها واسمع صوتها قدري پغضب وان جولت لع يا نوال مالكيش حدي بنتة هتعملي ايه نوال پغضب أكبر هفضحك يا عينيا ف قلب البلد اللى انت عمدتها واقول انها مش بنتك وشوف انت بقى يا عمدة!!! قدري بغيظ ونبرة كلها غل وانا هستنظر ايه من عالمة زيك غير إكده! نوال بضحكة مستفزة ربنا يكفيك شړ مكر العوالم يا عمدة ويكفيك شړي اللى غلبهم ده انا نوال والأجر ع الله يا عينيا خاف ع نفسك يا قدري وهات البت أكلمها أحسنلك . عودة للوقت الحالي قدري كمل بحزن يومها خۏفت أنها تاچي وتعمل ڤضيحة كيف ما جالت شيعت لهنادي تكلمها ومن وجتها وحال خيتك اتشندل ما هى ولية جادرة جدرت تجنعها انها تسافر لها وبجت ماسكاني من يدي اللى بتوچعني كل ما تعوز حاچة تهددني انها هتعمل ورج يثبت ان هنادي مش بتي وانها بت حرام عشان أوافج ع طلباتها. رسلان قرب من قدري بعدم استيعاب واستفهام برضك يا ابوي انا ما فاهمش انت كيف ماتعرفش عنوان ولا تلفون وانت بنفسك اللى سافرت مع البت وصلتها للمدعوجة أمها دي قدري بتنهيدة حزن لما سافرت بخيتك يا رسلان جابلتني نوال ف محطة الجطر وخدتها مني وخيتك ما صدجت فرحت لما شافتها وچريت عليها كانها تعرفها من سنين وجالت لي خليني معاها يا بوي اشبع منيها شهر ولا تنين واها شهر چر شهر چر سنين امعاه وما خابرش لها عنوان حتى الرجم اللى كلمتني منيه مجفول وخيتك بجالها فترة كبيرة رجمها برضك مجفول وما عارفش اوصل لها. عمر بهدوء ما تشيلش هم يا بوي احنا هنسافروا ع مصر ونتصلوا ب واد عمتي نجعدوا عنديه كام يوم إكده يمكن يجدر يساعدنا نلاجوا هنادي ونعاود بيها بس انت إدعيلنا بالتوفيج. قدري براحة وقلب راضي عنهم روحوا يا ولدي ربنا يوفجكم ويستر طريجكم ويفتح ف وشكم السكك المجفولة وينور بصيرتكم لچل ما تلاجوا خيتكم ويلهمكم الصبر وطول البال ورچاحة العجل معاها لما تجابلوها.. وبص ل رسلان بقلق وتوتر ونبرة صوت مهزوزة أوعاك يا رسلان تتهور ع خيتك كيف ما انا خابرك اتعامل معاها بحكمة يا ولدي لچل ما تحنلك وترضى تعاود معاك. رسلان بملامح هادية عكس البران اللى بيغلي جواه ماتخافش يا بوي ولا تجلج روحك هتعامل معاها بالراحة عمر بابتسامة صافية ونبرة صوت هادية ل قدري ما تجلجش يا بوي انا هوجفه لو اتهور اومال انا رايح معاه ليييه! عشان خابره كيف الجطر ما عيفرملش هلحجه طوالي. رسلان بغيظ من أخوه ومن كل حاجة بتحصل حواليه طب يلا يا ظريف نلحجوا وجتنا ورانا طريج طويل عايزين نمشوه ف نور النهار. وبالفعل خرج رسلان وعمر بعد ما سلموا ع ابوهم وامهم ركبوا عربيتهم واتحركوا بيها ع طريق القاهرة قاصدين أبن عمتهم اللى هيساعدهم يدوروا ع أختهم ويوصلولها ويرجعوا بيها البلد مرة تانية. ______________________ ف مجموعة شركات الشهاوي مكتب صهيب قاعد ف مكتبه ومش قادر يركز ف الشغل وباله مشغول بسبيل اللى حاسس ناحيتها بالذنب ومش عارف يعمل ايه! الأيام بتمر شبه بعض وقربت ع شهر ومافيش أى خبر عنها ولا حتى جده واخوه رجعوا من رحلتهم اللى مش عارف عنها ولا عنهم حاجة حط دراعاته فوق المكتب وسند راسه عليهم وهو بيرجع بذكرياته لورا سنين طويلة وافتكر يوم ما راح جابلها نتيجة الثانوية العامة قد ايه ضحكتها كانت بريئة وهى بتجري عليه وفرحانة. ف فرنسا مارسيليا اوضة سبيل نفس الوقت سبيل قاعدة ف اوضتها دموعها نازلة ع خدها ورافضة تكلم اى حد ومافيش قصاد عينيها غير ذكرياتها مع صهيب من صغرها وافتكرت يوم ما جابلها صهيب نتيجتها ووقع قلبها بكلامه. فلاش باك سبيل قاعدة ف جنينة القصر مع شاهندة وهى قلقانة ومتوترة بسبب النتيجة وفجأة سمعت صوت. صهيب داخل بيتكلم وهو راسم ع ملامحه انه زعلان جدا بقى كدا يا سوسكا! انتي تعملي كدا! انا مش قادر اصدق انك عملتيها خالص. سبيل قلبها دق جامد من كتر الخۏف لدرجة انها حاسة ان صوت دقاته مسموعة للكل وبنبرة صوت مهزوزة عمملت ايه يا صهيب صهيب بحزن مصطنع باين ع ملامحه وهو بيشاور بايده تؤتؤتؤتؤ أنا ماكنتش متخيل أبدا ان سوسكتي الشاطرة اللى كنت دايما فخور بيها تعمل العاملة دي ابدا ابدا لأ مش قادر اصدق مش قادر يا سوسكا. سبيل دموعها نزلت من كتر خۏفها وقلقها وبتوتر هى النتيجة طلعت يا صهيب صهيب هز دماغه وغمض عينه بمكر وهو مكشر كأنه بيوصل لها انها طلعت ونتيجتها وحشة سبيل برعشة ف نبرة صوتها ودموعها اللى زادت قربت منه ومسكت إيده لأول مرة من بعد ما كبرت وبرجاء انا نجحت يا هيبو مش كدا أرجوك اوعى تقول اني ما نجحتش أوت فيها والله. صهيب بسعادة ظهرت فجأة ع ملامحه 99 يا قلب هيبو بنوتي حبيبتى دايما رافعة راسي ومشرفاني وهتبقى أحلى دكتورة ف الدنيا. سبيل من كتر فرحتها صړخت بسعادة قول والله العظيم انا نجحت انا مش مصدقة انا بحبك اوي يا أجمل هيبو ف الدنيا. صدقي يا حبيبتي انتي نجحتي وجبتي المجموع اللى نفسك فيه... وبسعادة باس جبينها وهو بيهنيها مبروك يا قمري عقبال ما اشوفك عروسة زى القمر منورة الكوشة سبيل اتكسفت ودخلت جري جوة القصر وهى حاسة ان قلبها هيقف من كتر الخجل وطلعت ع اوضتها بسرعة قبل ما حد ياخد باله من ملامحها اللى باين عليها خجلها عودة للوقت الحالي ف مصر فاق صهيب من شروده وهو بيحط إيده ع خده مكان بوسة سبيل وبيأنب نفسه سامحيني يا سبيل كان نفسي تكوني سعيدة مع الانسان اللي اختاره قلبك يمكن لو ما كنتش عملت اللى عملته فيكي كنت طلقتك وجوزتك له بنفسي لكن دلوقتي ما ينفعش لازم تفضلي ع ذمتي ع الأقل لغاية ما الاقيكي واعتذر لك وبعدها هعملك اللى انتي عايزاه. عند سبيل ف مارسيليا فاقت من شرودها ودموعها زادت ع خدها لما افتكرت انها أتخلت عن حلمها ف انها تبقى دكتورة عشان تدخل نفس الكلية اللى ډخلها صهيب وتبقى قريبة منه بحجة انه يذاكر لها وبصريخ هستيري لييييييييه عملت فيا كدااااااا أنا ماحبيتش حد ف حياتي قد ما حبيييتك ليييييه تسرني بالشكل ده --- لييييييه آه يارب قلبي واجعني أوي اشفيني من حبه وخليني انساااااه. فضلت تصرخ باڼهيار لغاية ما سمعتها شيماء مرات خالها ودخلت جري ع صوتها اخدتها ف حضنها بتحاول تهديها عشان ما تتعبش أكتر ف نفس الوقت كان شهاب وعمران قاعدين ف الليڤنج مع شريف وفريد ومعاهم باسيلي فجأة رن موبايل شهاب وبص ل جده قبل ما يرد ياخد منه الأذن الأول عمران شاور بعينيه بالموافقة لما عرف مين المتصل. شهاب فتح المكالمة وبهدوء ظاهر ف نبرة صوته السلام عليكم ورحمة الله عاملة ايه يا جدتي فاطمة بعصبية وڠضب نابع من قلقها وخۏفها لسسسسة فاكر جدتك يا استاذ شهااااب كويس والله أنك حنيت ورديت عليا. شهاب بقلق وتوتر أهدي بس حضرتك شوية العصبية غلط عليكى يا حبيبتى. فاطمة ڠضبها زاد ونبرة صوتها كلها غيظ بلا حبيبتك بلا زفت بقالكم شهرررر ماحدش فيييكم فكر يكلمني ويطمني ليييييه! شهاب بيحاول يمتص ڠضب جدته عشان تسمعه طيب أهدي واسمعيني الاول وبعدين زعقي براحتك بس أهدي ارجوكي. فاطمة بنفس عصبيتها ونرفزتها اتفضل فهمني. شهاب يا تيتة يا حبيبتى دى كانت أوامر جدي انى ما اردش ع حد خالص منكم لغاية ما نطمن ع سبيل واللى حصل بعد كدا خلاني الف حوالين نفسي جدي كمان تعب و..... عمران قاطع شهاب بنظرة ڠضب ومد ايده شد منه الموبايل وبهدوء ل مراته مالك يا فاطمة زعلانة ومتعصبة ليه فاطمة بقلق وتوتر عمران ايه الكلام اللى قاله شهاب ده انت كويس فيك حاجة عمران بتنهيدة حزن انا كويس يا حبيبتى ومافيش حاجة بس شهاب بيبالغ شوية. فاطمة موبايلك كان مقفول ليه يا عمران شهر بحاله مش عارفة أطمن عليكم. عمران بهدوء ما انا قولتلك يا فاطمة من قبل ما نسافر اننا هنقفل الموبايلات عشان ماحدش يوصلنا مش عايز حد يعرف احنا فين. فاطمة طيب طمني هى عاملة ايه عمران بتنهيدة ۏجع زي ما هى يا فاطمة عايشة ع المحاليل والمهدئات ومش عايزة تتكلم مع حد. فاطمة عايزة اشوفها يا عمران عايزة اسمع صوتها واطمن عليها. عمران لما تفوق يا فاطمة وتقدر تتكلم هخليكي تشوفيها اقفلي دلوقتي يا غالية واطمني أحنا بخير ولما تيجي فرصة هكلمك عشان تشوفي سبيل وتطمني بنفسك. قفل عمران المكالمة مع فاطمة ورجع الفون ل شهاب وهو بيعاتبه بعينيه انه قال لها ع تعبه. ___________________ ف اوضة سبيل شيماء كانت واخدة سبيل ف حضنها بتقرأ لها قرآن بصوت هادي وتحاول تهديها بكلمات تطمنها بيها عشان تهدى من حالة الاڼهيار اللى هى فيها اهدي يا حبيبتي واذكري ربنا صدقيني مافيش حاجة مستاهلة دموعك دي كلها إحنا معاكي هي فترة وهتعدي وهتقومي منها أقوى بس بلاش حزنك ده أنسي عشان تتعافي. سبيل هديت شوية لكن دموعها نازلة زى الشلال مابتقفش وبصوت مسور مليان ۏجع انتي كنتي عارفة انه متجوز مش كدا وخالو.. خالو كمان كان عارف وفريد.. أكيد فريد كان عارف ما هو صاحبه ومش بيخبي عليه حاجة. شيماء بتهز راسها بسرعة بحزن وعينها كلها دموع لا يا حبيبتي صدقيني والله ما كنا نعرف حاجة وما عرفناش غير لما جدك اتصل يسأل عليكي وهو اللى قال لنا واټصدمنا زيك بالظبط. سبيل خرجت فجأة من حضڼ شيماء شهقاتها زادت ورجعت لها تاني حالة الاڼهيار قامت ووقفت ف نص الأوضة وبتشاور بعصبية ع مرات خالها وهى بتصرخ لااااا أنتي بتكدبي علياااااا كللللللكم بتكدبوا عليااااا انتوا خدعتوني زيييهههممم اتفقتوا معااااااهم عشان تدمرووووني... وقعدت ع ركبتها ف الأرض بإرهاق ودموعها مغرقة وشها وبنبرة إنسار كلها ۏجع بصت ل شيماء هو انا وحشة اوي كدا عشان كلكم تكرهوني الاول أبويا.. جدو.. تيتة وصهيب.. صهيب كمان ما شافنيش ولا حس بيا. شيماء قعدت قصاد سبيل ومسكت ايديها الاتنين بحنية ونبرة كلها دفى لا يا قلبي ازاى تقولي كدا أنتي جميلة جميلة اوي يا سابي أحلى حاجة ف حياتنا وكلنا بنحبك صهيب هو اللي خسران وبكرة يندم انه ضيع قمر زيك من ايده. سبيل زاد اڼهيارها وصړخت بعلو صوتها وهى حاطة ايدها ع قلبها حاسة ب ڼار جواها Nاااااار.. Nار ف قلبي بتكويني Nار بټحرق رووووحي حاسة قلب... وفجأة.. جسمها كله اتشنج ووقعت ع الارض شقهاتها وقفت وصوتها انقطع شيماء شافت المنظر وقامت تصرخ پخوف وهى بتجري ناحية الباب وبتنادى بدموع شرررييييف فرررررريد حد يلحقنييي دكتووورر بسرررعة. ف أقل من دقيقة طلعوا يجروا كلهم من تحت ع صوتها ودخلوا جرى اوضة سبيل وشافوها واقعة ف الارض قاطعة النفس قرب فريد پخوف وبسرعة عشان يشيلها شهاب سبقه يمنعه يقرب منها وشالها هو نزل بيها السلم جرى عشان يوديها المستشفى وحاسس أن روحه بتروح منه فريد نزل جرى وراه شغل عربيته وخدهم وساق بأقصى سرعته شهاب ماسك سبيل بين إيديه ودموعه نازلة من غير مايحس وصلوا المستشفى ف زمن قياسي نزل شهاب من العربية يجري وهو پيصرخ دكتوووور عااااااايز دكتور بسررررررعة. استقبلته الممرضة بابتسامة مهنية وبهدوء سيلڤوبليه وطي صوتك وتعالي معايا واحنا هنعمل اللازم شهاب بدموع الخۏف بليز أختي بتوت عايز دكتور بسرعة الممرضة بعملية حالا هيبقى موجود بس أهدى من فضلك دخل فعلا معاها اوضة الكشف وحط سبيل ع السرير وفضل قاعد جنبها وهو دموعه نازلة من كتر خوفه عليها وافتكر ف اللحظة دي يوم عمران ما اغمى عليه قد ايه هو حس بنفس الخۏف ده وجواه بيدعي انه ما يخسرش حد من الاتنين طول عمره اما فريد فضل واقف ڠصب عنه برة الأوضة وقلبه هيقف من كتر الخۏف ع سبيل بس مش قادر يتكلم وكاتم حبه وخوفه جواه بعد شوية وقت صغيرين وصلوا وراهم شريف وعمران وشيماء وباسيلي ودخلوا بسرعة يدوروا ع اوضة سبيل شافوا فريد واقف ساند ع الباب ومستني الدكتور يجي يطمنه. قرب شريف پخوف وقلق من حالة ابنه اللى شايفها بعينه وكمان خوفه ع سبيل وبحزن الدكتور جوة فريد هز راسه ب لأ من غير ما يتكلم ف نفس اللحظة وصل الدكتور بالفعل ومعاه الممرضة ودخلوا بسرعة الأوضة حاول يفوقها بكل الطرق لكنها استسلمت وسابت نفسها تدخل ف عالم تاني ورافضة الرجوع للحياة الدكتور خرج جري هو والممرضة ونقلوها العناية المركزة وبلغهم انها دخلت ف غيبوبة ومش عارف ممكن تفوق منها أمتى. ______________________ ف مصر شقة هاني هاني كان قاعد ف شقته بالليل بيكلم هنادي ف الموبايل وبيتفق معاها عشان تروح له تاني يوم وفجأة سمع جرس الباب وبنبرة صوت كلها استغراب وبهمس ل نفسه سمعته هنادي غريبة مين هيجيلي دلوقتي! هنادي انتبهت لهمسه وباستغراب انت مستني حد هاني وهو بيقوم عشان يفتح لأ هستنى مين يعني جايز عم حسن البواب عايز حاجة خليكي معايا اشوف مين. هنادي حست بتوتر وقلق فجأة وبنبرة صوت مهزوزة تمام شوف مين وانا معاك. هاني قرب من الباب بلا مبالاة يفتحه وفجأة الصدمة شلت تفكيره لما شاف اللى واقفين ع الباب. عمر بضحك من رد فعل هاني واه خبر ايه يا هاني شوفت عفريت جصادك إياك ههههههههههه رسلان بضحك واستغراب خبر ايه عاد يا واد عمتي! هتفضل متنح إكده كتير ما هتجولش اتفضلوا ولا ايه هاني من شدة صډمته نسي المكالمة مفتوحة وحاول يبان هادي لأ أزاى يعني اتفضلوا طبعا بيتكم ومطرحكم خير.. ايه سبب الزيارة المفاجأة دي! رسلان برفعة حاجب واندهاش كانك مش مبسوط بشوفتنا يا واد عمتي ولا يكونش چينا ف وجت مش مناسب هاني بتوتر حاول يدرايه لكنه ظاهر ف نبرة صوته ابدا ابدا يا رسلان ليه بتقول كدا! انا بس اتفاجئت بجيتكم مش أكتر اصل من سنين مافيش حد بيجي يزورني المهم طمنوني أمي وخالي عاملين ايه وحشوني اوي. عمر بتنهيدة حزن عمتي بخير وبعتالك السلام لكن أبوي مش بخير واصل وهو ده سبب الزيارة دي يا هاني. هاني باستغراب وقلق ازاى يعنى رسلان بحزن متغلف بغضبه ونظرة عين حادة خالك حزين ومهموم بسبب مجصوفة الرجبة اللى جعدت حدى امها وما عاودتش البلد وكمان جفلت تلفونها كانها غيرت نمرته عشان ماحدش يوصل لها. هاني بلع ريقه بصعوبة وبنبرة مهزوزة هو انتوا عارفين عنوانها عند امها ولا جايين تدوروا عليها عمر بتلقائية وهدوء إحنا بصراحة يا هاني چايين جاصدينك تساعدنا لاچل ما نلاجوها ونعاودوا بيها ع البلد. هاني بعدم استيعاب وانا هساعدكم ازاى انا ما اعرفش عنها حاجة من زمان يا عمر من وقت ما سبت البلد تقريبا من 6 7سنين وحتى لما عرفت انها جات القاهرة ما اتصلتش بيا ولا مرة وما اعرفش إذا كانت رجعت البلد ولا لأ. رسلان بعصبية ونبرة صوت كلها ڠضب بجالها 5 سنين جاعدة إهنه وما رچعتش عچبتها الجعدة مع الرجاصة اللى خلفتها وباينها إكده سرحتها ف الكباريهات وانا ما هعاودش البلد من غيرها وكيف ما جال عمر عايزين مساعدتك عشان نلاجوها. هاني برضو ما فهمتش انا هساعدكم ازاى عمر انت تعرف ناس كبيرة إهنه وعلاجاتك كتيرة يا واد عمتي وتجدر تعرف مكانها بسرعة لو سألت معارفك وعاطيتهم اسمها بالكامل واسم المدعوجة أمها. هنادي لسة ع الفون وسامعة صوت أخواتها مع هاني وسمعت. رسلان خبط ع ترابيزة الأنتريه پغضب وديني لولاش خاېف ع ابوي كنت أجتلها اول ما اشوف خلجتها واتاوي چتتها ونغسلوا عاړنا اللى مرمغت بيه شرفنا ف التراب. هاني پخوف وتوتر ل رسلان وانت ايه اللى عرفك بقى انها اشتغلت رقاصة حد شافها وقالك ولا بتنجم زى عوايدك يا رسلان رسلان بعصبية لا حد شافها ولا بنچم يا واد عمتي بس هستنظر ايه من الرجاصة غير إكده! جدرت تلعب ف دماغ خيتي بحچة انها أمها وجوتها عشان ما تعاودش البلد وتعرف تشغلها زييها. هاني بعصبية متغلفة پخوف ما تحكمش ع هنادي من غير ما تعرف الحقيقة مش يمكن تكون امها عيانة وهى بتراعيها مثلا! ولا تكون اشتغلت ف شركة محترمة! عمر بهدوء هو ده بالظبط اللى عايزين نعرفه يا هاني هى فين المدة دى كلها وبتعمل ايه ______________________ ف بيت هنادي قفلت المكالمة بعد ما سمعت كلام رسلان قعدت ع سريرها ضمت رجلها ع صدرها وحضنتهم پخوف ودموعها نازلة وهى بتفتكر اليوم اللى وصلت فيه من البلد. فلاش باك نزلت هنادي من القطر مع أبوها وشاور لها ع نوال اول ما شافتها جريت عليها بفرحة وكأنها كانت مسافرة مجرد سفر عادي مش سابتها طفلة عمرها شهور وهربت وبسعادة اتوحشتك جوي جوي يا امايا من زمان كنت نفسي اترمي چوة حضنك واتخبى فيه من كل اللى جالجني ومكدر على عيشتي. نوال فتحت دراعتها لبنتها وبحزن سامحيني يا هنادي يا بنتي ڠصب عني بعدت عنك لكن من النهاردة مش هنبعد تاني عن بعضنا ابدا. هنادي بسعادة زادت ع ملامحها صوح يا امايا! ما هتبعدينيش تاني عنيكي! نوال بابتسامة هادية صح يا نن عين ماما مش هتبعدي تاني عن حضڼي قدري پغضب نچوم السما أجربلك يا نوال بتي مش هتباعد عن حضڼي وان كنت چيبتهالك تجعد امعاكي كام يوم ده مش خوف منيكي لاسمح الله لكن لاچل عيون بتي اللى اترچتني انها تاچيكي لكن أكتر من إكده ما تحلميش فاهمة ولا لأ. نوال برفعة حاجب وضحكة استفزاز هنشوف يا عمدة بعد ما يعدوا الكام يوم دول هنادي هتقبل ترجع تاني ف القرف اللي كانت عايشة فيه ولا لأ وبالفعل نوال أخدت هنادي وخرجت من محطة القطر وركبت عربيتها وهى جواها ابقى قابلني يا قدري لو شوفتها تاني هنادي بالنسبة لي الكارت اللى هقش بيه. هنادي ركبت عربية نوال وهى مبهورة بكل حاجة حواليها واههو انتي بتعرفي تسوجي العربية كيف الرچالة يا أمايا! نوال باندهاش هو انتي ما كنتيش بتشوفي ستات ف البلد بتسوق عربيات هنادي بتلقائية لع كنت بشوفهم بيسوجوا بهايم جدامهم لكن عربيات ديه لع بنشوفها ف الافلام والمسلسلات بس. نوال بابتسامة خبيثة تحبي يبقى عندك عربية وتسوقيها بنفسك هنادي بانبهار وهي بتتفرج من شباك العربية ع دنيا جديدة اول مرة تشوفها بچد يا امايا هتچيبلي عربية كيف دي وتخليني اسوجها نوال بصت لها بنظرة كلها مكر وابتسامة نصر وكأنها وصلت أخيرا لهدفها بجد يا روح ماما ومش بس كدا ده انا هعلمك كل حاجة واخليكي ليدي الكل ينبهر بجمالها اللى ف جمالك وحلاوتك لازم تبقى هانم وتعيش ف فلل وقصور مش تعيش ف زرايب وتنضف تحت البهايم اسمعي انتي كلامى بس وانسي خالص بلدكم دي. عودة للوقت الحالي فاقت هنادي من ذكرياتها والخۏف مالي قلبها بعد ما سمعت صوت رسلان أخوها وهو بيحلف انه هيخلص عليها قامت من مكانها تلف ف اوضتها زى المچنونة ومش عارفة تعمل ايه قعدت ع السرير ومدت إيدها ع الكمود أخدت الموبايل وطلبت رقم أمها عشان تقول لها اللى سمعته لكن قفلت المكالمة وقفلت الفون خالص قبل ما نوال ترد ورجعت قعدت تاني نفس القعدة حاضنة رجليها بإيديها ومخبية وشها بينهم من كتر خۏفها. _____________________ ف شقة هاني كمل هاني سهرته مع رسلان وعمر وبعد ما دخلوا يناموا دخل هو كمان اوضته القلق بينهش ف قلبه من كتر التفكير ف كلام ولاد خاله وخوفه انهم يعرفوا المستخبي ورجع بذكرياته لاول مرة شاف فيها هنادي ف القاهرة مع نوال فلاش باك داخل هاني النادي وهو بيضحك مع اصحابه وفجأة شاف هنادي قاعدة مع واحدة ما يعرفهاش استأذن من الناس اللى معاه وقرب منها باستغراب هنادي! انتي جيتي هنا أمتى وازاى ومين دي هنادي شافت هاني بيقرب عليها وقفت مكانها بابتسامة هاني أنا چيت إهنه مع امي. هاني بإعجاب وانبهار أحلويتي اوى يا بنت اللذينا كنتي مخبية الجمال ده كله فين ابتسمت هنادي وهى بتقعد جنب نوال بسعادة أمي هى اللى خلتني حلوة إكده وچابتلي الهدوم الچميلة دي تعالى أعرفك عليها... وبصت لأمها وهى بتشاور عليه ده هاني واد عمتي يا امايا. نوال بتكبر وتعالي اه اهلا... وبصت ل هنادي بهدوء مصطنع انا مش قولتلك بلاش أمايا دي! اسمها ماما ناديني ماما مش امايا انسي بقى البلد واللى بيجي منها. هاني قعد قصاد نوال بهدوء تنسى البلد ماشي لكن اللى بيجي منها تنساه ليه يا هانم نوال بصت ل هاني برفعة حاجب وهى ضامة شفايفها شوية وبنرفزة مش عايزة بنتي ترجع تاني ل القرف اللي كانت عايشة فيه بعد ما عاشت ف النضافة اللى هنا. هاني معاكى حق يا هانم اللى يعيش برفاهية ويشوف العز ده ويسيبه يتحاسب ع الچريمة اللي ارتكبها ف حق نفسه. هنادي بعدم فهم ل هاني يعني ايه يا واد عمتي هاني بخبث ل هنادي وعينه ع نوال يعني يا بطتي طنط عندها حق بعد ما بقيتي ملكة بالجمال ده كله ما ينفعش ترجعي تاني البلد تخدمي ف الدار وتنضفي الزريبة وانا بأيد رأيها. عودة للوقت الحالي رجع من ذكرياته وشريط ال 5 سنين بيمر قدام عينيه من اول ما شاف هنادي وانبهر بجمالها وقربه من نوال لغاية ما قدر يكسب ثقتها وبمساعدته لها قدروا انهم يغيروا هنادي خالص حتى أسمها مرت عليه الليلة وهو شارد وسرحان ومش عارف يعمل ايه وقلقان من رسلان وعمر لو عرفوا انه ع علاقة ب أختهم وانه كدب عليهم وضللهم فضل غرقان ف أفكاره لغاية ما غلبه النوم ونام وهو قاعد مكانه. بسرررررررعة مش وقت صدمة دلوقتي اتحركوووووا.... ....... يتبع 8 بعد مرور 3 شهور كمان اللي حصل فيهم.. رسلان قرر ينقل شغله القاهرة عشان يقدر يدور براحته ع أخته وعمر رجع البلد عشان يكون جنب ابوه هاني وهنادي قلت مقابلاتهم شوية نرمين وسها حاولوا بكل قوتهم يشككوا صهيب ف شهاب وسبيل لكن كالعادة محاولاتهم فشلت فاطمة وعادل وسامية كانوا هيتجننوا لانهم مش قادرين يعرفوا --- اى خبر عن سبيل عمران وشهاب رجعوا أخيرا من فرنسا بعد ما اطمنوا عليها وطبعا واخدين حذرهم وما بيتكلموش عنها مع أى حد بعد ما قالوا قصاد كل اللى ف القصر انهم ما لقيوهاش وطول الاربع شهور ماسابوش مكان الا وسافروا يدوروا فيه صهيب استسلم للأمر الواقع ورجع تاني يعيش حياته بشكل طبيعي لكن أحساسه بالذنب واجع قلبه أما سبيل ف خرجت من المستشفى بعد ما فاقت من الغيبوبة اللى دخلت فيها لمدة شهرين ونص واتعافت تماما ورجعت البيت بعد ال 3 شهور كاملين. ف فرنسا مارسيليا اوضة سبيل قاعدة ف اوضتها بعد ما سافر عمران بكام يوم وبتفكر فيه وخاېفة.. رغم ۏجعها وحزنها منه خاېفة انها تفقده جدها بالنسبة ليها الأمان والحماية من غدر الناس اللي حواليها دموعها نزلت ڠصب عنها لما افتكرت اللى حصل له يوم ما وقع مغمي عليه قصاد عينيها بسبب كلامها معاه. فلاش باك سبيل واقفة قصاد عمران وهى بتصرخ ومن بين دموعها وصوتها اللى مليان ۏجع أشمعنى انا هونت علييييك سلمتني بإيدك لواحد مش عايزني وأنت عاااااارف انه متجوز... وبتنهيدة كلها ألم وقهر سمعت رفضه ليا وشوفت إصراره ع الرفض بعينك وبرضو صممت ع رأيك. مسكت دماغها بإيديها وهى مڼهارة وبتصرخ ليييييييه عملت لك ايه عشان تعمل فيا كدا يا جدي أنا أذيتكم ف ايييييييه عشان تحكموا عليا بالعڈاب طول عمري مش مكفيكم اللى حصل لي السنين اللى فاتت قولتوا تكملوا عليا قول لي لييييييه وريحني عمران حس ان روحه بتنسحب منه حط إيده ع قلبه وصوته أبتدى يضعف سامحيني يا بنتي أنا كنت بعمل كدا لمصلحتك لو كنت أعرف ان كل ده هيحصل كنت أتمنيت ال mوت قبل ما أعمل اللى عملته ولا أشوفك كدا أب... فجأة.. جسمه ارتخى ومال ع جنب وهو فاقد الوعى. سبيل شافت عمران وهو بيقع قدام عينيها حست روحها بتروح منها وهى شايفاه واقع ومش قادرة تعمل حاجة غير إنها جريت عليه قربت منه ودموعها زادت وبتهز فيه جامد جدو جدو جدوووو قوووم ما تسبنيش لوحدي والنبي يا جدو ما تسيبني انا ما ليش غيرك انا خلاص مش زعلانة منك والله ولو عايزني ارجع معاك ل صهيب هرجع بس والنبي خليك معايا انا ما اعرفش اعيش من غيرك... سبيل فضلت تهز جامد ف جدها وصوت صړختها هزت حيطان الاوضة جدووووووووووو... وجمعت كل قوتها وصړخت بأعلى صوت عندها ندهت على خالها خااااااااااالي خاااااااااالي شهاب اول واحد سمع صوتها وقلبه وجعه من صړختها وطلع جرى ع اوضتها ووراه شريف وفريد وشيماء اول ما دخل وشاف جده واقع مغمي عليه وسبيل بتهز فيه قرب منه بسرعة وقعد ع ركبه قصاد السرير اللى واقع عليه وبيهز فيه هو كمان پخوف لأ يا جدي اوعى تعملها ارجووووك ما تسيبناش احنا من غيرك ولا حاجة بالله عليك احنا محتاجينك اصحى يا جدي عشان خاطري.... وصړخ بعلو صوته ودموعه نازلة من كتر خوفه جديييييييييييي. شريف قرب بسرعة من عمران ومسك ايده يقيس له النبض وهو بيتكلم بسرعة وخوف نبضه ضعيف لازم نلحقه وننقله ع المستشفى بسرعة... وبص ل فريد وشهاب انزل جهز العربية يا فريد وانت يا شهاب لازم تفوق وتساعدني عشان نقدر نشيله ننزل بيه وزعق بعلو صوته عشان الشباب تفوق من الصدمة اللي هما فيها بسرررررررعة مش وقت صدمة دلوقتي اتحركوووووا.... ورجع وجه كلامه ل مراته لما شاف حالة سبيل خليكي معاها يا شيماء ما تسيبهاش لوحدها. سبيل سمعت كلام شريف ل شيماء وقامت وقفت بسرعة وخرجت قبلهم من الباب وهى بتصرخ مش هسيب جدو انا هروح معاه مش هسيبه يروح ويسيبني. شريف كان ف حالة ما تسمحلوش انه يجادل معاها من ناحية خاېف عليها وف نفس الوقت عايز يلحق ينقذ خاله قبل ما يروح منهم اضطر انه يسكت وينزل بسرعة بعمران عشان يلحقه ركب عربية فريد هو وشهاب وجريوا باقصى سرعة ع المستشفى أما سبيل راحت مع شيماء ف عربيتها واول ما وصلت دخلت جرى تدور ع خالها لغاية ما شافته هو وفريد وشهاب قصاد العناية المركزة لما قربت منهم عرفت ان شريف اتصل بالدكتور وهو ف الطريق واول ما وصلوا كان الدكتور مستنيهم ومجهز كل حاجة عشان يقدروا ينقذوا عمران. عودة للوقت الحالي فاقت سبيل من شرودها ع صوت خبطة خفيفة ع باب الاوضة عدلت قعدتها ومسحت دموعها بسرعة وأذنت للى بيخبط بهدوء أدخل. فريد بعد ما سمع الأذن من سبيل فتح الباب ببطء ودخل وشافها قاعدة ع الكنبة تانية رجلها تحتها وساندة بدراعها ع الشباك وعيونها كلها حزن وأثر الدموع باين فيهم قرب منها بخطوات هادية قعد جنبها وهو بيحاول يرسم ع وشه ابتسامة تطمنها عاملة ايه دلوقتي يا سابي سبيل رفعت عينيها ليه بهدوء وهزت راسها بحزن كويسة. فريد بص لها وعينيه لفت ع ملامحها الدبلانة وعيونها الحزينة أخد نفس طويل وهز راسه بيأس طيب ليه عيونك الجميلة دي پتبكي سبيل بحنين واشتياق وهى بتمسح دموعها اللى بتنزل ڠصب عنها وعينيها متعلقة بالشباك جدو وحشني اوى يا فريد.. ورجعت لفت راسها وبصت له مرة تانية تعرف انى خۏفت أوى لما دخل العناية المركزة حسيت ان روحي بتتسحب مني خۏفت يروح ويسيبني لوحدي ف الدنيا دي موجوعة منه لكن مش عارفة اتخيل حياتي من غيره هو كل دنيتي رغم ان كل واحد فينا ف بلد وفي بيننا مسافات طويلة لكن مجرد اني عارفة انه موجود انا مطمنة لكن لا قدر الله لو حصل له حاجة انا هروح فيها. فريد رفع ايده يمسك ايدها وبتنهيدة حب اولا انتي مش لوحدك يا سابي انا جنب... قصدي كلنا جنبك ثانيا جدو بقى كويس الحمدلله وان شاء الله هيبقى احسن عشانك لانه بيحبك اوي. سبيل لفت وشها تاني ناحية الشباك وشردت ف صهيب وبنبرة كلها حزن وۏجع هو الوحيد اللي حبني من قلبه حتى لما... سكتت شوية تاخد نفسها واتنهدت حتى لما جوزني ل صه.... ڠصب عنه عارفة انه عمل كدا عشان يحميني من علي ونرمين لانه عارف ان شخصيته قوية هيقدر يقف قصادهم ويوقفهم عند حدهم. فريد ساب ايديها واتنهد بحزن بس اللي حصل كان عكس كدا يا سبيل اللى اتجوزتيه عشان يحميكي هو أكتر واحد أذاكي. سبيل بۏجع جواها وهى بتحاول تمنع دموعها اللى بتغلبها هو معذور يا فريد فجأة لقى نفسه قصاد امر واقع حط نفسك مكانه لو انت متجوز ومخلف وبتحب مراتك وخالي أجبرك تتجوز واحدة تانية أكيد كنت هتعمل زيه. فريد هز راسه بعصبية من كلامها ودفاعها عن صهيب لأ يا سبيل عمري ما كنت هعمل زيه قبل ما أجرح انسانة كل ذنبها انها اضطرت تكون جزء من حياتي حتى لو ڠصب عني أكيد كنت هسأل وأعرف السبب اللى خلاه عمل كدا وحتى لو ما اقتنعتش وما وافقتش عمري ما كنت هجرحها او أأذيها بالشكل ده. سبيل بنبرة صوت مسورة انت بتقول كدا عشان انت مش ف مكانه يا فريد بس لو اتحطيت ف نفس الموقف هتعمل أكتر ... فريد قطع كلامها ووقف بعصبية أكتر بسبب غيرته انا مش همجي وغبي زيه يا سبيل عشان أعمل اللى هو عمله. سبيل بصت له بحدة وبنرفزة لو سمحت يا فريد صهيب مش همجي ولا غبي وما تنساش انه لسة جوزي.... وحطت ايدها ع بطنها بتنهيد وفي جوايا حتة منه. كلامها كان زي السه م اللي انغرز ف قلب فريد قرب منها أكتر ومال عليها سند بايديه الاتنين.. ايد ع ضهر الكنبة والتانية ع المسند اللى جنبها عيونه كلها غيرة ونرفزة لحد إمتى هتفضلي تدافعي عنه يا سبيل ده ما يستاهلش قلبك ولا حبك ولا يستحق جوهرة غالية زيك تكون ف حضنه. سبيل وقفت وهى بتبعد فريد عنها بهدوء وعينيها متثبتة عليه ومين من وجهة نظرك يستحق الجوهرة الغالية دي يا ابن خالي انت مثلا!. فريد اتفاجئ من سؤالها اللى خلاه يتجمد مكانه ضم كفوفه بقوة من شدة الصدمة وما عرفش يرد وعينيه متعلقة بيها من غير ولا كلمة. سبيل قربت منه خطوة بهدوء وهى بتفرك كفوفها ف بعض وبتنهيدة حزن فريد انا مقدرة وفاهمة مشاعرك كويس بس... وهى بترفع ايدها تحطها ع قلبها ده مالناش حكم عليه هو اللى بيحركنا مش احنا اللى بنحركه. فريد حس إنه اتخنق لف وخرج من الأوضة من غير ولا كلمة وكل خطوة بياخدها پيلعن قلبه اللي خذله ووقع في حبها. _____________________ ف مصر قصر الشهاوي. جناح عمران. نفس الوقت رجع صهيب من الشركة وطلع السلم وهو ماشي ف الممر اللى بين الاوض وصل قصاد اوضته وحط ايده ع أوكرة الباب وقف مكانه من غير ما يفتحه ولف وشه ناحية باب اوضة سبيل بص عليها شوية واتنهد بحزن وبعدها ساب الباب وراح لأخر الممر خبط ع باب جناح جده واستنى الأذن. عمران كان قاعد مع فاطمة بيطمنها ع سبيل سمع خبط ع الباب وبهدوء اتفضل. صهيب سمع صوت جده بيأذن له فتح الباب ودخل وقف قصاده وهو عينه ف الأرض وبكسوف قرب منه وباس ايده حمدلله ع السلامة يا جدي عمران بملامح جامدة ونبرة صوت كلها غيظ الله يسلمك. صهيب رفع عينه ل عمران بنظرة كلها حزن وانسار حضرتك هتفضل زعلان مني كدا كتير عمران وقف ولف إداله ضهره وبنبرة حزن متغلفة بالڠضب خيبت ظني فيك أمنتك ع حتة من قلبي وقولتلك حافظ عليها لكن انت عملت ايه! ضيعتها.. ما طلعتش قد المسؤولية يا بشمهندس ضيعت الأمانة... لف مرة تانية ورجع بص له وهو بيشاور عليه پغضب ومش مرة واحدة لأ مرتييين. صهيب واقف باصص ل جده بحزن والدموع بتلمع ف عينيه مش عارف يرد يقول ايه ومستنيه يخلص كلامه. عمران ع نفس وضعه واقف بيشاور بصباعه ع صهيب وبيتكلم پغضب انت ضيعت امانتي وانا لسة عاااايش اول مرة لما سبتها تسافر مسورة بسبب اټهامات نرمين وبدل ما تروح وترجعها رحت جبت واحدة تانية كل همها الفلوس وبس اتجوزتها ودخلتها وسطنا ونسيت الأمانة اللى ف رقبتك ولما انا رجعتها وحطيتها تاني بين إيديك بشكل مباشر وجوزتهالك ضيعتها تاااااااني بغرورك وأنانيتك. صهيب يا جدي انا... عمران قطع كلامه پغضب تقدر تقول لي يا بشمهندس هتحافظ ع مملكة الشهاوي ازاااااااااي شقى العمر اللى بنيته من صغري لحد ما وصلته للى انت شايفه ده لما ماقدرتش تحافظ ع بنت قلبي وخليتها ضاعت مننا وياريت المرة دي عارفين نلاقيها عشان أرجعها.... وغمض عينيه بۏجع واتنهد وبنبرة صوت كلها حزن امشي يا صهيب ارجع اوضتك عيش حياتك مع اللى اخترتها وضيعت الغالية عشانها وصدقني بكرة هتندم وتقول ياريت اللى جرا ما كان أمشي. صهيب مال بحزن باس ايد جده وجدته وخرج من غير ما يتكلم لف بعينيه ف الممر ولما اتأكد ان مافيش حد شايفه سمح لدموعه اللى حپسها انها تنزل وطلع جناحه هو وسبيل يقعد فيه لغاية ما يهدى. عند عمران. فاطمة اتنهدت وعينيها اتملت بالدموع وبنبرة حزينة قسيت عليه ليه يا عمران هو كمان ابن قلبك وغالي زيها سامحه عشان خاطري. عمران حدف نفسه ع الكرسي وكأن اتسحبت كل طاقته من جسمه حس ان ضهره اتحنى وكأنه شايل جبل فوق كتافه مسح وشه بإيديه وبنبرة فيها ۏجع الدنيا كله انا مش قادر اسامح نفسي يا فاطمة عشان اسامحه كلامها لسة بيرن ف وداني زى الجرس شكلها وهي مڼهارة مش رايح من قصاد عيني كسرة قلبها حتى فرحتها المکسورة لما عرفت انها حامل كل ده مش رايح من بالي. فاطمة وقفت قدامه وبصت له بعيونها اللى مليانة دموع وبنبرة كلها حزن ولوم ياما قولتلك يا عمران بلاش سبيل مش هتستحمل ما صدقتنيش وادى النتيجة. عمران رفع راسه ليها بهدوء وبنبرة كلها إصرار وانا لسة عند كلامي يا فاطمة أحفادي هيرجعوا وإيديهم متشبكين ف بعض سبيل قوية وهتعدي المحڼة وهترجع اقوى ومافيش حاجة هتكسرها وصهيب مش هيبطل يدور عليها عشان يرجعها مش مهم مين فيهم اللى هيلاقي التاني الأول المهم انهم هيرجعوا لبعض. فاطمة هزت راسها وبتنهيدة مليانة قلق وحزن تفتكر بعد كل اللى حصل بينهم ده! انهم هيقدروا يكملوا سوا عمران بابتسامة خفيفة كلها يقين هيرجعوا يا فاطمة وهيقدروا يكملوا انا براهن ع ده بعمري خصوصا بعد ما الرابط اللى بينهم بقى أقوى. فاطمة رفعت حاجبها وبنبرة كلها جدية بس هو لسة ما عرفش يا عمران. عمران ملامح وشه اتغيرت عينه كلها ڠضب ونبرة صوته كلها حدة ومش هيعرف يا فاطمة ولا أى حد ف القصر هيعرف لغاية ما يجي الوقت المناسب اللي هيرجعوا فيه لبعض. فاطمة قربت منه وصوتها كله قلق طيب افرض وقتها... عمران قاطع كلامها بحزم ما افرضش سبيل يوم ما هترجع.. هترجع ومعاها اللى يثبت صحة كلامها وصهيب هيصدقها حتى من غير ما يبص ف الدليل اللى هتجيبه معاها. فاطمة رجعت بخطواتها ل ورا وبتنهيدة حزن يارب ربع ثقتك دي يا عمران. عمران وقف وقرب منها حط ايده ع كتفها وبابتسامة هادية تطمنها الاتنين تربيتي يا فاطمة وعارفهم اكتر ما هما عارفين نفسهم اصبري انتي بس يا غالية وهتشوفي بنفسك. فاطمة بتنهيدة قوية ونبرة استسلام اتمنى!! لله الأمر من قبل ومن بعد هو قادر على كل شيء. ______________________ ف فرنسا فيلا شريف التهامي أوضة سبيل نفس الوقت بعد ما خرج فريد من عندها رجعت قعدت تاني نفس القعدة ع الكنبة سندت بدراعها ع الشباك وايديها التانية ع بطنها وافتكرت يوم ما عرفت انها حامل. فلاش باك بعد ما فاقت سبيل من الغيبوبة وابتدت تتعافى حست بحاجة غريبة ف بطنها وسألت الدكتور باستغراب سيلڤوبليه دكتور انا حاسة بۏجع ف بطني وكأن فيها حاجة بتتحرك وشكلها منفوخ شوية مش عارفة ليه! الدكتور رد عليها بمهنية وهدوء طبيعي جدا اللى بتحسي بيه. سبيل باستغراب أكتر ليه!! الدكتور لأن في عندك بيبي. سبيل اټصدمت وبصت لكل اللي موجودين ف الاوضة وبدموع حطت ايدها ع بطنها بيبي يعني انا...!!! عمران قرب منها قعد جنبها وباس جبينها بحنية وحب ايوة يا حبيبتي انتى حامل ولازم تسمعي كلام الدكتور وتهتمي بصحتك عشان خاطر البيبي يجي بالسلامة. سبيل دموعها زادت مش عارفة تفرح ولا تزعل ولا عارفة تحدد إحساسها ومش فاهمة ازاى من مرة واحدة يحصل حمل لكن كل اللى فهمته ان فى احساس جديد بيتولد جواها وبصت ل جدها يعني انا دلوقتي بقالى 4 شهور عمران هز راسه بسعادة قربتي تكمليهم يا ضى عيني. شهاب بص ل سبيل بسعادة وكأنه اول مرة يبقى عم ايوا بقى أخيرا هبقى عمو ويبقى عندي بيبي صغير ألعب بيه... وبتفكير مصطنع وحيرة بس تفتكري العكروت الشقى ده هيقول عمو ولا يقول خالو اقولك خليه يقول شهاب ع طول. شريف قرب من سبيل قعد جنبها الناحية التانية وباس جبينها برضو مبروك يا حبيبة خالو قوليلى بقى هتسمي البيبي ايه شيماء بهدوء ل شريف مش تسألها الاول هى نفسها ف ولد ولا بنت... وبصت ل سبيل بابتسامة هادية ها يا سابي نفسك ف ولد ولا بنت سبيل شردت ف صهيب واتكلمت من غير وعي نفسي ف ولد ويكون شبه صهيب ف كل حاجة ويجمع حروف اسمه من اسامينا... ورددت الاسم من غير ما تحس بنفسها بكل حب صهيل صهيب عادل عمران الشهاوي. عودة للوقت الحالي فاقت سبيل وهى مازالت حاطة ايدها ع بطنها وبتردد الأسم صهيل صهيب عادل عمران الشهاوي. ابتسمت وفضلت تتكلم معاه وتحكي له كل اللى ۏاجعها من --- صهيب وتقول له هى قد ايه بتحب أبوه رغم انه ما حبهاش ووعدته انها هتحاول تحافظ ع نفسها وتنسى أى ۏجع جواها عشان خاطره هو وبس وانها هتعيش عشانه وتكتفي من الدنيا بيه وتخليه حاجة كبيرة كل الدنيا تفتخر بيه وتشاور عليه. ف مصر قصر الشهاوي جناح علي ف نفس الوقت كالعادة نرمين هتوت وتعرف ايه اللى بيدور ف القصر وعمران غاب 4 شهور ليه هو وشهاب وراحوا فين بالظبط فضلت رايحة جاية ف الجناح وهى متعصبة. علي قاعد ع كرسي الانتريه ماسك الفون بيراسل حد عليه رفع راسه وبص ل نرمين بقلق اقعدي بقى خيلتيني رايحة جاية كدا ليه زى اللى عليه بيضة نرمين قعدت ع الكنبة قصاده بعصبية وملامحها كلها غيظ بقول لك ايه يا علي سيبني ف حالي انا عفاريت الكون كله بترقص ف وشي. علي قفل الفون وسابه من ايده وبرفعة حاجب ونبرة تريقة ويا تري مين اللى بيرقص العفاريت ف وشك يا حرمنا المصون نرمين بغيظ باين ع ملامحها ونبرة صوتها انت بتتريق عليا يا علي! علي بص لها بنظرة كلها مكر وهو رافع حاجبه ويبتسم وانا هتريق عليكي ليه يا حبيبتي!! ده انتي حتى صعبانة عليا يا روحي بتهري وتنكتي ف نفسك مش عارف ليه!. نرمين نفخت ف وشه بصوت عالي ونبرة صوتها كلها غيظ يعنى انت مش فاهم انا بهري ف نفسي لييييه ولا تكونش فاهم وبتستعبط علي قرب منها واتكلم باستفزاز واضح ان شالله اعدم قططك وكلابك وعليهم خدامتك لو كنت فاهم حاجة. نرمين اتغاظت واتنرفزت أكتر وحست ان الډم بيغلي ف راسها من اسلوبه المستفز قامت فجأة وهى بتصرخ فيه عليييييي. علي رجع تاني مكانه وبنبرة هادية كلها استفزاز عيون علي نعم يا روحي عايزة ايه نرمين وقفت قصاده وعينيها بتطلع شرار ما تستفزنيش يا علي بقول لك. علي وقف وقرب منها بنفس هدوءه المستفز ما انا بس لو افهم مالك متعصبة ليه! هريحك. نرمين بصت له بتحدي وغيظ واضح ف نبرة صوتها أبوك... علي قاطعها بتريقة قاصد يستفزها أكتر اشمعني. نرمين زاد غيظها منه وبنظرات كلها ڠضب صړخت فيه بصوت عالي انت هتجلطني ببرودك ده.. تصدق انا غلطانة واستاهل اللى يجرالي عشان قاعدة بتكلم معاك. لسة هتمشي من قدامه مسك إيدها بسرعة وقرب منها بهدوء خلاص حقك عليا ما تزعليش بس فهميني ماله بابا عمل لك ايه نرمين اخدت نفس قوي بتحاول تهدي نفسها وبنبرة كلها غيظ انا مش قادرة استوعب انه يرجع هادي ومطمن كدا بعد غيابه هو وابن اخوك 4 شهور من غير ما يلاقوا سبيل مش داخلة دماغي خالص الحكاية دي. علي ضيق عينه بيحاول يفهم كلامها قصدك انهم لاقوها نرمين لفت عينيها بخبث وبنبرة مليانة شك او يمكن كانوا عارفين مكانها من الأول وقعدوا معاها بحجة انهم بيدوروا عليها! ما هو مش معقول عمران الشهاوي اللى ما بيستحملش حاجة ع سبيل هيقعد هادي كدا وكأن مافيش حاجة حصلت إلا إذا كان فعلا عارف هى فين. علي قعد ع الكرسي ورفع حاجبه وبنبرة استفهام ودي هنعرفها ازاى بقى يا ام العريف! نرمين قعدت وهى بتحرك صوابعها ع دقنها ومضيقة عين ورافعة حاجب العين التانية سيب لي الطالعة دي هعرفها بأساليبي الخاصة بس اظبطها صح الاول. علي بص لها بنظرة كلها تحذير وبنبرة جدية بلاش أساليبك الخاصة دي يا نرمين كفاية احنا ما صدقنا ان بابا اتلهى ف غياب سبيل ونسي عمايلك السودة انتي وابنك وبعد عننا ما تخليهوش يفتح عينه علينا تاني المرة الجاية فيها طرد يا روحي أعقلي كدا واهدي وقولي هديت يا خبر بفلوس... نرمين بصت له بنظرة كلها خبث ونبرتها اتغيرت بقت مليانة مكر انت شايف كدا يا لولو علي وقف ومال بجسمه عليها ده هو كدا نفسه يا قلب لولو بكرة كل حاجة تبان وتقع ف حجرنا من غير ما نتعب ولا بابا يتعصب علينا ويطردنا برة القصر والفيلا. نرمين بنبرة استسلام مصطنعة وجواها تحدي وإصرار وماله يا حبيبى نقعد ونستنى. وبالفعل هديت ف الظاهر لكن جواها مش هترتاح غير ما تعرف كل حاجة وقررت انها هتعمل اللى ف راسها بس هتستنى شوية لغاية ما علي يطمن لها وعمران يتخلي عن حذره ويرجع يتكلم تاني ف القصر عن سبيل. _______________________ ف مجموعة شركات الشهاوي مكتب شهاب. بعد ما خرجت يمنى من المدرسة طلبت من السواق يوصلها الشركة بدل ما يرجعها ع القصر دخلت وسألت موظف الاستعلامات عن مكتب شهاب وبعد ما عرفت مكانه ركبت الاسانسير لغاية الدور اللى فيه مكتبه وصلت واستأذنت من السكرتيرة انها تدخل له بهدوء لو سمحتي عايزة أدخل عند ابيه شهاب. كريمة كانت قاعدة بتراجع ملفات طلبها منها شهاب رفعت عينها ع صوت اللى بتتكلم شافت بنت جميلة جدا واقفة قصادها حست بنغزة ف قلبها لكن اتكلمت بنبرة هادية اقول له مين يمنى بهدوء وهى بتلف بعينيها ف المكتب قوليله يمنى وهو هيدخلني ع طول. كريمة بغيرة جواها ايوا يمنى مين يعنى. يمنى ببراءة وهدوء ابقى بنت عمه. كريمة قامت من ورا مكتبها وهى ماسكة الملفات اللى كانت بتراجعها رايحة ناحية باب مكتب شهاب وبنبرة هادية استني لحظة واحدة. وبعدها خبطت وفتحت الباب بعد ما سمعت صوت شهاب جوة المكتب شهاب سمع خبطة ع الباب وأذن ادخلى يا كريمة. دخلت كريمة بعد ما سمعت الأذن وهى بتحط الملفات ع المكتب بحزن بتحاول تداريه اتفضل يا مستر الفايلات اللى حضرتك طلبتها. شهاب بنظرة كلها حب ونبرة صوت دافية شكرا يا كريمة انا مش عارف من غيرك كنت عملت ايه كريمة اتوترت من نظراته وبنبرة مهزوزة تحت امر حضرتك اى وقت.. غمضت عينيها عشان تهدى من توترها وبنبرة كلها حزن في انسة برة اسمها يمنى عايزة تقابلك بتقول انها بنت عمك. شهاب وقف من ورا مكتبه بقلق يمنى بنت عمي هنا!!! ليه... واتحرك بسرعة ناحية الباب وخرج شافها قاعدة وحاضنة شنطتها بهدوء وبنبرة قلق يمنى!! خير يا حبيبتي ايه اللي جابك من المدرسة ع هنا ما رجعتيش القصر ليه يمنى وقفت بسرعة اول ما شافته وبسعادة عايزة اتكلم معاك بعيد عن القصر يا ابيه. شهاب باستغراب واضح ع ملامحه ونبرة صوته خيرا! يمنى بملامح كلها استنكار ونبرة استفهام هنتكلم هنا شهاب بنبرة اعتذار أه اسف ما اخدتش بالي تعالي ندخل جوة... وبص ل كريمة اللى باين عليها غيرتها جدا وبسعادة مش عارف سببها قوليلهم يعملولي القهوة وعصير مانجا فريش عشان يمنى. كريمة بهدوء حاضر يافندم. شهاب دخل المكتب هو ويمنى قعدوا ع كنبة الانتريه وبنبرة استفهام خير يويو عايزة تتكلمي معايا ف ايه يمنى بحزن ظهر فجأة ع ملامحها ونبرة صوتها ابلة سبيل وحشتني اوى يا ابيه نفسي اشوفها واسمع صوتها انا قلقانة عليها اوي. شهاب أخد نفسه وبتنهيدة راحة هو ده اللى كنتي عايزة تتكلمي فيه طيب ما استنتيش ليه لما ارجع اخر النهار يمنى بنبرة مليانة حزن انا لاحظت من يوم ما رجعت من السفر انت وجدو مافيش حد بيجيب سيرة ابلة سبيل ف القصر عشان عارفين ان ماما بتحب تتصنت وتعرف كل حاجة وانا عارفة يا ابيه انك بتعرف توصل ل أبلة وبتكلمها واكيد حضرتك وجدو عرفتوا مكانها ومش عايزين تقولوا عشان ابيه صهيب ما يعرفش. شهاب عدل قعدته وبرفعة حاجب وهو لسة بيتكلم دخلت كريمة تقدم الطلبات بص لها بحب وكمل كلامه مع يمنى وانتى عرفتي الكلام ده منين يا قردة يمنى بتوتر بصراحة يا ابيه عرفته من شاهي هى قالتلي انك بتعرف كل حاجة عن ابلة سبيل عشان هى صاحبتك ومش بتخبي عليك حاجة. شهاب عينه ع كريمة اللى لسة واقفة وبهدوء يا حبيبتى مافيش حاجة اسمها صاحبتى!! هى اسمها أختى الصغيرة زيك كدا يا قمري يعني انتى وسابي وشاهي اخواتي حبايبي. خرجت كريمة من المكتب بتوتر زايد بعد ما لاحظت نظرات شهاب ليها وجواها يا لهوى هو بيبص لي كدا ليه ربنا يستر. يمنى ببراءة ومشاكسة ايوا يعنى هتقول لي هى فين وتخليني أكلمها ولا اروح اقول ل نرمين خانوم! شهاب بضحك لا بلاش نرمين خانوم دي اعملي معروف عمران باشا يدبحنا اهدي كدا وانا هكلمهالك... وبالفعل اتصل بسبيل مكالمة فيديو واستني لغاية ما ترد. اول اتفتحت المكالمة وردت سبيل قبل ما يتكلم شهاب يمنى خطت منه الموبايل وبدموع وحشتيني اوي يا ابلة عاملة ايه سبيل اټصدمت لما شافت يمنى ف المكالمة وبنبرة كلها اشتياق وانتي كمان يا حبيبتي وحشتيني اوي اوي طمنيني عليكي. يمنى بملامح بريئة ونبرة حزينة هترجعي امتى يا أبلة انا مش عارفة انام وانتى بعيد ياريت كان جدو رفض تتجوزى ابيه صهيب ما كنتيش بعدتي تاني عني. سبيل بتنهيدة ۏجع لسة ما آنش آوان الرجوع يا يويو. يمنى بدموع هتغيبي سنين تاني يا ابلة! ده انا فرحت اوي لما رجعتي اول مرة ليه كل ما تسافري وترجعي يحصل معاكي كدا! سبيل غمضت عينيها بۏجع من كل حاجة اتعرضتلها تمنع دموعها تنزل وبنبرة هادية عكس الحزن والۏجع اللى جواها ما تشغليش بالك يا روحي.. وابتسمت ابتسامة خفيفة قوليلى عرفتى منين ان شهاب بيكلمني! وقدرتي تاخدي الفون منه ازاى ده بيبقى عامل زى الغول ع حاجته. قبل ما ترد يمنى ظهر شهاب ف المكالمة وبضحك بقى انا عامل زى الغول يا ام سحلول! ماااشي لما اشوف وشك بس. سبيل بهزار مالكش دعوة بسحلول لو سمحت احسن يعلقك يا خالعم. شهاب بملامح مندهشة ونبرة استغراب يا ايه!! ايه الكلمة اللي قولتيها دى! ترجمي يا بت بتقولي ايه. يمنى ظاهرة ف المكالمة وهى بتضحك ببلاهة ومش فاهمة حاجة. سبيل بغيظ مصطنع ل شهاب هو انت يا ابني مش هتبقى خال سحلول وعمه ف نفس ذات الوقت شهاب بسعادة أينعم. سبيل خلاص يا كابتن تبقى خالعم. يمنى بدأت تفهم الكلام وبسعادة ل سبيل ابلة انتى هتجيبي نونو سبيل ابتسمت وهى بتحط ايد ع بطنها وبتقرب التانية بالفون عشان يمنى تشوفها اه يا حبيبتى شوفى كدا ايه رأيك. يمنى بسعادة مالهاش وصف الله انا فرحانة اوى اوى اوى يعنى انا هبقى خالتو..... وفجأة وقفت تتنطط وتسقف بطفولة ف المكتب هيييييييه هيييييييه هبقى خالتو هبقى خالتو وعندى نونو هلعب بيييه. شهاب شدها بضحك اقعدي يا مچنونة هتلمي علينا الموظفين بهبلك ده. يمنى قعدت وهى بتعتذر اسفة يا ابيه من فرحتى ما حسيتش بنفسي بس ليه ما حدش قال ف القصر شهاب بتوضيح عشان ماحدش يعرف حاجة. يمنى بعفوية وتلقائية أكيد لما ابيه صهيب يعرف هيفرح أوى ويروح جري عشان يرجعك يا ابلة. سبيل بسرعة ونبرة مخضۏضة لالالا اوعي يا يمنى حد يعرف اوعي تقولي ل حد وبالذات صهيب وابوكي وامك لو بتحبيني ما تجيبيش سيرة انك عرفتي حاجة او انك كلمتيني اصلا فاهمة يا حبيبتي يمنى باستغراب حاضر حاضر!! بس ليه مش عايزة حد يعرف انك هتجيبي بيبي سبيل بقلق وتوتر عشان خاطري يا يويو اسمعي الكلام وما تقوليش ل حد خالص. يمنى بمراوغة ومشاكسة اممممم أفكر! شهاب برفعة حاجب ل يمنى بت انتي عارفة لو جيبتي سيرة هعمل فيكي ايه يمنى وهى بتشاور بإيدها بطريقة كوميدية يا عم روح كدا انت بتعرف تعمل حاجة. شهاب باستغراب لا يا شيخة!! سبيل ما زالت قلقانة ان حد يعرف حاجة عن حملها وبنبرة كلها توتر يويو حبيبتى اوعي تقولي ل حد ماشي يا روحي عشان خاطر ابلة حبيبتك. يمنى برفعة حاجب وهى بتتصنع التفكير وبنبرة مكر لأ هقول من حقي كمواطنة شهاوية ف مملكة الشهاوي افرح بالخبر ده ومن حق الشعب الشهاوي كله يعرف إلا إذاااااا شهاب ضيق بين عينيه وبنظرة استفهام إلا إذا ايه يا مصېبة حياتي هاتي من الأخر. يمنى بصت ل شهاب بمكر تجيب لي كل يوم وانت راجع 2 شوكولا بالبندق حجم كبير وواحد بيج ماك ونص دستة جاتوه بالشوكولا والكريمة.... وبصت ل سبيل بنفس المكر وحضرتك تكلميني كل يوم فيديو كول ساعتين قبل ما انام عشان بتوحشيني ومش تخافي هقفل باب اوضتي بالمفتاح واحط الهاند فري عشان نرمين خانوم والدوق علي مايعرفوش بكلم مين قولتوا اييييه سبيل بتنهيدة راحة حاضر ياحبيبتى بس كدا هكلمك كل يوم ولما يجي البيبي كمان هخليكى تكلميه وتلعبي معاه. شهاب بغيظ ل يمنى مش بقول مصېبة مين علمك تستغلي المواقف بالشكل ده يا کاړثة يمنى بثقة وهى بتمسك ياقة البلوزة انا علمتني ينفعش اسيب فرصة زى دي تفلت من ايدي يا كابتن.. وهى بتشاور ع سبيل هااااا هتنجز زى اختك القمورة دي ولا هتحمرق شهاب بملامح كلها غيظ وانتي بقى هتقدري تاكلي كل الحاجات اللي طلبتيها دي يمنى برفعة حاجب وابتسامة ثقة انجز انت بس وما تقلقش اختك اسد. شهاب بنفاذ صبر وبتنهيد حاضر هجيبلك كل يوم طلباتك وانا راجع وامري لله حاجة تاني يمنى وهى بتقف عشان ترجع القصر لا تمام كدا بس ده ما يمنعش يا ابيه انى ممكن ف اى وقت انط لك هنا واطلب حاجة تانية اسيبكم بقى وارجع القصر عشان اتأخرت ع جدو حبيبى... وشاورت ل سبيل وبعتت لها بوسة وبسعادة مش هنام قبل ما تكلميني بالليل يا ابلة هستناكي. سبيل شاورت لها بحب وردت لها البوسة حاضر يا حبيبتي اول ما تدخلي اوضتك رني عليا عشان افهم انك لوحدك وانا هتصل بيكي ونرغي لغاية ما تزهقي باي يا قلبي. مشيت يمنى وسابت شهاب لسة مع سبيل ع الفون اتكلموا وقت كبير ف حاجات كتير وقفل المكالمة ورجع يكمل شغله بهدوء وباله مشغول وبيفكر ليه اتغيرت ملامح كريمة لما شافت يمنى. ____________________ ف قصر الشهاوي جنينة القصر بعد مرور كام يوم خرجت نرمين تقعد ف الجنينة الخلفية وهى دماغها هتنجر من كتر التفكير مش عارفة توصل لأى معلومة عن سبيل عمران من وقت ما رجع ما بيتكلمش عنها خالص هو وشهاب مع اى حد حتى لو جوة اوضهم وده هيجننها. سها شافتها من شباك اوضتها ونزلت بسرعة وقربت منها وهى بتبتسم وبنبرة كلها مكر مالك يا انطي متعصبة ليه مش عارفة توصلي للى بتدوري عليه ولا ايه نرمين بصت لها بنظرات مليانة غيظ ونبرة صوتها كلها حقد سهاااااا الحكاية مش نقصاكي أبعدي عني وسيبيني ف حالي. سها ملامح وشها اتغيرت ف لحظة وبقت كلها غل ومن بين أسنانها أكيد الحية اللى اسمها سبيل هى اللى مجنناكي كدا. نرمين پغضب واضح ع ملامحها ونبرة صوتها الواطية بقالي سنين طويلة مش عارفة أخلص منها جدها واقف لي زى اللقمة ف الزور كل ما ادبر لها مصېبة ينقذها منها. سها قعدت جنبها بكل ثقة وحطت رجل ع رجل ومالت عليها بهدوء وبنبرة اقرب للهمس طيب واللى يحلها لك ويخلصك منها اتعدلت نرمين ف قعدتها بسرعة ولهفة اللى تأمري بيه تحت امرك بس أخلص منها.... وبنبرة كلها كره وحقد وغل نفسي أشوفها وعمران بنفسه بيرميها برة القصر وبيحرمها من كل حاجة. سها بصت لها نظرات استغراب وبرفعة حاجب نفسي أعرف ايه سر السواد اللى ف قلبك من ناحيتها يا نونا تكونش بتاكل أكلك نرمين بملامح كلها غيظ ونبرة ڠضب لأ واكلة حق عيالي ف ثروة جدهم نص الهيلمان ده كله بأسمها لو عمران ماټ قبل ما يطردها برة القصر كلنا هنترمي ف الشارع او نعيش ع الصدقة اللى هترميها لنا الهانم فهمتي بقى سر السواد اللى ف قلبي سها قامت وقفت تتمشي شوية حوالين نرمين وهى بتفكر ف حاجة ورجعت قعدت تاني وقربت منها بخبث تقدري تجيبي أى حاجة مكتوبة بخط ايديها او اى تسجيل بصوتها نرمين بصت لها وعينيها مليانة علامات استفهام بتفكري ف ايه بالظبط يا سها سها احنا بقالنا كتير بنحاول --- نشكك صهيب فيها هى وشهاب وما بيصدقناش لانه مش شايف دليل ع كلامنا آن الآوان بقى انه يشوف بعينيه ويسمع بودانه حقيقتها اللى احنا عايزينه يشوفها قولتي ايه. نرمين وقفت بملامح مبتسمة يا بنت الشياطين ازاى ما خطرتش ف بالي قبل كدا الفكرة دي! سها بابتسامة سخرية وبنبرة تريقة عشان تفكيرك محدود يا قلبي ومعاكى راجل بيصدقك من غير دليل اما انا لازم افكر ف كدا لأن صهيب مش قابل اى كلام ف الموضوع ده عشان كدا انا بدأت انفذ وقدرت أتحجج ل شهاب ان إيدي ۏجعاني وعايزة أكتب رسالة لبيبو حبيبى اعملها له مفاجأة وخليته كتبها وبكدا اخدت منه ورقة بخط ايده وكمان صورته فيديو بموبايلى من غير ما يعرف فاضل بقى اللى ما تتسمى سبيل وبما انها مش هنا يبقى لازم ندور جوة أوضتها ع أى حاجة والأهم صورتها وصوتها والحاجات دي ماحدش هيعرف يجيبها غيرك يا نونتي مش كدا ولا ايه. نرمين بسعادة مبالغ فيها ظهرت ع ملامحها هو ده بالظبط اللي كنت بدور عليه يااااااه نفسي اشوف شكل عمران وهو مجمع العيلة حواليه وبيتفرجوا ع الفيديو سوا. سها بسعادة طيب يلا جو يا هارتي انطلقي وهاتي المطلوب بسرعة عشان العرض يبدأ بدري ونخلص خالص من ست زفتة وتنزل الستارة لأخر مرة وتنتهي المسرحية دي بقى. نرمين لعب ف راسها كلام سها وقامت فعلا جرى دخلت القصر وطلعت بهدوء تتسحب لغاية ما وصلت اوضة سبيل ابتدت تدور فيها ع أى حاجة مكتوبة بخط ايدها شقلبت الاوضة ماسبتش فيها حتة إلا وفتحتها ودورت فيها أخدت وقت طويل جدا خصوصا انها مطمنة ان مافيش حد بيدخل اوضتها من بعد غيابها وبعد ما يأست وقررت تخرج قبل ما تطلع من الاوضة رفعت مرتبة السرير وشافت تحتها ورقة مقطوعة من أجندة مكتوب فيها كلام رومانسي كتير ل صهيب ومعاها صورة بتجمعهم سوا يوم حفلة جوازهم اخدت الورقة والصورة وخرجت بسرعة راحت ل سها تديهم لها وبعدها قعدوا يفكروا سوا يجيبوا تسجيل صوتها ازاى. في لاااا ابعد عني انا ما عملتش حاجة ما تقلنيش ارجووووك سيبني اعيييش. ..... ف النادي بعد مرور يومين خرجت شاهندة من القصر راحت تقعد ف النادي شوية مع صديقاتها وهى قاعدة بتضحك وتهزر معاهم شافت هاني داخل ومعاه شاب ما تعرفهوش. هاني قرب منها وملامحه مبتسمة وبنبرة هادية مساء الخير شاهي حبيبتي ما قولتيش ليه انك جاية كنت جيت اخدتك من القصر بنفسي. شاهندة بملامح باهتة ونظرة غريبة اول مرة يشوفها وبلا مبالاة عادي ما كانش في داعي اتعبك انا معايا عربيتي. هاني بحب مصطنع وهو بيقرب أكتر منها ايه الكلام اللي بتقوليه ده يا روحي لو انا ما تعبتش عشان خاطر عيونك هتعب عشان مين يعني... ورفع عينه ل صاحباتها اللى معاها عاجبكوا كدا يا بنات سامعين صاحبتكم بتقول ايه شاهندة بنرفزة خلاص يا هاني ولو سمحت روح اقعد مع صاحبك وسيبني مع اصحابي. هاني بهدوء ده رسلان ابن خالي جاي من الصعيد فتح مكتب محاماه من كام شهر وقرر يستقر هنا. شاهندة بابتسامة هادية من غير ما تمد ايدها اهلا وسهلا استاذ رسلان القاهرة نورت. رسلان اول ما عينه وقعت ع شاهندة حس بنغزة ف قلبه ورعشة ف جسمه كله مش عارف سببها وصوته خرج بصعوبة احم القاهرة منورة بناسها. هاني لاحظ تغيير حالة رسلان ونظرات عينيه قرب منه وحط ايده ع كتفه وبيعرفه بشاهندة دي بقى يا رسلان خطيبتي حبيبتي شاهندة الشهاوي خد بالك يا استاذ دى ملكية خاصة مش مسموح لأى حد يكلمها كدا عادي. شاهندة بصت ل هاني بنظرات غيظ وبنبرة عصبية ايه ملكية خاصة دي يا هاني انا ملك نفسي وبس مش ملك حد وياريت لو سمحت بلاش الكلمة دي..... وقامت وهى متعصبة استأذنت من صديقاتها ومشيت. هاني جري وراها حصلها وهى بتفتح باب عربيتها مسكها من دراعها استني يا شاهي لو سمحتي. شاهندة بعد اذنك يا هاني سيب دراعي روح ل قريبك وسيبني امشي. هاني قرب منها ومرسوم ع ملامحه حزن مصطنع وبنبرة حزينة هتفضلي زعلانة مني كدا كتير شاهندة ارجوك يا هاني سيبني امشي. هاني لأ يا شاهي مش هسيبك تمشي من غير ما تسمعيني الاول وتفهمي وجهة نظري. شاهندة لسة هترد شافت سها داخلة النادي وقربت منهم ركنت العربية ونزلت وبملامح مستغربة ونبرة اندهاش واقفين هنا بتعملوا ايه! هاني بابتسامة اهلا مدام سها ابدا يا ستي شاهي زعلانة مني وبحاول اصالحها لكن هى بقى سايقة الدلال وتقلانة عليا. رسلان واقف من بعيد متابع الموقف وجواه مستغرب وبيسأل نفسه ايه اللي حصل له اول ما شاف شاهندة وليه اتضايق لما هاني قال انها خطيبته. نرجع ل هاني وشاهندة. سها بملامح هادية ونبرة جادة تعالوا نقعد سوا وتفهموني حصل ايه لكل الزعل ده شاهندة بنرفزة ما حصلش حاجة يا سها بس لو سمحتوا سيبوني امشي. سها شالت إيد شاهندة من ع باب العربية وقفلته اسمعي الكلام يا شاهي وتعالي نقعد ونسمع هاني عايز يقول ايه ولو كلامه ما عجبنيش... وبصت ل هاني بخبث هجيب له هولاكو قصدي صهيب يعلقه ما تخافيش. هاني بضحك اهون عليكي يا شاهي تسيبي اخوكي يعلقني كدا تعالي يا حبيبتي ربنا يهديكي خلينا نقعد ونتكلم. سها بهدوء ل شاهندة اسمعي كلام هاني يا شاهي وتعالي نقعد واتفاهموا سوا وانا قاعدة معاكي ما تقلقيش. شاهندة بملامح مضطربة ونبرة توتر امري لله اتفضلوا. ورجعوا بالفعل يقعدوا سوا ع ترابيزة لوحدهم هما التلاتة. شافهم رسلان وقرب منهم بهدوء وجه كلامه ل هاني وهو عينه ع شاهندة بجى إكده يا هاني! تسيبني واجف كيف الغريج وتچري. هاني باعتذار معلش يا رسلان ڠصب عني كنت لازم الحق حبيبتى قبل ما تمشي زعلانة مني... وبص ل شاهي بضحك وهو بيكمل كلامه مع اني مش عارف سبب زعلها بس أخاف ع نفسي يا عم احسن تروح تقول لأخوها يعقلني. شاهندة برفعة حاجب وتنهيدة ڠضب هو حد قالك ان اخويا همجي يا هاني هاني يا حبيبتى مالك واخداها قفش كدا! انا بهزر. سها بهدوء خلاص يا جماعة اكبروا شوية وبلاش حركات العيال دي اقعدوا خلينا نتفاهم. رسلان بص ل شاهندة بإعجاب حاول يداريه خلاص يا أنسة شاهندة أجعدي وجولي طلباتك ولو هاني ما نفذهاش ارفعلك عليه جضية واسحلهولك ف محكمة الأسرة. هاني بضحك جرا ايه يا عمونا انت جاى تعمل شغل ع قفانا ولا ايه خليك محضر خير يا ابن خالي الله يهديك ويكعبلك ف اللى بتدور عليه. سها مش تعرفنا يا هاني!! هاني اه سوري يا مدام سها نسيت اعرفك.... وهو بيشاور ع ابن خاله رسلان ابن خالي محامي.. ول رسلان وهو بيشاور عليها مدام سها الشهاوي مرات صهيب اخو شاهي رسلان بابتسامة تشرفنا يا هانم. سها بابتسامة من غير ما تتكلم هزت راسها ترحب بيه. هاني طيب مش هنقعد ولا هنفضل واقفين كدا سها هنقعد طبعا يا هاني ونصالحكم كمان ع بعض. وفعلا قعدوا الاربعة وابتدوا يتكلموا ف كل حاجة باستثناء سبب الزعل بين هاني وشاهندة والغريب ف الموضوع ان شاهندة اندمجت مع رسلان ونسيت خالص خطيبها ومرات أخوها اللى قاعدين مش فاهمين حاجة وفجأة سمعوا. شاهندة بابتسامة صافية ونبرة صوت هادية وحضرتك بقى نقلت مكتبك هنا عشان مافيش قضايا ف الصعيد ولا لسبب تاني رسلان عينه لمعت لمعة غريبة وهو بيتكلم مع شاهي وبهدوء غريب اول مرة يلاحظه هاني من وقت ما استقر ف القاهرة لو ع الجضايا يا انسة شاهندة فأكيد الصعيد مليان جضايا كتير خصوصي جضايا الورث والتار.... شاهندة قاطعت كلامه بهدوء معنى كدا انك نقلت شغلك القاهرة لسبب تاني. رسلان بابتسامة هو إكده بالظبط نجلت شغلي لسبب تاني اهنيكي ع ذكائك. شاهندة بدلته نفس الابتسامة ونسيت خالص هاني كأنه مش موجود مش محتاجة ذكاء يا استاذ رسلان طالما سبت بلدك اللى مليان قضايا وجيت هنا يبقى أكيد جاى لسبب غير الشغل وغالبا قعدتك هتطول وعشان كدا حبيت تستغل الوقت ده وتفتح مكتب هنا مظبوط كلامي. رسلان بنظرة إعجاب إلا مظبوط ده مظبوط چدا كمان. شاهندة طيب لو مافيهاش غلاسة ممكن اعرف السبب ده ولا اكون بضايقك! رسلان لسة هيرد قاطعه هاني بسرعة وبص ل شاهندة بتوتر جرا ايه يا شاهي انتي مالك بتسألي ليه عن السبب هو حر ف حياته ينقل شغله ولا ما ينقلهوش دى حاجة ترجعله. لاحظ رسلان توتر وعصبية هاني ورد بهدوء عادي يا هاني وايه المشكلة ان انسة شاهندة تعرف السبب! اساسا انا كنت هسألها يمكن تعرفها. شاهندة بصت ل هاني باستغراب من توتره المفاجئ ونقلت نظرها ع رسلان من غير ما تتكلم وجواها علامة استفهام. رسلان بملامح حزينة وتنهيدة ۏجع هنادي اختي من ابوي كبرت ف حچر أمي لحد ما بجى عنديها 23 سنة ومن 5 سنين ظهرت أمها فچأة وجدرت بالحيل والالعيب تاخدها ابوي صدجها وچاب بته لاچل ما تشوفها ع اساس تجعد معاها شهر ولا تنين لكن هى ما خابرش كيف جدرت تجنع هنادي انها تعيش معاها وما تعاودش تاني ومش بس إكده دى جدرت تجسيها ع ابوها وتبعدها عنيه ابوي خد فترة كبيرة يتحايل ع بته ترچع لكنها كانت بترفض وتتحچچ بأنها من حجها تجعد مع أمها تشبع منيها جبل ما تعاود لحد ما چه اليوم اللى ابوي ما بجاش عارف يتواصل مع هنادي كانها غيرت رقمها وعنوان امها بجى يتعب كتير من كتر حزنه وتفكيره فيها لما شوفت حالته بتسوء كل يوم عن اليوم اللى جبله جررت وجتها انزل بنفسي إهنه أدور عليها ولما لاجيت المدة طولت أضطريت انجل شغلي وأخد سكن لحالي بدل ما كنت جاعد مع هاني. شاهندة اتأثرت من كلام رسلان وهو بيحكي عن أخته وابوه لمعت الدموع ف عينيها وبنبرة حزن ان شاء الله هتلاقيها وترجع معاك عشان خاطر باباك. سها اتأثرت هى كمان بكلام رسلان وبهدوء ياترى يا استاذ رسلان قدرت تعرف عنها حاجة ولا لسة رسلان بص للفراغ قدامه وعيونه بتلمع بالدموع ونغزة ۏجع ف قلبه للأسف لسة... وبعصبية ظهرت فجأة ع ملامحه كور قبضة ايده وخپطها ف الايد التانية وبنبرة ڠضب بس انا مش هيأس وهفضل أسأل وأدور عليها ف كل مكان لغاية ما الجاها واعاود بيها ع البلد حتى لو هفضل سنين طويلة بدور أكيد هياچى يوم والجاها. شاهندة بحزن مش عارفة سببه ان شاء الله هتلاقيها لو ممكن تديني اسمها واسم مامتها وانا اقول ل صهيب أخويا علاقاته كتير ويقدر يساعدك توصل لها. هاني كان بيشرب عصير واول ما سمع كلام شاهي وقف العصير ف زوره وشرق وكح كتير لغاية ما قدر ياخد نفسه. رسلان بملامح مستغربة واه مالك يا هاني! خبر ايه عاد! هاني بياخد نفسه بصعوبة وبنبرة توتر مافيش حاجة ما تقلقش.... قطع كلامه فجأة وهو شايف صهيب بيقرب منهم. ابتسمت شاهندة اول ما شافت اخوها وبنبرة هادية ابن حلال لسة كنا ف سيرتك. قرب منها صهيب وباس جبينها وبابتسامة صافية ويا ترى قردتي جايبة سيرتي ليه! شاهندة ضيقت بين عينيها وبنبرة غيظ مصطنع هو انت مش ملاحظ ان في ناس قاعدة معانا يا بشمهندس! صهيب قرب منها اكتر ومال بجسمه عليها انا كام مرة قولتلك انتى اختي حبيبتى ولو قاعدة بين ملايين البشر هتكلم واحب فيكي براحتي يا قردتي ها عندك اعتراض!! شاهندة بتهز راسها وهى سعيدة تؤتؤ هو انا اطول القمر ده كله يغازلني قصاد الناس. سها بملامح كلها غيظ ونبرة غيرة يا سلام يا سي صهيب يعنى بتسلم ع شاهي وتغازلها ومراتك حبيبتك لأ انا كدا زعلانة منك. صهيب اتعدل ف وقفته وقرب منها باسها ف خدها وبحب واضح جدا ف نظرة عينه ونبرة صوته وانا اقدر برضو يا روحي هو انا اصلا جاى النادي عشان مين! مش عشانك انتي يا حبيبتي! سها بهزار خلاص عفونا عنك اقعد بقى لما نعرفك ع استاذ رسلان قريب هاني. صهيب مد ايده سلم ع رسلان واتعرف عليه وهو بيقعد بص ل شاهندة قوليلى بقى كنتي جايبة سيرتي ليه يا شقية شاهندة بصراحة يا هيبو يا حبيبى استاذ رسلان عنده مشكلة وقولتله انك ممكن تحلهاله بس كدا. صهيب ابتسم لها وهز راسه بالموافقة وبص ل رسلان بنظرة جدية تحت امرك احكيلي ايه المشكلة وان شاء الله تتحل. شاهندة بملامح مبتسمة ونبرة متسرعة ل رسلان قول له اسم اختك ومامتها يا استاذ رسلان وهو هيقدر يلاقيهملك. صهيب بملامح كلها استغراب وعدم فهم ممكن افهم ايه الحكاية طيب الاول!! رسلان ابتدى يحكي الموضوع من اوله بكل تفاصيله للأخر وملامحه كانت كلها غيظ وڠضب وۏجع ونبرة صوته مليانة حزن بس هى دي كل الحكاية وبصراحة انسة شاهندة جالتلى انك تجدر تساعدني الاجي اختي. صهيب اتأثر جدا بكلام رسلان وشرد ف سبيل للحظة وافتكر انه هو كمان بيدور عليها ومش عارف يلاقيها وبنبرة همس من غير وعي ياريتني اقدر الاقيها. سمعه رسلان وحس بخيبة أمل وبنبرة يأس يعنى حضرتك مش هتجدر تساعدني انتبه صهيب لنفسه وفاق من شروده وبجدية واضحة ع ملامحه ونبرة صوته مين قال كدا! قول لي اسمها بالكامل واسم والدتها واى معلومة تعرفها عن الام وف خلال 48 ساعة هيكون عندك عنوانها وكل حاجة عايز تعرفها ان شاء الله. رسلان بأمل واضح ع ملامحه ونبرة صوته اختى اسمها هنادي جدري رسلان السيد واسم والدتها نوال عبد العزيز خضير البيومي وكل اللى اعرفه عنها انها كانت بترجص ف كباريه من كباريهات شارع الهرم من زمان اكتر من إكده ما اعرفش حاچة. صهيب طمن رسلان انه هيقدر يساعده يعرف طريق هنادي ويوصلها ف خلال يومين هاني زاد توتره وقام استأذن منهم ومشي بحجة انه عند معاد شغل كان ناسيه وخرج بسرعة من النادي ركب عربيته وجري ع بيته وهو بيفكر ومش عارف يعمل ايه ومتأكد ان صهيب طالما عرف بالموضوع يبقى هيحله فعلا وهيوصل زى ما قال بعت رسالة ل هنادي بيطلب منها تقابله ضروري عشان يشوفوا حل بسرعة اما رسلان اتحرج لما هاني سابه ومشي واستغرب توتره المفاجئ استأذن ومشي هو كمان يروح مكتبه ع وعد من صهيب انه هيوصل ويعرف طريق هنادي ال.9 _____________________ قصر الشهاوي جناح عادل نفس الوقت قاعد ف الصالون وباله مشغول بكل اللى بيحصل حواليه وحاسس ان شهاب وعمران مخبيين حاجة وبيفكر يسأل أبوه. دخلت سامية شافته قاعد شارد وبملامح كلها قلق ونبرة متوترة مالك يا عادل في ايه يا حبيبى! عادل بتنهيدة قلق مش عارف يا سامية حاسس ان بابا مخبي علينا حاجة وشهاب عارف ايه هى. سامية طيب ما تسأل بابا عادل بيهز راسه وبنبرة يأس فكرت يا سامية بس بابا لو الدنيا اتهدت قدامه مش هيقول غير اللى عايز يقوله وبس. سامية خلاص اسأل شهاب عادل بابتسامة سخرية انتي بتتكلمي ع اساس انك مش عارفة ابنك يعني... وبتنهيد شهاب تربية جده يا حبيبتي وطالما حاطط راسه ف راس جده يبقى مش هينطق لو المۏت ع رقبته. سامية طيب هتعمل ايه عادل مش عارف يا سامية قلقان ع سبيل أوى ومتأكد ان بابا عارف مكانها ومخبي بس اللى مش قادر افهمه ليه سامية بقلق تفتكر يا عادل! بس ليه طيب لو قولت مخبي عشان علي ونرمين ما قالش لينا احنا ليه او حتى قال ل ماما عادل هو انتي فاكرة ان فاطمة الشهاوي ما تعرفش عمران مخبي ايه دي سره ستره وغطاه وقبل ما يتحرك حركة واحدة بتبقى عارفة هو رايح فين وجاي منين. سامية خلاص اسألها يا عادل عشان ترتاح وتطمن. عادل رغم اني عارف انها مش هتقول برضو بس مافيش قدامي غير كدا. وقام بالفعل خرج من الجناح رايح ل أمه يسألها ع أمل انها تقول له وتريح قلبه من القلق اللي هو فيه. ___________________ ف شقة هاني رجع من النادي والقلق بينهش فيه والخۏف اتملك منه دخل شقته وقعد مستني هنادي تيجي عشان يفكروا سوا ف المصېبة اللي حطت ع راسهم من وجهة نظره مر حوالي ساعة او أكتر وسمع جرس الباب وقام يفتح وجسمه كله بيرتعش من كتر القلق والتوتر وشاف. هنادي دخلت وملامحها كلها ذعر ونبرة صوتها مليانة خوف وبعدين يا هاني لازم نشوف حل ف المصېبة دي. هاني نظرات عينه كلها ړعب ونبرة صوته مهزوزة من التوتر مش عارف يا هنادي رسلان عامل زي الغريق وما صدق لاقى صهيب الشهاوي ف وشه هنادي ارتعشت من شدة خۏفها والتوتر بقى واضح جدا ع ملامحها وف نبرة صوتها تفتكر صهيب هيقدر يساعد رسلان هاني قرب منها خطوة صهيب ما بيهزرش يا هنادي طالما قال ل اخوكي 48 ساعة واعرف لك كل حاجة يبقى هيعملها هو انتي ما تعرفيش يعني علاقاته واصلة لغاية فين!. هنادي عارفة يا هاني عيلة الشهاوي مش قليلين وسهل جدا انهم يعرفوا أى حاجة وكل حاجة وهما قاعدين ف مكانهم. هاني قعد بنفاذ صبر من كتر التفكير والحل! انا دماغي وقفت مش عارف افكر من وقت ما رسلان وصهيب اتكلموا سوا وانا هتجنن مش عارف اعمل ايه عشان امنعهم يكملوا ف الطريق ده. هنادي مافيش حل غير اننا نهرب من هنا. هاني ازاى يعني اللى بتقوليه ده اسمه جنان. هنادي الجنان بعينه اننا نقعد هنا رسلان وصهيب دماغهم واحدة طالما اتفقوا يبقى هيعرفوا كل حاجة وانت عارف كدا كويس الاتنين لو حطوا ف راسهم مشكلة بيحلوها من جذورها. هاني انا مش ههرب يا هنادي مش ههرب واسيب شاهندة ومليارات جدها واطلع من المولد بلا حمص. هنادي ملامحها كلها غيظ وبنبرة صوت مليانة ڠضب انت هتضحي بحياتنا عشان الفلووووووس هو انت فااااااكر لو صهيب عرف حقيقتك القڈرة دي هيسيبك تتجوز اخته ده قليل ان ما قلك فيهااااا ولا تكون فااااااكر ان رسلان اخويااااااا اللي قعد ف بيتك 3 شهووووور وهو بيدور عليااااا لو عرف انك تعرف مكاني واننا ع علاقة ببعض هيسمي عليييييك اعقل يا هاني واسمع كلامي وخلينا نسيب مصر كلها ونهرب قبل ما ننكشف. هاني قرب منها ومسكها من دراعتها بقوة وملامحه كلها ڠضب مش هيحصل يا هنادي مش بعد ما دخلت عيلة الشهاوي وبدأت احقق احلامي واحط ايدي ع فلوسهم تقوليلى أتخلى عن حلمي مستحيل انتي فاهمة! هنادي انت مجنووووون عمرااااان الشهاوي مش سهل ممكن يخلص علينا من غير ما يرف له جفن فكر فيا وفكر ف ابننا اللى هيضيع ويترمي ف الشارع لو جرالنا حاجة. هاني ابننا عايش احسن عيشة بفضل فلوس الشهاوي اللى انتي عايزانا نهرب ونسيبها انسي خالص حكاية الهروب دي يا هنادي كل اللى هنعمله اننا هنبعد عن بعض فترة ونراقب من بعيد صهيب ورسلان ونحاول نمنعهم يتقابلوا بأى طريقة. هنادي بصړيخ هو انت تعرفهم ع بعض وبعد الفاس ما تقع ف الراس تقول نمنعهم يتقابلوا!! طب ازاى يا ابن عمتي تقدر تقول لي انا مش هسمحلك تدمر حياتنا بطمعك وجشعك يا هاني انت فاااااااهم انا ماشية وهسيبك تفكر ف كلامي كويس وتاخد قرار سلاااااام وبالفعل سابته ف حيرته وخوفه ومشيت وهى مړعوپة من فكرة ان اخوها يعرف مكانها او عمران وصهيب يعرفوا كل حاجة وېقتلوها هى وهاني ____________________ قصر الشهاوي اوضة شاهندة كانت قاعدة ف التراس بعد ما رجعت من النادي بتفكر في سبيل اللى وحشتها ونفسها تعرف أى خبر عنها نفسها تكلمها وتحكيلها عن كل حاجة ۏجعاها وفكرت تبعت لها رسالة عن طريق الواتس او الماسنجر تفضفض لها قامت من مكانها دخلت الاوضة ومسكت فونها فتحته وابتدت تكتب وعيونها كلها دموع سبيل وحشتيني اوي انا مش عارفة هتشوفي كلامي ده ولا لأ بس انا بجد محتاجالك اوي محتاجة اطلع كل اللى جوايا ومش قادرة احكيه لحد غيرك. خلصت كتابة الرسالة وبعتتها. ف نفس اللحظة شافتها سبيل وردت عليها وانتي كمان وحشتيني اوي يا شاهي وكلكم وحشتوني رغم ۏجعي منكم. شاهندة بعيون مليانة دموع كتبت لها القصر من غيرك سجن يا بيلا كل اللى فيه بيموتوا ف بعدك جدو وتيتة قاعدين ع طول جوة اوضتهم مابيخرجوش غير عشان الأكل بس ويرجعوا تاني حتى بابا وماما هيتجننوا ويعرفوا عنك أى خبر يطمنهم عليكي وانا.. أنا محتجالك اوى ارجوكي أرجعي سبيل بتقرأ كلام شاهي ودموعها زادت وهى بترد فات آوان الرجوع يا شاهي خلاص انسي واحكيلى مالك ايه اللي واجعك فضفضي يا حبيبتي وطلعي اللى جواكي. شاهندة بۏجع انا حاسة ان هاني فيه حاجة متغيرة يا سبيل اسلوبه اتغير معايا بقى عصبي زيادة عن اللزوم وع طول يتكلم عن معاد الفرح بطريقة غريبة وكل شوية يسأل عن الفلوس والشركات تخيلي!! عايزني أكلم بابا عشان يكتب لي شركة بأسمي هدية الجواز ومش بس كدا ده كمان عايز اكبر شركة ف المجموعة وكل ما ارفض يتعصب عليا قوليلى اعمل ايه يا بيلا أرجوكي سبيل وقفت كتابة وعملت مكالمة فيديو واول ما فتحت شاهندة المكالمة ردت بنبرة صوت موجوعة انا من يوم ما شوفته ما ارتحتلهوش يا شاهي بس لاقيتك فرحانة ما رضيتش أعكر عليكي فرحتك وقولت لنفسي يمكن أكون غلطانة. شاهندة شافت سبيل ف الفون وبدموع ولهفة وحشتيني اوي يا سبيل شكلك عامل كدا ليه طمنيني فيكي ايه سبيل بابتسامة حزينة ونبرة هادية اهدي يا حبيبتي ما تقلقيش انا كويسة صدقيني وعمري ما كنت كويسة زى دلوقتى اطمني. شاهندة انتي فين يا سبيل جدو وشهاب قلبوا الدنيا عليكي ومش لقيوكي ارجوكي قوليلى انتي فين تيتة وبابا وماما تعبانين اوى من وقت ما جدو رجع من السفر. سبيل مش مهم تعرفي انا فين المهم انك عرفتي اني بخير بس عشان خاطري ياريت ما تقوليش لحد انك كلمتيني يا شاهي. شاهندة بملامح مستغربة ونبرة اندهاش ولا حتى صهيب! سبيل بنبرة صوت مليانة توتر ونظرات عينها كلها حزن ودموع لأ يا شاهي ده بالذات لأ ارجوكي مش عايزاه يعرف عني حاجة ولا حتى سيرتي تيجي قصاده خالص عشان خاطري لو بتحبيني بلاش يعرف اى حاجة. شاهندة بحزن واضح ع ملامحها ونبرة صوتها ليه يا سبيل ده هيتجنن عليكي ماسابش مكان الا ودور عليكي فيه صهيب ندم ع اللى عمله فيكي ونفسه ترجعي النهاردة قبل بكرة عشان يعتذرلك. سبيل مش قادرة تمنع دموعها اللى مش بتقف وبنبرة كلها ۏجع ما بقاش ينفع خلاص يا شاهي اخوكي كسرني وعمره ما هيقدر يصلح اللى كسره جوايا حتى لو قدم روحه اعتذار عن اللى عمله فيا ندمه اللى بتتكلمي عنه ده نابع من احساسه بالذنب ناحيتي مش اكتر ولو حد قاله مثلا اني سامحته هيرجع وكأنه ما عملش حاجة وحتى هيبطل يدور عليا. شاهندة لا يا سبيل صهيب فعلا قلقان عليكي وندمان وبيتمنى ترجعي تاني صهيب رافض يطلقك وعايز يكمل حياته معاكي. سبيل بتنهيدة ۏجع كفاية يا شاهي ارجوكي سيبك مني انا وخلينا فيكي انتي وخطيبك. شاهندة بس... سبيل قاطعت كلامها بحزن ما بسش انسي خلاص اللى حصل حصل المهم حاولي تهدي شوية وما تتكلميش مع حد ف الكلام اللي قاله هاني وسيبيلي انا الموضوع ده هحلهولك من جذوره بس حاولي ما تستعجليش ف الجواز اصبري شوية. شاهندة بدموع انا بحاول بكل قوتي لاني خاېفة اوى والله من تغييره المفاجئ ده. سبيل ممكن تكون دي حقيقته اصلا يا شاهي وقناع البراءة اللى كان لابسه وقع لما لاقاكي أجلتي معاد الفرح اهدي وما تبينيش قصاده حاجة خليكي طبيعية وانا هتصرف ما تقلقيش يلا هقفل دلوقتي ولو فى اى حاجة كلمينى بس اوعي تقولي لحد خالص اننا بنتكلم ممكن. شاهندة حاضر يا بيلا مش هقول لحد خالص سلام. وبالفعل قفلت شاهي المكالمة مع سبيل وقعدت مكانها تفكر ف كل الكلام اللي دار بينهم والاوجاع اللى ف قلوبهم بسبب الحب واختيار الشخص الغلط اما سبيل بعد ما قفلت المكالمة اتصلت بشخص معين ادتله اوصاف هاني وطلبت منه يراقبه كويس ويعرف لها كل حاجة عنه ويبلغها اول بأول كل تحركاته. _____________________ ف اوضة يمنى دخلت اوضتها بعد ما اتأكدت ان كل اللى ف القصر دخلوا اوضهم نسيت تقفل الباب بالمفتاح اتصلت ب سبيل فيديو وحطت الهاند فري واستنت الرد اللى جالها ف اقل من الدقيقة. سبيل كنسلت المكالمة ورنت هى ع يمنى زى ما وعدتها. يمنى فتحت المكالمة بملامح ملهوفة ونبرة اشتياق وحشتيني اوي اوي يا ابلة. سبيل بابتسامة هادية وانتي كمان وحشتيني اوي يا حبيبتي طمنيني عليكي عاملة ايه يمنى بدموع يومي ناقص من غيرك حاسة اني عايشة ف سجن طول الوقت بين المدرسة والمذاكرة مافيش حد بيتكلم معايا خالص حتى شاهي بالنهار ف المجموعة وبالليل حابسة نفسها ف اوضتها مافيش غيرك اللى كنتي بتتكلمي معايا ودلوقتي انتى مش هنا وانا بقيت لوحدي سبيل غمضت عينيها تمنع دموعها تنزل اخدت نفس وبتنهيدة حزن معلش يا حبيبتي فترة وهتعدي وهتتعودي ع غيابي زى ما اتعودتي قبل كدا. يمنى بس انا مش عارفة اتعود ع كدا ومش عايزة انا عايزاكي انتي يا ابلة. سبيل انا معاكي اهو يا قلبي وهبقى معاكي كل ليلة لحد ما تتطمني وتروحي ف النوم. يمنى بابتسامة عارفة يا ابلة! انا بقيت بحب اوى قعدة الاوضة عشان بتخليني اشوفك كل يوم.. وهى بتتكلم سمعت خبطة خفيفة ع الباب وبنبرة صوت مليانة توتر مممين عمران فتح الباب ودخل بملامح هادية ومبتسمة سمعت صوت حبيبتى وانا رايح اوضتي قولت أملي عيني منها قبل ما انام. يمنى شافت عمران داخل الاوضة قامت وقفت بسرعة وبتوتر واضح ف حركة عينها ونبرة صوتها ها اه اتفضل يا جدو. سبيل ع المكالمة سامعة صوت جدها ودموعها اللى بتحاول تمنعها نزلت ڠصب عنها وبلهفة ما تقفليش الفون يا يمنى خليني اسمع صوت جدو عشان وحشني. يمنى واقفة تبص ل عمران بقلق وخوف انه يعرف انها بتكلم سبيل وبنبرة صوت مهزوزة اقرب للهمس حاضر عمران قرب من يمنى وملامحه كلها استغراب ونبرة اندهاش بتكلمي مين يا حبيبتي! يمنى پخوف ظاهر ع ملامحها وصوتها هااا ولا حد ولا حد خالص يا جدو انا انا انا كنت..... عمران قرب منها أكتر ولف وقف جنبها وشاف سبيل ف الفون بص لها بنظرة اشتياق وحنين وحشتيني اوي يا بنت قلبي... وبص ل يمنى بسعادة وباس جبينها كنت عارف ومتأكد ان قعدتك طول الوقت ف اوضتك وراها سبب وكنت متأكد أكتر ان سبيل هى السبب ده. يمنى بدموع الخۏف ارجوك سامحني يا جدو وما تزعلش مني عشان خاطري حضرتك عارف اني مش بعرف انام من غير ما اكلم ابلة وهى وحشتني اوى عشان كدا كلمتها. عمران ضمھا ف حضنه وقعد بيها ع سريرها وأخد منها طرف من الهاند فري وحطها ف ودنه عمري ما زعلت منك يا حبيبتي انتى وبنت قلبي اغلي ما عندي... وبص ل سبيل بحب طمنيني عنك يا حبيبتي عاملة ايه سبيل بتهز راسها وعينها مليانة دموع الحمدلله يا حبيبى انا كويسة طمني عليك انت وع تيتة. عمران بحزن واضح ع ملامحه ونبرة صوته احنا مش كويسين من غيرك يا ضى عيني بس مش هضغط عليكي واقول لك ارجعي وقت ما تلاقي نفسك عايزة ترجعي.. أرجعي وما تقلقيش من حاجة ولا تخافي من حد طول ما انا عايش ماحدش هيقدر يمس شعرة منك. يمنى بصت ل عمران وعينيها كلها رجاء خليها ترجع يا جدو لو سمحت ارجوك... وبنفس نظرة الترجي بصت ل سبيل ارجوكي يا ابلة ارجعي او قولي لجدو انتي فين وهو هيروح يجيبك. عمران مال ع يمنى وهمس لها بصوت واطي اقول لك سر يا يويو انا عارف هي فين بس مش قايل لحد عشان اللى ۏجعوها يتربوا ويعرفوا قيمتها. يمنى فتحت عينها وبقها ع اخرهم بذهول هاااا!!! عمران وسبيل ضحكوا ع شكلها وهى بالوضع ده مصډومة ومذهولة من كلام جدها. يمنى بصت لهم بملامح كلها غيظ ونبرة نرفزة طفولية يعني انتوا الاتنين بتضحكوا عليا ومش تقولولي عااااااااااا انا زعلانة منكوا... وقامت وقفت بعد ما شالت طرف السماعة من ودنها وهى بتدبدب برجلها ف الارض انا مش هكلمكوا تاني بس ها. عمران ضحك بعلو صوته ع يمنى وع تصرفها الطفولي هههههههههههه خلاص ما تزعليش المرة الجاية مش هخبي عليكي حاجة بس تعالي ف حضڼ جدو حبيبك عشان نطمن ع صهيل. يمنى ملامحها كلها غيظ طفولي ربعت ايديها ولفت بضهرها وهى بتدب ف الأرض لأ انا مقموصة. عمران بص ل شاشة الفون وهو بيضحك --- خلاص يا بيلا خليها مقموصة براحتها وطمنيني انا ع حبيب جده صهيل عامل ايه سبيل حطت ايدها ع بطنها واتنهدت بۏجع رغم ابتسامتها اللي مالية وشها صهيل بيسلم ع جدو وبيقول له ما تقلقش انا كويس ومامي واخدة بالها من نفسها عشاني. يمنى قربت من عمران ونظرات عينيها كلها فضول بصت له شوية ونقلت نظرها ل سبيل شوية وبرفعة حاجب ومين صهيل ده كمان سبيل ضحكت ع شكل يمنى وشاورت لها تحط السماعة. يمنى قعدت جنب عمران وهى مقموصة ومبوزة وحطت طرف السماعة وبنبرة غيظ مين بقى سي صهيل ده عمران ميل عليها وهو مبتسم وعينه ع سبيل ده يبقى ابن اختك بس ده سر يا يويو ماحدش يعرفه غير انا وشهاب وتيتة وانتي دلوقتي. يمنى مثلت انها ما تعرفش حاجة وبصت ل سبيل كأنها مذهولة أبنك!! جبتيه منين عمران حس من رد فعلها انها كانت عارفة وبنبرة مكر ل سبيل شكلنا هنقدم قريب ف معهد التمثيل لأحدهم بس انصحه يتدرب كويس لانه ممثل فاشل. يمنى فهمت ان جدها كشفها وبغيظ مصطنع واحدة بواحدة يا سي جدو انت عارف حاجة ومخبي عليا وانا كمان كنت عارفة حاجة ومخبية بس ها. عمران بسعادة وماله يا حبيبتى المهم تفضلي مخبية كدا ع طول مش عايزين حد تاني يعرف حاجة دلوقتي خالص ماشي يا نور عيني يمنى قربت منه باسته من خده وبصت ل سبيل ما تخافش يا جدو السر ف بير.... وهى بتتكلم شافت باب اوضتها اتفتح فجأة ودخلت منه نرمين اتوترت وصوتها ارتعش مامي!! خخخير في حاجة نرمين دخلت مرة واحدة فجأة وعينها ع يمنى وما انتبهتش ل عمران اللى قاعد جنبها وبملامح كلها غيظ ونبرة مليانة ڠضب بتكلمي مين ف الوقت ده يا بنت عمران عينه احمرت من شدة غضبه وبنبرة صوته العالية كأنها زئير اسد ڠضبان نررميييييين ايه ما فيش زوق خاااااالص داخلة تهجمي زى المخبرين كدا من غير ما تستأذني! نرمين بتوتر واضح ع ملامحها وصوتها بابا!! انا انا انا آسفة ما شوفتش حضرتك بس كنت جاية اطمن ع يمنى سمعتها بتتكلم فكرتها بتكلم حد تاني عشان كدا دخلت بالطريقة دي عمران برفعة حاجب لا يا شيخة!! يعني انتي عايزة تفهميني انك ما كنتيش واقفة ع الباب تتصنتى زى عوايدك! نرمين وقفت مكانها ساكتة وبتفتكر الكلام اللي سمعته بين يمنى وعمران وجواها يا ترى ايه السر اللي مخبيه يا عمران انت والمفعوصة دي!!.... وبصت له وبنبرة حزن مزيفة حضرتك دايما ظالمني كدا يا بابا وواخد عني فكرة وحشة. عمران ضيق بين عينيه وبحزم ماشي يا نرمين هعمل مصدقك ودلوقتي اتفضلي اخرجي من الاوضة وإياكي تكرريها مرة تانية انتي فاهمة! يلاااا. بالفعل نرمين خاڤت وخرجت بسرعة من الاوضة وعمران شاور ل يمنى بهمس انها تروح تتأكد اذا كانت نرمين مشيت ولا واقفة ورا الباب زى عوايدها وبعد ما اطمن كملوا كلامهم مع سبيل لغاية ما يمنى راحت ف النوم غطاها وقفل المكالمة وخرج راح جناحه وباله مشغول بنرمين وايه اللي ممكن تكون سمعته قبل ما تدخل الاوضة. _____________________ ف اوضة صهيب دخلت سها اوضتها بعد ما رجعت من برة اخدت هدوم نوم مريحة ودخلت تاخد شاور دافي وخرجت قعدت ف السرير ذهنها مشغول باللى حصل ف النادي وافتكرت لما قالت ل صهيب انها عندها معاد مع واحدة صاحبتها ولازم تروح لها عشان ما تزعلش سابته هو وشاهي قاعدين ومشيت بسرعة فاقت من شرودها وهى بتفكر ف كل حاجة بتحصل حواليها من وقت ما اتعرفت ع صهيب واتجوزته لغاية دلوقتي فجأة شافت باب الاوضة بيتفتح مرة واحدة ودخل منه واحد لابس قناع وماسك حبل ف إيده بيقرب منها عايز ېخنقها وهى بټقاومه بكل قوتها وبتصرخ عشان حد يسمعاها لاااا ابعد عني انا ما عملتش حاجة ما تقلنيش ارجووووك سيبني اعيييش... الحقوووني صهيييييب حد يلحقنيييي عايز يممووتنييييي. لكن مافيش حد سامع صوتها وكأنها لوحدها ف القصر. سها بملامح كلها ړعب وبصريخ وهى بتقاوم المقنع عشان ما يخنقهاش انت ميييين وعايز مني ايييييه انا ما أذيتكش ف حاجة اررجوووك سيبني أعيش ابني صغير ومحتاج لي سيبني أربيه. المقنع وهو بيعافر معاها بسبب مقاومتها ليه انا جدرك وعملك الاسود ومش خارچ من إهنه غير وانا واخد روحك ف يدي يا هنادي. سها بتصرخ وبتزق فيه بكل قوتها عشان تبعده عنها انا مش هنادي انا سها الرفاعي انا مش هنادي انا ما اعرفش حد بالاسم ده ارجوووك ابعد عني. المقنع اتعدل ف وقفته وشد القناع من ع وشه وظهرت ملامحه اللى كلها ڠضب ونبرة صوته الڠضبان حتى لو غيرتي چلدك كيف الأفاعي والحرابي مش اسمك وشكلك بس هعرفك برضك يا هنادي واها عرفت طريجك وچيت لاچل ما أغسل عاري وعار أبوي بيدي. سها شافت وش رسلان بعد ما شال قناعه وبيقرب منها أكتر اتجمدت من الصدمة وقوتها اڼهارت واستسلمت للمۏت وفجأة صحيت من نومها وهى مڤزوعة وبتصرخ لااااااااا رسلااااااان.... انتبهت انها ف اوضتها قامت شربت شوية ماية وخرجت من الاوضة وهى مړعوپة نزلت قعدت ف الجنينة تفكر تعمل ايه ف المصېبة دي لو امرها انكشف. مستحيييييل ....... يتبع بارت 10 ف الصعيد بيت قدري رسلان قاعد قدري سهران قدام باب بيته بيفكر ف هنادي ومش عارف هل رسلان وصل لها ولا لسة بيدور عليها بعد شوية وقت سمع عمر وهو بينادي ع الغفير عشان يجيب له الشيشة وكوبايتين شاى. عمر قرب من أبوه والحزن واضح ف نظرة عينه وبابتسامة حزينة لاجيتك سهران يا حضرة العمدة جدام الدار جولت لحالي جوم يا واد چهز حچر معسل للعمدة يعدل مزاچه مع الشاى لاچل ما باله يروج ويبجى زين. قدري بص ل عمر ونظراته كلها لوم وعتاب لنفسه وبتنهيد ونبرة مليانة حزن وكيف يروج البال يا ولدي وانا اللى ضيعت بتي بيدي. عمر بنظرة كلها حب ونبرة حنونة هون ع نفسك يا بوي انت كان جصدك خير هنادي كان من حجها تعرف أمها هى صح غابت كتير وما عرفينش نلاجوها بس الله أعلم إيه اللى حصل لها اصبر يا بوي مسير الحي يتلاجى. قدري أديني صابر يا ولدي. بعد شوية وقت كمان جه الغفير جاب الشيشة وحطها قصاد قدري وراح يجيب الشاى ويرجع وهو راجع شاف موبايل عمر بيرن ع ترابيزة جنب الباب وأخده معاه ادهوله. عمر أخد الفون من الغفير وشاف اسم رسلان فتح المكالمة وبسعادة السلام عليكم كيفك يا متر إكده وكيف أخبارك رسلان بملامح هادية ونبرة كلها أمل بخير يا دكتور كيفك انت وكيف الحاچ والحاچة. عمر وهو بيمد ايده ياخد كوباية الشاى كلنا بخير يا واد ابوي لسة ما وصلتش ل خيتك يا رسلان. رسلان بحزن واضح ف نبرة صوته لا يا عمر ما وصلتش بس اتعرفت ع نسيب هاني رچل أعمال كبير وله علاجات كتيرة ولما حكيت له الحكاية وعدني انه ف خلال يومين هيچيب لى أخبار عنيها هى وامها. عمر باستغراب واندهاش انت جولت نسيب هاني! هو اتچوز مېتا وكيف من غير ما يجول لنا او يجول لعمتي رسلان انا ما خابرش مېتا وكيف بس اللى خابره انه لسة خاطب بس شكله واجع مع ناس تجيلة جوي يا عمر... سكت شوية واترسمت ملامح شاهندة قصاد عينيه وبتنهيد وبلا وعى ولا خطيبته يا واد ابوي رجيجة جوي كيف النسمة عيونها جتالة جوي جوي ما خابرش كيف وافجت عليه بشكله العفش ده عمر باندهاش چرالك ايه يا متر! من مېتا وانت بتبص ع الحريم وكمان خطيبة واد عمتك. رسلان بحزن أنت خابرني زين يا اخوي ماليش فيه الحديت ده بس اول ما شوفتها وعرفني عليها ما خابرش ليه جلبي دج چامد وحسيت برعشة ف چسمي ما عارفش سببها ولاجيت حالي ما جادرش انزل عيوني من عليها وكان فيها مغناطيس بيشدني ويچذبني ليها طوالي. عمر بس إكده غلط يا رسلان وحرام يا اخوي صح احنا ما نعرفش هاني خطبها مېتا وكيف من غير ما يعرفنا لكن ف النهاية بجت خطيبته. رسلان فاق من شروده ف شاهندة وأخد نفس قوي وخرجه ببطء خابر كلامك زين يا عمر وبلوم حالي من وجت ما شوفتها ع تفكيري فيها وبدعي ربنا يسامحني يا اخوي المهم لو بشمهندس صهيب چابلي خبر عن هنادي كيف ما وعدني هخبرك عشان تاچي تجف معايا لأني ما هضمنش حالي لما اشوفها واجفة جصادي. عمر بهدوء ما تجلجش يا رسلان يا اخوي ما هتكونش لحالك إحنا اصلا چايين بكرة هنمسكوا الطريج الصبح وع عشية هنكونوا عنديك. رسلان بعصبية ظهرت فجأة ف نبرة صوته واه كيف ديه ايه اللى طلعها فچأة ف راسكم إكده عمر أمك شافت حلم خۏفها عليك وحلفت براس چدك انها لازمن تسافر لك تشوفك بعينيها وتطمن بنفسها حاولت انا وابوك نجنعها انك بخير وهى مصممة ع رأيها ما جدرناش عليها عشان إكده هناچي بكرة ولسة كنت بفكر اتصل بيك أخبرك جبل ما انت تتصل. رسلان ماشي يا عمر كويس انك جولت لي انا ماعنديش محكمة بكرة هنزل السوج اشتري شوية طلبات واچهز لكم وكل زين وكمان اچهز الاوض ع ما توصلوا بالسلامة يلا هاجفل تصبح ع خير . عمر وانت من أهله يا اخوي قفل عمر المكالمة مع رسلان وقال ل قدري مضمونها وقاموا الاتنين دخلوا البيت وكل واحد فيهم راح اوضته ينام وجواه الف سؤال وسؤال وهما بيستعجلوا النهار يطلع بفارغ الصبر عشان يلاقوا إجابة اسئلتهم اللى بتدور جواهم. ____________________ ف شقة نوال فاقت سها من نومها ع كابوس مزعج بعد ما اتقابلت مع رسلان نزلت الجنينة وهى خاېفة ومړعوپة انه يعرفها او صهيب يكشفها وفضلت تفكر لغاية ما هداها تفكيرها انها تتصل ب أمها وتروح لها وبالفعل اتصلت بيها وحكت لها اللى حصل مرت الليلة عليها بصعوبة وأول ما طلع النهار خرجت جري راحت ل نوال الشقة اللى بيتقابلوا فيها عشان تشوف لها حل قعدت تستناها وهى قلقانة ومړعوپة من رسلان وصهيب بعد شوية وقت شافت الباب بيتفتح ودخلت. نوال بملامح خالية من اى مشاعر ونبرة صوت باردة مالك يا سها متوترة كل التوتر ده ليه سها جسمها كله بيرتعش ونبرة صوتها كلها خوف رسلان شافني.. فاهمة يعني ايه شافني! ومش بس كدا ده اتكلم مع صهيب عشان يعرف طريقى بعلاقاته انا خلاص انتهيت. نوال ببرود واضح ع ملامحها وصوتها افرضي اخوكي شافك فين المشكلة يعني سها وقفت وقربت منها بملامح كلها خوف ونبرة مليانة ڠضب انتي اييييييه بقولك رسلااااان شافني وصهيب اتفق معاه عشان يعرف طرييقيييي وانتي تقوليلي فين المشكلة!! انا روحي بقت ف ايديهم وانتي مش شايفة مشكلة خااااااااالص يا ماما! نوال مسكتها من ايديها وقعدت بيها ع كنبة الانتريه وبهدوء ظاهر ع ملامحها وصوتها يا حبيبتي رسلان شافك وما عرفكيش بعد ما شكلك ولهجتك اتغيروا بدليل انه قعد واتكلم معاكي عادي وصهيب مهما دور ومهما كانت علاقاته مش هيوصل غير لحقيقة واحدة بس وانتي عارفاها كويس يبقى ليه القلق والخۏف ده كله. سها قاعدة ع طرف الكنبة ايديها اتشنجت لدرجة ان عضم صوابعها بقى ابيض وعينيها بتتحرك بسرعة ف كل حتة تدور ع مخرج من اللى هى فيه وصوت أنفاسها مسموع وجسمها كله بيتهز ويرتعش من شدة الخۏف وكأنها قاعدة ع لوح تلج وضربات قلبها زادت ومافيش ف دماغها غير صورة رسلان وهو ماسك الحبل وبنبرة صوت مبحوح هيعرفني يا ماما هو قال لي كدا قال حتى لو غيرتي جلدك برضو هعرفك انا خاېفة اوي ياريتني ما سمعت كلامك ياريتنى كنت رجعت البلد اعمل ايه انا دلوقتي! رسلان هيقلني ولو هو ما عملهاش صهيب هيعملها من غير ما يرف له جفن. نوال وقفت وشدت سها وقفتها بعصبية واضحة ع ملامح وشها اللى كلها ڠضب ونظرات عينيها مليانة شړ وبنبرة صوت حادة وهي بتضربها بالقلم فووووقي بقى خۏفك وغباءك هما اللى هيكشفوكي مش اخوكي وجوزك أهدي خالص وارجعي لطبيعتك وسوقي دلالك ع صهيب أكتر خليه ما يشوفش غيرك اشغليه بأى طريقة وابعديه عن رسلان عشان تبقي ف امان. سها پخوف هو انا كدا مش ف امان نوال قعدت وولعت سېجارة واخدت نفس منها وخرجته ببطء ومسكت سها من إيدها بهدوء قعدتها وضمتها ف حضنها بإيد والإيد التانية فيها السېجارة وبنبرة هادية طبعا ف امان يا حبيبتى ما تخافيش اومال يعني عمليات التجميل اللى عملتيها دي كلها وغيرنا بيها شكلك كانت ليه ما هو عشان تبقي ف امان لكن ما يمنعش اننا نزود اماننا وحمايتنا طالما رسلان ظهر قصادنا عشان كدا لازم تشغلي صهيب بأى حاجة تانية غير انه يدور علينا فاهمة! سها حاولت تهدى وتركز ف كلام نوال افتكرت سبيل وشهاب وفجأة نظرات عينها اللى كانت مليانة خوف اتغيرت وظهرت ع شفايفها ابتسامة جانبية كلها خبث رفعت حاجبها وحركت راسها حركة خفيفة بتفكر ف حاجة انا عرفت هعمل ايه وهشغل صهيب ازاى. نوال ضيقت بين عينيها باستغراب من هدوء سها المفاجئ بالطريقة دي بتفكري ف ايه سها هنفذ اللى خططت له من فترة هو ده الوقت المناسب عشان الفيديو يطلع للكل وينشغلوا بيه وصهيب ېتصدم ف اخوه والزفتة سبيل وينسى رسلان خالص. نوال اترسمت ع ملامحها سعادة غريبة ونظرات عينيها كلها مكر رفعت حاجبها وهزت راسها بابتسامة ايوا كدا هى دي بنتي حبيبتي شوفتي لما هديتي عرفتي تفكري ازاى. سها بابتسامة خبث تلميذتك يا نونو. نوال تلميذة ايه بقى ده انتي بقيتي استاذة يا قلبي. قالت نوال كلمتها وضحكت بعلو صوتها هى وسها وكملوا قعدتهم يخططوا سوا ازاى هيبعتوا الفلاشة اللى فيها الفيديو ل عمران وهيكتبوا له ايه ع الظرف عشان يضطر يجمع العيلة كلها وهو بيتفرج عليه خلصوا كلامهم ونزلوا من الشقة كل واحدة ركبت عربيتها ومشيت ف طريقها وهما مبسوطين ومطمنين ان خطة سها هتنجح وما حدش هيعرف عنها حاجة ولا حد هيعرف طريقها. ____________________ ف قصر الشهاوي جناح صهيب بعد ما رجع صهيب من النادي هو وشاهي طلع الجناح بتاعه هو وسبيل وقضى فيه الليلة ودماغه هتنجر من كتر التفكير --- فيها وإحساس الذنب اللى قاتله لغاية ما غلبه النوم صحي من نومه مصدع من قلة النوم وكتر التفكير وهو بيتعدل ف قعدته عينه وقعت ع صورة جوازهم اللى محطوطة ع الكمود مد ايده يمسكها بملامح كلها حزن وبنبرة صوت كلها انكسار يا ترى انتي فين يا سبيل عارف اني جرحتك يا بنت عمي بس صدقيني كان ڠصب عني انتي أكتر واحدة عارفة طبعي وعارفة اني مش بحب سياسة الأمر الواقع.... غمض عينه يمنع دموعه تنزل وبتنهيدة ۏجع جدك أجبرني وما سابليش اختيار ولا حتى ساب لي وقت للتفكير أرجوكي ارجعي يا سبيل وانا هصلح كل حاجة عارف انك اټصدمتي فيا اټصدمتي ف اللى كنتي بتعتبريه اخوكي ومثلك الأعلى بس والله كل حاجة كانت خارجة عن إرادتي.... سكت وساب الصورة من إيده لما سمع خبط ع الباب وشافه بيتفتح ودخلت منه أمه. سامية دخلت الجناح وملامحها كلها خوف وبنبرة مليانة قلق أنت هنا يا حبيبي! ... وبتنهيدة راحة الحمدلله قلقتني عليك. صهيب قام وقف وقرب منها باس جبينها وإيديها وبنبرة حنونة سلامتك يا حبيبتي من القلق انا قدامك زي الفل اهو قلقانة ليه بقى!. اتنهدت سامية ومدت إيديها الاتنين حضنت وشه بين كفوفها بصت له بنظرة كلها حب ونبرة صوت دافية أنت ابني ونور عيني وأول فرحتي يا صهيب أنت واخواتك كنزي وثروتي ف الدنيا دي لو ما قلقتش عليكم هقلق ع مين يعني! صهيب مسك ايديها وباسها وتقلقي ليه بس يا أمي واحنا كلنا حواليكي اهو. سامية بحزن واضح ع ملامحها وصوتها يا ابني حالك مش عاجبني صحتك بقت ف النازل وبعدين من وقت ما رجعت امبارح مع شاهي وانت حابس نفسك هنا يا حبيبي ومش عايزني اقلق عليك! اتنهد صهيب وقعد ع السرير وعينه راحت تلقائي ع صورته هو وسبيل وبنبرة حزن تعبت يا أمي لا انا عارف الاقيها ولا عارف اعيش مرتاح ضميري بيأنبني. سامية لمحت نظرة عينه ولاحظت انه مركز مع صورة سبيل وبابتسامة هون ع نفسك يا صهيب ان شاء الله هتلاقيها وكل حاجة هترجع زى الاول واحسن. صهيب غمض عينه بۏجع يمنع دموعه تنزل وبنبرة كلها ندم مافيش حاجة هترجع زى الاول يا ماما أنا أذيتها وكسرتها وكنت سبب ف بعدها عن حضنكم.... وبتنهيدة حزن أنا قاعد هنا وسطكم ومعايا مراتي وابني وهى الله أعلم بحالها قاعدة فين ومع مين وعايشة ازاى مش عارف عنها اى حاجة... قام وقف فجأة وبقى يلف ف الأوضة وېصرخ زى أسد محپوس انا جباااان جبااااااان ضيعتها انا ضيعت الأمانة يا أمي ضيعتهاااااااااااا جدي كان عنده حق انا شخص مش مسؤول مش قد المسؤولية اللى حطها ف رقبتي هيسلمني أزاى مملكته اللى بناها بعرقه وتعبه وانا سقطت ف الامتحان اللى حطني فييييه آااااااااااااااااااااه. سامية قربت منه وملامحها كلها خوف شدته أخدته ف حضنها وبدموع الۏجع بس يا ابني أهدى هيجرالك حاجة أهدى يا حبيبي كل حاجة هتعدي سبيل هترجع وجدك هيسامحك عارفة يا نور عيني ان الامتحان اللى انت فيه ده صعب بس صدقنى هتعديه الزمن كفيل يصلح كل حاجة بس انت اصبر وبلاش تحمل نفسك الذنب كل ده مقدر ومكتوب يا ابني والمكتوب مافيش منه هروب. صهيب إنهار ف حضڼ أمه وبنبرة صوت مكتومة آاااااه يا أمي نفسي ترجع وانا هصلح كل اللى كسرته حتى اللى عملته فيها هصلحه وارجعها زى ما كانت واسلمها بإيدي لحبيبها بس ترجع ترررررجع. سامية بتسمع صهيب واترسمت ع ملامح وشها علامات الصدمة خرجته من حضنها وبصت له بنظرة كلها استغراب وبنبرة مليانة ڠضب ايه الكلام اللى انت بتقوله ده! يعني اييييييه ترجعها زى ما كانت أوعى يكون اللى انا فهمته صح صهيب واقف باصص ف الأرض وبياخد نفسه بصعوبة ومش قادر يتكلم سامية شدته بكل قوتها من دراعاته وملامحها ونبرة صوتها كلهم ڠضب وهى بتهز فيه أرفع راسك دي وبص لي معناه ايه الكلام ده انطققققق انت عايز تحط بنت عمك ومراااتك ف الموقف ده عاااااايز تكمل ع اللى باقي منهااااااا عاااااايز تقضي عليها وع جدك من أمتى وأنت كدااااااا! صهيب بيحاول يوضح موقفه وملامحه كلها حزن يا ماما أنا.... سامية قاطعت كلامه پغضب واضح ع ملامحها وصوتها أخررررس ما اسمعش صوتك بقى ابني الكبير العاقل يفكر يعمل كدا وف ميييين ف بنت عمه ومراته... قعدت ع الكنبة وجسمها كله بيرتعش من شدة ڠضبها وبتنهيدة ۏجع ليه يا ابني كدا! عايزة تطلقها طلقها وسيبها تعيش حياتها لكن ما تقضيش عليها بالشكل ده كفاية اللى اتعمل فيها طول عمرها. صهيب يا ماما افهميني انا عايزها تكون سعيدة مع الانسان اللي بتحبه. سامية قامت وقفت ومدت إيدها ضړبته بالقلم وهى متعصبة وپغضب أكبر واضح ع ملامحها وصوتها أنت واعي لكلاااامك ساااامع نفسك اللى بتتكلم عنها دي تبقى مراتك يا بشمهندس مش واحدة جايبها من الشااااااارع اييييه اللى جرالك! بقيت بتفكر زى المجرمين اللى بيعملوا عملتهم ف السر ويخافوا ينكشفوا كدا لييييه! فووووق وارجع لعقلك وإياك تكرر التخاريف اللى بتقولها دي حتى بينك وبين نفسك فاااااااهم. خلصت كلامها وسابته وخرجت من الجناح وهى مش شايفة قدامها من كتر عصبيتها عليه لدرجة انها ماشية بتطوح يمين وشمال وكانت هتقع أكتر من مرة لغاية ما وصلت الجناح بتاعها ودخلت اوضتها حدفت نفسها ع سريرها ټعيط ع حال ابنها وع سبيل وحبها اللى ما شافهوش صهيب لغاية ما غلبها التعب ونامت اما هو قعد مكانه يتخبط ف أفكاره بسبب وجعه وأحساسه بالذنب وبيلوم نفسه انه ازاى فكر التفكير ده استغفر ربه وقام خرج من الجناح راح اوضته هو وسها غير هدومه ونزل راح الشركة من غير ما ينتبه ان مراته مش موجودة ف الاوضة. _______________________ ف مجموعة شركات الشهاوي مكتب شهاب. وصل شهاب الشركة ودخل بهيبته المعهودة لغاية ما وصل مكتبه وقبل ما يدخل سمع كريمة بتتكلم ف الموبايل مع صاحبتها. كريمة بتنهيدة كلمة بحبه دي قليلة اوي ع اللى ف قلبي يا منار. منار ............ كريمة كل حاجة فيه حلوة اوي عيونه ضحكته صوته اخلاقه ورجولته كل حاجة فيه بتخطفني بحس اول ما بشوفه روحي بتروح مني وقلبي يفضل يدق يدق يدق كأنه عايز يخرج من مكانه ويطير لحد عنده يقوله انا بحبه قد ايه. منار ......... كريمة انتي عبيطة يا بنتي مستحيل طبعا اروح اقول له انا فين وهو فين. شهاب فضل واقف برة مكتب كريمة بيسمعها وقلبه وجعه وهمس لنفسه بحزن ظهر جواه يا ترى مين سعيد الحظ اللى فاز بقلبك يا كريمة... فضل واقف شارد ف كلامها مع صاحبتها لغاية ما سمع. كريمة بشرود عارفة يا منار قلبي بيفضل يدق جامد من اول ما بدخل المكتب عمره ما اتأخر عن معاده وبمجرد ما بيوصل وهو بيركن عربيته قلبي بيحس بيه ومش بس كدا ده دقاته بتزيد مع كل خطوة بيخطيها اول ما بشم ريحة برفانه بتقرب ببقى هاين عليا أجري عليه واقوله بحبك يا شهاب... وبتنهيدة حزن بس برجع اقول لنفسي مستحيل شهاب الشهاوي يحب سكرتيرة زيي. شهاب دخل المكتب بسعادة جواه ظهرت ع ملامحه بعد ما سمع كريمة وقف قصاد مكتبها وبص لها بابتسامة مكر وساكت كريمة قطعت كلامها فجأة لما شافته واقف قدامها ووقفت بتوتر واضح ع ملامحها ونبرة صوتها مممستر شهاب!! صباح الخير يافندم. شهاب واقف مستمتع بتوترها وخجلها وعشان يوترها أكتر غمز لها بعينه وبنبرة كلها مكر صباح الخير يا كوكي هاتي ملف الصفقة الجديدة وحصليني... وهو بيتحرك عشان يدخل مكتبه غمز لها مرة تانية وكمل كلامه وما تنسيش قهوتي اصلها بتبقى حلوة أوى من ايدك قصدي يومي بيبقى حلو لما ببدأ بيها..... بعدين سابها ودخل مكتبه وقلبه بيرقص من فرحته بعد ما عرف انها بتحبه زى ما هو بيحبها وقرر انه يجننها الأول قبل ما يعترف لها بحبه وبعدها هيكلم جده عشان يخطبها له. ________________________ ف قصر الشهاوي جناح عمران قاعدة فاطمة ف جناحها قلقانة ع سبيل ونفسها تطمن عليها ومش عارفة تعمل ايه شافت عمران داخل من الباب وقفت قصاده بعصبية واضحة ع ملامحها ونبرة صوتها بقول لك ايه يا عمران انا عايزة اسافر عند سبيل قلبي واكلني عليها ومش مطمنة. عمران قابل عصبيتها بهدوء لانه عارف حبها لحفيدتهم ومدى خۏفها عليها واصل لفين وبنبرة هادية اهدي يا غالية سبيل كويسة وزى الفل كل يوم بكلمها انا ويمنى نطمن عليها. زادت عصبية فاطمة أكتر وعينها احمرت من شدة ڠضبها انا ما يخصنيش الكلام ده انت تتصرررف يا أما ترجعهالي يا اما توديني ليها انا بقول لك اهو ما هى ما يجرالهاش كل اللى جرالها ده بسببنا وكمان نسيبها تولد لوحدها ف بلد غريبة وممعهاش حد جنبها. قرب عمران من فاطمة بابتسامة صافية ومسك إيدها وقعدها ع الكنبة وقعد جنبها وبنبرة حنونة بيحاول يمتص ڠضبها ممكن تهدي شوية يا حبيبتي اولا هى مش لوحدها شريف وشيماء معاها ومش مخلينها محتاجة حاجة ثانيا انا متابعها كل يوم زى ما قولتلك وأكيد لما تقرب تولد هسافر اكون معاها مش هسيبها ما تقلقيش. فاطمة بعصبية أكتر ونفاذ صبر شيماء مش أمها يا عمران ومش هتراعيها زى ما انا هاراعيها واخد بالي منها اتفضل كلم شهاب يحجزلي ع طيارة بكرة او يسافر يجيبهالي. عمران يا فاطمة اصبري شوية لسة فاضل 3 شهور ع ما سبيل تولد لما تقرب هابقى أخدك معايا وانا مسافر. فاطمة وانا قولت هسافر لها دلوقتي يعنى هسافر ولو ما اتصرفتش وسفرتني انت او شهاب صدقنى هقول ل صهيب يسفرني وشوف انت بقى!! عمران ما قدرش يتكلم قصاد ڠضبها وإصرارها وبنبرة صوت متفهمة حاضر يا فاطمة هخليكي تسافري ل سبيل بس اصبري يومين تلاتة اظبط الشغل مع شهاب ونسافر سوا انا وانتي ونقعد معاها لغاية ما تقوم بالسلامة هى وابنها ونطمن عليها مبسوطة كدا فاطمة ظهرت ع ملامحها علامات الرضا والارتياح وبنبرة صوت سعيدة مبسوطة جدا طبعا أخيرا هشوف حفيدتي وبنت عمري واخدها ف حضڼي اشبع منها ومن ريحتها اللى وحشتني. عمران بتنهيدة ۏجع ووحشتني انا كمان يا فاطمة وقلبي واجعني عليها بس ما باليد حيلة ده قضاء الله وقدره ولازم نرضى بيه يا غالية لما يرجع شهاب من الشركة هكلمه يظبط الدنيا ويحجزلنا تذكرتين ل مارسيليا قريب. وبالفعل استنى عمران لآخر اليوم لما رجع شهاب من شغله وبعت له يطلع الجناح عشان يتكلم معاه بحريته من غير ما حد يسمعه لانه عبارة عن اوضة جوة اوضة وطلب منه انه يجهز كل حاجة للسفر ويحجز تذاكر عمرة لمدة يومين فقط عشان لما يبلغ ولاده بالسفر ماحدش يشك ف سفرهم ويعتقدوا انهم رايحين يعتمروا وهيقعدوا فترة كبيرة ف السعودية. _____________________ ف مارسيليا فرنسا اوضة سبيل بعد مرور يومين سبيل كانت قاعدة ع الكرسي ماسكة رواية بتقرأ فيها شردت ف صهيب وتخيلت انه بطل الرواية وسافرت بخيالها جوة الأحداث ورسمت صورة قصاد عينيها من احلامها واتمنت انها تبقى حقيقة فجأة فاقت من شرودها ع صوت موبايلها وشافت أسم الشخص اللي طلبت منه يراقب هاني ردت بنبرة صوت هادية الو قول اللى عندك عرفت ايه عن هاني عرفت حاجات كتير يا هانم ممكن توديه ورا الشمس. سبيل بإصرار وحزم قول اللى عرفته. هاني متورط مع واحد من رجال الاعمال المشبوهين قرب من انسة شاهندة عشان يستفيد من أسم عيلة الشهاوي ويستخبى وراه وعرفت انه بيضغط عليها عشان عايز شركة من شركاتكم يعملها ستار للراجل اللى متورط معاه. سبيل پغضب واضح ع ملامحها وصوتها انت بتقول اييييه يعنى الموضوع مش مجرد طمع ف الفلوس وبس لا يا هانم الموضوع أكبر من كدا هاني مشارك الراجل ده ع صفقة جديدة هتدخل البلد خلال الشهور الجاية ومحتاج يدخلها من غير ما ينكشف وده السبب ورا إصراره ع تعجيل الجواز ونقل الشركة ل أنسة شاهندة. سبيل همست لنفسها پغضب ابن ال.... أكيد جدي ما يعرفش الكلام ده!! هو من الاول مش مرتاح له بس شاهي هي اللي صممت عليه... رجعت وجهت كلامها للشخص اللى بتكلمه انت متأكد من المعلومات دي متأكد يا هانم كل كلمة موثقة بأوراق وأدلة تثبت صحة المعلومة وانا بعتهم لحضرتك ع الواتس عشان تتأكدي بنفسك وهتلاقي معاهم فيديو كمان بيأكد كل حاجة. سبيل طيب اسمع كل المعلومات اللى عرفتها دى تبعتها ل شهاب ضروري وما تجيبش سيرة خالص انك عرفتني حاجة لغاية ما يجي الوقت المناسب... سكتت شوية تفكر ف حاجة وبتنهيدة ڠضب ولا اقولك استنى ما تبعتش حاجة دلوقتى. امرك هانم بس في حاجة تانية مهم ان حضرتك تعرفيها. سبيل حاجة ايه دي هاني ع علاقة بواحدة تانية غير بنت عم حضرتك وبيتقابلوا ف شقته دايما ولما سألت البواب قال انها الست بتاعته وبتيجي من بلد تانية تزوره كل كام يوم عشان هو ما بيقدرش يسيب شغله ويسافر لها. رفعت سبيل حاجبها وضيقت بين عينيها وبنبرة كلها اندهاش معقول! الكلام ده ما يدخلش دماغ عيل صغير. هو ده اللى حصل يا هانم. سبيل باستغراب شكلها ايه الست دي بعت لحضرتك صورهم يا هانم وهما داخلين العمارة. سبيل استنى لحظة... وهى بتفتح الرسالة تشوف الصور المهم ما يتكلمش ويعرفه ان فى حد بيدور وراه من الناحية دى اطمني البواب شكله مش طايق هاني اصلا ونفسه يخلص منه عشان كدا اول ما عرضت عليه فلوس قال كل حاجة. سبيل فتحت الرسالة واتفاجئت لما شافتها وحطت إيدها ع بقها من شدة الصدمة وبهمس لنفسها سها! مش ممكن!! .... فاقت من صډمتها بسرعة وبنبرة صوت حادة عايزاك تعرف لي كل حاجة عن الست دي انت فاهم حتى اللى ما تعرفهوش عن نفسها انت تعرفه وتبعتهولي وعايزة بأى طريقة فيديو ليهم سوا من جوة الشقة. تحت أمر حضرتك بس اجيب الفيديو ازاى يا هانم. سبيل بعصبية ظهرت ع نبرة صوتها اللى ارتفعت فجأة أتصررررف تطلع تنزل الفيديو ده يكون عندي ف اقرب وقت انت فااااااهم! أكيد اللى زى هاني ده واخد احتياطاته --- وعامل فيديوهات ليها لوقت اللزوم ولو مالقيتش اى حاجة حط لهم انت كاميرا المهم تتصرف انا عايزة اعرف علاقتهم واصلة لغاية فين وبسرعة يلا اقفل وماتكلمنيش غير وانت جايب لي كل المعلومات اللي طلبتها مفهوم. حاضر يا سبيل هانم يومين بالظبط وكل حاجة تكون عندك. سبيل بعصبية أكتر يومين كتير قدامك لبكرة الصبح وتكون المعلومات كلها عندي... وقفلت المكالمة من غير ما تسمع رده غمضت عينيها بۏجع ع حب عمرها اللى ضحى بقلبها وراح حب واحدة خاېنة واتجوزها وسلمها أسمه نزلت دموعها ڠصب عنها وهي بتفكر ف صهيب ومش عارفة تعمل ايه ف المصېبة دي فجأة كل الۏجع اللي عاشته اتجسد قصاد عينها رغم ۏجعها وكسرة قلبها منه بس هى مش عايزاه يعيش نفس الۏجع ده لكن مافيش ف إيدها حاجة غير انها تتأكد الاول من كل المعلومات دي وبعدها هتعمل أى حاجة وكل حاجة ف سبيل سعادة صهيب وبعده عن سها بأى طريقة من غير ما ټجرح قلبه حطت إيدها ع بطنها تكلم أبنها وكأنها بتاخد رأيه ومستنياه يرد عليها ويقولها تعمل ايه. ______________________ ف قصر الشهاوي اوضة الصالون بعد مرور يوم كمان صهيب بالفعل قدر يعرف شوية معلومات عن هنادي وأمها بس حس ان المعلومات دي فيها حاجة غلط فقرر يستقبل رسلان وقدري ف القصر عشان يبلغهم بكل اللى عرفه وبالفعل وصل رسلان وابوه القصر ف نفس المعاد اللي حدده مع صهيب اللى كان ف انتظارهم. وقف صهيب ع باب القصر يستقبل رسلان بكل هيبة ووقار مد ايده يسلم عليه وملامحه هادية وبابتسامة أهلا وسهلا نورت يا استاذ رسلان اتفضل رسلان حس بضربات قلبه بتزيد بمجرد ما دخل القصر ومش عارف السبب لكنه تمالك نفسه بصعوبة وحاول يبان هادي ويداري توتره اهلا بحضرتك يا بشمهندس أسمحلي أعرفك ب والدي الحاچ جدري. ابتسم صهيب ومد ايده ل قدري بهدوء وراحة اهلا وسهلا بيك يا حاج نورت القاهرة اتفضل. قدري بحزن واضح ع ملامحه ونظرة عينه القاهرة منورة بأهلها يا ولدي ما تأخذناش اننا چينا أزعچناك ف بيتك إكده. صهيب حس براحة غريبة اول ما عينه وقعت ع قدري وف نفس الوقت تعاطف معاه لما شاف حزنه ظاهر ع ملامحه مافيش ازعاج ولا حاجة يا حاج اتفضل بيتك ومطرحك.. أخدهم وراح ناحية الصالون وهو بينادي ع هدية عشان تقدم واجب الضيافة اتفضلوا خلينا نقعد ف الصالون عشان نتكلم براحتنا. دخل صهيب بالفعل مع رسلان وقدري وقعدوا اتعرفوا ع بعض أكتر وبعد تقديم الضيافة ابتدا يتكلم ويقول اللى عرفه وباندهاش واضح ع ملامحه ونبرة صوته ل رسلان زى ما وعدتك من يومين حاولت أعرف طريق أختك ووالدت... قدري قاطع كلام صهيب بلهفة واضحة ع نبرة صوته وقلق ف نظرة عينه جدرت توصل لحاچة يا ولدي ريح جلبي الله يخليك وجول خبر يطمني ع بتي. اتنهد صهيب وظهر ع ملامحه الحزن ونظرة عينه رايحة جاية بين قدري ورسلان مش عارف يبتدي كلامه ازاى ويقول لهم ايه. رسلان كسر الصمت اللى ف المكان بجدية وهدوء جول اللى عرفته يا بشمهندس من غير ما تجلج مهما كان اللى هتجوله احنا هنتجبله المهم ابوي جلبه يرتاح ويطمن. صهيب أخد نفس قوي وخرجه بهدوء وبحزن واضح ف نبرة صوته والله يا استاذ رسلان انا مش عارف بجد المعلومات اللي وصلتلها دي هتريحكم ولا تزود حيرتكم بس مضطر ابلغك بيها. قدري بحزن وقلق جول يا بشمهندس الله يخليك عرفت ايه. صهيب مسك ملف كان سايبه ع ترابيزة الصالون قبل ما يوصلوا وقام قرب من رسلان سلمه الملف ورجع قعد مكانه تاني وبنبرة جادة ف الملف ده هتلاقي شهادات ۏفاة بأسم نوال عبدالعزيز من 22 سنة وهنادي قدري من 4 سنين. قدري بص ل صهيب باستغراب وعينه رايحة جاية بين رسلان وصهيب والملف اللى معاهم ونبرة صوته كلها اندهاش كيف ديه! نوال ماټت كيف ومېتا! وهى كلمتني من 5 سنين وجابلتها بنفسي إهنه ف محطة الجطر يوم ما چيبت لها هنادي وكيف بتي ماټت من 4 سنين وهى كانت بترد عليا ف التلفون لغاية السنة اللى فاتت صح مش دايما كانت بترد بس كنت بسمع صوتها واكلمها يبجى كيف ماټت بس يا ناس. رسلان فتح الملف بعصبية وطلع الاوراق اللى فيه وبص فيها بكل مهنية وبنبرة كلها ڠضب الشهادات دي أكيد مزورة فى حاچة غلط. صهيب بهدوء للأسف يا استاذ رسلان الشهادات سليمة وخارجة من مكتب الصحة بتقارير طبية وتصاريح ډفن من المستشفى اللى حصلت فيها الۏفاة بس في حاجة لفتت نظري ف الاوراق دي. رسلان بإندهاش واضح ع ملامحه ونبرة صوته حاچة ايه دي اللي لفتت نظرك يا ترى صهيب عينه ع قدري اللى سكت تماما وخيمت الحيرة عليه أكتر ووجه كلامه ل رسلان اسم الدكتور والمستشفى.. نفس الدكتور ونفس المكان.... رسلان قاطع صهيب بسرعة قصدك ان في حد اتفق معاه عشان يطلع تقارير وتصاريح ډفن عشان يثبتوا انهم ماتوا ويتشال أسمهم من سجلات المواليد ويعملوا شهادات ميلاد بأسماء تانية صهيب بتأكيد لو زى ما بيقول الحاج قدري انه شاف نوال واتواصل معاها من 5 سنين وكان ع تواصل بأختك لغاية السنة اللى فاتت يبقى نوال فعلا عملت كدا واتفقت مع الدكتور ودفعت له فلوس او هددته مثلا بحاجة عرفتها عنه عشان تجبره يعمل التقارير دي. قدري بملامح كلها حيرة وحزن واضح عليه واحنا نعرف كيف الحديت ده صح ولا غلط. صهيب يا حاج قدري الشخص الوحيد اللي يفيدكم ف الموضوع ده هو الدكتور نفسه وللأسف الدكتور كمان اتوفى من كام شهر يعنى الموضوع بقى صعب جدا انك توصل لأى حاجة لان كل الاوراق سليمة. قدري لمعت الدموع ف عينه وبنبرة كلها قهر وانكسار يعنى كدا بتي خلاص راحت!! نوال سرجتها مني وموتتها بالحيا!! يارب كل الابواب اتجفلت ف وشي ومافيش غير بابك يا كريم دلني ع طريج هنادي لاچل ما يرتاح جلبي. صهيب حس بۏجع قدري وقهره اللى باين ف نظرة عينه ونبرة صوته قلبه وجعه عليه وطلع كلامه بصدق وهو بيحاول يهون عليه ان شاء الله هتلاقيها قريب.... كلمته خرجت وهو سرحان ف سبيل عينه شردت ف الفراغ اللي قدامه وكأنه بيتكلم عن نفسه من غير ما يقصد ربنا كرمه واسع وأكيد هيجمعنا بالغايبين لانه عالم بۏجع قلوبنا ف غيابهم. رسلان لاحظ شرود صهيب للمرة التانية وحس ان هو كمان بيدور ع حد غايب من طريقة كلامه لكن قام وقف هو وابوه واستأذن منه بهدوء طيب نستأذن إحنا يا بشمهندس متشكرين چدا لحضرتك ع تعبك معانا وآسفين كمان مرة ع الأزعاچ. صهيب فاق من شروده وقام وقف سلم عليهم وبنبرة عملية وهو بيرجع لجديته مافيش ازعاج ولا حاجة بالعكس انا سعيد جدا اني اتشرفت بمعرفتكم وتحت أمركم أى وقت. قدري وهو بيقرب من باب الصالون بيمد ايده بيسلم ع صهيب قبل ما يخرج فجأة.. سمع صوت خلاه يتسمر ف مكانه وكأن فيه صاعقة نزلت عليه شلت حركته عينه وسعت پصدمة من اللى شافه نفسه اتحبس ف صدره ايده اللى كانت بتتمد اتجمدت ف الهوا لسانه اتربط من شدة صډمته مش قادر ينطق ولا قادر يتحرك صهيب شاف حالة قدري واستغرب وحرك عينه فى الاتجاه اللى باصص له وهو مش فاهم ماله ولا ايه اللى جراله فجأة كدا حاول يتكلم معاه ويفهم منه اى حاجة لكن قدري واقف ع نفس الوضع ف صډمته وعينه متركزة ع مصدر الصوت وبس ومش قادر يبص ف أى حتة تانية وكلمة واحدة بس اللى خرجت منه بصعوبة.. مستحيييييل. ال ف فرنسا مارسيليا فيلا شريف التهامي ف نفس الوقت اللى قاعد فيه صهيب مع رسلان ف مصر كانت سبيل ف اوضتها واقفة قصاد المرايا بتبص لانعكاسها وهى غرقانة ف بحر من الأفكار جواها كلام كتير وأسئلة أكتر كلها بتدور حوالين حاجة واحدة... هي عمرها ما كانت ضعيفة لكن اللى ۏجعها انها كانت مجرد لعبة ف إيد القدر اتلعب بيها من غير ما يكون لها حق الأختيار عشان كدا قررت تهرب بس يا ترى الهروب ده هيطفي لهيب الذكريات اللى بتشعل جواها هينسي قلبها الدقات اللى بتهز كيانها كل ما تسمع صوته هينسي روحها حنينها وشوقها ليه اللي بيمشي في عروقها زي الډم وقفت تبص ع اللي فاضل منها ع بطنها اللى كبرت ابنها اللي بيكبر جواها وبقى عزاءها الوحيد النور اللى نور دنيتها ف عز العتمة الأمل اللى ظهرلها ف وسط الألم ما بقتش عايزة حاجة غير إن حبها يفضل مدفون ف قلبها بعيد عن قلب حبته أكتر من اللازم بس هل الحب ده هيفضل طول عمره ف السر ولا القدر هيعيد ترتيب الأوراق من جديد تعبت من كتر التفكير وحست ان دماغها هتنجر خرجت من الاوضة عشان تنزل تقعد ف الجنينة تشم شوية هوا يمكن يخفف عنها اللى هى فيه وهى نازلة لمحت باسيلي قاعد مع فريد ف الليڤنج. باسيلي اول ما شافها نازلة ع السلم قام وقف وبابتسامة مشاكسة وهو بيتريق عليها بهزار اهلا مدام كعبوغة قغبتي تفقسي ولا لسة سبيل رفعت حاجبها وقربت منه بغيظ مصطنع بقى انا كعبورة باسيلي! باسيلي ضحك بحماس وبنبرة كلها مرح أحلى كعبوغة دى ولا ايه سبيل لأول مرة من شهور تضحك من قلبها ضحكة عالية وصافية وهى بترد عليه انت متأكد باسيلي انك فرنسي فريد كان بيتابعها ف صمت وتاه للحظة ف ضحكتها قد ايه جميلة اوي قد ايه بتملى المكان حياة لكنه فجأة افتكر انها مش ليه فاق من شروده وبابتسامة خفيفة ونبرة حزينة متدارية ورا ابتسامته ده فرنسي من السبتية سابي خرج عن السيطرة خلاص. باسيلي بملامح كلها غيظ وبنرفزة مرحة يا سلام يا سي فغيد انت هتتنمغ عليا انت وبنت عمتك القمغ دي!! طاااايب هاتي السنجة كاتغين عشان اغزه واعوغه... سبيل ما زالت بتضحك ع باسيلي وريأكشناته ليه حق فريد يقول من السبتية بقى عايز كاترين تجيبلك سنجة عشان تعوره يا مفتري. باسيلي بص ل سبيل وهز راسه أه هغزه لو ما بطلش تنمغ عليا سيبك منه بقى وقوليلي امتى هتفقسي عايز ألعب بالنونو بقى. سبيل قربت منه بغيظ من بين ضحكها اللى مش بيقف واستغرابها لطريقة كلامه تلعب بمين يا استاذ انت وبعدين ايه تفقسي دي!! سمعتها فين باسيلي! باسيلي رجع خطوة لورا وهو بيرد بثقة وجدية مضحكة كنت بتفغج ع فيلم مصغي والغاجل كان بيقولها لمغاته وهى حامل. فريد بص ل باسيلي بحاجب مرفوع بقيت بتعرف تجيب افلام مصرية لوحدك اهو وتتفرج عليها وما تقولش ماشي ماشي. باسيلي بغيظ واضح ع ملامحه ونبرة صوته اه فغيد بقيت بعغف أجيب افلام واتفغج كل يوم ولا عايز منك حاجة يا مستبد يا متنمغ. سبيل كانت بتحاول تهدي ضحكها لكن كلامه زود عليها الضحك أكتر لدرجة انها حست قلبها هيقف من كتر الضحك لأ انت مش ممكن مالكش حل باسيلي انا من زمان ما ضحكتش كدا. باسيلي غمز لها بطرف عينه واتكلم بفخر وهو ماسك ياقة القميص بايديه الاتنين أى خدمة يا مزة عشان تعغفي بس مش عاغف من غيغي كنتى هتعملي ايه. سبيل لسة هترد عليه سمعت رنة موبايلها بتعلن عن رسالة وقبل ما تفتحها رن الموبايل مرة تانية باسم الشخص اللى بيراقب هاني فتحت بسرعة وبلهفة واضحة ف نبرة صوتها ها قول بسرعة عملت ايه بعت لحضرتك فيديو من جوة اوضة نوم هاني يا هانم. سبيل ظهر ع وشها القلق وبنبرة كلها توتر وصلت ازاى للفيديو ده بعد ما قفلت مع حضرتك المكالمة اللى فاتت رجعت للبواب تاني وإديته اللى فيه النصيب وعرفت منه ان هاني بعد ما بتيجيله الست دي بيقعدوا ساعة ولا اتنين وبعدها بينزلوا يمشوا وهو مش بيرجع غير بالليل مشيت واستخبيت بعيد شوية لحد ما شوفتهم خرجوا فعلا واستغليت غياب البواب عن العمارة شوية وطلعت جري دخلت الشقة وزى ما سيادتك توقعتي طلع حاطط كاميرا ف اوضته ومصور كل لقاءاتهم . شردت سبيل ف صهيب وهى بتسمع المراقب وجواها يا ترى لو عرف هيعمل ايه صهيب عصبي وممكن يخلص عليها.. خاڤت من مجرد التفكير وفاقت من شرودها وبنبرة كلها خوف جبت ازاى تسجيلات الكاميرا من اللاب بتاعه يا هانم قدرت افتحه بعد ما هكرته واخدت كل البيانات اللي عليه ورجعته تاني زى ما كان. سبيل اوعى يكون حد حس بيك ولا تكون سبت أثر وراك مش عايزاه يشك ف حاجة لغاية ما يجي الوقت المناسب. ما تخافيش يا هانم كله تمام هاني مش هيحس بأى حاجة. سبيل طيب أبعت لي كل البيانات والمعلومات اللي اخدتها من اللاب بتاعه حالا وحاول تعرف لى كل حاجة زى ما قولتلك عن الست اللى معاه. بيتهيألي يا هانم كل حاجة عن الست دي هتلاقيها ف المعلومات اللي هبعتها لحضرتك دلوقتي لأني لاقيت ملف مكتوب عليه هنادي وتحت الاسم صورتها. سبيل باستغراب واضح ف نبرة صوتها هنادي!! وبهمس لنفسها مين هنادي دي كمان! حكايتك ايه يا سها بالظبط وايه اللى بينك وبين هاني اكمل مراقبة يا هانم ولا خلاص كدا سبيل بجدية وحزم كمل وخليك زى ضله ومش بس كدا طالما ليك ف التهكير يبقى حاول تركب تليفونه وأى معلومة تعرفها حتى لو كانت صغيرة او مش مهمة تبعتهالي فورا من غير ما تفكر او تتردد. أمرك يا هانم. قفلت سبيل المكالمة مع المراقب لكن صوته فضل يرن ف ودانها وكلامه عن أسم هنادي علق ف دماغها ومليون سؤال هاجموا عقلها يا ترى ايه علاقة سها الاسم ده وليه صورتها كانت تحته وعلاقتها ب هاني وصلت لحد فين ملامحها كانت شاردة وسرحانة في الأسئلة اللى بتدور جواها ونفسها تلاقي لها إجابة. فريد لاحظ شرودها بسبب مكالمة الفون قلق عليها وسألها بنبرة مليانة قلق مالك يا سبيل مين كان بيكلمك انتبهت سبيل لسؤاله لكنها اكتفت بابتسامة باهتة من غير ما ترد ولسة هتتحرك تطلع اوضتها عشان تشوف الرسايل اللي وصلتها --- من المراقب سمعت من وراها صوت عارفاه كويس جمد خطواتها ف مكانها. فاطمة بصوت مهزوز وعيون كلها دموع وحشتيني اوي يا نور عيني. سبيل حست برعشة ف جسمها ولفت بسرعة عشان تتأكد انها سمعت صح عيونها وقعت ع صاحبة الصوت شهقت پصدمة ولسانها نطق من غير تفكير بدهشة تيتة!! فاطمة قربت منها وشدتها ف حضنها بقوة كأنها بتحاول تعوض الشهور اللى فاتت وبنبرة مليانة عتاب ايوا تيتة يا سبيل... تيتة اللى مشيتي وسبتي قلبها موجوع بغيابك عنها هونت عليكي تمشي وتسبيني أزاى قدرتي تعمليها وتبعدي عني ما فكرتيش فيا هيجرالى ايه بعد ما تمشي سبيل رجلها خانتها وكانت هتقع من شدة المفاجأة خرجت من حضڼ جدتها بسرعة وقعدت ع اقرب كرسي ودموعها سبقت كلامها وخرج صوتها مهزوز من الألم وبمرارة وانا كان مين فكر فيا! ... رفعت عينيها ل جدتها وبنبرة قهر وإنكسار شوفتوه بيدبحني برفضه ليا وانتوا عارفين السبب ووقفتوا تتفرجوا ما صعبتش عليكي ده انا اترجيتك تكلمي جدي قولتلك بلاش تحكموا عليا بالمۏت قولتلك مش عايزاه قولتلك هسافر وابعد بس بلاش ترموني ل صهيب لكن صممتوا ع رأيكم وحددتوا مصيري وادي النتيجة قدامك يا تيتة!! متجوزة ومش متجوزة. فاطمة بحزن واضح ع ملامحها وۏجع ف نبرة صوتها لسة شايفة اننا رميناكي يا سبيل مش ده صهيب حب عمرك اللى كنتي بتتمنيه كرهتيه دلوقتي ومابقيتيش عايزاه سبيل غمضت عينيها بۏجع بتحاول تمنع دموعها وتتمالك روحها لكن نبرة صوتها ڤضحت اللى جواها وبصوت مخڼوق عمري ما كرهته... رغم انه ما حبنيش وهفضل احبه لآخر نفس فيا لكن خلاص مابقيتش عايزاه ولا قادرة حتى اسمع اسمه بعد اللي عمله... وبصت لبطنها وهى بتحط إيدها عليها بحنان وابتسمت ابتسامة حزينة يكفيني منه حتة اتخلقت جوايا ومش عايزة حاجة تاني من الدنيا بس بترجاكم مش عايزاه يعرف عننا اى حاجة. شريف قرب من سبيل قعد ع ركبه قصادها ومسك وشها بين إيديه بحنية ونبرة صوته هادية وبابتسامة دافية انسي يا حبيبتى عيشي حياتك وافرحي بابنك اللى جاي اللى حصل حصل خلاص مالوش لازمة اللوم والعتاب مش هيفيد يا قلب خالك. عمران كان واقف جنب شريف قرب منها وقفها من ع الكرسي وضمھا ف حضنه وبصوت مبحوح كله حنين واشتياق وحشتيني يا بنت قلبي وعمري كله طمنيني عنك عاملة ايه سبيل حست ف حضڼ عمران بالراحة والأمان اللى كانت مفتقداهم وهي بعيد عنه غمضت عينيها وبتاخد نفس قوي من ريحته بتشم فيه ريحة صهيب فخرجت منها همسة شوق وبتنهيدة ۏجع وحشتني اوي يا واجع قلبي يا ترى عامل ايه عمران سمعها وهمس لها ف ودنها بصوت كله دفى ضايع من غيرك يا نور عين جدك وتايه يدور عليكي ف كل مكان ونفسه يلاقيكي او حتى يسمع اى خبر عنك. سبيل رفعت راسها بسرعة ل عمران ونظرة عينيها مليانة توسل وبنبرة كلها رجاء والنبي يا جدو أرجوك مش عايزاه يعرف مكاني انت وعدتني انك مش هتقول له. عمران ضمھا ف حضنه أكتر وهمس لها بحزم وانا عند وعدي يا ضى عيني صهيب مش هيعرف عنك اى حاجة ولا هيعرف طريقك إلا لو انتي اللي قررتي ترجعيله غير كدا مش هيعرف حاجة ما تخافيش. فاطمة بملامح كلها غيظ ونبرة مليانة غيرة مصطنعة يا سلام يا ست سبيل هتفضلي ف حضڼ جوزي كدا كتير ولا ايه سبيل رفعت راسها ل عمران وبابتسامة صافية همست له بطتك بتغير عليك اوي يا عمارة ضحك عمران بعلو صوته وهو عينه ع فاطمة أه منك انتي يا شقية كل مرة بطتي تزعل مني بسبب حضنك اللى بيوحشني ده اعمل فيكي ايه بس سبيل غمزت له بطرف عينها هسيبلك اوضتي ساعتين يا باشا تصالحها براحتك. باسيلي منبهر جدا بعلاقة سبيل ب جدها وجدتها وباستغراب ل فريد أوه مونديو! مش معقول!! شوف فغيد علاقة سابي وجدو عمغان وتيتة فاطمة تجنن انا اول مغة اشوف كدا ف حياتي. شريف بهدوء ونبرة صوت دافية عندنا ف مصر باسيلي في مثل بيقول اعز من الولد ولد الولد.. باسيلي قاطع شريف بنبرة استفهام يعني ايه الكلام ده اونكل شغيف عمران يعني يا باسيلي حفيدتي عندي أغلى من أبني وسبيل بالذات ليها معزة وغلاوة خاصة عشان كدا العلاقة بيني وبينها مختلفة عن اى علاقة تانية. باسيلي انا حقيقى منبهغ جدا جدو عمغان سمعت كتيغ من فغيد عن التغابط اللى بينكم بس مش كنت متخيل انه بالشكل ده حتى لما شوفتك المغة اللى فاتت بغضو مش تخيلت كدا ابدا. سبيل قربت من فاطمة وعمران ووقفت ف النص بينهم وحطت إيديها ف دراعاتهم وهى بتبص ل باسيلي وبضحكة صافية جدو وتيتة دول غوحي غوحي غوحي ههههههههههه. وبعدها قعدت ف حضنهم كأنها ما صدقت تلاقيهم مر الوقت بسرعة وهم قاعدين بيضحكوا ويهزروا مع باسيلي خصوصا فاطمة اللى اول مرة تشوفه. _____________________ ف مصر قصر الشهاوي اوضة سها سها كانت قاعدة ع طرف السرير بتقلب ف تليفونها فجأة شافت الباب انفتح بقوة ودخلت منه نرمين ف نفس الوقت اللى قاعد فيه صهيب مع قدري ورسلان وهى متعصبة وملامح وشها كلها ڠضب وغيظ واضح بسبب سفر عمران وفاطمة قربت منها وقعدت جنبها وبصوت مخڼوق من العصبية وهى بتجز ع أسنانها آه يا ڼاري بقى بعد ما اتمرمطت عشان اجيب تسجيل صوت اللى ما تتسمى ونجهز الفيديو عمران يسافر وكل خططي تبوظ بالشكل ده! رفعت سها عينها عن الفون وبصت لها ببرود وابتسمت ابتسامة خبيثة وبنبرة كلها هدوء قاټل متعصبة كدا ليه انطشي! دي أحلى حاجة عملها جدو انه سافر. نرمين قامت وقفت فجأة وعيونها كلها ڠضب وحركات إيديها كلها توتر وهى بتشاور بعصبية وبنبرة صوت ڠضبانة انتى هتجننيني! بقول لك كل اللى خططت له راح ع الفاضي وانتي تقوليلي احلى حاجة انه سافر سها بصت لها بهدوء مستفز وهى بترجع بضهرها لورا تسند ع ضهر السرير بالراحة وابتسامتها ما فارقتش وشها وبنبرة كلها مكر وخبث طبعا يا قلبي احلى حاجة كدا نقدر نلعب براحتنا من غير قلق. نرمين ضيقت عينيها وهى بتحاول تفهم قصد سها وبنبرة كلها ريبة واستفهام قصدك ايه بنلعب براحتنا دي سها قامت من مكانها وقربت منها بخبث وحطت إيدها ع كتفها وهمست قصدي يا نونا ان صهيب هنا لوحده ومن بعد غياب اللى ما تتسمى وڠضب جده عليه وهو مهزوز.. وكمان شهاب من وقت ما رجع من السفر مع عمران وهو بيتجنبه.. يبقى اييه نرمين ابتسمت ابتسامة خبيثة وهزت راسها بإعجاب وهى بترجع خطوة لورا وبنبرة كلها حماس يبقى ده الوقت المناسب اللى نضرب فيه ضربتنا من غير ما عمران يتدخل مش قولتلك قبل كدا انك بنت شياطين يا سوسو. سها ابسمت بسعادة وهي بتغمز لها أى خدمة يا قلب سوسو تعجبيني وانتى فاهمة. نرمين قعدت ع الكرسي وسندت ضهرها بالراحة وحطت رجل ع رجل وهى بتفكر وسألتها عندك فكرة هتوصلي الفيديو ل جوزك ازاى ولا تسبيلي الطالعة دي سها قعدت قصادها بهدوء وهى بتلعب ف خصلات شعرها بشرود بصي هو في كذا فكرة ف راسي بس لسة مش عارفة استقر ع حاجة منهم. نرمين قاعدة نفس قعدتها وقاطعتها بنظرة من عينيها كلها استفهام وشاورت لها بإيدها أنها تكمل كلامها. سها عدلت قعدتها وهى بتتكلم بثقة فكرت ابعت الفلاشة عن طريق البريد بأسم صهيب او احطها جوة ظرف عليه اسمه واسيبها ف اوضة المكتب من غير ما حد ياخد باله. نرمين بصت لها بملامح مليانة استنكار وبنبرة تريقة يا خسارة ع الذكاء اللي راح ف الوبا!! هو فى حد لسة بيفكر بالطريقة دي سها رفعت حاجبها باستغراب من لهجة السخرية اللى ف كلام نرمين وبنبرة مستفهمة قصدك ايه يعنى!! نرمين ضحكت ضحكة خفيفة وهزت رأسها بأسف مصطنع وانا اللى كنت بقول عليكي ذكية وخلفة شياطين!!.. اتعدلت ف قعدتها ومالت بجسمها قربت من سها وهمست بخبث يا حبيبتى من رقم غريب مالوش اى بيانات وابعتي الفيديو ع الواتس واكتبي تحت منه شوف اللى انت قالب الدنيا عليها عشان تلاقيها وهى ف حضڼ أقرب الناس ليك بس كدا. سها وسعت عينيها بدهشة من كلام نرمين وضحكت بصوت عالي وهى بتسقف بانبهار وبتقولي عليا انا خلفة شياطين!! ده انتي طلعتي ابليس ذات نفسه يا روحي نرمين رجعت لورا بضهرها مرة تانية وسندت بايدها ع مسند الكرسي وبنظرة مليانة مكر طيب خلي بالك من نفسك بقى يا قمر.. وبعدها قامت وقفت وهى بتعدل هدومها وبنبرة كلها كره تعالي ننزل نشوف حماتك المصون بتعمل ايه سها قامت وقفت وهى بتتكلم بلهجة مستفزة مش عارفة بس حماتي غيظاكي ليه يا نرمو! دى حتى كيوتة خالص. نرمين رفعت حاجبها باندهاش وبنبرة كلها اشمئزاز مين ياختي! سامية! دي حية زى اللى ما تتسمى سبيل تدخل ع عمران وفاطمة بمكرها زى الأفاعي وتاخد اللى هى عايزاه.. وهزت راسها بأسف مزيف وانا عشان مش بعرف امكر زيها كل شوية يتلككو لي وېهددوني بالطرد. سها رجعت خصلات شعرها ورا ودنها ورايحة مع نرمين ناحية باب الاوضة وبنبرة استفهام واستغراب وهى بتفتح الباب انا مستغربة فعلا!! مش عارفة ليه بيعملوا معاكي كدا وبصراحة من يوم ما دخلت العيلة دي وانا نفسي أسألك السؤال ده. نرمين وقفت لحظة تاخد نفسها واتنهدت بمرارة وبنبرة مليانة قهر وحزن مصطنع عشان غلبانة يا بنتي وماليش أى طلبات ودايما راضية بقليلي وساكتة بس أقول ايه بقى ف حماتك منها لله كل شوية توسوس لهم وتملى دماغهم من ناحيتي لحد ما كرهوني يلا ربنا يجازي كل واحد بضميره. وخرجوا بالفعل سوا من الاوضة وقربوا من السلم نزلت نرمين الأول وسها نازلة وراها لكن فجأة... وقفت مكانها لما شافت قدري قصادها قلبها وقع ف رجليها خاڤت وارتبكت ومن غير تفكير رجعت خطوة لورا بسرعة عشان ترجع أوضتها ف نفس اللحظة اللي كانت بتنادى فيها نرمين ع الخدامة بتاعتها سها وهى بترجع بضهرها ناحية السلم خبطت ف فازة كبيرة موجودة جنب الدرابزين وقبل ما تلحق تمسكها وقعت ع الأرض بقوة عملت صوت عالي لفت الأنتباه قدري شافها وبقى واقف مش قادر ينطق من شدة صډمته. ______________________ ف مكان مجهول هاني كان قاعد ف شقته عقله مشغول بالتفكير ف شاهندة وبيخطط مع نفسه أزاى يقنعها توافق ع تحديد ميعاد الفرح فجأة رن موبايله بيعلن عن مكالمة من الراجل الكبير اللي بيشتغل معاه ف تجارة الس لاح نبرة صوته كانت حادة وهو بيطلب منه يقابله ضروري قفل هاني المكالمة وقام غير هدومه ونزل بسرعة تحت بيته كانت فى عربية سودة ضخمة ومتفيمة واقفة مستنياه فيها واحد قاعد جنب السواق اول ما لمح هاني خارج من باب العمارة نزل فورا فتح له الباب وف نفس اللحظة حط ف ايده شريط اسود وبنبرة آمر غطي عيونك لحد ما نوصل. بالفعل نفذ هاني المطلوب وربط عينيه وساب نفسه للرحلة اللى استمرت ساعتين الوقت كان بيمر ببطء وكل دقيقة كانت بتعدي بتزيد من توتره وقفت العربية ونزل منها الراجل اللي جنب السواق فتح الباب ل هاني نزله وشال الشريط من ع عينه فتح هاني عيونه ببطء لقي نفسه واقف قدام فيلا ضخمة وسط طريق طريق صحراوي إحساس غريب سيطر عليه دخل الفيلا بخطوات مترددة عيونه بتلف في كل زاوية بحذر تصميم الفيلا كان غريب جدا متناقض بشكل مزعج تصميمها بيجمع بين الطراز الكلاسيكي القديم والمودرن الحديث لكن بطريقة مش مريحة الجدران عالية ومدهونة بلون رمادي باهت كأنها فقدت روحها مع مرور الزمن والسقف كان عالي بشكل مبالغ فيه نازل منه نجفة قديمة اوي انوارها خاڤتة يادوب موضحة الرؤية الفرش قليل لكنه فخم بشكل غريب الصالة الرئيسية فيها كنبة جلد سودة في وسطها وجنبها كرسيين من الطراز القديم كل حاجة كان شكلها يخوف ومغبرة رغم ان الفيلا مش مهجورة حتى السجاد اللى ع الأرض لونه باهت ومليان غبار وكأنه مخبي أسرار عمرها سنين مدفونة تحته الهواء في الفيلا كان بارد بشكل غريب مش زي برد التكييف لأ كان برد كأن الحيطان نفسها بتتنفس وبتراقبه بهدوء مرعب قلبه دق جامد من شدة الخۏف وقف لحظة مكانه مش عارف يتحرك ف أى اتجاه شاف ع الشمال السلالم اللى بتوصل للدور التاني كانت عريضة وخشبها قديم بيتهز ويعمل صوت مع كل خطوة كأنه بيحذر اللى طالع عليه من وجود خطړ حقيقي ف المكان أما ع اليمين كان فيه ممر طويل الإضاءة فيه ضعيفة وع الجدران متعلق لوحات قديمة لوشوش ناس مجهولة عيونهم كانت مسلطة عليه كأنها متابعاه ف كل خطوة بيخطيها كل حاجة حواليه كانت بتوحي بشيء مريب المكان كله كان ساكت بطريقة مخيفة السكون فيه مش طبيعي فجأة ظهر راجل من العدم من غير ما ينطق شاور له ناحية الممر حس هاني بخوفه بيزيد لكنه كمل طريقه كل خطوة بتزيد شعوره بالقلق والتوتر ف نهاية الممر وقف قدام حيطة منحوتة ع شكل نمر بمجرد ما وصل قصادها وقبل حتى ما يلمسها اتحركت لوحدها وظهر من وراها باب خشب قديم مقبض الباب كان منحوت ع شكل إيد بشړية ملوية شكلها يرعب بإيد بترتعش فتح هاني الباب ببطء ودخل الأوضة بخطوات متوترة ريحة الدخان اول حاجة اخترقت انفاسه السجادة الغامقة اللى مغطية الأرض كان مرسوم عليها نقوش ورسومات غريبة مجرد النظر ليها زود ضربات قلبه ف وسط الأوضة مكتب خشب قديم فخم جدا قدامه ترابيزة صغيرة وكرسي جلد اخضر ووراه كان فى كرسي خشب مبطن بنفس اللون قاعد عليه راجل لابس بدلة سودة ونضارة شمس مدارية جزء كبير من وشه لكنه كان بيراقب هاني كويس جدا كأنه عارف كل الأفكار اللي بتدور ف دماغه نبرة صوته كلها حزم وقوة نبرة تخلي الډم يتجمد ف العروق وببرود قاټل اقعد يا هاني. هاني بلع ريقه وحس برعشة ف رجليه قرب من المكتب بخطوات تقيلة وكأن رجله مربوطة بسلاسل حديد التوتر كان مكتفه مخليه --- حاسس ان أى غلطة منه ممكن تكلفه حياته قعد من غير ما ينطق بكلمة. الباشا بنظرة عين مترصدة لأى غلط وبهدوء يرعب اللى يشتغل معايا لازم يبقى قلبه جامد التوتر اللى انت فيه ده ممكن يوديك ف داهية. هاني بنبرة صوت واطية وهو بيهز راسه أمرك يا باشا الباشا قرب بجسمه شوية لقدام سند ع المكتب بدراعاته الإضاءة الخاڤتة انعكست ع ملامح وشه اللى كانت ساكنة لكنها ف نفس الوقت مرعبة وكأنه تمثال منحوت من تلج عملت ايه مع بنت الشهاوي هاني حس بضربات قلبه بتزيد والعرق غرق جبينه وبنبرة كلها توتر وتردد لسة يا باشا بحاول معاها. الباشا قاطع كلامه بخبطة قوية من إيده ع المكتب وهو بيقف الكرسي أتحرك لورا بصوت مزعج ملامحه اتبدلت ف ثانية لڠضب مفزع وبصوت مرعب زى طلقات الړصاص مافيش حاجة اسمها لسة!! لازم تخلص بسرعة الصفقة دى لازم تدخل ف حاويات الشهاوي بأى تمن حتى لو هتخفها وتساوم عليها. هاني وقف مكانه وهو بيرتعش لكنه حاول يفضل متماسك أخد نفس قوي واتكلم بهدوء مصطنع وهو بيحاول يمتص ڠضب الباشا قبل ما يطوله اهدى بس يا باشا واتفضل استريح انا مرتب خطة ف دماغي كويسة بس الموضوع محتاج شوية وقت أصبر وف خلال كام يوم مش بس البنت لأ عيلة الشهاوي كلها هم وشركاتهم هيبقوا تحت أمري وساعتها هنقدر نتحرك براحتنا من غير ما حد يشك فينا. الباشا قعد بهدوء وعينه ما فارقتش هاني طول ما هو بيتكلم كأنها بتحلل كل كلمة بيقولها ورجع لنبرته الباردة اللى بټرعب أكتر من عصبيته خطة ايه اللى عندك. هاني بلع ريقه وأخد نفسه وابتدا يتكلم بثقة ويشرح خطته بخطوات مترتبة وبنبرة صوت هادية انا فكرت اعمل.... بس لازم ناخد وقتنا عشان اقدر انفذ عيلة الشهاوي مش سهلة عمران واصل ل ناس كبيرة ف البلد وأى غلطة فيها عمرنا يا باشا. ضحكة خبيثة مليانة شړ طلعت من الباشا ضحكة حد عارف انه لو فكر يمحيك من ع وش الدنيا هيعملها بدم بارد بنبرة صوت هادي وراها ټهديد صريح عجبتني دماغك يا هاني بس انجز مافيش وقت واعمل حسابك... قلع النضارة ومال بجسمه ناحية هاني وعينه متثبتة عليه ف نظرة كفيلة أنها تقله لو كانت النظرات بتقل وببرود مرعب الغلطة بفورة وحياتك انت لوحدك اللى هتنتهي انتهت المقابلة. هاني قام وقف وهو بيبلع ريقه من شدة خوفه وخرج بسرعة من غير ولا كلمة وبياخد نفسه بصعوبة كأنه خارج من بحر بعد صراع طويل مع أمواجه مشي ف نفس الممر وخرج من الفيلا والمكان كله بنفس الطريقة اللى دخل بيها لغاية ما وصل عند بيته وبمجرد ما نزل من العربية أخد نفسه واطمن وبدء يفكر هينفذ خطته ازاى ف وقت قصير عشان يتجنب ڠضب الباشا. ______________________ ف قصر الشهاوي جناح عادل من يوم ما سافرت سبيل بعد اللى حصل بينها وبين صهيب وعادل بقى شبه مقيم ف جناحه كل يوم يروح الشركة يخلص شغله ويرجع يطمن ع عمران وفاطمة وبعدها يطلع يقفل على نفسه باقي اليوم نادرا ما كان بيقعد معاهم ع السفرة ولو أضطر يحضر ف أى تجمع فكان بيحضر بجسمه بس إنما عقله وقلبه بيكونوا في حتة تانية. سامية دخلت الجناح وهى حاسة بقبضة ف قلبها شافت عادل قاعد بنفس القعدة اللى بقت جزء منه ساند ضهره ع ضهر السرير وشه باهت عينه مطفية الشرود واخد ملامحه لحتة بعيدة حتى أنفاسه كانت تقيلة وبتخرج بصعوبة وكأنه قاعد شايل هم الدنيا ع كتافه الۏجع اللى جواها كان بيزيد كل يوم وهى شايفاه كدا قربت منه بخطوات بطيئة وحاولت تسيطر ع نبرة صوتها اللي مليانة قلق وحزن وبعدهالك يا عادل لحد أمتى يا حبيبي هتفضل ع الحال ده كتير! رفع عينه ليها ببطء واتنهد تنهيدة تقيلة كأنها طالعة مع روحه كلها ۏجع وحزن وبنبرة استسلام عايزاني اعمل ايه يعني يا سامية وانا شايف عيالي بيبعدوا عن بعض وكل واحد فيهم تايه ف همومه. سامية ما استحملتش تشوفه بالضعف ده قربت أكتر وقعدت جنبه وهي ماسكة إيده بحنان مد إيدك يا عادل وخليهم يمسكوا فيها وساعدهم يخرجوا من دوامة الهموم اللى وقعوا فيها ويسندوا بعض. عادل هز راسه ببطء وهو بيتكلم بصوت مخڼوق ازاى بس يا سامية! سبيل مشيت ومش عارف عنها أى حاجة لا عارف طريقها ولا عارف عايشة فين وازاى وصهيب حاله اتبدل طول الوقت ساكت ع طول حزين وشارد والندم بياكل فيه شاهندة دايما قافلة ع نفسها وبتتحجج بمشكلة صهيب وسبيل ومش عايزة تحدد معاد فرحها هى وهاني اما شهاب من وقت ما رجع من السفر مع بابا وانا حاسس انه مخبي حاجة طول النهار ف الشركة ولما بيرجع بيدخل اوضته يقفل ع نفسه او يخرج مع اصحابه ويسهر لوقت متأخر ع غير عوايده كأنه بيهرب مننا عشان ما يتقابلش معايا او مع أخوه. سامية ضغطت ع إيده بحنان وبصت له بعيون مليانة رجاء ونبرة صوت كلها أمل أطلع انت بس من العزلة اللى حبست نفسك فيها قرب منهم اسمعهم اعرف مشاكلهم وعالجها معاهم ورجعهم لحضنك تاني. عادل ابتسم ابتسامة باهتة بسخرية كلها مرارة عارفة المشكلة فين يا سامية أني عارف مشاكلهم وعلاجها الوحيد هو رجوع سبيل بس هى فين الله اعلم. سامية عضت شفايفها تكتم شهقة الألم اللى طلعت ڠصب عنها عيونها لمعت بالدموع وبنبرة ۏجع وحسرة وحشتني اوي يا عادل نفسي اطمن عليها واسمع صوتها نفسي اشوفها اوي يا عادل نفسي ترجع تاني وتترمي ف حضڼي زى زمان وتقول لي حضنك ده بتاعي لوحدي يا ماما. عادل غمض عينه يداري وجعه اللى زاد أضعاف من كلام سامية اخد نفسه بصعوبة وهمس بصوت مبحوح مش هترجع يا سامية قلبها جمد علينا خلاص. سامية غمضت عينيها هى كمان بتحاول تمنع دموعها تنزل وبصوت مهزوز حقها يا عادل اللى عمله فيها ابنك مش قليل ولا اللى احنا عملناه يتغفر بسهولة يا ابو صهيب. عادل اتعدل ف قعدته ومسح وشه بكف إيده وهو بيتنهد بحسرة عندك حق يا سامية سكوتنا كان ذنب كبير ما يتغفرش ياريتنا قولنا لها انه متجوز غيرها ياريتني وقفت قصاد أبويا وأصريت ع طلبها لما رفضت الجواز منه ما كانش كل ده حصل وكان زمانها لسة ف حضننا. هزت سامية راسها بيأس وسكتت وعادل كمان سكت ولف بعينه ف الجناح شافه قد ايه بقى كئيب بعد ما كان صوت الضحك ما بيتقطعش فيه بسبب وجود سبيل اللى كانت دايما مجمعاهم جواه رغم انه جناحه الخاص دلوقتى بقى مليان ۏجع وحزن ودموع حتى الهوا اللى فيه بقى يخنق ورغم كدا مالوش مكان ولا ملاذ غيره خصوصا بعد سفر عمران وفاطمة. ______________________ ف مجموعة شركات الشهاوي مكتب شهاب قاعد ف مكتبه بيراجع اوراق وعقود صفقة مهمة ومنتظر العميل ومندوب الشركة اللى هيتعاقد معاها فجأة اترسمت قصاد عينيه صورة كريمة بابتسامتها اللى بتاخده من روحه قام من ورا المكتب بكل هيبة وبهيئته وابتسامته الرجولية اللى بتخف الأنفاس راح ناحية الباب عشان يخرج يشوفها ويشاكسها شوية بمجرد ما فتحه اټصدم بوجود سمر سكرتيرة صهيب معاها حمحم ورجع لجديته ف ثانية وبص ل سمر بغيظ متداري بتعملي ايه هنا يا سمر مش ع مكتبك ليه كريمة وقفت هى وسمر اول ما شافوا باب مكتبه انفتح وخرج منه وبنبرة صوت مبحوح اصلها خلصت شغلها بدري وجات تقعد معايا. شهاب بص ل كريمة برفعة حاجب وبنبرة كلها غيظ وهى ما فيهاش لسان ترد! ولا تكون عينتك المحامي بتاعها سمر بتوتر واضح ع ملامحها ونبرة صوت مهزوزة أسفة يا مستر شهاب بس مستر صهيب مش موجود وانا لاقيت نفسي قاعدة فاضية قولت أجي اقعد مع كريمة شوية. شهاب اتعصب منها لانه ما قدرش يشاكس كريمة ويوترها عشان يستمتع بخجلها اللى بيحبه وبنبرة كلها نرفزة سمرررر أحنا هنا مش ف كافيه تروحي وتيجي ع كيفك!! خلصتي شغلك بدري يبقى مافيش قدامك غير حل من اتنين إما تفضلي ع مكتبك لحد نهاية اليوم او تستأذني من مديرك وتروحي بيتك ولو مش موجود تتصلي بيه وتستأذنيه لكن ما تجيش تعطلي كريمة عن شغلها.... بص ل كريمة وهو خارج متغاظ من الاتنين انا طالع برة 10 دقايق عايز ارجع الاقى صور العقود اللى طلبتها ع مكتبي. سابهم وخرج راح البوفيه عمل لنفسه فنجان قهوة رغم معارضة العامل لكنه صمم وجواه هيفرقع من كتر الغيظ لانه كان ناوي ينكش كريمة ويرجع تاني مكانه يكمل شغله قعد شرب قهوته ورجع المكتب شافها لوحدها بعد ما سمر مشيت بص لها بابتسامة المكر اللى بتوترها وهو بيرقص لها حواجبه في عميل مهم جاي كمان شوية عايزك اول ما يوصل يا كرملتي تيجي تدينى خبر... غمز لها وسابها دخل مكتبه وحاسس ان قلبه هيخرج من بين ضلوعه ويروح عندها عشان يقول لها ان حبه عدى مراحل العشق ... آه يا جميلتي أسرتني رغما عني وأنا من كنت أظن أني سأظل حرا طليقا لا تربطني وعود ولا تقيدني نظرات كنت أعيش كما يحلو لي أتنقل بين الأيام بلا اكتراث حتى جئت أنت فغيرت كل شيء حولتني من رجل لا يعرف الاستسلام إلى عاشق تفضحه دقات قلبه كلما همست باسمه إلى رجل يذوب في عينيك وكأنه وجد فيهما وطنه. برة المكتب كريمة فضلت واقفة مكانها وهى متوترة ومستغربة تصرفات شهاب المتناقضة ومش قادرة تفهم ايه اللي غيره بالشكل ده! قعدت ورا مكتبها وهى بتكلم نفسها فجأة شافت. انسة دخلت المكتب جسمها ملفوف وطويلة لابسة بلوزة حمرة بكم مفتوح منها اول زرارين وچيبة جلد سودة قصيرة فوق الركبة وشنطة إيد وهيلز عالي بنفس لون البلوزة شعرها اصفر لون سلاسل الدهب وقفت قدامها وبنبرة هادية ممكن اقابل استاذ شهاب لو سمحتي كريمة بصت لها وشافتها بالمنظر ده ڼار الغيرة لوعت فيها وبنبرة كلها غيرة ونرفزة وانتي مين بسلامتك وعايزة ايه البنت باستغراب من رد فعلها نعم!! كريمة وقفت وهى بتاخد نفسها بصعوبة من كتر ما بتداري غيرتها ومن بين أسنانها وهى بتبتسم بغيظ قصدي اقول له مين سيادتك البنت بابتسامة هادية وبتلقائية قوليله سهام الراوي عندي معاد معاه هو مستنيني. كريمة نعععععععم هو أنتي العميل المهم اللى مستنيه البنت اتخضت من صړيخ كريمة ف وشها واندهشت من تصرفها ايوا انا هو في ايه بالظبط انا مش فاهمة كريمة بغيظ مافيش اترزعي قصدي استني هنا لحد ما ادخل ابلغه.... وقربت من باب مكتبه فتحته بعصبية من غير ما تخبط لدرجة انها خضت شهاب. جوة المكتب شهاب كان قاعد شارد ف كريمة وعينيها اللى بتسحره بنظرة منها فاق من شروده ع فتح الباب فجأة وشافها داخلة منه زى الإعصار اتخض من شكلها وقام وقف وهو مخضوض وبنبرة كلها توتر مالك يا كريمة! حصل لك حاجة! انتي كويسة كريمة وقفت قصاده وهى مولعة من الغيرة في واحدة هشك بشك برة عايزة تقابلك. شهاب خد نفسه واتنهد بإرتياح وقعد وهو بيضحك بعلو صوته وجواه قلبه بيرقص من فرحته واحدة ايه يا كوكيز هشك بشك! كريمة ابتدا توترها يزيد بسبب ضحكته اللى بتخفها وتتوه جواها وبغيظ أيوا هشك بشك. شهاب بص لها ومن بين ضحكه اللي مش عارف يبطله يا شيخة خضتيني حرام عليكي كدا قطعتي خلفي! خليها تتفضل يا كرملة. كريمة خلاص فقدت السيطرة ع نفسها رفعت إيدها تشاور بصابعها ف وشه وهى بتخبط ع المكتب بالايد التانية بقول لك ايه فهم ضيفتك ان هنا شركة محترمة مش كباريه يا استاذ اللبس اللى لابساه ده وميكب الرقصات اللى هى عملاه ده ما يتعملش هنا. شهاب حس بسعادة غريبة جواه وهو شايف حبها ليه وغيرتها عليه بعد ما فضحتها تصرفاتها مسك قلم وحطه ع صابعها اللى بتشاور بيه ينزله عشان ما يلمسهاش وغمز لها أوعي تكوني بتغيري عليا كوكي! ماقدرش انا ع كدا!! اتوترت كريمة من كلامه بعد ما حست انه كشفها وحاولت تداري وبنبرة كلها نرفزة وانا هغير عليك بتاع ايه يعني كل الحكاية انها ما ينفعش تدخل الشركة بالقرف اللى هى عملاه ف نفسها ده! ... ورفعت صابعها تاني ف وشه انا بحذرك البتاعة اللى برة دي لو جات الشركة تاني هطردها. شهاب بص لها برفعة حاجب وابتسامة مكر جانبية اترسمت ع شفايفه قولتي ايه يا كوكتي عشان ما سمعتش! كريمة استوعبت اللى قالته وكملت بغيظ أكبر قصدي لو جت بلبس الكباريهات ده مرة تانية هطردها لازم تفهم انها داخلة شركة مش صالة ديسكو. شهاب بهدوء وهو ما زال محتفظ بابتسامته وبهمس قاصد يسمعها ويوترها أكتر حاضر يا حبيبي يلا بقى روحي دخلي الضيفة دي عميلة مهمة ومش حلو اننا نسيبها تستنى كل ده. نفخت ف وشه وخرجت من المكتب وهى بتأفأف وتبرطم من كتر غيظها منه وغيرتها عليه اما هو قلبه بيتنطط من كتر السعادة وهيتجنن نفسه يجري عليها ياخدها ف حضنه ويلف بيها كتير ويقول للدنيا بحالها انه بيحبها بس لازم يهدى ويستنى لما تبقى حلاله فقرر يتصل ب سبيل بعد ما يخلص الاجتماع مع العميلة ويقول لها ع مشاعره ناحية كريمة وبعدها يقول ل عمران وعادل وسامية ياخد رأيهم ويعرفهم انه مش قادر يصبر أكتر من كدا ولازم ياخد خطوة جد قريب.

مقالات ذات صلة

ياريتني استنيت من 10-18

خمس سنين

حب ج ٣

ملك 1

ابن الاغنياء 7

الوردة 2

اترك تعليقاً إلغاء الرد