اعادة نشر 2
نهضت جالسه قبالته قائله انت عاوز ايه يا سارى ابتسم لذكرها اسمه فحاول وضع يده على خدها الا انها انتفضت مبتعدة فسحب يده فى حزن قائلا عاوز فرصه تانية اجابته اخر مرة قلت لى ده .بعت لى صاحبك اوضتى ياخد منى حق رهانه معاك نهض غاضبا قائلا بصوت عالى انا حلفت لك قبل كده انى والله مابعته ويستحيل كنت اعمل ده نهضت قبالته .وضعت يدها على فمه قائله بهمس صافى وطى صوتك بابا وماما يسمعوك
قبل كف يدها فسحبت يدها فى خجل قبل ان تتجه للسرير بينما انحنى هو للارض .لحظات وسمعا صوت مقــ,,ـبض الباب يفتح ليدخل كريم اليهم قائلا وهو ينظر لسارى بحب كريم سارى عاوز انام جنبك وتيته بتقولى لاء ابتسم سارى وهو يمد يده اليه فإرتمى كريم فى حضـ,,ـنه وصافى تنظر اليهم قبل ان يسأله كريم كريم يلا تعالى ننام جنب صافى على السرير
نظر سارى لصافى والتى زمت شفتيها بضيق قبل ان يحمل كريم متجها اليها بعدما افسحت لهم مكانا .نام كريم وسطهم .راقبهم سارى وصافى تقص عليه حكاية قبل النوم وتدغدغه وهو يضحك بصوت طفولى جميل قبل ان يغلبه النوم فينام كالملاك .نظرت صافى لسارى قائله بجدية صافى اتفضل انزل بقى نام تحت اهو كوكو نام اجابها بعند لاء طبعا افرضى صحى يقول ايه عادت لوسادتها فى ضيق .مدذراعه امامه فلامستها فنظرت اليه غاضبة صافى شيل ايدك
اجابها وهو يتصنع النوم قائلا بصوت عالى يعنى اوديها فين انا مش بستريح الا كده صافى بصوت هامس طب وطى صوتك هتصحى الولد اجابها ببرود طيب نامى انتى بس وانا هسكت ادارت وجهها عنه وهى تتمتم فسألها بإستفزاز سارى بتقولى حاجة لم تجبه .بعد وقت استغرقا بالنوم .فى الصباح فتحت صافى عيناها بتكاسل فوجدت كريم قد اختفى وذراع سارى تحيط خصرها بقوة .ابعدت يده بعصبية ففتح عيناه وهو يعيد ذراعه مرة اخرى اليها بقوة اكبر بعدما اقترب اكثر منها قائلا لها باستفزاز
سارى الله ..اول مرة اصحى الصبح الاقى القمر فى وشى كده . زمت شفتيها وهى تبعد ذراعه عنها لتنهض بعيدا عنه .غيرت ملابسها داخل الحمام لفستان بحر صيفى قصير بحمالات نظر اليها مشدوها قبل ان يدرك حاله فسألها انتى هتنزلى كده لتحت اجابته اه فى ايه اجابها بضيق بس الفستان مش قصير اوووى ومكشوف من فوق اجابته ساخرة ده على اساس انك مكنتش بتسمح لزوجاتك السابقات كلهم بلبس مكشوف عن ده على الاقل انا بلبسه وانا على البحر ووسط اهلى
