اميرة 3

زياد _بصراحة مش عارف اقولك ايه يافارس

فارس_زياد انت كدة قلقتنى

—

اكتر طمنى على حالتها ارجوك

زياد _من الافضل نروح مكتبى علشان نتكلم على انفراد

اشار له زياد كى يلحقه الى ان وصل للغرفة وجلس خلف المكتب واشار لفارس_اتفضل اقعد يافارس ودلوقت بقى ممكن تقولى الحاډثة حصلت ازاى وايه اللى حصل قبل ماتتعرض للحاډثة بالتحديد

فارس _بصراحة مش عارف

بص انا هعترف لك المړيضة ديه ماتبقاش قريبتي زى مااقلت لك ديه انا اللى خبطتها بعربيتى بس يعلم الله اننى ماليش ذنب هى اللى ظهرت قدامى فجأة وحاولت اتفاداها عطيتها انوار وكلاكسات كتيرة وفرملت على اخر لحظة علشان مااذيهاش وده اللى خلانى اسجلها باسم اختى لحد ماتفوق وتعرفنا اهلها وساعتها بقى لو حبت تحرر محضر ضدى لها كامل الحرية انا ماحبيتش ازعجها اكتر من كدة بوجود البوليص والاسئلة اللى مش هتكون فى صالحها على الاقل دلوقت

كان يستمع له باهتمام وعندها رد اخيرا _اسمع ياسيدى كدة بقى مااستفدناش حاجة واضح ان المړيضة اتعرضت لصدمة نفسية قوية والعقل دخل فى حالة رفض للواقع وللحياة باكملها مش بتعانى من اى شئ حتى الچرح اللى وصلت بيه فى راسها ده چرح سطحى من اثر الخبطة بالعربية والحمد لله ان الخبطة ماكانتش قوية لكن دخولها فى الاغماء الطويل ده للاسف بارادتها وعلشان كدة لازم نقابل حد من اهلها يشرح لنا بالتحديد ايه اللى حصل لها فى الساعات اللى سبقت الحاډثة علشان نقدر نعالجها ونزرع فيها الامل من جديد علشان تقاوم وترجع للحياة

طيب دلوقت هنعمل ايه واحنا مش عارفين اى حاجة عنها حتى شنطتها اللى لاقوها معاها ماكانش فيها اى بيانات شخصية ولا تليفون محمول حتى نقدر نستدل بيه على اى احد من معارفها او قرايبها

بدا زياد يفرك جبهته يحاول ان يفكر بصورة افضل _للاسف مفيش الا حل واحد

طيب قول لى عليه الله يخليك انا حاسس بالذنب ناحيتها جدا حتى لو ماكنتش سبب مباشر فى اللى حصل لها بس على الاقل انا اتسببت فى حـ,ـادثتها

مفيش غير انك تستخلص ساعة او اثنين يوميا تزورها فيهم تحاول تتكلم معاها كأنك بتكلم نفسك بالظبط تحكى لها اى شئ او حتى موقف طريف حصل معاك انا متاكد انها هتستمع ليك وشوية شوية هتبدا تستجيب وهيبدا العقل ينشط من جديد وبامكانك ترجعها للحياة من تانى ها ايه رأيك .